Mahābhārata · Adhyāya 9.46
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
9.46.1
ततोऽभिषेकसम्भारान्सर्वान्सम्भृत्य शास्त्रतः ।
बृहस्पतिः समिद्धेऽग्नौ जुहावाग्निं यथाविधि ॥ ९.४६.१ ॥
Dann sammelte Bṛhaspati, den Schriften gemäß, alle Stoffe für die Salbung und brachte im entzündeten Feuer vorschriftsmäßig Opfergaben dar.
9.46.2
ततो हिमवता दत्ते मणिप्रवरशोभिते ।
दिव्यरत्नाचिते पुण्ये निषण्णं परमासने ॥ ९.४६.२ ॥
Dann setzte er sich auf den von dem Himavat gegebenen, erhabenen und heiligen Thron, geschmückt mit vortrefflichen Juwelen und besetzt mit göttlichen Edelsteinen.
9.46.3
सर्वमङ्गलसम्भारैर्विधिमन्त्रपुरस्कृतम् ।
आभिषेचनिकं द्रव्यं गृहीत्वा देवतागणाः ॥ ९.४६.३ ॥
Die Schar der Götter, die die Salbungsgaben mit allen glückverheißenden Stoffen und mit Ritus und Mantras vorbereitet ergriffen,
9.46.4
इन्द्राविष्णू महावीर्यौ सूर्योचन्द्रमसौ तथा ।
धाता चैव विधाता च तथा चैवानिलानलौ ॥ ९.४६.४ ॥
Indra und Viṣṇu, die Mächtigen, Sonne und Mond, ebenso Dhātṛ und Vidhātṛ, und Wind und Feuer,
9.46.5
पूष्णा भगेनार्यम्णा च अंशेन च विवस्वतां ।
रुद्रश्च सहितो धीमान्मित्रेण वरुणेन च ॥ ९.४६.५ ॥
Mit Pūṣan, Bhaga, Aryaman, Aṃśa unter den Söhnen des Vivasvat, und der weise Rudra, begleitet von Mitra und Varuṇa,
9.46.6
रुद्रैर्वसुभिरादित्यैरश्विभ्यां च वृतः प्रभुः ।
विश्वैर्देवैर्मरुद्भिश्च साध्यैश्च पितृभिः सह ॥ ९.४६.६ ॥
Der Herr, umgeben von den Rudras, Vasus, Ādityas und Aśvins, kam zusammen mit den Viśvedevas, den Maruts, den Sādhyas und den Ahnen.
9.46.7
गन्धर्वैरप्सरोभिश्च यक्षराक्षसपन्नगैः ।
देवर्षिभिरसङ्ख्यातैस्तथा ब्रह्मर्षिभिस्तथा ॥ ९.४६.७ ॥
Umgeben von Gandharven, Apsarasen, Yakṣas, Rākṣasas und Schlangen, von unzähligen Devarṣis und ebenso von Brahmarṣis.
9.46.8
वैखानसैर्वालखिल्यैर्वाय्वाहारैर्मरीचिपैः ।
भृगुभिश्चाङ्गिरोभिश्च यतिभिश्च महात्मभिः ॥ ९.४६.८ ॥
Umgeben von Vaikhānasas, Vālakhilyas, Luftessern, Marīcipas, Bhṛgus, Aṅgirasas, Asketen und Großseelen.
9.46.9
सर्वैर्विद्याधरैः पुण्यैर्योगसिद्धैस्तथा वृतः ।
पितामहः पुलस्त्यश्च पुलहश्च महातपाः ॥ ९.४६.९ ॥
Umgeben von allen Vidyādharas, den Tugendhaften und den im Yoga Vollendeten; der Großvater, Pulastya und der große Asket Pulaha.
9.46.10
अङ्गिराः कश्यपोऽत्रिश्च मरीचिर्भृगुरेव च ।
क्रतुर्हरिः प्रचेताश्च मनुर्दक्षस्तथैव च ॥ ९.४६.१० ॥
Aṅgiras, Kaśyapa, Atri, Marīci, Bhṛgu, Kratu, Hari, Pracetas, Manu und Dakṣa ebenso.
9.46.11
ऋतवश्च ग्रहाश्चैव ज्योतींषि च विशाम्पते ।
मूर्तिमत्यश्च सरितो वेदाश्चैव सनातनाः ॥ ९.४६.११ ॥
Die Jahreszeiten, die Planeten und ebenso die Leuchten, o Herr des Volkes; die verkörperten Flüsse und die ewigen Veden.
9.46.12
समुद्राश्च हदाश्चैव तीर्थानि विविधानि च ।
पृथिवी द्यौर्दिशश्चैव पादपाश्च जनाधिप ॥ ९.४६.१२ ॥
Die Meere und Seen und die verschiedenen heiligen Furten; die Erde, der Himmel, die Richtungen und die Bäume, o Herr der Menschen.
9.46.13
अदितिर्देवमाता च हीः श्रीः स्वाहा सरस्वती ।
उमा शची सिनीवाली तथैवानुमतिः कुहूः ॥ ९.४६.१३ ॥
Aditi, die Mutter der Götter, Hrī, Śrī, Svāhā, Sarasvatī, Umā, Śacī, Sinīvālī, ebenso Anumati und Kuhū.
9.46.14
राका च धिषणा चैव पत्न्यश्चान्या दिवौकसाम् ।
हिमवांश्चैव विन्ध्यश्च मेरुश्चानेकशृङ्गवान् ॥ ९.४६.१४ ॥
Rākā und Dhiṣaṇā und die übrigen Gattinnen der Himmelsbewohner; der Himālaya und der Vindhya, und der Meru mit seinen vielen Gipfeln.
