マハーバーラタ · 章 7.168
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
7.168.1
सहदेवमथायान्तं द्रोणप्रेप्तुं विशाम्पते ।
कर्णो वैकर्तनो युद्धे वारयामास भारत ॥ ७.१६८.१ ॥
民の主よ、ドローナのもとへ行こうとして近づくサハデーヴァを、ヴァイカルタナの子カルナが戦いで阻んだ。バーラタよ。
7.168.2
सहदेवस्तु राधेयं विद्ध्वा नवभिराशुगैः ।
पुनर्विव्याध दशभिर्विशिखैर्नतपर्वभिः ॥ ७.१६८.२ ॥
しかしサハデーヴァは、ラーダーの子カルナを九本の速い矢で射抜き、さらに先の曲がった十本の矢で再び射た。
7.168.3
तं कर्णः प्रतिविव्याध शतेन नतपर्वणाम् ।
सज्यं चास्य धनुः शीघ्रं चिच्छेद लघुहस्तवत् ॥ ७.१६८.३ ॥
カルナは先の曲がった百本の矢で反撃し、軽やかな手さばきで彼の弓を弦もろとも素早く断ち切った。
7.168.4
ततोऽन्यद्धनुरादाय माद्रीपुत्रः प्रतापवान ।
कर्णं विव्याध विंशत्या तदद्भुतमिवाभवत् ॥ ७.१६८.४ ॥
そこで別の弓を取り、勇猛なマードリーの子はカルナを二十本の矢で射た。それは驚くべきことのように見えた。
7.168.5
तस्य कर्णो हयान्हत्वा शरैः सन्नतपर्वभिः ।
सारथिं चास्य भल्लेन द्रुतं निन्ये यमक्षयम् ॥ ७.१६८.५ ॥
カルナは先の曲がった矢で彼の馬を倒し、バッラ矢で御者をすぐにヤマの住処へ送った。
7.168.6
विरथः सहदेवस्तु खङ्गं चर्म समाददे ।
तदप्यस्य शरैः कर्णो व्यधमत्प्रहसन्निव ॥ ७.१६८.६ ॥
そこでサハデーヴァは戦車を失い、剣と盾を取った。カルナは笑うかのように、それらも矢で砕いた。
7.168.7
अथ गुर्वीं महाघोरां हेमचित्रां महागदाम् ।
प्रेषयामास सङ्क्रुद्धो वैकर्तनरथं प्रति ॥ ७.१६८.७ ॥
そこで怒り狂った彼は、重く恐ろしい、金で飾られた大棍棒をヴァイカルタナ(カルナ)の戦車へ投げつけた。
7.168.8
तामापतन्तीं सहसा सहदेवप्रचोदिताम् ।
व्यष्टम्भयच्छरैः कर्णो भूमौ चैनामपातयत् ॥ ७.१६८.८ ॥
サハデーヴァが投げた棍棒が突然自分へ向かってくるのを見て、カルナは矢でそれを止め、地面に落とした。
7.168.9
गदां विनिहतां दृष्ट्वा सहदेवस्त्वरान्वितः ।
शक्तिं चिक्षेप कर्णाय तामप्यस्याच्छिनच्छरैः ॥ ७.१६८.९ ॥
棍棒が打ち落とされたのを見て、サハデーヴァは急いでカルナに槍を投げた。カルナはそれも矢で断ち切った。
7.168.10
ससम्भ्रमं ततस्तूर्णमवप्लुत्य रथोत्तमात् ।
सहदेवो महाराज दृष्ट्वा कर्णं व्यवस्थितम् ॥ ७.१६८.१० ॥
大王よ、するとサハデーヴァは慌てて素早く優れた戦車から飛び降り、毅然と立つカルナを見た。
7.168.11
रथचक्रं प्रगृह्याजौ मुमोचाधिरथं प्रति ।
तदापतद्वै सहसा कालचक्रमिवोद्यतम्।
शरैरनेकसाहस्रैराच्छिनत्सूतनन्दनः ॥ ७.१६८.११ ॥
戦いの中で彼は戦車の車輪を掴み、アディラタ(カルナ)へ投げつけた。それは時の輪のように高く掲げられ、突然襲いかかった。しかし御者の子は幾千もの矢でそれを粉砕した。
7.168.12
तस्मिंस्तु निहते चक्रे सूतजेन महात्मना ।
ईषादण्डकयोक्रांश्च युगानि विविधानि च ॥ ७.१६८.१२ ॥
