マハーバーラタ · 章 1.78
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.78.1
जरां प्राप्य ययातिस्तु स्वपुरं प्राप्य चैव हि ।
पुत्रं ज्येष्ठं वरिष्ठं च यदुमित्यब्रवीद्वचः ॥ १.७८.१ ॥
老いを得たヤヤーティは自分の都に着いて、長男で最も優れた息子ヤドゥにこの言葉を語った。
1.78.2
जरावली च मां तात पलितानि च पर्यगुः ।
काव्यस्योशनसः शापान्न च तृप्तोऽस्मि यौवने ॥ १.७८.२ ॥
息子よ、老いの皺と白髪が私を捕らえた。ウシャナス（カーヴヤ）の呪いのために、私はまだ若さに満足していない。
1.78.3
त्वं यदो प्रतिपद्यस्व पाप्मानं जरया सह ।
यौवनेन त्वदीयेन चरेयं विषयानहम् ॥ १.७८.३ ॥
ヤドゥよ、この老いの苦しみを引き受けよ。お前の若さによって、私は感覚の対象を楽しもう。
1.78.4
पूर्णे वर्षसहस्रे तु पुनस्ते यौवनं त्वहम् ।
दत्त्वा स्वं प्रतिपत्स्यामि पाप्मानं जरया सह ॥ १.७८.४ ॥
千年が満ちたら、私はお前に再び若さを返し、老いの苦しみを再び引き受けよう。
1.78.5
जरायां बहवो दोषाः पानभोजनकारिताः ।
तस्माज्जरां न ते राजन्ग्रहीष्य इति मे मतिः ॥ १.७८.५ ॥
老いには飲食から生じる多くの欠点がある。ゆえに王よ、私はあなたの老いを受け取るつもりはない——それが私の決意だ。
1.78.6
सितश्मश्रुर्निरानन्दो जरया शिथिलीकृतः ।
वलीसङ्गतगात्रस्तु दुर्दर्शो दुर्बलः कृशः ॥ १.७८.६ ॥
白い髭をたくわえ、喜びもなく、老いに衰え、皺に覆われた手足を持ち、見るに忍びず、弱く痩せ細った者。
1.78.7
अशक्तः कार्यकरणे परिभूतः स यौवतैः ।
सहोपजीविभिश्चैव तां जरां नाभिकामये ॥ १.७८.७ ॥
務めを果たせず、若者や共に暮らす者たちに侮られる、その老いを私は望まない。
1.78.8
सन्ति ते बहवः पुत्रा मत्तः प्रियतरा नृप ।
जरां ग्रहीतुं धर्मज्ञ तस्मादन्यं वृणीष्व वै ॥ १.७८.८ ॥
王よ、あなたには私より愛しい息子が多くいる。法を知る者よ、老いを受け取る別の者を選びなさい。
1.78.9
यत्त्वं मे हृदयाज्जातो वयः स्वं न प्रयच्छसि ।
तस्मादराज्यभाक्तात प्रजा तव भविष्यति ॥ १.७८.९ ॥
私の心から生まれたお前なのに、自分の若さを私に渡さない。だから息子よ、お前は王権に与れず、子孫もまたそうなるだろう。
1.78.10
प्रत्याख्यातस्तु राजा स तुर्वसुं प्रत्युवाच ह ।
तुर्वसो प्रतिपद्यस्व पाप्मानं जरया सह।
यौवनेन चरेयं वै विषयांस्तव पुत्रक ॥ १.७८.१० ॥
こうして断られた王は、トゥルヴァスに言った。トゥルヴァスよ、老いとともにその災いを引き受けよ。若さによって私はお前の楽しみを享受しよう、わが息子よ。
1.78.11
पूर्णे वर्षसहस्रे तु पुनर्दास्यामि यौवनम् ।
स्वं चैव प्रतिपत्स्यामि पाप्मानं जरया सह ॥ १.७८.११ ॥
千年が満ちたなら、お前にその若さを返そう。そして私自身も老いとともにその災いを受けよう。
1.78.12
न कामये जरां तात कामभोगप्रणाशिनीम् ।
बलरूपान्तकरणीं बुद्धिप्राणप्रणाशिनीम् ॥ १.७८.१२ ॥
父上よ、欲望と享楽を壊し、力と容姿を終わらせ、知性と命を滅ぼすその老いを私は望みません。
1.78.13
यत्त्वं मे हृदयाज्जातो वयः स्वं न प्रयच्छसि ।
