Vedyatra वेदयात्रा
検索

マハーバーラタ · 章 1.96

हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย

語の意味つきで読む

1.96.1

तं कुमारमृषिर्दृष्ट्वा कर्म चास्यातिमानुषम् ।
समयो यौवराज्याय इत्यनुध्याय स द्विजः ॥ १.९६.१ ॥

その少年とその人間離れした行いを見て、聖仙は太子に立てる時が来たと考えた。そう思案して、その再生者は

1.96.2

शकुन्तलां समाहूय कण्वो वचनमब्रवीत् ।
शृणु भद्रे मम सुते मम वाक्यं शुचिस्मिते ॥ १.९६.२ ॥

シャクンタラーを呼んで、カンヴァはこう言った。「善き娘よ、清らかな微笑みの者よ、わたしの言葉を聞きなさい。」

1.96.3

पतिव्रतानां नारीणां विशिष्टमिति चोच्यते ।
पतिशुश्रूषणं पूर्वं मनोवाक्कायचेष्टितैः ॥ १.९६.३ ॥

夫に貞節な女性の中で、これが最も優れていると言われる。まず心と言葉と身体の行いによって夫に仕えることである。

1.96.4

अनुज्ञाता मया पूर्वं पूजयैतद्व्रतं तव ।
एतेनैव च वृत्तेन पुण्याँल्लोकानवाप्य च ॥ १.९६.४ ॥

わたしは前にすでにおまえに許しを与えた。おまえのこの誓戒を敬いなさい。この行いによって、功徳の世界を得て、

1.96.5

तस्यान्ते मानुषे लोके विशिष्टां तप्स्यसे श्रियम् ।
तस्माद्भद्रेऽद्य यातव्यं समीपं पौरवस्य ह ॥ १.९६.५ ॥

その終わりに、人の世で、おまえは並外れた輝きを放つだろう。ゆえに善き娘よ、今日おまえはパウラヴァの御前へ行かねばならない。

1.96.6

स्वयं नायाति मत्वा ते गतं कालं शुचिस्मिते ।
गत्वाऽऽराधय राजानं दुष्यन्तं हितकाम्यया ॥ १.९६.६ ॥

時が過ぎたと思い、彼は自ら来ようとしない。清らかな微笑みの者よ、行きなさい。おまえの幸せを願って、王ドゥシュヤンタの御心を喜ばせなさい。

1.96.7

दौष्यन्तिं यौवराज्यस्थं दृष्ट्वा प्रीतिमवाप्स्यसि ।
देवतानां गुरूणां च क्षत्रियाणां च भामिनि ॥ १.९६.७ ॥

輝ける女よ、王太子の位にあるドゥシャンタの息子を見れば、神々・長老・クシャトリヤへの喜びを得るであろう。

1.96.8

भर्तॄणां च विशेषेम हितं संगमनं भवेत् ।
तस्मात्पुत्रि कुमारेण गन्तव्यं मत्प्रियेप्सया ॥ १.९६.८ ॥

夫との結びつきは特に有益である。ゆえに娘よ、わたしの喜びを願って、王子とともに行かねばならない。

1.96.9

प्रतिवाक्यं न दद्यास्त्वं शपिता मम पादयोः ॥ १.९६.९ ॥

言い返してはならぬ。わたしの足にかけて誓わせる。

1.96.10

एवमुक्त्वा सुतां तत्र पौत्रं कण्वोऽभ्यभाषत ।
परिष्वज्य च बाहुभ्यां मूर्ध्न्युपाघ्राय पौरवम् ॥ १.९६.१० ॥

こう言って、カンヴァはそこで娘と孫に語りかけた。両腕で抱きしめ、パウラヴァの頭に口づけした。

1.96.11

सोमवंशोद्भवो राजा दुष्यन्त इति विश्रुतः ।
तस्याग्रमहिषी चैषा तव माता शुचिव्रता ॥ १.९६.११ ॥

月の系譜に生まれたドゥシャンタという王が名高い。その正妃、お前の母は、この清浄な誓いを守る女である。

1.96.12

गन्तुकामा भर्तृपार्श्वं त्वया सह सुमध्यमा ।
गत्वाऽभिवाद्य राजनं यौवराज्यमवाप्स्यसि ॥ १.९६.१२ ॥

