マハーバーラタ · 章 6.105
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.105.1
दृष्ट्वा भीष्मं रणे युद्धं पाण्डवैरभिसंवृतम् ।
यथा मेघैर्महाराज तपान्ते दिवि भास्करम् ॥ ६.१०५.१ ॥
大王よ、戦場でパーンダヴァたちに取り囲まれたビーシュマを見た時、それは夏の終わりに空が雲に覆われた太陽のようでした。
6.105.2
दुर्योधनो महाराज दुःशासनमभाषत ।
एष शूरो महेष्वासो भीष्मः शूरनिषूदनः ॥ ६.१०५.२ ॥
大王よ、ドゥルヨーダナはドゥフシャーサナに言った。この英雄、偉大な弓の名手ビーシュマは、英雄たちを滅ぼす者だ。
6.105.3
छादितः पाण्डवैः शूरैः समन्ताद्भरतर्षभ ।
तस्य कार्यं त्वया वीर रक्षणं सुमहात्मनः ॥ ६.१०५.३ ॥
バラタの牡牛よ、彼は勇猛なパーンダヴァたちに四方から囲まれている。勇士よ、あの偉大な魂を守ることがお前の務めだ。
6.105.4
रक्ष्यमाणो हि समरे भीष्मोऽस्माकं पितामहः ।
निहन्यात्समरे यत्तान्पाञ्चालान्पाण्डवैः सह ॥ ६.१०५.४ ॥
我らの祖父ビーシュマが戦で守られれば、彼は奮戦するパーンチャーラたちをパーンダヴァとともに打ち倒すだろう。
6.105.5
तत्र कार्यतमं मन्ये भीष्मस्यैवाभिरक्षणम् ।
गोप्ता ह्येष महेष्वासो भीष्मोऽस्माकं महाव्रतः ॥ ६.१०५.५ ॥
そこで最も必要なのは、ビーシュマ自身を確実に守ることだと私は思う。この偉大な弓の名手、大誓を立てたビーシュマこそ我らの守護者なのだ。
6.105.6
स भवान्सर्वसैन्येन परिवार्य पितामहम् ।
समरे कर्म कुर्वाणं दुष्करं परिरक्षतु ॥ ६.१०५.६ ॥
ゆえに、そなたは全軍をもって我らが祖父を取り囲み、戦において困難な行いを成す彼を、しっかりと守れ。
6.105.7
स एवमुक्तः समरे पुत्रो दुःशासनस्तव ।
परिवार्य स्थितो भीष्मं सैन्येन महता वृतः ॥ ६.१०५.७ ॥
戦いでこのように告げられた後、あなたの息子ドゥフシャーサナは大軍に囲まれ、ビーシュマを取り囲んで立った。
6.105.8
ततः शतसहस्राणां हयानां सुबलात्मजः ।
विमलप्रासहस्तानामृष्टितोमरधारिणाम् ॥ ६.१०५.८ ॥
そこでスバラの息子（シャクニ）は、手に清らかな槍を持ち、リシュティとトーマラを携える数十万の馬を率いて……
6.105.9
दर्पितानां सुवेगानां बलस्थानां पताकिनाम् ।
शिक्षितैर्युद्धकुशलैरुपेतानां नरोत्तमैः ॥ ६.१०५.९ ॥
誇り高く、速く、堅固で、旗を掲げ、訓練され戦いに熟達し、最上の勇士に率いられた……
6.105.10
नकुलं सहदेवं च धर्मराजं च पाण्डवम् ।
न्यवारयन्नरश्रेष्ठान्परिवार्य समन्ततः ॥ ६.१०५.१० ॥
最上の勇士たちは四方から囲み、ナクラ、サハデーヴァ、そしてパーンドゥの子ダルマ王（ユディシュティラ）を阻んだ。
6.105.11
ततो दुर्योधनो राजा शूराणां हयसादिनाम् ।
अयुतं प्रेषयामास पाण्डवानां निवारणे ॥ ६.१०५.११ ॥
そこでドゥルヨーダナ王は、パーンダヴァを阻むために勇敢な騎兵一万を送った。
6.105.12
तैः प्रविष्टैर्महावेगैर्गरुत्मद्भिरिवाहवे ।
खुराहता धरा राजंश्चकम्पे च ननाद च ॥ ६.१०५.१२ ॥
王よ、ガルダのように速く戦いに突入した彼らの蹄に打たれ、大地は震え、鳴り響いた。
