マハーバーラタ · 章 8.2
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
8.2.1
तच्छ्रुत्वा कर्णहननं पुत्रांश्चैव पलायितान् ।
धृतराष्ट्रो नृपश्चैव द्विजश्रेष्ठ किमब्रवीत् ॥ ८.२.१ ॥
最も優れたバラモンよ、カルナが殺され息子たちが逃げたと聞いて、王ドリタラーシュトラは何と言ったのか。
8.2.2
प्राप्तवान्व्यसनं घोरं पुत्रव्यसनजं महत् ।
काले यदुक्तवांस्तस्मिंस्तन्ममाचक्ष्व तत्त्वतः ॥ ८.२.२ ॥
息子たちの破滅から生じたあの恐ろしく大きな災厄に遭ったとき、彼がその時に言ったことを、真実のままに私に語ってください。
8.2.3
एतच्छ्रुत्वा महाराज धृतराष्ट्रोऽम्बिकासुतः ।
अब्रवीत्सञ्जयं सूतं शोकसंविग्नमानसः ॥ ८.२.३ ॥
大王よ、これを聞いて、アンビカーの子ドリタラーシュトラは、悲しみに心を乱されて御者サンジャヤに語った。
8.2.4
दुष्प्रणीतेन मे तात पुत्रस्यादीर्घजीविनः ।
हतं वैकर्तनं श्रुत्वा शोको मर्माणि कृन्तति ॥ ८.२.४ ॥
愛しき者よ、私の悪い計略と短命な息子のせいで、ヴァイカルタナ（カルナ）が殺されたと聞き、悲しみが私の急所を切り裂いている。
8.2.5
तस्य मे संशयं छिन्धि दुःखपारं तितीर्षतः ।
कुरूणां सृञ्जयानां च के जीवन्ति के मृताः ॥ ८.२.५ ॥
悲しみの彼岸に渡りたいと願う私のこの疑いを断ち切ってくれ。クルとスリンジャヤのうち、誰が生きていて、誰が死んだのか。
8.2.6
हतः शान्तनवो राजन्दुराधर्षः प्रतापवान् ।
हत्वा पाण्डवयोधानामर्बुदं दशभिर्दिनैः ॥ ८.२.६ ॥
王よ、シャンタヌの子ビーシュマは、打ち破りがたく威力ある者であったが、殺された。彼は十日のうちにパーンダヴァの戦士を一アルブダ（一億）も殺していたのだ。
8.2.7
तथा द्रोणो महेष्वासः पाञ्चालानां रथव्रजान् ।
निहत्य युधि दुर्धर्षः पञ्चाद्रुक्मरथो हतः ॥ ८.२.७ ॥
同様に大弓手ドローナもパーンチャーラ族の戦車の群れを戦場で打ち倒したが、戦場で無敵の金車の勇士はついに殺された。
8.2.8
हतशेषस्य भीष्मेण द्रोणेन च महात्मना ।
अर्धं निहत्य सैन्यस्य कर्णो वैकर्तनो हतः ॥ ८.२.८ ॥
ビーシュマと大いなる心のドローナが残りの軍勢の半ばを打ち倒した後、ヴィカルタナの子カルナもまた殺された。
8.2.9
विविंशतिर्महाराज राजपुत्रो महाबलः ।
आनर्तयोधाञ्शतशो निहत्य निहतो रणे ॥ ८.२.९ ॥
大王よ、王子で大力の持ち主ヴィヴィンシャティは、アーナルタの戦士を数百人打ち倒した末、戦場で自らも殺された。
8.2.10
तथा पुत्रो विकर्णस्ते क्षत्रव्रतमनुस्मरन् ।
क्षीणबाणो हतः शूरः स्थितो ह्यभिमुखः परैः ॥ ८.२.१० ॥
同様にあなたの息子ヴィカルナは、クシャトリヤの誓いを思い起こし、矢が尽きても敵に向かい立って勇士として殺された。
