Mahābhārata · Adhyāya 1.227
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.227.1
दुर्योधनस्य महिषी काशिराजसुता तदा ।
धृतराष्ट्रस्य पुत्राणां वधूभिः सहिता तदा ॥ १.२२७.१ ॥
Then Duryodhana's chief queen, the daughter of the king of Kāśi, was there with the brides of Dhṛtarāṣṭra's sons.
1.227.2
पाञ्चालीं प्रतिजग्राह साध्वीं श्रियमिवापराम् ।
पूजयामास पूजार्हां शचीदेवीमिवागताम् ॥ १.२२७.२ ॥
She received the virtuous Pāñcālī, as if she were another Śrī, and honoured her, worthy of worship, as if she were the goddess Śacī come to visit.
1.227.3
ववन्दे तत्र गान्धारीं कृष्णया सह माधवी ।
आशिषश्च प्रयुक्त्वा तु पाञ्चालीं परिषस्वजे ॥ १.२२७.३ ॥
There Mādhavī, together with Kṛṣṇā, bowed to Gāndhārī, and after bestowing blessings she embraced the Pāñcāla princess.
1.227.4
परिष्वज्यैव गान्धारी कृष्णां कमललोचनाम् ।
पुत्राणां मम पाञ्चाली मृत्युरेवेत्यमन्यत ॥ १.२२७.४ ॥
Having embraced the lotus-eyed Kṛṣṇā, Gāndhārī thought: 'For my sons, this Pāñcālī is death itself.'
1.227.5
संचिन्त्य विदुरं प्राह युक्तितः सुबलात्मजा ।
कुन्तीं राजसुतां क्षत्तः सवधूं सपरिच्छदाम् ॥ १.२२७.५ ॥
The daughter of Subala, having reflected, said to Vidura skillfully: 'O Kṣattṛ, let Kuntī, the king's daughter, be taken with her daughter-in-law and her retinue...'
1.227.6
पाण्डोर्निवेशनं शीघ्रं नीयतां यदि रोचते ।
करणेन मुहूर्तेन नक्षत्रेण शुभे तिथौ ॥ १.२२७.६ ॥
If it pleases you, let her be quickly taken to the residence of Pāṇḍu, at an auspicious lunar day, under an auspicious lunar mansion and at an auspicious moment.
1.227.7
यथा सुखं तथा कुन्ती रंस्यते स्वगृहे सुतैः ।
तथेत्येव तदा क्षत्ता कारयामास तत्तथा ॥ १.२२७.७ ॥
"As Kuntī will delight happily in her own house with her sons, so be it." Saying "so be it," Vidura then had it arranged accordingly.
1.227.8
पूजयामासुरत्यर्थं बान्धवाः पाण्डवांस्तदा ।
नागराः श्रेणिमुख्याश्च पूजयन्ति स्म पाण्डवान् ॥ १.२२७.८ ॥
Then the kinsmen greatly honoured the Pāṇḍavas; the townsmen and the chiefs of the guilds also paid honour to the Pāṇḍavas.
1.227.9
भीष्मो द्रोणः कृपः कर्णो बाह्लीकः ससुतस्तदा ।
शासनाद्धृतराष्ट्रस्य अकुर्वन्नतिथिक्रियाम् ॥ १.२२७.९ ॥
Then Bhīṣma, Droṇa, Kṛpa, Karṇa, and Bāhlīka with his son, at the command of Dhṛtarāṣṭra, performed the rite of hospitality for the guests.
1.227.10
एवं विहरतां तेषां पाण्डवानां महात्मनाम् ।
नेता सर्वस्य कार्यस्य विदुरो राजशासनात् ॥ १.२२७.१० ॥
As those great-souled Pāṇḍavas went on living in this way, Vidura, the leader in all affairs, carried out arrangements by the king's command.
1.227.11
विश्रान्तास्ते महात्मानः कंचित्कालं सकेशवाः ।
आहूता धृतराष्ट्रेण राज्ञा शान्तनवेन च ॥ १.२२७.११ ॥
Those great-souled ones rested for some time along with Keśava; then they were summoned by King Dhṛtarāṣṭra and by Śāntanu's son.
1.227.12
भ्रातृभिः सह कौन्तेय निबोधेदं वचो मम ।
पाण्डुना वर्धितं राज्यं पाण्डुना पालितं जगत् ॥ १.२२७.१२ ॥
Son of Kuntī, hear this word of mine along with your brothers: Pāṇḍu increased the kingdom, and Pāṇḍu protected the world.
1.227.13
शासनान्मम कौन्तेय मम भ्राता महाबलः ।
कृतवान्दुष्करं कर्म नित्यमेव विशांपते ॥ १.२२७.१३ ॥
At my command, O son of Kuntī, my mighty brother has always performed difficult deeds, O lord of men.
