Mahābhārata · Adhyāya 7.142
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
7.142.1
तमापतन्तं सम्प्रेक्ष्य सात्वतं युद्धदुर्मदम् ।
क्रोधाद्भूरिश्रवा राजन्सहसा समुपाद्रवत् ॥ ७.१४२.१ ॥
Seeing Sātyaki, the Sātvata, intoxicated with battle, rushing toward him, O king, Bhūriśravas in anger suddenly charged at him.
7.142.2
तमब्रवीन्महाराज कौरव्यः शिनिपुङ्गवम् ।
अद्य प्राप्तोऽपि दिष्ट्या मे चक्षुर्विषयमित्युत ॥ ७.१४२.२ ॥
The Kaurava said to that bull of the Śini clan, O great king, today by good fortune you too have come within the range of my sight.
7.142.3
चिराभिलषितं काममहं प्राप्स्यामि संयुगे ।
न हि मे मोक्ष्यसे जीवन्यदि नोत्सृजसे रणम् ॥ ७.१४२.३ ॥
I shall obtain in battle the desire I have long cherished. If you do not abandon the battle, you will not be released from me while alive.
7.142.4
अद्य त्वां समरे हत्वा नित्यं शूराभिमानिनम् ।
नन्दयिष्यामि दाशार्ह कुरुराजं सुयोधनम् ॥ ७.१४२.४ ॥
Today, having slain you in battle — you who are ever proud of your valor — O Dāśārha, I shall gladden Suyodhana, the king of the Kurus.
7.142.5
अद्य मद्बाणनिर्दग्धं पतितं धरणीतले ।
द्रक्ष्यतस्त्वां रणे वीरौ सहितौ केशवार्जुनौ ॥ ७.१४२.५ ॥
Today, burned by my arrows and fallen upon the surface of the earth, you will be seen in battle by the two heroes, Keśava and Arjuna, together.
7.142.6
अद्य धर्मसुतो राजा श्रुत्वा त्वां निहतं मया ।
सव्रीडो भविता सद्यो येनासीह प्रवेशितः ॥ ७.१४२.६ ॥
Today, when the king, the son of Dharma, hears that you have been slain by me, he will at once be ashamed, for it was he who brought you in here to battle.
7.142.7
अद्य मे विक्रमं पार्थो विज्ञास्यति धनञ्जयः ।
त्वयि भूमौ विनिहते शयाने रुधिरोक्षिते ॥ ७.१४२.७ ॥
Today the son of Pṛthā, Dhanañjaya, will know my prowess, when you lie slain on the ground, drenched in blood.
7.142.8
चिराभिलषितो ह्येष त्वया सह समागमः ।
पुरा देवासुरे युद्धे शक्रस्य बलिना यथा ॥ ७.१४२.८ ॥
This encounter with you, long desired, is taking place, as once in the battle of gods and demons between Śakra and Bali.
7.142.9
अद्य युद्धं महाघोरं तव दास्यामि सात्वत ।
ततो ज्ञास्यसि तत्त्वेन मद्वीर्यबलपौरुषम् ॥ ७.१४२.९ ॥
Today I will give you a most terrible battle, O Sātvata; then you will truly know my valour, strength and manliness.
7.142.10
अद्य संयमनीं याता मया त्वं निहतो रणे ।
यथा रामानुजेनाजौ रावणिर्लक्ष्मणेन ह ॥ ७.१४२.१० ॥
Today, slain in battle by me, you shall go to Yama's city, as in battle Lakṣmaṇa, the younger brother of Rāma, slew the son of Rāvaṇa.
7.142.11
अद्य कृष्णश्च पार्थश्च धर्मराजश्च माधव ।
हते त्वयि निरुत्साहारणं त्यक्ष्यन्त्यसंशयम् ॥ ७.१४२.११ ॥
Today, O Mādhava, when you are slain, Kṛṣṇa, Pārtha and King Dharmarāja will, without doubt, lose heart and abandon the battle.