8.2.11
धोररूपान्परिक्लेशान्दुर्योधनकृतान्बहून् ।
प्रतिज्ञां स्मरता तेन भीमसेनेन पातितः ॥ ८.२.११ ॥
ドゥルヨーダナが引き起こした数々の恐ろしい苦難と自らの誓いを思い出し、ビーマセーナは彼を打ち倒した。
8.2.12
विन्दानुविन्दावावन्त्यौ राजपुत्रौ महारथौ ।
कृत्वा स्वसुकरं कर्म गतौ वैवस्वतक्षयम् ॥ ८.२.१२ ॥
アヴァンティーの二王子、大戦車の勇士ヴィンダとアヌヴィンダは、妹のために為すべきことを成し遂げ、ヴァイヴァスヴァタ（ヤマ）の住処へ赴いた。
8.2.13
सिन्धुराष्ट्रमुखानीह दश राष्ट्राणि यानिह ।
यस्य तिष्ठन्ति वचने यः स्थितस्तव शासने ॥ ८.२.१३ ॥
ここにあるシンドゥ国をはじめとする十の王国は、彼の言葉に従い、彼はあなたの命令に従っていた。
8.2.14
अक्षौहिणीर्दशैकां च विनिर्जित्य शितैः शरैः ।
सोऽर्जुनेन हतो राजन्महावीर्यो जयद्रथः ॥ ८.२.१४ ॥
鋭い矢で十一のアクシャウヒニーを征服した大勇者ジャヤドラタは、王よ、アルジュナによって殺された。
8.2.15
तथा दुर्योधनसुतस्तरस्वी युद्धदुर्मदः ।
वर्तमानः पितुः शास्त्रे सौभद्रेण निपातितः ॥ ८.२.१५ ॥
同様に、ドゥルヨーダナの勇敢な息子は、戦いの驕りに酔い、父の命に従っていたが、サウバドラに打ち倒された。
8.2.16
तथा दौःशासनिः सूरो बाहुशाली रणोत्कटः ।
द्रौपदेयेन सङ्गम्य गमितो यमसादनम् ॥ ८.२.१६ ॥
同様に、ドゥフシャーサナの息子である勇士は、腕力に優れ戦場で猛々しかったが、ドラウパディーの息子と対峙し、ヤマの館へ送られた。
8.2.17
किरातानामधिपतिः सागरानूपवासिनाम् ।
देवराजस्य धर्मात्मा प्रियो बहुमतः सखा ॥ ८.२.१७ ॥
キラータの王、海岸の湿地に住む者たちの主、義の心を持ち、神々の王インドラに愛され大いに敬われた友である。
8.2.18
भगदत्तो महीपालः क्षत्रधर्मरतः सदा ।
धनञ्जयेन विक्रम्य गमितो यमसादनम् ॥ ८.२.१८ ॥
大地の守護者バガダッタは、常にクシャトリヤの義務に励んでいたが、ダナンジャヤと勇敢に戦い、ヤマの館へ送られた。
8.2.19
तथा कौरवदायादो न्यस्तशस्त्रो महायशाः ।
हतो भूरिश्रवा राजञ्शूरः सात्यकिना युधि ॥ ८.२.१९ ॥
同様に、クル族の後継者で大いに名高いブーリシュラヴァスは、武器を置いていたが、王よ、戦いで英雄サーティヤキに殺された。
8.2.20
श्रुतायुरपि चाम्बष्ठः क्षत्रियाणां धुरन्धरः ।
चरन्नभीतवत्सङ्ख्ये निहतः सव्यसाचिना ॥ ८.२.२० ॥
戦士の中の第一人者シュルターユスもまた、恐れを知らぬかのように戦場を歩んでいたが、サヴィヤサーチンに殺された。
8.2.21
तव पुत्रः सदामर्षी कृतास्त्रो युद्धदुर्मदः ।
