マハーバーラタ · 章 6.79
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.79.1
ततो दुर्योधनो राजा लोहितायति भास्करे ।
संग्रामरभसो भीमं हन्तुकामोऽभ्यधावत ॥ ६.७९.१ ॥
その時、太陽が赤らむころ、国王ドゥルヨーダナは戦いへの熱情に駆られ、ビーマを殺そうとして突進した。
6.79.2
तमायान्तमभिप्रेक्ष्य नृवीरं दृढवैरिणम् ।
भीमसेनः सुसंक्रुद्ध इदं वचनमब्रवीत् ॥ ६.७९.२ ॥
人中の英雄であり、堅固な敵である彼が近づくのを見て、ビーマセーナは激怒して次の言葉を言った。
6.79.3
अयं स कालः संप्राप्तो वर्षपूगाभिवाञ्छितः ।
अद्य त्वां निहनिष्यामि यदि नोत्सृजसे रणम् ॥ ६.७९.३ ॥
長年望んでいたその時が来た。今日お前が戦いを捨てないなら、私はお前を殺すだろう。
6.79.4
अद्य कुन्त्याः परिक्लेशं वनवासं च कृत्स्नशः ।
द्रौपद्याश्च परिक्लेशं प्रणेष्यामि हते त्वयि ॥ ६.७९.४ ॥
今日お前が倒れたとき、私はクンティーの苦難と森での流浪、そしてドラウパディーの苦難を、すっかり終わらせるだろう。
6.79.5
यत्पुरा मत्सरीभूत्वा पाण्डवानवमन्यसे ।
तस्य पापस्य गान्धारे पश्य व्यसनमागतम् ॥ ६.७९.५ ॥
かつて妬みに満ちて、お前はパーンダヴァたちを侮った。ガーンダーリーの子よ、その罪の災いがお前に降りかかったのを見よ。
6.79.6
कर्णस्य मतमास्थाय सौबलस्य च यत्पुरा ।
अचिन्त्य पाण्डवान्कामाद्यथेष्टं कृतवानसि ॥ ६.७९.६ ॥
かつてカルナとシャクニの意見に従い、パーンダヴァたちを顧みず、欲望のままにお前は思うように振る舞った。
6.79.7
याचमानं च यन्मोहाद्दाशार्हमवमन्यसे ।
उलूकस्य समादेशं यद्ददासि च हृष्टवत् ॥ ६.७९.७ ॥
乞い求めたダーシャールハ（クリシュナ）を迷いから侮り、ウルーカに喜んで託した使いのことも。
6.79.8
तेन त्वां निहनिष्यामि सानुबन्धं सबान्धवम् ।
शमीकरिष्ये तत्पापं यत्पुरा कृतवानसि ॥ ६.७९.८ ॥
それによって、お前を従者と親族もろとも討ち滅ぼそう。お前が以前犯した罪を、私が償わせよう。
6.79.9
एवमुक्त्वा धनुर्घोरं विकृष्योद्भ्राम्य चासकृत् ।
समाधत्त शरान्घोरान्महाशनिसमप्रभान् ॥ ६.७९.९ ॥
そう言うと、彼は恐ろしい弓を引き絞り、幾度も振り回して、大雷のように輝く恐ろしい矢を番えた。
6.79.10
षड्विंशतिमसं क्रुद्धो मुमोचाशु सुयोधने ।
ज्वलिताग्निशिखाकारान्वज्रकल्पानजिह्मगान् ॥ ६.७९.१० ॥
怒りに駆られ、彼はすばやくスヨーダナに二十六番目の矢を放った。燃えさかる炎の舌のような形で、雷杵のように、まっすぐ飛ぶ矢であった。
6.79.11
ततोऽस्य कार्मुकं द्वाभ्यां सूतं द्वाभ्यां च विव्यधे ।
चतुर्भिरश्वाञ्जवनाननयद्यमसादनम् ॥ ६.७९.११ ॥
続いて二本の矢で彼の弓を、二本で御者を射抜き、四本で速い馬を射て、ヤマの住処へと送った。
