ヴァールミーキのラーマーヤナ · サルガ 2.46
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
2.46.1
ततस्तु तमसातीरं रम्यमाश्रित्य राघवः।
सीतामुद्वीक्ष्य सौमित्रिमिदं वचनमब्रवीत् ॥ २.४६.१ ॥
そこでラーガヴァ（ラーマ）は麗しいタマサーの岸に着き、シーターを見て、サウミトリ（ラクシュマナ）にこの言葉を告げた。
2.46.2
इयमद्य निशा पूर्वा सौमित्रे प्रहिता वनम्।
वनवासस्य भद्रं ते न चोत्कण्ठितुमर्हसि ॥ २.४६.२ ॥
サウミトリよ、今夜は森での流浪の最初の夜だ。お前に幸あれ。故郷を恋い慕ってはならない。
2.46.3
पश्य शून्यान्यरण्यानि रुदन्तीव समन्ततः।
यथानिलयमायद्भिर्निलीनानि मृगद्विजैः ॥ २.४६.३ ॥
見てごらん、四方の人気のない森はまるで泣いているようだ。巣へ帰った鹿や鳥たちがそこに身を潜めている。
2.46.4
अद्यायोध्या तु नगरी राजधानी पितुर्मम।
सस्त्रीपुंसा गतानस्मान् शोचिष्यति न संशयः ॥ २.४६.४ ॥
今日、父の都アヨーディヤーは男女もろともに、我々が去ったことを嘆くことだろう。疑いはない。
2.46.5
अनुरक्ता हि मनुजा राजानं बहुभिर्गुणैः।
त्वां च मां च नरव्याघ्र शत्रुघ्नभरतौ तथा ॥ २.४६.५ ॥
人々は王の数多くの徳ゆえに王を慕っており、同様にお前にも、私にも、シャトルグナとバラタにも慕われている、人中の虎よ。
2.46.6
पितरं चानुशोचामि मातरं च यशस्विनीम्।
अपि नान्धौ भवेतां नौ रुदन्तौ तावभीक्ष्णशः ॥ २.४६.६ ॥
私は父と誉れ高い母のことを嘆く。我々のために絶えず泣いて、二人が盲目になりはしないかと。
2.46.7
भरतः खलु धर्मात्मा पितरं मातरं च मे।
धर्मार्थकामसहितैर्वाक्यैराश्वासयिष्यति ॥ २.४६.७ ॥
義の心を持つバラタは、必ず法・利・欲に満ちた言葉で父と母を慰めるだろう。
2.46.8
भरतस्यानृशंसत्वं संचिन्त्याहं पुनः पुनः।
नानुशोचामि पितरं मातरं च महाभुज ॥ २.४६.८ ॥
ああ、大いなる腕の人よ。バラタの慈しみを何度も思い返すので、私は父と母のために嘆かない。
2.46.9
त्वया कार्यं नरव्याघ्र मामनुव्रजता कृतम्।
अन्वेष्टव्या हि वैदेह्या रक्षणार्थं सहायता ॥ २.४६.९ ॥
人中の虎よ、私に従ってきたことで、お前はすでに務めを果たした。ヴァイデーヒーを守るため、必ず助けを求めねばならない。
2.46.10
अद्भिरेव हि सौमित्रे वत्स्याम्यद्य निशामिमाम्।
एतद्धि रोचते मह्यं वन्येऽपि विविधे सति ॥ २.४६.१० ॥
スミトラーの子よ、今夜私はただ水だけで過ごそう。森には様々なものがあるけれど、これが私の望みだ。
2.46.11
एवमुक्त्वा तु सौमित्रिं सुमन्त्रमपि राघवः।
अप्रमत्तस्त्वमश्वेषु भव सौम्येत्युवाच ह ॥ २.४६.११ ॥
ラクシュマナにこう告げた後、ラーガヴァはスマントラにも言った。「善き者よ、馬の世話に気を配れ。」
2.46.12
सोऽश्वान् सुमन्त्रः संयम्य सूर्येऽस्तं समुपागते।
