رامايانا فالميكي · السارغا 1.3
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.3.1
श्रुत्वा वस्तु समग्रं तद्धर्मार्थसहितं हितम् ।
व्यक्तमन्वेषते भूयो यद् वृत्तं तस्य धीमतः ॥ १.३.१ ॥
بعد أن سمع الرواية كاملةً، المقرونة بالدارما والغاية والنافعة، يتقصّى من جديد وبوضوح سيرة ذلك الحكيم.
1.3.2
उपस्पृश्योदकं सम्यङ्मुनिः स्थित्वा कृताञ्जलिः ।
प्राचीनाग्रेषु दर्भेषु धर्मेणान्वेषते गतिम् ॥ १.३.२ ॥
بعد أن يتطهر بالماء على الوجه الصحيح، واقفًا وكفاه مضمومتان، جالسًا على عشب الكوشا وأطرافه نحو الشرق، يبحث الحكيم عن مصيره بالدارما.
1.3.3
रामलक्ष्मणसीताभी राज्ञा दशरथेन च ।
सभार्येण सराष्ट्रेण यत् प्राप्तं तत्र तत्त्वतः ॥ १.३.३ ॥
ما جرى هناك لرامة ولكشمانا وسيتا، وللملك داشاراتا مع زوجته ومملكته، كل ذلك على حقيقته.
1.3.4
हसितं भाषितं चैव गतिर्यावच्च चेष्टितम् ।
तत् सर्वं धर्मवीर्येण यथावत् संप्रपश्यति ॥ १.३.४ ॥
بقوة الدارما يرى كاملًا كما كان بالضبط كل ضحكة وكلمة ومشية وفعل.
1.3.5
स्त्रीतृतीयेन च तथा यत् प्राप्तं चरता वने ।
सत्यसन्धेन रामेण तत् सर्वं चान्ववैक्षत ॥ १.३.५ ॥
وما جرى لراما صادق العهد وهو يتجول في الغابة مع زوجته كثالث، كل ذلك أيضًا تفحّصه.
1.3.6
ततः पश्यति धर्मात्मा तत् सर्वं योगमास्थितः ।
पुरा यत् तत्र निर्वृत्तं पाणावामलकं यथा ॥ १.३.६ ॥
ثم يرى ذو النفس البارة، المستقر في اليوغا، كل ما جرى هناك من قبل، كما يُرى ثمر الآمالاكا في راحة اليد.
1.3.7
तत् सर्वं तत्त्वतो दृष्ट्वा धर्मेण स महामतिः ।
अभिरामस्य रामस्य तत् सर्वं कर्तुमुद्यतः ॥ १.३.७ ॥
وبعد أن رأى كل ذلك على حقيقته بالدهارما، عزم الحكيم عظيم العقل على تأليف سيرة راما البهي كلها.
1.3.8
कामार्थगुणसंयुक्तं धर्मार्थगुणविस्तरम् ।
समुद्रमिव रत्नाढ्यं सर्वश्रुतिमनोहरम् ॥ १.३.८ ॥
المزدان بصفات الرغبة والثروة، الواسع بصفات الدهارما والثروة، الغني بالجواهر كالبحر، الساحر لقلوب كل من يسمعه.
1.3.9
स यथा कथितं पूर्वं नारदेन महात्मना ।
रघुवंशस्य चरितं चकार भगवान् मुनिः ॥ १.३.९ ॥
كما رواه من قبل الحكيم العظيم نارادا، ألّف المبارك الحكيم سيرة سلالة رغو.
1.3.10
जन्म रामस्य सुमहद्वीर्यं सर्वानुकूलताम् ।
लोकस्य प्रियतां क्षान्तिं सौम्यतां सत्यशीलताम् ॥ १.३.१० ॥
ميلاد راما، وشجاعته العظيمة، ومودته لكل أحد، وكونه محبوبًا في العالم، وصبره ولطفه وطبعه الصادق.
1.3.11
नाना चित्राः कथाश्चान्या विश्वामित्रसहायने ।
जानक्याश्च विवाहं च धनुषश्च विभेदनम् ॥ १.३.११ ॥
حكايات عجيبة كثيرة في صحبة فشفاميترا وغيرها، وزواج جانكي وكسر القوس.
1.3.12
रामरामविवादं च गुणान् दाशरथेस्तथा ।
तथाभिषेकं रामस्य कैकेय्या दुष्टभावताम् ॥ १.३.१२ ॥
الخصومة بين الراميْن، وفضائل ابن داشاراتا، وتتويج راما، وسوء نية كايكيي.