दुःशासनो महाराज भीमसेनेन पातितः ॥ ८.२.२१ ॥
あなたの息子ドゥフシャーサナは、常に怒りに満ち、武芸に長け、戦いで猛り狂っていたが、偉大な王よ、ビーマセーナに倒された。
8.2.22
यस्य राजन्गजानीकं बहुसाहस्रमद्भुतम् ।
सुदक्षिणः स सङ्ग्रामे निहतः सव्यसाचिना ॥ ८.२.२२ ॥
王よ、数千頭の見事な象の軍勢を持っていたスダクシナは、戦いでサヴィヤサーチンに殺された。
8.2.23
कोसलानामधिपतिर्हत्वा बहुमतान्परान् ।
सौभद्रेणेह विक्रम्य गमितो यमसादनम् ॥ ८.२.२३ ॥
多くの尊敬すべき敵を倒したコーサラの王は、ここでサウバドラに勇猛によってヤマの住処へ送られた。
8.2.24
बहुशो योधयित्वा तु भीमसेनं महारथम् ।
चित्रसेनस्तव सुतो भीमसेनेन पातितः ॥ ८.२.२४ ॥
大戦車兵ビーマセーナと幾度も戦った後、あなたの息子チトラセーナもまたビーマセーナに倒された。
8.2.25
मद्रराजात्मजः शूरः परेषां भयवर्धनः ।
असिचर्मधरः श्रीमान्सौभद्रेण निपातितः ॥ ८.२.२५ ॥
マドラ王の息子、敵に恐怖を与えた勇士、剣と盾を持つ輝かしき者は、スバドラーの子に倒された。
8.2.26
समः कर्णस्य समरे यः स कर्णस्य पश्यतः ।
वृषसेनो महातेजाः शीघ्रास्त्रो दृढविक्रमः ॥ ८.२.२६ ॥
戦場でカルナに匹敵し、大いなる光輝を持ち、速やかに武器を放ち、不動の勇を持つヴリシャセーナは、カルナの目の前で殺された。
8.2.27
अभिमन्योर्वधं स्मृत्वा प्रतिज्ञामपि चात्मनः ।
धनञ्जयेन विक्रम्य गमितो यमसादनम् ॥ ८.२.२७ ॥
アビマニユの死と自らの誓いを思い起こし、ダナンジャヤは勇猛にも彼をヤマの館へ送った。
8.2.28
नित्यं प्रसक्तवैरो यः पाण्डवैः पृथिवीपतिः ।
विश्राव्य वैरं पार्थेन श्रुतायुः स निपातितः ॥ ८.२.२८ ॥
パーンダヴァ兄弟と常に敵対していた大地の王シュルターユスは、パールタが敵意を宣言した後に打ち倒された。
8.2.29
शल्यपुत्रस्तु विक्रान्तः सहदेवेन मारिष ।
हतो रुक्मरथो राजञ्श्यालो मातुलजो युधि ॥ ८.२.२९ ॥
シャリヤの勇猛な息子は、尊き方よ、サハデーヴァに殺された。王よ、ルクマラタは戦いで殺された。彼はあなたの義兄弟であり母方の従兄弟であった。
8.2.30
राजा भागीरथो वृद्धो बृहत्क्षत्रश्च केकयः ।
पराक्रमन्तौ विक्रान्तौ निहतौ वीर्यवत्तरौ ॥ ८.२.३० ॥
老王バギーラタと、ケーカヤのブリハトクシャトラは、勇武を示しながら、最も勇敢な者であったが殺された。
8.2.31
भगदत्तसुतो राजन्कृतप्रज्ञो मंहाबलः ।
श्येनवच्चरता सङ्ख्ये नकुलेन निपातितः ॥ ८.२.३१ ॥
王よ、バガダッタの強力で賢い息子は、鷹のように駆け回るナクラによって戦場で倒された。
8.2.32
पितामहस्तव तथा बाह्लीकः सह बाह्लिकैः ।
