ヴァールミーキのラーマーヤナ · サルガ 5.39
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
5.39.1
मणिं दत्त्वा ततः सीता हनूमन्तमथाब्रवीत्।
अभिज्ञानमभिज्ञातमेतद् रामस्य तत्त्वतः ॥ ५.३९.१ ॥
そこでシーターは宝珠を渡し、ハヌマーンに言った。「これはまことにラーマの確かな印である。」
5.39.2
मणिं दृष्ट्वा तु रामो वै त्रयाणां संस्मरिष्यति।
वीरो जनन्या मम च राज्ञो दशरथस्य च ॥ ५.३९.२ ॥
この宝珠を見れば、英雄ラーマは必ずや三人を思い出すでしょう。私の母、私、そして王ダシャラタを。
5.39.3
स भूयस्त्वं समुत्साहचोदितो हरिसत्तम।
अस्मिन् कार्यसमुत्साहे प्रचिन्तय यदुत्तरम् ॥ ५.३९.३ ॥
猿の中の最上の者よ、あなたの熱意に駆り立てられ、この任務で次に何をすべきか、さらに考えなさい。
5.39.4
त्वमस्मिन् कार्यनिर्योगे प्रमाणं हरिसत्तम।
तस्य चिन्तय यो यत्नो दुःखक्षयकरो भवेत् ॥ ५.३९.४ ॥
猿の中の最上の者よ、この任務の遂行においてあなたこそが判断の基準です。どの努力が悲しみを終わらせるか、考えなさい。
5.39.5
हनूमन् यत्नमास्थाय दुःखक्षयकरो भव।
स तथेति प्रतिज्ञाय मारुतिर्भीमविक्रमः ॥ ५.३९.५ ॥
ハヌマーンよ、努力を取り、悲しみを終わらせる者となれ。「そのようにしよう」と誓い、恐るべき勇武のマールティ……
5.39.6
शिरसाऽऽवन्द्य वैदेहीं गमनायोपचक्रमे।
ज्ञात्वा सम्प्रस्थितं देवी वानरं पवनात्मजम् ॥ ५.३९.६ ॥
ハヌマーンは頭を垂れてヴァイデーヒーに礼をし、出発の準備をした。風の子である猿が発とうとしていることを女神は知った。
5.39.7
बाष्पगद्गदया वाचा मैथिली वाक्यमब्रवीत्।
हनूमन् कुशलं ब्रूयाः सहितौ रामलक्ष्मणौ ॥ ५.३९.७ ॥
涙に詰まった声で、マイティリーは言った。「ハヌマーンよ、ラーマとラクシュマナの二人に、私は無事だと伝えてくれ。」
5.39.8
सुग्रीवं च सहामात्यं सर्वान् वृद्धांश्च वानरान्।
ब्रूयास्त्वं वानरश्रेष्ठ कुशलं धर्मसंहितम् ॥ ५.३९.८ ॥
そして、猿の中の最良の者よ、スグリーヴァとその大臣たち、そして年長の猿たち全員に、ダルマにかなった私の無事を伝えてほしい。
5.39.9
यथा च स महाबाहुर्मां तारयति राघवः।
अस्माद् दुःखाम्बुसंरोधात् त्वं समाधातुमर्हसि ॥ ५.३९.९ ॥
力強いラーガヴァが、この悲しみの海の堰から私を救い出してくださるように、あなたは私を慰めるべきである。
5.39.10
जीवन्तीं मां यथा रामः सम्भावयति कीर्तिमान्।
तत् त्वया हनुमन् वाच्यं वाचा धर्ममवाप्नुहि ॥ ५.३९.१० ॥
ハヌマーンよ、名高いラーマが私をまだ生きていると思っておられることを、言葉で伝えてほしい。そうすればダルマを得るであろう。
5.39.11
नित्यमुत्साहयुक्तस्य वाचः श्रुत्वा मयेरिताः।
वर्धिष्यते दाशरथेः पौरुषं मदवाप्तये ॥ ५.३९.११ ॥
