Vālmīki Rāmāyaṇa · Sarga 6.50
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.50.1
अथोवाच महातेजा हरिराजो महाबलः।
किमियं व्यथिता सेना मूढवातेव नौर्जले ॥ ६.५०.१ ॥
Then the lord of the monkeys, of great radiance and great strength, spoke: "Why is this army distressed, like a boat on the water tossed by a bewildered wind?"
6.50.2
सुग्रीवस्य वचः श्रुत्वा वालिपुत्रोऽङ्गदोऽब्रवीत्।
न त्वं पश्यसि रामं च लक्ष्मणं च महारथम् ॥ ६.५०.२ ॥
Hearing Sugrīva's words, Aṅgada, the son of Vālī, said: "Do you not see Rāma and Lakṣmaṇa, the great charioteers?"
6.50.3
शरजालाचितौ वीरावुभौ दशरथात्मजौ।
शरतल्पे महात्मानौ शयानौ रुधिरोक्षितौ ॥ ६.५०.३ ॥
Those two heroes, covered with a net of arrows, drenched in blood, lying on a bed of arrows, are the great-souled sons of Daśaratha, Rāma and Lakṣmaṇa.
6.50.4
अथाब्रवीद् वानरेन्द्रः सुग्रीवः पुत्रमङ्गदम्।
नानिमित्तमिदं मन्ये भवितव्यं भयेन तु ॥ ६.५०.४ ॥
Then Sugrīva, lord of the monkeys, said to his son Aṅgada: "I think this has not happened without cause; surely it must be due to fear."
6.50.5
विषण्णवदना ह्येते त्यक्तप्रहरणा दिशः।
पलायन्तेऽत्र हरयस्त्रासादुत्फुल्ललोचनाः ॥ ६.५०.५ ॥
These monkeys, with downcast faces, having cast away their weapons, are fleeing in all directions here, their eyes wide with terror.
6.50.6
अन्योन्यस्य न लज्जन्ते न निरीक्षन्ति पृष्ठतः।
विप्रकर्षन्ति चान्योन्यं पतितं लङ्घयन्ति च ॥ ६.५०.६ ॥
They are not ashamed before one another, nor do they look back; they drag each other away and leap over those who have fallen.
6.50.7
एतस्मिन्नन्तरे वीरो गदापाणिर्विभीषणः।
सुग्रीवं वर्धयामास राघवं च जयाशिषा ॥ ६.५०.७ ॥
Meanwhile, the hero Vibhīṣaṇa, mace in hand, greeted Sugrīva and Rāghava with blessings of victory.
6.50.8
विभीषणं च सुग्रीवो दृष्ट्वा वानरभीषणम्।
ऋक्षराजं महात्मानं समीपस्थमुवाच ह ॥ ६.५०.८ ॥
Seeing Vibhīṣaṇa, who was frightening to the monkeys, Sugrīva spoke to the great-souled king of the bears who stood nearby.
6.50.9
विभीषणोऽयं सम्प्राप्तो यं दृष्ट्वा वानरर्षभाः।
द्रवन्त्यायतसंत्रासा रावणात्मजशङ्कया ॥ ६.५०.९ ॥
Vibhīṣaṇa has arrived, and seeing him, the best of monkeys flee in great terror, suspecting him to be a son of Rāvaṇa.
6.50.10
शीघ्रमेतान् सुसंत्रस्तान् बहुधा विप्रधावितान्।
पर्यवस्थापयाख्याहि विभीषणमुपस्थितम् ॥ ६.५०.१० ॥
Quickly, stop these monkeys, greatly terrified and scattered in every direction, and tell them about Vibhīṣaṇa, who has come near.
6.50.11
सुग्रीवेणैवमुक्तस्तु जाम्बवानृक्षपार्थिवः।
वानरान् सान्त्वयामास संनिवर्त्य प्रधावतः ॥ ६.५०.११ ॥
When Sugrīva spoke thus, Jāmbavān, king of the bears, turned back the fleeing monkeys and reassured them.
6.50.12
ते निवृत्ताः पुनः सर्वे वानरास्त्यक्तसाध्वसाः।
ऋक्षराजवचः श्रुत्वा तं च दृष्ट्वा विभीषणम् ॥ ६.५०.१२ ॥
Having heard the words of the king of the bears and having seen Vibhīṣaṇa, all the monkeys, casting off their fear, turned back again.