6.79.12
द्वाभ्यां च सुविकृष्टाभ्यां शराभ्यामरिमर्दनः ।
छत्रं चिच्छेद समरे राज्ञस्तस्य नरोत्तम् ॥ ६.७९.१२ ॥
二本のよく引き絞った矢で、敵を砕く者はその王の日傘を戦場で断ち切った。人の中の最上の者よ。
6.79.13
षङ्भिश्च तस्य चिच्छेद ज्वलन्तं ध्वजमुत्तमम् ।
छित्त्वा तं च ननादोच्चैस्तव पुत्रस्य पश्यतः ॥ ६.७९.१३ ॥
六本の矢で彼の輝く優れた旗竿を断ち、それを切り落として、あなたの息子が見ている前で大声で吠えた。
6.79.14
रथाच्च स ध्वजः श्रीमान्नानारत्नविभूषितात् ।
पपात सहसा भूमौ विद्युञ्जलधरादिव ॥ ६.७९.१४ ॥
多くの宝石で飾られたその戦車から、輝かしい旗は突然地に落ちた。稲妻を帯びた雲から落ちるように。
6.79.15
ज्वलन्तं सूर्यसंकाशं नागं मणिमयं शुभम् ।
ध्वजं कुरुपतेश्छिन्नं ददृशुः सर्वपार्थिवाः ॥ ६.७९.१५ ॥
すべての王たちは、クル族の主の、輝く太陽のような、宝玉で作られた、吉祥の蛇の印の旗が切り落とされたのを見た。
6.79.16
अथैनं दशभिर्बाणैस्तोत्रैरिव महाद्विपम् ।
आजघान रणे वीरं स्मयन्निव महारथः ॥ ६.७९.१६ ॥
すると、その大戦車兵は大象を棒で突くように、戦場でその英雄を十本の矢で打った。微笑みながら。
6.79.17
स गाढविद्धो व्यथितो भीमसेनेन संयुगे ।
निषसाद रथोपस्थे मूर्च्छाभिहतचेतनः ॥ ६.७९.१७ ॥
戦いでビーマセーナに深く傷つけられ、苦しみ、気絶によって意識を打ち倒され、彼は戦車の床に座り込んだ。
6.79.18
ततः स राजा सिन्धूनां रथश्रेष्ठो महाबलः ।
दुर्योधनस्य जग्राह पार्ष्णिं स्वपुरुषैर्वृतः ॥ ६.७९.१८ ॥
すると、戦車兵の中で最も優れた大力のシンドゥ国の王は、自らの配下に囲まれて、ドゥルヨーダナのかかとを掴んだ。
6.79.19
कृपश्च रथिनां श्रेष्ठस्तव पुत्रमचेतनम् ।
आरोपयद्रथं राजन्दुर्योधनममर्षणम् ॥ ६.७९.१९ ॥
王よ、戦車兵の中の最上の者クリパは、意識を失ったあなたの息子、怒りを抑えられぬドゥルヨーダナを戦車に乗せた。
6.79.20
परिवार्य ततो भीमं जेतुकामो जयद्रथः ।
रथैरनेकसाहस्रैर्भीमस्यावारयद्दिशः ॥ ६.७९.२० ॥
そこでジャヤドラタはビーマを征服しようと彼を取り囲み、幾千もの戦車でビーマのすべての方角を塞いだ。
6.79.21
धृष्टकेतुस्ततो राजन्नभिमन्युश्च वीर्यवान् ।
केकया द्रौपदेयाश्च तव पुत्रानयोधयन् ॥ ६.७९.२१ ॥
王よ、するとドリシュタケートゥ、勇猛なアビマニユ、ケーカヤの王子たちとドラウパディーの息子たちがあなたの息子たちと戦った。
6.79.22
चित्रसेनः सुचित्रश्च चित्राङ्गश्चित्रदर्शनः ।
चारुचित्रः सुचारुश्च तथा नन्दोपनन्दकौ ॥ ६.७९.२२ ॥
チトラセーナ、スチトラ、チトラーンガ、チトラダルシャナ、チャールチトラ、スチャール、そしてナンダとウパナンダ。
6.79.23
अष्टावेते महेष्वासाः सुकुमारा यशस्विनः ।