1.3.13
विघातं चाभिषेकस्य रामस्य च विवासनम् ।
राज्ञः शोकं विलापं च परलोकस्य चाश्रयम् ॥ १.३.१३ ॥
عرقلة تتويج راما، ونفيه، وحزن الملك وندبه، ومضيّه نحو العالم الآخر.
1.3.14
प्रकृतीनां विषादं च प्रकृतीनां विसर्जनम् ।
निषादाधिपसंवादं सूतोपावर्तनं तथा ॥ १.३.१४ ॥
حزن الناس وصرفهم، والحديث مع سيّد النِّشادا، وعودة السائق.
1.3.15
गङ्गायाश्चापि संतारं भरद्वाजस्य दर्शनम् ।
भरद्वाजाभ्यनुज्ञानाच्चित्रकूटस्य दर्शनम् ॥ १.३.१५ ॥
عبور الغانج ولقاء بهارادفاجا، وبإذن بهارادفاجا رؤية تشيتراكوتا.
1.3.16
वास्तुकर्म निवेशं च भरतागमनं तथा ।
प्रसादनं च रामस्य पितुश्च सलिलक्रियाम् ॥ १.३.१६ ॥
بناء المسكن والاستقرار فيه، ومجيء بهاراتا، وتهدئة راما، وطقس الماء للأب.
1.3.17
पादुकाग्र्याभिषेकं च नन्दिग्रामनिवासनम् ।
दण्डकारण्यगमनं विराधस्य वधं तथा ॥ १.३.१७ ॥
تتويج النعلين الفاخرتين والإقامة في ناندي غراما، والذهاب إلى غابة دانداكا، وقتل فيراضا.
1.3.18
दर्शनं शरभङ्गस्य सुतीक्ष्णेन समागमम्
अनसूयासमाख्यां च अङ्गरागस्य चार्पणम् ॥ १.३.१८ ॥
رؤية شارابهانغا، واللقاء بسوتيكشنا، وذكر أنسويا، وتقديم دهن الجسد العطري.
1.3.19
दर्शनं चाप्यगस्त्यस्य धनुषो ग्रहणं तथा ।
शूर्पणख्याश्च संवादं विरूपकरणं तथा ॥ १.३.१९ ॥
وكذلك لقاء أغستيا وأخذ القوس، وكذلك الحوار مع شورباناخا وتشويه خلقتها.
1.3.20
वधं खरत्रिशिरसोरुत्थानं रावणस्य च ।
मारीचस्य वधं चैव वैदेह्या हरणं तथा ॥ १.३.२० ॥
قتل خرا وتريشيراس، ونهوض راڤانا، وقتل ماريتشا، وكذلك اختطاف فايدهي.
1.3.21
राघवस्य विलापं च गृध्रराजनिबर्हणम् ।
कबन्धदर्शनं चैव पम्पायाश्चापि दर्शनम् ॥ १.३.२१ ॥
نحيب راغافا، وقتل ملك النسور (جاتايو)، ورؤية كبندها، وكذلك رؤية بامبا.
1.3.22
शबरीदर्शनं चैव फलमूलाशनं तथा ।
प्रलापं चैव पम्पायां हनूमद्दर्शनं तथा ॥ १.३.२२ ॥
رؤية شبري، وأكل الثمار والجذور، والنحيب عند بامبا، وكذلك لقاء هانومان.
1.3.23
ऋष्यमूकस्य गमनं सुग्रीवेण समागमम् ।
प्रत्ययोत्पादनं सख्यं वालिसुग्रीवविग्रहम् ॥ १.३.२३ ॥
الذهاب إلى ريشياموكا، واللقاء بسوغريفا، وبعث الثقة، والصداقة، وخصام فالي وسوغريفا.
1.3.24
वालिप्रमथनं चैव सुग्रीवप्रतिपादनम्
ताराविलापं समयं वर्षरात्रनिवासनम् ॥ १.३.२४ ॥
قتل فالي، وتنصيب سوغريفا، ونحيب تارا، والعهد، والإقامة في ليالي موسم الأمطار.
1.3.25
कोपं राघवसिंहस्य बलानामुपसंग्रहम्
दिशः प्रस्थापनं चैव पृथिव्याश्च निवेदनम् ॥ १.३.२५ ॥
غضب أسد آل راغو (راما)، وحشد الجيوش، وإرسال الرسل إلى الجهات، والإخبار عن الأرض.
1.3.26
अङ्गुलीयकदानं च ऋक्षस्य बिलदर्शनम्
प्रायोपवेशनं चैव संपातेश्चापि दर्शनम् ॥ १.३.२६ ॥
إعطاء الخاتم، واكتشاف كهف الدب، والجلوس للصيام حتى الموت، ومشاهدة سمباتي.
