蚁垤《罗摩衍那》 · 篇 2.7
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
2.7.1
ज्ञातिदासी यतो जाता कैकेय्या तु सहोषिता।
प्रासादं चन्द्रसंकाशमारुरोह यदृच्छया ॥ २.७.१ ॥
曼陀罗生于凯凯伊的婢女之族，与她同住，她随意登上了如月亮般明亮的楼阁。
2.7.2
सिक्तराजपथां कृत्स्नां प्रकीर्णकमलोत्पलाम्।
अयोध्यां मन्थरा तस्मात् प्रासादादन्ववैक्षत ॥ २.७.२ ॥
曼陀罗从那楼阁上俯瞰整个阿约提亚，王道洒了水，遍布莲花与睡莲。
2.7.3
पताकाभिर्वरार्हाभिर्ध्वजैश्च समलंकृताम्।
सिक्तां चन्दनतोयैश्च शिरःस्नातजनैर्युताम् ॥ २.७.३ ॥
以殊胜的旗幡和旗帜装饰，洒以檀香水，充满了已沐浴净首的人们。
2.7.4
माल्यमोदकहस्तैश्च द्विजेन्द्रैरभिनादिताम्।
शुक्लदेवगृहद्वारां सर्ववादित्रनादिताम् ॥ २.७.४ ॥
回响着手持花环和甜点的最优秀的再生者之声，白色神庙的门扉，充满各种乐器的鸣响。
2.7.5
सम्प्रहृष्टजनाकीर्णां ब्रह्मघोषनिनादिताम्।
प्रहृष्टवरहस्त्यश्वां सम्प्रणर्दितगोवृषाम् ॥ २.७.५ ॥
充满欢欣的人群，回荡着婆罗门的吟诵，优良的象与马欢腾，牛与公牛大声哞叫。
2.7.6
हृष्टप्रमुदितैः पौरैरुच्छ्रितध्वजमालिनीम्।
अयोध्यां मन्थरा दृष्ट्वा परं विस्मयमागता ॥ २.७.६ ॥
曼陀罗看见阿约提亚被欢喜愉悦的市民以高举的旗幡和花环装点，心中大为惊异。
2.7.7
सा हर्षोत्फुल्लनयनां पाण्डुरक्षौमवासिनीम्।
अविदूरे स्थितां दृष्ट्वा धात्रीं पप्रच्छ मन्थरा ॥ २.७.७ ॥
曼陀罗看见不远处站着的乳母，身穿白色丝衣，眼中满是喜悦，便问道：
2.7.8
उत्तमेनाभिसंयुक्ता हर्षेणार्थपरा सती।
राममाता धनं किं नु जनेभ्यः सम्प्रयच्छति ॥ २.७.८ ॥
罗摩的贤德之母，充满至上的喜悦，倾心于财富——她如今正将什么财物施予百姓？
2.7.9
अतिमात्रं प्रहर्षः किं जनस्यास्य च शंस मे।
कारयिष्यति किं वापि सम्प्रहृष्टो महीपतिः ॥ २.७.९ ॥
这些百姓为何如此过度欢喜？告诉我。或者，这位欢喜异常的君王将要下令做什么？
2.7.10
विदीर्यमाणा हर्षेण धात्री तु परया मुदा।
आचचक्षेऽथ कुब्जायै भूयसीं राघवे श्रियम् ॥ २.७.१० ॥
乳母仿佛被喜悦撑裂一般，以无上的欢欣，将罗怙之子即将获得的伟大荣耀告诉了驼背女。
2.7.11
श्वः पुष्येण जितक्रोधं यौवराज्येन चानघम्।
राजा दशरथो राममभिषेक्ता हि राघवम् ॥ २.७.११ ॥
明日，在补沙星宿之下，国王十车王将为罗怙之子罗摩——已战胜愤怒、无有过失者——举行太子灌顶。
2.7.12
धात्र्यास्तु वचनं श्रुत्वा कुब्जा क्षिप्रममर्षितः।
कैलासशिखराकारात् प्रासादादवरोहत ॥ २.७.१२ ॥
驼背女听到乳母的话，怒不可遏，立即从那如同冈仁波齐峰般高耸的宫殿上走了下来。
