Mahābhārata · Adhyāya 5.103
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
5.103.1
इयं भोगवती नाम पुरी वासुकिपालिता ।
यादृशी देवराजस्य पुरी वर्याऽमरावती ॥ ५.१०३.१ ॥
Here is the city named Bhogavatī, protected by Vāsuki, such as the excellent city Amarāvatī of the king of the gods.
5.103.2
एष शेषः स्थितो नागो येनेयं धार्यते सदा ।
तपसा लोकमुख्येन प्रभावसहिता मही ॥ ५.१०३.२ ॥
This serpent Śeṣa stands, by whom this earth is always held; through the austerity of the chief of the worlds, this mighty earth (remains).
5.103.3
श्वेताचलनिभाकारो दिव्याभरणभूषितः ।
सहस्रं धारयन्मूर्ध्नां ज्वालाजिह्वो महाबलः ॥ ५.१०३.३ ॥
Having a form like a white mountain, adorned with divine ornaments, bearing a thousand heads, flame-tongued, very mighty.
5.103.4
इह नानाविधाकारा नानाविधविभूषणाः ।
सुरसायाः सुता नागा निवसन्ति गतव्यथाः ॥ ५.१०३.४ ॥
Here dwell the serpents, sons of Surasā, of various forms and adorned with various ornaments, free from distress.
5.103.5
मणिस्वस्तिकचक्राङ्काः कमण्डलुकलक्षणाः ।
सहस्रसंख्या बलिन सर्वे रौद्राः स्वभावतः ॥ ५.१०३.५ ॥
Marked with jewels, svastika and wheels, bearing the water-pot sign, a thousand in number, mighty, all fierce by nature.
5.103.6
सहस्रशिरसः केचित्केचित्पञ्चशताननाः ।
शतशीर्षास्तथा केचित्केचित्रिशिरसोऽपि च ॥ ५.१०३.६ ॥
Some have a thousand heads, some five hundred faces, likewise some have a hundred heads, and some also have three heads.
5.103.7
द्विपञ्चशिरसः केचित्केचित्सप्तसुखास्तथा ।
महाभोगा महाकायाः पर्वताभोगभोगिनः ॥ ५.१०३.७ ॥
Some had ten heads, some seven hoods. They were of great coils and huge bodies, coiled across a span as wide as mountains.
5.103.8
बहूनीह सहस्राणि प्रयुतान्यर्बुदानि च ।
नागानामेकवंशानां यथाश्रेष्ठं तु मे श्रुणु ॥ ५.१०३.८ ॥
Here there are many thousands, hundreds of thousands and millions of serpents of one lineage. Hear them from me in order of their excellence.
5.103.9
वासुकिस्तक्षकश्चैव कर्कोटकधनञ्जयौ ।
कालीयो नहुषश्चैव कम्बलाश्वतरावुभौ ॥ ५.१०३.९ ॥
Vāsuki and Takṣaka, Karkoṭaka and Dhanañjaya, Kāliya and Nahuṣa, and both Kambala and Aśvatara.
5.103.10
बाह्यकुण्डो मणिर्नागस्तथैवापूरणः खगः ।
वामनश्चैलपत्रश्च कुकुरः कुकुणस्तथा ॥ ५.१०३.१० ॥
Bāhyakuṇḍa, the serpent Maṇi, likewise Āpūraṇa, Khaga, Vāmana, Cailapatra, Kukura and Kukuṇa.
5.103.11
आर्यको नन्दकश्चैव तथा कलशपोतकौ ।
कैलासकः पिञ्जरको नागश्चैरावतस्तथा ॥ ५.१०३.११ ॥
Āryaka and Nandaka, likewise Kalaśa and Potaka, Kailāsaka, Piñjaraka, and the serpent Airāvata.
5.103.12
सुमनोमुखो दधिमुखः शङ्खो नन्दोपनन्दकौ ।
आप्तः कोटरकश्चैव शिखी निष्ठूरिकस्तथा ॥ ५.१०३.१२ ॥
Sumanomukha, Dadhimukha, Śaṅkha, Nanda and Upananda, Āpta, Koṭaraka, Śikhī and Niṣṭhūrika.
5.103.13
तित्तिरिर्हस्तिभद्रश्च कुमुदो माल्यपिण्डकः ।
द्वौ पद्मौ पुण्डरीकश्च पुष्पो मुद्गरपर्णकः ॥ ५.१०३.१३ ॥
Tittiri, Hastibhadra, Kumuda, Mālyapiṇḍaka, the two Padmas, Puṇḍarīka, Puṣpa and Mudgaraparṇaka.