1.227.14
तस्मात्त्वमपि कौन्तेय शासनं कुरु मा चिरम् ।
मम पुत्रा दुरात्मानः सर्वेऽहंकारसंयुताः ॥ १.२२७.१४ ॥
Therefore, O son of Kuntī, you too must obey my command without delay. All my sons are evil-minded and filled with pride.
1.227.15
शासनं न करिष्यन्ति मम नित्यं युधिष्ठिर ।
स्वकार्यनिरतैर्नित्यमवलिप्तैर्दुरात्मभिः ॥ १.२२७.१५ ॥
O Yudhiṣṭhira, my evil-minded sons, always intent on their own affairs and puffed up with pride, will never obey my command.
1.227.16
पुनर्वै विग्रहो मा भूत्खाण्डवप्रस्थमाविश ।
न हि वो वसतस्तत्र कश्चिच्छक्तः प्रबाधितुम् ॥ १.२२७.१६ ॥
Let there be no more strife; enter Khāṇḍava-prastha. While you dwell there, no one will be able to oppress you.
1.227.17
संरक्ष्यमाणान्पार्थेन त्रिदशानिव वज्रिणा ।
अर्धराज्यं तु संप्राप्य खाण्डवप्रस्थणाविश ॥ १.२२७.१७ ॥
Protected by Pārtha as the gods are protected by the wielder of the thunderbolt, having obtained half the kingdom, enter Khāṇḍava-prastha.
1.227.18
केशवो यदि मन्यते तत्कर्तव्यमसंशयम् ॥ १.२२७.१८ ॥
If Keśava thinks so, that is to be done without doubt.
1.227.19
प्रतिगृह्य तु तद्वाक्यं नृपं सर्वे प्रणम्य च ।
वासुदेवेन संमन्त्र्य पाण्डवाः समुपाविशन् ॥ १.२२७.१९ ॥
Having accepted that word and bowed to the king, all the Pāṇḍavas, after counsel with Vāsudeva, sat down.
1.227.20
अभिषेकस्य संभारान्क्षत्तरानय मा चिरम् ।
अभिषिक्तं करिष्यामि ह्यद्य वै कुरुनन्दनम् ॥ १.२२७.२० ॥
O Kṣattṛ, bring the materials for the coronation without delay; today I will anoint the joy of the Kurus.
1.227.21
ब्राह्मणा नैगमश्रेष्ठाः श्रेणीमुख्याश्च सर्वतः ।
आहूयन्तां प्रकृतयो बान्धवाश्च विशेषतः ॥ १.२२७.२१ ॥
Let the brahmins, the foremost of the merchants, the chiefs of the guilds, the subjects from every side, and especially the kinsmen be summoned.
1.227.22
पुण्याहं वाच्यतां तात गोसहस्रं प्रदीयताम् ।
ग्राममुख्याश्च विप्रेभ्यो दीयन्तां बहुदक्षिणाः ॥ १.२२७.२२ ॥
O dear one, let the auspicious proclamation be recited; let a thousand cows be given; let the village headmen give lavish fees to the brahmins.
1.227.23
अङ्गदे मकुटं क्षत्तर्हस्ताभरणमानय ।
मुक्तावलीश्च हारं च निष्काणि कटकानि च ॥ १.२२७.२३ ॥
O Kṣattṛ, bring the crown for the armlet and the hand ornaments; bring also the strings of pearls, the necklace, the niṣka coins and the bracelets.
1.227.24
कटिबन्धश्च सूत्रं च तथोदरनिबन्धनम् ।
अष्टोत्तरसहस्रं तु ब्राह्मणाधिष्ठिता गजाः ॥ १.२२७.२४ ॥
Bring also the waist-band, the sacred cord and the belly-band; and one thousand and eight elephants mounted by brahmins.
1.227.25
जाह्नवीसलिलं शीघ्रमानीयन्तां पुरोहितैः ।
अभिषेकोदकक्लिन्नं सर्वाभरणभूषितम् ॥ १.२२७.२५ ॥
Let the priests quickly bring Ganges water, drenched with the consecration water, adorned with all ornaments.
1.227.26
औपवाह्योपरिगतं दिव्यचारमरवीजितम् ।
सुवर्णमणिचित्रेण श्वेतच्छत्रेण शोभितम् ॥ १.२२७.२६ ॥
Seated upon the royal carriage, fanned by celestial attendants, adorned with a white umbrella decorated with gold and jewels.
1.227.27
जयेति द्विजवाक्येनु स्तूयमानं नृपैस्तथा ।
दृष्ट्वा कुन्तीसुतं ज्येष्ठमाजमीढं युधिष्ठिरम् ॥ १.२२७.२७ ॥
Hearing the twice-born cry 'Victory!' and kings also praising him, having seen Yudhiṣṭhira, the eldest son of Kuntī, of the line of Ajamīḍha.