細い腰のこの女は夫のもとへ行きたいと願い、お前とともに行く。王のもとに赴き敬礼すれば、お前は王太子の位を得るであろう。

1.96.13

स पिता तव राजेन्द्रस्तस्य त्वं वशगो भव ।
पितृपैतामहं राज्यमातिष्ठस्व स्वभावतः ॥ १.९६.१३ ॥

彼は汝の父、王の中の王である。汝は彼に従え。父祖伝来の王国を本来の道理によって受け継げ。

1.96.14

तस्मिन्काले स्वराज्यस्थो मामनुस्मर पौरव ॥ १.९६.१४ ॥

その時、汝が自らの王国に確立したなら、私を思い出せ、プルの末裔よ。

1.96.15

अभिवाद्य मुनेः पादौ पौरवो वाक्यमब्रवीत् ।
त्वं पिता मम विप्रर्षे त्वं माता त्वं गतिश्च मे ॥ १.९६.१५ ॥

聖仙の足元に礼拝して、プール族の王子は言った。「ヴィプラ仙よ、あなたは私の父であり、母であり、私の拠り所です。」

1.96.16

न चान्यं पितरं मन्ये त्वामृते तु महातपः ।
तव शुश्रूषणं पुण्यमिह लोके परत्र च ॥ १.९६.१६ ॥

大苦行者よ、あなた以外に父と思う者はいません。あなたへの奉仕は、この世でもあの世でも功徳があります。

1.96.17

शकुन्तला भर्तृकामा स्वयं यातु यथेष्टतः ।
अहं सुश्रूषणपरः पादमूले वसामि वः ॥ १.९६.१७ ॥

夫を望むシャクンタラーは、自らの意志で好きなように行きなさい。私はあなたに仕えることに専念して、御足のもとに住みましょう。

1.96.18

क्रीडां व्यालमृगैः सार्धं करिष्ये न पुरा यथा ।
त्वच्छासनपरो नित्यं स्वाध्यायं च करोम्यहम् ॥ १.९६.१८ ॥

以前のように野獣と遊ぶことはしません。常にあなたの命令に従い、ヴェーダの読誦もいたします。

1.96.19

एवमुक्त्वा तु संश्लिष्य पादौ कण्वस्य तिष्ठतः ।
तस्य तद्वचनं श्रुत्वा प्ररुरोद शकुन्तला ॥ १.९६.१९ ॥

そう言って、立っているカンヴァの足にすがりつき、その言葉を聞いてシャクンタラーは声をあげて泣いた。

1.96.20

स्नेहात्पितुश्च पुत्रस्य हर्षशोकसमन्विता ।
निशाम्य रुदतीमार्तां दौष्यन्तिर्वाक्यमब्रवीत् ॥ १.९६.२० ॥

父と子への愛情から喜びと悲しみに満ちたドゥシュヤンタの息子は、苦しみに泣くシャクンタラーを見て、このように言った。

1.96.21

श्रुत्वा भगवतो वाक्यं किं रोदिषि शकुन्तले ।
गन्तव्यं काल्य उत्थाय भर्तृप्रीतिस्ववास्ति चेत् ॥ १.९६.२१ ॥

尊者の言葉を聞いたのに、シャクンタラーよ、なぜ泣くのか。夜明けに起きて出発しなければならない。夫を愛しているなら、無事であれ。

1.96.22

एकस्तु कुरुते पापं फलं भुङ्क्ते महाजनः ।
मया निवारितो नित्यं न करोषि वचो मम ॥ १.९६.२२ ॥

一人が過ちを犯し、その果報は大衆が受ける。私は常にあなたを止めてきたのに、あなたは私の言葉に従わない。

1.96.23

निःसृतान्कुञ्जरान्नित्यं बाहुभ्यां संप्रमथ्य वै ।
वनं च लोडयन्नित्यं सिंहव्याघ्रगणैर्वृतम् ॥ १.९६.२३ ॥

象を絶えず腕で追い散らして打ち砕き、獅子や虎の群れに囲まれた森を絶えずかき乱し。

1.96.24

एवंविधानि चान्यानि कृत्वा वै पुरुनन्दन ।
रुषितो भगवांस्तात तस्मादावां विवासितौ ॥ १.९६.२४ ॥