5.103.14
करवीरः पीठरकः संवृत्तो वृत्त एव च ।
पिण्डारो बिल्वपत्रश्च मूषिकादः शिरीषकः ॥ ५.१०३.१४ ॥
Karavīra, Pīṭharaka, Saṃvṛtta and Vṛtta, Piṇḍāra, Bilvapatra, Mūṣikāda and Śirīṣaka.
5.103.15
दिलीपः शङ्खशीर्षश्च ज्योतिष्कोऽथापराजितः ।
कौरव्यो धृतराष्ट्रश्च कुहुरः कृशकस्तथा ॥ ५.१०३.१५ ॥
Dilīpa, Śaṅkhaśīrṣa, Jyotiṣka, then Aparājita, Kauravya, Dhṛtarāṣṭra, Kuhura and likewise Kṛśaka.
5.103.16
विरजा धारणश्चैव सुबाहुर्मुखरो जयः ।
बधिरान्धौ विशुण्डिश्च विरसः सुरसस्तथा ॥ ५.१०३.१६ ॥
Virajā, Dhāraṇa, Subāhu, Mukhara, Jaya, the deaf and the blind, Viśuṇḍi, Virasa and likewise Surasa.
5.103.17
एते चान्ये च बहवः कश्यपस्यात्मजाः स्मृताः ।
मातले पश्य यद्यत्र कश्चित्ते रोचते वरः ॥ ५.१०३.१७ ॥
These, and many others, are remembered as the sons of Kaśyapa. Mātali, look here: whichever bridegroom pleases you.
5.103.18
मातलिस्त्वेकमव्यग्रः सततं संनिरीक्ष्य वै ।
पप्रच्छ नारदं तत्र प्रीतिमानिव चाभवत् ॥ ५.१०३.१८ ॥
Mātali, calm and steadily watching, singled out one, asked Nārada right there, and seemed pleased.
5.103.19
स्थितो य एष पुरतः कौरव्यस्यार्यकस्य तु ।
द्युतिमान्दर्शनीयश्च कस्यैष कुलनन्दनः ॥ ५.१०३.१९ ॥
Standing before the Kaurava grandfather Āryaka, this radiant and handsome one, joy of which family is he?
5.103.20
कः पिता जननी चास्य कतमस्यैष भोगिनः ।
वंशस्य कस्यैष महान्केतुभूत इव स्थितः ॥ ५.१०३.२० ॥
Who are his father and mother? Of which serpent line is he? Whose line does he stand for, like a great banner?
5.103.21
प्रणिधानेन धैर्येण रूपेण वयसा च मे ।
मनः प्रविष्टो देवर्षे गुणकेश्याः पतिर्वरः ॥ ५.१०३.२१ ॥
O divine sage, by his attentiveness, steadiness, beauty and youth, my mind has entered him; he is the chosen husband of Guṇakeśī.
5.103.22
मातलिं प्रीतमनसं दृष्ट्वा सुमुखदर्शनात् ।
निवेदयामास तदा माहात्म्यं जन्म कर्म च ॥ ५.१०३.२२ ॥
Seeing Sumukha, the gladdened Mātali was then told by him of his greatness, birth and deeds.
5.103.23
ऐरावतकुले जातः सुमुखो नाम नागराट् ।
आर्यकस्य मतः पौत्रो दौहित्रो वामनस्य च ॥ ५.१०३.२३ ॥
Sumukha, king of serpents, born in the line of Airāvata, is considered the grandson of Āryaka and the daughter's son of Vāmana.
5.103.24
एतस्य हि पिता नागश्चिकुरो नाम मातले ।
नचिराद्वैतनेयेन पञ्चत्वमुपपादितः ॥ ५.१०३.२४ ॥
Mātali, his father was the serpent named Cikura, who was not long ago brought to death by the son of Vitanā.
5.103.25
ततोऽब्रवीत्प्रीतमना मातलिर्नारदं वचः ।
एष मे रुचितस्तात जामाता भुजगोत्तमः ॥ ५.१०३.२५ ॥
Then Mātali, with a pleased mind, spoke these words to Nārada: "Dear sir, this best of serpents is pleasing to me as a son-in-law."
5.103.26
क्रियतामत्र यत्नो वै प्रीतिमानस्म्यनेन वै ।
अस्मै नागाय वै दातुं प्रियां दुहितरं मुने ॥ ५.१०३.२६ ॥
"Sage, make an effort in this; I am indeed pleased to give my beloved daughter to this naga."