梨俱吠陀 · 赞歌 1.60

1.60.1

वह्निं॑ य॒शसं॑ वि॒दथ॑स्य के॒तुं सु॑प्रा॒व्यं॑ दू॒तं स॒द्योअ॑र्थम् ।
द्वि॒जन्मा॑नं र॒यिमि॑व प्रश॒स्तं रा॒तिं भ॑र॒द्भृग॑वे मात॒रिश्वा॑ ॥

火神，祭祀的荣耀、旗帜与疾速的使者，易于守护，再生者，如受赞美的财富，摩多利斯飚将他作为礼物带给了婆利古。

अ॒स्य शासु॑रु॒भया॑सः सचन्ते ह॒विष्म॑न्त उ॒शिजो॒ ये च॒ मर्ताः॑ ।
दि॒वश्चि॒त्पूर्वो॒ न्य॑सादि॒ होता॒पृच्छ्यो॑ वि॒श्पति॑र्वि॒क्षु वे॒धाः ॥

两类献祭者，即携带供品者与名为乌希特的凡人，都侍奉他的教导。他先于天空而存在，是值得询问的祭司，族群之主与安排者，被安置在众族之中。

तं नव्य॑सी हृ॒द आ जाय॑मानम॒स्मत्सु॑की॒र्तिर्मधु॑जिह्वमश्याः ।
यमृ॒त्विजो॑ वृ॒जने॒ मानु॑षासः॒ प्रय॑स्वन्त आ॒यवो॒ जीज॑नन्त ॥

愿他从新的心中诞生，从我们这里获得美好的名声，舌如蜜甘。那位被祭司、凡人、以赞歌献祭的施主在竞争中点燃的神。

उ॒शिक्पा॑व॒को वसु॒र्मानु॑षेषु॒ वरे॑ण्यो॒ होता॑धायि वि॒क्षु ।
दमू॑ना गृ॒हप॑ति॒र्दम॒ आँ अ॒ग्निर्भु॑वद्रयि॒पती॑ रयी॒णाम् ॥

乌希特、净化者、富有、在凡人中值得选取的祭司，被安置在众族之中。成为房屋之主、家庭之主，在家中成为火神，成为财富之主。

तं त्वा॑ व॒यं पति॑मग्ने रयी॒णां प्र शं॑सामो म॒तिभि॒र्गोत॑मासः ।
आ॒शुं न वा॑जम्भ॒रं म॒र्जय॑न्तः प्रा॒तर्म॒क्षू धि॒याव॑सुर्जगम्यात् ॥

火神啊，财富之主，我们瞿昙氏以颂歌赞美你。如疾驰的骏马，使赐予力量者欢喜，愿富于智慧者在清晨迅速到来。