梨俱吠陀 · 赞歌 10.141

10.141.1

अग्ने॒ अच्छा॑ वदे॒ह नः॑ प्र॒त्यङ्नः॑ सु॒मना॑ भव ।
प्र नो॑ यच्छ विशस्पते धन॒दा अ॑सि न॒स्त्वम् ॥

阿耆尼啊，请在此向我们说话；对我们和善，心怀喜悦。众生之主啊，请赐予我们；你是赐予财富的。

प्र नो॑ यच्छत्वर्य॒मा प्र भगः॒ प्र बृह॒स्पतिः॑ ।
प्र दे॒वाः प्रोत सू॒नृता॑ रा॒यो दे॒वी द॑दातु नः ॥

愿阿利耶曼引导我们前进，愿薄伽引导我们前进，愿梵主引导我们前进。愿诸神和赐予良好子嗣的女神赐予我们财富。

सोमं॒ राजा॑न॒मव॑से अ॒ग्निं गी॒र्भिर्ह॑वामहे ।
आ॒दि॒त्यान्विष्णुं॒ सूर्यं॑ ब्र॒ह्माणं॑ च॒ बृह॒स्पति॑म् ॥

为求保护，我们以颂歌呼唤国王苏摩、阿耆尼、阿底提耶诸神、毗湿奴、太阳、梵主和梵天之主。

इ॒न्द्र॒वा॒यू बृह॒स्पतिं॑ सु॒हवे॒ह ह॑वामहे ।
यथा॑ नः॒ सर्व॒ इज्जनः॒ संग॑त्यां सु॒मना॒ अस॑त् ॥

我们在此虔诚地呼唤因陀罗-伐由和梵主，愿集会中我们所有的人都心怀喜悦。

अ॒र्य॒मणं॒ बृह॒स्पति॒मिन्द्रं॒ दाना॑य चोदय ।
वातं॒ विष्णुं॒ सर॑स्वतीं सवि॒तारं॑ च वा॒जिन॑म् ॥

请激励阿利耶曼、梵主和因陀罗行施舍；也请激励风神、毗湿奴、萨拉斯瓦蒂、萨维塔以及有力者。

त्वं नो॑ अग्ने अ॒ग्निभि॒र्ब्रह्म॑ य॒ज्ञं च॑ वर्धय ।
त्वं नो॑ दे॒वता॑तये रा॒यो दाना॑य चोदय ॥

阿耆尼啊，请与众火一同增益我们的神圣颂词与祭祀；请激励我们获得诸神的恩惠，并行施财富的布施。