ヴァールミーキのラーマーヤナ · サルガ 1.6
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
1.6.1
तस्यां पुर्यामयोध्यायां वेदवित् सर्वसंग्रहः ।
दीर्घदर्शी महातेजाः पौरजानपदप्रियः ॥ १.६.१ ॥
そのアヨーディヤー市には、ヴェーダに通じ、万物を集める者、遠くを見通し、大いなる威光を持ち、市民と地方の人々に愛された（王ダシャラタ）がいた。
1.6.2
इक्ष्वाकूणामतिरथो यज्वा धर्मपरो वशी ।
महर्षिकल्पो राजर्षिस्त्रिषु लोकेषु विश्रुतः ॥ १.६.२ ॥
イクシュヴァーク族の偉大な戦車の勇士、供犠を行う者、ダルマに専念し、自制した者、大仙のごとき、三界に名高い王仙であった。
1.6.3
बलवान् निहतामित्रो मित्रवान् विजितेन्द्रियः ।
धनैश्च संचयैश्चान्यैः शक्रवैश्रवणोपमः ॥ १.६.३ ॥
彼は力強く、敵を討ち、友に恵まれ、感覚を制した者であり、富と蓄えその他において、インドラやヴァイシュラヴァナ（クベーラ）に等しかった。
1.6.4
यथा मनुर्महातेजा लोकस्य परिरक्षिता ।
तथा दशरथो राजा लोकस्य परिरक्षिता ॥ १.६.४ ॥
偉大な輝きを持つマヌが世界の守護者であったように、王ダシャラタもまた世界の守護者であった。
1.6.5
तेन सत्याभिसंधेन त्रिवर्गमनुतिष्ठता ।
पालिता सा पुरी श्रेष्ठा इन्द्रेणेवामरावती ॥ १.६.५ ॥
真実の誓いを立て、三つの目的（ダルマ・アルタ・カーマ）を実践する彼によって、そのすぐれた都は、インドラによるアマラーヴァティーのように守られていた。
1.6.6
तस्मिन् पुरवरे हृष्टा धर्मात्मानो बहुश्रुताः ।
नरास्तुष्टा धनैः स्वैः स्वैरलुब्धाः सत्यवादिनः ॥ १.६.६ ॥
そのすぐれた都には、喜びに満ち、ダルマの心を持ち、よく学んだ人々が住んでいた。各々が自分の富に満足し、貪欲でなく、真実を語った。
1.6.7
नाल्पसंनिचयः कश्चिदासीत् तस्मिन् पुरोत्तमे ।
कुटुम्बी यो ह्यसिद्धार्थोऽगवाश्वधनधान्यवान् ॥ १.६.७ ॥
その最良の都には、蓄えの少ない者は一人もおらず、家長で牛・馬・富・穀物を欠く者もいなかった。
1.6.8
कामी वा न कदर्यो वा नृशंसः पुरुषः क्वचित् ।
द्रष्टुं शक्यमयोध्यायां नाविद्वान् न च नास्तिकः ॥ १.६.८ ॥
アヨーディヤーでは、欲にふける者、けちな者、残酷な者はどこにも見られず、無学な者や無神論者も見られなかった。
1.6.9
सर्वे नराश्च नार्यश्च धर्मशीलाः सुसंयताः ।
मुदिताः शीलवृत्ताभ्यां महर्षय इवामलाः ॥ १.६.९ ॥
そこの男も女も皆、法を愛し、よく自制し、善き性格と振る舞いによって喜び、偉大な聖仙のように清らかであった。
1.6.10
नाकुण्डली नामुकुटी नास्रग्वी नाल्पभोगवान् ।
नामृष्टो न नलिप्ताङ्गो नासुगन्धश्च विद्यते ॥ १.६.१० ॥
そこでは、耳飾りのない者、冠のない者、花環のない者、享楽の少ない者、汚れた者、身体に香油を塗らない者、香りのない者は見られなかった。
1.6.11
नामृष्टभोजी नादाता नाप्यनङ्गदनिष्कधृक् ।
नाहस्ताभरणो वापि दृश्यते नाप्यनात्मवान् ॥ १.६.११ ॥
そこでは、不浄な食べ物を食べる者、施しをしない者、腕輪や金の首飾りを着けない者、手に飾りのない者、自制のない者は見られなかった。
1.6.12
नानाहिताग्निर्नायज्वा न क्षुद्रो वा न तस्करः ।
कश्चिदासीदयोध्यायां न चार्वृत्तो न संकरः ॥ १.६.१२ ॥
アヨーディヤーには、聖火を灯さぬ者、供犠をせぬ者、卑しい者や盗賊、品行の乱れた者、混血の種姓の者はいなかった。
1.6.13
स्वकर्मनिरता नित्यं ब्राह्मणा विजितेन्द्रियाः ।
दानाध्ययनशीलाश्च संयताश्च प्रतिग्रहे ॥ १.६.१३ ॥
そこのバラモンたちは常に自らの務めに専念し、感覚を制御し、布施と学習を喜び、布施を受けるにも節度を保っていた。
1.6.14
नास्तिको नानृती वापि न कश्चिदबहुश्रुतः ।
नासूयको न चाशक्तो नाविद्वान् विद्यते क्वचित् ॥ १.६.१४ ॥
無神論者も、嘘つきも、学の浅い者も、嫉妬深い者も、無能な者も、無知な者も、どこにも見当たらなかった。
1.6.15
