Vālmīki Rāmāyaṇa · Sarga 6.41
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.41.1
अथ तस्मिन् निमित्तानि दृष्ट्वा लक्ष्मणपूर्वजः।
सुग्रीवं सम्परिष्वज्य रामो वचनमब्रवीत् ॥ ६.४१.१ ॥
Then, seeing omens there, Rāma, the elder brother of Lakṣmaṇa, embraced Sugrīva and spoke these words.
6.41.2
असम्मन्त्र्य मया सार्धं तदिदं साहसं कृतम्।
एवं साहसयुक्तानि न कुर्वन्ति जनेश्वराः ॥ ६.४१.२ ॥
You have done this rash deed without consulting me. Kings do not undertake such reckless acts.
6.41.3
संशये स्थाप्य मां चेदं बलं चेमं विभीषणम्।
कष्टं कृतमिदं वीर साहसं साहसप्रिय ॥ ६.४१.३ ॥
Heroic one, having placed me, this army, and this Vibhīṣaṇa in peril, you have done a painful thing. O lover of daring, this rashness is hard.
6.41.4
इदानीं मा कृथा वीर एवंविधमरिंदम।
त्वयि किंचित्समापन्ने किं कार्यं सीतया मम ॥ ६.४१.४ ॥
Hero, subduer of foes, do not do such a thing again. If anything should befall you, what use is Sītā to me?
6.41.5
भरतेन महाबाहो लक्ष्मणेन यवीयसा।
शत्रुघ्नेन च शत्रुघ्न स्वशरीरेण वा पुनः ॥ ६.४१.५ ॥
Mighty-armed one, slayer of foes, even with Bharata, the younger Lakṣmaṇa and Śatrughna, or even with my own body, nothing would matter to me.
6.41.6
त्वयि चानागते पूर्वमिति मे निश्चिता मतिः।
जानतश्चापि ते वीर्यं महेन्द्रवरुणोपम ॥ ६.४१.६ ॥
Even before you came, my resolve was fixed on this. Equal to Indra and Varuṇa, I know your valour as well.
6.41.7
हत्वाहं रावणं युद्धे सपुत्रबलवाहनम्।
अभिषिच्य च लङ्कायां विभीषणमथापि च ॥ ६.४१.७ ॥
Having slain Rāvaṇa in battle, with his sons, army and vehicles, and having anointed Vibhīṣaṇa in Laṅkā,
6.41.8
भरते राज्यमारोप्य त्यक्ष्ये देहं महाबल।
तमेवं वादिनं रामं सुग्रीवः प्रत्यभाषत ॥ ६.४१.८ ॥
Having entrusted the kingdom to Bharata, O mighty one, I shall give up my body.
6.41.9
तव भार्यापहर्तारं दृष्ट्वा राघव रावणम्।
मर्षयामि कथं वीर जानन् विक्रममात्मनः ॥ ६.४१.९ ॥
O Rāghava, seeing Rāvaṇa, the abductor of your wife, how could I endure it, O hero, knowing my own prowess?
6.41.10
इत्येवं वादिनं वीरमभिनन्द्य च राघवः।
लक्ष्मणं लक्ष्मिसम्पन्नमिदं वचनमब्रवीत् ॥ ६.४१.१० ॥
Having praised the hero who spoke thus, Rāghava said these words to Lakṣmaṇa, endowed with auspicious marks.
6.41.11
परिगृह्योदकं शीतं वनानि फलवन्ति च।
बलौघं संविभज्येमं व्यूह्य तिष्ठाम लक्ष्मण ॥ ६.४१.११ ॥
Taking possession of cool water and fruit-bearing forests, O Lakṣmaṇa, let us divide this host of troops, arrange it in formation, and take our stand.
6.41.12
लोकक्षयकरं भीमं भयं पश्याम्युपस्थितम्।
निबर्हणं प्रवीराणामृक्षवानररक्षसाम् ॥ ६.४१.१२ ॥
I see a terrible danger arisen, causing the destruction of the worlds, which will annihilate the great heroes of the bears, monkeys and rākṣasas.
6.41.13
वाता हि परुषं वान्ति कम्पते च वसुंधरा।
पर्वताग्राणि वेपन्ते नदन्ति धरणीधराः ॥ ६.४१.१३ ॥
The winds blow harshly, and the earth quakes. The mountain peaks tremble, and the earth-bearing mountains roar.
