ヴァールミーキのラーマーヤナ · サルガ 2.4
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
2.4.1
गतेष्वथ नृपो भूयः पौरेषु सह मन्त्रिभिः।
मन्त्रयित्वा ततश्चक्रे निश्चयज्ञः स निश्चयम् ॥ २.४.१ ॥
市民たちが去った後、王は大臣たちと再び協議し、決断を知る者として一つの決定を下した。
2.4.2
श्व एव पुष्यो भविता श्वोऽभिषेच्यस्तु मे सुतः।
रामो राजीवपत्राक्षो युवराज इति प्रभुः ॥ २.४.२ ॥
明日こそプシュヤの吉日となる。明日、蓮華の花びらのような眼をもつ我が子ラーマを、王太子として灌頂すべきである、と王は言った。
2.4.3
अथान्तर्गृहमाविश्य राजा दशरथस्तदा।
सूतमामन्त्रयामास रामं पुनरिहानय ॥ २.४.३ ॥
そこで王ダシャラタは後宮に入り、御者を呼んで言った。「ラーマをもう一度ここへ連れて来い。」
2.4.4
प्रतिगृह्य तु तद्वाक्यं सूतः पुनरुपाययौ।
रामस्य भवनं शीघ्रं राममानयितुं पुनः ॥ २.४.४ ॥
その命令を受けると、御者は素早くラーマの住居へ引き返し、再びラーマを連れて来ようとした。
2.4.5
द्वाःस्थैरावेदितं तस्य रामायागमनं पुनः।
श्रुत्वैव चापि रामस्तं प्राप्तं शङ्कान्वितोऽभवत् ॥ २.४.५ ॥
門番たちはラーマに、御者が再び来たと報告した。それを聞くとすぐに、ラーマは彼の来訪に不安を覚えた。
2.4.6
प्रवेश्य चैनं त्वरितो रामो वचनमब्रवीत्।
यदागमनकृत्यं ते भूयस्तद्ब्रूह्यशेषतः ॥ २.४.६ ॥
彼を中へ通すと、ラーマは急いで言った。「お前が再び来た用件を、残らず話してくれ。」
2.4.7
तमुवाच ततः सूतो राजा त्वां द्रष्टुमिच्छति।
श्रुत्वा प्रमाणं तत्र त्वं गमनायेतराय वा ॥ २.४.७ ॥
すると御者は彼に言った。「王があなたに会いたがっておられる。聞いたうえで、行くかどうかはあなた自身が決めなさい。」
2.4.8
प्रययौ राजभवनं पुनर्द्रष्टुं नरेश्वरम् ॥ २.४.८ ॥
彼は再び王宮へ向かい、人の主である王に会いに行った。
2.4.9
तं श्रुत्वा समनुप्राप्तं रामं दशरथो नृपः।
प्रवेशयामास गृहं विवक्षुः प्रियमुत्तमम् ॥ २.४.९ ॥
ラーマが到着したと聞いたダシャラタ王は、最上の喜ばしい言葉を告げたいと思い、彼を宮殿へ入らせた。
2.4.10
प्रविशन्नेव च श्रीमान् राघवो भवनं पितुः।
ददर्श पितरं दूरात् प्रणिपत्य कृताञ्जलिः ॥ २.४.१० ॥
宮殿に入るやいなや、栄光あるラーガヴァ(ラーマ)は遠くから父を見つけ、礼拝し、合掌して立った。
2.4.11
प्रणमन्तं तमुत्थाप्य सम्परिष्वज्य भूमिपः।
प्रदिश्य चासनं चास्मै रामं च पुनरब्रवीत् ॥ २.४.११ ॥
ひれ伏す彼を抱き起こし、強く抱擁し、王は座を勧め、再びラーマに語りかけた。
2.4.12
राम वृद्धोऽस्मि दीर्घायुर्भुक्ता भोगा यथेप्सिताः।
अन्नवद्भिः क्रतुशतैर्यथेष्टं भूरिदक्षिणैः ॥ २.४.१२ ॥
