ヴァールミーキのラーマーヤナ · サルガ 1.11
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.11.1
भूय एव हि राजेन्द्र शृणु मे वचनं हितम् ।
यथा स देवप्रवरः कथयामास बुद्धिमान् ॥ १.११.१ ॥
王の中の王よ、再び私の有益な言葉を聞きなさい。かの賢明な神々の第一人者が語ったように。
1.11.2
इक्ष्वाकूणां कुले जातो भविष्यति सुधार्मिकः ।
नाम्ना दशरथो राजा श्रीमान् सत्यप्रतिश्रवः ॥ १.११.२ ॥
イクシュヴァーク家に、名をダシャラタという非常に正しい王が生まれるでしょう。栄光に満ち、約束に誠実な王です。
1.11.3
अङ्गराजेन सख्यं च तस्य राज्ञो भविष्यति ।
कन्या चास्य महाभागा शान्ता नाम भविष्यति ॥ १.११.३ ॥
その王はアンガ国の王と友となり、そして非常に幸運な娘で、シャーンター という名の娘を持つでしょう。
1.11.4
पुत्रस्त्वङ्गस्य राज्ञस्तु रोमपाद इति श्रुतः ।
तं स राजा दशरथो गमिष्यति महायशाः ॥ १.११.४ ॥
アンガ王の息子はロマパーダとして知られるでしょう。そこへ大いに名高いダシャラタ王が赴くでしょう。
1.11.5
अनपत्योऽस्मि धर्मात्मञ्छान्ताभर्ता मम क्रतुम् ।
आहरेत त्वयाज्ञप्तः संतानार्थं कुलस्य च ॥ १.११.५ ॥
正しき者よ、私には子がありません。あなたの命により、シャーンターの夫に私のために祭儀を行わせてください。子孫と家系のために。
1.11.6
श्रुत्वा राज्ञोऽथ तद् वाक्यं मनसा स विचिन्त्य च ।
प्रदास्यते पुत्रवन्तं शान्ता भर्तारमात्मवान् ॥ १.११.६ ॥
王の言葉を聞き、心の中で考えた後、自制心のあるロマパーダは、息子を授かる夫とともにシャーンターを与えるでしょう。
1.11.7
प्रतिगृह्य च तं विप्रं स राजा विगतज्वरः ।
आहरिष्यति तं यज्ञं प्रहृष्टेनान्तरात्मना ॥ १.११.७ ॥
そのバラモンを迎え入れた後、憂いの去った王は、喜ばしい心でその祭祀を執り行うであろう。
1.11.8
तं च राजा दशरथो यशस्कामः कृताञ्जलिः ।
ऋष्यशृङ्गं द्विजश्रेष्ठं वरयिष्यति धर्मवित् ॥ १.११.८ ॥
名声を望み、法を知る王ダシャラタは、合掌して、再生者の中で最もすぐれたリシュヤシュリンガを招くであろう。
1.11.9
यज्ञार्थं प्रसवार्थं च स्वर्गार्थं च नरेश्वरः ।
लभते च स तं कामं द्विजमुख्याद् विशाम्पतिः ॥ १.११.९ ॥
祭祀のため、子のため、天界のために、その人の主、民の主は、再生者の首位からその願いを得るであろう。
1.11.10
पुत्राश्चास्य भविष्यन्ति चत्वारोऽमितविक्रमाः ।
वंशप्रतिष्ठानकराः सर्वभूतेषु विश्रुताः ॥ १.११.१० ॥
彼には無量の勇猛さを持つ四人の息子が生まれるであろう。彼らは血統を確立し、あらゆる生き物の間で名高くなるであろう。
1.11.11
एवं स देवप्रवरः पूर्वं कथितवान् कथाम् ।
सनत्कुमारो भगवान् पुरा देवयुगे प्रभुः ॥ १.११.११ ॥
このように、かつて神々の時代に、神々の中の最上の者、尊いプラブ・サナトクマーラがこの物語を語られた。
1.11.12
स त्वं पुरुषशार्दूल समानय सुसत्कृतम् ।
स्वयमेव महाराज गत्वा सबलवाहनः ॥ १.११.१२ ॥
人中の虎よ、大王よ。あなた自身が軍勢と乗り物を率いて行き、この方を丁重にお迎えしてください。
1.11.13
सुमन्त्रस्य वचः श्रुत्वा हृष्टो दशरथोऽभवत् ।
अनुमान्य वसिष्ठं च सूतवाक्यं निशाम्य च ॥ १.११.१३ ॥
スマントラの言葉を聞いて、ダシャラタは喜んだ。ヴァシシュタに相談し、御者の言葉を考え合わせて、
1.11.14
सान्तःपुरः सहामात्यः प्रययौ यत्र स द्विजः ।
वनानि सरितश्चैव व्यतिक्रम्य शनैः शनैः ॥ १.११.१४ ॥
後宮と大臣たちとともに、そのバラモンのいる所へ出発し、森と川をゆっくりと越えていった。
1.11.15
अभिचक्राम तं देशं यत्र वै मुनिपुङ्गवः ।
आसाद्य तं द्विजश्रेष्ठं रोमपादसमीपगम् ॥ १.११.१५ ॥
その最高の聖仙のいる地方へ向かい、ロマパーダの近くに行っていたその最高の再生族の所に着いて、
1.11.16
ऋषिपुत्रं ददर्शाथो दीप्यमानमिवानलम् ।