अभिमन्युरथं राजन्समन्तात्पर्यवारयन् ॥ ६.७९.२३ ॥
王よ、これら八人の大弓の名手、若くして名高い者たちは、アビマニユの戦車を四方から取り囲んだ。
6.79.24
आजघान ततस्तूर्णमभिमन्युर्महामनाः ।
एकैकं पञ्चभिर्बाणैः शितैः सन्नतपर्वभिः ॥ ६.७९.२४ ॥
すると大胆なアビマニユは素早く、先の鋭い、節で曲がった矢を一人ずつ五本ずつ射た。
6.79.25
वज्रमृत्युप्रतीकाशैर्विचित्रायुधनिःसृतैः ।
अमृष्यमाणास्ते सर्वे सौभद्रं रथसत्तमम् ॥ ६.७९.२५ ॥
耐えきれず、彼ら全員は、雷霆と死神に似た、様々な武器から放たれた矢を携えて、戦車の最強者であるスボードラーの子に襲いかかった。
6.79.26
ववृषुर्मार्गणैस्तीक्ष्णैर्गिरिं मेरुमिवाम्बुदाः ।
स पीड्यमानः समरे कृतास्त्रो युद्धदुर्मदः ॥ ६.७९.२६ ॥
雲がメール山に雨を注ぐように、彼らは鋭い矢の雨を降らせた。武芸に通じ、戦いの狂熱に酔ったその英雄は、その戦いで苦しめられた。
6.79.27
अभिमन्युर्महाराज तावकान्समकम्पयत् ।
यथा देवासुरे युद्धे वज्रपाणिर्महासुरान् ॥ ६.७९.२७ ॥
大王よ、アビマニユはあなたの兵士たちを皆震え上がらせた。神々とアスラの戦いで、金剛杵を手にするインドラが大アスラたちを震え上がらせるように。
6.79.28
विकर्णस्य ततो भल्लान्प्रेषयामास भारत ।
चतुर्दश रथश्रेष्ठो घोरानाशीविषोपमान् ॥ ६.७९.२८ ॥
それから、バーラタよ、その戦車の最強者は、ヴィカルナに十四本の三日月形の矢を放った。恐ろしく、毒蛇のようであった。
6.79.29
स तैर्विकर्णस्य रथात्पातयामास वीर्यवान् ।
ध्वजं सूतं हयांश्चैव नृत्यमान इवाहवे ॥ ६.७९.२९ ॥
その勇者は、それらの矢でヴィカルナの戦車から旗、御者、馬を打ち落とした。まるで戦場で舞うかのように。
6.79.30
पुनश्चान्याञ्शरान्पीतानकुण्ठाग्राञ्शिलाशितान् ।
प्रेषयामास संक्रुद्धो विकर्णाय महाबलः ॥ ६.७९.३० ॥
そして怒りに燃えた大力の英雄は、ヴィカルナに別の矢を放った。黄色みを帯び、鋭さの衰えぬ先端を持ち、石で研がれた矢であった。
6.79.31
ते विकर्णं समासाद्य कङ्कबर्हिणवाससः ।
भित्त्वा देहं गता भूमिं ज्वलन्त इव पन्नगाः ॥ ६.७९.३१ ॥
鷺と孔雀の羽根をつけたその矢は、ヴィカルナに到達して体を貫き、燃える蛇のように地に落ちた。
6.79.32
ते शरा हेमपुङ्खाग्रा व्यदृश्यन्त महीतले ।
विकर्णरुधिरक्लिन्ना वमन्त इव शोणितम् ॥ ६.७९.३२ ॥
金の矢羽と鏃を持つその矢は、ヴィカルナの血に濡れ、血を吐くかのように地に見えた。
6.79.33
विकर्णं वीक्ष्य निर्भिन्नं तस्यैवान्ये सहोदराः ।
अभ्यद्रवन्त समरे सौभद्रप्रमुखान्रथान् ॥ ६.७९.३३ ॥
ヴィカルナが貫かれたのを見て、その他の兄弟たちは戦場でスバドラーの息子を先頭とする戦車へ突進した。
6.79.34
अभियात्वा तथैवान्यान्रथांस्तान्सूर्यवर्चसः ।