नाषडङ्गविदत्रास्ति नाव्रतो नासहस्रदः ।
न दीनः क्षिप्तचित्तो वा व्यथितो वापि कश्चन ॥ १.६.१५ ॥
ここには六つのヴェーダの補助学に通じない者はおらず、誓戒を怠る者も、千の布施を行わない者もいなかった。また、貧しい者、心の乱れた者、苦しむ者もいなかった。
1.6.16
कश्चिन्नरो वा नारी वा नाश्रीमान् नाप्यरूपवान् ।
द्रष्टुं शक्यमयोध्यायां नापि राजन्यभक्तिमान् ॥ १.६.१६ ॥
アヨーディヤーでは、輝きを欠く者、容姿の醜い者、王への忠誠を持たぬ者は、男にも女にも見ることはできなかった。
1.6.17
वर्णेष्वग्र्यचतुर्थेषु देवतातिथिपूजकाः ।
कृतज्ञाश्च वदान्याश्च शूरा विक्रमसंयुताः ॥ १.६.१७ ॥
四つのヴァルナのうち、最上位の者たちと第四の者たちは、神々と客人を敬い、恩を知り、寛大で、勇敢で武勇に満ちていた。
1.6.18
दीर्घायुषो नराः सर्वे धर्मं सत्यं च संश्रिताः ।
सहिताः पुत्रपौत्रैश्च नित्यं स्त्रीभिः पुरोत्तमे ॥ १.६.१८ ॥
その優れた都では、人々は皆長寿で、ダルマと真実に依拠し、常に息子や孫、妻たちと共に暮らしていた。
1.6.19
क्षत्रं ब्रह्ममुखं चासीद् वैश्याः क्षत्रमनुव्रताः ।
शूद्राः स्वधर्मनिरतास्त्रीन् वर्णानुपचारिणः ॥ १.६.१९ ॥
クシャトリヤはバラモンを顔とし、ヴァイシャはクシャトリヤに従い、シュードラは自らの義務に励み、三つの階級に仕えた。
1.6.20
सा तेनेक्ष्वाकुनाथेन पुरी सुपरिरक्षिता ।
यथा पुरस्तान्मनुना मानवेन्द्रेण धीमता ॥ १.६.२० ॥
イクシュヴァーク家の主はその都を、かつて賢明な人の王マヌが守ったように、よく守った。
1.6.21
योधानामग्निकल्पानां पेशलानाममर्षिणाम् ।
सम्पूर्णा कृतविद्यानां गुहा केसरिणामिव ॥ १.६.२१ ॥
都は、火のように輝き、熟達し、優美で、侮辱を許さず、武芸を極めた戦士たちに満ちていた。それは洞窟が獅子に満ちているかのようであった。
1.6.22
काम्बोजविषये जातैर्बाह्लीकैश्च हयोत्तमैः ।
वनायुजैर्नदीजैश्च पूर्णा हरिहयोत्तमैः ॥ १.६.२२ ॥
都は、カンボージャ地方とバーリーカに生まれた優れた馬、ヴァナーユ産の馬と河畔に生まれた馬、そして最上の栗毛の馬に満ちていた。
1.6.23
विन्ध्यपर्वतजैर्मत्तैः पूर्णा हैमवतैरपि ।
मदान्वितैरतिबलैर्मातङ्गैः पर्वतोपमैः ॥ १.६.२३ ॥
都は、ヴィンディヤ山に生まれた猛り狂う象、またヒマーラヤに生まれた、発情の液を滴らせる、非常に力強く山のような象に満ちていた。
1.6.24
ऐरावतकुलीनैश्च महापद्मकुलैस्तथा ।
अञ्जनादपि निष्क्रान्तैर्वामनादपि च द्विपैः ॥ १.६.२४ ॥
都は、アイラーヴァタの血統、マハーパドマの血統の象、またアンジャナとヴァーマナから生まれた象に満ちていた。
1.6.25
भदैर्मन्द्रैर्मृगैश्चैव भद्रमन्द्रमृगैस्तथा ।
भद्रमन्द्रैर्भद्रमृगैर्मृगमन्द्रैश्च सा पुरी ॥ १.६.२५ ॥
その都は、バドラ、マンドラ、ムリガの種の象、そしてバドラ・マンドラ、バドラ・ムリガ、ムリガ・マンドラの混血の象で満ちていた。
1.6.26
नित्यमत्तैः सदा पूर्णा नागैरचलसंनिभैः ।
सा योजने द्वे च भूयः सत्यनामा प्रकाशते ।
यस्यां दशरथो राजा वसञ्जगदपालयत् ॥ १.६.२६ ॥
山のような発情した象で常に満ちたその都は、二ヨージャナにわたって広がり、名に違わず輝いていた。そこに住んで、王ダシャラタは世界を守っていた。
1.6.27
तां पुरीं स महातेजा राजा दशरथो महान् ।
शशास शमितामित्रो नक्षत्राणीव चन्द्रमाः ॥ १.६.२७ ॥
その都を、偉大で輝かしい王ダシャラタが治めていた。敵を鎮めた彼は、星々の上に君臨する月のように統治した。
1.6.28
तां सत्यनामां दृढतोरणार्गलाम्
गृहैर्विचित्रैरुपशोभितां शिवाम् ।
पुरीमयोध्यां नृसहस्रसंकुलां
शशास वै शक्रसमो महीपतिः ॥ १.६.२८ ॥
その名にふさわしく、堅固な門楼と閂を備え、さまざまな館に飾られ、吉祥で、幾千の人々に満ちたアヨーディヤー。その都を、インドラに等しい大地の主が治めていた。