Mahābhārata · Adhyāya 1.131
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.131.1
ज्येष्ठाऽनुज्येष्ठतां तेषां नामानि च पृथक्पृथक् ।
धृतराष्ट्रस्य पुत्राणामानुपूर्व्यात्प्रकीर्तय ॥ १.१३१.१ ॥
Recite their names one by one, in the order from eldest to youngest, the sons of Dhṛtarāṣṭra in due sequence.
1.131.2
दुर्योधनो युयुत्सुश्च राजन्दुःशासनस्तथा ।
दुःसहो दुःशलश्चैव जलसन्धः समः सहः ॥ १.१३१.२ ॥
Duryodhana, Yuyutsu, O king, Duḥśāsana, likewise Duḥsaha and Duḥśala, Jalasandha, Sama and Saha.
1.131.3
विन्दानुविन्दौ दुर्धर्षः सुबाहुर्दुष्प्रधर्षणः ।
दुर्मर्षणो दुर्मुखश्च दुष्कर्णः कर्ण एव च ॥ १.१३१.३ ॥
Vinda and Anuvinda, Durdharṣa, Subāhu, Duṣpradharṣaṇa, Durmarṣaṇa, Durmukha, Duṣkarṇa, and indeed Karṇa.
1.131.4
विविंशतिर्विकर्णश्च शलः सत्वः सुलोचनः ।
चित्रोपचित्रौ चित्राक्षश्चारुचित्रः शरासनः ॥ १.१३१.४ ॥
Vivinśati, Vikarṇa, Śala, Satva, Sulocana, Citra and Upacitra, Citrākṣa, Cārucitra, and Śarāsana.
1.131.5
दुर्मदो दुर्विगाहश्च विवित्सुर्विकटाननः ।
ऊर्णनाभः सुनाभश्च तथा नन्दोपनन्दकौ ॥ १.१३१.५ ॥
Durmada, Durvigāha, Vivitsu, Vikaṭānana, Ūrṇanābha, Sunābha, and likewise Nanda and Upananda.
1.131.6
चित्रबाणश्चित्रवर्मा सुवर्मा दुर्विमोचनः ।
अयोबाहुर्महाबाहुश्चित्राङ्गश्चित्रकुण्डलः ॥ १.१३१.६ ॥
Citrabāṇa, Citravarmā, Suvarmā, Durvimocana, Ayobāhu, Mahābāhu, Citrāṅga, and Citrakuṇḍala.
1.131.7
भीमवेगो भीमबलो बलाकी बलवर्धनः ।
उग्रायुधः सुषेणश्च कुण्डधारो महोदरः ॥ १.१३१.७ ॥
Bhīmavega, Bhīmabala, Balākī, Balavardhana, Ugrāyudha, Suṣeṇa, Kuṇḍadhāra and Mahodara.
1.131.8
चित्रायुधो निषङ्गी च पाशी वृन्दारकस्तथा ।
दृढवर्मा दृढक्षत्रः सोमकीर्तिरनूदरः ॥ १.१३१.८ ॥
Citrāyudha, Niṣaṅgī, Pāśī, Vṛndāraka, Dṛḍhavarmā, Dṛḍhakṣatra, Somakīrti and Anūdara.
1.131.9
दृढसन्धो जरासन्धः सत्यसन्धः सदः सुवाक् ।
उग्रश्रवा उग्रसेनः सेनानीर्दुष्पराजयः ॥ १.१३१.९ ॥
Dṛḍhasandha, Jarāsandha, Satyasandha, Sada, Suvāk, Ugraśravā, Ugrasena, the army leader, and Duṣparājaya.
1.131.10
अपराजितः कुण्डशायी विशालाक्षो दुराधरः ।
दृढहस्तः सुहस्तश्च वातवेगसुवर्चसौ ॥ १.१३१.१० ॥
Aparājita, Kuṇḍaśāyī, Viśālākṣa, Durādhara, Dṛḍhahasta, Suhasta, Vātavega and Suvarcas.
1.131.11
आदित्यकेतुर्बह्वाशी नागदत्तोऽग्रयाय्यपि ।
कवची क्रथनः कुण्डी कुण्डधारो धनुर्धरः ॥ १.१३१.११ ॥
Ādityaketu, Bahvāśī, Nāgadatta, also Agrayāyī, Kavacī, Krathana, Kuṇḍī, Kuṇḍadhāra and the archer Dhanurdhara.
1.131.12
उग्रभीमरथौ वीरौ वीरबाहुरलोलुपः ।
अभयो रौद्रकर्मा च तथा दृढरथाश्रयः ॥ १.१३१.१२ ॥
The two heroes Ugra and Bhīmaratha, Vīrabāhu, Alolupa, Abhaya, Raudrakarmā and Dṛḍharathāśraya.
1.131.13
अनाधृष्यः कुण्डभेदी विरावी चित्रकुण्डलः ।
प्रमथश्च प्रमाथी च दीर्घरोमश्च वीर्यवान् ॥ १.१३१.१३ ॥
Anādhṛṣya, Kuṇḍabhedī, Virāvī, Citrakuṇḍala, Pramatha, Pramāthī, Dīrgharoma and the mighty Vīryavān.
1.131.14
दीर्घबाहुर्महाबाहुर्व्यूढोराः कनकध्वजः ।
कुण्डाशी विराजाश्चैव दुःशला च शताधिका ॥ १.१३१.१४ ॥
Dīrghabāhu, Mahābāhu, Vyūḍhoraska, Kanakadhvaja, Kuṇḍāśī, Virājā and Duḥśalā, more than a hundred in all.
1.131.15
इति पुत्रशतं राजन्कन्या चैव शताधिका ।
नामधेयानुपूर्व्येण विद्धि जन्मक्रमं नृप ॥ १.१३१.१५ ॥
Thus, O king, there were a hundred sons and one daughter besides. O lord of men, know their order of birth by the sequence of their names.
1.131.16
सर्वे त्वतिरथाः शूराः सर्वे युद्धविशारदाः ।
सर्वे वेदविदश्चैव सर्वे सर्वास्त्रकोविदाः ॥ १.१३१.१६ ॥
All of them were great chariot-warriors and heroes, all skilled in battle, all knowers of the Vedas, and all expert in every weapon.
1.131.17
सर्वेषामनुरूपाश्च कृता दारा महीपते ।
धृतराष्ट्रेण समये परीक्ष्य विविवन्नृप ॥ १.१३१.१७ ॥
For all of them, O lord of the earth, Dhṛtarāṣṭra, in due time, having examined them, arranged fitting wives.
1.131.18
दुःशलां चापि समये धृतराष्ट्रो नराधिपः ।
जयद्रथाय प्रददौ विधिना भरतर्षभ ॥ १.१३१.१८ ॥
Dhṛtarāṣṭra, lord of men, in due time gave Duḥśalā also to Jayadratha according to rite, O bull of the Bharatas.
1.131.19
इति पुत्रशतं राजन्युयुत्सुश्च शताधिकः ।
कन्यका दुःशला चैव यथावत्कीर्तितं मया ॥ १.१३१.१९ ॥
Thus, O king, the hundred sons, Yuyutsu who was more than a hundred, and the daughter Duḥśalā — I have recounted them all as they were.