私が語ったこれらの言葉を聞けば、常に意気盛んなダシャラタの子の勇気は、私を取り戻すためにいっそう増すであろう。
5.39.12
मत्संदेशयुता वाचस्त्वत्तः श्रुत्वैव राघवः।
पराक्रमे मतिं वीरो विधिवत् संविधास्यति ॥ ५.३९.१२ ॥
あなたの口から私の伝言を込めたこれらの言葉を聞けば、英雄ラーガヴァはしかるべく武勇に心を向けるであろう。
5.39.13
सीतायास्तद् वचः श्रुत्वा हनूमान् मारुतात्मजः।
शिरस्यञ्जलिमाधाय वाक्यमुत्तरमब्रवीत् ॥ ५.३९.१३ ॥
シーターの言葉を聞き、風の子ハヌマーンは合掌を頭にのせ、こう答えた。
5.39.14
क्षिप्रमेष्यति काकुत्स्थो हर्यृक्षप्रवरैर्वृतः।
यस्ते युधि विजित्यारीन् शोकं व्यपनयिष्यति ॥ ५.३९.१४ ॥
カークツスタの末裔ラーマは、猿と熊の勇者たちに囲まれて間もなくやって来る。戦いで敵を打ち破り、あなたの悲しみを取り除くであろう。
5.39.15
नहि पश्यामि मर्त्येषु नासुरेषु सुरेषु वा।
यस्तस्य वमतो बाणान् स्थातुमुत्सहतेऽग्रतः ॥ ५.३९.१५ ॥
死すべき者にも、阿修羅にも、神々にも、彼が矢を放つときその前に立つ勇気のある者を私は見ない。
5.39.16
अप्यर्कमपि पर्जन्यमपि वैवस्वतं यमम्।
स हि सोढुं रणे शक्तस्तव हेतोर्विशेषतः ॥ ५.३९.१६ ॥
彼は戦場で太陽、パルジャニヤ（インドラ）、そしてヴァイヴァスヴァタ・ヤマにさえ耐え得る。とりわけ、あなたのためには。
5.39.17
स हि सागरपर्यन्तां महीं साधितुमर्हति।
त्वन्निमित्तो हि रामस्य जयो जनकनन्दिनि ॥ ५.३९.१७ ॥
彼は海に囲まれた大地を征服するにふさわしい。ジャナカの娘よ、ラーマの勝利もあなたのゆえに成就するのだ。
5.39.18
तस्य तद् वचनं श्रुत्वा सम्यक् सत्यं सुभाषितम्।
जानकी बहु मेने तं वचनं चेदमब्रवीत् ॥ ५.३९.१८ ॥
彼の言葉が真実にして見事に語られたものであると聞き、ジャーナキーは彼を大いに敬い、このように言った。
5.39.19
ततस्तं प्रस्थितं सीता वीक्षमाणा पुनः पुनः।
भर्तृस्नेहान्वितं वाक्यं सौहार्दादनुमानयत् ॥ ५.३९.१९ ॥
出立する彼を、シーターは何度も見つめ、夫への愛情に満ちた言葉で、好意から懇願した。
5.39.20
यदि वा मन्यसे वीर वसैकाहमरिंदम।
कस्मिंश्चित् संवृते देशे विश्रान्तः श्वो गमिष्यसि ॥ ५.३९.२० ॥
勇士よ、敵を制する者よ。もしそれがふさわしいと思うなら、どこか人目につかぬ場所で一日休み、明日出発するがよい。
5.39.21
मम चैवाल्पभाग्यायाः सांनिध्यात् तव वानर।
अस्य शोकस्य महतो मुहूर्तं मोक्षणं भवेत् ॥ ५.३९.२१ ॥
猿よ。薄幸の私にとっても、あなたが近くにいることで、この大きな悲しみからほんの一瞬でも解放されるでしょう。
5.39.22
ततो हि हरिशार्दूल पुनरागमनाय तु।
प्राणानामपि संदेहो मम स्यान्नात्र संशयः ॥ ५.३९.२२ ॥
猿の中の虎よ。その後、あなたが再び戻るかどうかについては、私の命さえも不確かになるでしょう。これは疑いありません。
