ヴァールミーキのラーマーヤナ · サルガ 1.76
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.76.1
श्रुत्वा तु जामदग्न्यस्य वाक्यं दाशरथिस्तदा।
गौरवाद्यन्त्रितकथः पितू राममथाब्रवीत् ॥ १.७६.१ ॥
ジャマダグニ（パラシュラーマ）の言葉を聞いて、ダシャラタの息子は父への敬意から言葉を抑えて、ラーマ（パラシュラーマ）に語った。
1.76.2
कृतवानसि यत् कर्म श्रुतवानस्मि भार्गव।
अनुरुध्यामहे ब्रह्मन् पितुरानृण्यमास्थितः ॥ १.७६.२ ॥
バールガヴァよ、あなたがなされた行いを私は聞きました。ブラーフマナよ、父の負債からの解放に立ち、私はそれに従います。
1.76.3
वीर्यहीनमिवाशक्तं क्षत्रधर्मेण भार्गव।
अवजानासि मे तेजः पश्य मेऽद्य पराक्रमम् ॥ १.७६.३ ॥
バールガヴァよ、あなたは武士の法によって、私を勇気を欠き無力であるかのように軽んじている。今日、私の武勇を見よ。
1.76.4
इत्युक्त्वा राघवः क्रुद्धो भार्गवस्य वरायुधम्।
शरं च प्रतिजग्राह हस्ताल्लघुपराक्रमः ॥ १.७६.४ ॥
こう言ってラーガヴァは怒り、俊敏な武勇をもって、バールガヴァの手から見事な武器と矢を受け取った。
1.76.5
आरोप्य स धनू रामः शरं सज्यं चकार ह।
जामदग्न्यं ततो रामं रामः क्रुद्धोऽब्रवीदिदम् ॥ १.७६.५ ॥
するとラーマは弓を取り上げ、矢を弦につがえた。そして怒ったラーマは、ジャマダグニの子ラーマにこう言った。
1.76.6
ब्राह्मणोऽसीति पूज्यो मे विश्वामित्रकृतेन च।
तस्माच्छक्तो न ते राम मोक्तुं प्राणहरं शरम् ॥ १.७६.६ ॥
あなたはブラーフマナであり、ヴィシュヴァーミトラの行いによって私にとって敬うべき方です。ゆえにラーマよ、命を奪う矢をあなたに放つことは私にはできません。
1.76.7
इमां वा त्वद्गतिं राम तपोबलसमर्जितान्।
लोकानप्रतिमान् वापि हनिष्यामीति मे मतिः ॥ १.७६.७ ॥
ラーマよ、お前のこの道、あるいは苦行の力で得た比類なき諸世界をも私は滅ぼすつもりだ。それが私の決意である。
1.76.8
न ह्ययं वैष्णवो दिव्यः शरः परपुरंजयः।
मोघः पतति वीर्येण बलदर्पविनाशनः ॥ १.७६.८ ॥
この神聖なヴィシュヌの矢は、敵の都市を征服し、力への驕りを打ち砕くものであり、その威力によって無駄に落ちることはない。
1.76.9
वरायुधधरं रामं द्रष्टुं सर्षिगणाः सुराः।
पितामहं पुरस्कृत्य समेतास्तत्र सर्वशः ॥ १.७६.९ ॥
優れた武器を携えたラーマを見ようと、神々は聖仙の群れとともに、祖父ブラフマーを先頭に立てて、四方からそこに集まった。
1.76.10
गन्धर्वाप्सरसश्चैव सिद्धचारणकिन्नराः।
यक्षराक्षसनागाश्च तद् द्रष्टुं महदद्भुतम् ॥ १.७६.१० ॥
ガンダルヴァとアプサラス、そしてシッダ、チャーラナ、キンナラ、ヤクシャ、ラークシャサ、ナーガもまた、その大いなる奇跡を見にやって来た。
1.76.11
जडीकृते तदा लोके रामे वरधनुर्धरे।
निर्वीर्यो जामदग्न्योऽसौ रामो राममुदैक्षत ॥ १.७६.११ ॥
その時、世界が凍りついたとき、力を失ったジャマダグニの子は、優れた弓を持つラーマを見つめた。
1.76.12
तेजोभिर्गतवीर्यत्वाज्जामदग्न्यो जडीकृतः।
रामं कमलपत्राक्षं मन्दं मन्दमुवाच ह ॥ १.७६.१२ ॥