その車輪が破壊されると、この偉大な御者の子は轅、軛棒、軛、そして種々の馬具をも断ち切った。
7.168.13
हस्त्यङ्गानि तथाश्वांश्च मृतांश्च पुरुषान्बहून् ।
चिक्षेप कर्णमुद्दिश्य कर्णस्तान्व्यधमच्छरैः ॥ ७.१६८.१३ ॥
彼は象の肢体や馬、そして多くの死体をカルナに向けて投げつけた。カルナはそれらを矢で粉々に砕いた。
7.168.14
स निरायुधमात्मानं ज्ञात्वा माद्रवतीसुतः ।
वार्यमाणस्तु विशिखैः सहदेवो रणं जहौ ॥ ७.१६८.१४ ॥
自分が武器を失ったことを知ったマードリーの息子は、矢に阻まれて戦場を去った。
7.168.15
तमभिद्रुत्य राधेयो मुहूर्ताद्भरतर्षभ ।
अब्रवीत्प्रहसन्वाक्यं सहदेवं विशाम्पते ॥ ७.१६८.१५ ॥
バラタの牡牛よ、民の主よ。ラーダーの子カルナは瞬時に彼へ突進し、笑いながらサハデーヴァに次の言葉を告げた。
7.168.16
मा युध्यस्व रणेऽधीर विशिष्टै रथिभिः सह। ॥ ७.१६८.१६ ॥
意気地なき者よ、戦場で優れた戦車兵と戦ってはならない。
7.168.17
सदृशैर्युध्य माद्रेय वचो मे मा विशङ्किथाः ।
अथैनं धनुषोग्रेण तुदन्भूयोऽब्रवीद्वचः ॥ ७.१६८.१७ ॥
マードリーの子よ、お前と同等の者と戦え。私の言葉を疑うな。そして猛烈な弓で彼を挑発しながら、再びこの言葉を告げた。
7.168.18
एषोऽर्जुनो रणे तूर्णं युध्यते कुरुभिः सह ।
तत्र गच्छस्व माद्रेय गृहं वा यदि मन्यसे ॥ ७.१६८.१८ ॥
見よ、アルジュナは戦場で急ぎクルの者たちと戦っている。マードリーの子よ、望むならそこへ行け、さもなくば家へ帰れ。
7.168.19
एवमुक्त्वा तु तं कर्णो रथेन रथिनां वरः ।
प्रायात्पाञ्चालपाण्डूनां सैन्यानि प्रदहन्निव ॥ ७.१६८.१९ ॥
このように彼に告げて、戦車兵の中で最も優れたカルナは、パーンチャーラとパーンダヴァの軍勢を焼き尽くすかのように戦車で進んだ。
7.168.20
वधं प्राप्तं तु माद्रेयं नावधीत्समरेऽरिहा ।
कुन्त्याःस्मृत्वा वचो राजन्सत्यसन्धो महायशाः ॥ ७.१६८.२० ॥
王よ、敵を討つ者は、戦いで死に瀕したマードリーの子を殺さなかった。クンティーの言葉を思い出し、真実の誓いを立て大いに名高い彼はそうしたのである。
7.168.21
सहदेवस्ततो राजन्विमनाः शरपीडितः ।
कर्णवाक्शरतप्तश्च जीवितान्निरविद्यत ॥ ७.१६८.२१ ॥
王よ、そのときサハデーヴァは意気消沈し、矢に苦しめられ、カルナの言葉と矢に焼かれて、生きることに厭いた。
7.168.22
आरुरोह रथं चापि पाञ्चाल्यस्य महात्मनः ।
जनमेजयस्य समरे त्वरायुक्तो महारथः ॥ ७.१६८.२२ ॥
大戦車兵は急いで、パーンチャーラの王子である大人格者ジャナメージャヤの戦車にも乗り、戦いで前進した。
7.168.23
विराटं सहसेनं तु द्रोणार्थे द्रुतमागतम् ।
मद्रराजः शरौघेण च्छादयामास धन्विनम् ॥ ७.१६८.२३ ॥
しかしマドラの王は、ドローナのために急いで軍勢とともにやって来たヴィラータを、矢の奔流で覆った。
7.168.24
तयोः समभवद्युद्धं समरे दृढधन्विनोः ।
यादृशं ह्यभवद्राजञ्जम्भवासवयोः पुरा ॥ ७.१६८.२४ ॥
王よ、あの二人の強固な弓の名手の間に戦いが起こった。昔、ジャンバとヴァーサヴァ（インドラ）の間にあったような戦いであった。
7.168.25