2.7.13
सा दह्यमाना क्रोधेन मन्थरा पापदर्शिनी।
शयानामेव कैकेयीमिदं वचनमब्रवीत् ॥ २.७.१३ ॥
满怀愤怒的见恶之女曼陀罗，对躺卧的吉迦伊说了这番话。
2.7.14
उत्तिष्ठ मूढे किं शेषे भयं त्वामभिवर्तते।
उपप्लुतमघौघेन नात्मानमवबुध्यसे ॥ २.७.१४ ॥
起来吧，愚蠢的女人！为何还躺着？危险正向你逼近，你已被厄运的洪流淹没，却仍不觉察自己。
2.7.15
अनिष्टे सुभगाकारे सौभाग्येन विकत्थसे।
चलं हि तव सौभाग्यं नद्याः स्रोत इवोष्णगे ॥ २.७.१५ ॥
你这不祥之人，外表看似有福！你夸耀自己的好运，可你的好运如同夏日里河流的水流，变幻无常。
2.7.16
एवमुक्ता तु कैकेयी रुष्टया परुषं वचः।
कुब्जया पापदर्शिन्या विषादमगमत् परम् ॥ २.७.१६ ॥
被愤怒的、见恶的驼背女曼陀罗以严厉的言辞这样责备，吉迦伊陷入了极大的悲伤。
2.7.17
कैकेयी त्वब्रवीत् कुब्जां कच्चित् क्षेमं न मन्थरे।
विषण्णवदनां हि त्वां लक्षये भृशदुःखिताम् ॥ २.७.१७ ॥
吉迦伊对驼背女说：“曼陀罗，一切平安吗？我看你面容憔悴，十分悲伤。”
2.7.18
मन्थरा तु वचः श्रुत्वा कैकेय्या मधुराक्षरम्।
उवाच क्रोधसंयुक्ता वाक्यं वाक्यविशारदा ॥ २.७.१८ ॥
曼陀罗听到吉迦伊那甜美的话语，满怀愤怒，且善于言辞，便说出了这番话。
2.7.19
सा विषण्णतरा भूत्वा कुब्जा तस्यां हितैषिणी।
विषादयन्ती प्रोवाच भेदयन्ती च राघवम् ॥ २.७.१९ ॥
极度忧愁的驼背侍女曼陀罗，怀着为吉凯伊谋利之心，一边使她忧伤，一边在罗怙后裔之事上挑拨离间，如此说道。
2.7.20
अक्षयं सुमहद् देवि प्रवृत्तं त्वद्विनाशनम्।
रामं दशरथो राजा यौवराज्येऽभिषेक्ष्यति ॥ २.७.२० ॥
王后啊，一场无穷的大灾难已为你的毁灭而兴起：国王十车王将立罗摩为太子。
2.7.21
सास्म्यगाधे भये मग्ना दुःखशोकसमन्विता।
दह्यमानानलेनेव त्वद्धितार्थमिहागता ॥ २.७.२१ ॥
我陷入深不可测的恐惧，充满忧伤与悲痛，仿佛被烈火焚烧，我来到这里是为了你的福祉。
2.7.22
तव दुःखेन कैकेयि मम दुःखं महद् भवेत्।
त्वद्वृद्धौ मम वृद्धिश्च भवेदिह न संशयः ॥ २.७.२२ ॥
吉凯伊啊，你的忧伤也会使我的忧伤极大；你的兴盛也会带来我的兴盛——此事毫无疑问。
2.7.23
नराधिपकुले जाता महिषी त्वं महीपतेः।
उग्रत्वं राजधर्माणां कथं देवि न बुध्यसे ॥ २.७.२३ ॥
王后啊，你出身王族，又是国王的正妃，怎么会不懂王者之道的严酷呢？
2.7.24
धर्मवादी शठो भर्ता श्लक्ष्णवादी च दारुणः।
शुद्धभावेन जानीषे तेनैवमतिसंधिता ॥ २.७.२४ ॥
你的丈夫口谈正法，实则奸诈；言语温柔，实则残酷。因你本性纯良，你不知道这一点，因此被他如此深深欺骗了。
2.7.25
उपस्थितः प्रयुञ्जानस्त्वयि सान्त्वमनर्थकम्।