7.142.12
अद्य तेऽपचितिं कृत्वा शितैर्माधव सायकैः ।
तत्स्त्रियो नन्दयिष्यामि ये त्वया निहता रणे ॥ ७.१४२.१२ ॥
Today, O Mādhava, having rendered you due honour with sharp arrows, I will gladden the women of those whom you slew in battle.
7.142.13
मच्चक्षुर्विषये प्राप्तो न त्वं माधव मोक्ष्यसे ।
सिंहस्य विषयं प्राप्तो यथा क्षुद्रमृगस्तथा ॥ ७.१४२.१३ ॥
O Mādhava, having come within the range of my sight, you will not escape, as a small deer that has come within the range of a lion does not escape.
7.142.14
युयुधानस्तु तं राजन्प्रत्युवाच हसन्निव ।
कौरवेय न सन्त्रासो विद्यते मम संयुगे ॥ ७.१४२.१४ ॥
O king, Yuyudhāna answered him as if laughing: O son of the Kuru, there is no fear in me in battle.
7.142.15
नाहं भीषयितुं शक्यो वाङ्मात्रेण तु केवलम् ।
स मां निहन्यात्सङ्ग्रामे यो मां कुर्यान्निरायुधम् ॥ ७.१४२.१५ ॥
I cannot be frightened by mere words alone. Let him who in battle would render me unarmed be the one to slay me.
7.142.16
समास्तु शाश्वतीर्हन्याद्यो मां हन्याद्धि संयुगे ।
किं वृथोक्तेन बहुना कर्मणा तत्समाचर ॥ ७.१४२.१६ ॥
Let him who kills me in battle reap the fruit for countless eternal years. What use are many vain words? Perform that deed.
7.142.17
शारदस्येव मेघस्य गर्जितं निष्फलं हिते ।
श्रुत्वा त्वद्गर्जितं वीर हास्यं हि मम जायते ॥ ७.१४२.१७ ॥
Like the thunder of an autumn cloud, which brings no benefit, your roaring is fruitless. Hearing your bellowing, O hero, I am filled with laughter.
7.142.18
चिरकालेप्सितं लोके युद्धमद्यास्तु कौरव ।
त्वरते मे मतिस्तात तव युद्धाभिकाङ्क्षिणी।
नाहत्वाऽहं निवर्तिष्ये त्वामद्य पुरुषाधम ॥ ७.१४२.१८ ॥
O Kaurava, let the battle long desired in the world take place today. Dear one, your mind, eager for battle, hastens my own mind. O lowest of men, I shall not turn back without slaying you today.
7.142.19
अन्योन्यं तौ तथा वाग्भिस्तक्षन्तौ नरपुङ्गवौ ।
जिघांसू परमक्रुद्धभिजघ्नतुराहवे ॥ ७.१४२.१९ ॥
Thus those two bulls among men, wounding each other with words, greatly enraged and desiring to slay, struck at one another in battle.
7.142.20
समेतौ तौ महेष्वासौ शुष्मिणौ स्पर्धिनौ रणे ।
द्विरदाविव सङ्क्रुद्धौ वासितार्थे मदोत्कटौ ॥ ७.१४२.२० ॥
Those two great archers, mighty and rivals, met in battle, like two fiercely enraged elephants in rut fighting for a female.
7.142.21
भूरिश्रवाः सात्यकिश्च ववर्षतुररिन्दमौ ।
शरवर्षाणि घोराणि मेघाविव परस्परम् ॥ ७.१४२.२१ ॥
Bhūriśravas and Sātyaki, the two subduers of foes, poured down terrible showers of arrows upon each other, like two clouds raining on one another.
7.142.22
सौमदत्तिस्तु शैनेयं प्रच्छाद्येषुभिराशुगैः ।
जिघांसुर्भरतश्रेष्ठ विव्याध निशितैः शरैः ॥ ७.१४२.२२ ॥
But the son of Somadatta, desiring to slay him, covered the descendant of Śini, Sātyaki, with swift arrows and pierced him with sharp shafts, O best of the Bharatas.
