梨俱吠陀 · 赞歌 5.15

5.15.1

प्र वे॒धसे॑ क॒वये॒ वेद्या॑य॒ गिरं॑ भरे य॒शसे॑ पू॒र्व्याय॑ ।
घृ॒तप्र॑सत्तो॒ असु॑रः सु॒शेवो॑ रा॒यो ध॒र्ता ध॒रुणो॒ वस्वो॑ अ॒ग्निः ॥

我向智慧、可知、古老的阿耆尼献上颂歌。浸润于酥油之中的赐予生命、仁慈的主宰，是财富的持有者，是宝物的支撑。

ऋ॒तेन॑ ऋ॒तं ध॒रुणं॑ धारयन्त य॒ज्ञस्य॑ शा॒के प॑र॒मे व्यो॑मन् ।
दि॒वो धर्म॑न्ध॒रुणे॑ से॒दुषो॒ नॄञ्जा॒तैरजा॑ताँ अ॒भि ये न॑न॒क्षुः ॥

他们凭借天道，支撑起天道这坚固的根基，在祭祀高远广阔之处。那些在天界法则中稳坐的人，未生者借生而得以到达。

अं॒हो॒युव॑स्त॒न्व॑स्तन्वते॒ वि वयो॑ म॒हद्दु॒ष्टरं॑ पू॒र्व्याय॑ ।
स सं॒वतो॒ नव॑जातस्तुतुर्यात्सि॒ङ्हं न क्रु॒द्धम॒भितः॒ परि॑ ष्ठुः ॥

身为激发之火的躯体者展开他们的身躯；伟大而不可战胜的力量为古老者显现。那新生者动起来站立，像暴怒的狮子一样四处挺立。

मा॒तेव॒ यद्भर॑से पप्रथा॒नो जनं॑जनं॒ धाय॑से॒ चक्ष॑से च ।
वयो॑वयो जरसे॒ यद्दधा॑नः॒ परि॒ त्मना॒ विषु॑रूपो जिगासि ॥

如母亲一般，你广为展开而承载，承载每一次诞生以供持守与观看。你承载每一个岁月而渐老，之后以自身之形，在种种形貌中行走。

वाजो॒ नु ते॒ शव॑सस्पा॒त्वन्त॑मु॒रुं दोघं॑ ध॒रुणं॑ देव रा॒यः ।
प॒दं न ता॒युर्गुहा॒ दधा॑नो म॒हो रा॒ये चि॒तय॒न्नत्रि॑मस्पः ॥

愿这股力量如今守护你力量的边界与广大的产奶之财。神啊，财富的持有者。如同盗贼暗中落足，你为了大财而唤醒并释放了阿特利。