6.105.13
खुरशब्दश्च सुमहान्वाजिनां शुश्रुवे तदा ।
महावंशवनस्येव दह्यमानस्य पर्वते ॥ ६.१०५.१३ ॥
そのとき馬のひづめの非常に大きな音が聞こえた。山で燃える大きな竹林の音のようであった。
6.105.14
उत्पतद्भिश्च तैस्तत्र समुद्धूतं महद्रजः ।
दिवाकररथं प्राप्य च्छादयामास भास्करम् ॥ ६.१०५.१४ ॥
跳躍するそれらが巻き上げた大量の砂塵は太陽の車にまで達し、太陽を覆い隠した。
6.105.15
वेगवद्भिर्हयैस्तैस्तु क्षोभिता पाण्डवीक चमूः ।
निपतद्भिर्महावेगैर्हंसैरिव महत्सरः ॥ ६.१०५.१५ ॥
その速い馬たちによってパーンダヴァの軍は揺さぶられた。大きな湖に素早く舞い降りる白鳥によって湖がかき乱されるように。
6.105.16
हेषतां चैव शब्देन न प्राज्ञायत किंचन ।
अन्तर्दधे महाञ्शब्दस्तेन शब्देन मोहितः ॥ ६.१०५.१६ ॥
馬のいななきの中では何も聞き分けられなかった。その大きな音は消え、人々はその音に惑わされた。
6.105.17
ततो युधिष्ठिरो राजा माद्रीपुत्रौ च पाण्डवौ ।
प्रत्यघ्नंस्तरसा वेगं समरे हयसादिनाम् ॥ ६.१०५.१७ ॥
そこで王ユディシュティラと、マードリーの二人の息子であるパーンダヴァたちは、戦場で騎兵の猛攻を力強く食い止めた。
6.105.18
उद्वृत्तस्य महाराज प्रावृट्कालेऽतिपूर्यतः ।
पौर्णमास्यामम्बुवेगं यथा वेला महोदधेः ॥ ६.१०५.१८ ॥
大王よ、雨季に満ちあふれて溢れ出る水の勢いは、満月の日に大海の岸が押しとどめるように押しとどめられた。
6.105.19
ततस्ते रथिनो राजञ्शरैः सन्नतपर्वभिः ।
न्यकृन्तन्नुत्तमाङ्गानि शरेण हयसादिनाम् ॥ ६.१०५.१९ ॥
そのとき、王よ、戦車の戦士たちは節が曲がった矢で騎兵の首を斬り落とした。一本の矢に一つの首である。
6.105.20
ते निपेतुर्महाराज निहता दृढधन्विभिः ।
नागैरिव महानागा यथावद्गिरिगह्वरे ॥ ६.१०५.२० ॥
偉大な王よ、堅固な弓手に討たれて彼らは倒れた。山の洞窟で大象が他の象に殺されて倒れるように。
6.105.21
तेऽपि प्रासैः सुनिशितैः शरैः सन्नतपर्वभिः ।
न्यकृन्तन्नुत्तमाङ्गानि विचरन्तो दिशो दश ॥ ६.१०५.२१ ॥
彼らもまた十方を駆け巡り、鋭い槍と節の曲がった矢で首を斬り落とした。
6.105.22
अभ्याहता हयारोहा ऋष्टिभिर्भरतर्षभ ।
अत्यजन्नुत्तमाङ्गानि फलानीव महाद्रुमाः ॥ ६.१०५.२२ ॥
槍に突かれた騎兵たちは、バラタの牡牛よ、大樹が果実を落とすように首を失った。
6.105.23
समादिनो हया राजंस्तत्रतत्र निषूदिताः ।
पतिताः पात्यमानाश्च प्रत्यदृश्यन्त सर्वशः ॥ ६.१०५.२३ ॥
王よ、騎手を乗せた馬々はあちこちで殺された。倒れたもの、倒されつつあるものが至る所に見えた。
6.105.24
वध्यमाना हयाश्चैव प्राद्रवन्त भयार्दिताः ।
यथा सिंहं समासाद्य मृगाः प्राणपरायणाः ॥ ६.१०५.२४ ॥
殺されつつある馬々は恐怖に苛まれて逃げた。獅子に近づいた鹿が命を守ろうと逃げるように。
6.105.25
पाण्डवाश्च महाराज जित्वा शत्रून्महामृधे ।
दध्मुः शङ्खांश्च भेरीश्च ताडयामासुराहवे ॥ ६.१०५.२५ ॥