6.41.14
मेघाः क्रव्यादसंकाशाः परुषाः परुषस्वराः।
क्रूराः क्रूरं प्रवर्षन्ते मिश्रं शोणितबिन्दुभिः ॥ ६.४१.१४ ॥
The clouds, like flesh-eating demons, are harsh and have harsh voices. Cruel clouds pour down cruelly, rain mixed with drops of blood.
6.41.15
रक्तचन्दनसंकाशा संध्या परमदारुणा।
ज्वलच्च निपतत्येतदादित्यादग्निमण्डलम् ॥ ६.४१.१५ ॥
The twilight, resembling red sandalwood, is most dreadful. And look, a blazing disc of fire is falling from the sun.
6.41.16
आदित्यमभिवाश्यन्ति जनयन्तो महद्भयम्।
दीना दीनस्वरा घोरा अप्रशस्ता मृगद्विजाः ॥ ६.४१.१६ ॥
Facing the sun and causing great fear, wretched beasts and birds with pitiful cries, terrible and ill-omened, are crying out.
6.41.17
रजन्यामप्रकाशश्च संतापयति चन्द्रमाः।
कृष्णरक्तांशुपर्यन्तो यथा लोकस्य संक्षये ॥ ६.४१.१७ ॥
At night the moon, without light, scorches, its rays' edges dark and red, as if at the destruction of the world.
6.41.18
ह्रस्वो रूक्षोऽप्रशस्तश्च परिवेषः सुलोहितः।
आदित्यमण्डले नीलं लक्ष्म लक्ष्मण दृश्यते ॥ ६.४१.१८ ॥
Around the sun's disc is a short, rough, ill-omened halo, very red. Lakṣmaṇa, a dark-blue mark is seen in the sun's disc.
6.41.19
दृश्यन्ते न यथावच्च नक्षत्राण्यभिवर्तते।
युगान्तमिव लोकस्य पश्य लक्ष्मण शंसति ॥ ६.४१.१९ ॥
The stars are not seen as they should be, and the constellations are wheeling about. Look, Lakṣmaṇa, it seems to announce the end of an age of the world.
6.41.20
काकाः श्येनास्तथा गृध्रा नीचैः परिपतन्ति च।
शिवाश्चाप्यशुभा वाचः प्रवदन्ति महास्वनाः ॥ ६.४१.२० ॥
Crows, hawks and vultures swoop down low, and jackals too utter inauspicious, loud cries.
6.41.21
शैलैः शूलैश्च खड्गैश्च विमुक्तैः कपिराक्षसैः।
भविष्यत्यावृता भूमिर्मांसशोणितकर्दमा ॥ ६.४१.२१ ॥
The earth will be covered with rocks, spears and swords hurled by the monkeys and rākṣasas, and become a mire of flesh and blood.
6.41.22
क्षिप्रमद्य दुराधर्षां पुरीं रावणपालिताम्।
अभियाम जवेनैव सर्वतो हरिभिर्वृताः ॥ ६.४१.२२ ॥
Let us advance today, swiftly and from every side, surrounded by the monkeys, upon that unassailable city protected by Rāvaṇa.
6.41.23
इत्येवं तु वदन् वीरो लक्ष्मणं लक्ष्मणाग्रजः।
तस्मादवातरच्छीघ्रं पर्वताग्रान्महाबलः ॥ ६.४१.२३ ॥
Thus speaking to Lakṣmaṇa, the hero, Lakṣmaṇa's elder brother, the mighty one, quickly came down from the mountain peak.
6.41.24
अवतीर्य तु धर्मात्मा तस्माच्छैलात् स राघवः।
परैः परमदुर्धर्षं ददर्श बलमात्मनः ॥ ६.४१.२४ ॥
Having come down from that mountain, the righteous-souled Rāghava beheld his own army, which was exceedingly hard for enemies to assail.
6.41.25
संनह्य तु ससुग्रीवः कपिराजबलं महत्।
कालज्ञो राघवः काले संयुगायाभ्यचोदयत् ॥ ६.४१.२५ ॥
Having armed the great army of the monkey-king together with Sugrīva, Rāghava, who knew the right time, at the proper moment urged it forward for battle.
