マハーバーラタ · 章 9.44
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
9.44.1
स शप्ता तेन क्रुद्धेन विश्वामित्रेण धीमता ।
तस्मिंस्तीर्थवरे शुभ्रं शोणितं समुपावहत् ॥ ९.४४.१ ॥
賢く怒れるヴィシュヴァーミトラに呪われた彼は、その最高の聖なる渡し場に輝く血を流させた。
9.44.2
अथाजग्मुस्ततो राजन्राक्षसास्तत्र भारत ।
तत्र ते शोणितं सर्वे पिबन्तः सुखमासते ॥ ९.४४.२ ॥
そして王よ、バーラタよ、羅刹たちがそこへやって来た。彼らは皆そこで血を飲み、楽しく座っていた。
9.44.3
तृप्ताश्च सुभृशं तेन सुखिता विगतज्वराः ।
नृत्यन्तश्च हसन्तश्च यथा स्वर्गजितस्तथा ॥ ९.४४.३ ॥
それによって大いに満足し、喜び、熱病もなく、天界を征服したかのように踊り、笑っていた。
9.44.4
कस्यचित्त्वथ कालस्य ऋषयः सुतपोधनाः ।
तीर्थयात्रां समाजग्मुः सरस्वत्यां महीपते ॥ ९.४४.४ ॥
やがて、大地の王よ、大いなる苦行を積んだ聖仙たちがサラスヴァティーの岸で聖なる渡し場への巡礼のために集まった。
9.44.5
तेषु सर्वेषु तीर्थेषु स्वाप्लुत्य मुनिपुङ्गवाः ।
प्राप्य प्रीतिं परां चापि तपोलुप्धा विशारदाः ॥ ९.४४.५ ॥
それらすべての聖なる渡し場で十分に沐浴し、苦行を好む賢い聖仙の中の最上の者たちは、無上の喜びを得た。
9.44.6
प्रययुर्हि ततो राजन्येन तीर्थमसृग्वहम् ।
अथागम्य महाभागास्तत्तीर्थं दारुणं तदा ॥ ९.४४.६ ॥
そして王よ、彼らは血の流れるその渡し場へ向かった。そして、その大いなる幸運の聖仙たちが恐ろしいその渡し場に着いたとき……
9.44.7
दृष्ट्वा तोयं सरस्वत्याः शोणितेन परिप्लुतम् ।
पीयमानं च रक्षोभिर्बहुभिर्नृपसत्तम ॥ ९.४४.७ ॥
サラスヴァティーの水が血に浸され、多くのラークシャサに飲まれているのを見て、王者の中の最上の者よ。
9.44.8
तान्दृष्ट्वा राक्षसान्राजन्मुनयः संशितव्रताः ।
परित्राणे सरस्वत्याः परं यत्नं प्रचक्रिरे ॥ ९.४४.८ ॥
王よ、それらのラークシャサを見て、堅固な誓いを持つ聖者たちはサラスヴァティーを守るため大いに努力した。
9.44.9
ते तु सर्वे महाभागाः समागम्य महाव्रताः ।
आहूय सरितां श्रेष्ठामिदं वचनमब्रुवन् ॥ ९.४४.९ ॥
その大いなる福徳を持ち大誓を守る聖者たちは皆集まり、河の中の最上の者を呼んで、この言葉を述べた。
9.44.10
कारणं ब्रूहि कल्याणि किमर्थं ते हृदो ह्ययम् ।
एवमग्राह्यतां यातः श्रुत्वाऽध्यास्यामहे वयम् ॥ ९.४४.१० ॥
吉祥なる者よ、あなたの水がこのように飲めないものになった理由を言ってください。聞いたうえで、我々は考えましょう。
9.44.11
ततः सा सर्वमाचष्ट यथावृत्तं प्रवेपती ।
दुःखितामथ तां दृष्ट्वा ऊचुस्ते वै तपोधनाः ॥ ९.४४.११ ॥
すると彼女は震えながら、起きたことをそのままに全て語った。悲しむ彼女を見て、苦行に富む聖者たちは語った。
9.44.12
कारणं श्रुतमस्माभिः शापश्चैव श्रुतोऽनघे ।
करिष्यन्ति तु यत्प्राप्तं सर्व एव तपोधनाः ॥ ९.४४.१२ ॥
無垢なる者よ、原因も呪いも我々は聞いた。しかし苦行に富む我ら皆が、なすべきことを行おう。
9.44.13
एवमुक्त्वा सरिच्छ्रेष्ठामूचुस्तेऽथ परस्परम् ।
विमोचयामहे सर्वे शापादेतां सरस्वतीम् ॥ ९.४४.१३ ॥