5.39.23
तवादर्शनजः शोको भूयो मां परितापयेत्।
दुःखादुःखपरामृष्टां दीपयन्निव वानर ॥ ५.३९.२३ ॥
あなたに会えないことから生まれる悲しみは、再び私を苦しめるでしょう。すでに苦悩に打ちのめされている私を、猿よ、それはまた燃え上がらせるかのように焼くのです。
5.39.24
अयं च वीर संदेहस्तिष्ठतीव ममाग्रतः।
सुमहांस्त्वत्सहायेषु हर्यृक्षेषु हरीश्वर ॥ ५.३९.२४ ॥
勇士よ、猿の王よ。この大きな疑念が私の前に立ちはだかっています。あなたの助力者である猿や熊を、どこまで信頼できるのか、と。
5.39.25
कथं नु खलु दुष्पारं तरिष्यन्ति महोदधिम्।
तानि हर्यृक्षसैन्यानि तौ वा नरवरात्मजौ ॥ ५.३९.२५ ॥
あの猿と熊の軍勢か、あるいは人中の最上の二人の御子が、この渡りがたい大海をどうして渡るのだろうか。
5.39.26
त्रयाणामेव भूतानां सागरस्येह लङ्घने।
शक्तिः स्याद् वैनतेयस्य तव वा मारुतस्य वा ॥ ५.३९.२६ ॥
この大海を跳び越える力は三者にのみある。ヴァイナテーヤ（ガルダ）、あなた、あるいは風神の子である。
5.39.27
तदस्मिन् कार्यनिर्योगे वीरैवं दुरतिक्रमे।
किं पश्यसे समाधानं त्वं हि कार्यविदां वरः ॥ ५.३९.२७ ॥
それゆえ、勇士よ、この任務の遂行において、これほど越え難い障害が立ちはだかる今、あなたはどんな対策を見出すのか。あなたこそ事を知る者の中で最も優れているのだから。
5.39.28
काममस्य त्वमेवैकः कार्यस्य परिसाधने।
पर्याप्तः परवीरघ्न यशस्यस्ते फलोदयः ॥ ५.३९.२८ ॥
まことに、この任務を成し遂げるにはあなた一人で十分だ、敵の勇士を倒す者よ。あなたに名誉をもたらす実が結ばれるであろう。
5.39.29
बलैः समग्रैर्युधि मां रावणं जित्य संयुगे।
विजयी स्वपुरं यायात् तत्तस्य सदृशं भवेत् ॥ ५.३९.२९ ॥
彼が全軍を率いて戦場で私とラーヴァナを打ち破り、勝利してわが都に帰るなら、それこそが彼にふさわしいことであろう。
5.39.30
बलैस्तु संकुलां कृत्वा लङ्कां परबलार्दनः।
मां नयेद् यदि काकुत्स्थस्तत् तस्य सदृशं भवेत् ॥ ५.३९.३० ॥
敵軍を砕くカークツストゥ（ラーマ）が軍勢でラṅカーを満たし、私を連れ去るなら、それこそ彼にふさわしいことであろう。
5.39.31
तद्यथा तस्य विक्रान्तमनुरूपं महात्मनः।
भवेदाहवशूरस्य तथा त्वमुपपादय ॥ ५.३९.३१ ॥
その偉大な御方の武勇が戦いの勇士にふさわしくなるように、あなたもそのように成し遂げなさい。
5.39.32
तदर्थोपहितं वाक्यं प्रश्रितं हेतुसंहितम्।
निशम्य हनुमान् शेषं वाक्यमुत्तरमब्रवीत् ॥ ५.३९.३२ ॥
その趣旨を帯び、謙虚で理にかなった言葉を聞いて、ハヌマーンは残りの言葉に答えた。
5.39.33
देवि हर्यृक्षसैन्यानामीश्वरः प्लवतां वरः।
सुग्रीवः सत्यसम्पन्नस्तवार्थे कृतनिश्चयः ॥ ५.३९.३३ ॥