मद्रराजो महाराज विराटं वाहिनीपतिम् ।
आजघ्ने त्वरितस्तूर्णं शतेन नतपर्वणाम् ॥ ७.१६८.२५ ॥
大王よ、マドラ王は素早く、ただちに将軍ヴィラータを曲がった節の百本の矢で射た。
7.168.26
प्रतिविव्याध तं राजन्नवभिर्निशितै शरैः ।
पुनश्चैनं त्रिसप्तत्या भूयश्चैव शतेन तु ॥ ७.१६८.२६ ॥
王よ、彼は鋭い矢九本で彼に反撃し、さらに七十三本で、また百本で射抜いた。
7.168.27
तस्य मद्राधिपो हत्वा चतुरो रथवाजिनः ।
सूतं ध्वजं च समरे शराभ्यां सन्न्यपातयत् ॥ ७.१६८.२७ ॥
マドラの主は戦場で彼の戦車の馬四頭を殺し、二本の矢で御者と旗を倒した。
7.168.28
हताश्वात्तुं रथात्तूर्णमवप्लुत्य महारथः ।
तस्थौ विष्फारयंश्चापं विमुञ्चंश्च शिताञ्छरान् ॥ ७.१६८.२८ ॥
馬が倒されると、大戦士は素早く戦車から飛び降り、弓を引き絞り鋭い矢を放ちながら立った。
7.168.29
शतानीकस्ततो दृष्ट्वा भ्रातरं हतवाहनम् ।
रथेनाभ्यपतत्तूर्णं सर्वलोकस्य पश्यतः ॥ ७.१६८.२९ ॥
するとシャタニーカは、兄が乗り物を失ったのを見て、人々が見守る中、戦車で素早く彼に向かって突進した。
7.168.30
शतानीकमथायान्तं मद्राराजो महामृधे ।
विशिखैर्बहुभिर्विद्ध्वा ततो निन्ये यमक्षयम् ॥ ७.१६८.३० ॥
大戦でシャタニーカが近づくのを見て、マドラ王は多くの矢で彼を射抜き、ヤマの住処へ送った。
7.168.31
तस्मिंस्तु निहते वीरे विराटो रथसत्तमः ।
आरुरोह रथं तूर्णं तमेव ध्वजमालिनम् ॥ ७.१६८.३१ ॥
その英雄が殺されると、戦車の御者の中で最も優れたヴィラータは、旗印で飾られたその戦車へすばやく乗り込んだ。
7.168.32
ततो विष्फार्य नयने क्रोधाद्द्विगुणविक्रमः ।
मद्रराजरथं तूर्णं छादयामास पत्रिभिः ॥ ७.१६८.३२ ॥
すると怒りに目を見開いた、二倍の武勇を持つヴィラータは、マドラ王の戦車を矢で素早く覆い尽くした。
7.168.33
ततो मद्राधिपः क्रुद्धः शरेणानतपर्वणा ।
आजघानोरसि दृढं विराटं वाहिनीपतिम् ॥ ७.१६८.३३ ॥
すると怒ったマドラの主は、節の曲がった矢で軍の将である ヴィラータの胸を強く打った。
7.168.34
सोऽतिविद्धो महाराज रथोपस्थ उपाविशत् ।
कश्मलं चाविशत्तीव्रं विराटो भरतर्षभ।
सारथिस्तमपोवाह समरे शरविक्षतम् ॥ ७.१६८.३४ ॥
大王よ、ひどく傷ついた彼は戦車の床に座り込み、激しい失神に襲われた。バーラタの牡牛よ、矢に傷ついた彼を御者が戦場から連れ去った。
7.168.35
ततः सा महती सेना प्राद्रवन्निशि भारत ।
वध्यमाना शरशतैः शल्येनाहवशोभिना ॥ ७.१६८.३५ ॥
バーラタよ、戦場で輝くシャリヤの数百の矢に打たれ、その大軍は夜のうちに逃げ去った。
7.168.36
तां दृष्ट्वा विद्रुतां सेनां वासुदेवधनञ्जयौ ।
प्रयातौ तत्र राजेन्द्र यत्र शल्यो व्यवस्थितः ॥ ७.१६८.३६ ॥
王の中の王よ、逃げ去るその軍を見て、ヴァスデーヴァとダナンジャヤはシャリヤが立つところへ向かった。
7.168.37
तौ तु प्रत्युद्ययौ राजन्राक्षसेन्द्रो ह्यलायुधः ।
अष्टचक्रसमायुक्तमास्थाय प्रवरं रथम् ॥ ७.१६८.३७ ॥