1.227.28
प्रीताः प्रीतेन मनसा प्रशंसन्तु परे जनाः ।
पाण्डोः कृतोपकारस्य राज्यं दत्वा ममैव च ॥ १.२२७.२८ ॥
Let other people, pleased at heart, praise it: the kingdom given in return for the service rendered to Pāṇḍu, and given to me as well.
1.227.29
प्रतिक्रिया कृतमिदं भविष्यति न संशयः ।
भीष्मो द्रोणः कृपः क्षत्ता साधुसाध्वित्यथाब्रुवन् ॥ १.२२७.२९ ॥
This will be a requital done, there is no doubt. Bhīṣma, Droṇa, Kṛpa and Kṣattṛ said, 'Well done, well done.'
1.227.30
युक्तमेतन्महाभाग कौरवाणां यशस्करम् ।
शीघ्रमद्यैव राजेन्द्र त्वयोक्तं कर्तुमर्हसि ॥ १.२२७.३० ॥
This is fitting, O greatly fortunate one, bringing glory to the Kauravas. O lord of kings, what you have said you ought to do quickly, today itself.
1.227.31
इत्येवमुक्तो वार्ष्णेयस्त्वरयामास तत्तदा ।
तथोक्तं धृतराष्ट्रेण कारयामास केशवः ॥ १.२२७.३१ ॥
Thus addressed, the descendant of Vṛṣṇi hastened the matter at once, and as Dhṛtarāṣṭra had said, Keśava had it carried out.
1.227.32
तस्मिन्क्षणे महाराज कृष्णद्वैपायनस्तदा ।
आगत्य कुरुभिः सर्वैः पूजितः ससुहृद्गणैः ॥ १.२२७.३२ ॥
At that moment, great king, Kṛṣṇa Dvaipāyana came, and was honoured by all the Kurus together with their groups of friends.
1.227.33
मूर्धाभिषिक्तैः सहितो ब्राह्मणैर्वेदपारगैः ।
कारयामास विधिवत्केशवानुमते तदा ॥ १.२२७.३३ ॥
Together with the anointed kings and with brahmins versed in the Vedas, he had it done duly then, with Keśava's consent.
1.227.34
कृपो द्रोणश्च भीष्मश्च धौम्यश्च व्यासकेशवौ ।
बाह्लीकः सोमदत्तश्च चातुर्वेद्यपुरस्कृताः ॥ १.२२७.३४ ॥
Kṛpa, Droṇa and Bhīṣma, Dhaumya, Vyāsa and Keśava, Bāhlīka and Somadatta — with the priests learned in the four Vedas placed in front.
1.227.35
अभिषेकं तदा चक्रुर्भद्रपीठे सुसंस्कृतम् ॥ १.२२७.३५ ॥
Then they performed the anointing, well prepared, upon the auspicious seat.
1.227.36
जित्वा तु पृथिवीं कृत्स्नां वशे कृत्वा नृपान्भवान् ।
राजसूयादिभिर्यज्ञैः क्रतुभिर्वरदक्षिणैः ॥ १.२२७.३६ ॥
Having conquered the whole earth and brought the kings under your sway, you should become sovereign through the Rājasūya and other sacrifices and rites with excellent fees.
1.227.37
स्नात्वा ह्यवभृथस्नानं मोदतां बान्धवैः सह ।
एवमुक्त्वा तु ते सर्वे आशीर्भिरभिपूजयन् ॥ १.२२७.३७ ॥
Having bathed in the avabhṛtha bath, rejoice with your kinsmen. Having said thus, they all honoured him with blessings.
1.227.38
मूर्धाभिषिक्तः कौरव्यः सर्वाभरणभूषितः ।
जयेति संस्तुतो राजा प्रददौ धनमक्षयम् ॥ १.२२७.३८ ॥
Anointed on the head, adorned with all ornaments, the Kaurava king, praised with 'Victory!', gave inexhaustible wealth.
1.227.39
सर्वमूर्धाभिषिक्तैश्च पूजितः कुरनन्दनः ।
औपवाह्यमथारुह्य श्वेतच्छत्रेण शोभितः ॥ १.२२७.३९ ॥
Honoured by all the head-anointed kings, the delight of the Kurus mounted the royal elephant and shone beneath the white parasol.
1.227.40
रराज राजाभिमतो महेन्द्र इव दैवतैः ।
ततः प्रदक्षिणीकृत्य नगरं नागसाह्वयम् ॥ १.२२७.४० ॥
Beloved of kings, he shone among the gods like the great Indra. Then, circumambulating the city called Nāgasāhvaya,
1.227.41
प्रविवेश तदा राजा नागरैः पूजितो गृहम् ।
मूर्धाभिषिक्तं कौन्तेयमभ्यगच्छन्त कौरवाः ॥ १.२२७.४१ ॥
Then the king, honoured by the citizens, entered the palace. The Kauravas approached the head-anointed son of Kuntī.