6.41.26
ततः काले महाबाहुर्बलेन महता वृतः।
प्रस्थितः पुरतो धन्वी लङ्कामभिमुखः पुरीम् ॥ ६.४१.२६ ॥
Then, at the proper time, the mighty-armed, bow-bearing one, surrounded by a great force, set out in front, facing toward the city of Laṅkā.
6.41.27
तं विभीषणसुग्रीवौ हनूमाञ्जाम्बवान् नलः।
ऋक्षराजस्तथा नीलो लक्ष्मणश्चान्वयुस्तदा ॥ ६.४१.२७ ॥
Vibhīṣaṇa and Sugrīva, Hanumān, Jāmbavān, Nala, the bear-king, likewise Nīla and Lakṣmaṇa, then followed him.
6.41.28
ततः पश्चात् सुमहती पृतनर्क्षवनौकसाम्।
प्रच्छाद्य महतीं भूमिमनुयाति स्म राघवम् ॥ ६.४१.२८ ॥
Then, behind, a very great army of bears and forest-dwelling monkeys, covering the vast ground, followed Rāghava.
6.41.29
शैलशृङ्गाणि शतशः प्रवृद्धांश्च महीरुहान्।
जगृहुः कुञ्जरप्रख्या वानराः परवारणाः ॥ ६.४१.२९ ॥
The monkeys, like elephants, mighty warriors that check the foe, seized hundreds of mountain peaks and tall trees.
6.41.30
तौ त्वदीर्घेण कालेन भ्रातरौ रामलक्ष्मणौ।
रावणस्य पुरीं लङ्कामासेदतुररिंदमौ ॥ ६.४१.३० ॥
The two brothers Rāma and Lakṣmaṇa, subduers of foes, without long delay reached the city of Rāvaṇa, Laṅkā.
6.41.31
पताकामालिनीं रम्यामुद्यानवनशोभिताम्।
चित्रवप्रां सुदुष्प्रापामुच्चैः प्राकारतोरणाम् ॥ ६.४१.३१ ॥
Lanka, adorned with garlands of banners, lovely, graced with gardens and groves, with wondrous ramparts, very hard to reach, with high walls and gateways.
6.41.32
तां सुरैरपि दुर्धर्षां रामवाक्यप्रचोदिताः।
यथानिदेशं सम्पीड्य न्यविशन्त वनौकसः ॥ ६.४१.३२ ॥
Into that city, unassailable even by the gods, the forest-dwelling vanaras, impelled by Rāma's words, pressed in according to his instruction.
6.41.33
लङ्कायास्तूत्तरद्वारं शैलशृङ्गमिवोन्नतम्।
रामः सहानुजो धन्वी जुगोप च रुरोध च ॥ ६.४१.३३ ॥
The northern gate of Lanka, lofty as a mountain peak, was guarded and besieged by Rāma, the bow-wielder, together with his younger brother.
6.41.34
लङ्कामुपनिविष्टस्तु रामो दशरथात्मजः।
लक्ष्मणानुचरो वीरः पुरीं रावणपालिताम् ॥ ६.४१.३४ ॥
Rāma, the hero, son of Daśaratha, followed by Lakṣmaṇa, encamped near the city of Lanka, which was protected by Rāvaṇa.
6.41.35
उत्तरद्वारमासाद्य यत्र तिष्ठति रावणः।
नान्यो रामाद्धि तद् द्वारं समर्थः परिरक्षितुम् ॥ ६.४१.३५ ॥
Having reached the northern gate, where Rāvaṇa stands, no one other than Rāma is able to guard that gate.
6.41.36
रावणाधिष्ठितं भीमं वरुणेनेव सागरम्।
सायुधै राक्षसैर्भीमैरभिगुप्तं समन्ततः ॥ ६.४१.३६ ॥
That terrible Lanka, ruled over by Rāvaṇa as the ocean is ruled by Varuṇa, was guarded on all sides by fearsome rākṣasas armed with weapons.
6.41.37
लघूनां त्रासजननं पातालमिव दानवैः।
विन्यस्तानि च योधानां बहूनि विविधानि च ॥ ६.४१.३७ ॥
It caused terror in the small monkeys, like the netherworld filled with dānavas; there were many and various weapons of the warriors arrayed there.
6.41.38
ददर्शायुधजालानि तथैव कवचानि च।
पूर्वं तु द्वारमासाद्य नीलो हरिचमूपतिः ॥ ६.४१.३८ ॥
He saw the masses of weapons and likewise the armours. First, reaching the gate stood Nīla, commander of the monkey army.