7.142.23
दशभिः सात्यकिं विद्ध्वा सौमदत्तिरथापरान् ।
मुमोच निशितान्बाणाञ्जिघांसुः शिनिपुङ्गवं ॥ ७.१४२.२३ ॥
Striking Sātyaki with ten arrows and the other charioteers as well, the son of Somadatta, desiring to slay the bull of the Śinis, released sharp arrows.
7.142.24
तानस्य विशिखांस्तीक्ष्णानन्तरिक्षे विशाम्पते ।
अप्राप्तानस्त्रमायाभिरग्रसत्सात्यकिः प्रभो ॥ ७.१४२.२४ ॥
O lord of the people, those sharp arrows of his, not reaching Sātyaki, he swallowed up in mid-air by the illusions of his weapons, O lord.
7.142.25
तौ पृथक्शस्त्रवर्षाभ्यामवर्षेतां परस्परम् ।
उत्तमाभिजनौ वीरौ कुरुवृष्मियशस्करौ ॥ ७.१४२.२५ ॥
The two of them rained down upon each other with showers of separate weapons; those two heroes, born of the highest lineage, brought glory to the Kurus and the Vṛṣṇis.
7.142.26
तौ नखैरिव शार्दूलौ दन्तैरिव महाद्विपौ ।
रथशक्तिभिरन्योन्यं विशिखैश्चाप्यकृन्तताम् ॥ ७.१४२.२६ ॥
Like tigers with their claws and great elephants with their tusks, the two of them cut each other with chariot-spears and arrows.
7.142.27
निर्भिदन्तौ हि गात्राणि विक्षरन्तौ च शोणितम् ।
व्यष्टम्भयेतामन्योन्यं प्राणद्यूताभिदेविनौ ॥ ७.१४२.२७ ॥
Piercing each other's bodies and streaming with blood, they held each other up like gamblers staking their very lives.
7.142.28
एवमुत्तमकर्माणौ कुरुवृष्णियशस्करौ ।
परस्परमयुध्येतां वारणाविव यूथपौ ॥ ७.१४२.२८ ॥
Thus those two, doers of supreme deeds who brought glory to the Kurus and the Vṛṣṇis, fought one another like two elephant leaders of herds.
7.142.29
तावदीर्घेण कालेन ब्रह्मलोकपुरस्कृतौ ।
यियासन्तौ परं स्थानमन्योन्यं सञ्जगर्जतुः ॥ ७.१४२.२९ ॥
With the world of Brahmā set before them, desiring to go to the highest abode, the two of them roared at each other before long.
7.142.30
सात्यकिः सौमदत्तिश्च शरवृष्ट्या परस्परम् ।
हृष्टवद्धार्तराष्ट्राणां पश्यतामभ्यवर्षताम् ॥ ७.१४२.३० ॥
Sātyaki and the son of Somadatta rained arrows upon each other, while the sons of Dhṛtarāṣṭra watched with delight.
7.142.31
सम्प्रैक्षन्त जनास्तौ तु युध्यमानौ युधाम्पती ।
यूथपौ वासिताहेतोः प्रयुद्धाविव कुञ्जरौ ॥ ७.१४२.३१ ॥
The people gazed intently at those two, the lords of warriors, fighting like two herd-leading bull elephants locked in combat for the sake of a she-elephant.
7.142.32
भूयोभूयः शरै राजंस्तक्षन्तौ क्रोधमूर्च्छितौ ।
अयुध्येतां महारङ्गे वने केसरिणाविव ॥ ७.१४२.३२ ॥
O king, cutting at each other again and again with arrows, both overcome with rage, they fought on the great battlefield like two lions in the forest.
7.142.33
मर्मज्ञाविव सङ्क्रुद्धौ जिघांसन्तौ जगर्जतुः ।
विमर्दन्तावथान्योन्यं बलवज्रधराविव ॥ ७.१४२.३३ ॥
Enraged like warriors who know the vital points, desiring to kill, the two roared; then, crushing each other, they clashed like mighty wielders of the thunderbolt.