1.227.42
गान्धारिपुत्राः शोचन्तः सर्वे ते सह बान्धवैः ।
ज्ञात्वा शोकं च पुत्राणां धृतराष्ट्रोऽब्रवीदिदं ॥ १.२२७.४२ ॥
The sons of Gāndhārī, all grieving together with their kinsmen, and knowing the grief of the sons, Dhṛtarāṣṭra spoke this.
1.227.43
समक्षं वासुदेवस्य कुरूणां च समक्षतः ।
अभिषेकस्त्वया प्राप्तो दुष्प्रापो ह्यकृतात्मभिः ॥ १.२२७.४३ ॥
In the presence of Vāsudeva and in the presence of the Kurus you have obtained the consecration, which is hard to obtain for those of unrefined nature.
1.227.44
गच्छ त्वमद्यैव नृप कृतकृत्योऽसि कौरव ।
आयुः पुरूरवा राजन्नहुषेण ययातिना ॥ १.२२७.४४ ॥
Go now, this very day, O king, O Kaurava; you have accomplished your aim. O king, in the line of Āyu, you belong with Purūravas, Nahuṣa and Yayāti.
1.227.45
तत्रैव निवसन्ति स्म खाण्डवे तु नृपोत्तम ।
राजधानी तु सर्वेषां पौरवाणां महाभुज ॥ १.२२७.४५ ॥
There, O best of kings, they all used to dwell in Khāṇḍava; and the capital of all the Pauravas was there, O mighty-armed one.
1.227.46
विनाशितं मुनिगणैर्लोभाद्बुधसुतस्य वै ।
तस्मात्त्वं खाण्डवप्रस्थं पुरं राष्ट्रं च वर्धय ॥ १.२२७.४६ ॥
It was destroyed by bands of sages out of the greed of Budha's son; therefore you should cause Khāṇḍavaprastha, the city and the realm, to flourish.
1.227.47
ब्राह्मणाः क्षत्रिया वैश्याः शूद्राश्च कृतलक्षणाः ।
त्वद्भक्त्या जन्तवश्चान्ये भजन्त्येव पुरं शुभम् ॥ १.२२७.४७ ॥
Brahmins, warriors, merchants and servants, those marked with good qualities, and other creatures too, through devotion to you, will resort to that auspicious city.
1.227.48
पुरं राष्ट्रं समृद्धं वै धनधान्यसमाकुलम् ।
तस्माद्गच्छस्व कौन्तेय भ्रातृभिः सहितोऽनघ ॥ १.२२७.४८ ॥
That city and realm are prosperous, full of wealth and grain; therefore, son of Kuntī, sinless one, go there together with your brothers.
1.227.49
प्रतिगृह्य तु तद्वाक्यं तस्मै सर्वे प्रणम्य च ।
रथैर्नागैर्हयैश्चापि सहितास्तु पदातिभिः ॥ १.२२७.४९ ॥
Having accepted his words, they all bowed to him, and set out with chariots, elephants, horses and foot soldiers.
1.227.50
प्रतस्थिरे ततो घोषसंयुक्तैः स्यन्दनैर्वरैः ।
तान्दृष्ट्वा नागराः सर्वे भक्त्या चैव प्रतस्थिरे ॥ १.२२७.५० ॥
Then they set out in excellent chariots making a loud rumble; seeing them, all the townsmen too set out in devotion.
1.227.51
गच्छतः पाण्डवैः सार्धं दृष्ट्वा नागपुरालयात् ।
पाण्डवैः सहिता गन्तुं नार्हतेति च नागरान् ॥ १.२२७.५१ ॥
Seeing them going together with the Pāṇḍavas from the dwellings of the city of Nāga, he declared that the townsmen ought not to go along with the Pāṇḍavas.
1.227.52
घोषयामास नगरे धार्तराष्ट्रः ससौबलः ।
ततस्ते पाण्डवास्तत्र गत्वा कृष्णपुरोगमाः ॥ १.२२७.५२ ॥
In the city, the son of Dhṛtarāṣṭra, together with Saubala, had a proclamation made; then the Pāṇḍavas, with Kṛṣṇa at their head, went there.
1.227.53
मण्डयाञ्चक्रिरे तद्वै पुरं स्वर्गादिव च्युतम् ।
वासुदेवो जगन्नाथश्चिन्तयामास वासवम् ॥ १.२२७.५३ ॥
They adorned that city as if it had fallen from heaven; Vāsudeva, lord of the world, then thought of Vāsava (Indra).
1.227.54
महेन्द्रश्चिन्तितो राजन्विश्वकर्माणमादिशत् ।
विश्वकर्मन्महाप्राज्ञ अद्यप्रभृति तत्पुरम् ॥ १.२२७.५४ ॥
O king, Mahendra (Indra) thought it over and commanded Viśvakarman: 'O great-minded Viśvakarman, from this day that city is yours.'