प्रभूतयवसान् कृत्वा बभूव प्रत्यनन्तरः ॥ २.४६.१२ ॥
日が沈もうとするころ、スマントラは馬を制し、たっぷりの秣を与えて、そのそばに控えていた。
2.46.13
उपास्य तु शिवां संध्यां दृष्ट्वा रात्रिमुपागताम्।
रामस्य शयनं चक्रे सूतः सौमित्रिणा सह ॥ २.४६.१३ ॥
吉祥な黄昏の礼拝を終え、夜が来たのを見て、御者スマントラはサウミトリ（ラクシュマナ）とともにラーマのために寝床を整えた。
2.46.14
तां शय्यां तमसातीरे वीक्ष्य वृक्षदलैर्वृताम्।
रामः सौमित्रिणा सार्धं सभार्यः संविवेश ह ॥ २.४६.१४ ॥
タマサー河岸の、木の葉で覆われた寝床を見て、ラーマはサウミトリ（ラクシュマナ）と妻とともにそこに横たわった。
2.46.15
सभार्यं सम्प्रसुप्तं तु श्रान्तं सम्प्रेक्ष्य लक्ष्मणः।
कथयामास सूताय रामस्य विविधान् गुणान् ॥ २.४६.१५ ॥
妻とともに深く眠り、疲れ果てたラーマを見て、ラクシュマナは御者にラーマの数々の徳を語った。
2.46.16
जाग्रतोरेव तां रात्रिं सौमित्रेरुदितो रविः।
सूतस्य तमसातीरे रामस्य ब्रुवतो गुणान् ॥ २.४६.१६ ॥
タマサー河岸で、サウミトリと御者が目覚めたまま、ラーマの徳を語り続けているうちに、その夜は明け、太陽が昇った。
2.46.17
गोकुलाकुलतीरायास्तमसाया विदूरतः।
अवसत् तत्र तां रात्रिं रामः प्रकृतिभिः सह ॥ २.४६.१७ ॥
牛の群れで混み合う岸を持つタマサー川から少し離れた所で、ラーマは民とともにその夜をそこで過ごした。
2.46.18
उत्थाय च महातेजाः प्रकृतीस्ता निशाम्य च।
अब्रवीद् भ्रातरं रामो लक्ष्मणं पुण्यलक्षणम् ॥ २.४६.१८ ॥
偉大な輝きのラーマは立ち上がり、その民を見て、吉相をもつ弟ラクシュマナに語った。
2.46.19
अस्मद्व्यपेक्षान् सौमित्रे निर्व्यपेक्षान् गृहेष्वपि।
वृक्षमूलेषु संसक्तान् पश्य लक्ष्मण साम्प्रतम् ॥ २.४६.१९ ॥
サウミトリよ、見よ、ラクシュマナ。我らにのみ頼って家を捨てた者たちが、今や木の根元にすがりついている。
2.46.20
यथैते नियमं पौराः कुर्वन्त्यस्मन्निवर्तने।
अपि प्राणान् न्यसिष्यन्ति न तु त्यक्ष्यन्ति निश्चयम् ॥ २.४६.२० ॥
この都の人々が我らの引き返しについて誓いを立てているように、彼らは命を賭けても、決意を捨てることはないだろう。
2.46.21
यावदेव तु संसुप्तास्तावदेव वयं लघु।
रथमारुह्य गच्छामः पन्थानमकुतोभयम् ॥ २.४६.२१ ॥
彼らが深く眠っているうちに、速やかに戦車に乗り、恐れのない道を進もう。
2.46.22
अतो भूयोऽपि नेदानीमिक्ष्वाकुपुरवासिनः।
स्वपेयुरनुरक्ता मा वृक्षमूलेषु संश्रिताः ॥ २.४६.२२ ॥
ゆえに、イクシュヴァーク王の都の慕わしい人々が、再び木の根に身を寄せて眠ることがないように。
2.46.23
पौरा ह्यात्मकृताद् दुःखाद् विप्रमोच्या नृपात्मजैः।
न तु खल्वात्मना योज्या दुःखेन पुरवासिनः ॥ २.४६.२३ ॥