6.41.39
अतिष्ठत् सह मैन्देन द्विविदेन च वीर्यवान्।
अङ्गदो दक्षिणद्वारं जग्राह सुमहाबलः ॥ ६.४१.३९ ॥
Together with Maindа and Dvivida the mighty one stood; Aṅgada, very powerful, took hold of the southern gate.
6.41.40
ऋषभेण गवाक्षेण गजेन गवयेन च।
हनूमान् पश्चिमद्वारं ररक्ष बलवान् कपिः ॥ ६.४१.४० ॥
With Ṛṣabha, Gavākṣa, Gaja and Gavaya; the strong monkey Hanumān guarded the western gate.
6.41.41
प्रमाथिप्रघसाभ्यां च वीरैरन्यैश्च संगतः।
मध्यमे च स्वयं गुल्मे सुग्रीवः समतिष्ठत ॥ ६.४१.४१ ॥
Joined with Pramāthi and Praghasa and other heroes, Sugrīva himself stood in the central division.
6.41.42
सह सर्वैर्हरिश्रेष्ठैः सुपर्णपवनोपमैः।
वानराणां तु षट्त्रिंशत्कोट्यः प्रख्यातयूथपाः ॥ ६.४१.४२ ॥
Together with all the best of monkeys, equal to Garuḍa and the wind, there were thirty-six crores of renowned troop-leaders of the monkeys.
6.41.43
निपीड्योपनिविष्टाश्च सुग्रीवो यत्र वानरः।
शासनेन तु रामस्य लक्ष्मणः सविभीषणः ॥ ६.४१.४३ ॥
Where Sugrīva and the monkey host stood pressing forward, there by Rāma's command Lakṣmaṇa took his stand together with Vibhīṣaṇa.
6.41.44
द्वारे द्वारे हरीणां तु कोटिं कोटीर्न्यवेशयत्।
पश्चिमेन तु रामस्य सुषेणः सहजाम्बवान् ॥ ६.४१.४४ ॥
At every gate he stationed crores upon crores of the monkeys; and on the western side, on Rāma's behalf, was Suṣeṇa together with Jāmbavān.
6.41.45
अदूरान्मध्यमे गुल्मे तस्थौ बहुबलानुगः।
ते तु वानरशार्दूलाः शार्दूला इव दंष्ट्रिणः।
गृहीत्वा द्रुमशैलाग्रान् हृष्टा युद्धाय तस्थिरे ॥ ६.४१.४५ ॥
Not far off, in the central formation, he stood with a great and mighty host; and those tiger-like monkeys, like fanged tigers, taking up trees and mountain peaks, stood gladly ready for battle.
6.41.46
सर्वे विकृतलाङ्गूलाः सर्वे दंष्ट्रानखायुधाः।
सर्वे विकृतचित्राङ्गाः सर्वे च विकृताननाः ॥ ६.४१.४६ ॥
All had twisted tails; all had teeth and claws for weapons; all had grotesquely marked bodies; and all had fearsome faces.
6.41.47
दशनागबलाः केचित् केचिद् दशगुणोत्तराः।
केचिन्नागसहस्रस्य बभूवुस्तुल्यविक्रमाः ॥ ६.४१.४७ ॥
Some had the strength of ten elephants; some were ten times stronger still; and some became equal in prowess to a thousand elephants.
6.41.48
सन्ति चौघबलाः केचित् केचिच्छतगुणोत्तराः।
अप्रमेयबलाश्चान्ये तत्रासन् हरियूथपाः ॥ ६.४१.४८ ॥
Some had the strength of a flood; some were a hundred times stronger; and others had strength beyond measure—there were the leaders of the monkey troops.
6.41.49
अद्भुतश्च विचित्रश्च तेषामासीत् समागमः।
तत्र वानरसैन्यानां शलभानामिवोद्गमः ॥ ६.४१.४९ ॥
Wondrous and marvellous was their gathering; there the vanara armies surged up like a rising of locusts.
6.41.50
परिपूर्णमिवाकाशं सम्पूर्णेव च मेदिनी।
लङ्कामुपनिविष्टैश्च सम्पतद्भिश्च वानरैः ॥ ६.४१.५० ॥
The sky seemed filled, the earth seemed complete, with the vanaras encamped around Lanka and swooping down upon it.
