উপনিষদ · Bṛhadāraṇyaka 3.6
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
Bṛhadāraṇyaka 3.6.1
(गार्गीब्राह्मणम्)
अथ हैनं गार्गी वाचक्नवी पप्रच्छ याज्ञवल्क्येति होवाच ।
यदिदं सर्वमप्स्वोतं च प्रोतं च कस्मिन्नु खल्वाप ओताश्च प्रोताश्चेति ।
वायौ गार्गीति ।
कस्मिन्नु खलु वायुरोतश्च प्रोतश्चेति ।
अन्तरिक्षलोकेषु गार्गीति ।
कस्मिन्नु खल्वन्तरिक्षलोका ओतश्च प्रोतश्चेति ।
गन्धर्वलोकेषु गार्गीति ।
कस्मिन्नु खलु गन्धर्वलोका ओताश्च प्रोताश्चेति ।
अदित्यलोकेषु गार्गीति ।
कस्मिन्नु खल्वादित्यलोका ओताश्च प्रोताश्चेति ।
चन्द्रलोकेषु गार्गीति ।
कस्मिन्नु खलु चन्द्रलोका ओताश्च प्रोताश्चेति ।
नक्षत्रलोकेषु गार्गीति ।
कस्मिन्नु खलु नक्षत्रलोका ओताश्च प्रोताश्चेति ।
देवलोकेषु गार्गीति ।
कस्मिन्नु खलु देवलोका ओताश्च प्रोताश्चेति ।
इन्द्रलोकेषु गार्गीति ।
कस्मिन्नु खल्विन्द्रलोका ओताश्च प्रोताश्चेति ।
प्रजापतिलोकेषु गार्गीति ।
कस्मिन्नु खलु प्रजापतिलोका ओताश्च प्रोताश्चेति ।
ब्रह्मलोकेषु गार्गीति ।
कस्मिन्नु खलु ब्रह्मलोका ओताश्च प्रोताश्चेति ।
स होवाच गार्गि मातिप्राक्षीः ।
मा ते मूर्धा व्यपप्तत् ।
अनतिप्रश्न्यां वै देवतामतिपृच्छसि ।
गार्गि मातिप्राक्षीरिति ।
ततो ह गार्गी वाचक्नव्युपरराम ॥ ३.६.१ ॥
তখন বাচক্নবীর কন্যা গার্গী যাজ্ঞবল্ক্যকে জিজ্ঞেস করলেন: "এই সমস্ত যা জলে ওতপ্রোত, সেই জল কিসে ওতপ্রোত?" "গার্গী, বায়ুতে।" "বায়ু কিসে ওতপ্রোত?" "গার্গী, অন্তরিক্ষলোকে।" এভাবে গন্ধর্বলোক, আদিত্যলোক, চন্দ্রলোক, নক্ষত্রলোক, দেবলোক, ইন্দ্রলোক, প্রজাপতিলোক, অবশেষে ব্রহ্মলোক পর্যন্ত প্রশ্ন চলল। তখন তিনি বললেন: "গার্গী, অতিরিক্ত প্রশ্ন করো না; তোমার মাথা ফেটে পড়তে পারে। যে দেবতা সম্পর্কে প্রশ্ন করা উচিত নয়, তুমি তাঁর সম্পর্কে অতিরিক্ত প্রশ্ন করছ। গার্গী, অতিরিক্ত প্রশ্ন করো না।" তারপর বাচক্নবীর কন্যা গার্গী নীরব হলেন।