9.46.15
ऐरावतः सानुचरः कलाः काष्ठास्तथैव च ।
मासार्धमासा ऋतवस्तथा रात्र्यहनी नृप ॥ ९.४६.१५ ॥
Airāvata mit seinen Gefolgsleuten, ebenso die Kalā und Kāṣṭhā, Monate und Halbmonate, Jahreszeiten, Nächte und Tage, o König.
9.46.16
उच्चैः श्रवा हयश्रेष्ठो नागराजश्च वासुकिः ।
अरुणो गरुडश्चैव वृक्षाश्चौषधिभिः सह ॥ ९.४६.१६ ॥
Uccaiḥśravas, das beste der Pferde, der Nāga-König Vāsuki, Aruṇa und Garuḍa, und die Bäume zusammen mit den Kräutern.
9.46.17
धर्मश्च भगवान्देवः समाजग्मुर्हि सङ्गताः ।
कालो यमश्च मृत्युश्च यमस्यानुचराश्च ये ॥ ९.४६.१७ ॥
Auch der gesegnete Gott Dharma kam; alle versammelten sich; Kāla, Yama und Mṛtyu, und die Diener Yamas.
9.46.18
बहुलत्वाच्च नोक्ता ये विविधा देवतागणाः ।
ते कुमाराभिषेकार्षं समाजग्मुस्ततस्ततः ॥ ९.४६.१८ ॥
Wegen ihrer Vielzahl nicht genannt, kamen auch die verschiedenen Göttergruppen von hier und dort zur Salbung des Prinzen zusammen.
9.46.19
जगृहुस्ते तदा राजन्सर्वं एव दिवौकसः ।
आभिषेचनिकं भाण्डं मङ्गलानि च सर्वशः ॥ ९.४६.१९ ॥
O König, da nahmen jene Himmelsbewohner alles: die Salbungsgefäße und alle glückverheißenden Dinge.
9.46.20
दिव्यसम्भारसंयुक्तैः कलशैः काञ्चनैर्नृप ।
सारस्वताभिः पुण्याभिरद्भिस्ताभिरलङ्कृतम् ॥ ९.४६.२० ॥
O König, es war geschmückt mit goldenen Krügen, die mit göttlichem Gerät versehen waren, und mit jenen heiligen Wassern der Sarasvatī.
9.46.21
अभ्यषिञ्चन्कुमारं वै सम्प्रहृष्टा दिवौकसः ।
सैनापत्ये महात्मानमसुराणां भयङ्करम् ॥ ९.४६.२१ ॥
Hocherfreut salbten die Himmelsbewohner den Jüngling — jenen Großherzigen, den Asuras furchterregend — zum Heerführer.
9.46.22
पुरा यथा महाराज वरुणं वै जलेश्वरम् ।
तथाऽभ्यषिञ्चद्भगवान्सर्वलोकपितामहः ॥ ९.४६.२२ ॥
O großer König, so wie einst Varuṇa, der Herr der Gewässer, gesalbt wurde, so salbte ihn der Herr, der Urgroßvater aller Welten.
9.46.23
कश्यपश्च महातेजा ये चान्ये सोककीर्तिताः ।
तस्मै ब्रह्मा ददौ प्रीतो बलिनो वातरंहसः ॥ ९.४६.२३ ॥
Kaśyapa von großem Glanz und andere in den Welten berühmte; und Brahmā gab ihm erfreut Starke, schnell wie der Wind.
9.46.24
कामवीर्यधरान्सिद्धान्महापारिषदान्प्रभुः ।
नन्दिसेनं लोहिताक्षं घण्टाकार्णं च सम्मतम् ॥ ९.४६.२४ ॥
Der Herr gab ihm vollendete Wesen, die Tapferkeit nach Wunsch trugen, große Gefolgsleute, und Nandisena, Lohitākṣa und den geachteten Ghaṇṭākarṇa.
9.46.25
चतुर्थमस्यानुचरं ख्यातं कुमुदमालिनम् ।
तत्र स्थाणुर्महातेजा महापारिषदं प्रभुः ॥ ९.४६.२५ ॥
Sein vierter Gefolgsmann war der berühmte Kumudamālin. Dort gab der Herr Sthāṇu, von großer Strahlkraft, den großen Gefolgsführer.
9.46.26
मायाशतधरं कामं कामवीर्यबलान्वितम् ।
ददौ स्कन्दाय राजेन्द्र सुरारिविनिबर्हणम् ॥ ९.४६.२६ ॥
Er gab Kāma, den Träger hundert Illusionen, begabt mit der Kraft und Macht des Begehrens, dem Skanda, o Herr der Könige, dem Vernichter der Feinde der Götter.
9.46.27
सहि देवासुरे युद्धे दैत्यानां भीमकर्मणाम् ।
जघान दोर्भ्यां सङ्क्रुद्धः प्रयुतानि चतुर्दश ॥ ९.४६.२७ ॥
Im Kampf der Götter und Asuras erschlug er, voll Zorn, mit seinen beiden Armen vierzehn Prayutas von Daityas mit furchtbaren Taten.
9.46.28
तथा देवा ददुस्तस्मै सेनां नैर्ऋतसङ्कुलाम् ।
देवशत्रुक्षयकरीमजय्यां विश्वरूपिणीम् ॥ ९.४६.२८ ॥
Ebenso gaben ihm die Götter ein von Nairṛtas wimmelndes Heer, das die Feinde der Götter vernichtet, unbesiegbar und vielgestaltig ist.
9.46.29
जयशब्दं तथा चक्रुर्देवाः सर्वे सवासवाः ।
गन्धर्वा यक्षरक्षांसि मुनयः पितरस्तथा ॥ ९.४६.२९ ॥
Ebenso erhoben alle Götter mit Vāsava einen Siegesruf; die Gandharvas, Yakṣas und Rākṣasas, die Weisen und die Ahnen taten es ebenso.