1.227.55
इन्द्रप्रस्थमिति ख्यातं दिव्यं भूम्यां भविष्यति ।
महेन्द्रशासनाद्गत्वा विश्वकर्मा तु केशवम् ॥ १.२२७.५५ ॥
This divine city, known as Indraprastha, shall arise upon the earth. At Mahendra's command, Viśvakarman went to Keśava.
1.227.56
प्रणम्य प्रणिपातार्हं किं करोमीत्यभाषत ।
वासुदेवस्तु तच्छ्रुत्वा विश्वकर्माणमूचिवान् ॥ १.२२७.५६ ॥
Bowing down to him who deserved prostration, he asked, "What shall I do?" Vāsudeva, hearing this, spoke to Viśvakarman.
1.227.57
कुरुष्व कुरुराजस्य महेन्द्रपुरसन्निभम् ।
इन्द्रेण कृतनामानमिन्द्रप्रस्थं महापुरम् ॥ १.२२७.५७ ॥
Build for the king of the Kurus a great city like Mahendra's city, named Indraprastha by Indra.
1.227.58
ततः पुण्ये शिवे देशे शान्तिं कृत्वा महारथाः ।
स्वस्तिवाच्य यथान्यायमिन्द्रप्रस्थं भवत्विति ॥ १.२२७.५८ ॥
Then, in a pure and auspicious place, the great charioteers performed the rite of peace, recited the blessings as prescribed, and said, "Let it be Indraprastha."
1.227.59
तत्पुरं मापयामासुर्द्वैपायनपुरोगमाः ।
ततः स विश्वकर्मा तु चकार पुरमुत्तमम् ॥ १.२२७.५९ ॥
They had the city measured, with Dvaipāyana (Vyāsa) at their head. Then Viśvakarman built an excellent city.
1.227.60
सागरप्रतिरूपाभिः परिखाभिरलङ्कृतम् ।
प्राकारेण च संपन्नं दिवमावृत्य तिष्ठता ॥ १.२२७.६० ॥
Adorned with moats like the ocean, endowed with a rampart that stood enveloping the sky.
1.227.61
पाण्डुराभ्रप्रकाशेन हिमरश्मिनिभेन च ।
शुशुभे तत्पुरश्रेष्ठं नागैर्भोगवती यथा ॥ १.२२७.६१ ॥
By the brightness of white clouds and the glow like the cool-rayed moon, that finest of cities shone like Bhogavatī with its serpents.
1.227.62
द्विपक्षगरुडप्रख्यैर्द्वारैः सौधैश्च शोभितम् ।
गुप्तमभ्रचयप्रख्यैर्गोपुरैर्मन्दरोपमैः ॥ १.२२७.६२ ॥
It was adorned with gates resembling two-winged garuḍas and with mansions, and guarded by city towers like heaps of clouds and like Mount Mandara.
1.227.63
विविधैरपि निर्विद्धैः शस्त्रोपेतैः सुसंवृतैः ।
शक्तिभिश्चावृतं तद्धि द्विजिह्वैरिव पन्नगैः ॥ १.२२७.६३ ॥
That city was surrounded with various pierced and well-enclosed weapons and spears, equipped with arms, as though encircled by two-tongued serpents.
1.227.64
तल्पैश्चाभ्यासिकैर्युक्तं शुशुभे योधरक्षितम् ।
थीक्ष्णाङ्कुशशतघ्नीभिर्यन्त्रजालैश्च शोभितम् ॥ १.२२७.६४ ॥
Furnished with platforms for exercise, and guarded by warriors, the city shone, adorned with sharp hooks, hundred-killers and nets of engines.
1.227.65
आयसैश्च महाचक्रैः शुशुभे तत्पुरोत्तमम् ।
सुविभक्तमहारथ्यं देवताबाधवर्जितम् ॥ १.२२७.६५ ॥
That finest of cities shone with great iron discs; its great avenues were well divided, and it was free from the troubles of the gods.
1.227.66
विरोचमानं विविधैः पाण्डुरैर्भवनोत्तमैः ।
तत्त्रिविष्टपसंकाशमिन्द्रप्रस्थं व्यरोचत ॥ १.२२७.६६ ॥
Shining with its various white and excellent mansions, that Indraprastha blazed forth like heaven.
1.227.67
मेघवृन्दमिवाकाशे विद्धं विद्युत्समावृतम् ।
तत्र रम्ये शिवे देशे कौरव्यस्य निवेशनम् ॥ १.२२७.६७ ॥
Like a cluster of clouds in the sky, encircled by lightning, there in that pleasant and auspicious place stood the dwelling of the Kaurava.