6.41.51
शतं शतसहस्राणां पृतनर्क्षवनौकसाम्।
लङ्काद्वाराण्युपाजग्मुरन्ये योद्धुं समन्ततः ॥ ६.४१.५१ ॥
Hundreds of thousands of armies of bears and forest-dwelling vanaras came up to the gates of Lanka; others came from all sides to fight.
6.41.52
आवृतः स गिरिः सर्वैस्तैः समन्तात् प्लवङ्गमैः।
अयुतानां सहस्रं च पुरीं तामभ्यवर्तत ॥ ६.४१.५२ ॥
That mountain was surrounded on all sides by all those leaping vanaras; a thousand times ten thousand surrounded that city.
6.41.53
वानरैर्बलवद्भिश्च बभूव द्रुमपाणिभिः।
सर्वतः संवृता लङ्का दुष्प्रवेशापि वायुना ॥ ६.४१.५३ ॥
Lanka was enclosed on all sides by the mighty vanaras, holding trees in their hands; even the wind could hardly enter it.
6.41.54
राक्षसा विस्मयं जग्मुः सहसाभिनिपीडिताः।
वानरैर्मेघसंकाशैः शक्रतुल्यपराक्रमैः ॥ ६.४१.५४ ॥
The rakshasas, suddenly pressed hard, were struck with amazement by the vanaras, cloud-like and matching Indra in valour.
6.41.55
महाञ्छब्दोऽभवत् तत्र बलौघस्याभिवर्ततः।
सागरस्येव भिन्नस्य यथा स्यात् सलिलस्वनः ॥ ६.४१.५५ ॥
A great sound arose there as the flood of the host advanced, like the roar of waters from a broken ocean.
6.41.56
तेन शब्देन महता सप्राकारा सतोरणा।
लङ्का प्रचलिता सर्वा सशैलवनकानना ॥ ६.४१.५६ ॥
By that great sound all of Laṅkā, with its ramparts and gateways, its mountains, groves and forests, was shaken.
6.41.57
रामलक्ष्मणगुप्ता सा सुग्रीवेण च वाहिनी।
बभूव दुर्धर्षतरा सर्वैरपि सुरासुरैः ॥ ६.४१.५७ ॥
Protected by Rāma and Lakṣmaṇa, that army together with Sugrīva became more unassailable than all the gods and demons combined.
6.41.58
राघवः संनिवेश्यैवं स्वसैन्यं रक्षसां वधे।
सम्मन्त्र्य मन्त्रिभिः सार्धं निश्चित्य च पुनः पुनः ॥ ६.४१.५८ ॥
Rāghava, having thus arrayed his own army for the slaying of the rākṣasas, deliberated with his ministers and decided again and again.
6.41.59
आनन्तर्यमभिप्रेप्सुः क्रमयोगार्थतत्त्ववित् ।
विभीषणस्यानुमते राजधर्ममनुस्मरन् ॥ ६.४१.५९ ॥
Rāma, knowing the true meaning of sequence and means, desiring what must follow next, with Vibhīṣaṇa's approval, and recalling the duty of kings, (decided).
6.41.60
अङ्गदं वालितनयं समाहूयेदमब्रवीत्।
गत्वा सौम्य दशग्रीवं ब्रूहि मद्वचनात् कपे ॥ ६.४१.६० ॥
Having summoned Aṅgada, son of Vālī, he spoke this: "Go, gentle monkey, and tell Daśagrīva at my word."
6.41.61
लङ्घयित्वा पुरीं लङ्कां भयं त्यक्त्वा गतव्यथः।
भ्रष्टश्रीकं गतैश्वर्यं मुमूर्षानष्टचेतनम् ॥ ६.४१.६१ ॥
Having leapt over the city of Laṅkā, free of fear and of distress, I saw your city stripped of its splendor and power, its consciousness lost in longing for death.
6.41.62
ऋषीणां देवतानां च गन्धर्वाप्सरसां तथा।
नागानामथ यक्षाणां राज्ञां च रजनीचर ॥ ६.४१.६२ ॥
And likewise the sages, the gods, the Gandharvas and Apsarases, the serpents, the Yakṣas and the kings are in the same state, O night-wanderer.