निहतो भीमसेनेन महाबालपराक्रमः ॥ ८.२.३२ ॥
あなたの祖父バーリーカも、バーリーカたちとともにビーマセーナに殺された。彼は大いなる力と武勇の持ち主だった。
8.2.33
जयत्सेनस्तथा राजञ्जारासन्धिर्महाबलः ।
मागधो निहतः सङ्ख्ये सौभद्रेण महात्मना ॥ ८.२.३३ ॥
王よ、マガダのジャラーサンディの強力な息子ジャヤツェーナもまた、スブハドラーの偉大な息子によって戦場で殺された。
8.2.34
पुत्रस्ते दुर्मुखो राजन्दुःसहश्च महारथः ।
गदया भीमसेनेन निहतौ शूरमानिनौ ॥ ८.२.३४ ॥
王よ、あなたの息子ドゥルムカと大戦車兵ドゥッサハは、自らを英雄と思い込んでいたが、二人ともビーマセーナにメイスで殺された。
8.2.35
दुर्मर्षणो दुर्विषहो दुर्जयश्च महारथः ।
कृत्वा त्वसुकरं कर्म गता वैवस्वतक्षयम् ॥ ८.२.३५ ॥
大戦車兵ドゥルマルシャナ、ドゥルヴィシャハ、ドゥルジャヤもまた、困難な行いを成し遂げた後、ヴァイヴァスヴァタの住処へ行った。
8.2.36
उभौ कलिङ्गवृषकौ भ्रातरौ युद्धदुर्मदौ ।
कृत्वा चासुकरं कर्म गतौ वैवस्वतक्षयम् ॥ ८.२.३६ ॥
カリンガの兄弟であるヴリシャカ二人は、戦いに酔いしれ、困難な行いを成し遂げた後、ヴァイヴァスヴァタの住処へ行った。
8.2.37
सचिवो वृषपर्वा ते शूरः परमवीर्यवान् ।
भीमसेनेन विक्रम्य गमितो यमसादनम् ॥ ८.२.३७ ॥
あなたの盟友ヴリシャパルヴァンは、至高の勇気をもつ英雄であったが、ビーマセーナに勇猛に突撃され、ヤマの住処へ送られた。
8.2.38
तथैव पौरवो राजा नागायुतबलो महान् ।
समरे पाण्डुपुत्रेण निहतः सव्यसाचिना ॥ ८.२.३८ ॥
同様に、一万頭の象の力をもつ偉大なパウラヴァ王も、戦場でパーンドゥの息子サヴィヤサーチンに討たれた。
8.2.39
वसातयो महाराज द्विसाहस्राः प्रहारिणः ।
शूरसेनाश्च विक्रान्ताः सर्वे युधि निपातिताः ॥ ८.२.३९ ॥
偉大な王よ、二千の打撃を与えるヴァサーティの戦士たちと勇猛なシューラセーナたち、彼らは皆戦場で打ち倒された。
8.2.40
अभीषाहाः कवचिनः प्रहरन्तो रणोत्कटाः ।
शिबयश्च रथोदाराः कालिङ्गसहिता हताः ॥ ८.२.४० ॥
盾を持つ者、鎧をつけて戦場で猛烈に打ちかかる者たち、シビ族、そして高貴な戦車の戦士たちは、カリンガ族とともに殺された。
8.2.41
गोकुले नित्यसंवृद्धा युद्धे परमकोपनाः ।
गोपालाः कृतवीरास्ते निहताः सव्यसाचिना ॥ ८.२.४१ ॥
ゴークラで常に育ち、戦場で極めて怒り狂った勇敢な牧童たちは、サヴィヤサーチンに殺された。
8.2.42
श्रेणयो बहुसाहस्राः संशप्तकगणाश्च ये ।
ते सर्वे पार्थमासाद्य गदा वैवस्वतक्षयम् ॥ ८.२.४२ ॥
何千もの戦士の隊列と、サンシャプタカの一隊たちは、皆パールタ（アルジュナ）に立ち向かい、ヴァイヴァスヴァタの住処へ去った。
8.2.43
श्यालौ तव महाराज राजानौ वृषकाचलौ ।