プルの末裔よ、このようなことや他のことをしたため、尊者はお怒りになった、愛しい方よ。それゆえ、我ら二人は追放されたのです。

1.96.25

नाहं गच्छामि दुष्यन्तं नास्मि पुत्र हितैषिणी ।
पादमूले वसिष्यामि महर्षेर्भावितात्मनः ॥ १.९६.२५ ॥

私はドゥシュヤンタのもとへは行きません。息子の幸せを願う者でもありません。心の清らかな偉大な聖仙の足元に住みましょう。

1.96.26

एवमुक्त्वा तु रुदती पपात मुनिपादयोः ।
एवं विलपतीं कण्वश्चानुनीय च हेतुभिः।
पुनः प्रोवाच भगवानानृशंस्याद्धितं वचः ॥ १.९६.२६ ॥

そう言って泣きながら彼女は聖仙の足元に倒れ伏した。このように嘆く彼女を、カンヴァは理にかなった言葉で慰め、慈悲から再び有益な言葉を告げた。

1.96.27

शकुन्तले शृणुष्वेदं हितं पथ्यं च भामिनि ।
पतिव्रताभावगुणान्हित्वा साध्यं न किंचन ॥ १.९६.२७ ॥

シャクンタラーよ、この有益で良い言葉を聞きなさい、貴婦人よ。貞淑な妻の徳を捨てれば、何も成し遂げられない。

1.96.28

प्रतिव्रतानां देवा वै तुष्टाः सर्वरप्रदाः ।
प्रसादं च करिष्यन्ति आपदो मोक्षयन्ति च ॥ १.९६.२८ ॥

あらゆる恩恵を授ける神々は、貞淑な妻に満足する。神々は恩寵を示し、災いから彼女たちを解き放つであろう。

1.96.29

पतिप्रसादात्पुण्यं च प्राप्नुवन्ति न चाशुभम् ।
तस्माद्गत्वा तु राजानमाराधय शुचिस्मिते ॥ १.९६.२९ ॥

夫の恩寵によって、女性は功徳を得て、不吉を得ることはない。ゆえに、清らかな微笑みの人よ、王のもとへ行き、王をなだめなさい。

1.96.30

शकुन्तलां तथोक्त्वा वै शाकुन्तलमथाब्रवीत् ।
दौहित्रो मम पौत्रस्त्वमिलिलस्य महात्मनः ॥ १.९६.३० ॥

シャクンタラーにこう告げた後、彼はシャクンタラーの息子に語りかけた。「お前は私の娘の息子であり、偉大なイラの孫でもある。」

1.96.31

शृणुष्व वचनं सत्यं प्रब्रवीमि तवानघ ।
मनसा भर्तृकामा वै वाग्भिरुक्त्वा पृथग्विधम् ॥ १.९६.३१ ॥

罪なき者よ、私の真実の言葉を聞け。彼女は心で夫を望んでおり、さまざまな言葉でそれを述べている。

1.96.32

गन्तुं नेच्छति कल्याणी तस्मात्तात वहस्व वै ।
शक्तस्त्वं प्रतिगन्तुं च मुनिभिः सह पौरव ॥ १.९६.३२ ॥

吉祥なる彼女は行くことを望まない。それゆえ、いとしい子よ、彼女を連れて行け。プルの子孫よ、お前は聖者たちと共に帰ることができる。

1.96.33

इत्युक्त्वा सर्वदमनं कण्वः शिष्यानथाब्रवीत् ।
शकुन्तलामिमां शीग्रं सपुत्रामाश्रमादितः ॥ १.९६.३३ ॥

こう言って、一切を制する者カṇvaは弟子たちに言った。「このŚakuntalāを息子とともに、一刻も早くこの庵から連れ出せ。」

1.96.34

भर्तुः प्रापयताभ्याशं सर्वलक्षणपूजिताम् ।
नारीणां चिरवासो हि बान्धवेषु न रोचते ॥ १.९६.३४ ॥

あらゆる美徳で尊ばれる彼女を夫のもとへ送り届けよ。女が親族のもとに長く留まることは、まことに喜ばれないのだ。

1.96.35

कीर्तिचारित्रधर्म्नस्तस्मान्नयत मा चिरम् ॥ १.९६.३५ ॥

ゆえに、名声と品行と義務のために、遅滞なく彼女を連れて行け。

1.96.36

धर्माभिपूजितं पुत्रं काश्यपेन निशाम्य तु ।
काश्यपात्प्राप्य चानुज्ञां मुमुदे च शकुन्तला ॥ १.९६.३६ ॥