9.46.30
ततः प्रादादनुचरौ यमः कालोपमावुभौ ।
उन्माथं च प्रमाथं च महावीर्यौ महाद्युती ॥ ९.४६.३० ॥
Dann gab Yama zwei Gefolgsleute, dem Tod selbst gleich: Unmātha und Pramātha, beide von großer Macht und großem Glanz.
9.46.31
सुभ्राजो भास्वरश्चैव यौ तौ सूर्यानुयायिनौ ।
तौ सूर्यः कार्तिकेयाय ददौ प्रीतः प्रतापवान् ॥ ९.४६.३१ ॥
Subhrāja und Bhāsvara, die beiden Gefolgsleute der Sonne; die Sonne, erfreut und mächtig, gab sie Kārtikeya.
9.46.32
कैलासशृङ्गसङ्काशौ श्वेतमाल्यानुलेपनौ ।
सोमोऽप्यनुचरौ प्रादान्मणिं सुमणिमेव च ॥ ९.४६.३२ ॥
Dem Gipfel des Kailāsa gleich, mit weißen Girlanden und Salben geschmückt, gab auch Soma zwei Gefolgsleute, Maṇi und Sumaṇi.
9.46.33
ज्वालाजिह्वं तथा ज्योतिरात्मजाय हुताशनः ।
ददावनुचरौ शूरौ परसैन्यप्रमाथिनौ ॥ ९.४६.३३ ॥
Jvālājihva und Jyoti, zwei tapfere Gefolgsleute, die das feindliche Heer zerschmettern, gab Hutāśana seinem Sohn.
9.46.34
परिधं च वटं चैव भीमं च सुमहाबलम् ।
दहतिं दहनं चैव प्रचण्डौ वीर्यसम्मतौ ॥ ९.४६.३४ ॥
Paridha und Vaṭa, Bhīma von großer Kraft, Dahati und Dahana — wilde Gefolgsleute, geehrt für ihre Tapferkeit.
9.46.35
अंशोऽप्यनुचरान्पञ्च ददौ स्कन्दाय धीमते ।
उत्क्रोशं सत्करं चैव वज्रदण्डधरावुभौ ॥ ९.४६.३५ ॥
Aṃśa gab dem weisen Skanda ebenfalls fünf Gefolgsleute; Utkrośa und Satkara, beide Träger von Donnerkeulen.
9.46.36
ददावनलपुत्राय वासवः परवीरहा ।
तौ हि शत्रून्महेन्द्रास्य जघ्नतुः समरे बहून् ॥ ९.४६.३६ ॥
Vāsava, der Töter feindlicher Helden, gab sie dem Sohn Analas; denn jene beiden hatten in Mahendras Schlacht tatsächlich viele Feinde erschlagen.
9.46.37
चक्रं विक्रमकं चैव सङ्क्रमं च महाबलम् ।
स्कन्दाय त्रीननुचरान्ददौ विष्णुर्महायशाः ॥ ९.४६.३७ ॥
Viṣṇu, von großem Ruhm, gab Skanda drei Gefährten: den Diskus, Vikramaka und den sehr mächtigen Saṅkrama.
9.46.38
वर्धनं नन्दनं चैव सर्वविद्याविशारदौ ।
स्कन्दाय ददतुः प्रीतावश्विनौ भिषजां वरौ ॥ ९.४६.३८ ॥
Die beiden besten der Ärzte, die Aśvins, gaben erfreut Skanda Vardhana und Nandana, beide in allem Wissen erfahren.
9.46.39
किन्दुं च कुसुमं चैव कुमुदं च महायशाः ।
डम्बराडम्बरौ चैव ददौ धाता महात्मने ॥ ९.४६.३९ ॥
Dhātṛ, von großem Ruhm, gab dem großherzigen Skanda Kindu, Kusuma, Kumuda sowie Ḍambara und Āḍambara.
9.46.40
वक्रानुवक्रौ बलिनौ मेषवक्त्रौ बलोत्कटौ ।
ददौ त्वष्टा महामायौ स्कन्दायानुचरावुभौ ॥ ९.४६.४० ॥
Tvaṣṭṛ gab Skanda zwei Gefährten, beide mächtig und von großer Trugkraft, widderköpfig und überaus stark: Vakra und Anuvakra.
9.46.41
सुव्रतं सत्यसन्धं च ददौ मित्रो महात्मने ।
कुमाराय महात्मानौ तपोविद्याधरौ प्रभुः ॥ ९.४६.४१ ॥
Der Herr Mitra gab dem großherzigen Kumāra die beiden großherzigen Meister von Askese und Wissen, Suvrata und Satyasandha.
9.46.42
सुदर्शनीयौ वरदौ त्रिषु लोकेषु विश्रुतौ ।
सुव्रतं च महात्मानं शुभकर्माणमेव च ॥ ९.४६.४२ ॥
Beide, in den drei Welten berühmt, anmutig anzusehen und Gaben gewährend: Suvrata und der großherzige Śubhakarman.
9.46.43
कार्तिकेयाय सम्प्रादाद्विधाता लोकविश्रुतौ ।
पाणीतकं कालिकं च महामायाविनावुभौ ॥ ९.४६.४३ ॥
Der Schöpfer gab Kārttikeya zwei in den Welten berühmte Gefährten, Pāṇītaka und Kālika, beide große Illusionisten.
9.46.44
पूषा च पार्षदौ प्रादात्कार्तिकेयाय भारत ।
बलं चातिबलं चैव महावक्त्रौ महाबलौ ॥ ९.४६.४४ ॥
O Bhārata, Pūṣan gab Kārttikeya zwei Gefährten, Bala und Atibala, großgesichtig und sehr stark.
