蚁垤《罗摩衍那》 · 篇 2.13
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
2.13.1
अतदर्हं महाराजं शयानमतथोचितम्।
ययातिमिव पुण्यान्ते देवलोकात् परिच्युतम् ॥ २.१३.१ ॥
伟大的国王，他本不应如此，也不该这样躺卧，就像功德耗尽时从天界坠落的耶耶提一样躺着。
2.13.2
अनर्थरूपासिद्धार्था ह्यभीता भयदर्शिनी।
पुनराकारयामास तमेव वरमङ्गना ॥ २.१३.२ ॥
那个女子，化身为灾祸，目的未遂，本无所惧却装作恐惧，又为那同一个恩赐把国王召来。
2.13.3
त्वं कत्थसे महाराज सत्यवादी दृढव्रतः।
मम चेदं वरं कस्माद् विधारयितुमिच्छसि ॥ २.१३.३ ॥
大王，你自夸说话诚实、誓言坚定，为何却想扣下我这个恩赐呢？
2.13.4
एवमुक्तस्तु कैकेय्या राजा दशरथस्तदा।
प्रत्युवाच ततः क्रुद्धो मुहूर्तं विह्वलन्निव ॥ २.१३.४ ॥
吉凯伊如此说完，国王十车王便愤怒起来，片刻间仿佛心神慌乱，于是回答道。
2.13.5
मृते मयि गते रामे वनं मनुजपुङ्गवे।
हन्तानार्ये ममामित्रे सकामा सुखिनी भव ॥ २.१३.५ ॥
待我死去，人中之牛罗摩已入林中，唉，不贤的仇敌，你便心愿得偿，快乐地过吧。
2.13.6
स्वर्गेऽपि खलु रामस्य कुशलं दैवतैरहम्।
प्रत्यादेशादभिहितं धारयिष्ये कथं बत ॥ २.१३.६ ॥
即使在天上，诸神也已断言罗摩的安康。那么，唉，我怎能忍受这违背他的命令呢？
2.13.7
कैकेय्याः प्रियकामेन रामः प्रव्राजितो वनम्।
यदि सत्यं ब्रवीम्येतत् तदसत्यं भविष्यति ॥ २.१३.७ ॥
罗摩被那位想讨好吉凯伊的人流放到森林中。若我说这是真的，那它就会变成假的。
2.13.8
अपुत्रेण मया पुत्रः श्रमेण महता महान्।
रामो लब्धो महातेजाः स कथं त्यज्यते मया ॥ २.१३.८ ॥
我没有儿子，费了极大辛苦才得到了光辉盛大的罗摩。我怎能舍弃他呢？
2.13.9
शूरश्च कृतविद्यश्च जितक्रोधः क्षमापरः।
कथं कमलपत्राक्षो मया रामो विवास्यते ॥ २.१३.९ ॥
我怎能放逐罗摩？他勇敢、博学，战胜愤怒，秉持忍耐，有着莲花瓣般的眼睛。
2.13.10
कथमिन्दीवरश्यामं दीर्घबाहुं महाबलम्।
अभिराममहं रामं स्थापयिष्यामि दण्डकान् ॥ २.१३.१० ॥
我怎能把肤色如青莲、双臂修长、力大无穷、令人喜爱的罗摩送往檀陀迦森林？
2.13.11
सुखानामुचितस्यैव दुःखैरनुचितस्य च।
दुःखं नामानुपश्येयं कथं रामस्य धीमतः ॥ २.१३.११ ॥
智慧的罗摩只配享福，全不配受苦，我怎能眼看他遭受痛苦？
2.13.12
यदि दुःखमकृत्वा तु मम संक्रमणं भवेत्।
अदुःखार्हस्य रामस्य ततः सुखमवाप्नुयाम् ॥ २.१३.१२ ॥
若能不使罗摩受苦，而让我自己越过这份痛苦，那么因为不该受苦的罗摩，我便能得到幸福。
2.13.13
नृशंसे पापसंकल्पे रामं सत्यपराक्रमम्।
किं विप्रियेण कैकेयि प्रियं योजयसे मम ॥ २.१३.१३ ॥
残忍而怀有恶念的吉迦伊！你以此令人不快之事，驱逐真正勇猛的罗摩，又为我带来什么喜悦呢？
2.13.14
अकीर्तिरतुला लोके ध्रुवं परिभविष्यति।
तथा विलपतस्तस्य परिभ्रमितचेतसः ॥ २.१३.१४ ॥
在世间，我必将蒙受无与伦比的恶名；我这样悲叹、心神迷乱之人，定会如此。