अर्थेनैवाद्य ते भर्ता कौसल्यां योजयिष्यति ॥ २.७.२५ ॥
今天，你的丈夫来到你身边，说些徒劳的安慰之言，并以财富将考莎利亚拉拢到他那一边。
2.7.26
अपवाह्य तु दुष्टात्मा भरतं तव बन्धुषु।
काल्ये स्थापयिता रामं राज्ये निहतकण्टके ॥ २.७.२६ ॥
那心怀恶念之人，将婆罗多从你的亲族中驱逐出去，不久便会把罗摩安置在无刺的王国之上。
2.7.27
शत्रुः पतिप्रवादेन मात्रेव हितकाम्यया।
आशीविष इवाङ्गेन बाले परिधृतस्त्वया ॥ २.७.२७ ॥
少女啊！那敌人以丈夫之名，又假装如母亲般希望你好，而你却将他拥在身边，就像抱住一条毒蛇。
2.7.28
यथा हि कुर्याच्छत्रुर्वा सर्पो वा प्रत्युपेक्षितः।
राज्ञा दशरथेनाद्य सपुत्रा त्वं तथा कृता ॥ २.७.२८ ॥
正如敌人或毒蛇被忽视时会造成伤害，今天国王十车王也让你和你的儿子落到了这般境地。
2.7.29
पापेनानृतसान्त्वेन बाले नित्यं सुखोचिता।
रामं स्थापयता राज्ये सानुबन्धा हता ह्यसि ॥ २.७.२९ ॥
少女啊，你一向习惯安乐！那恶人以虚假的安慰之言，使你与亲属一同毁灭，只为让罗摩在王国中登位。
2.7.30
सा प्राप्तकालं कैकेयि क्षिप्रं कुरु हितं तव।
त्रायस्व पुत्रमात्मानं मां च विस्मयदर्शने ॥ २.७.३० ॥
所以，啊，甘蒂，时机已到，快做对你有利的事吧。保护你的儿子、你自己和我，啊，你这露出惊讶神色的人！
2.7.31
मन्थराया वचः श्रुत्वा शयनात् सा शुभानना।
उत्तस्थौ हर्षसम्पूर्णा चन्द्रलेखेव शारदी ॥ २.७.३१ ॥
闻听曼陀罗之言，容貌秀美的吉开伊从床上起身，充满喜悦，如秋日的一弯新月。
2.7.32
अतीव सा तु संतुष्टा कैकेयी विस्मयान्विता।
दिव्यमाभरणं तस्यै कुब्जायै प्रददौ शुभम् ॥ २.७.३२ ॥
吉开伊极为欢喜，又满怀惊异，便将一件神圣吉祥的饰物赠予那驼背女。
2.7.33
दत्त्वा त्वाभरणं तस्यै कुब्जायै प्रमदोत्तमा।
कैकेयी मन्थरां हृष्टा पुनरेवाब्रवीदिदम् ॥ २.७.३३ ॥
将饰物赠予那驼背女后，女中之最的吉开伊欣喜地又对曼陀罗说了这番话。
2.7.34
इदं तु मन्थरे मह्यमाख्यातं परमं प्रियम्।
एतन्मे प्रियमाख्यातं किं वा भूयः करोमि ते ॥ २.७.३४ ॥
曼陀罗啊，你告诉了我这最为珍贵的喜讯。作为对这番悦耳之言的回报，我还能为你做什么呢？
2.7.35
रामे वा भरते वाहं विशेषं नोपलक्षये।
तस्मात् तुष्टास्मि यद् राजा रामं राज्येऽभिषेक्ष्यति ॥ २.७.३५ ॥
在罗摩与婆罗多之间，我看不出任何差别。因此我欣喜，因为国王将为罗摩在王国中行灌顶之礼。
2.7.36
न मे परं किंचिदितो वरं पुनः
प्रियं प्रियार्हे सुवचं वचोऽमृतम्।
तथा ह्यवोचस्त्वमतः प्रियोत्तरं
वरं परं ते प्रददामि तं वृणु ॥ २.७.३६ ॥
我没有比这更珍贵的恩赐了。可爱之人啊，你说出了如甘露般甜美的话语，而且还说了更令人欢喜的话。因此我赐予你一个至高的恩典，请你选择吧。