अविध्यन्समरेऽन्योन्यं संरम्भाद्युद्धदुर्मदाः ॥ ६.७९.३४ ॥
太陽のように輝くそれら他の戦車に向かって進み、戦いの驕りに酔い、怒りに燃えて戦場で互いを射抜いた。
6.79.35
दुर्मुखः श्रुतकर्माणं विद्ध्वा सप्तभिराशुगैः ।
ध्वजमेकेन चिच्छेद सारथिं चास्य सप्तमिः ॥ ६.७९.३५ ॥
ドゥルムカはシュルタカルマンを七本の速い矢で射抜き、一本で旗を断ち、さらに七本で御者を斬り倒した。
6.79.36
अश्वाञ्जाम्बूनदैर्जालैः प्रच्छन्नान्वातरंहसः ।
जघान षङ्भिरासाद्य सारथिं चाभ्यपातयत् ॥ ६.७९.३६ ॥
風のように速く、金の網で覆われた馬を六本の矢で射た。そして近づき、その御者を倒した。
6.79.37
स हताश्वे रथे तिष्ठञ्श्रुतकर्मा महारथः ।
शक्तिं चिक्षेप संक्रुद्धो महोल्कां ज्वलितामिव ॥ ६.७९.३७ ॥
馬が倒された戦車の上に立つ大戦士シュルタカルマンは怒りに燃え、燃え盛る大流星のような投槍を放った。
6.79.38
सा दुर्मुखस्य विमलं वर्म भित्त्वा यशस्विनः ।
विदार्य प्राविशद्भूभिं दीप्यमाना स्वतेजसा ॥ ६.७९.३८ ॥
名高いドゥルムカの清らかな鎧を貫き裂いて、自らの輝きに燃えながら、それは大地へと入った。
6.79.39
दुर्मुखो विह्वलस्तत्र निषसाद रणे विभो ।
विसंज्ञं प्रेक्ष्य ते सर्वे भ्रातरः पर्यवारयन् ॥ ६.७९.३९ ॥
そこで戦いの中、おお主よ、ドゥルムカは茫然として座り込んだ。意識を失った彼を見て、兄弟たちは皆彼を取り囲んだ。
6.79.40
तं दृष्ट्वा विरथं तत्र सुतसोमो महारथः ।
पश्यतां सर्वसैन्यानां रथमारोपयत्स्वकम् ॥ ६.७९.४० ॥
そこで戦車を失った彼を見て、大戦士スタソマは全軍の見守る中、彼を自分の戦車に乗せた。
6.79.41
श्रुतकीर्तिस्तथा वीरो जयत्सेनं सुतं तव ।
अभ्ययात्समरे राजन्हन्तुकामो यशस्विनम् ॥ ६.७९.४१ ॥
英雄シュルタキールティもまた、その名高い者を殺そうと望み、王よ、戦いにおいてあなたの息子ジャヤツェーナへ突進した。
6.79.42
तस्य विक्षिपतश्चापं श्रुतकीर्तेर्महास्वनम् ।
चिच्छेद समरे तूर्णं जयत्सेनः सुतस्तव ॥ ६.७९.४२ ॥
シュルタキールティが大きな弦音を立てて弓を引き絞った時、あなたの息子ジャヤツェーナは戦いの中で速やかにその弓を断ち切った。
6.79.43
क्षुरप्रेण सुतीक्ष्णेन प्रहसन्निव भारत ।
तं दृष्ट्वा च्छिन्नधन्वानं शतानीकः सहोदरम् ॥ ६.७९.४३ ॥
バーラタよ、極めて鋭い剃刀状の矢で、笑うかのように、シャターニーカは兄の弓が断たれたのを見て、……
6.79.44
अभ्यपद्यत तेजस्वी सिंहवन्निनदन्मुहुः ।
शतानीकस्तु समरे दृढं विस्पार्य कार्मुकम् ॥ ६.७९.४४ ॥
輝ける者シャターニーカは獅子のように幾度も吼えながら進み、戦場で弓を堅く引き絞り……
6.79.45
विव्याध दशभिस्तूर्णं जयत्सेनं शिलीमुखैः ।
ननाद सुमहानादं प्रभिन्न इव वारणः ॥ ६.७९.४५ ॥