こう言って、彼らは互いに言った。「我々皆で、川の中で最も優れたこのサラスヴァティーを呪いから解き放とう。」
9.44.14
ते सर्वे ब्राह्मणा राजंस्तपोभिर्नियमैस्तथा ।
उपवासैश्च विविधैर्यमैः कष्टव्रतैस्तथा ॥ ९.४४.१४ ॥
王よ、そのバラモンたちは皆、苦行、戒律、様々な断食、禁欲、厳しい誓願によって（その務めに取りかかった）。
9.44.15
आराध्य पशुभर्तारं महादेवं जगत्पतिम् ।
मोक्षयामासुस्तां देवीं सरिच्छ्रेष्ठां सरस्वतीम् ॥ ९.४४.१५ ॥
家畜の主、世界の主マハーデーヴァを祀ったのち、彼らは河の中で最も優れた女神サラスヴァティーを解き放たせた。
9.44.16
तेषां तु सा प्रभावेण प्रकृतिस्था सरस्वती ।
प्रसन्नसलिला जज्ञे यथा पूर्वं तथैव हि।
निर्मुक्ता च सरिच्छ्रेष्ठा विबभौ सा यथा पुरा ॥ ९.४४.१६ ॥
彼らの威力によって、サラスヴァティーは本来の状態に戻り、その水はかつてのように澄み渡った。解放された河の中で最も優れた彼女は、以前のように輝いた。
9.44.17
दृष्ट्वा तोयं सरस्वत्या मुनिभिस्तैस्तथा कृतम् ।
तानेव शरणं जग्मू राक्षसाः क्षुधितास्तथा ॥ ९.४४.१७ ॥
聖者たちがサラスヴァティーの水をそのようにしたのを見て、飢えた羅刹たちもまさにその聖者たちに庇護を求めて赴いた。
9.44.18
कृत्वाञ्जलिं ततो राजन्राक्षसाः क्षुधयाऽर्दिताः ।
ऊचुस्तान्वै मुनीन्सर्वान्कृपायुक्तान्पुनःपुनः ॥ ९.४४.१८ ॥
王よ、そのとき飢えに苦しむ羅刹たちは合掌して、慈悲深いそれらの聖者すべてに何度も語りかけた。
9.44.19
वयं च क्षुधिताश्चैव धर्माद्धीनाश्च शाश्वतात् ।
न च नः कामकारोऽयं यद्वयं पापकारिणा ॥ ९.४४.१९ ॥
私たちは飢えており、永遠のダルマを奪われている。これは私たち自身の選択ではなく、悪行者のせいなのだ。
9.44.20
युष्माकं चाप्रसादेन दुष्कृतेन च कर्मणा ।
पक्षोऽयं वर्धतेऽस्माकं यतः स्मो ब्रह्मराक्षसाः।
योषितां चैव पापेन योनिदोषकृतेन च ॥ ९.४४.२० ॥
あなた方の不興と悪行によって、私たちの派は増える。私たちはブラフマ羅刹だからだ。また女性の罪と、生まれの欠陥から生じた過ちによっても増えるのだ。
9.44.21
एवं हि वैश्यशूद्राणां क्षत्रियाणां तथैव च ।
ये ब्राह्मणान्प्रद्विषन्ति ते भवन्तीह राक्षसाः ॥ ९.४४.२१ ॥
同様に、ヴァイシャ・シュードラ・クシャトリヤのうちでバラモンを憎む者は、ここでラークシャサとなる。
9.44.22
शक्तिमन्तोऽपि ये केचिदाश्रितानां च रक्षणम् ।
न कुर्वन्ति मनुष्यास्ते सम्भवन्तीह राक्षसाः ॥ ९.४४.२२ ॥
力がありながら頼ってくる者を守らない人間は、ここでラークシャサとなる。
9.44.23
आचार्यमृत्विजं चैव गुरुं वृद्वजनं तथा ।
प्रणिनो येऽवमन्यन्ते ते भवन्तीह राक्षसाः ॥ ९.४४.२३ ॥
師、祭官、グル、年長者、そして生きものを侮る者は、ここでラークシャサとなる。
9.44.24
तत्कुरुध्वमिहास्माकं तारणं द्विजसत्तमाः ।
शक्ता भवन्तः सर्वेषां लोकानामपि तारणे ॥ ९.४४.२४ ॥
ゆえに、再生族の中の最も優れた方々よ、ここで私たちを救ってください。あなた方はすべての世界を救う力もあるのです。
9.44.25
तेषां तु वचनं श्रुत्वा तुष्टुवुस्तां महानदीम् ।
मोक्षार्थं रक्षसां तेषामूचुः प्रयतमानसाः ॥ ९.४४.२५ ॥
彼らの言葉を聞き、彼らはその大河を讃えた。ラークシャサたちの解脱のために、心を整えて彼らは語った。
9.44.26