9.46.45
प्रददौ कार्तिकेयाय वायुर्भरतसत्तम ।
यमं चातियमं चैव तिमिवक्त्रौ महाबलौ ॥ ९.४६.४५ ॥
O Bester der Bharatas, Vāyu gab Kārttikeya Yama und Atiyama, fischgesichtig und sehr stark.
9.46.46
प्रददौ कार्तिकेयाय वरुणः सत्यसङ्गरः ।
सुवर्चसं महात्मानं तथैवाप्यतिवर्चसम् ॥ ९.४६.४६ ॥
Varuṇa, standhaft in seinen Gelübden, gab Kārttikeya den großherzigen Suvarcas und ebenso Ativarcas.
9.46.47
हिमवान्प्रददौ राजन्हुताशनसुताय वै ।
काञ्चनं च महात्मानं मेघमालिनमेव च ॥ ९.४६.४७ ॥
O König, Himavat gab dem Sohn des Feuers den großherzigen Kāñcana und auch Megha-mālin.
9.46.48
ददावनुचरौ मेरुरग्निपुत्राय भारत ।
स्थिरं चातिस्थिरं चैव मेरुरेवापरौ ददौ ॥ ९.४६.४८ ॥
O Bhārata, Meru gab dem Sohn des Feuers zwei Gefolgsleute, Sthira und Atisthira; und Meru gab außerdem noch zwei weitere.
9.46.49
महात्मा त्वग्निपुत्राय महाबलपराक्रमौ ।
उच्छृङ्गं चातिशृङ्गं च महापाषाणयोधिनौ ॥ ९.४६.४९ ॥
Der Großmütige gab dem Sohn des Agni zwei Gefährten von großer Kraft und Tapferkeit, Ucchṛṅga und Atiśṛṅga, Krieger, die mit großen Steinen kämpfen.
9.46.50
प्रददावग्निपुत्राय विन्ध्यः पारिषदावुभौ ।
सङ्ग्रहं विग्रहं चैव समुद्रोऽमि गदाधरौ ॥ ९.४६.५० ॥
Vindhya gab dem Sohn des Agni zwei Gefährten, und das Meer gab diese beiden Keulenträger, Saṅgraha und Vigraha.
9.46.51
प्रददावग्निपुत्राय महापारिषदावुभौ ।
उन्मादं शङ्कुकर्णं च पुष्पदन्तं तथैव च ॥ ९.४६.५१ ॥
Dem Sohn des Agni wurden zwei große Gefährten gegeben: Unmāda, Śaṅkukarṇa und ebenso Puṣpadanta.
9.46.52
प्रददावग्निपुत्राय पार्वती शुभदर्शना ।
जयं महाजयं चैव गङ्गा ज्वलनसूनवे ॥ ९.४६.५२ ॥
Pārvatī, von glückverheißendem Anblick, gab dem Sohn des Feuers Jaya und Mahājaya; und die Gaṅgā gab sie ebenfalls dem Sohn des Feuers.
9.46.53
प्रददौ पुरुषव्याघ्र वासुकिः पन्नगेश्वरः ।
एवं साध्याश्च रुद्राश्च वसवः पितरस्तथा ॥ ९.४६.५३ ॥
O Tiger unter den Menschen, Vāsuki, der Herr der Schlangen, gab sie; ebenso die Sādhyas, die Rudras, die Vasus und die Ahnen.
9.46.54
सागराः सरितश्चैव गिरयश्च महाबलाः ।
ददुः सेनागणाध्यक्षाञ्शूलपट्टसधारिणः ॥ ९.४६.५४ ॥
Die Meere, Flüsse und mächtigen Berge gaben Heerführer, Träger von Speeren und Schwertern.
9.46.55
दिव्यप्रहरणोपेतान्नानावेषविभूषितान् ।
शृणु नामानि चाप्येषां येऽन्ये स्कन्दस्य सैनिकाः ॥ ९.४६.५५ ॥
Höre auch die Namen der übrigen Krieger Skandas, die mit göttlichen Waffen ausgerüstet und mit mannigfachen Gewändern geschmückt sind.
9.46.56
विविधायुधसम्पन्नाश्चित्राभरणभूषिताः ।
शङ्कुकर्णो निकुम्भश्च पद्मः कुमुद एव च ॥ ९.४६.५६ ॥
Mit vielerlei Waffen versehen und mit wunderbarem Schmuck geziert: Śaṅkukarṇa, Nikumbha, Padma und Kumuda.
9.46.57
अनन्तो द्वादशभुजस्तथा कृष्णोपकृष्णकौ ।
घ्राणश्रवाः कपिस्कन्धः काञ्चनाक्षो जलन्धमः ॥ ९.४६.५७ ॥
Ananta mit zwölf Armen, ebenso Kṛṣṇa und Upakṛṣṇa, Ghrāṇaśravā, Kapiskandha, Kāñcanākṣa und Jalandhama.
9.46.58
अक्षः सन्तर्जनो राजन्कुनदीकस्तमोन्तकृत् ।
एकाक्षो द्वाशाक्षश्च तथैवैकजटः प्रभुः ॥ ९.४६.५८ ॥
O König: Akṣa, Santarjana, Kunadīka, der Vernichter der Finsternis, Ekākṣa, Dvāśākṣa, und ebenso der Herr Ekajaṭa.
9.46.59
सहस्रबाहुर्विकटो व्याघ्राक्षः क्षितिकम्पनः ।
पुण्यनामा सुनामा च सुचक्रः प्रियदर्शनः ॥ ९.४६.५९ ॥
Vikaṭa, der Tausendarmige; Vyāghrākṣa, Kṣitikampana, der Erdbeben-Erreger; Puṇyanāman, Sunāman, Sucakra und Priyadarśana.