彼は素早く十本のシリーム箭でジャヤトセーナを射貫き、発情した象のように大声で吼えた。
6.79.46
अथान्येन सुतीक्ष्णेन सर्वावरणभेदिना ।
शतानीको जयत्सेनं विव्याध हृदये भृशम् ॥ ६.७९.४६ ॥
次いで、あらゆる鎧を貫く別の極めて鋭い矢で、シャターニーカはジャヤトセーナの胸を深く射た。
6.79.47
तथा तस्मिन्वर्तमाने दुष्कर्णो भ्रातुरन्तिके ।
मुमोचास्मैशितान्बाणांस्तीक्ष्णानाशीविषोपमान्
चिच्छेद समरे चापं नाकुलेः क्रोधमूर्च्छितः ॥ ६.७९.४७ ॥
兄の近くでこのことが起こっている最中、ドゥシュカルナは怒りに我を忘れ、毒蛇のように鋭い矢を彼に放ち、戦いでナクラの息子の弓を断ち切った。
6.79.48
अथान्यद्धनुरादाय भारसाहमनुत्तमम् ।
समादत्त शरान्घोराञ्शतानीको महाबलः ॥ ६.७९.४८ ॥
そして、最上で大きな力に耐える別の弓を取り、大力の シャターニーカは恐ろしい矢を手にした。
6.79.49
तिष्ठतिष्ठेति चामन्त्र्य दुष्कर्णं भ्रातुरग्रतः ।
मुमोचास्मै शितान्बाणाज्ज्वलितान्पन्नगानिव ॥ ६.७९.४९ ॥
兄の前でドゥシュカルナに「止まれ、止まれ」と呼びかけ、燃えさかる蛇のような鋭い矢を放った。
6.79.50
ततोऽस्य धनुरेकेन द्वाभ्यां सूतं च मारिष ।
चिच्छेद समरे तूर्णं तं च विव्याध सप्तभिः ॥ ६.७९.५० ॥
そして一矢で彼の弓を、二矢で御者を断ち切り、おお尊き者よ、戦いの中ですぐさま七矢で彼自身を射抜いた。
6.79.51
अश्वान्मनोजवांस्तस्य कर्बुरान्वातरंहसः ।
जघान निशितैस्तूर्णं सर्वान्द्वादशभिः शरैः ॥ ६.७९.५१ ॥
思考のように速く、斑の、風のように疾い彼の馬をすべて、鋭い十二本の矢で素早く倒した。
6.79.52
अथापरेण भल्लेन सुयुक्तेनाशुपातिना ।
दुष्कर्णं नाकुलिः क्रुद्धो विव्याध हृदये भृशम् ॥ ६.७९.५२ ॥
そこで怒ったナクラの子は、別の、よく作られた速く飛ぶバッラで、ドゥシュカルナの心臓を激しく射抜いた。
6.79.53
स पपात ततो भूमौ वज्राहत इव द्रुमः ।
दुष्कर्णं व्यथितं दृष्ट्वा पञ्च राजन्महारथाः ॥ ६.७९.५३ ॥
雷に打たれた木のように、彼は地に倒れた。王よ、ドゥシュカルナが苦しむのを見て、五人の大戦車兵が……
6.79.54
दिघांसन्तः शतानीकं सर्वतः पर्यवारयन् ।
छाद्यमानं शरव्रतैः शतानीकं यशस्विनम् ॥ ६.७९.५४ ॥
シャターニーカを殺そうと、彼らは四方から彼を取り囲み、名高いシャターニーカは矢の雨に覆われた。
6.79.55
अभ्यधावन्त संक्रुद्धाः केकयाः पञ्च सोदराः ।
तानभ्यापततः प्रेक्ष्य तव पुत्रा महारथाः ॥ ६.७९.५५ ॥
怒りに燃えた五人のケーカヤの兄弟が突進した。彼らが襲いかかってくるのを見て、あなたの大戦車兵の息子たちは、
6.79.56
प्रत्युद्ययुर्महाराज गजानिव महागजाः ।
दुर्मुखो दुर्जयश्चैव तथा दुर्मर्षणो युवा ॥ ६.७९.५६ ॥