1.3.27
पर्वतारोहणं चैव सागरस्यापि लङ्घनम्
समुद्रवचनाच्चैव मैनाकस्य च दर्शनम् ॥ १.३.२७ ॥
وصعود الجبل، وعبور المحيط قفزًا؛ بكلام المحيط، ومشاهدة مينَاكا.
1.3.28
राक्षसीतर्जनं चैव च्छायाग्राहस्य दर्शनम्
सिंहिकायाश्च निधनं लङ्कामलयदर्शनम् ॥ १.३.२८ ॥
وتوبيخ الشيطانة، ومشاهدة من يقبض على الظل؛ وقتل سيمهيكا، ومشاهدة جبل لانكا.
1.3.29
रात्रौ लङ्काप्रवेशं च एकस्यापि विचिन्तनम्
आपानभूमिगमनमवरोधस्य दर्शनम् ॥ १.३.२९ ॥
ليلًا، دخول لانكا وتأمل الواحد وحده؛ الذهاب إلى موضع الشراب، ومشاهدة أجنحة النساء.
1.3.30
दर्शनं रावणस्यापि पुष्पकस्य च दर्शनम्
अशोकवनिकायानं सीतायाश्चापि दर्शनम् ॥ १.३.३० ॥
مشاهدة راوانا، ومشاهدة مركبة بوشباكا أيضًا؛ والذهاب إلى بستان أشوكا، ومشاهدة سيتا أيضًا.
1.3.31
अभिज्ञानप्रदानं च सीतायाश्चापि भाषणम्
राक्षसीतर्जनं चैव त्रिजटास्वप्नदर्शनम् ॥ १.३.३१ ॥
تسليم علامة التعرف، والحديث مع سيتا، وتهديدات الراكشاسيات، وحلم تريجاتا.
1.3.32
मणिप्रदानं सीताया वृक्षभङ्गं तथैव च
राक्षसीविद्रवं चैव किंकराणां निबर्हणम् ॥ १.३.३२ ॥
تسليم سيتا للجوهرة، وكسر الأشجار، وفرار الراكشاسيات، وقتل أتباع راڤانا.
1.3.33
ग्रहणं वायुसूनोश्च लङ्कादाहाभिगर्जनम्
प्रतिप्लवनमेवाथ मधूनां हरणं तथा ॥ १.३.३३ ॥
أسر ابن الريح، وإحراق لانكا وزئيره، والوثب عائداً، ونهب بستان العسل.
1.3.34
राघवाश्वासनं चैव मणिनिर्यातनं तथा
संगमं च समुद्रेण नलसेतोश्च बन्धनम् ॥ १.३.३४ ॥
تعزية راغافا، وتسليم الجوهرة، واللقاء بالبحر، وبناء جسر ناله.
1.3.35
प्रतारं च समुद्रस्य रात्रौ लङ्कावरोधनम्
विभीषणेन संसर्गं वधोपायनिवेदनम् ॥ १.३.३५ ॥
عبور المحيط، وحصار لانكا ليلاً، والاتصال بفيبهيشانا، وإخباره بوسائل القتل.
1.3.36
कुम्भकर्णस्य निधनं मेघनादनिबर्हणम्
रावणस्य विनाशं च सीतावाप्तिमरेः पुरे ॥ १.३.३६ ॥
موت كومباكارنا، ومقتل ميغناداً، وهلاك راڤانا، واستعادة سيتا في مدينة العدو.
1.3.37
बिभीषणाभिषेकं च पुष्पकस्य च दर्शनम्
अयोध्यायाश्च गमनं भरद्वाजसमागमम् ॥ १.३.३७ ॥
تتويج بيبهيشانا، ورؤية المركبة بوشبكا، والرحيل إلى أيوديا، ولقاء بهاراداڤاجا.
1.3.38
प्रेषणं वायुपुत्रस्य भरतेन समागमम्
रामाभिषेकाभ्युदयं सर्वसैन्यविसर्जनम्
स्वराष्ट्ररञ्जनं चैव वैदेह्याश्च विसर्जनम् ॥ १.३.३८ ॥
إرسال ابن الريح، ولقاء بهاراتا، وازدهار تتويج راما، وتسريح جميع الجيوش، وإسعاد مملكته، وفراق فايدهي.
1.3.39
अनागतं च यत् किंचिद् रामस्य वसुधातले
तच्चकारोत्तरे काव्ये वाल्मीकिर्भगवानृषिः ॥ १.३.३९ ॥
ما كان لراما أن يحدث بعد على الأرض، فقد ألّفه الحكيم الجليل فالميكي في الملحمة اللاحقة.