光輝に打たれ、力を失って呆然としたジャマダグニの子は、蓮の花弁のような目をしたラーマに、静かに、ゆっくりと語りかけた。
1.76.13
काश्यपाय मया दत्ता यदा पूर्वं वसुंधरा।
विषये मे न वस्तव्यमिति मां काश्यपोऽब्रवीत् ॥ १.७६.१३ ॥
かつて私がこの大地をカーシャパに施した時、カーシャパは私にこう言った。「わが領地に汝は住んではならない」と。
1.76.14
सोऽहं गुरुवचः कुर्वन् पृथिव्यां न वसे निशाम्।
तदाप्रभृति काकुत्स्थ कृता मे काश्यपस्य ह ॥ १.७६.१४ ॥
師の言葉に従い、私は大地に一夜たりとも留まらない。カークツトゥハよ、その時から、これがカーシャパの私への命令となったのだ。
1.76.15
तामिमां मद्गतिं वीर हन्तुं नार्हसि राघव।
मनोजवं गमिष्यामि महेन्द्रं पर्वतोत्तमम् ॥ १.७६.१५ ॥
勇者ラーガヴァよ、汝は私のこの境遇を打ち砕くべきではない。思いの速さで、私は山々のうち最も優れたマヘーンドラへ行こう。
1.76.16
लोकास्त्वप्रतिमा राम निर्जितास्तपसा मया।
जहि ताञ्छरमुख्येन मा भूत् कालस्य पर्ययः ॥ १.७६.१६ ॥
ラーマよ、私は苦行によって比類なき諸世界を征服した。最上の矢でそれらを打ち倒せ。時を遅らせてはならない。
1.76.17
अक्षय्यं मधुहन्तारं जानामि त्वां सुरेश्वरम्।
धनुषोऽस्य परामर्शात् स्वस्ति तेऽस्तु परंतप ॥ १.७६.१७ ॥
汝は不滅のマドゥ殺し、神々の主であると私は知っている。敵を焼き尽くす者よ、この弓に触れることで汝に幸いあれ。
1.76.18
एते सुरगणाः सर्वे निरीक्षन्ते समागताः।
त्वामप्रतिमकर्माणमप्रतिद्वन्द्वमाहवे ॥ १.७६.१८ ॥
ここに集まったこれら神々の群れは皆、比類なき業を成し、戦場で並ぶ者なき汝を見守っている。
1.76.19
न चेयं मम काकुत्स्थ व्रीडा भवितुमर्हति।
त्वया त्रैलोक्यनाथेन यदहं विमुखीकृतः ॥ १.७६.१९ ॥
カークツトゥスタよ、三界の主であるあなたに退けられたことは、私にとって恥であってはならない。
1.76.20
शरमप्रतिमं राम मोक्तुमर्हसि सुव्रत।
शरमोक्षे गमिष्यामि महेन्द्रं पर्वतोत्तमम् ॥ १.७६.२० ॥
ラーマよ、善誓の人よ、あなたはこの無比の矢を放つべきだ。矢が放たれたら、私は最上の山マヘーンドラへ行こう。
1.76.21
तथा ब्रुवति रामे तु जामदग्न्ये प्रतापवान्।
रामो दाशरथिः श्रीमांश्चिक्षेप शरमुत्तमम् ॥ १.७६.२१ ॥
ジャーマダグニャがそう語っているとき、威勢あるダシャラタの子、栄光のラーマは優れた矢を放った。
1.76.22
स हतान् दृश्य रामेण स्वाँल्लोकांस्तपसार्जितान्।
जामदग्न्यो जगामाशु महेन्द्रं पर्वतोत्तमम् ॥ १.७६.२२ ॥
ラーマによって苦行で得た自分の世界が滅ぼされたのを見て、ジャーマダグニャは速やかに最上の山マヘーンドラへと去った。
1.76.23
ततो वितिमिराः सर्वा दिशश्चोपदिशस्तथा।
सुराः सर्षिगणा रामं प्रशशंसुरुदायुधम् ॥ १.७६.२३ ॥
すると、すべての方角と中間の方角から闇が消え、神々は聖仙の群れとともに、高く武器を掲げるラーマを称えた。
1.76.24
रामं दाशरथिं रामो जामदग्न्यः प्रपूजितः।
ततः प्रदक्षिणीकृत्य जगामात्मगतिं प्रभुः ॥ १.७६.२४ ॥
ジャーマダグニャのラーマは、ダシャラタの子ラーマを敬われ、右回りに礼拝してから、その主は自らの行き先へと去った。