9.46.60
परिश्रुतः कोकनदः प्रियमाल्यानुलेपनः ।
अजोदरो गजशिराः स्कन्धाक्षः शतलोचनः ॥ ९.४६.६० ॥
Der berühmte Kokanada, der Girlanden und Salben liebt; Ajodara, Gajaśirā, Skandhākṣa und Śatalocana, der Hundertäugige.
9.46.61
ज्वालाजिह्वः करालाक्षः शितिकेशो जटी हरिः ।
परिश्रुतः कोकनदः कृष्णकेशो जटाधरः ॥ ९.४६.६१ ॥
Flammenzüngig, mit furchtbaren Augen, dunkelhaarig, mit verfilztem Haar, Hari, berühmt, dem roten Lotos gleich, schwarzhaarig, Träger der Jaṭā.
9.46.62
चतुर्दंष्ट्रोऽष्टजिह्वश्च मेघनादः पृथुश्रवाः ।
विद्युताक्षो धनुर्वक्त्रो जाठरो मारुताशनः ॥ ९.४६.६२ ॥
Vierzähnig, achtzüngig, donnerstimmig, weithin berühmt, blitzäugig, bogenmündig, aus dem Leib geboren, Windesser.
9.46.63
उदाराक्षो रथाक्षश्च वज्रनाभो वसुप्रभः ।
समुद्रवेगो राजेन्द्र शैलकम्पी तथैव च ॥ ९.४६.६३ ॥
Großäugig, achsenhaft wie ein Wagen, nabelhaft wie der Donnerkeil, strahlend vom Reichtum, meerschnell, o König der Könige, bergerschütternd, ebenso.
9.46.64
वृषो मेषः प्रवाहश्च तथा नन्दोपनन्दकौ ।
धूम्रः श्वेतः कलिङ्गश्च सिद्धार्थो वरदस्तथा ॥ ९.४६.६४ ॥
Vṛṣa, Meṣa, Pravāha, ebenso Nanda und Upananda, Dhūmra, Śveta, Kaliṅga, Siddhārtha und auch Varada.
9.46.65
प्रियकश्चैव नन्दश्च गोनन्दश्च प्रतपवान् ।
आनन्दश्च प्रमोदश्च स्वस्तिको ध्रुवकस्तथा ॥ ९.४६.६५ ॥
Priyaka, Nanda, Gonanda, der mächtige Pratapavān, Ānanda, Pramoda, Svastika und ebenso Dhruvaka.
9.46.66
क्षेमवाहः सुवाहश्च सिद्धपात्रश्च भारत ।
गोव्रजः कनकापीडो महापारिषदेश्वरः ॥ ९.४६.६६ ॥
Kṣemavāha, Suvāha, Siddhapātra, o Bhārata, Govraja, Kanakāpīḍa, Herr des großen Gefolges.
9.46.67
गायनो हसनश्चैव बाणः खङ्गश्च वीर्यवान् ।
वैताली गतिताली च तथा कथकवातिकौ ॥ ९.४६.६७ ॥
Gāyana und Hasana, Bāṇa und der mächtige Khaḍga, Vaitālī und Gatitālī, und ebenso Kathaka und Vātika.
9.46.68
हंसजः पङ्कदिग्धाङ्गः समुद्रोन्मादनश्च ह ।
रणोत्कटः प्रहासश्च श्वेतसिद्धश्च नन्दनः ॥ ९.४६.६८ ॥
Haṃsaja, dessen Glieder mit Schlamm beschmiert sind, Samudronmādana, Raṇotkaṭa, Prahāsa, Śvetasiddha und Nandana.
9.46.69
कालकण्ठः प्रभासश्च तथा कुम्भाण्डकोदरः ।
कालकक्षः सितश्चैव भूतानां मथनस्तथा ॥ ९.४६.६९ ॥
Kālakaṇṭha, Prabhāsa, Kumbhāṇḍakodara, Kālakakṣa, Sita und der Zerstörer der Wesen.
9.46.70
यज्ञवाहः सुवाहश्च देवयाजी च सोमपः ।
मज्जानश्च महातेजाः क्रथक्राथौ च भारत ॥ ९.४६.७० ॥
Yajñavāha, Suvāha, der Verehrer der Götter, der Somatrinker, der überaus strahlende Majjāna, sowie Kratha und Krātha, o Bhārata.
9.46.71
तुहरश्च तुहारश्च चित्रदेवश्च वीर्यवान् ।
मधुरः सुप्रसादश्च किरीटी च महाबलः ॥ ९.४६.७१ ॥
Tuhara und Tuhāra, der mächtige Citradeva, Madhura und Suprasāda, und der Diademträger, der gewaltig Starke.
9.46.72
वत्सलो मधुवर्णश्च कलशोदर एव च ।
धर्मदो मन्मथकरः सूचीवक्त्रश्च वीर्यवान् ॥ ९.४६.७२ ॥
Vatsala, Madhuvarṇa und Kalaśodara, der Spender des Dharma, der Erreger des Verlangens, Sūcīvaktra und der Mächtige.
9.46.73
श्वेतवक्त्रः सुवक्त्रश्च चारुवक्त्रश्च पाण्डुरः ।
दण्डबाहुः सुबाहुश्च रजः कोकिलकस्तथा ॥ ९.४६.७३ ॥
Śvetavaktra, Suvaktra, Cāruvaktra und der Blasse Pāṇḍura; Daṇḍabāhu, Subāhu, Rajas und ebenso Kokilaka.
9.46.74
अचलः कनकाक्षश्च बालानामपि यः प्रभुः ।
सञ्चारकः कोकनदो गृध्रपत्रश्च जम्बुकः ॥ ९.४६.७४ ॥
Acala und Kanakākṣa, der sogar Herr der Kinder ist; Sañcāraka, Kokanada, Gṛdhrapatra und Jambuka.