6.41.63
यच्च पापं कृतं मोहादवलिप्तेन राक्षस।
नूनं ते विगतो दर्पः स्वयंभूवरदानजः।
तस्य पापस्य सम्प्राप्ता व्युष्टिरद्य दुरासदा ॥ ६.४१.६३ ॥
And the sin you committed out of delusion and arrogance, O rākṣasa — surely your pride, born of the boon of Svayambhū, has vanished. The hard-to-bear fruit of that sin has arrived today.
6.41.64
यस्य दण्डधरस्तेऽहं दाराहरणकर्शितः।
दण्डं धारयमाणस्तु लङ्काद्वारे व्यवस्थितः ॥ ६.४१.६४ ॥
I, by whom you are to be punished, worn down by the abduction of a wife, stand at the gate of Laṅkā bearing the rod.
6.41.65
पदवीं देवतानां च महर्षीणां च राक्षस।
राजर्षीणां च सर्वेषां गमिष्यसि युधि स्थिरः ॥ ६.४१.६५ ॥
O rākṣasa, if you stand firm in battle, you will go the way of the gods, the great sages, the royal sages, and all of them.
6.41.66
बलेन येन वै सीतां मायया राक्षसाधम।
मामतिक्रमयित्वा त्वं हृतवांस्तन्निदर्शय ॥ ६.४१.६६ ॥
O vilest of rākṣasas, show now that very strength by which, through trickery and evading me, you carried off Sītā.
6.41.67
अराक्षसमिमं लोकं कर्तास्मि निशितैः शरैः।
न चेच्छरणमभ्येषि तामादाय तु मैथिलीम् ॥ ६.४१.६७ ॥
If you do not come to me for refuge, bringing Maithilī with you, I will make this world free of rākṣasas with my sharp arrows.
6.41.68
धर्मात्मा राक्षसश्रेष्ठः सम्प्राप्तोऽयं विभीषणः।
लङ्कैश्वर्यमिदं श्रीमान् ध्रुवं प्राप्नोत्यकण्टकम् ॥ ६.४१.६८ ॥
Vibhīṣaṇa, the righteous-souled best of rākṣasas, has arrived here; this glorious one will surely obtain the lordship of Laṅkā without thorns.
6.41.69
नहि राज्यमधर्मेण भोक्तुं क्षणमपि त्वया।
शक्यं मूर्खसहायेन पापेनाविदितात्मना ॥ ६.४१.६९ ॥
By you, sinful and ignorant of your own self, with foolish companions, and by unrighteousness, not even for a moment can the kingdom be enjoyed.
6.41.70
युध्यस्व मा धृतिं कृत्वा शौर्यमालम्ब्य राक्षस।
मच्छरैस्त्वं रणे शान्तस्ततः पूतो भविष्यसि ॥ ६.४१.७० ॥
O rākṣasa, fight with resolve and take up valour; having been pacified in battle by my arrows, then you will become purified.
6.41.71
यद्याविशसि लोकांस्त्रीन् पक्षीभूतो निशाचर।
मम चक्षुःपथं प्राप्य न जीवन् प्रतियास्यसि ॥ ६.४१.७१ ॥
O night-wanderer, even if you enter the three worlds as a bird, having come into the path of my sight you will not return alive.
6.41.72
ब्रवीमि त्वां हितं वाक्यं क्रियतामौर्ध्वदेहिकम्।
सुदृष्टा क्रियतां लङ्का जीवितं ते मयि स्थितम् ॥ ६.४१.७२ ॥
I tell you a word of benefit: have your funeral rites performed, and look well upon Laṅkā, for your life rests in me.
6.41.73
इत्युक्तः स तु तारेयो रामेणाक्लिष्टकर्मणा।
जगामाकाशमाविश्य मूर्तिमानिव हव्यवाट् ॥ ६.४१.७३ ॥
Thus addressed by Rāma of unwearied deeds, the son of Tārā rose into the sky, like the sacrificial fire made manifest.
6.41.74
सोऽतिपत्य मुहूर्तेन श्रीमान् रावणमन्दिरम्।
ददर्शासीनमव्यग्रं रावणं सचिवैः सह ॥ ६.४१.७४ ॥
In a moment that splendid one passed over and reached Rāvaṇa's palace, and there he saw Rāvaṇa seated, unperturbed, with his ministers.