「ラーマよ、私は老いて、長寿を得た。望みのままに快楽を味わい、豊かな食物と惜しみない布施をもって、思うままに数百の祭祀を行ってきた。」
2.4.13
जातमिष्टमपत्यं मे त्वमद्यानुपमं भुवि।
दत्तमिष्टमधीतं च मया पुरुषसत्तम ॥ २.४.१३ ॥
人中の最上の者よ！今日、地上で私は、愛しく比類なき息子であるお前を得た。私は布施をし、供犠を行い、ヴェーダを学んできた。
2.4.14
अनुभूतानि चेष्टानि मया वीर सुखान्यपि।
देवर्षिपितृविप्राणामनृणोऽस्मि तथाऽऽत्मनः ॥ २.४.१४ ॥
勇士よ！私は自らの行いの中で喜びも味わってきた。神々、聖仙、祖霊、バラモンへの負債から私は解放されており、自分自身への負債からも同様である。
2.4.15
न किंचिन्मम कर्तव्यं तवान्यत्राभिषेचनात्।
अतो यत्त्वामहं ब्रूयां तन्मे त्वं कर्तुमर्हसि ॥ २.४.१५ ॥
お前の即位の他には、私に為すべき務めは何も残っていない。ゆえに、私がお前に言うことを、お前は私のために行うべきである。
2.4.16
अद्य प्रकृतयः सर्वास्त्वामिच्छन्ति नराधिपम्।
अतस्त्वां युवराजानमभिषेक्ष्यामि पुत्रक ॥ २.४.१६ ॥
今日、民はみな、お前を人々の王として望んでいる。ゆえに、わが子よ、私はお前を世継ぎの王子として灌頂しよう。
2.4.17
अपि चाद्याशुभान् राम स्वप्नान् पश्यामि राघव।
सनिर्घाता दिवोल्काश्च पतन्ति हि महास्वनाः ॥ २.४.१७ ॥
また今日、ラーマよ、ラグ族の末裔よ、私は不吉な夢を見ている。雷鳴とともに天から流星が落ち、大きな轟音が鳴り響いている。
2.4.18
अवष्टब्धं च मे राम नक्षत्रं दारुणग्रहैः।
आवेदयन्ति दैवज्ञाः सूर्याङ्गारकराहुभिः ॥ २.४.१८ ॥
ラーマよ、私の生まれ星は恐ろしい遊星に捕らえられている。占星術師は、太陽、火星、ラーフがそれを苦しめていると告げている。
2.4.19
प्रायेण च निमित्तानामीदृशानां समुद्भवे।
राजा हि मृत्युमाप्नोति घोरां चापदमृच्छति ॥ २.४.१९ ॥
一般に、このような兆しが現れると、王は死に遭い、恐ろしい災厄に陥る。
2.4.20
तद् यावदेव मे चेतो न विमुह्यति राघव।
तावदेवाभिषिञ्चस्व चला हि प्राणिनां मतिः ॥ २.४.२० ॥
ゆえに、ラーガヴァよ、私の心がまだ惑わぬうちに、今すぐ灌頂を受けよ。生きものの心は移ろいやすいのだから。
2.4.21
अद्य चन्द्रोऽभ्युपगमत् पुष्यात् पूर्वं पुनर्वसुम्।
श्वः पुष्ययोगं नियतं वक्ष्यन्ते दैवचिन्तकाः ॥ २.४.२१ ॥
今日、月はプナルヴァス（星宿）より前にプシュヤへと進んだ。明日、占星術師たちはプシュヤの結合を必ず告げるだろう。
2.4.22
तत्र पुष्येऽभिषिञ्चस्व मनस्त्वरयतीव माम्।
श्वस्त्वाहमभिषेक्ष्यामि यौवराज्ये परंतप ॥ २.४.२२ ॥
その時、プシュヤのもとで灌頂を受けよ。私の心は私を急がせているかのようだ。敵を焼く者よ、明日、私はあなたを王太子の位に灌頂しよう。
2.4.23
तस्मात् त्वयाद्यप्रभृति निशेयं नियतात्मना।