偉大な王よ、大象が象に向かって進むように、ドゥルムカ、ドゥルジャヤ、そして若いドゥルマルシャナが彼らに向かって進み出た。
6.79.57
शत्रुंजयः सत्रुसहः सर्वे क्रुद्धा यशस्विनः ।
प्रत्युद्याता महाराज केकयान्भ्रातरः समम् ॥ ६.७९.५७ ॥
偉大な王よ、怒りに燃える名高いシャトルンジャヤ、サトルサハ、そして兄弟たちは皆、共にケーカヤの軍勢へと進み出た。
6.79.58
रथैर्नगरसंकाशैर्हयैर्युक्तैर्मनोजवैः ।
नानावर्णविचित्राभिः पताकाभिरलङ्कृतैः ॥ ६.७९.५८ ॥
街のように大きな戦車に、思考のように速い馬をつなぎ、多彩な色の旗で飾られて。
6.79.59
शरचापधरा वीरा विचित्रकवचध्वजाः ।
विविशुस्ते परं सैन्यं सिंहा इव वनाद्वनम् ॥ ६.७९.५९ ॥
矢と弓を携え、多彩な鎧と旗印をまとった勇士たちは、獅子が一つの森から別の森へ入るように、敵の軍勢へと踏み込んだ。
6.79.60
तेषां सुतुमुलं युद्धं व्यतिषक्तरथद्विपम् ।
अवर्तत महारौद्रं निघ्नतामितरेतरम् ॥ ६.७९.६० ॥
両軍のあいだに、最も激しく恐ろしい戦いが起こった。戦車と象は絡み合い、彼らは互いに打ち合いながら、凄まじい激情で戦った。
6.79.61
अन्योन्यागस्कृतां राजन्यमराष्ट्रविवर्धनम् ।
मुहूर्तास्तमिते सूर्ये चक्रुर्युद्धं सुदारुणम् ॥ ६.७९.६१ ॥
王よ、互いに罪を犯し、国々の破滅を増す王たちは、日没の一瞬の後、極めて恐ろしい戦いを行った。
6.79.62
रथिनः सादिनश्चाथ व्यकीर्यन्त सहस्रशः ।
ततः शान्तनवः क्रुद्धः शरैः सन्नतपर्वभिः ॥ ६.७९.६२ ॥
戦車兵と騎兵が何千もの単位で散らされた。そのときシャンタヌの子ビーシュマは怒り、曲がった矢羽の矢で、
6.79.63
नाशयामास सेनां तां भीष्मस्तेषां महात्मनाम् ।
पञ्चालानां च सैन्यानि शरैर्निन्ये यमक्षयम् ॥ ६.७९.६३ ॥
ビーシュマは、その偉大な者たちの軍を滅ぼし、パーンチャーラの軍勢を矢でヤマの館へ送った。
6.79.64
एवं भित्त्वा महेष्वासः पाण्डवानामनीकिनीम् ।
कृत्वाऽवहारं सैन्यानां ययौ स्वशिबिरं नृप ॥ ६.७९.६४ ॥
こうして、その大弓手はパーンダヴァの軍を貫き、軍勢を退かせ、王よ、自らの陣営へ去った。
6.79.65
नाशयामासतुर्वीरौ धृष्टद्युम्नवृकोदरौ ।
करवाणामनीकानि शरैः सन्नतपर्वभिः ॥ ६.७९.६५ ॥
二人の英雄ドリシュタデュムナとヴリコーダラ（ビーマ）は、曲がった矢羽の矢でカウラヴァの軍を滅ぼした。
6.79.66
धर्मराजोऽपि संप्रेक्ष्य धृष्टद्युम्नवृकोदरौ ।
मूर्ध्नि चैतावुपाघ्राय प्रहृष्टः शिबिरं ययौ ॥ ६.७९.६६ ॥
法王ユディシュティラもまた、ドリシュタデュムナとヴリコーダラを見て、二人の頭に口づけし、喜んで陣営へ去った。
6.79.67
अर्जुनो वासुदेवश्च कौरवाणामनीकिनीम् ।
हत्वा विद्राव्य च शरैः शिबिरायैव जग्मतुः ॥ ६.७९.६७ ॥
アルジュナとヴァースデーヴァは、クル軍を打ち倒し矢で散らした後、陣営へと向かった。