6.50.13
विभीषणस्तु रामस्य दृष्ट्वा गात्रं शरैश्चितम्।
लक्ष्मणस्य तु धर्मात्मा बभूव व्यथितस्तदा ॥ ६.५०.१३ ॥
Seeing Rāma's body covered with arrows, and Lakṣmaṇa's too, the righteous-souled Vibhīṣaṇa was then deeply distressed.
6.50.14
जलक्लिन्नेन हस्तेन तयोर्नेत्रे विमृज्य च।
शोकसम्पीडितमना रुरोद विललाप च ॥ ६.५०.१४ ॥
Wiping the eyes of both of them with a water-wet hand, his mind oppressed by grief, he wept and lamented.
6.50.15
इमौ तौ सत्त्वसम्पन्नौ विक्रान्तौ प्रियसंयुगौ।
इमामवस्थां गमितौ राक्षसैः कूटयोधिभिः ॥ ६.५०.१५ ॥
These two, endowed with courage, valiant and loving battle, have been brought to this state by deceitful rākṣasa warriors.
6.50.16
भ्रातृपुत्रेण चैतेन दुष्पुत्रेण दुरात्मना।
राक्षस्या जिह्मया बुद्ध्या वञ्चितावृजुविक्रमौ ॥ ६.५०.१६ ॥
By this brother's son, a wicked son and evil-minded, and by the crooked intellect of the rākṣasī, these straightforward, valiant men were deceived.
6.50.17
शरैरिमावलं विद्धौ रुधिरेण समुक्षितौ।
वसुधायामिमौ सुप्तौ दृश्येते शल्यकाविव ॥ ६.५०.१७ ॥
Pierced thoroughly by arrows, drenched in blood, these two lie upon the earth, appearing like porcupines.
6.50.18
ययोर्वीर्यमुपाश्रित्य प्रतिष्ठा काङ्क्षिता मया।
ताविमौ देहनाशाय प्रसुप्तौ पुरुषर्षभौ ॥ ६.५०.१८ ॥
Relying upon whose valor I had desired a foothold, these two bulls among men lie asleep for the destruction of their bodies.
6.50.19
जीवन्नद्य विपन्नोऽस्मि नष्टराज्यमनोरथः।
प्राप्तप्रतिज्ञश्च रिपुः सकामो रावणः कृतः ॥ ६.५०.१९ ॥
Though I live today, I am ruined, my desire for the kingdom lost; my vow unfulfilled, the enemy Rāvaṇa has gained his desire.
6.50.20
एवं विलपमानं तं परिष्वज्य विभीषणम्।
सुग्रीवः सत्त्वसम्पन्नो हरिराजोऽब्रवीदिदम् ॥ ६.५०.२० ॥
Thus embracing the lamenting Vibhīṣaṇa, Sugrīva, the monkey-king endowed with strength of heart, spoke these words.
6.50.21
राज्यं प्राप्स्यसि धर्मज्ञ लङ्कायां नेह संशयः।
रावणः सह पुत्रेण स्वकामं नेह लप्स्यते ॥ ६.५०.२१ ॥
O knower of dharma, you will surely obtain the kingdom of Laṅkā; there is no doubt. Rāvaṇa, with his son, will not attain his desire here.
6.50.22
गरुडाधिष्ठितावेतावुभौ राघवलक्ष्मणौ।
त्यक्त्वा मोहं वधिष्येते सगणं रावणं रणे ॥ ६.५०.२२ ॥
These two, Rāghava and Lakṣmaṇa, borne by Garuḍa, casting off their bewilderment, will slay Rāvaṇa with his army in battle.
6.50.23
तमेवं सान्त्वयित्वा तु समाश्वास्य तु राक्षसम्।
सुषेणं श्वशुरं पार्श्वे सुग्रीवस्तमुवाच ह ॥ ६.५०.२३ ॥
Having thus consoled and reassured that rākṣasa, Sugrīva spoke to Suṣeṇa, his father-in-law, who was beside him.
6.50.24
सह शूरैर्हरिगणैर्लब्धसंज्ञावरिंदमौ।
गच्छ त्वं भ्रातरौ गृह्य किष्किन्धां रामलक्ष्मणौ ॥ ६.५०.२४ ॥
Together with the heroic troops of monkeys, take the two brothers, Rāma and Lakṣmaṇa, who have regained consciousness and subdue their foes, and go to Kiṣkindhā.
6.50.25
अहं तु रावणं हत्वा सपुत्रं सहबान्धवम्।
मैथिलीमानयिष्यामि शक्रो नष्टामिव श्रियम् ॥ ६.५०.२५ ॥
Having slain Rāvaṇa together with his sons and kinsmen, I will bring back Maithilī, as Indra recovers a fortune that was lost.