法によって尊ばれる息子についてカーシャパの言葉を聞き、カーシャパの許しを得て、シャクンタラーは喜んだ。

1.96.37

कण्वस्य वचनं श्रुत्वा प्रतिगच्छेति चासकृत् ।
तथेत्युक्त्वा तु कण्वं च मातरं पौरवोऽब्रवीत्।
किं चिरायसि मातस्त्वं गमिष्यामो नृपालयम् ॥ १.९६.३७ ॥

カṇヴァの言葉を聞き、「戻れ」と幾度も言われて、プール族の王子は「そうしよう」と言い、カṇヴァと母に言った。「母上、なぜぐずぐずしておられるのですか。王宮へ参りましょう。」

1.96.38

एवमुक्त्वा तु तां देवीं दुष्यन्तस्य महात्मनः ।
अभिवाद्य मुनेः पादौ गन्तुमैच्छत्स पौरवः ॥ १.९६.३८ ॥

その女神にこう言って、偉大なるドゥフシャンタの子、プール族の王子は聖仙の足元に礼拝し、去ろうと望んだ。

1.96.39

शकुन्तला च पितरमभिवाद्य कृताञ्जलिः ।
प्रदक्षिणीकृत्य तदा पितरं वाक्यमब्रवीत् ॥ १.९६.३९ ॥

シャクンタラーは父に礼拝し、合掌して右回りに巡り、そのとき父にこの言葉を述べた。

1.96.40

अज्ञानान्मे पिता चेति दुरुक्तं वापि चानृतम् ।
अकार्यं वाप्यनिष्टं वा क्षन्तुमर्हति तद्भवान् ॥ १.९६.४० ॥

「父上、無知のゆえに私が言った粗暴な、偽りの、不適切な、あるいは不快な言葉があったとしても、どうかお許しください。」

1.96.41

एवमुक्तो नतशिरा मुनिर्नोवाच किंचन ।
मनुष्यभावात्कण्वोऽपि मुनिरश्रूण्यवर्तयत् ॥ १.९६.४१ ॥

そう言われて、聖仙は頭を垂れて何も言わなかった。人間の情に由り、カṇヴァもまた涙を流した。

1.96.42

अब्भक्षान्वायुभक्षांश्च शीर्णपर्णाशनान्मुनीन् ।
फलमूलाशिनो दान्तान्कृशान्धमनिसंततान् ॥ १.९६.४२ ॥

水を飲み、風を飲み、枯葉を食べる聖仙たち。果実と根を食べ、自制し、痩せ細り、体に脈が浮き出た聖仙たちを。

1.96.43

व्रतिनो जटिलान्मुण्डान्वल्कलाजिनसंवृतान् ।
समाहूय मुनिः कण्वः कारुण्यादिदमब्रवीत् ॥ १.९६.४३ ॥

誓戒を守る者、髪を結った者、剃髪した者、樹皮と鹿皮をまとった者たちを呼び集め、聖者カンヴァは憐れみからこう言った。

1.96.44

मया तु लालिता नित्यं मम पुत्री यशस्विनी ।
वने जाता विवृद्धा च न च जानाति किंचन ॥ १.९६.४४ ॥

私は常に我が栄光ある娘を慈しんで育ててきた。森に生まれ育った彼女は、何も知らない。

1.96.45

आश्रमात्तु पथा सर्वैर्नीयतां क्षत्रियालयम् ।
द्वितीययोजने विप्राः प्रतिष्ठानं प्रतिष्ठितम् ॥ १.९६.४५ ॥

バラモンたちよ、隠棲所から道を通って、皆で彼女をクシャトリヤの家へ連れて行きなさい。第二ヨージャナのところに、確立された都プラティシュターナがある。

1.96.46

प्रतिष्ठाने पुरे राजा शाकुन्तलपितामहः ।
अध्युवास चिरं कालमुर्वश्या सहितः पुरा ॥ १.९६.४६ ॥