क्षुतं कीटावपन्नं च यच्चोच्छिष्टाचितं भवेत् ।
सकेशमवधूतं च रुदितोपहतं च यत् ॥ ९.४४.२६ ॥
くしゃみをかけられた食物、虫の落ちたもの、食べ残しに触れたもの、髪の入ったもの、振り払われたもの、または泣くことで汚されたもの。
9.44.27
श्वभिः संसृष्टमन्नं च भागोऽसौ रक्षसामिह ।
तस्माज्ज्ञात्वा सदा विद्वानेतान्यत्नाद्विवर्जयेत्।
राक्षसान्नमसौ भुङ्क्ते यो भुङ्क्ते ह्यन्नमीदृशम् ॥ ९.४४.२७ ॥
犬に触れられた食物はここではラークシャサの取り分である。ゆえに賢者はこれを常に知って、注意深く避けるべきである。このような食物を食べる者はラークシャサの食物を食べるのである。
9.44.28
शोधयित्वा ततस्तीर्थमृषयस्ते तपोधनाः ।
मोक्षार्थं राक्षसानां च नदीं तां प्रत्यचोदयन् ॥ ९.४४.२८ ॥
そこで苦行に富む聖者たちは聖なる渡し場を清め、ラークシャサの解脱のためにその川を促した。
9.44.29
महर्षीणां मतं ज्ञात्वा ततः सा सरितां वरा ।
अरुणामानयामास स्वां तनुं पुरुषर्षभ ॥ ९.४४.२९ ॥
大聖者たちの意を知ると、川の中で最も優れたその川は、自らの身体から阿鳴那を現した、人中の牡牛よ。
9.44.30
तस्यान्तेराक्षसाः स्नात्वा तनूस्त्यक्त्वा दिवं गताः ।
अरुणायां महाराज ब्रह्मवध्यापहा हि सा ॥ ९.४४.३० ॥
その中で沐浴した羅刹たちは身体を捨てて天界へ赴いた。大王よ、阿鳴那は婆羅門殺害の罪を除く川である。
9.44.31
एतमर्थमभिज्ञाय देवराजः शतक्रतुः ।
तस्मिंस्तीर्थे वरे स्नात्वा विमुक्तः पाप्मना किल ॥ ९.४४.३१ ॥
この事情を知った神々の王、百祭のインドラは、その優れた聖なる渡し場で沐浴し、まことに罪から解放された。
9.44.32
किमर्थं भगवाञ्शक्रो ब्रह्मवध्यामवाप्तवान् ।
कथमस्मिंश्च तीर्थे वै आप्लुत्याकल्मषोऽभवत् ॥ ९.४४.३२ ॥
尊いシャクラ（インドラ）はどのような理由でバラモン殺しの罪を負ったのか、そしてこの聖なる渡し場で沐浴してどのように汚れなきものとなったのか。
9.44.33
शृणुष्वैतदुपाख्यानं यथावृत्तं जनेश्वर ।
यथा बिभेद समयं नमुचेर्वासवः पुरा ॥ ९.४४.३३ ॥
人の主よ、この物語を実際のとおりに聞け。昔、ヴァーサヴァ（インドラ）がナムチとの約束をどのように破ったかを。
9.44.34
जमुचिर्वासवाद्भीतः सूर्यरश्मिं समाविशत् ।
तेनेन्द्रः सख्यमकरोत्समयं चेदमब्रवीत् ॥ ९.४४.३४ ॥
インドラを恐れたナムチは太陽の光線に入り込んだ。インドラは彼と友情を結び、この約束を語った。
9.44.35
न चार्द्रेण न शुष्केण न रात्रौ नापि चाहनि ।
वधिष्याम्यसुरश्रेष्ठ सखे सत्येन ते शपे ॥ ९.४४.३५ ॥
湿ったものによっても乾いたものによっても、夜にも昼にも、私はおまえを殺さない。阿修羅の中の最上の者よ、友よ、真実にかけておまえに誓う。
9.44.36
एवं स कृत्वा समयं दृष्ट्वा नीहास्मीश्वरः ।
चिच्छेदास्य शिरो राजन्नपां फेनेन वासवः ॥ ९.४४.३६ ॥
このように約束を交わし、機会をうかがったうえで、王よ、主なるヴァーサヴァは水の泡で彼の首を切り落とした。
9.44.37
तच्छिरो नमुचेश्छिन्नं पृष्ठतः शक्रमन्वियात् ।
भोभो मित्रह पापेति ब्रुवाणं शक्रमन्तिकात् ॥ ९.४४.३७ ॥
ナムチの切られた首は後ろからシャクラを追い、近くから「おお、おお、友殺しの罪人よ！」と叫び続けた。
9.44.38
एवं स शिरसा तेन चोद्यमानः पुनः पुनः ।