6.50.26
श्रुत्वैतद् वानरेन्द्रस्य सुषेणो वाक्यमब्रवीत्।
देवासुरं महायुद्धमनुभूतं पुरातनम् ॥ ६.५०.२६ ॥
Hearing these words of the lord of the monkeys, Suṣeṇa spoke: I have experienced the great and ancient battle between gods and asuras.
6.50.27
तदा स्म दानवा देवान् शरसंस्पर्शकोविदान्।
निजघ्नुः शस्त्रविदुषश्छादयन्तो मुहुर्मुहुः ॥ ६.५०.२७ ॥
Then the dānavas struck down the gods, who were skilled in the touch of arrows and expert in weapons, covering them again and again with their shafts.
6.50.28
तानार्तान् नष्टसंज्ञांश्च गतासूंश्च बृहस्पतिः।
विद्याभिर्मन्त्रयुक्ताभिरोषधीभिश्चिकित्सति ॥ ६.५०.२८ ॥
Bṛhaspati treats those gods who are afflicted, senseless and lifeless, with sciences joined to mantras and with herbs.
6.50.29
तान्यौषधान्यानयितुं क्षीरोदं यान्तु सागरम्।
जवेन वानराः शीघ्रं सम्पातिपनसादयः ॥ ६.५०.२९ ॥
To bring those herbs, let the monkeys go swiftly to the Ocean of Milk — Sampāti, Panasa and the others, go quickly.
6.50.30
हरयस्तु विजानन्ति पार्वती ते महौषधी।
संजीवकरणीं दिव्यां विशल्यां देवनिर्मिताम् ॥ ६.५०.३० ॥
The monkeys know those great herbs from the mountain — Saṃjīvakaraṇī, divine Viśalyā, made by the gods.
6.50.31
चन्द्रश्च नाम द्रोणश्च क्षीरोदे सागरोत्तमे।
अमृतं यत्र मथितं तत्र ते परमौषधी ॥ ६.५०.३१ ॥
The mountains named Candra and Droṇa stand in the milk ocean, the best of oceans, where the nectar was churned; there are the supreme healing herbs.
6.50.32
तौ तत्र विहितौ देवैः पर्वतौ तौ महोदधौ।
अयं वायुसुतो राजन् हनूमांस्तत्र गच्छतु ॥ ६.५०.३२ ॥
Those two mountains were placed there by the gods, in that great ocean. O king, let this son of the Wind go there, Hanūmān.
6.50.33
एतस्मिन्नन्तरे वायुर्मेघाश्चापि सविद्युतः।
पर्यस्य सागरे तोयं कम्पयन्निव पर्वतान् ॥ ६.५०.३३ ॥
Meanwhile the wind and the clouds with lightning churned the water of the ocean, as if shaking the mountains.
6.50.34
महता पक्षवातेन सर्वद्वीपमहाद्रुमाः।
निपेतुर्भग्नविटपाः सलिले लवणाम्भसि ॥ ६.५०.३४ ॥
By the great wind of his wings, the mighty trees of all the islands, their branches broken, fell into the salt water.
6.50.35
अभवन् पन्नगास्त्रस्ता भोगिनस्तत्रवासिनः।
शीघ्रं सर्वाणि यादांसि जग्मुश्च लवणार्णवम् ॥ ६.५०.३५ ॥
The hooded serpents who dwelt there were terrified, and all the sea creatures quickly went off to the salt ocean.
6.50.36
ततो मुहूर्ताद् गरुडं वैनतेयं महाबलम्।
वानरा ददृशुः सर्वे ज्वलन्तमिव पावकम् ॥ ६.५०.३६ ॥
Then, after a moment, all the monkeys saw the mighty Garuḍa, son of Vinatā, blazing like a fire.
6.50.37
तमागतमभिप्रेक्ष्य नागास्ते विप्रदुद्रुवुः।
यैस्तु तौ पुरुषौ बद्धौ शरभूतैर्महाबलैः ॥ ६.५०.३७ ॥
Seeing him coming, the serpents—mighty as sharabhas, who had bound those two men—fled in every direction.
6.50.38
ततः सुपर्णः काकुत्स्थौ स्पृष्ट्वा प्रत्यभिनन्द्य च।
विममर्श च पाणिभ्यां मुखे चन्द्रसमप्रभे ॥ ६.५०.३८ ॥
Then Suparṇa touched the two Kākutsthas, returned their greeting, and with his hands examined their faces, bright as the moon.