तस्मात्प्रजा समुच्छेदं तुर्वसो तव यास्यति ॥ १.७८.१३ ॥
お前は私の心から生まれたのに、若さを私に与えようとしない。ゆえにトゥルヴァス、お前の子孫は滅びるだろう。
1.78.14
संकीर्णाचारधर्मेषु प्रतिलोमचरेषु च ।
पिशिताशिषु चान्त्येषु मूढ राजा भविष्यसि ॥ १.७८.१४ ॥
愚か者よ、お前は行いと法が混じった者、逆行する者、肉食者、そして最下層の者たちの王となるだろう。
1.78.15
गुरुदारप्रसक्तेषु तिर्यग्योनिगतेषु च ।
पशुधर्मेषु पापेषु म्लेच्छेषु त्वं भविष्यसि ॥ १.७८.१५ ॥
お前は師の妻に執着する者、獣の胎から生まれた者、獣の行いをする者、罪深い者、蛮族の王となるだろう。
1.78.16
एवं स तुर्वसुं शप्त्वा ययातिः सुतमात्मनः ।
शर्मिष्ठायाः सुतं द्रुह्युमिदं वचनमब्रवीत् ॥ १.७८.१६ ॥
こうしてヤヤーティは息子トゥルヴァスを呪い、シャルミシュター の子ドルフユにこの言葉を告げた。
1.78.17
द्रुह्यो त्वं प्रतिपद्यस्व वर्णरूपविनाशिनीम् ।
जरां वर्षसहस्रं मे यौवनं स्वं ददस्व च ॥ १.७८.१७ ॥
ドルフユよ、容色と美しさを壊すこの老いを受け取り、千年の間お前の若さを私に与えよ。
1.78.18
पूर्णे वर्षसहस्रे तु पुनर्दास्यामि यौवनम् ।
स्वं चादास्यामि भूयोऽहं पाप्मानं जरया सह ॥ १.७८.१८ ॥
千年が満ちたなら、お前の若さを返そう。そして私は罪と老いを再び引き受けよう。
1.78.19
न गजं न रथं नाश्वं जीर्णो भुङ्क्ते न च स्त्रियम् ।
वाग्भङ्गश्चास्य भवति तां जरां नाभिकामये ॥ १.७८.१९ ॥
老いた者は象も戦車も馬も、女をも楽しめず、その言葉さえもつれる。そのような老いを私は望まない。
1.78.20
यत्त्वं मे हृदयाज्जातो वयः स्वं न प्रयच्छसि ।
तस्माद्द्रुह्यो प्रियः कामो न ते संपत्स्यते क्वचित् ॥ १.७८.२० ॥
私の心から生まれたお前が、自分の若さを与えないのだから、ドルフニュよ、お前の愛する望みは決して叶わないだろう。
1.78.21
यत्राश्वरथमुख्यानामश्वानां स्याद्गतं न च ।
हस्तिनां पीठकानां च गर्दभानां तथैव च ॥ १.७८.२१ ॥
優れた馬と戦車、馬、象、輿、そしてロバが通れる道すらない所では、
1.78.22
बस्तानां च गवां चैव शिबिकायास्तथैव च ।
उडुपप्लवसंतारो यत्र नित्यं भविष्यति। ॥ १.७८.२२ ॥
山羊や牛、輿が通れる道もなく、いつも筏や舟で川を渡らねばならない所では、
1.78.23
अनो त्वं प्रतिपद्यस्व पाप्मानं जरया सह ।
एकं वर्षसहस्रं तु चरेयं यौवनेन ते ॥ १.७८.२३ ॥
アヌよ、私の老いとその苦しみを引き受けよ。私はお前の若さで千年を生きよう。
1.78.24
जीर्णः शिशुवदादत्ते कालेऽन्नमशुचिर्यथा ।
न जुहोति च कालेऽग्निं तां जरां नाभिकामये ॥ १.७८.२४ ॥
老いた者は子供のように時を外れて食事をし、不浄のままで、ふさわしい時に火への供物を捧げない。そのような老いを私は望まない。
1.78.25
यत्त्वं मे हृदयाज्जातो वयः स्वं न प्रयच्छसि ।
जरादोषस्त्वया प्रोक्तस्तस्मात्त्वं प्रतिलप्स्यसे ॥ १.७८.२५ ॥
私の心から生まれながら、お前は自分の若さを私に与えなかった。老いの欠点はお前自身が述べたのだから、お前もそれを受けるだろう。
1.78.26
प्रजाश्च यौवनप्राप्ता विनशिष्यन्त्यनो तव ।