2.13.15
अस्तमभ्यागमत् सूर्यो रजनी चाभ्यवर्तत।
सा त्रियामा तदार्तस्य चन्द्रमण्डलमण्डिता ॥ २.१३.१५ ॥
太阳将要落山，夜晚降临；对于这位痛苦之人，那三更之夜被明月之轮装点着。
2.13.16
राज्ञो विलपमानस्य न व्यभासत शर्वरी।
सदैवोष्णं विनिःश्वस्य वृद्धो दशरथो नृपः ॥ २.१३.१६ ॥
对于悲叹的国王，那夜并不明亮；年老的国王十车王不停地发出灼热的叹息。
2.13.17
विललापार्तवद् दुःखं गगनासक्तलोचनः।
न प्रभातं त्वयेच्छामि निशे नक्षत्रभूषिते ॥ २.१३.१७ ॥
他凝望天空，如痛苦之人般哀叹："星辰装点的夜啊！我不愿意由你迎来黎明。"
2.13.18
क्रियतां मे दया भद्रे मयायं रचितोऽञ्जलिः।
अथवा गम्यतां शीघ्रं नाहमिच्छामि निर्घृणाम् ॥ २.१३.१८ ॥
善良的女子啊，请怜悯我——我已双手合十。否则，就快快离去吧；我不愿意有一个无情的女人。
2.13.19
नृशंसां केकयीं द्रष्टुं यत्कृते व्यसनं मम।
एवमुक्त्वा ततो राजा कैकेयीं संयताञ्जलिः ॥ २.१३.१९ ॥
国王说道：“竟要见这残忍的吉迦伊，因她我才遭此毁灭。”说罢，他合掌向吉迦伊说道。
2.13.20
प्रसादयामास पुनः कैकेयीं राजधर्मवित्।
साधुवृत्तस्य दीनस्य त्वद्गतस्य गतायुषः ॥ २.१३.२० ॥
精通王法的国王再次试图平息吉迦伊：“我品行端正、痛苦不堪，前来投靠你，寿命将尽。”
2.13.21
प्रसादः क्रियतां भद्रे देवि राज्ञो विशेषतः।
शून्ये न खलु सुश्रोणि मयेदं समुदाहृतम् ॥ २.१३.२१ ॥
善良的夫人、王后啊，请对国王施以恩惠。美臀的女子啊，我所说的这话，并非在无人之处说的。
2.13.22
कुरु साधुप्रसादं मे बाले सहृदया ह्यसि।
प्रसीद देवि रामो मे त्वद्दत्तं राज्यमव्ययम् ॥ २.१३.२२ ॥
请对我施以善意，姑娘，你本是有慈悲心的。王后啊，请息怒：我的罗摩，以及你所赐予的不朽王国。
2.13.23
लभतामसितापाङ्गे यशः परमवाप्स्यसि।
मम रामस्य लोकस्य गुरूणां भरतस्य च।
प्रियमेतद् गुरुश्रोणि कुरु चारुमुखेक्षणे ॥ २.१३.२३ ॥
愿罗摩得到它，黑眼睛的女子啊，你将获得无上的声名。请为了我、为了罗摩、为了世间、为了长辈们和婆罗多，做这件令人欢喜的事，丰臀的女子啊，面容与眼睛都那么美丽的人啊。
2.13.24
विशुद्धभावस्य हि दुष्टभावा
दीनस्य ताम्राश्रुकलस्य राज्ञः।
श्रुत्वा विचित्रं करुणं विलापं
भर्तुर्नृशंसा न चकार वाक्यम् ॥ २.१३.२४ ॥
她虽听到国王那奇异而悲切的哀号——他本性纯洁，悲苦不堪，眼泪泛红——那心肠恶毒的残忍女子，却不听从丈夫的话。
2.13.25
ततः स राजा पुनरेव मूर्च्छितः
प्रियामतुष्टां प्रतिकूलभाषिणीम्।
समीक्ष्य पुत्रस्य विवासनं प्रति
क्षितौ विसंज्ञो निपपात दुःखितः ॥ २.१३.२५ ॥
于是国王再次昏厥。他看见心爱的妻子不悦且言语相逆，又想到儿子被放逐，悲痛的国王失去知觉，倒在地上。
2.13.26
इतीव राज्ञो व्यथितस्य सा निशा
जगाम घोरं श्वसतो मनस्विनः।
विबोध्यमानः प्रतिबोधनं तदा
निवारयामास स राजसत्तमः ॥ २.१३.२६ ॥
就这样，那个痛苦、深深叹息、心志高远的国王度过了可怕的一夜。虽被唤醒，这位最优秀的君王仍拒绝恢复知觉。