6.41.75
ततस्तस्याविदूरेण निपत्य हरिपुंगवः।
दीप्ताग्निसदृशस्तस्थावङ्गदः कनकाङ्गदः ॥ ६.४१.७५ ॥
Then, alighting near him, Aṅgada, best of monkeys, blazing like a fire, golden-armleted, took his stand.
6.41.76
तद् रामवचनं सर्वमन्यूनाधिकमुत्तमम्।
सामात्यं श्रावयामास निवेद्यात्मानमात्मना ॥ ६.४१.७६ ॥
Introducing himself, he recited all of Rāma's excellent words, neither less nor more, to Rāvaṇa and his ministers.
6.41.77
दूतोऽहं कोसलेन्द्रस्य रामस्याक्लिष्टकर्मणः।
वालिपुत्रोऽङ्गदो नाम यदि ते श्रोत्रमागतः ॥ ६.४१.७७ ॥
I am the envoy of Rāma, lord of Kosala, of unwearied deeds; Aṅgada, son of Vālī, is my name—if it has reached your ears.
6.41.78
आह त्वां राघवो रामः कौसल्यानन्दवर्धनः।
निष्पत्य प्रतियुध्यस्व नृशंस पुरुषो भव ॥ ६.४१.७८ ॥
Rāma, the Rāghava, delight of Kausalyā, says to you: Come forth and fight back, cruel one—be a man.
6.41.79
हन्तास्मि त्वां सहामात्यं सपुत्रज्ञातिबान्धवम्।
निरुद्विग्नास्त्रयो लोका भविष्यन्ति हते त्वयि ॥ ६.४१.७९ ॥
I will kill you together with your ministers, sons, kinsmen and relatives. When you are slain, the three worlds will be free from fear.
6.41.80
देवदानवयक्षाणां गन्धर्वोरगरक्षसाम्।
शत्रुमद्योद्धरिष्यामि त्वामृषीणां च कण्टकम् ॥ ६.४१.८० ॥
Today I will uproot you, the enemy of gods, dānavas, yakṣas, gandharvas, serpents and rākṣasas, the thorn in the side of the sages.
6.41.81
विभीषणस्य चैश्वर्यं भविष्यति हते त्वयि।
न चेत् सत्कृत्य वैदेहीं प्रणिपत्य प्रदास्यसि ॥ ६.४१.८१ ॥
Vibhīṣaṇa will gain sovereignty when you are slain. If you do not honourably bow down and return Vaidehī,
6.41.82
इत्येवं परुषं वाक्यं ब्रुवाणे हरिपुङ्गवे।
अमर्षवशमापन्नो निशाचरगणेश्वरः ॥ ६.४१.८२ ॥
As the best of monkeys spoke these harsh words, the lord of the night-wanderers was seized by anger.
6.41.83
ततः स रोषमापन्नः शशास सचिवांस्तदा।
गृह्यतामिति दुर्मेधा वध्यतामिति चासकृत् ॥ ६.४१.८३ ॥
Then, enraged, the foolish one commanded his ministers again and again: "Seize him! Kill him!"
6.41.84
रावणस्य वचः श्रुत्वा दीप्ताग्निमिव तेजसा।
जगृहुस्तं ततो घोराश्चत्वारो रजनीचराः ॥ ६.४१.८४ ॥
Hearing Rāvaṇa's words, four terrible night-wanderers seized him, blazing with splendour like a kindled fire.
6.41.85
ग्राहयामास तारेयः स्वयमात्मानमात्मवान्।
बलं दर्शयितुं वीरो यातुधानगणे तदा ॥ ६.४१.८५ ॥
The son of Tārā, the hero, composed in himself, let himself be seized of his own accord, that he might display his strength before the host of rākṣasas.
6.41.86
स तान् बाहुद्वयासक्तानादाय पतगानिव।
प्रासादं शैलसंकाशमुत्पपाताङ्गदस्तदा ॥ ६.४१.८६ ॥
Aṅgada, taking up those clinging to his two arms like birds, then leapt up toward the palace, which resembled a mountain.
6.41.87
तस्योत्पतनवेगेन निर्धूतास्तत्र राक्षसाः।
भूमौ निपतिताः सर्वे राक्षसेन्द्रस्य पश्यतः ॥ ६.४१.८७ ॥
By the force of his leap, all the rākṣasas there were shaken off and fell to the ground while the lord of the rākṣasas looked on.