पितामहाय सन्तप्त एतमर्थं न्यवेदयत् ॥ ९.४४.३८ ॥
こうしてその首に何度も責め立てられ、苦悩した彼は、この件を祖父に報告した。
9.44.39
तमब्रवील्लोकगुरुररुणायां यथाविधि ।
इष्ट्वोपस्पृश देवेन्द्र तीर्थे पापभयापहे ॥ ९.४४.३९ ॥
世界の師は彼に言った。「神々の主よ、アルナーで規定どおりに供犠を行い、罪の恐れを除く聖なる渡し場で沐浴せよ。」
9.44.40
एषा पुण्यजला शक्र कृता मुनिभिरेव तु ।
निगूढमस्यागमनमिहासीत्पूर्वमेव तु ॥ ९.४४.४० ॥
シャクラよ、この聖水の渡し場は確かに聖者たちが作ったものである。だがそれがここに来ることは以前は隠されていた。
9.44.41
ततोऽभ्येत्यारुणां देवीं प्लावयामास वारिणा ।
सरस्वत्यारुणायाश्च पुण्योऽयं सङ्गमो महान् ॥ ९.४४.४१ ॥
それから彼はアルナーの女神に近づき、水で彼女を濡らした。サラスヴァティーとアルナーのこの合流点は聖なる大いなるものである。
9.44.42
इह त्वं यज देवेन्द्र दद दानान्यनेकशः ।
अत्राप्लुत्य सुघोरात्त्वं पातकाद्विप्रमोक्ष्यसे ॥ ९.४४.४२ ॥
神々の主よ、ここで供犠を行い、さまざまな布施をせよ。ここで沐浴すれば、お前はあの極めて恐ろしい罪から解放されるであろう。
9.44.43
इत्युक्तः स सरस्वत्याः कुञ्जे वै जनमेजय ।
इष्ट्वा यथावद्बलभिदरुणायामुपास्पृशत् ॥ ९.४४.४३ ॥
ジャナメージャヤよ、サラスヴァティーの林でこのように告げられた彼は、定めのとおりに供犠を行い、バラを倒す者（インドラ）はアルナー川で沐浴した。
9.44.44
स मुक्तः पाप्मना तेन ब्रह्मवध्याकृतेन च ।
जगाम संहृष्टमनास्त्रिदिवं त्रिदशेश्वरः ॥ ९.४४.४४ ॥
その罪とバラモン殺害から生じた穢れから解放され、喜ぶ心で三十神の主は天界へ赴いた。
9.44.45
शिरस्तच्चापि नमुचेस्तत्रैवाप्लुत्य भारत ।
लोकान्कामदुधात्प्राप्तमक्षयान्राजसत्तम ॥ ९.४४.४५ ॥
バーラタよ、そこでまた彼はナムチの頭も洗った。王の中の最も優れた者よ、そこで沐浴して、望みを叶える不滅の世界を得た。
9.44.46
तत्राप्युपस्पृश्य बलो महात्मा ।
दत्त्वा च दानानि पृथग्विधानि।
अवाप्य धर्मं परमार्यकर्मा ।
जगाम सोमस्य महत्सुतीर्थम् ॥ ९.४४.४६ ॥
そこでも沐浴し、大いなる魂のバラは様々な布施を行い、徳を得て、最高の高貴な行いをなす者として、ソーマの大聖地へ赴いた。
9.44.47
यत्रायजद्राजसूयेन सोमः ।
साक्षात्पुरा विधिवत्पार्थिवेन्द्र।
अत्रिर्धीमान्ब्रह्मपुत्रो बभूव ।
होता यस्मिन्क्रतुमुख्ये महात्मा ॥ ९.४४.४७ ॥
昔ソーマ自身が定めのとおりラージャスーヤ祭を行った所、王の主よ。その主要な供犠で、梵天の賢い子である大いなる魂のアトリがホートリとなった。
9.44.48
यस्यान्तेऽभूत्सुमहद्दानवानां ।
दैतेयानां राक्षसानां च देवैः।
सङ्ग्रामो वै तारकाख्यः सुतीव्रो ।
यत्र स्कन्दस्तारकाख्यं जघान ॥ ९.४४.४८ ॥
その終わりに、ダーナヴァ、ダイティヤ、ラークシャサと神々との間に、タラカと呼ばれる非常に大きく激烈な戦いが起こった。そこでスカンダは、タラカと呼ばれる者を殺した。
9.44.49
सैनापत्यं लब्धवान्दैवतानां ।
महासेनो यत्र दैत्यान्तकर्ता।
साक्षाच्चैवं न्यवसत्कार्तिकेयः ।
सदा कुमारो यत्र स प्लुक्षराजः ॥ ९.४४.४९ ॥
ここでマハーセーナは神々の軍の総司令官の地位を得た。ダイティヤを滅ぼすカールティケーヤがここに直接住み、プラクシャ樹の王であるその童子もいつもここにいた。