梨俱吠陀 · 赞歌 10.163

10.163.1

अ॒क्षीभ्यां॑ ते॒ नासि॑काभ्यां॒ कर्णा॑भ्यां॒ छुबु॑का॒दधि॑ ।
यक्ष्मं॑ शीर्ष॒ण्यं॑ म॒स्तिष्का॑ज्जि॒ह्वाया॒ वि वृ॑हामि ते ॥

从你的双眼、鼻孔、耳朵，以及下巴之上，从头部的那消耗之病，从脑髓和舌头，我将它从你身上驱除。

ग्री॒वाभ्य॑स्त उ॒ष्णिहा॑भ्यः॒ कीक॑साभ्यो अनू॒क्या॑त् ।
यक्ष्मं॑ दोष॒ण्य॑मंसा॑भ्यां बा॒हुभ्यां॒ वि वृ॑हामि ते ॥

从你的颈项、乌须呵部位、枯骨部位以及后颈，肩中的那消耗之病，从两肩和两臂，我将它从你身上驱除。

आ॒न्त्रेभ्य॑स्ते॒ गुदा॑भ्यो वनि॒ष्ठोर्हृद॑या॒दधि॑ ।
यक्ष्मं॒ मत॑स्नाभ्यां य॒क्नः प्ला॒शिभ्यो॒ वि वृ॑हामि ते ॥

从你的肠子、臀部、脾脏和心上，那疾病，从两个马塔斯纳、肝脏和普拉希叶中，我将它从你身上驱除。

ऊ॒रुभ्यां॑ ते अष्ठी॒वद्भ्यां॒ पार्ष्णि॑भ्यां॒ प्रप॑दाभ्याम् ।
यक्ष्मं॒ श्रोणि॑भ्यां॒ भास॑दा॒द्भंस॑सो॒ वि वृ॑हामि ते ॥

从你的大腿、膝关节、脚跟和脚掌，那疾病，从髋部、臀部和下躯干，我将它从你身上驱除。

मेह॑नाद्वनं॒कर॑णा॒त्लोम॑भ्यस्ते न॒खेभ्यः॑ ।
यक्ष्मं॒ सर्व॑स्मादा॒त्मन॒स्तमि॒दं वि वृ॑हामि ते ॥

从小便、生殖器、体毛和你的指甲中，那疾病；从一切之中，从你自己的身体，就是这个，我将它从你身上驱除。

अङ्गा॑दङ्गा॒ल्लोम्नो॑लोम्नो जा॒तं पर्व॑णिपर्वणि ।
यक्ष्मं॒ सर्व॑स्मादा॒त्मन॒स्तमि॒दं वि वृ॑हामि ते ॥

从肢体到肢体，从关节到关节，在每个关节中生成的那疾病；从一切之中，从你自己的身体，就是这个，我将它从你身上驱除。