1.227.68
शुशुभे धनसंपूर्णं धनाध्यक्षक्षयोपमम् ।
तत्रागच्छन्द्विजा राजन्सर्ववेदविदां वराः ॥ १.२२७.६८ ॥
That city, full of wealth, shone like the abode of Kubera, lord of riches. O king, there came the best of twice-born men, knowers of all the Vedas.
1.227.69
निवासं रोचयन्ति स्म सर्वभाषाविदस्तथा ।
वणिजश्चाययुस्तत्र नानादिग्भ्यो धनार्थिनः ॥ १.२२७.६९ ॥
Those knowing all languages chose to make their home there, and merchants seeking wealth came there from all directions.
1.227.70
सर्वशिल्पविदस्तत्र वासायाभ्यागमंस्तदा ।
उद्यानानि च रम्याणि नगरस्य समन्ततः ॥ १.२२७.७० ॥
Those skilled in every craft then came there to dwell, and around the city on every side were pleasant gardens.
1.227.71
आम्रैराम्रातकैर्नीपैरशोकैश्चम्पकैस्तथा ।
पुन्नागैर्नागपुष्पैश्च लकुचैः पनसैस्तथा ॥ १.२२७.७१ ॥
With mango, hog-plum, kadamba, aśoka and champaka trees, likewise with punnāga, nāga-flower, lakuca and jackfruit trees, those gardens were full.
1.227.72
शालतालतमालैश्च बकुलैश्च सकेतकैः ।
मनोहरैः सुपुष्पैश्च फलभारावनामितैः ॥ १.२२७.७२ ॥
With sal, palmyra and tamāla trees, bakula and ketaka trees, with charming fine flowers and trees bent low under the weight of fruit, those gardens were full.
1.227.73
प्राचीनामलकैर्लोध्रैरङ्कोलैश्च सुपिष्पितैः ।
जम्बूभिः पाटलाभिश्च कुब्जकैरतिमुक्तकैः ॥ १.२२७.७३ ॥
The forest was filled with prācīna, āmalaka, lodhra, aṅkola, well-flowering jambū, pāṭalā, kubjaka and atimuktaka trees.
1.227.74
करवीरैः पारिजातैरन्यैश्च विविधैर्द्रुमैः ।
नित्यपुष्पफलोपेतैर्नानाद्विजगणायुतैः ॥ १.२२७.७४ ॥
with karavīra, pārijāta and other various trees, always bearing flowers and fruit, filled with flocks of many kinds of birds.
1.227.75
मत्तबर्हिणसंघुष्टकोकिलैश्च सदामदैः ।
गृहैरादर्शविमलैर्विविधैश्च लतागृहैः ॥ १.२२७.७५ ॥
resounding with intoxicated peacocks and cuckoos, always joyful, with houses clear as mirrors and various arbors of creepers.
1.227.76
मनोहरैश्चित्रगृहैस्तथाऽजगतिप्रवतैः ।
वापीभिर्विविधाभिश्च पूर्णाभिः परमाम्भसा ॥ १.२२७.७६ ॥
with charming painted houses, …ajagati pravata, and various step-wells filled with the finest water.
1.227.77
सरोभिरतिरम्यैश्च पद्मोत्पलसुगन्धिभिः ।
हंसकारण्डवयुतैश्चक्रवाकोपशोभितैः ॥ १.२२७.७७ ॥
with most lovely lakes, fragrant with lotuses and blue lotuses, abounding in swans and kāraṇḍava ducks, adorned with ruddy geese.
1.227.78
रम्याश्च विविधास्तत्र पुष्करिण्यो वनावृताः ।
तडागानि च रम्याणि बृहन्ति सुबहूनि च ॥ १.२२७.७८ ॥
There were lovely ponds of various kinds, surrounded by forest, and many large and lovely reservoirs.
1.227.79
नदी च नन्दिनी नाम सा पुरीमुपगूहति ।
चातुर्वर्ण्यसमाकीर्णमन्यैः शिल्पिभिरावृतम् ॥ १.२२७.७९ ॥
The river named Nandinī embraced that city. The city was crowded with people of the four social orders and surrounded by other craftsmen.
1.227.80
सर्वदाभिसृतं सद्भिः कारितं विश्वकर्मणा ।
उपभोगसमृद्धैश्च सर्वद्रव्यसमावृतम् ॥ १.२२७.८० ॥
That city was always frequented by good people, built by Viśvakarman, rich in pleasures, and filled with every kind of wealth.
1.227.81
नित्यमार्यजनोपेतं नरनारीगणैर्युतम् ।
वाजिवारणसंपूर्णं गोभिरुष्ट्रैः खरैरजैः ॥ १.२२७.८१ ॥
That city was always full of noble people, thronged with men and women, filled with horses and elephants, and with cattle, camels, asses and goats.