プラティシュターナの都で、シャクンタラーの息子の祖父である王は、かつてウルヴァシーと共に長い間住んでいた。

1.96.47

अनूपजाङ्गलयुतं धनधान्यसमाकुलम् ।
प्रतिष्ठितं पुरवरं गङ्गायामुनसङ्गमे ॥ १.९६.४७ ॥

湿地と乾地を備え、富と穀物に満ちた、ガンガーとヤムナーの合流点に建てられた優れた都。

1.96.48

तत्र सङ्गममासाद्य स्नात्वा हुतहुताशनाः ।
शाकमूलफलाहारा निवर्तध्वं तपोधनाः।
अन्यथा तु भवेद्विप्रा अध्वनो गमने श्रमः ॥ १.९६.४८ ॥

そこで合流点に着き、沐浴して火に供物を捧げ、野菜・根・果実を食しつつ、苦行の宝たちよ、引き返しなさい。さもなくば、バラモンたちよ、道中で疲れることになる。

1.96.49

तथेत्युक्त्वा च ते सर्वे प्रातिष्ठन्त महौजसः ।
शकुन्तलां पुरस्कृत्य दुष्यन्तस्य पुरं प्रति ॥ १.९६.४९ ॥

「そうしよう」と言って、あの偉大な力を持つ聖者たちは皆、シャクンタラーを先頭に立て、ドゥシュヤンタの都へ向けて出発した。

1.96.50

गृहीत्वा चामरप्रख्यं पुत्रं कमललोचनम् ।
आजग्मुश्च पुरं रम्यं दुष्यन्ताध्युषितं वनात् ॥ १.९६.५० ॥

払子のような色をした蓮の目の息子を抱いて、彼らは森からドゥシュヤンタの住まう麗しい都に着いた。

1.96.51

शकुन्तलां समादाय मुनयो धर्मवत्सलाः ।
ते वनानि नदीः शैलान्गिरिप्रस्रवणानि च ॥ १.९६.५१ ॥

シャクンタラーを伴い、法を愛する聖者たちは、森、川、山々、山の泉を越えて進んだ。

1.96.52

कन्दराणि नितम्बांश्च राष्ट्राणि नगराणि च ।
आश्रमाणि च पुण्यानि गत्वा चैव गतश्रमाः ॥ १.९६.५२ ॥

洞窟、山の斜面、国々、都市、聖なる隠棲所を通り過ぎても、彼らは疲れを知らなかった。

1.96.53

शनैर्मध्याह्नवेलायां प्रतिष्ठानं समाययुः ।
तां पुरीं पुरुहूतेन ऐलस्यार्थे विनिर्मिताम् ॥ १.९६.५३ ॥

ゆっくりと正午ごろ、彼らはプラティシュターナに着いた。その都はインドラがアイラ(プルーラヴァス)のために建てたものである。

1.96.54

परिघाट्टालकैर्मुख्यैरुपकल्पशतैरपि ।
शतघ्नीचक्रयन्त्रैश्च गुप्तामन्यैर्दुरासदाम् ॥ १.९६.५४ ॥

閂、望楼、主要な防御施設、数百の設備、百殺機と車輪式の機械、その他の手段によって守られたその都市は、近づき難かった。

1.96.55

हर्म्यप्रसादसंबाधां नानापण्यविभूषिताम् ।
मण्टपैः ससभै रम्यैः प्रपाभिश्च समावृताम् ॥ १.९६.५५ ॥

その都は邸宅と宮殿の広間にあふれ、さまざまな商品で飾られ、美しい東屋、集会所、水場に囲まれていた。

1.96.56

राजमार्गेण महता सुविभक्तेन शोभिताम् ।
कैलासशिखराकारैर्गोपुरैः समलङ्कृताम् ॥ १.९६.५६ ॥

その都は広く整然と区画された王道で美しく、カイラーサの峰のような城門で飾られていた。

1.96.57

द्वारतोरणनिर्यूहैर्मङ्गलैरुपशोभिताम् ।
उद्यानाम्रवणोपेतां महतीं सालमेखलाम् ॥ १.९६.५७ ॥

この大きな都は門、アーチ、突出部、吉祥の印で飾られ、庭園、マンゴーの林、森を有し、サーラ樹の帯に囲まれていた。

1.96.58

सर्वपुष्करिणीभिश्च उद्यानैश्च समावृताम् ।
वर्णाश्रमैः स्वधर्मस्थैर्नित्योत्सवसमाहितैः ॥ १.९६.५८ ॥

その都は多様な蓮の池と庭園に囲まれ、各階級と人生の段階の人々で満ちていた。彼らは自らの義務に堅く、常に祭りに心を向けていた。

1.96.59

धनधान्यसमृद्धैश्च संतुष्टै रत्नपूजितैः ।
कृतयज्ञैश्च विद्वद्भिरग्निहोत्रपरैः सदा ॥ १.९६.५९ ॥