ततो राजा यथायोग्यं पूजां चक्रे विशेषतः ॥ १.११.१६ ॥
そして彼は火のように輝く聖仙の子を見た。そこで王は、ふさわしく、特に丁重に礼拝した。
1.11.17
सखित्वात्तस्य वै राज्ञः प्रहृष्टेनान्तरात्मना ।
रोमपादेन चाख्यातमृषिपुत्राय धीमते ॥ १.११.१७ ॥
王との友情のゆえに、喜ぶ心でロマパーダは、その賢い聖仙の子に告げた。
1.11.18
सख्यं सम्बन्धकं चैव तदा तं प्रत्यपूजयत् ।
एवं सुसत्कृतस्तेन सहोषित्वा नरर्षभः ॥ १.११.१८ ॥
友情と縁故のゆえに、その時彼もまた彼を敬った。こうして彼によって手厚くもてなされ、その人中の最高者は彼と共に住んだ。
1.11.19
सप्ताष्टदिवसान् राजा राजानमिदमब्रवीत् ।
शान्ता तव सुता राजन् सह भर्त्रा विशाम्पते ॥ १.११.१९ ॥
七、八日が過ぎたのち、王は別の王にこう言った。王よ、あなたの娘シャーンターは夫とともに安らかにしています、民の主よ。
1.11.20
मदीयं नगरं यातु कार्यं हि महदुद्यतम् ।
तथेति राजा संश्रुत्य गमनं तस्य धीमतः ॥ १.११.२० ॥
彼を我が都に来させよ、大事が目前にあるのだ。「そうしよう」と言って、王はあの賢者の出立を承諾した。
1.11.21
उवाच वचनं विप्रं गच्छ त्वं सह भार्यया ।
ऋषिपुत्रः प्रतिश्रुत्य तथेत्याह नृपं तदा ॥ १.११.२१ ॥
彼はバラモンに言った、「妻とともに行け」。すると仙人の子は承諾し、王に「そうしましょう」と言った。
1.11.22
स नृपेणाभ्यनुज्ञातः प्रययौ सह भार्यया ।
तावन्योन्याञ्जलिं कृत्वा स्नेहात्संश्लिष्य चोरसा ॥ १.११.२२ ॥
王の許しを得て、彼は妻とともに出発した。二人は互いに合掌し、愛情から胸と胸を合わせて抱き合った。
1.11.23
ननन्दतुर्दशरथो रोमपादश्च वीर्यवान् ।
ततः सुहृदमापृच्छ्य प्रस्थितो रघुनन्दनः ॥ १.११.२३ ॥
ダシャラタと力強いローマパーダは共に喜んだ。その後、友に別れを告げて、ラグの歓喜であるラーマは出立した。
1.11.24
पौरेषु प्रेषयामास दूतान् वै शीघ्रगामिनः ।
क्रियतां नगरं सर्वं क्षिप्रमेव स्वलंकृतम् ॥ १.११.२४ ॥
彼は市民のもとへ足の速い使者を送った。「町全体を速やかに美しく飾れ。」
1.11.25
धूपितं सिक्तसम्मृष्टं पताकाभिरलंकृतम् ।
ततः प्रहृष्टाः पौरास्ते श्रुत्वा राजानमागतम् ॥ १.११.२५ ॥
香をたき、水を撒き、念入りに掃除され、旗で飾られた。王が来られると聞いて、町の人々は大いに喜んだ。
1.11.26
तथा चक्रुश्च तत् सर्वं राज्ञा यत् प्रेषितं तदा ।
ततः स्वलंकृतं राजा नगरं प्रविवेश ह ॥ १.११.२६ ॥
王に命じられたことはすべて彼らが行った。こうして王は美しく飾られた都に入られた。
1.11.27
शङ्खदुन्दुभिनिर्ह्रादैः पुरस्कृत्वा द्विजर्षभम् ।
ततः प्रमुदिताः सर्वे दृष्ट्वा वै नागरा द्विजम् ॥ १.११.२७ ॥
法螺と太鼓の轟きの中、最上のバラモンを先頭に立てて。すると市民たちは皆、そのバラモンを見て大いに喜んだ。
1.11.28
प्रवेश्यमानं सत्कृत्य नरेन्द्रेणेन्द्रकर्मणा ।
यथा दिवि सुरेन्द्रेण सहस्राक्षेण काश्यपम् ॥ १.११.२८ ॥
インドラに等しい行いの王によって敬意をもって内へ導かれる——天で千眼の神々の主が迦葉を敬うように。
1.11.29
अन्तःपुरं प्रवेश्यैनं पूजां कृत्वा तु शास्त्रतः ।
कृतकृत्यं तदात्मानं मेने तस्योपवाहनात् ॥ १.११.२९ ॥
彼を奥の宮殿へ導き、聖典に従って供養を行い、その輿を担いだことで、王は自らの務めを成し遂げたと思った。
1.11.30
अन्तःपुराणि सर्वाणि शान्तां दृष्ट्वा तथागताम् ।
सह भर्त्रा विशालाक्षीं प्रीत्यानन्दमुपागमन् ॥ १.११.३० ॥
すべての奥の間の人々は、夫と共にやって来た大きな目のシャーンターを見て、愛情から喜びを得た。
1.11.31
पूज्यमाना तु ताभिः सा राज्ञा चैव विशेषतः ।
उवास तत्र सुखिता कञ्चित् कालं सहद्विजा ॥ १.११.३१ ॥
皆から、とりわけ王から敬われ、彼女はそこでバラモンたちと共に、しばらくの間幸せに暮らした。