ヴァールミーキのラーマーヤナ · サルガ 2.8
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
2.8.1
मन्थरा त्वभ्यसूय्यैनामुत्सृज्याभरणं हि तत्।
उवाचेदं ततो वाक्यं कोपदुःखसमन्विता ॥ २.८.१ ॥
マンタラーは嫉妬のまなざしで彼女を見て、その装飾品を投げ捨て、怒りと悲しみに満ちて、このように言った。
2.8.2
हर्षं किमर्थमस्थाने कृतवत्यसि बालिशे।
शोकसागरमध्यस्थं नात्मानमवबुध्यसे ॥ २.८.२ ॥
愚かな女よ、なぜ不相応な場所で喜んでいるのか。悲しみの海の只中に立つ自分に気づいていないのか。
2.8.3
मनसा प्रसहामि त्वां देवि दुःखार्दिता सती।
यच्छोचितव्ये हृष्टासि प्राप्य त्वं व्यसनं महत् ॥ २.८.३ ॥
王妃よ、悲しみに苦しみながら、私は心の中であなたのために嘆いています。嘆くべきことを喜んでいるのですね、大きな災いに遭いながら。
2.8.4
शोचामि दुर्मतित्वं ते का हि प्राज्ञा प्रहर्षयेत्।
अरेः सपत्नीपुत्रस्य वृद्धिं मृत्योरिवागताम् ॥ २.८.४ ॥
あなたの愚かな心を私は嘆きます。どの賢い女が、敵である妾腹の子の栄達を、死のように訪れたその栄達を喜ぶだろうか。
2.8.5
भरतादेव रामस्य राज्यसाधारणाद् भयम्।
तद् विचिन्त्य विषण्णास्मि भयं भीताद्धि जायते ॥ २.८.५ ॥
王国を共有しているため、ラーマにとっての恐れはまさにバラタから生じるのです。そう考えて私は意気消沈しています。恐れは怯える者から生じるのですから。
2.8.6
लक्ष्मणो हि महाबाहू रामं सर्वात्मना गतः।
शत्रुघ्नश्चापि भरतं काकुत्स्थं लक्ष्मणो यथा ॥ २.८.६ ॥
剛腕のラクシュマナはラーマに全身全霊で仕えています。シャトゥルグナもまたバラタに同じように仕え、ちょうどラクシュマナがカークツトスタのラーマに仕えるように。
2.8.7
प्रत्यासन्नक्रमेणापि भरतस्यैव भामिनि।
राज्यक्रमो विसृष्टस्तु तयोस्तावद्यवीयसोः ॥ २.८.७ ॥
ああ、麗しき方よ、近さの順からしても王位の継承はバラタのものです。しかしあの二人の年少者のために、その順序は今や捨て置かれました。
2.8.8
विदुषः क्षत्रचारित्रे प्राज्ञस्य प्राप्तकारिणः।
भयात् प्रवेपे रामस्य चिन्तयन्ती तवात्मजम् ॥ २.८.८ ॥
武士の振る舞いに通じ、賢く、時を得て行動するラーマへの恐れから、あなたの息子を案じて彼女は震えた。
2.8.9
सुभगा किल कौसल्या यस्याः पुत्रोऽभिषेक्ष्यते।
यौवराज्येन महता श्वः पुष्येण द्विजोत्तमैः ॥ २.८.९ ॥
カウシャーリヤーは実に幸せです。明日、プシュヤの星宿のもとで、その息子が最も優れたバラモンたちによって、偉大な皇太子の位に灌頂されるのですから。
2.8.10
प्राप्तां वसुमतीं प्रीतिं प्रतीतां हतविद्विषम्।
उपस्थास्यसि कौसल्यां दासीवत् त्वं कृताञ्जलिः ॥ २.८.१० ॥
大地を得て喜び安らかになり、敵を滅ぼし終えたカウシャーリヤーに、あなたは合掌して侍女のように仕えることになるでしょう。
2.8.11
एवं च त्वं सहास्माभिस्तस्याः प्रेष्या भविष्यसि।
पुत्रश्च तव रामस्य प्रेष्यत्वं हि गमिष्यति ॥ २.८.११ ॥
こうしてあなたも私たちと共に彼女の侍女となり、あなたの息子もラーマの従僕となるでしょう。
2.8.12
हृष्टाः खलु भविष्यन्ति रामस्य परमाः स्त्रियः।
अप्रहृष्टा भविष्यन्ति स्नुषास्ते भरतक्षये ॥ २.८.१२ ॥
ラーマの最も高貴な妃たちは確かに喜ぶでしょう。しかしバラタの没落に、あなたの息子の妃たちは喜ばないでしょう。
2.8.13
तां दृष्ट्वा परमप्रीतां ब्रुवन्तीं मन्थरां ततः।
रामस्यैव गुणान् देवी कैकेयी प्रशशंस ह ॥ २.८.१३ ॥