7.142.34
अथान्योन्यं पताकाश्च रथोपकरणानि च ।
सञ्चिच्छिदतुरायान्तौ बाणैः सन्नतपर्वभिः ॥ ७.१४२.३४ ॥
Then, advancing upon each other, they cut down each other's banners and chariot fittings with arrows whose joints were bent.
7.142.35
पुनश्च शरवर्षाभ्यामन्योन्यमभिवर्षताम् ।
उभौ तु जघ्नतुस्तूर्णमितरेतरसारथी ॥ ७.१४२.३५ ॥
Showering each other again with rains of arrows, both swiftly struck each other's charioteers.
7.142.36
अन्योन्यस्य हयान्हत्वा धनुषी विनिकृत्य च ।
विरथावसियुद्धाय समेयातां महारणे ॥ ७.१४२.३६ ॥
Having killed each other's horses and cut each other's bows, both now chariotless, they met face to face in the great battle for a sword fight.
7.142.37
आर्षभे चर्मणी चित्रे प्रगृह्य विपुले शुभे ।
विकोशौ चाप्यसी कृत्वा समरे तौ विचेरतुः ॥ ७.१४२.३७ ॥
Taking up two broad, bright, fine shields of bull-hide, and with their swords drawn from the sheath, the two moved about in battle.
7.142.38
चरन्तौ विविधान्मार्गान्मण्डलानि च भागशः ।
मुहुराजघ्नतुः क्रुद्धावन्योन्यमरिमर्दनौ।
सखङ्गौ चित्रवर्माणौ सनिष्काङ्गदभूषणौ ॥ ७.१४२.३८ ॥
Moving in various courses and circles, enraged, the two crushers of foes repeatedly struck each other with swords, bright armour on, adorned with necklaces and armlets.
7.142.39
भ्रान्तमुद्धान्तमाविद्धमाप्लुतं विप्लुतं सृतम् ।
सम्पातं समुदीर्णं च दर्शयन्तौ यशस्विनौ ॥ ७.१४२.३९ ॥
Displaying the feints of whirling, rushing up, thrusting, leaping, leaping aside, gliding, swooping and raising high, the two glorious warriors.
7.142.40
असिभ्यां सम्प्रजहाते परस्परमरिन्दमौ ।
उभौ छिद्रैषिणौ वीरावुभौ चित्रं ववल्गतुः ॥ ७.१४२.४० ॥
With their swords the two struck each other with full force; the two heroes, subduers of foes, both seeking an opening, leapt about wondrously.
7.142.41
दर्शयन्तावुभौ शिक्षां लाघवं सौष्ठवं तथा ।
रणे रणकृतां श्रेष्ठावन्योन्यं पर्यकर्षताम् ॥ ७.१४२.४१ ॥
Displaying their training, nimbleness and dexterity, the two best of battle-makers dragged each other about in the fight.
7.142.42
मुहूर्तमिव राजेन्द्र समाहत्य परस्परम् ।
पश्यतां सर्वसैन्यानां वीरावाश्वसतां पुनः ॥ ७.१४२.४२ ॥
O lord of kings, having struck each other for a moment, while all the armies watched, the two heroes began to breathe again.
7.142.43
असिभ्यां चर्मणी चित्रे शतचन्द्रे नराधिप ।
निकृत्य पुरुषव्याघ्रौ बाहुयुद्धं प्रचक्रतुः ॥ ७.१४२.४३ ॥
O lord of men, having cut through the bright hundred-moon shields with their swords, those two tigers among men began a fist-to-fist combat.
7.142.44
व्यूढोरस्कौ दीर्घभुजौ नियुद्धकुशलावुभौ ।
बाहुभिः समसज्जेतामायसैः परिधैरिव ॥ ७.१४२.४४ ॥
Both broad-chested and long-armed, both skilled in wrestling, they clashed with their arms like iron clubs.
7.142.45
तयो राजन्भुजाघातनिग्रहप्रग्रहास्तथा ।
शिक्षाबलसमुद्भूताः सर्वयोधप्रहर्षणाः ॥ ७.१४२.४५ ॥
O king, the blows, holds and grips of their arms, born of training and strength, delighted all the warriors.