त्वदर्थमतिविक्रान्तौ निहतौ सव्यसाचिना ॥ ८.२.४३ ॥
大王よ、あなたの二人の義兄弟、王ヴリシャカとアチャラは、あなたのために非常な勇猛さで戦い、サヴィヤサーチン（アルジュナ）に殺された。
8.2.44
उग्रकर्मा महेष्वासो नामतः कर्मतस्तथा ।
साल्वराजो महाबाहुर्भीमसेनेन पातितः ॥ ८.२.४४ ॥
凶暴な行いを持つ大弓手、名と行いで知られ、大いなる腕を持つサールヴァ王は、ビーマセーナに打ち倒された。
8.2.45
ओघवांश्च महाराज बृहन्तः सहितौ रणे ।
पराक्रमन्तौ मित्रार्थे गतौ वैवस्वतक्षयम् ॥ ८.२.४५ ॥
そして大王よ、オーガヴァーンとブリハンタは共に戦場で友のために勇敢に戦い、ヴァイヴァスヴァタ（ヤマ）の住処へ赴いた。
8.2.46
तथैव रथिनां श्रेष्ठः क्षेमधूर्तिर्विशाम्पते ।
निहतो गदया राजन्भीमसेनेन संयुगे ॥ ८.२.४६ ॥
同様に、人民の主よ、戦車の御者の中で最も優れたクシェーマドゥールティは、王よ、戦いにおいてビーマセーナの棍棒によって殺された。
8.2.47
तथा राजन्महेष्वासो जलसन्धौ महाबलः ।
सुमहत्कदनं कृत्वा हतः सात्यकिना रणे ॥ ८.२.४७ ॥
同様に、王よ、大弓手であり大力のジャラサンダは、大殺戮をなした後、戦場でサーティヤキに殺された。
8.2.48
अलम्बुसो राक्षसेन्द्रः खरबन्धुरयानवान् ।
घटोत्कचेन विक्रम्य गमितो यमसादनम् ॥ ८.२.४८ ॥
ロ刹王アランブーサは、ロバに引かれた戦車を持っていたが、ガトートカチャによって勇敢に閻魔の住処へ送られた。
8.2.49
राधेयः सूतपुत्रश्च भ्रातरश्च महारथाः ।
केकयाः सर्वशश्चापि निहताः स्व्यसाचिना ॥ ८.२.४९ ॥
ラーダーの子、御者の子カルナとその兄弟の大戦車兵たち、そしてケーカヤ族の者たちは皆、両手で弓を引くアルジュナに殺された。
8.2.50
मालवा मद्रकाश्चैव द्राविडाश्चोग्रकर्मिणः ।
यौधेयाश्च ललित्थाश्च क्षुद्रकाश्चाप्युशीनराः ॥ ८.२.५० ॥
マーラヴァ族、マドラカ族、凶暴な行いのドラヴィダ族、ヤウデーヤ族、ラリッタ族、クシュドラカ族、そしてウシーナラ族。
8.2.51
मावेल्लकास्तुण्डिकेराः सावित्रीपुत्रकाश्च ये ।
प्राच्योदीच्याः प्रतीच्याश्च दाक्षिणात्याश्च मारिष ॥ ८.२.५१ ॥
マーヴェッラカ族、トゥンディケーラ族、サーヴィトリーの子らと、東・北・西・南の諸民族よ、ああ王よ。
8.2.52
पत्तीनां निहताः सङ्घा हयानां प्रयुतानि च ।
रथव्रजाश्च निहता हताश्च वरवारणाः ॥ ८.२.५२ ॥
歩兵の群れは殺され、何十万もの馬も殺された。戦車の列は壊滅し、優れた象も殺された。
8.2.53
सध्वजाः सायुधाः शूराः सवर्माम्बरभूषणाः ।
कालेन महताऽऽयस्ताः कुशलैर्ये च वर्धिताः ॥ ८.२.५३ ॥