非常に喜んで話しているマンタラーを見て、そのときデーヴィーのカイケーイーはラーマの徳をほめたたえた。
2.8.14
धमर्ज्ञो गुणवान् दान्तः कृतज्ञः सत्यवान् शुचिः।
रामो राजसुतो ज्येष्ठो यौवराज्यमतोऽर्हति ॥ २.८.१४ ॥
法を知り、徳があり、自制し、恩を知り、真実を語り、清らかな王子の長子ラーマこそ、ゆえに太子の位にふさわしい。
2.8.15
भ्रातॄन् भृत्यांश्च दीर्घायुः पितृवत् पालयिष्यति।
संतप्यसे कथं कुब्जे श्रुत्वा रामाभिषेचनम् ॥ २.८.१५ ॥
長寿のラーマは兄弟と従者を父のように守るだろう。せむしよ、ラーマの即位を聞いてなぜ悲しむのか。
2.8.16
भरतश्चापि रामस्य ध्रुवं वर्षशतात् परम्।
पितृपैतामहं राज्यमवाप्स्यति नरर्षभः ॥ २.८.१६ ॥
バラタもまたラーマより百年後に、必ず父祖の王国を得るだろう、この人中の牡牛は。
2.8.17
सा त्वमभ्युदये प्राप्ते दह्यमानेव मन्थरे।
भविष्यति च कल्याणे किमिदं परितप्यसे ॥ २.८.१७ ॥
マンタラーよ、栄えの時が来たというのに、なぜ焼かれるように苦しむのか。これは吉となるのに、なぜそれを悩むのか。
2.8.18
यथा वै भरतो मान्यस्तथा भूयोऽपि राघवः।
कौसल्यातोऽतिरिक्तं च मम शुश्रूषते बहु ॥ २.८.१८ ॥
バラタが私に尊ばれるように、ラーガヴァもまた尊ばれる。そしてラーマはカウサリヤー以上に私によく仕えてくれる。
2.8.19
राज्यं यदि हि रामस्य भरतस्यापि तत् तदा।
मन्यते हि यथाऽऽत्मानं यथा भ्रातॄंस्तु राघवः ॥ २.८.१९ ॥
もしラーマの王国ならば、それはバラタのものでもある。ラーガヴァ（ラーマ）が自分を思うように、兄弟たちをも思うのだ。
2.8.20
कैकेय्या वचनं श्रुत्वा मन्थरा भृशदुःखिता।
दीर्घमुष्णं विनिःश्वस्य कैकेयीमिदमब्रवीत् ॥ २.८.२० ॥
カイケーイーの言葉を聞いて、マンタラーは深く悲しんだ。長く熱いため息をついて、彼女はカイケーイーにこう言った。
2.8.21
अनर्थदर्शिनी मौर्ख्यान्नात्मानमवबुध्यसे।
शोकव्यसनविस्तीर्णे मज्जन्ती दुःखसागरे ॥ २.८.२१ ॥
災いしか見ない者よ、愚かさゆえに自分の状況が分からない。悲しみと災難に満ちた苦しみの海に沈みつつあるのだ。
2.8.22
भविता राघवो राजा राघवस्य च यः सुतः।
राजवंशात्तु भरतः कैकेयि परिहास्यते ॥ २.८.२२ ॥
ラーガヴァ（ラーマ）が王となり、ラーガヴァの息子が次の王となるだろう。カイケーイーよ、バラタは王家から外されるのだ。
2.8.23
नहि राज्ञः सुताः सर्वे राज्ये तिष्ठन्ति भामिनि।
स्थाप्यमानेषु सर्वेषु सुमहाननयो भवेत् ॥ २.८.२३ ॥
ご婦人よ、王のすべての息子が王国にとどまるわけではない。もし全員を位につけたなら、大いなる災いが生じるだろう。
2.8.24
तस्माज्ज्येष्ठे हि कैकेयि राज्यतन्त्राणि पार्थिवाः।
स्थापयन्त्यनवद्याङ्गि गुणवत्स्वितरेष्वपि ॥ २.८.२४ ॥
それゆえ、カイケーイーよ、欠点のない肢体の女よ。王たちは国政の重荷を長男に託し、また他の徳ある者にも託すのだ。
2.8.25
असावत्यन्तनिर्भग्नस्तव पुत्रो भविष्यति।
अनाथवत् सुखेभ्यश्च राजवंशाच्च वत्सले ॥ २.८.२५ ॥
愛しい人よ、彼は庇護者のない者のように、幸福からも王統からも断たれて、すっかり零落するでしょう。
2.8.26
साहं त्वदर्थे सम्प्राप्ता त्वं तु मां नावबुद्ध्यसे।
सपत्निवृद्धौ या मे त्वं प्रदेयं दातुमर्हसि ॥ २.८.२६ ॥
あなたのためにこそ私はこうなったのに、あなたは私を分かってくれない。恋敵が栄える時に私に与えるべきものを、あなたは与えるべきです。
2.8.27