7.142.46
तयोर्नृवरयो राजन्समरे युध्यमानयोः ।
भीमोऽभवन्महाशब्दो वज्रपर्वतयोरिव ॥ ७.१४२.४६ ॥
O king, from those two best of men fighting in battle arose a terrible great sound, like a thunderbolt striking a mountain.
7.142.47
द्विपाविव विषाणाग्रैः शृङ्गैरिव महर्षभौ ।
भुजयोक्रावबन्धैश्च शिरोभ्यां चावघातनैः ॥ ७.१४२.४७ ॥
Like two elephants with the tips of their tusks, like two great bulls with their horns, with grips and bindings of the arms, and with blows of the head, they fought.
7.142.48
पादावकर्षसन्धानैस्तोमराङ्कशलासनैः ।
पादोदरविबन्धैश्च भूमावुद्धमणैस्तथा ॥ ७.१४२.४८ ॥
By dragging and locking each other's feet, by spear-like and goad-like holds and lifting throws, by binding the feet and belly, and by throwing down and whirling on the ground, they fought.
7.142.49
गतप्रत्यागताक्षेपैः पातनोत्थानसम्पुतैः ।
युयुधाते महात्मानौ कुरुसात्वतपुङ्गवौ ॥ ७.१४२.४९ ॥
Advancing and retreating, hurling and evading, felling and rising, clinching in grip, those two great-souled ones, the bulls of the Kurus and the Sātvatas, fought on.
7.142.50
द्वात्रिंशत्कारणानि स्युर्यानि युद्धानि भारत ।
तान्यदर्शयतां तत्र युध्यमानौ महाबलौ ॥ ७.१४२.५० ॥
O Bhārata, there are thirty-two methods of fighting; those two mighty ones, fighting there, displayed them all.
7.142.51
क्षीणायुधे सात्वते युध्यमाने ।
ततोऽब्रवीदर्जुनं वासुदेवः।
पश्यस्वैनं विरथं युध्यमानं ।
रणे वरं सर्वधनुर्धराणाम् ॥ ७.१४२.५१ ॥
When Sātvata (Sātyaki) was fighting with his weapons spent, Vāsudeva then said to Arjuna: 'Look at him, fighting without a chariot, the best of all archers in battle.'
7.142.52
सिन्धुराजवधे सक्तं पार्थं कृष्णोऽब्रवीत्पुनः ।
सीदन्तं सात्यकिं पश्य पार्थैनं परिरक्ष च ॥ ७.१४२.५२ ॥
Kṛṣṇa spoke again to Pārtha, who was intent on slaying the king of Sindh: 'Look, Sātyaki is sinking; O Pārtha, protect him.'
7.142.53
प्रविष्टो भारतीं भित्त्वा तव पाण्डव पृष्ठतः ।
योधितश्च महावीर्यैः सर्वैर्भारत भारतैः ॥ ७.१४२.५३ ॥
O Pāṇḍava, breaking through the Bhāratī array, he entered from behind you; and O Bhārata, there all the mighty Bhāratas fought against him.
7.142.54
धार्तराष्ट्राश्च ये मुख्या ये च मुख्या महारथाः ।
निहता वृष्णिवीरेण शतशोऽथ सहस्रशः ॥ ७.१४२.५४ ॥
The sons of Dhṛtarāṣṭra, and the chief great chariot-warriors, were slain by the Vṛṣṇi hero by hundreds and by thousands.
7.142.55
परिश्रान्तं युधां श्रेष्ठं सम्प्राप्तो भूरिदक्षिणः ।
युद्धाकाङ्क्षी समायान्तं नैतत्सममिवार्जुन ॥ ७.१४२.५५ ॥
The best of the weary warriors, the highly skilled Bhūriśravas, came eager for battle; O Arjuna, this approach was not equal to his former self.