1.227.82
तत्त्रिविष्टपसङ्काशमिन्द्रप्रस्थं व्यरोचत ।
पुरीं सर्वगुणोपेतां निर्मितां विश्वकर्मणा ॥ १.२२७.८२ ॥
Indraprastha shone like heaven itself, that city endowed with every excellence, built by Viśvakarman.
1.227.83
पौरवाणामधिपतिः कुन्तीपुत्रो युधिष्ठिरः ।
कृतमङ्गलसत्कारैर्ब्राह्मणैर्वेदपारगैः ॥ १.२२७.८३ ॥
Yudhiṣṭhira, son of Kuntī and lord of the Pauravas, was honoured with auspicious rites by brahmins versed in the Vedas.
1.227.84
द्वैपायनं पुरस्कृत्य धौम्यस्याभिमते स्थितः ।
भ्रातृभिः सहितो राजा राजमार्गमतीत्य च ॥ १.२२७.८४ ॥
With Dvaipāyana (Vyāsa) placed in front, the king stood with his brothers in the place approved by Dhaumya, having passed along the royal road.
1.227.85
औपवाह्यगतो राजा केशवेन सहाभिभूः ।
तोरणद्वारसुमुखं द्वात्रिंशद्द्वारसंयुतम् ॥ १.२२७.८५ ॥
The king, mounted on a royal chariot, together with Keśava, the invincible one, advanced toward the city whose arched gates were fair and which had thirty-two gates.
1.227.86
वर्धमानपुरद्वारात्प्रविवेश महाद्युतिः ।
शङ्खदुन्दुभिनिर्घोषाः श्रूयन्ते बहवो भृशम् ॥ १.२२७.८६ ॥
The greatly radiant king entered the city through the gate of Vardhamānapura. Many sounds of conches and drums were heard intensely.
1.227.87
जयेति ब्राह्मणगिरः श्रूयन्ते च सहस्रशः ।
संस्तूयमानो मुनिभिः सूतमागधबन्दिभिः ॥ १.२२७.८७ ॥
Thousands of brahmins' voices were heard crying "Victory!" The king was praised by sages, sūtas, māgadhas and bandis.
1.227.88
औपवाह्यगतो राजा राजमार्गमतीत्य च ।
कृतमङ्गलसत्कारं प्रविवेश गृहोत्तमम् ॥ १.२२७.८८ ॥
The king, mounted on a royal carriage, having passed along the royal road and received auspicious honours, entered the finest mansion.
1.227.89
प्रविश्य भवनं राजा नागरैरभिसंवृतः ।
प्रहृष्टमुदितैरासीत्सत्कारैरभिपूजितः ॥ १.२२७.८९ ॥
Having entered the mansion, the king was surrounded by citizens and honoured with respect by the joyful and delighted townsfolk.
1.227.90
पूजयामास विप्रेन्द्रान्केशेन महात्मना ।
ततस्तु राष्ट्रं नगरं नरनारीगणायुतम् ॥ १.२२७.९० ॥
Then, together with the great-souled Keśava, he honoured the foremost brahmins. Then the realm and the city, full of multitudes of men and women, (paid him homage).
1.227.91
गोधनैश्च समाकीर्णं सस्यैर्वृद्धिं तदागमत् ॥ १.२२७.९१ ॥
That kingdom, filled with herds of cattle and with crops, came to prosperity.
1.227.92
तेषां पुण्यजनोपेतं राष्ट्रमाविशतां महत् ।
पाण्डवानां महाराज शश्वत्प्रीतिरवर्धत ॥ १.२२७.९२ ॥
When they entered that great kingdom, filled with righteous people, great king, the delight of the Pāṇḍavas grew ever greater.
1.227.93
सौबलेन च कर्णेन धार्तराष्ट्रैः कृपेण च ।
तथा भीष्मेण राज्ञा च धर्मप्रणयिना सदा ॥ १.२२७.९३ ॥
With Saubala and Karṇa, with the sons of Dhṛtarāṣṭra, with Kṛpa, likewise with Bhīṣma and the king who loves dharma, always.
1.227.94
पाण्डवाः समपद्यन्त खाण्डवप्रस्थवासिनः ।
पञ्चभिस्तैर्महेष्वासैरिन्द्रकल्पैः समावृतम् ॥ १.२२७.९४ ॥
The Pāṇḍavas, dwelling in Khāṇḍavaprastha, were surrounded by those five great archers, equal to Indra.
1.227.95
शुशुभे तत्पुरश्रेष्ठं नागैर्भोगवती यथा ।
ततस्तु विश्वकर्माणं पूजयित्वा विसृज्य च ॥ १.२२७.९५ ॥
That excellent city shone like Bhogavatī filled with serpents. Then, having honoured Viśvakarman and sent him away,
1.227.96
द्वैपायनं च संपूज्य विसृज्य च नराधिपः ।
वार्ष्णेयमब्रवीद्राजा गन्तुकामं कृतक्षणम् ॥ १.२२७.९६ ॥
Having thoroughly honoured Dvaipāyana and sent him away, the king spoke to Vārṣṇeya, who was desiring to leave and was ready for the occasion.
