Upaniṣaden · Bṛhadāraṇyaka 3.6

Bṛhadāraṇyaka 3.6.1

(गार्गीब्राह्मणम्)
अथ हैनं गार्गी वाचक्नवी पप्रच्छ याज्ञवल्क्येति होवाच ।
यदिदं सर्वमप्स्वोतं च प्रोतं च कस्मिन्नु खल्वाप ओताश्च प्रोताश्चेति ।
वायौ गार्गीति ।
कस्मिन्नु खलु वायुरोतश्च प्रोतश्चेति ।
अन्तरिक्षलोकेषु गार्गीति ।
कस्मिन्नु खल्वन्तरिक्षलोका ओतश्च प्रोतश्चेति ।
गन्धर्वलोकेषु गार्गीति ।
कस्मिन्नु खलु गन्धर्वलोका ओताश्च प्रोताश्चेति ।
अदित्यलोकेषु गार्गीति ।
कस्मिन्नु खल्वादित्यलोका ओताश्च प्रोताश्चेति ।
चन्द्रलोकेषु गार्गीति ।
कस्मिन्नु खलु चन्द्रलोका ओताश्च प्रोताश्चेति ।
नक्षत्रलोकेषु गार्गीति ।
कस्मिन्नु खलु नक्षत्रलोका ओताश्च प्रोताश्चेति ।
देवलोकेषु गार्गीति ।
कस्मिन्नु खलु देवलोका ओताश्च प्रोताश्चेति ।
इन्द्रलोकेषु गार्गीति ।
कस्मिन्नु खल्विन्द्रलोका ओताश्च प्रोताश्चेति ।
प्रजापतिलोकेषु गार्गीति ।
कस्मिन्नु खलु प्रजापतिलोका ओताश्च प्रोताश्चेति ।
ब्रह्मलोकेषु गार्गीति ।
कस्मिन्नु खलु ब्रह्मलोका ओताश्च प्रोताश्चेति ।
स होवाच गार्गि मातिप्राक्षीः ।
मा ते मूर्धा व्यपप्तत् ।
अनतिप्रश्न्यां वै देवतामतिपृच्छसि ।
गार्गि मातिप्राक्षीरिति ।
ततो ह गार्गी वाचक्नव्युपरराम ॥ ३.६.१ ॥

Darauf fragte Gārgī Vācaknavī: "Da all dies in den Wassern gewoben und durchwirkt ist, worin sind die Wasser gewoben und durchwirkt?" "Im Wind, Gārgī." "Worin ist der Wind gewoben und durchwirkt?" "In den Welten des Luftraums, Gārgī." "Worin sind die Welten des Luftraums gewoben und durchwirkt?" "In den Welten der Gandharvas, Gārgī." Die Fragen setzten sich fort durch die Welten der Sonne, des Mondes, der Sterne, der Götter, Indras, Prajāpatis und schließlich die Welt Brahmās. Da sprach er: "Gārgī, frage nicht zu weit, damit dir nicht der Kopf zerspringt. Du fragst zu weit nach einer Gottheit, nach der man nicht so sehr fragen soll. Gārgī, frage nicht zu weit." Da schwieg Gārgī Vācaknavī.