7.142.56
ततो भूरिश्रवाः क्रुद्धः सात्यकिं युद्धदुर्मदः ।
उद्यम्याभ्याहनद्राजन्मत्तो मत्तमिव द्विपम् ॥ ७.१४२.५६ ॥
Then Bhūriśravas, enraged and maddened by the pride of battle, rushed upon Sātyaki; O king, he struck him as a frenzied elephant strikes another frenzied elephant.
7.142.57
ततो जलदनिर्घोषः समीपे नृपसत्तम ।
हाहाकारो महानासीत्सैन्यानां भरतर्षभ।
यदुद्यम्य महाबाहुः सात्यकिं न्यहनद्भुवि ॥ ७.१४२.५७ ॥
Then, with a sound like a thundering rain-cloud, O best of kings, a great cry of 'alas' rose from the armies nearby, O bull of the Bharatas, when the mighty-armed one lifted Sātyaki and dashed him to the ground.
7.142.58
रथस्थयोर्द्वयोर्युद्धे क्रुद्धयोर्योधमुख्ययोः ।
केशवार्युनयो राजन्समरे प्रेक्षमाणयोः ॥ ७.१४२.५८ ॥
O king, the two chief warriors, standing on their chariots and enraged in battle, while Keśava and Arjuna watched them in the fight.
7.142.59
अथ कृष्णो महाबाहुरर्जुनं प्रत्यभाषत ।
पश्य वृष्ण्यन्धकव्याघ्रं सौमदत्तिवशं गतम् ॥ ७.१४२.५९ ॥
Then Kṛṣṇa, the mighty-armed one, spoke to Arjuna: 'Look, the tiger of the Vṛṣṇis and Andhakas has fallen under the power of the son of Somadatta.'
7.142.60
परिश्रान्तं गतं भूमौ कृत्वा कर्म सुदुष्करम् ।
तवान्तेवासिनं वीरं पालयार्जुन सात्यकिम् ॥ ७.१४२.६० ॥
That hero, exhausted and fallen to the ground after performing a most difficult deed, is your pupil Sātyaki; O Arjuna, protect him.
7.142.61
न वशं यज्ञशीलस्य गच्छेदेष वरोऽर्जुन ।
त्वत्कृते पुरुषव्याघ्र तदाऽऽशु क्रियतां विभो ॥ ७.१४२.६१ ॥
Let this boon not pass into the power of the sacrifice-devoted one, Arjuna. O tiger among men, O mighty one, let it be done quickly for your sake.
7.142.62
स सिंह इव मातङ्गं विकर्षन्भूरिदक्षिणः ।
व्यरोचत कुरुश्रेष्ठः सात्वतप्रवरं युधि ॥ ७.१४२.६२ ॥
Like a lion dragging an elephant, the best of the Kurus, lavish in gifts, shone forth in battle, dragging the foremost of the Sātvatas.
7.142.63
अथाब्रवीद्धृष्टमना वासुदेवं धनञ्जयः ।
पश्य वृष्णिप्रवीरेण क्रीडन्तं कुरुपुङ्गवम्।
महाद्विपेनेव वने मत्तेन हरियूथपम् ॥ ७.१४२.६३ ॥
Then Dhanañjaya, with a glad mind, said to Vāsudeva: Look, the bull of the Kurus is at play with the hero of the Vṛṣṇis, as a great maddened elephant plays in the forest with the lord of a troop of monkeys.
7.142.64
मामेव च महाबाहो परियान्ति महारथाः ।
यथाशक्ति यतन्तो मां योधयन्तो जनार्दन ॥ ७.१४२.६४ ॥
And the great chariot-warriors, striving according to their strength, surround me alone and fight me, O mighty-armed one, O Janārdana.
7.142.65
ध्रुवं च योधयाम्येताञ्छिद्रान्वेषणतत्परान् ।
रक्षामि सात्यकिं चैव सौमदत्तिवशं गतम् ॥ ७.१४२.६५ ॥
Surely I am fighting these men intent on seeking openings, and I am protecting Sātyaki, who has fallen into the power of Saumadatti.