9.46.75
लोहाजवक्त्रो जवनः कुम्भवक्त्रश्च कुम्भकः ।
स्वर्णग्रीवश्च कृष्णौजा हंसवक्त्रश्च चन्द्रभः ॥ ९.४६.७५ ॥
Lohājavaktra und der schnelle Javana, Kumbhavaktra und Kumbhaka, der goldhalsige Svarṇagrīva, Kṛṣṇaujā, der schwanengesichtige Haṃsavaktra und der mondglänzende Candrabha.
9.46.76
पाणिकूर्चाश्च शम्बूकः पञ्चवक्त्रश्च शिक्षकः ।
चाषवक्त्रक्ष जम्बूकः शाकवक्त्रश्च कुञ्जलः ॥ ९.४६.७६ ॥
Pāṇikūrca und Śambūka, Pañcavaktra und Śikṣaka, Cāṣavaktra, Jambūka, Śākavaktra und Kuñjala.
9.46.77
योगयोक्ता महात्मानः सततं ब्राह्मणप्रियाः ।
पैतामहा महात्मानो महापारिषदाश्च ये ॥ ९.४६.७७ ॥
Die großen Seelen, dem Yoga ergeben, stets den Brahmanen lieb, die großen Seelen des Großvaters und die großen Gefolgsleute.
9.46.78
यौवनस्थाश्च बालाश्च वृद्धाश्च जनमेजय ।
सहस्रशः पारिषदाः कुमारमुपतस्थिरे ॥ ९.४६.७८ ॥
O Janamejaya, die Jungen, die Kinder und die Alten, zu Tausenden, die Gefolgsleute warteten auf Kumāra auf.
9.46.79
वक्त्रैर्नानाविधैर्ये तु शृणु ताञ्चनमेजय ।
कूर्मकुक्कुटवक्त्राश्च शशोलूकमुखास्तथा ॥ ९.४६.७९ ॥
Höre, Janamejaya, von denen mit vielerlei Gesichtern: solche mit Schildkröten- und Hahnengesichtern, und ebenso solche mit Hasen- und Eulengesichtern.
9.46.80
खरोष्ट्रवदनाश्चान्ये वराहवदनास्तथा ।
मार्जारशशवक्ताश्च दीर्घवक्त्राश्च भारत ॥ ९.४६.८० ॥
Andere hatten Esels- und Kamelgesichter, ebenso solche mit Ebergesichtern; solche mit Katzen- und Hasengesichtern und auch solche mit langen Gesichtern, o Bhārata.
9.46.81
नकुलोलूकवक्त्राश्च काकवक्त्रास्तथा परे ।
आखुबभ्रुकवक्त्राश्च मयूरवदनास्तथा ॥ ९.४६.८१ ॥
Manche hatten Mungo- und Eulengesichter, ebenso Krähengesichter; andere hatten Ratten- und braune Gesichter, und auch Pfauengesichter.
9.46.82
मत्स्यमेषाननाश्चान्ये अजाविमहिषाननाः ।
ऋक्षशार्दूलवक्त्राश्च द्वीतिसिंहाननास्तथा ॥ ९.४६.८२ ॥
Manche hatten Fisch- und Widdergesichter, andere Ziegen-, Schaf- und Büffelgesichter; manche hatten Bären- und Tigergesichter, ebenso Leoparden- und Löwengesichter.
9.46.83
भीमा गजाननाश्चैव तथा नक्रमुखाश्च ये ।
गरुडाननाः कङ्कुमुखा वृककाकमुखास्तथा ॥ ९.४६.८३ ॥
Schreckliche, mit Elefantengesichtern, und solche mit Krokodilgesichtern; solche mit Garuḍa- und Reihergesichtern, und ebenso solche mit Wolfs- und Krähengesichtern.
9.46.84
गोखरोष्ट्रमुखाश्चान्ये वृषदंशमुखास्तथा ।
महाजठरपादाङ्गास्तारकाक्षाश्च भारत ॥ ९.४६.८४ ॥
Andere hatten Kuh-, Esels- und Kamelgesichter, ebenso Stier- und Bremsengesichter; mit großen Bäuchen, Füßen und Gliedern, und auch mit sternenhaften Augen, o Bhārata.
9.46.85
पारावतमुखाश्चान्ये तथा वृषमुखाः परे ।
कोकिलाभाननाश्चान्ये श्येनतित्तिरिकाननाः ॥ ९.४६.८५ ॥
Andere hatten Taubengesichter, wieder andere Stiergesichter; andere hatten kuckucksartige Gesichter, und andere Falken- und Rebhuhngesichter.
9.46.86
कृकलासमुखाश्चैव विरजोम्बरधारिणः ।
व्यालवक्त्राः शूलमुखाश्चण्डवक्त्राः शुभाननाः ॥ ९.४६.८६ ॥
Manche hatten Eidechsengesichter und trugen staubfarbene Gewänder; manche hatten Schlangenmäuler, Speergesichter, wilde und glückverheißende Gesichter.
9.46.87
आशीविषाश्चीरधरा गोनासावदनास्तथा ।
स्थूलोदराः कृशाङ्गाश्च स्थूलाङ्गाश्च कृशोदराः ॥ ९.४६.८७ ॥
Manche glichen giftigen Schlangen, trugen Lumpen und hatten Kuhschnauzengesichter; manche hatten dicke Bäuche und dünne Glieder, andere dicke Glieder und dünne Bäuche.
9.46.88
हस्वग्रीवा महाकर्णा नानाव्यालविभूषणाः ।
गजेन्द्रचर्मवसनास्तथा कृष्णाजिनाम्बराः ॥ ९.४६.८८ ॥
Sie hatten kurze Hälse und große Ohren, waren mit verschiedenen Schlangen geschmückt, in Elefantenhäute gekleidet und trugen Gewänder aus schwarzen Antilopenfellen.