अग्निप्रस्कन्दनपरस्त्वं चाप्येवं भविष्यसि ॥ १.७८.२६ ॥
若さを得たお前の子孫は、お前のせいで滅びるだろう。お前自身もまた、火に供物を注ぐことに専念する者となるだろう。
1.78.27
प्रत्याख्यातश्चतुर्भिश्च शप्त्वा तान्यदुपूर्वकान् ।
पूरोः सकाशमगमन्मत्त्वा पूरुमलङ्घनम् ॥ १.७८.२७ ॥
四人に断られ、ヤドゥをはじめとする者たちを呪ってから、命令に背かないのはプルだと思い、プルのもとへ行った。
1.78.28
पूरो त्वं मे प्रियः पुत्रस्त्वं वरीयान्भविष्यसि ।
जरा वली च मांतात पलितानि च पर्यगुः ॥ १.७८.२८ ॥
プルよ、お前は私の愛する息子だ。お前は最も優れた者となるだろう。息子よ、老いとしわと白髪が私を捕らえてしまった。
1.78.29
काव्यस्योशनसः शापान्न च तृप्तोऽस्मि यौवने ।
पूरो त्वं प्रतिपद्यस्व पाप्मानं जरया सह।
कंचित्कालं चरेयं वै विषयान्वयसातव ॥ १.७८.२९ ॥
カーヴヤ・ウシャナス（シュクラ）の呪いのため、私は若さにおいて満ち足りていない。プルよ、老いとともにその苦しみを引き受けてくれ。そうすれば私は しばらくの間、若さの快楽を味わえるだろう。
1.78.30
पूर्णे वर्षसहस्रे तु पुनर्दास्यामि यौवनम् ।
स्वं चैव प्रतिपत्स्यामि पाप्मानं जरया सह ॥ १.७८.३० ॥
千年が満ちたなら、私はお前の若さをお前に返そう。そして私もまた、老いとともにその苦しみを再び引き受けるだろう。
1.78.31
एवमुक्तः प्रत्युवाच पूरुः पितरमज्जसा ।
यदात्थ मां महाराज तत्करिष्यामि ते वचः ॥ १.७८.३१ ॥
そう言われるとプルは直ちに父に答えた。「大王よ、あなたが私に言われたことを、必ず果たしましょう。」
1.78.32
गुरोर्वै वचनं पुण्यं स्वर्ग्यमायुष्करं नृणाम् ।
गुरुप्रसादात्त्रैलोक्यमन्वशासच्छतक्रतुः ॥ १.७८.३२ ॥
師の言葉は功徳があり、天界へ導き、人々の寿命を延ばす。師の恩寵によって、百祭のインドラは三界を統治したのである。
1.78.33
गुरोरनुमतं प्राप्य सर्वान्कामानमाप्नुयात् ।
यावदिच्छसि तावच्च धारयिष्यामि ते जराम् ॥ १.७८.३३ ॥
師の許しを得れば、人はあらゆる願いを成就できる。あなたが望む限り、私はあなたの老いを引き受けよう。
1.78.34
प्रतिपत्स्यामि ते राजन्पाप्मानं जरया सह ।
गृहाण यौवनं मत्तश्चर कामान्यथेप्सितान् ॥ १.७८.३४ ॥
王よ、あなたの老いとともに、あなたの罪をも私が引き受けよう。私の若さを受け取り、望む欲望を存分に楽しみなさい。
1.78.35
जरयाहं प्रतिच्छन्नो वयोरूपधरस्तव ।
यौवनं भवते दत्त्वा चरिष्यामि यथात्थमाम् ॥ १.७८.३५ ॥
老いに覆われた私は、あなたの年齢と姿を身に帯びよう。あなたに若さを与えた後、あなたの言ったとおりに遍歴しよう。
1.78.36
पूरो प्रीतोऽस्मि ते वत्स प्रीतश्चेदं ददामि ते ।
सर्वकामसमृद्धा ते प्रजा राज्ये भविष्यति ॥ १.७८.३६ ॥
プルよ、私はお前に満足している、愛しい子よ。満足して、これをお前に与えよう。お前の子孫は王国で、あらゆる願いに満ちて栄えるだろう。
1.78.37
एवमुक्त्वा ययातिस्तु स्मृत्वा काव्यं महातपाः ।
संक्रामयामास जरां तदा पूरौ महात्मनि ॥ १.७८.३७ ॥
こう言うと、大苦行者ヤヤーティはカーヴヤ（シュクラ）を思い起こし、そのときマハートマーのプールに老いを移し与えた。