女神よ、猿と熊の軍の主、跳躍する者の中で最も優れ、真実に満ちたスグリーヴァは、あなたのために決意しました。
5.39.34
स वानरसहस्राणां कोटीभिरभिसंवृतः।
क्षिप्रमेष्यति वैदेहि राक्षसानां निबर्हणः ॥ ५.३९.३४ ॥
幾千の猿の幾千万に取り囲まれ、ラークシャサを滅ぼす彼は、ヴァイデーヒーよ、やがて速やかに来るでしょう。
5.39.35
तस्य विक्रमसम्पन्नाः सत्त्ववन्तो महाबलाः।
मनःसंकल्पसम्पाता निदेशे हरयः स्थिताः ॥ ५.३९.३५ ॥
彼の武勇に恵まれ、勇敢で大力の猿たちは、心の意志のように速く、彼の命令を待って控えています。
5.39.36
येषां नोपरि नाधस्तान्न तिर्यक् सज्जते गतिः।
न च कर्मसु सीदन्ति महत्स्वमिततेजसः ॥ ५.३९.३६ ॥
その動きは上にも下にも横にも妨げられず、大いなる行いにおいて怯むことのない、無限の威光を持つ者たちである。
5.39.37
असकृत् तैर्महोत्साहैः ससागरधराधरा।
प्रदक्षिणीकृता भूमिर्वायुमार्गानुसारिभिः ॥ ५.३९.३७ ॥
風の道をたどるあの気力に満ちた者たちは、海と山を備えたこの大地を幾度も巡ってきた。
5.39.38
मद्विशिष्टाश्च तुल्याश्च सन्ति तत्र वनौकसः।
मत्तः प्रत्यवरः कश्चिन्नास्ति सुग्रीवसंनिधौ ॥ ५.३९.३८ ॥
そこには私より優れた者も私と同等の者もいる。スグリーヴァの御前には、私より劣る者は一人もいない。
5.39.39
अहं तावदिह प्राप्तः किं पुनस्ते महाबलाः।
नहि प्रकृष्टाः प्रेष्यन्ते प्रेष्यन्ते हीतरे जनाः ॥ ५.३९.३९ ॥
私でさえここまで来たのだ。ましてあの大力の者たちはどれほど優れていることか！優れた者は派遣されない。派遣されるのは他の者たちなのだ。
5.39.40
तदलं परितापेन देवि शोको व्यपैतु ते।
एकोत्पातेन ते लङ्कामेष्यन्ति हरियूथपाः ॥ ५.३९.४० ॥
ですから女神よ、この苦悩はもう十分です。あなたの悲しみは去りますように。猿の群れの首領たちは一跳びでラṅカーへ来るでしょう。
5.39.41
मम पृष्ठगतौ तौ च चन्द्रसूर्याविवोदितौ।
त्वत्सकाशं महासङ्घौ नृसिंहावागमिष्यतः ॥ ५.३९.४१ ॥
私の背に乗るあの二人は、昇った月と太陽のようであり、人中の獅子として大軍を率いて、あなたのもとへ来るでしょう。
5.39.42
तौ हि वीरौ नरवरौ सहितौ रामलक्ष्मणौ।
आगम्य नगरीं लङ्कां सायकैर्विधमिष्यतः ॥ ५.३९.४२ ॥
あの二人の勇士、人の中の最勝者であるラーマとラクシュマナは、共に楞伽の都へ来て、その矢によってそれを滅ぼすでしょう。
5.39.43
सगणं रावणं हत्वा राघवो रघुनन्दनः।
त्वामादाय वरारोहे स्वपुरीं प्रति यास्यति ॥ ५.३९.४३ ॥
ラグの一族の喜びであるラーガヴァは、従者もろともラーヴァナを殺し、美しい腰の人よ、あなたを連れて自分の都へ帰るでしょう。
5.39.44
तदाश्वसिहि भद्रं ते भव त्वं कालकाङ्क्षिणी।
नचिराद् द्रक्ष्यसे रामं प्रज्वलन्तमिवानलम् ॥ ५.३९.४४ ॥
ですから安心なさい、あなたに吉祥がありますように。時を待ちなさい。やがて燃え上がる火のように輝くラーマを見るでしょう。
