蚁垤《罗摩衍那》 · 篇 2.41
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
2.41.1
तस्मिंस्तु पुरुषव्याघ्रे निष्क्रामति कृताञ्जलौ।
आर्तशब्दो हि संजज्ञे स्त्रीणामन्तःपुरे महान् ॥ २.४१.१ ॥
当这位人中之虎合掌离去时，内宫的妇女中爆发出巨大的哀号。
2.41.2
अनाथस्य जनस्यास्य दुर्बलस्य तपस्विनः।
यो गतिः शरणं चासीत् स नाथः क्व नु गच्छति ॥ २.४१.२ ॥
那位曾是这些无依、弱小、受苦之人的依靠与庇护的主人，如今要去哪里？
2.41.3
न क्रुध्यत्यभिशस्तोऽपि क्रोधनीयानि वर्जयन्।
क्रुद्धान् प्रसादयन् सर्वान् समदुःखः क्व गच्छति ॥ २.४१.३ ॥
即使遭受辱骂，他也不愤怒；避开一切引起愤怒的缘由，安抚所有愤怒之人，与众人同担忧苦，他要去哪里？
2.41.4
कौसल्यायां महातेजा यथा मातरि वर्तते।
तथा यो वर्ततेऽस्मासु महात्मा क्व नु गच्छति ॥ २.४१.४ ॥
这位大光辉者如何对待母亲考萨利雅，也如此对待我们。这位大德之人要去哪里？
2.41.5
कैकेय्या क्लिश्यमानेन राज्ञा संचोदितो वनम्।
परित्राता जनस्यास्य जगतः क्व नु गच्छति ॥ २.४१.५ ॥
被受凯柯伊困扰的君王派往森林，这位庇护此民与世界的人要去哪里？
2.41.6
अहो निश्चेतनो राजा जीवलोकस्य संक्षयम्।
धर्म्यं सत्यव्रतं रामं वनवासे प्रवत्स्यति ॥ २.४१.६ ॥
唉，昏乱的君王不察生灵世界将遭毁灭；他将把守法、持守誓言的罗摩流放到森林中去。
2.41.7
रुरुदुश्चैव दुःखार्ताः सस्वरं च विचुक्रुशुः ॥ २.४१.७ ॥
悲痛万分的他们哭泣起来，并高声哀号。
2.41.8
स तमन्तःपुरे घोरमार्तशब्दं महीपतिः।
पुत्रशोकाभिसंतप्तः श्रुत्वा चासीत् सुदुःखितः ॥ २.४१.८ ॥
国王听到后宫传来的那可怕的哀号声，被丧子之痛煎熬，极为悲伤。
2.41.9
नाग्निहोत्राण्यहूयन्त नापचन् गृहमेधिनः।
अकुर्वन् न प्रजाः कार्यं सूर्यश्चान्तरधीयत ॥ २.४१.९ ॥
祭火供奉不再举行，家主不再烹饪，百姓荒废了本分，太阳也隐没了。
2.41.10
व्यसृजन् कवलान् नागा गावो वत्सान् न पाययन्।
पुत्रां प्रथमजं लब्ध्वा जननी नाभ्यनन्दत ॥ २.४१.१० ॥
象群丢下了口中的草料，母牛不给小牛哺乳，母亲即使得到长子也不感到欢喜。
2.41.11
त्रिशङ्कुर्लोहिताङ्गश्च बृहस्पतिबुधावपि।
दारुणाः सोममभ्येत्य ग्रहाः सर्वे व्यवस्थिताः ॥ २.४१.११ ॥
三叉仙、赤身星（火星）、木星与水星，皆变得凶恶，逼近月亮，所有行星都停滞在那里。
2.41.12
नक्षत्राणि गतार्चींषि ग्रहाश्च गततेजसः।
विशाखाश्च सधूमाश्च नभसि प्रचकाशिरे ॥ २.४१.१२ ॥
星宿失去了光辉，行星失去了光彩，毗舍佉星在烟雾中出现在天空。
2.41.13
कालिकानिलवेगेन महोदधिरिवोत्थितः।
रामे वनं प्रव्रजिते नगरं प्रचचाल तत् ॥ २.४१.१३ ॥
如雨季狂风之力掀起的大海，当罗摩被流放入林后，那座城市便剧烈震动。
2.41.14
दिशः पर्याकुलाः सर्वास्तिमिरेणेव संवृताः।
न ग्रहो नापि नक्षत्रं प्रचकाशे न किंचन ॥ २.४१.१४ ॥
四方皆惶乱，仿佛被黑暗笼罩；无星辰闪耀，无行星发光，一切皆不显明。
2.41.15
अकस्मान्नागरः सर्वो जनो दैन्यमुपागमत्।
आहारे वा विहारे वा न कश्चिदकरोन्मनः ॥ २.४१.१५ ॥
忽然间，城中所有人都陷入哀颓；无论饮食还是娱乐，无人再用心。
2.41.16
शोकपर्यायसंतप्तः सततं दीर्घमुच्छ्वसन्।
अयोध्यायां जनः सर्वश्चुक्रोश जगतीपतिम् ॥ २.४१.१६ ॥
阿逾陀的人们被接连不断的悲痛煎熬，不停地深深叹息，都向大地之主（国王）抱怨责备。
2.41.17
बाष्पपर्याकुलमुखो राजमार्गगतो जनः।
न हृष्टो लभ्यते कश्चित् सर्वः शोकपरायणः ॥ २.४१.१७ ॥
面带泪痕、神情慌乱的人们走上王道；看不到一个欢欣的人，人人都沉浸在悲伤之中。
2.41.18
न वाति पवनः शीतो न शशी सौम्यदर्शनः।
न सूर्यस्तपते लोकं सर्वं पर्याकुलं जगत् ॥ २.४१.१८ ॥
凉风不再吹拂，温柔可亲的月亮也不见光辉；太阳也不再灼烤世界——整个世界都陷入不安。
2.41.19
अनर्थिनः सुताः स्त्रीणां भर्तारो भ्रातरस्तथा।
सर्वे सर्वं परित्यज्य राममेवान्वचिन्तयन् ॥ २.४१.१९ ॥
妇女们的儿子、丈夫和兄弟，不再谋求自身利益，舍弃了一切，只一心思念罗摩。
2.41.20
ये तु रामस्य सुहृदः सर्वे ते मूढचेतसः।
शोकभारेण चाक्रान्ताः शयनं नैव भेजिरे ॥ २.४१.२० ॥
罗摩所有的朋友，心神迷乱，被悲痛的重负压倒，甚至不肯躺到床上去。
2.41.21
ततस्त्वयोध्या रहिता महात्मना
पुरन्दरेणेव मही सपर्वता।
चचाल घोरं भयशोकदीपिता
सनागयोधाश्वगणा ननाद च ॥ २.४१.२१ ॥
于是，失去了大德罗摩的阿逾陀，犹如失去因陀罗的大地与群山一般剧烈震颤；被恐惧与悲痛所煎熬，它与象群、武士和马群一同轰鸣。