都の人々は、自ら招いた苦しみから王子たちによって救われるべきである。自ら苦しみに身を置くべきではない。
2.46.24
अब्रवील्लक्ष्मणो रामं साक्षाद् धर्ममिव स्थितम्।
रोचते मे तथा प्राज्ञ क्षिप्रमारुह्यतामिति ॥ २.४६.२४ ॥
ラクシュマナは、まさにダルマそのもののように立つラーマに言った。「賢者よ、私にはそれが良く思われます。速やかに戦車に乗りましょう。」
2.46.25
अथ रामोऽब्रवीत् सूतं शीघ्रं संयुज्यतां रथः।
गमिष्यामि ततोऽरण्यं गच्छ शीघ्रमितः प्रभो ॥ २.४६.२५ ॥
するとラーマは御者に言った。「急いで戦車をつなげ。それから私は森へ行く。主よ、ここから早く進め。」
2.46.26
सूतस्ततः संत्वरितः स्यन्दनं तैर्हयोत्तमैः।
योजयित्वा तु रामस्य प्राञ्जलिः प्रत्यवेदयत् ॥ २.४६.२६ ॥
すると御者は急いでそれらの優れた馬で戦車をつなぎ、合掌してラーマに報告した。
2.46.27
अयं युक्तो महाबाहो रथस्ते रथिनां वर।
त्वरयाऽऽरोह भद्रं ते ससीतः सहलक्ष्मणः ॥ २.४६.२७ ॥
「大いなる腕の方よ、戦車兵の中の最上の方よ、あなたの戦車はつながれました。急いでお乗りください。シーターとラクシュマナと共に、あなたに幸あれ。」
2.46.28
तं स्यन्दनमधिष्ठाय राघवः सपरिच्छदः।
शीघ्रगामाकुलावर्तां तमसामतरन्नदीम् ॥ २.४६.२८ ॥
その戦車に乗り、ラーガヴァは従者と共に、流れが速く渦に荒れる タマサー川を渡った。
2.46.29
स संतीर्य महाबाहुः श्रीमान् शिवमकण्टकम्।
प्रापद्यत महामार्गमभयं भयदर्शिनाम् ॥ २.४६.२९ ॥
川を渡ると、その大いなる腕を持つ栄光あるラーマは、棘のない吉祥な大道に入った。それは恐れを見る者にとって無畏の道であった。
2.46.30
मोहनार्थं तु पौराणां सूतं रामोऽब्रवीद् वचः।
उदङ्मुखः प्रयाहि त्वं रथमारुह्य सारथे ॥ २.४६.३० ॥
市民を惑わすため、ラーマは御者に言った。「御者よ、戦車に乗り、北に顔を向けて進め。」
2.46.31
मुहूर्तं त्वरितं गत्वा निवर्तय रथं पुनः।
यथा न विद्युः पौरा मां तथा कुरु समाहितः ॥ २.४६.३१ ॥
しばらく急いで進み、再び車を戻せ。市民に私が気づかれぬよう、慎重にせよ。
2.46.32
रामस्य तु वचः श्रुत्वा तथा चक्रे च सारथिः।
प्रत्यागम्य च रामस्य स्यन्दनं प्रत्यवेदयत् ॥ २.४६.३२ ॥
ラーマの言葉を聞いて御者はそのとおりにし、戻ってラーマに車のことを報告した。
2.46.33
तौ सम्प्रयुक्तं तु रथं समास्थितौ
तदा ससीतौ रघुवंशवर्धनौ।
प्रचोदयामास ततस्तुरंगमान्
स सारथिर्येन पथा तपोवनम् ॥ २.४६.३३ ॥
ラグ族の名を高める二人がシーターとともに繋がれた車に乗ると、御者は苦行の森へ通じる道へ馬を駆り立てた。
2.46.34
ततः समास्थाय रथं महारथः
ससारथिर्दाशरथिर्वनं ययौ।
उदङ्मुखं तं तु रथं चकार
प्रयाणमाङ्गल्यनिमित्तदर्शनात् ॥ २.४६.३४ ॥
すると偉大な戦車の勇士、ダシャラタの子は御者とともに車に乗って森へ向かった。出発の吉兆を見て、車を北へ向けさせた。