6.50.39
वैनतेयेन संस्पृष्टास्तयोः संरुरुहुर्व्रणाः।
सुवर्णे च तनू स्निग्धे तयोराशु बभूवतुः ॥ ६.५०.३९ ॥
At Vainateya's touch their wounds closed at once, and their golden, slender, smooth bodies were soon restored.
6.50.40
तेजो वीर्यं बलं चौज उत्साहश्च महागुणाः।
प्रदर्शनं च बुद्धिश्च स्मृतिश्च द्विगुणा तयोः ॥ ६.५०.४० ॥
In them both, radiance, valour, strength, vigour, zeal, great virtues, the display of skill, intellect, and memory were all doubled.
6.50.41
तावुत्थाप्य महातेजा गरुडो वासवोपमौ।
उभौ च सस्वजे हृष्टो रामश्चैनमुवाच ह ॥ ६.५०.४१ ॥
Lifting up the two, who were like Vāsava, the greatly radiant Garuḍa joyfully embraced both; then Rāma spoke to him.
6.50.42
भवत्प्रसादाद् व्यसनं रावणिप्रभवं महत्।
उपायेन व्यतिक्रान्तौ शीघ्रं च बलिनौ कृतौ ॥ ६.५०.४२ ॥
By your grace, this great calamity born of Rāvaṇi has been overcome by a means, and we two have quickly been made strong.
6.50.43
यथा तातं दशरथं यथाजं च पितामहम्।
तथा भवन्तमासाद्य हृदयं मे प्रसीदति ॥ ६.५०.४३ ॥
As my father Daśaratha and my grandfather Aja gladdened my heart, so now, having met you, my heart is gladdened.
6.50.44
को भवान् रूपसम्पन्नो दिव्यस्रगनुलेपनः।
वसानो विरजे वस्त्रे दिव्याभरणभूषितः ॥ ६.५०.४४ ॥
Who are you, endowed with beauty, wearing divine garlands and unguents, clad in spotless garments, adorned with divine ornaments?
6.50.45
तमुवाच महातेजा वैनतेयो महाबलः।
पतत्त्रिराजः प्रीतात्मा हर्षपर्याकुलेक्षणम् ॥ ६.५०.४५ ॥
Then Vainateya, the mighty and radiant king of birds, his heart gladdened, spoke to him, his eyes filled with joy.
6.50.46
अहं सखा ते काकुत्स्थ प्रियः प्राणो बहिश्चरः।
गरुत्मानिह सम्प्राप्तो युवयोः साह्यकारणात् ॥ ६.५०.४६ ॥
O Kākutstha, I am your friend, your dear life-breath that moves outside. Garuḍa has come here to help you both.
6.50.47
असुरा वा महावीर्या दानवा वा महाबलाः।
सुराश्चापि सगन्धर्वाः पुरस्कृत्य शतक्रतुम् ॥ ६.५०.४७ ॥
Neither the mighty asuras nor the strong dānavas, nor even the devas and gandharvas, placing Indra, the hundred-sacrificer, at their head,
6.50.48
नेमं मोक्षयितुं शक्ताः शरबन्धं सुदारुणम्।
मायाबलादिन्द्रजिता निर्मितं क्रूरकर्मणा ॥ ६.५०.४८ ॥
Not even they could release this most terrible bond of arrows, which the cruel-acting Indrajit created by the power of illusion.
6.50.49
एते नागाः काद्रवेयास्तीक्ष्णदंष्ट्रा विषोल्बणाः।
रक्षोमायाप्रभावेण शरभूतास्त्वदाश्रयाः ॥ ६.५०.४९ ॥
These serpents, the offspring of Kadru, sharp-fanged and terribly venomous, by the power of the rakshasa's illusion have become arrows and cling to you.
6.50.50
सभाग्यश्चासि धर्मज्ञ राम सत्यपराक्रम।
लक्ष्मणेन सह भ्रात्रा समरे रिपुघातिना ॥ ६.५०.५० ॥
You are fortunate, Rāma, knower of dharma, of true valor, to have with you in battle your brother Lakṣmaṇa, the slayer of foes.
6.50.51
इमं श्रुत्वा तु वृत्तान्तं त्वरमाणोऽहमागतः।
सहसैवावयोः स्नेहात् सखित्वमनुपालयन् ॥ ६.५०.५१ ॥
Hearing this news, I have hastened here at once, out of affection for us both, keeping our friendship.
6.50.52
मोक्षितौ च महाघोरादस्मात् सायकबन्धनात्।
अप्रमादश्च कर्तव्यो युवाभ्यां नित्यमेव हि ॥ ६.५०.५२ ॥
You two have been freed from this terrible bond of arrows; therefore you must always remain vigilant.
