リグ・ヴェーダ · スークタ 7.101

7.101.1

ति॒स्रो वाचः॒ प्र व॑द॒ ज्योति॑रग्रा॒ या ए॒तद्दु॒ह्रे म॑धुदो॒घमूधः॑ ।
स व॒त्सं कृ॒ण्वन्गर्भ॒मोष॑धीनां स॒द्यो जा॒तो वृ॑ष॒भो रो॑रवीति ॥

光を先導する三つの言葉を前に唱えよ。彼らは甘い乳を出す乳房を搾る。子牛を作り、草木の胎を作り、生まれたばかりの雄牛が吼える。

यो वर्ध॑न॒ ओष॑धीनां॒ यो अ॒पां यो विश्व॑स्य॒ जग॑तो दे॒व ईशे॑ ।
स त्रि॒धातु॑ शर॒णं शर्म॑ यंसत्त्रि॒वर्तु॒ ज्योतिः॑ स्वभि॒ष्ट्य॑स्मे ॥

草木を増す者、水と動く全世界の神として統治する者よ、三重に支える庇護と安楽を与えたまえ。三たび巡る光が、我らに良き歩みを与えますように。

स्त॒रीरु॑ त्व॒द्भव॑ति॒ सूत॑ उ त्वद्यथाव॒शं त॒न्वं॑ चक्र ए॒षः ।
पि॒तुः पयः॒ प्रति॑ गृभ्णाति मा॒ता तेन॑ पि॒ता व॑र्धते॒ तेन॑ पु॒त्रः ॥

不妊の女は汝によって不妊となり、汝によって産む。彼は意のままに自らの身体を形づくった。母は父の乳を受け取る；それによって父は育ち、それによって息子は育つ。

यस्मि॒न्विश्वा॑नि॒ भुव॑नानि त॒स्थुस्ति॒स्रो द्याव॑स्त्रे॒धा स॒स्रुरापः॑ ।
त्रयः॒ कोशा॑स उप॒सेच॑नासो॒ मध्व॑ श्चोतन्त्य॒भितो॑ विर॒प्शम् ॥

そこに万物が立ち、三つの天が三重に水を流す。撒き散らす三つの器があり、蜜の滴を力ある者の周りに注ぐ。

इ॒दं वचः॑ प॒र्जन्या॑य स्व॒राजे॑ हृ॒दो अ॒स्त्वन्त॑रं॒ तज्जु॑जोषत् ।
म॒यो॒भुवो॑ वृ॒ष्टयः॑ सन्त्व॒स्मे सु॑पिप्प॒ला ओष॑धीर्दे॒वगो॑पाः ॥

この言葉は自ら統治するパルジャニヤのためにある。心の内にあり、彼が受け入れますように。我らに幸福をもたらす雨があり、神々に守られた美しい葉の草木がありますように。

स रे॑तो॒धा वृ॑ष॒भः शश्व॑तीनां॒ तस्मि॑न्ना॒त्मा जग॑तस्त॒स्थुष॑श्च ।
तन्म॑ ऋ॒तं पा॑तु श॒तशा॑रदाय यू॒यं पा॑त स्व॒स्तिभिः॒ सदा॑ नः ॥

彼は絶えず巡る生き物の種を担う雄牛であり、動くものと動かぬものの魂は彼のうちに据えられている。その理法が私を百の秋の間守りますように。そしてあなたがたは、あらゆる祝福で常に我らを守りたまえ。