旗と武器を持ち、鎧と衣装と装身具をまとった勇士たち、熟練者によって長く育てられた者たちは、大いなる時によって滅ぼされた。
8.2.54
ते हताः समरे राजन्पार्थेनाक्लिष्टकर्मणा ।
अन्ये तथाऽमितबलाः परस्परवधैषिणः ॥ ८.२.५४ ॥
王よ、彼らは戦場で、無理なく行いをなす者、プリター（クンティー）の子アルジュナによって殺された。また、量り知れぬ力を持ち、互いの殺戮を求めた他の者たちも同様であった。
8.2.55
एते चान्ये च बहवो राजानः सगणा रणे ।
हताः सहस्रशो राजन्यन्मां त्वं परिपृच्छसि ॥ ८.२.५५ ॥
これらの者や他の多くの王たちが、その従者とともに戦場で幾千となく殺されました、王よ、あなたが私にお尋ねのことです。
8.2.56
एवमेष क्षयो वृत्तः कर्णार्जुनसमागमे ।
महेन्द्रेण यथा वृत्रो यथा रामेण रावणः ॥ ८.२.५६ ॥
カルナとアルジュナの遭遇でこのように殲滅が起きた。マヘーンドラがヴリトラを、ラーマがラーヴァナを滅ぼしたように。
8.2.57
यथा कृष्णेन नरको मुरुश्च निहतो रणे ।
कार्तवीर्यश्च रामेण भार्गवेण यथा हतः ॥ ८.२.५७ ॥
クリシュナが戦場でナラカとムラを倒し、バールガヴァのラーマがカールタヴィーリヤを倒したように。
8.2.58
सज्ञातिबान्धवः शूरः समरे युद्धदुर्मदः ।
रणे कृत्वा महद्युद्धं घोरं त्रैलोक्यमोहनम् ॥ ८.२.५८ ॥
親族や身内とともに、戦いの酔いに狂った英雄が、戦場で三界を惑わす大きく恐ろしい戦いを行った。
8.2.59
यथा स्कन्देन महिषो यथा रुद्रेण चान्धकः ।
तथाऽर्जुनेन स हतो द्वैरथे युद्धदुर्मदः ॥ ८.२.५९ ॥
マヒシャがスカンダに、アンダカがルドラに倒されたように、戦いの酔いに狂った彼は一騎討ちでアルジュナに倒された。
8.2.60
सामात्यबान्धवो राजन्कर्णः प्रहरतां वरः ।
जयाशा धार्तराष्ट्राणां वैरस्य च मुखं नृपः ॥ ८.२.६० ॥
王よ、戦士の中で最も優れたカルナは、大臣や親族とともに、ドリタラーシュトラの息子たちの勝利の望みであり、敵意の根源であった。
8.2.61
तीर्णं तत्पाण्डवै राजन्यत्पुरा नावबुध्यसे ।
उच्यमानो महाराज बन्धुभिर्हितकाङ्क्षिभिः ॥ ८.२.६१ ॥
王よ、あなたが以前理解できなかったことを、パーンダヴァたちは乗り越えてしまいました。大王よ、あなたの幸福を願う親族たちが告げていたにもかかわらず。
8.2.62
न कृतं च त्वया पूर्वं दैवेन विधिना बलात् ।
तदिदं समनुप्राप्तं व्यसनं सुमहात्ययम् ॥ ८.२.६२ ॥
あなたが以前しなかったことが、運命と天の定めの力によって、今この非常に大きく恐ろしい災厄が降りかかってきたのです。
8.2.63
गाणां राज्यकामानां त्वया राजन्हितैषिणा ।
अहितान्येव चीर्णानि तेषां ते फलमागतम् ॥ ८.२.६३ ॥
王よ、王国を望んだ彼らに対して、あなたが自分の利益を求めて行ったことは、ただの害悪でした。今やその報いがあなたに到来したのです。