6.50.53
प्रकृत्या राक्षसाः सर्वे संग्रामे कूटयोधिनः।
शूराणां शुद्धभावानां भवतामार्जवं बलम् ॥ ६.५०.५३ ॥
Rākṣasas by nature are all warriors of deceit in battle; but you are heroes of pure heart, and your straightforwardness is your strength.
6.50.54
तन्न विश्वसनीयं वो राक्षसानां रणाजिरे।
एतेनैवोपमानेन नित्यं जिह्मा हि राक्षसाः ॥ ६.५०.५४ ॥
Therefore you must not trust the rākṣasas on the battlefield; by this very comparison know that rākṣasas are always crooked.
6.50.55
एवमुक्त्वा तदा रामं सुपर्णः स महाबलः।
परिष्वज्य च सुस्निग्धमाप्रष्टुमुपचक्रमे ॥ ६.५०.५५ ॥
Having said this, the mighty Suparṇa embraced Rāma very affectionately and began to take his leave.
6.50.56
सखे राघव धर्मज्ञ रिपूणामपि वत्सल।
अभ्यनुज्ञातुमिच्छामि गमिष्यामि यथासुखम् ॥ ६.५०.५६ ॥
O friend Rāghava, knower of dharma, affectionate even toward your enemies! I wish to take your leave; I shall go now at ease.
6.50.57
न च कौतूहलं कार्यं सखित्वं प्रति राघव।
कृतकर्मा रणे वीर सखित्वं प्रतिवेत्स्यसि ॥ ६.५०.५७ ॥
Do not be curious about this friendship, O Rāghava. O hero, when your deed is done in battle, you will come to know my friendship.
6.50.58
बालवृद्धावशेषां तु लङ्कां कृत्वा शरोर्मिभिः।
रावणं तु रिपुं हत्वा सीतां त्वमुपलप्स्यसे ॥ ६.५०.५८ ॥
Having made Laṅkā, save for the children and the old, into a sea of arrow-waves, and having slain the enemy Rāvaṇa, you will regain Sītā.
6.50.59
इत्येवमुक्त्वा वचनं सुपर्णः शीघ्रविक्रमः।
रामं च नीरुजं कृत्वा मध्ये तेषां वनौकसाम् ॥ ६.५०.५९ ॥
Having spoken these words, swift Suparṇa made Rāma free from pain and stood in the midst of those forest-dwellers.
6.50.60
प्रदक्षिणं ततः कृत्वा परिष्वज्य च वीर्यवान्।
जगामाकाशमाविश्य सुपर्णः पवनो यथा ॥ ६.५०.६० ॥
Then, having circumambulated and embraced him, the mighty Suparṇa entered the sky and went off like the wind.
6.50.61
नीरुजौ राघवौ दृष्ट्वा ततो वानरयूथपाः।
सिंहनादं तदा नेदुर्लाङ्गूलं दुधुवुश्च ते ॥ ६.५०.६१ ॥
Seeing the two Rāghavas free from illness, the monkey leaders then roared a lion's roar and waved their tails.
6.50.62
ततो भेरीः समाजघ्नुर्मृदङ्गांश्चाप्यवादयन्।
दध्मुः शङ्खान् सम्प्रहृष्टाः क्ष्वेलन्त्यपि यथापुरम् ॥ ६.५०.६२ ॥
Then, greatly delighted, they struck the kettledrums, played the mṛdaṅga drums, blew the conch shells, and shouted as before.
6.50.63
अपरे स्फोट्य विक्रान्ता वानरा नगयोधिनः।
द्रुमानुत्पाट्य विविधांस्तस्थुः शतसहस्रशः ॥ ६.५०.६३ ॥
Other valiant monkeys, warriors who fight with mountains, slapped their arms, uprooted trees of many kinds, and stood in hundreds of thousands.
6.50.64
विसृजन्तो महानादांस्त्रासयन्तो निशाचरान्।
लङ्काद्वाराण्युपाजग्मुर्योद्धुकामाः प्लवंगमाः ॥ ६.५०.६४ ॥
Sending forth mighty roars and terrifying the night-wanderers, the leaping monkeys, eager to fight, reached the gates of Laṅkā.
6.50.65
तेषां सुभीमस्तुमुलो निनादो
बभूव शाखामृगयूथपानाम्।
क्षये निदाघस्य यथा घनानां
नादः सुभीमो नदतां निशीथे ॥ ६.५०.६५ ॥
The most terrible, tumultuous roar of those monkey leaders arose, like the thunder of clouds at midnight at the end of summer.