1.227.97
तव प्रसादाद्वार्ष्णेय राज्यं प्राप्तं मयाऽनघ ।
प्रसादादेव ते वीर शून्यं राष्ट्रं सुदुर्गमम् ॥ १.२२७.९७ ॥
By your grace, O scion of Vṛṣṇi, O sinless one, I have obtained this kingdom. And by your grace alone, O hero, this very difficult realm has been made empty.
1.227.98
तवैव तु प्रसादेन राज्यस्थाश्च भवामहे ।
गतिस्त्वमापत्कालेऽपि पाण्डवानां च माधव ॥ १.२२७.९८ ॥
It is only by your grace that we stand firm in the kingdom. O Mādhava, even in time of calamity you are the refuge of the Pāṇḍavas.
1.227.99
ज्ञात्वा तु कृत्यं कर्तव्यं कारयस्व भवान्हि नः ।
यदिष्टमनुमन्तव्यं पाण्डवानां त्वयाऽनघ ॥ १.२२७.९९ ॥
Knowing what is to be done, you yourself should have it done for us; and whatever is desired by the Pāṇḍavas, you should approve, O sinless one.
1.227.100
त्वत्प्रभावान्महाराज्यं संप्राप्तं हि स्वधर्मतः ।
पितृपैतामहं राज्यं कथं न स्यात्तव प्रभो ॥ १.२२७.१०० ॥
Through your power this great kingdom has been obtained, rightly by one's own duty. O lord, how could the ancestral kingdom of your forefathers not be yours?
1.227.101
धार्तराष्ट्रा दुराचाराः किं करिष्यन्ति पाण्डवान् ।
यथेष्टं पालय जगच्छश्वद्धर्मधुरं वह ॥ १.२२७.१०१ ॥
What will the ill-behaved sons of Dhṛtarāṣṭra do to the Pāṇḍavas? Protect the world as you wish, and forever bear the yoke of dharma.
1.227.102
पुनः पुनश्च संहर्षाद्ब्राह्मणान्भर पौरव ।
अद्यैव नारदः श्रीमानागमिष्यति सत्वरः ॥ १.२२७.१०२ ॥
O Paurava, again and again, out of joy, support the brahmins. Today itself the glorious Nārada will come here swiftly.
1.227.103
आदत्स्व तस्य वाक्यानि शासनं कुरु तस्य वै ।
एवमुक्त्वा ततः कुन्तीमभिवाद्य जनार्दनः ॥ १.२२७.१०३ ॥
Take his words to heart and do as he commands. Having spoken thus, Janārdana bowed respectfully to Kuntī.
1.227.104
उवाच श्लक्ष्णया वाचा गमिष्यामि नमोस्तु ते ।
जातुषं गृहमासाद्य मया प्राप्तं यदानघ ॥ १.२२७.१०४ ॥
He said in a gentle voice: "I shall go; reverence to you. O sinless one, having reached the lac house, what I obtained there…"
1.227.105
आर्येण समभिज्ञातं त्वया वै यदुपुङ्गव ।
त्वया नाथेन गोविन्द दुःखं तीर्णं महत्तरम् ॥ १.२२७.१०५ ॥
O best of the Yadus, the noble one has fully recognized you. O Govinda, with you as our protector we have crossed a very great sorrow.
1.227.106
त्वं हि नाथस्त्वनाथानां दरिद्राणां विशेषतः ।
सर्वदुःखानि शाम्यन्ति तव संदर्शनान्मम ॥ १.२२७.१०६ ॥
You indeed are the protector of the unprotected, and especially of the poor. By seeing you, all my sorrows are calmed.
1.227.107
स्मरस्वैनान्महाप्राज्ञ तेन जीवन्ति पाण्डवाः ॥ १.२२७.१०७ ॥
O great-wise one, remember them; by him the Pāṇḍavas live.
1.227.108
करिष्यामीति चामन्त्र्य अभिवाद्य पितृष्वसाम् ।
गमनाय मतिं चक्रे वासुदेवः सहानुगः ॥ १.२२७.१०८ ॥
Saying "I will do so," and taking leave of his aunt with a respectful greeting, Vāsudeva resolved to depart with his followers.
1.227.109
तान्निवेश्य ततो वीरः सह रामेण कौरवान् ।
ययौ द्वारवतीं राजन्पाण्डवानुमते तदा ॥ १.२२७.१०९ ॥
Then the hero, having settled the Kurus there together with Rāma, O king, with the consent of the Pāṇḍavas, went to Dvāravatī.