9.46.89
स्कन्धेमुखा महाराज तथाप्युदरतोमुखाः ।
पृष्ठेमुखा हनुमुखास्तथा जङ्घामुखा अपि ॥ ९.४६.८९ ॥
O großer König, manche hatten Gesichter auf den Schultern und andere Gesichter am Bauch; manche hatten Gesichter am Rücken, andere am Kinn, und wieder andere an den Schienbeinen.
9.46.90
पार्श्वाननाश्च बहवो नानादेशमुखास्तथा ।
तथा कीटपतङ्गानां सदृशास्या गणेश्वराः ॥ ९.४६.९० ॥
Viele hatten Gesichter an den Seiten, und manche Gesichter verschiedener Länder; und die Herren der Gaṇas hatten Gesichter wie Insekten und Motten.
9.46.91
नानाव्यालमुखाश्चान्ये बहुबाहुशिरोधराः ।
नानावृक्षभुजाः केचित्कटिशीर्षास्तथा परे ॥ ९.४६.९१ ॥
Andere hatten Gesichter verschiedener Schlangen, und manche hatten viele Arme, Köpfe und Hälse. Manche hatten Arme wie verschiedene Bäume, und andere hatten Köpfe an den Hüften.
9.46.92
भुजङ्गभोगवदना नानागुल्मनिवासिनः ।
चीरसंवृतगात्राश्च नानाकनकवाससः ॥ ९.४६.९२ ॥
Manche hatten Gesichter wie Schlangenwindungen; sie wohnten in verschiedenen Dickichten. Ihre Körper waren mit Rindenkleidern bedeckt, und manche trugen verschiedene goldene Gewänder.
9.46.93
नानावेषधराश्चैव नानामाल्यानुलेपनाः ।
नानावस्त्रधराश्चैव चर्मवासस एव च ॥ ९.४६.९३ ॥
Sie trugen verschiedene Gewänder, geschmückt mit verschiedenen Girlanden und Salben. Sie trugen verschiedene Kleider, und auch Lederkleidung.
9.46.94
उष्णीषिणो मुकुटिनः सुग्रीवाश्च सुवर्चसः ।
किरीटिनः पञ्चशिखास्तथा काञ्चनमूर्धजाः ॥ ९.४६.९४ ॥
Sie trugen Turbane und Kronen, hatten schöne Hälse und waren strahlend. Manche trugen Diademe, manche hatten fünf Haarbüschel, und manche hatten goldenes Haar auf dem Kopf.
9.46.95
त्रिशिखा द्विशिखाश्चैव तथा सप्तशिखाः परे ।
शिखण्डिनो मुकुटिनो मुण्डाश्च जटिलास्तथा ॥ ९.४६.९५ ॥
Manche hatten drei Haarbüschel, manche zwei, und andere sieben. Manche trugen Kämme, manche Kronen, manche waren kahlköpfig, und manche hatten verfilztes Haar.
9.46.96
चित्रमालाधराः केचित्केचिद्रोमाननास्तथा ।
विग्रहैकरसा नित्यमजेताः सुरसत्तमैः ॥ ९.४६.९६ ॥
Manche trugen bunte Girlanden, und manche hatten behaarte Gesichter. Sie erfreuten sich nur am Kampf und waren stets unbesiegbar, selbst für die besten der Götter.
9.46.97
कृष्णा निर्मांसवक्त्राश्च दीर्घपृष्ठास्तनूदराः ।
स्थूलपृष्ठा हस्वपृष्ठाः प्रलम्बोदरमेहनाः ॥ ९.४६.९७ ॥
Einige waren dunkel, mit fleischlosen Gesichtern, langen Rücken und schlanken Bäuchen; andere hatten dicke oder kurze Rücken, mit herabhängenden Bäuchen und Gliedern.
9.46.98
महाभुजा हस्वभुजा हस्वगात्राश्च वामनाः ।
कुब्जाश्च हस्वजङ्घाश्च हस्तिकर्णशिरोधराः ॥ ९.४६.९८ ॥
Manche hatten große Arme, andere kurze; einige waren Zwerge, andere Buckel; manche hatten kurze Unterschenkel, andere Hälse wie Elefantenohren.
9.46.99
हस्तिनासाः कूर्मनासा वृकनासास्तथा परे ।
दीर्घोच्छ्वासा दीर्घजङ्घा विकराला ह्यधोमुखाः ॥ ९.४६.९९ ॥
Manche hatten Elefantennasen, andere Schildkrötennasen, wieder andere Wolfsnasen; andere atmeten tief, hatten lange Unterschenkel, waren schrecklich und hatten das Gesicht nach unten gewandt.
9.46.100
महादंष्ट्रा हस्वदंष्ट्राश्चतुर्दंष्ट्रास्तथा परे ।
वारमेन्द्रनिभाश्चान्ये भीमा राजन्सहस्रशः ॥ ९.४६.१०० ॥
Manche hatten große Fänge, andere kurze, wieder andere vier Fänge; andere glichen herrlichen Elefanten. O König, es gab Tausende solcher schrecklichen Wesen.
9.46.101
सुविभक्तशरीराश्च दीप्तिमन्तः स्वलङ्कृताः ।
पिङ्गाक्षाः शङ्कुकर्णाश्च रक्तनासाश्च भारत ॥ ९.४६.१०१ ॥
Manche hatten wohlproportionierte Körper, waren strahlend und prächtig geschmückt; andere hatten gelbbraune Augen, spitze Ohren und rote Nasen. O Bhārata.