सह वध्वोपवस्तव्या दर्भप्रस्तरशायिना ॥ २.४.२३ ॥
それゆえ、今日からこの夜は、心を律して、妻とともに、吉草の寝床に横たわり、断食して過ごさねばならない。
2.4.24
सुहृदश्चाप्रमत्तास्त्वां रक्षन्त्वद्य समन्ततः।
भवन्ति बहुविघ्नानि कार्याण्येवंविधानि हि ॥ २.४.२४ ॥
あなたの友らは怠らず、今日あらゆる方面からあなたを守れ。このような事には多くの障害が生じるものだから。
2.4.25
विप्रोषितश्च भरतो यावदेव पुरादितः।
तावदेवाभिषेकस्ते प्राप्तकालो मतो मम ॥ २.४.२५ ॥
バラタがこの都から離れているあいだこそ、お前の即位の儀式にふさわしい時だと私は考える。
2.4.26
कामं खलु सतां वृत्ते भ्राता ते भरतः स्थितः।
ज्येष्ठानुवर्ती धर्मात्मा सानुक्रोशो जितेन्द्रियः ॥ २.४.२६ ॥
確かに、お前の弟バラタは善人の振る舞いにとどまっている。兄に従い、法を重んじ、慈悲深く、感覚を制している。
2.4.27
किं नु चित्तं मनुष्याणामनित्यमिति मे मतम्।
सतां च धर्मनित्यानां कृतशोभि च राघव ॥ २.४.२७ ॥
ラーガヴァよ、人の心は無常だと私は思う。法に常にとどまり、善行で飾られた善人の心でさえも。
2.4.28
इत्युक्तः सोऽभ्यनुज्ञातः श्वोभाविन्यभिषेचने।
व्रजेति रामः पितरमभिवाद्याभ्ययाद् गृहम् ॥ २.४.२८ ॥
このように告げられ、明日の即位の許しを得たラーマは、「行け」と言われると父に礼拝し、家へ帰っていった。
2.4.29
प्रविश्य चात्मनो वेश्म राज्ञाऽऽदिष्टेऽभिषेचने।
तत्क्षणादेव निष्क्रम्य मातुरन्तःपुरं ययौ ॥ २.४.२९ ॥
自分の屋敷に入り、王が即位を命じるや否や、ラーマはその場で外へ出て、母の奥御殿へ向かった。
2.4.30
तत्र तां प्रवणामेव मातरं क्षौमवासिनीम्।
वाग्यतां देवतागारे ददर्शायाचतीं श्रियम् ॥ २.४.३० ॥
そこでラーマは、絹の衣をまとい、沈黙して自制し、神殿で身を伏せて繁栄（シュリー）を祈る母を見た。
2.4.31
प्रागेव चागता तत्र सुमित्रा लक्ष्मणस्तथा।
सीता चानयिता श्रुत्वा प्रियं रामाभिषेचनम् ॥ २.४.३१ ॥
スミトラーはすでにそこに来ており、ラクシュマナもまた同じく。ラーマの即位式という喜ばしい知らせを聞いて、シーターもそこへ連れて来られていた。
2.4.32
तस्मिन् कालेऽपि कौसल्या तस्थावामीलितेक्षणा।
सुमित्रयान्वास्यमाना सीतया लक्ष्मणेन च ॥ २.४.३२ ॥
その時、カウサリヤーもまた目を閉じて立っていた。スミトラー、シーター、ラクシュマナに付き添われて。
2.4.33
श्रुत्वा पुष्ये च पुत्रस्य यौवराज्येऽभिषेचनम्।
प्राणायामेन पुरुषं ध्यायमाना जनार्दनम् ॥ २.४.३३ ॥
息子が太子として即位する式が、プシュヤ星宿のもとで行われると聞き、調息によって至上の人、ジャナールダナを瞑想していた。
2.4.34
तथा सनियमामेव सोऽभिगम्याभिवाद्य च।
उवाच वचनं रामो हर्षयंस्तामिदं वरम् ॥ २.४.३४ ॥