7.142.66
अप्राप्तोऽयं मया कृष्म हन्तुं भूरिश्रवा रणे ।
अन्येन तु समासक्तं मम नोत्सहते मनः ॥ ७.१४२.६६ ॥
I have not been able to reach this man to slay Bhūriśravas in battle; but my mind, engaged with another, is not willing.
7.142.67
अवश्यं च मया कृष्ण वृष्णिवीरस्य रक्षणम् ।
मदर्थं युध्यमानस्य कार्यं प्राणैरपि प्रभो ॥ ७.१४२.६७ ॥
Certainly I must protect the hero of the Vṛṣṇis, O Kṛṣṇa; for my sake he fights, and he must be guarded even at the cost of life, O lord.
7.142.68
अधर्मो वाऽस्तु धर्मो वा मम माधव माधवः ।
परेण निहतो मा स्म प्राणान्हासीन्महारथः ॥ ७.१४२.६८ ॥
Whether it be unrighteousness or righteousness, O Mādhava — let not my Mādhava (Sātyaki), the great chariot-warrior, be struck down by the enemy and lose his life.
7.142.69
एवमुक्त्वाऽर्जुनः कृष्णं परानाशु शितैः शरैः ।
छादयामास सङ्क्रुद्धः परे चापि धनञ्जयम् ॥ ७.१४२.६९ ॥
Having said this to Kṛṣṇa, Arjuna in fury quickly covered the enemies with sharp arrows, and the enemies in turn covered Dhanañjaya.
7.142.70
एवं स्म युध्यते वीरः सात्यकिं च मुहुर्मुहुः ।
प्रेक्षते स्म नरव्याघ्रो भूरिश्रवसमेव च ॥ ७.१४२.७० ॥
Thus the hero fought again and again with Sātyaki, and the tiger among men kept looking again and again at Bhūriśravas as well.
7.142.71
तथा तु कृष्यमाणं तं दृष्ट्वा सात्यकिमाहवे ।
वासुदेवस्तदा वाक्यं भूयोऽप्यर्जुनमब्रवीत् ॥ ७.१४२.७१ ॥
Seeing Sātyaki thus being overwhelmed in battle, Vāsudeva (Kṛṣṇa) then spoke these words to Arjuna once more.
7.142.72
पश्य वृष्ण्यन्धकव्याघ्रं सौमदत्तिवंशं गतम् ।
तव शिष्यं महाबाहो धनुष्यनवमं त्वया ॥ ७.१४२.७२ ॥
Look — the tiger of the Vṛṣṇis and Andhakas has come to the lineage of Somadatta's son. O mighty-armed one, he is your disciple, made unrivalled by you in the bow.
7.142.73
अनित्यो विक्रमः पार्थ यत्र भूरिश्रवा रणे ।
विशेषयति वार्ष्णेयं सात्यकिं सत्यविक्रमम् ॥ ७.१४२.७३ ॥
O Pārtha, where in battle Bhūriśravas singles out the Vārṣṇeya Sātyaki, whose prowess is true, valour is not lasting.
7.142.74
बहुभिर्महारथैरेष पराक्रान्तैर्युयुत्सुभिः ।
युद्ध्वा भृशं परिश्रान्तः क्षीणायुधरपरिच्छदः ॥ ७.१४२.७४ ॥
Assailed by many great chariot-warriors eager to fight, he has fought and is greatly exhausted, his weapons and armour depleted.
7.142.75
एवमुक्तो महाराज वासुदेवेन पाण्डवः ।
मनसा पूजयामास भूरिश्रवसमाहवे ॥ ७.१४२.७५ ॥
Thus addressed, O great king, by Vāsudeva, the Pāṇḍava honoured Bhūriśravas in his mind in battle.
7.142.76
विकर्षन्सात्वतां श्रेष्ठं क्रीडमान इवाहवे ।
स हर्षयति मां भूयः कुरूणां नन्दिवर्धनः ॥ ७.१४२.७६ ॥
Dragging the best of the Sātvatas as if at play in battle, he gladdens me again, increaser of the joy of the Kurus.