その都は財と穀物に富み、満ち足り、宝玉で敬われ、祭祀を行い、学識があり、常にアグニホートラに励む人々で満ちていた。

1.96.60

वर्जिता कार्यकरणैर्दानशीलैर्दयापरैः ।
अधर्मभीरुभिः सर्वैः स्वर्गलोकजिगीषुभिः ॥ १.९६.६० ॥

その都は悪事を行う者がおらず、施しを好み、慈悲に励み、不正を恐れ、天界を勝ち取ることを望む人々で満ちていた。

1.96.61

एवंविधजनोपेतमिन्द्रलोकमिवापरम् ।
तस्मिन्नगरमध्ये तु राजवेश्म प्रतिष्ठितम् ॥ १.९६.६१ ॥

このような人々に満ちた、もう一つのインドラの世界のような、その都の真ん中に王宮が建っていた。

1.96.62

इन्द्रसद्मप्रतीकाशं संपूर्णं वित्तसंचयैः ।
तस्य मध्ये सभा दिव्या नानारत्नविभूषिता ॥ १.९६.६२ ॥

インドラの館のようで、蓄えられた富に満ちていた。その中央には、様々な宝玉で飾られた神聖な広間があった。

1.96.63

तस्यां सभायां राजर्षिः सर्वालङ्कारभूषितः ।
ब्राह्मणैः क्षत्रियैश्चापि मन्त्रिभिश्चापि संवृतः ॥ १.९६.६३ ॥

その集会には、あらゆる装飾で飾られた王仙が、バラモン、クシャトリヤ、大臣たちに囲まれて座していた。

1.96.64

संस्तूयमानो राजेन्द्रः सूतमागधबन्दिभिः ।
कार्यार्थिषु तदाऽभ्येत्य कृत्वा कार्यं गतेषु सः ॥ १.९६.६४ ॥

御者、マーガダ、吟遊詩人に讃えられる諸王の王は、用件を持つ者たちが近づき、用件を済ませて去った後……

1.96.65

सुखासीनोऽभवद्राजा तस्मिन्काले महर्षयः ।
शकुन्तानां स्वनं श्रुत्वा निमित्तज्ञास्त्वलक्षयन् ॥ १.९६.६५ ॥

その時、王は安らかに座していた。すると、前兆を知る大仙たちは鳥の声を聞き、それに注意を払った。

1.96.66

शकुन्तले निमित्तानि शोभनानि भवन्ति नः ।
कार्यसिद्धिं वदन्त्येते ध्रुवं राज्ञी भविष्यसि।
अस्मिंस्तु दिवसे पुत्रो युवराजो भविष्यति ॥ १.९६.६६ ॥

「シャクンタラーよ、これらの前兆は我らにとって吉祥である。必ずや事の成就を告げている。汝は王妃となるだろう。そして今日、一人の息子が皇太子となるであろう。」

1.96.67

वर्धमानपुरद्वारं तूर्यघोषनिनादितम् ।
शकुन्तलां पुरस्कृत्य विविशुस्ते महर्षयः ॥ १.९६.६७ ॥

トゥールヤの響きに満ちたヴァルダマーナ城門で、シャクンタラーを先頭に立て、大聖者たちは入って行った。

1.96.68

प्रविशन्तं नृपसुतं प्रशशंसुश्च वीक्षकाः ।
वर्धमानपुरद्वारं प्रविशन्नेव पौरवः ॥ १.९६.६८ ॥

ヴァルダマーナ城門に入るその王子、パウラヴァが入場するや否や、見物人たちは彼を称賛した。

1.96.69

इन्द्रलोकस्थमात्मानं मेने हर्षसमन्वितः ॥ १.९६.६९ ॥

喜びに満たされ、彼は自分がインドラの世界にいるかのように感じた。

1.96.70

ततो वै नागराः सर्वे समाहूय परस्परम् ।
द्रष्टुकामा नृपसुतं समपद्यन्त भारत ॥ १.९६.७० ॥

そこで市民たちは皆互いに呼び集まり、王子を見たいと願って、バーラタよ、集まった。

1.96.71

देवतेव जनस्याग्रे भ्राजते श्रीरिवागता ।
जयन्तेनेव पौलोमी इन्द्रलोकादिहागता ॥ १.९६.७१ ॥