誓戒を守っている母のもとへ行き、礼拝して、彼女を喜ばせながらラーマはこの優れた言葉を語った。
2.4.35
अम्ब पित्रा नियुक्तोऽस्मि प्रजापालनकर्मणि।
भविता श्वोऽभिषेको मे यथा मे शासनं पितुः ॥ २.४.३५ ॥
母上、父上は私を民を守る務めに任命されました。父上のご命令により、明日私の即位式が行われます。
2.4.36
सीतयाप्युपवस्तव्या रजनीयं मया सह।
एवमुक्तमुपाध्यायैः स हि मामुक्तवान् पिता ॥ २.४.३६ ॥
今夜は私もシーターとともに断食をしなければならない。師たちがそう定め、父上ご自身も私にそう仰せになったのだ。
2.4.37
यानि यान्यत्र योग्यानि श्वोभाविन्यभिषेचने।
तानि मे मङ्गलान्यद्य वैदेह्याश्चैव कारय ॥ २.४.३७ ॥
明日の灌頂にふさわしい吉祥の儀式をすべて、今日、私とヴァイデーヒーのために行わせよ。
2.4.38
एतच्छ्रुत्वा तु कौसल्या चिरकालाभिकांक्षितम्।
हर्षबाष्पाकुलं वाक्यमिदं राममभाषत ॥ २.४.३८ ॥
これを聞いたカウサリヤーは、長く待ち望んでいたため、喜びの涙に声を詰まらせてラーマにこう言った。
2.4.39
वत्स राम चिरं जीव हतास्ते परिपन्थिनः।
ज्ञातीन् मे त्वं श्रिया युक्तः सुमित्रायाश्च नन्दय ॥ २.४.३९ ॥
愛しい息子ラーマよ、長く生きよ。お前の敵は討たれよ。栄えに満ちて、私の親族とスミトラーを喜ばせておくれ。
2.4.40
कल्याणे बत नक्षत्रे मया जातोऽसि पुत्रक।
येन त्वया दशरथो गुणैराराधितः पिता ॥ २.४.४० ॥
ああ！吉祥の星宿の下で私はお前を産んだ、わが子よ。お前の徳によって父ダシャラタを喜ばせたのだ。
2.4.41
अमोघं बत मे क्षान्तं पुरुषे पुष्करेक्षणे।
येयमिक्ष्वाकुराजश्रीः पुत्र त्वां संश्रयिष्यति ॥ २.४.४१ ॥
ああ、私の忍耐は無駄ではなかった！蓮華眼の息子よ、このイクシュヴァーク王国の栄光はお前に身を寄せるであろう。
2.4.42
इत्येवमुक्तो मात्रा तु रामो भ्रातरमब्रवीत्।
प्राञ्जलिं प्रह्वमासीनमभिवीक्ष्य स्मयन्निव ॥ २.४.४२ ॥
母にこう言われると、ラーマは合掌して謙虚に座っている弟を見やり、微笑むかのようにこう言った。
2.4.43
लक्ष्मणेमां मया सार्धं प्रशाधि त्वं वसुंधराम्।
द्वितीयं मेऽन्तरात्मानं त्वामियं श्रीरुपस्थिता ॥ २.४.४३ ॥
ラクシュマナよ、私とともにこの大地を治めよ。お前は私のもう一つの内なる自我である。見よ、吉祥女神シュリーがお前の前に現れている。
2.4.44
सौमित्रे भुङ्क्ष्व भोगांस्त्वमिष्टान् राज्यफलानिच।
जीवितं चापि राज्यं च त्वदर्थमभिकामये ॥ २.४.४४ ॥
スミトラーの子よ、王権の果実である望みの快楽をお前は享受せよ。お前のためにこそ、私は命も王国も望むのだ。
2.4.45
इत्युक्त्वा लक्ष्मणं रामो मातरावभिवाद्य च।
अभ्यनुज्ञाप्य सीतां च ययौ स्वं च निवेशनम् ॥ २.४.४५ ॥
ラクシュマナにこのように告げたのち、ラーマは両母に礼拝し、シーターに別れを告げて、自分の住居へと去った。