6.41.88
ततः प्रासादशिखरं शैलशृङ्गमिवोन्नतम्।
चक्राम राक्षसेन्द्रस्य वालिपुत्रः प्रतापवान् ॥ ६.४१.८८ ॥
Then Aṅgada, son of Vālin, the mighty one, strode across the summit of the palace of the lord of the rākṣasas, lofty as a mountain peak.
6.41.89
पफाल च तदाक्रान्तं दशग्रीवस्य पश्यतः।
पुरा हिमवतः शृङ्गं वज्रेणेव विदारितम् ॥ ६.४१.८९ ॥
Then, as Daśagrīva watched, it was trampled by his feet and split, as in the past a peak of the Himālaya was split by the thunderbolt.
6.41.90
भङ्क्त्वा प्रासादशिखरं नाम विश्राव्य चात्मनः।
विनद्य सुमहानादमुत्पपात विहायसा ॥ ६.४१.९० ॥
Breaking the summit of the palace, proclaiming his own name, and roaring a mighty roar, he leapt up into the sky.
6.41.91
व्यथयन् राक्षसान् सर्वान् हर्षयंश्चापि वानरान्।
स वानराणां मध्ये तु रामपार्श्वमुपागतः ॥ ६.४१.९१ ॥
Tormenting all the rākṣasas and gladdening the vānaras, he came through the midst of the vānaras and reached Rāma's side.
6.41.92
रावणस्तु परं चक्रे क्रोधं प्रासादधर्षणात्।
विनाशं चात्मनः पश्यन् निःश्वासपरमोऽभवत् ॥ ६.४१.९२ ॥
But Rāvaṇa, because his palace had been desecrated, grew exceedingly angry; seeing his own destruction, he began to sigh deeply.
6.41.93
रामस्तु बहुभिर्हृष्टैर्विनदद्भिः प्लवङ्गमैः।
वृतो रिपुवधाकाङ्क्षी युद्धायैवाभ्यवर्तत ॥ ६.४१.९३ ॥
But Rāma, desiring the slaying of his enemy, surrounded by many joyful, roaring leaping monkeys, advanced straight toward the battle.
6.41.94
सुषेणस्तु महावीर्यो गिरिकूटोपमो हरिः।
बहुभिः संवृतस्तत्र वानरैः कामरूपिभिः ॥ ६.४१.९४ ॥
Suṣeṇa, a monkey of great valour, like a mountain peak, was there surrounded by many vānaras able to assume any form they wished.
6.41.95
स तु द्वाराणि संयम्य सुग्रीववचनात् कपिः।
पर्यक्रामत दुर्धर्षो नक्षत्राणीव चन्द्रमाः ॥ ६.४१.९५ ॥
At Sugrīva's word, that unassailable monkey blocked the gates and moved about like the moon among the stars.
6.41.96
तेषामक्षौहिणिशतं समवेक्ष्य वनौकसाम्।
लङ्कामुपनिविष्टानां सागरं चाभिवर्तताम् ॥ ६.४१.९६ ॥
Having seen the hundred akṣauhiṇīs of those forest-dwelling monkeys, who had encamped around Laṅkā and were advancing toward the ocean.
6.41.97
राक्षसा विस्मयं जग्मुस्त्रासं जग्मुस्तथापरे।
अपरे समरे हर्षाद्धर्षमेवोपपेदिरे ॥ ६.४१.९७ ॥
Some of the rākṣasas were struck with amazement, and others fell into terror. Others, in battle, from exultation attained only delight.
6.41.98
कृत्स्नं हि कपिभिर्व्याप्तं प्राकारपरिखान्तरम्।
ददृशू राक्षसा दीनाः प्राकारं वानरीकृतम्।
हाहाकारमकुर्वन्त राक्षसा भयमागताः ॥ ६.४१.९८ ॥
The wretched rākṣasas saw the entire space between the rampart and the moat filled with monkeys; the rampart had been made into a place of monkeys. Overcome with fear, the rākṣasas raised cries of alas.
6.41.99
तस्मिन् महाभीषणके प्रवृत्ते
कोलाहले राक्षसराजयोधाः।
प्रगृह्य रक्षांसि महायुधानि
युगान्तवाता इव संविचेरुः ॥ ६.४१.९९ ॥
When that exceedingly terrible tumult arose, the warriors of the rākṣasa king, seizing great weapons, rushed hither and thither like the winds at the end of the age.