7.142.77
प्रवरं वृष्णिवीराणां यन्निहन्त्येष सात्यकिम् ।
महाद्विपमिवारण्ये कर्षन्निव हरिर्भृशम् ॥ ७.१४२.७७ ॥
He is killing Sātyaki, the foremost of the Vṛṣṇi heroes, as a lion in the forest drags down and kills a great elephant.
7.142.78
एवं तु मनसा राजन्पार्थः सम्पूज्य कौरवम् ।
अयुध्यतारिभिर्वीरस्तं च सम्प्रेक्षते मुहुः ॥ ७.१४२.७८ ॥
Thus, O king, having honoured the Kaurava in his mind, the hero Pārtha fought with his enemies, and again and again he looked toward him.
7.142.79
अथ कोशाद्विनिष्कृष्य खङ्गं भूरिश्रवाः शितम् ।
मूर्धजेषु च जग्राह पदा चोरस्याताडयत्।
आक्रम्य चाप्यथोद्यम्य सहासिं सुभुजो भुजम् ॥ ७.१४२.७९ ॥
Then Bhūriśravas, drawing a sharp sword from its scabbard, seized his hair, kicked him in the chest with his foot, and, mounting upon him, raised his arm together with the sword.
7.142.80
शुशुभे स भुजस्तस्य तपनीयविभूषणः ।
मध्ये रथसमूहस्य इन्द्रध्वज इवोच्छ्रितः ॥ ७.१४२.८० ॥
That arm of his, adorned with gold ornaments, shone like Indra's banner raised high in the midst of the host of chariots.
7.142.81
हाहाकृतमभूत्सर्वं पाण्डवानां महद्बलम् ।
तावकाश्च मुदा युक्ताः सिंहनादं विचुक्रुशुः ॥ ७.१४२.८१ ॥
The whole great army of the Pāṇḍavas was filled with cries of 'alas', and your men, filled with joy, uttered lion-roars.
7.142.82
निमीलिताक्षास्त्वभवञ्जनाः सङ्ग्रामभीरवः ।
तथा भूरिश्रवोग्रस्ते सात्वते नष्टविक्रमे ॥ ७.१४२.८२ ॥
Those fearful of battle closed their eyes, for Bhūriśravas, fierce, had reduced the Sātvata (Sātyaki) to a state of lost valour.
7.142.83
वासुदेवं महाबाहुरर्जुनः प्रत्यभाषत ।
सैन्धवे सक्तदृष्टित्वान्न तं पश्यामि माधवम् ॥ ७.१४२.८३ ॥
The mighty-armed Arjuna replied to Vāsudeva: 'Because my gaze is fixed on Saindhava, I do not see Mādhava.'
7.142.84
एष त्वसुकरं कर्म यादवार्थे करोम्यहम् ।
मम शिष्यो ममार्थाय युध्यते मम शत्रुभिः।
तं कृष्ण मोक्षयिष्यामि दावात्सिंहशिशुं यथा ॥ ७.१४२.८४ ॥
'For the sake of the Yādava I shall do this difficult deed. My pupil fights with my enemies for my sake. O Kṛṣṇa, I shall rescue him, as one rescues a lion cub from a forest fire.'
7.142.85
इत्युक्त्वा वचनं कुर्वन्वासुदेवस्य पाण्डवः ।
ततः क्षुरप्रं निशितं गाण्डीवे समयोजयत् ॥ ७.१४२.८५ ॥
Having said this, the Pāṇḍava, doing as Vāsudeva had said, then fitted a sharp razor-headed arrow onto the Gāṇḍīva bow.
7.142.86
पार्थबाहुविसृष्टः स महोल्केव नभश्च्युता ।
सखङ्गं यज्ञशीलस्य बाहुं दक्षिणमच्छिनत् ॥ ७.१४२.८६ ॥
That arrow, released from Pārtha's arm, like a great meteor fallen from the sky, went and cut off the right arm of the sacrifice-minded one, together with its sword.