大王よ、パーンドゥの子らは大戦で敵に勝利し、法螺貝を吹き、戦場で太鼓を打ち鳴らした。
6.105.26
ततो दुर्योधनो दीनो दृष्ट्वा सैन्यं पराजितम् ।
अब्रवीद्रतश्रेष्ठ मद्रराजमिदं वचः ॥ ६.१०५.२६ ॥
敗れた軍勢を見て落胆したドゥルヨーダナは、戦車の勇者の中で最も優れたマドラ王に次の言葉を告げた。
6.105.27
एष पाण्डुसुतो ज्येष्ठो यमाभ्यां सहितो रणे ।
पश्यतां वो महाबाहो सेनां द्रावयति प्रभो ॥ ६.१०५.२७ ॥
ご覧ください、主よ。パーンドゥの長子は双子と共に、戦場であなたの軍勢を追い散らしています。
6.105.28
तं वारय महाबाहो वेलेव मकरालयम् ।
त्वं हि संश्रूयसेऽत्यर्थमसह्यबलविक्रमः ॥ ६.१०५.२८ ॥
大力の者よ、岸が海を押しとどめるように彼を食い止めよ。あなたは耐えがたい力と武勇で知られているのだから。
6.105.29
पुत्रस्य तव तद्वाक्यं श्रुत्वा शल्यः प्रतापवान् ।
स ययौ रथवंशेन यत्र राजा युधिष्ठिरः ॥ ६.१०५.२९ ॥
あなたの息子のその言葉を聞いた勇猛なシャリヤは、戦車の列を率いて、ユディシュティラ王のいる所へ向かった。
6.105.30
तदापतद्वै सहसा शल्यस्य सुमहद्बलम् ।
महौघवेगं समरे वारयामास पाण्डवः ॥ ६.१०५.३० ॥
その時、シャリヤの大軍が大洪水の勢いで突如殺到したが、パーンダヴァはその戦いでこれを食い止めた。
6.105.31
मद्रराजं च समरे धर्मराजो महारथः ।
दशभिः सायकैस्तूर्णमाजघान स्तनान्तरे ।
नकुलः सहदेवश्च तं सप्तभिरजिह्नगैः ॥ ६.१०५.३१ ॥
戦いで大戦車の戦士、法王（ユディシュティラ）は、マドラ国王の胸の中央を素早く十本の矢で射た。ナクラとサハデーヴァは七本のまっすぐな矢で彼を射た。
6.105.32
मद्रराजोऽपि तान्सर्वानाजघान त्रिभिस्त्रिभिः ।
युधिष्ठिरं पुनः षष्ट्या विव्याध निशितैः शरैः ॥ ६.१०५.३२ ॥
マドラ国王もまた彼ら全員を三本ずつ射た。そしてユディシュティラを鋭い六十本の矢で射貫いた。
6.105.33
माद्रीपुत्रौ च संभ्रान्तौ द्वाभ्यां द्वाभ्यामताडयत् ।
ततो भीमो महाबहुर्दृष्ट्वा राजनमाहवे ॥ ६.१०५.३३ ॥
動揺していたマードリーの二人の息子を、それぞれ二本ずつの矢で射た。その時、大腕のビーマは戦場で王を見て、
6.105.34
मद्रराजवशं प्राप्तं मृत्योरास्यगतं यथा ।
अभ्यपद्यत संग्रामे युधिष्ठिरममित्रजित् ॥ ६.१०५.३४ ॥
マドラ国王の支配下に落ち、死の口に入ったかのようなユディシュティラのもとへ、敵を征服するビーマが戦場で駆けつけた。
6.105.35
आपतन्नेव भीमस्तु मद्रराजमताडयत् ।
सर्वपारशवैस्तीक्ष्णैर्नाराचैर्मर्मभेदिभिः ॥ ६.१०५.३५ ॥
突進したビーマは、急所を貫く鋭いナーラーチャ矢、すべてパールシャヴァ型の矢で、マドラ国王を射た。
6.105.36
ततो भीष्मश्च द्रोणश्च सैन्येन महता वृतौ ।
राजानमभ्यपद्येतामञ्जसा शरवर्षिणौ ॥ ६.१०५.३६ ॥
そこでビーシュマとドローナは大軍に囲まれ、矢の雨を降らせながら、すぐさま王のもとへまっすぐ向かった。
6.105.37
ततो युद्धं महाघोरं प्रावर्तत सुदारुणम् ।
अपरां दिशमास्थाय द्योतमाने दिवाकरे ॥ ६.१०५.३७ ॥
そのとき、極めて恐ろしく凄まじい戦いが始まった。輝く太陽は西の方角にあった。