人々の前で女神のように輝く。まるで吉祥天女自身が来たかのように、またジャヤンタと共にパウローミーがインドラの世界からここへ来たかのように。

1.96.72

इति ब्रुवन्तस्ते सर्वे महर्षीनिदमब्रुवन् ।
अभिवादयन्तः सहिता महर्षीन्देववर्चसः ॥ १.९६.७२ ॥

そう言いながら、皆で神々のように輝く大聖者たちに挨拶し、これを語った。

1.96.73

अद्य नः सफलं जन्म कृतार्थाश्च ततो वयम् ।
एवं ये स्म प्रपश्यामो महर्षीन्सूर्यवर्चसः ॥ १.९६.७३ ॥

今日、我々の生は実を結び、我らは目的を果たした。太陽のように輝く大仙人たちをこのように見ることができたのだから。

1.96.74

इत्युक्त्वा सहिताः केचिदन्वगच्छन्त पौरवम् ।
हैमवत्याः सुतमिव कुमारं पुष्करेक्षणम् ॥ १.९६.७४ ॥

こう言って、彼らのうちの幾人かが連れ立って、ハイマヴァティーの子クマーラのように、蓮の目をした若者パウラヴァの後に従った。

1.96.75

ये केचिदब्रुवन्मूढाः शाकुन्तलदिदृक्षवः ।
कृष्णाजिनेन संछन्नाननिच्छन्तो ह्यवेक्षितुम् ॥ १.९६.७५ ॥

シャークンタラの聖者たちを見たいと願った愚かな者たちの幾人かが語った。しかし、黒い羚羊の皮に覆われた彼らは、見られることを望まなかった。

1.96.76

पिशाचा इव दृश्यन्ते नागराणां विरूपिणः ।
विना सन्ध्यां पिशाचास्ते प्रविशन्ति पुरोत्तमम् ॥ १.९६.७६ ॥

市民の目には、彼らは醜い鬼神のように映る。黄昏もないのに、その鬼神たちは最上の都市に入ってくる。

1.96.77

क्षुत्पिपासार्दितान्दीनान्वल्कलाजिनवाससः ।
त्वगस्थिभूतान्निर्मांसान्धमनीसन्ततानपि ॥ १.९६.७७ ॥

飢えと渇きに苦しみ、哀れで、樹皮と羚羊の皮をまとい、皮と骨ばかりとなり、肉もなく、血管に覆われた者たち。

1.96.78

पिङ्गलाक्षान्पिङ्गजटान्दीर्घदन्तान्निरूदरान् ।
विशीर्षकानूर्ध्वहस्तान्दृष्ट्वा हास्यन्ति नागराः ॥ १.९६.७८ ॥

黄色い目、黄色い髪、長い牙、腹のない、頭がないかのような、手を挙げた彼らを見て、市民たちは笑うだろう。

1.96.79

एवमुक्तवतां तेषां गिरं श्रुत्वा महर्षयः ।
अन्योन्यं ते समाहूय इदं वचनमब्रुवन् ॥ १.९६.७९ ॥

そのように語る者たちの言葉を聞き、大仙たちは互いに呼び合い、この言葉を述べた。

1.96.80

उक्तं भगवता वाक्यं न कृतं सत्यवादिना ।
पुरप्रवेशनं नात्र कर्तव्यमिति शासनम् ॥ १.९६.८० ॥

尊き方が語られた言葉を、真実を語る者は行わなかった。ここで町に入ってはならない、これが命令である。

1.96.81

किं कारणं प्रवेक्ष्यामो नगरं दुर्जनैर्वृतम् ।
त्यक्तसङ्गस्य च मुनेर्नगरे किं प्रयोजनम् ॥ १.९६.८१ ॥

悪人に囲まれた町へ、何のために入るべきか。執着を捨てた聖者にとって、町に何の用があるだろうか。

1.96.82

गमिष्यामो वनं तस्माद्गङ्गायामुनसङ्गमम् ।
एवमुक्त्वा मुनिगणाः प्रतिजग्मुर्यथागतम् ॥ १.९६.८२ ॥

それゆえ私たちはガンガーとヤムナーの合流点へ、森へ行こう。そう言って、聖者の群れは来た道を戻っていった。