リグ・ヴェーダ · スークタ 5.15

5.15.1

प्र वे॒धसे॑ क॒वये॒ वेद्या॑य॒ गिरं॑ भरे य॒शसे॑ पू॒र्व्याय॑ ।
घृ॒तप्र॑सत्तो॒ असु॑रः सु॒शेवो॑ रा॒यो ध॒र्ता ध॒रुणो॒ वस्वो॑ अ॒ग्निः ॥

賢く、知られるべき、古きアグニに讃歌を捧げます。ギーに浸り、命を与え、慈悲深い主は、富の保持者であり、財宝の支えです。

ऋ॒तेन॑ ऋ॒तं ध॒रुणं॑ धारयन्त य॒ज्ञस्य॑ शा॒के प॑र॒मे व्यो॑मन् ।
दि॒वो धर्म॑न्ध॒रुणे॑ से॒दुषो॒ नॄञ्जा॒तैरजा॑ताँ अ॒भि ये न॑न॒क्षुः ॥

聖なる秩序によって彼らは、その堅固な支えである秩序を保ち、祭祀の高く広い場所にありました。天の掟にしっかり座する人々に、生まれざる者たちは生によって至りました。

अं॒हो॒युव॑स्त॒न्व॑स्तन्वते॒ वि वयो॑ म॒हद्दु॒ष्टरं॑ पू॒र्व्याय॑ ।
स सं॒वतो॒ नव॑जातस्तुतुर्यात्सि॒ङ्हं न क्रु॒द्धम॒भितः॒ परि॑ ष्ठुः ॥

刺激する火の身体を持つ者たちは、その身体を広げます。古き者のために偉大で征服しがたい力が現れます。その新生の者は動いて立ち上がり、怒れる獅子のように四方に立ちます。

मा॒तेव॒ यद्भर॑से पप्रथा॒नो जनं॑जनं॒ धाय॑से॒ चक्ष॑से च ।
वयो॑वयो जरसे॒ यद्दधा॑नः॒ परि॒ त्मना॒ विषु॑रूपो जिगासि ॥

母のように、あなたは広く広がり担い、あらゆる生を保ち見守るために担います。あらゆる年齢を担いながらあなたは老い、そのあと自らの姿で多くの形をとって歩みます。

वाजो॒ नु ते॒ शव॑सस्पा॒त्वन्त॑मु॒रुं दोघं॑ ध॒रुणं॑ देव रा॒यः ।
प॒दं न ता॒युर्गुहा॒ दधा॑नो म॒हो रा॒ये चि॒तय॒न्नत्रि॑मस्पः ॥

この力が今、あなたの力の限りと、広く乳を与える富を守りますように。神よ、富の担い手よ。盗人が密かに足を置くように、あなたは大きな富のためにアトリを目覚めさせ、解き放ちました。