5.39.45
निहते राक्षसेन्द्रे च सपुत्रामात्यबान्धवे।
त्वं समेष्यसि रामेण शशाङ्केनेव रोहिणी ॥ ५.३९.४५ ॥
羅刹の王が息子、大臣、親族とともに殺された後、あなたはローヒニーが月と結ばれるようにラーマと再会するでしょう。
5.39.46
क्षिप्रं त्वं देवि शोकस्य पारं द्रक्ष्यसि मैथिलि।
रावणं चैव रामेण द्रक्ष्यसे निहतं बलात् ॥ ५.३९.४६ ॥
女神マイティリーよ、まもなくあなたは悲しみの彼岸を見るでしょう。そしてラーヴァナがラーマによって力ずくで殺されるのを見るでしょう。
5.39.47
एवमाश्वास्य वैदेहीं हनूमान् मारुतात्मजः।
गमनाय मतिं कृत्वा वैदेहीं पुनरब्रवीत् ॥ ५.३९.४७ ॥
このようにヴァイデーヒーを慰めた後、風の子ハヌマーンは出発を決意し、再びヴァイデーヒーに語りかけた。
5.39.48
तमरिघ्नं कृतात्मानं क्षिप्रं द्रक्ष्यसि राघवम्।
लक्ष्मणं च धनुष्पाणिं लङ्काद्वारमुपागतम् ॥ ५.३९.४८ ॥
敵を滅ぼし、自己を制御したあのラーガヴァを、また弓を手にしてラーンカーの門に到着したラクシュマナを、あなたはまもなく見るでしょう。
5.39.49
नखदंष्ट्रायुधान् वीरान् सिंहशार्दूलविक्रमान्।
वानरान् वारणेन्द्राभान् क्षिप्रं द्रक्ष्यसि संगतान् ॥ ५.३९.४९ ॥
爪と牙を武器とし、獅子や虎のように勇ましく、象王のような英雄たちのヴァーナラ——まもなくお前は彼らが集まっているのを見るだろう。
5.39.50
शैलाम्बुदनिकाशानां लङ्कामलयसानुषु।
नर्दतां कपिमुख्यानामार्ये यूथान्यनेकशः ॥ ५.३९.५० ॥
気高き方よ、ラーンカーのマラヤ山の斜面に、山や雲のような、吠えたける猿の長たちの群れが幾つも見えるでしょう。
5.39.51
स तु मर्मणि घोरेण ताडितो मन्मथेषुणा।
न शर्म लभते रामः सिंहार्दित इव द्विपः ॥ ५.३९.५१ ॥
愛神マンマタの恐ろしい矢に急所を射抜かれたラーマは、獅子に苦しめられた象のように、どこにも安らぎを得ない。
5.39.52
रुद मा देवि शोकेन मा भूत् ते मनसो भयम्।
शचीव भर्त्रा शक्रेण सङ्गमेष्यसि शोभने ॥ ५.३९.५२ ॥
女神よ、悲しみに泣いてはなりません。心に恐れを抱いてはなりません。輝ける方よ、シャチーが夫インドラと再会したように、あなたも夫と再び結ばれるでしょう。
5.39.53
रामाद् विशिष्टः कोऽन्योऽस्ति कश्चित् सौमित्रिणा समः।
अग्निमारुतकल्पौ तौ भ्रातरौ तव संश्रयौ ॥ ५.३९.५३ ॥
ラーマより優れた者が誰かいましょうか。サウミトリ（ラクシュマナ）に並ぶ者が誰かいましょうか。火と風のようなその二人の兄弟が、あなたの拠り所なのです。
5.39.54
नास्मिंश्चिरं वत्स्यसि देवि देशे
रक्षोगणैरध्युषितेऽतिरौद्रे।
न ते चिरादागमनं प्रियस्य
क्षमस्व मत्संगमकालमात्रम् ॥ ५.३९.५४ ॥
女神よ、羅刹の群れが住むこの恐ろしい地に、あなたは長くはとどまらないでしょう。あなたの愛しい方の来訪も長く遅れることはありません。私と会うまでの間だけ耐え忍んでください。