王よ、羅刹の王アラーユダは、八つの車輪を備えた優れた戦車に乗り、彼らを迎え撃つために進み出た。
7.168.38
तुरङ्गममुखैर्युक्तं पिशाचैर्घोरदर्शनैः ।
लोहितार्द्रपताकं तं रक्तमाल्यविभूषितम्।
कार्ष्णायसमयं घोरमृक्षचर्मसमावृतम् ॥ ७.१६८.३८ ॥
その戦車は馬の頭を持つ、見るも恐ろしいピシャーチャに繋がれていた。その旗は血に濡れ、赤い花輪で飾られ、黒鉄で作られ、恐ろしく、熊の皮で覆われていた。
7.168.39
रौद्रेण चित्रपक्षेण विवृताक्षेण कूजता ।
ध्वजेनोच्छ्रितदण्डेन गृध्रराजेन राजता।
स बभौ राक्षसो राजन्भिन्नाञ्जनचयोपमः ॥ ७.१६८.३९ ॥
その上には、高い竿の先に、羽に斑のある、目を見開き鳴き叫ぶ禿鷹の王の、恐ろしい旗が輝いていた。王よ、その羅刹は砕かれた黒い眼膏の山のように輝いた。
7.168.40
रुरोधार्जुनमायान्तं प्रभञ्जनमिवाद्रिराट् ।
किरन्बाणगणान्राजञ्शतशोऽर्जुनमूर्धनि ॥ ७.१६८.४० ॥
山の王が嵐を遮るように、彼は進んでくるアルジュナを遮った。王よ、アルジュナの頭上に幾百もの矢を降らせながら。
7.168.41
अतितीव्रं महाद्युद्धं नरराक्षसयोस्तदा ।
द्रष्टॄणां प्रीतिजननं सर्वेषां तत्र भारत।
गृध्रकाकबलोलूककङ्कगोमायुहर्षणम् ॥ ७.१६८.४१ ॥
そのとき、人間と羅刹との間に極めて激烈な大戦が起こった。バーラタよ、それは見守る者全てに喜びを与え、禿鷹、烏、梟、鷺、山犬を歓喜させた。
7.168.42
तमर्जुनः शतेनैव पत्रिणां समताडयत् ।
नवभिश्च शितैर्बाणैर्ध्वजं चिच्छेद भारत ॥ ७.१६८.४२ ॥
アルジュナは百本の矢で彼を射た。そしてバーラタよ、九本の鋭い矢で彼の旗を断ち切った。
7.168.43
सारथिं च त्रिभिर्बाणैस्त्रिभिरेव त्रिवेणुकम् ।
धनुरेकेन चिच्छेद चतुर्भिश्चतुरो हयान् ॥ ७.१६८.४३ ॥
彼は三本の矢で御者を、三本で三轅の車を、一本で弓を、四本で四頭の馬を断ち切った。
7.168.44
पुनः सज्यं कृतं चापं तदप्यस्य द्विधाऽच्छिनत् ।
विरथस्योद्यतं खङ्गं शरेणास्य द्विधाऽकरोत् ॥ ७.१६८.४४ ॥
彼はまた、その者の弦を張った弓も二つに断ち、戦車を失って振り上げた剣も一本の矢で二つに折った。
7.168.45
अथैनं निशितैर्बाणैश्चतुर्भिर्भरतर्षभ ।
पार्थोऽविध्यद्राक्षसेन्द्रं स विद्वः प्राद्रवद्भयात् ॥ ७.१६८.४५ ॥
そして、バラタの牡牛よ、プリター の子は四本の鋭い矢でその羅刹王を射貫いた。傷ついた彼は恐怖から逃げ去った。
7.168.46
तं विजित्यार्जुनस्तूर्णं द्रोणान्तिकमुपाययौ ।
किऱञ्शरगणान्राजन्नरवारणवाजिषु ॥ ७.१६८.४६ ॥
彼を征服したアルジュナは、王よ、人と象と馬の上に矢の群れを降らせながら、速やかにドローナのもとへ進んだ。
7.168.47
वध्यमाना महाराज पाण्डवेन यशस्विना ।
सैनिका न्यपतन्नुर्व्यां वातनुन्ना इव द्रुमाः ॥ ७.१६८.४७ ॥
偉大な王よ、名高いパーンドゥの子に討たれ、兵士たちは風になぎ倒された木々のように大地に倒れた。
7.168.48
तेषु तूत्साद्यमानेषु फल्गुनेन महात्मना ।
सम्प्राद्रवद्बलं सर्वं पुत्राणां ते विशाम्पते ॥ ७.१६८.४८ ॥
人の主よ、偉大な心のパルグナにより彼らが滅ぼされると、あなたの息子たちの全軍は四方へ逃げ去った。