リグ・ヴェーダ · スークタ 10.165

10.165.1

देवाः॑ क॒पोत॑ इषि॒तो यदि॒च्छन्दू॒तो निरृ॑त्या इ॒दमा॑ज॒गाम॑ ।
तस्मा॑ अर्चाम कृ॒णवा॑म॒ निष्कृ॑तिं॒ शं नो॑ अस्तु द्वि॒पदे॒ शं चतु॑ष्पदे ॥

神々よ、ニルリティの使者として遣わされた鳩がここに来た。それのために我らは讃え、払いの供犠を行おう。二足のものに安寧があれ、四足のものにも安寧があれ。

शि॒वः क॒पोत॑ इषि॒तो नो॑ अस्तु अना॒गा दे॑वाः शकु॒नो गृ॒हेषु॑ ।
अ॒ग्निर्हि विप्रो॑ जु॒षतां॑ ह॒विर्नः॒ परि॑ हे॒तिः प॒क्षिणी॑ नो वृणक्तु ॥

遣わされた鳩が我らにとって吉祥であれ。神々よ、家々の鳥であっても我らを害することなかれ。賢きアグニよ、まさに我らの供物を受けたまえ。翼ある矢が我らの周りから退けられんことを。

हे॒तिः प॒क्षिणी॒ न द॑भात्य॒स्माना॒ष्ट्र्यां प॒दं कृ॑णुते अग्नि॒धाने॑ ।
शं नो॒ गोभ्य॑श्च॒ पुरु॑षेभ्यश्चास्तु॒ मा नो॑ हिंसीदि॒ह दे॑वाः क॒पोतः॑ ॥

翼ある矢が我らを打ちませんように。それは火処に足を踏み入れる。牛と人々に安寧があれ。神々よ、ここでこの鳩が我らを害しませんように。

यदुलू॑को॒ वद॑ति मो॒घमे॒तद्यत्क॒पोतः॑ प॒दम॒ग्नौ कृ॒णोति॑ ।
यस्य॑ दू॒तः प्रहि॑त ए॒ष ए॒तत्तस्मै॑ य॒माय॒ नमो॑ अस्तु मृ॒त्यवे॑ ॥

梟がこの虚しい言葉を発し、鳩が火に足を置くとき。この使者を遣わされたヤマに礼拝あれ、死神に礼拝あれ。

ऋ॒चा क॒पोतं॑ नुदत प्र॒णोद॒मिषं॒ मद॑न्तः॒ परि॒ गां न॑यध्वम् ।
सं॒यो॒पय॑न्तो दुरि॒तानि॒ विश्वा॑ हि॒त्वा न॒ ऊर्जं॒ प्र प॑ता॒त्पति॑ष्ठः ॥

歌によって鳩を追い払え。追いながら喜びのうちに牛を周りへ導け。すべての悪を集めて捨て去り、我らの力が増しますように。主よ、飛び去りたまえ。