梨俱吠陀 · 赞歌 9.33

9.33.1

प्र सोमा॑सो विप॒श्चितो॑ अ॒पां न य॑न्त्यू॒र्मयः॑ ।
वना॑नि महि॒षा इ॑व ॥

智慧的苏摩汁如水波般向前涌动，又如水牛奔向林中。

अ॒भि द्रोणा॑नि ब॒भ्रवः॑ शु॒क्रा ऋ॒तस्य॒ धार॑या ।
वाजं॒ गोम॑न्तमक्षरन् ॥

褐色明亮的苏摩汁随着天则（ṛta）之流涌向木槽，倾注出富含牛群的力量。

सु॒ता इन्द्रा॑य वा॒यवे॒ वरु॑णाय म॒रुद्भ्यः॑ ।
सोमा॑ अर्षन्ति॒ विष्ण॑वे ॥

压出的苏摩汁为因陀罗、风神、伐楼那和摩录多而流；苏摩汁也为毗湿奴而流。

ति॒स्रो वाच॒ उदी॑रते॒ गावो॑ मिमन्ति धे॒नवः॑ ।
हरि॑रेति॒ कनि॑क्रदत् ॥

三种言语升起；牛群哞叫，乳牛鸣吼；褐色者咆哮着前行。

अ॒भि ब्रह्मी॑रनूषत य॒ह्वीर्ऋ॒तस्य॑ मा॒तरः॑ ।
म॒र्मृ॒ज्यन्ते॑ दि॒वः शिशु॑म् ॥

灵感的赞歌，天则之母，已赞美了苏摩；它们净化天空的孩子。

रा॒यः स॑मु॒द्रांश्च॒तुरो॑ अ॒स्मभ्यं॑ सोम वि॒श्वतः॑ ।
आ प॑वस्व सह॒स्रिणः॑ ॥

苏摩啊，从四海为我们带来财富；从四面八方，化为千流而涌出吧。