ध्रुवं तु भरतं रामः प्राप्य राज्यमकण्टकम्।
देशान्तरं नाययिता लोकान्तरमथापि वा ॥ २.८.२७ ॥
ラーマは棘のない王国を得た後、きっとバラタを他国へ追いやるか、あるいは冥界へ送るでしょう。
2.8.28
बाल एव तु मातुल्यं भरतो नायितस्त्वया।
संनिकर्षाच्च सौहार्दं जायते स्थावरेष्विव ॥ २.८.२८ ॥
幼いころから、あなたはバラタを母方の親族のもとへ遣わさなかった。愛情は身近さから生まれるのです。動かぬものたちの間にそれが生じるように。
2.8.29
भरतानुवशात् सोऽपि शत्रुघ्नस्तत्समं गतः।
लक्ष्मणो हि यथा रामं तथायं भरतं गतः ॥ २.८.२९ ॥
バラタに従うことで、シャトルグナもまた彼と同じようになった。ラクシュマナがラーマに従ったように、この者はバラタに従ったのだ。
2.8.30
श्रूयते हि द्रुमः कश्चिच्छेत्तव्यो वनजीवनैः।
संनिकर्षादिषीकाभिर्मोचितः परमाद् भयात् ॥ २.८.३० ॥
ある木は森の住人に切り倒されるはずだったと聞く。近くに生えていたため、葦の助けによって大きな危難から救われたという。
2.8.31
गोप्ता हि रामं सौमित्रिर्लक्ष्मणं चापि राघवः।
अश्विनोरिव सौभ्रात्रं तयोर्लोकेषु विश्रुतम् ॥ २.८.३१ ॥
確かに、スミトラーの子は ラーマを守り、ラーガヴァ（ラーマ）もまたラクシュマナを守るであろう。双子のアシュヴィンのような彼らの兄弟愛は、諸世界に名高い。
2.8.32
तस्मान्न लक्ष्मणे रामः पापं किंचित् करिष्यति।
रामस्तु भरते पापं कुर्यादेव न संशयः ॥ २.८.३२ ॥
ゆえにラーマはラクシュマナに何の悪事も働かないであろう。しかしラーマはバラタに悪事を働くかもしれない——疑いはない。
2.8.33
तस्माद् राजगृहादेव वनं गच्छतु राघवः।
एतद्धि रोचते मह्यं भृशं चापि हितं तव ॥ २.८.३३ ॥
ゆえにラーガヴァは王宮から直ちに森へ行くがよい。これは私にとって大いに喜ばしく、あなたにとっても大いに益となる。
2.8.34
एवं ते ज्ञातिपक्षस्य श्रेयश्चैव भविष्यति।
यदि चेद् भरतो धर्मात् पित्र्यं राज्यमवाप्स्यति ॥ २.८.३४ ॥
このようにして、バラタが正法によって父の王国を得るならば、あなたの一族にも幸福が訪れるであろう。
2.8.35
स ते सुखोचितो बालो रामस्य सहजो रिपुः।
समृद्धार्थस्य नष्टार्थो जीविष्यति कथं वशे ॥ २.८.३५ ॥
安楽に育ったあなたの息子は、ラーマの生まれながらの敵である。繁栄した者の支配下で、目的を失って、どうして生き延びられようか。
2.8.36
अभिद्रुतमिवारण्ये सिंहेन गजयूथपम्।
प्रच्छाद्यमानं रामेण भरतं त्रातुमर्हसि ॥ २.८.३६ ॥
森で獅子に追われる象群の長のように、ラーマに圧倒されているバラタを、あなたは守るべきです。
2.8.37
दर्पान्निराकृता पूर्वं त्वया सौभाग्यवत्तया।
राममाता सपत्नी ते कथं वैरं न यापयेत् ॥ २.८.३७ ॥
かつて傲慢さから、幸運な寵妃であることを笠に着て、お前が退けた人、ラーマの母、お前の共同の妻が、どうして恨みを捨て置くことがあろうか。
2.8.38
यदा च रामः पृथिवीमवाप्स्यते
प्रभूतरत्नाकरशैलसंयुताम्।
तदा गमिष्यस्यशुभं पराभवं
सहैव दीना भरतेन भामिनि ॥ २.८.३८ ॥
ラーマが宝石の鉱山と山々に富んだこの大地を得るとき、ああ夫人よ、お前はバラタとともに惨めに、不吉な没落へと陥るだろう。
2.8.39
यदा हि रामः पृथिवीमवाप्स्यते
ध्रुवं प्रणष्टो भरतो भविष्यति।
अतो हि संचिन्तय राज्यमात्मजे
परस्य चैवास्य विवासकारणम् ॥ २.८.३९ ॥
ラーマが大地を得れば、バラタは必ず滅びるだろう。だから、お前の息子のために王国をよく考えよ。そしてこの別の者が追放される理由もよく考えよ。