9.46.102
पृथुदंष्ट्रा महादंष्ट्राः स्थूलौष्ठा हरिमूर्धजाः ।
नानापादौष्ठदंष्ट्राश्च नानाहस्तशिरोधराः ॥ ९.४६.१०२ ॥
Manche hatten breite Fänge, große Fänge, dicke Lippen und gelbbraunes Haar; manche hatten verschiedenartige Füße, Lippen und Fänge; manche hatten verschiedenartige Hände und Hälse.
9.46.103
नानाचर्मभिराच्छन्ना नानाभाषाश्च भारत ।
कुशला देशभाषासु जल्पन्तोऽन्योन्यमीश्वराः ॥ ९.४६.१०३ ॥
O Bhārata, sie waren mit verschiedenen Häuten bedeckt und sprachen viele Sprachen; jene Herren, geschickt in den Landessprachen, unterhielten sich miteinander.
9.46.104
हृष्टाः परिपतन्ति स्म महापारिषदास्तथा ।
दीर्घग्रीवा दीर्घनखा दीर्घपादशिरोभुजाः ॥ ९.४६.१०४ ॥
Erfreut stürzten sich auch jene großen Pāriṣada umher; sie hatten lange Hälse, lange Krallen und lange Beine, Köpfe und Arme.
9.46.105
पिङ्गाक्षा नीलकण्ठाश्च लम्बकर्णाश्च भारत ।
वृकोदरनिभाश्चैव केचिदञ्जनसन्निभाः ॥ ९.४६.१०५ ॥
O Bhārata, einige hatten gelbbraune Augen, blaue Kehlen und lange Ohren; einige glichen dem Bauch eines Wolfes, andere waren dunkel wie Kajal.
9.46.106
श्वेताक्षा लोहितग्रीवाः पिङ्गाक्षाश्च तथा परे ।
कल्माषा बहवो राजंश्चित्रवर्णाश्च भारत ॥ ९.४६.१०६ ॥
Einige hatten weiße Augen und rote Hälse, andere gelbbraune Augen. O König, o Bhārata, viele waren gefleckt und von vielfarbiger Färbung.
9.46.107
चामरापीडकनिभाः श्वेतलोहितराजयः ।
नानावर्णाः सवर्णाश्च मयूरसदृशप्रभाः ॥ ९.४६.१०७ ॥
Ähnlich Yakschwanz-Fächern und Girlanden, mit weißen und roten Streifen; von vielfältiger und auch einheitlicher Farbe, mit dem Glanz von Pfauen.
9.46.108
पुनः प्रहरणान्येषां कीर्त्यमानानि मे शृणु ।
शेषैः कृतः पारिषदैरायुधानां परिग्रहः ॥ ९.४६.१०८ ॥
Höre nun, wie ich ihre Waffen beschreibe: Die übrigen Gefolgsleute hatten die Waffen ergriffen.
9.46.109
पाशोद्यतकराः केचिद्व्यादितास्याः खराननाः ।
पृष्ठाक्षा नीलकण्ठाश्च तथा परिघबाहवः ॥ ९.४६.१०९ ॥
Einige hatten Schlingen in erhobenen Händen, offene Mäuler und Eselsgesichter, Augen am Rücken, blaue Kehlen und Arme wie eiserne Stangen.
9.46.110
शतघ्नीचक्रहस्ताश्च तथा मुसलपाणयः ।
असिमुद्ग्ररहस्ताश्च दण्डहस्ताश्च भारत ॥ ९.४६.११० ॥
Mit Hundertmördern und Scheiben in den Händen, mit Keulen in den Händen, mit Schwertern und Streitkolben in den Händen und mit Stäben in den Händen, o Bhārata.
9.46.111
गदाभुशुण्डिहस्ताश्च तथा तोमरपाणयः ।
आयुधैर्विविधैर्घोरैर्महात्मानो महाजवाः ॥ ९.४६.१११ ॥
Mit Keulen und Bhuśuṇḍī-Wurfspießen in den Händen, mit Lanzen in den Händen, bewaffnet mit verschiedenen schrecklichen Waffen, großseelig und von großer Schnelligkeit.
9.46.112
महाबला महावेगा महापारिषदास्तथा ।
अभिषेकं कुमारस्य दृष्ट्वा हृष्टा रणप्रियाः ॥ ९.४६.११२ ॥
Von großer Kraft, von großer Schnelligkeit, auch die großen Gefolgsleute, erfreut über die Salbung des Prinzen, kampfliebend.
9.46.113
घण्टाजालपिनद्धाङ्गा ननृतुस्ते महौजसः ।
एते चान्ये च बहवो महापारिषदा नृप ॥ ९.४६.११३ ॥
Mit Glöckchennetzen um die Glieder gebunden, tanzten jene Kraftvollen. Diese und viele andere große Gefolgsleute, o König.
9.46.114
उपतस्थुर्महात्मानं कार्तिकेयं यशस्विनम् ।
दिव्याश्चाप्यान्तरिक्षाश्च पार्थिवाश्चानिलोपमाः ॥ ९.४६.११४ ॥
Sie wiesen dem großseligen, ruhmreichen Kārtikeya ihre Aufwartung: göttliche Wesen, Wesen des Himmels und irdische Wesen, schnell wie der Wind.
9.46.115
व्यादिष्टा दैवतैः शूराः स्कन्दस्यानुचराऽभवन् ।
तादृशानां सहस्राणि प्रयुतान्यर्बुदानि च।
अभिषिक्तं महात्मानं परिवार्योपतस्थिरे ॥ ९.४६.११५ ॥
Von den Göttern beauftragte Helden wurden Skandas Gefolgsleute. Tausende, Hunderttausende und Millionen solcher Krieger umringten den großherzigen, gesalbten Herrn und standen in seinem Dienst.