蚁垤《罗摩衍那》 · 篇 3.2
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.2.1
कृतातिथ्योऽथ रामस्तु सूर्यस्योदयनं प्रति।
आमन्त्र्य स मुनीन् सर्वान् वनमेवान्वगाहत ॥ ३.२.१ ॥
罗摩接受款待后，向着日出的方向向所有仙人告辞，然后走入了森林。
3.2.2
नानामृगगणाकीर्णमृक्षशार्दूलसेवितम्।
ध्वस्तवृक्षलतागुल्मं दुर्दर्शसलिलाशयम् ॥ ३.२.२ ॥
鹿群众多，熊与虎出没其间，树木、藤蔓与灌丛折断倒伏，水源难以抵达。
3.2.3
निष्कूजमानशकुनिं झिल्लिकागणनादितम्।
लक्ष्मणानुचरो रामो वनमध्यं ददर्श ह ॥ ३.२.३ ॥
跟随在罗什曼那身后的罗摩，看见了森林的中部：那里没有鸟鸣，却回荡着蟋蟀群的鸣声。
3.2.4
सीतया सह काकुत्स्थस्तस्मिन् घोरमृगायुते।
ददर्श गिरिशृङ्गाभं पुरुषादं महास्वनम् ॥ ३.२.४ ॥
在那片布满凶猛野兽的森林里，与悉多同行的迦古特斯塔罗摩，看见了一个食人罗刹，形如山峰，声音洪亮。
3.2.5
गभीराक्षं महावक्त्रं विकटं विकटोदरम्।
बीभत्सं विषमं दीर्घं विकृतं घोरदर्शनम् ॥ ३.२.५ ॥
眼窝深陷，口大，面目狰狞，腹部庞大可怖；令人作呕，形貌怪异，身材高大，相貌丑陋，望之可怖。
3.2.6
वसानं चर्म वैयाघ्रं वसार्द्रं रुधिरोक्षितम्।
त्रासनं सर्वभूतानां व्यादितास्यमिवान्तकम् ॥ ३.२.६ ॥
身披虎皮，浸满脂膏，血迹斑斑，令一切众生惊骇，如张开大口的死神阎摩。
3.2.7
त्रीन् सिंहांश्चतुरो व्याघ्रान् द्वौ वृकौ पृषतान् दश।
सविषाणं वसादिग्धं गजस्य च शिरो महत् ॥ ३.२.७ ॥
三头狮子、四只老虎、两只狼、十只花鹿，以及一颗带着象牙、沾满脂肪的大象头。
3.2.8
अवसज्यायसे शूले विनदन्तं महास्वनम्।
स रामं लक्ष्मणं चैव सीतां दृष्ट्वा च मैथिलीम् ॥ ३.२.८ ॥
他被悬挂在铁矛上，发出巨大的吼声，看见了罗摩、罗什曼那，以及弥提罗的公主悉多。
3.2.9
अभ्यधावत् सुसंक्रुद्धः प्रजाः काल इवान्तकः
स कृत्वा भैरवं नादं चालयन्निव मेदिनीम् ॥ ३.२.९ ॥
他极度愤怒，如同时间、如同死神扑向众生；发出可怕的吼声，仿佛要撼动大地。
3.2.10
अङ्केनादाय वैदेहीमपक्रम्य तदाब्रवीत्।
युवां जटाचीरधरौ सभार्यौ क्षीणजीवितौ ॥ ३.२.१० ॥
他将毗提诃公主抱在膝上，退后几步，便说道：“你们二人，披着乱发与树皮衣，同你们的妻子，寿命已尽！”
3.2.11
प्रविष्टौ दण्डकारण्यं शरचापासिपाणिनौ।
कथं तापसयोर्वां च वासः प्रमदया सह ॥ ३.२.११ ॥
你们手持箭、弓与剑进入了檀陀迦森林！身为苦行者，你们怎么竟与女子同居于此？
3.2.12
अधर्मचारिणौ पापौ कौ युवां मुनिदूषकौ।
अहं वनमिदं दुर्गं विराधो नाम राक्षसः ॥ ३.२.१२ ॥
你们二人行不义之事，是罪人，是玷污圣者的人，究竟是谁？我是这片险峻森林中名叫毗罗陀的罗刹。
3.2.13
चरामि सायुधो नित्यमृषिमांसानि भक्षयन्।
इयं नारी वरारोहा मम भार्या भविष्यति ॥ ३.२.१३ ॥
我总是持械游荡，吞食仙人的血肉。这位腰身优美的女子将成为我的妻子。
3.2.14
युवयोः पापयोश्चाहं पास्यामि रुधिरं मृधे।
तस्यैवं ब्रुवतो दुष्टं विराधस्य दुरात्मनः ॥ ३.२.१४ ॥
在战斗中我要饮尽你们两个罪人的血。恶毒的毗罗陀如此说道。
3.2.15
श्रुत्वा सगर्वितं वाक्यं सम्भ्रान्ता जनकात्मजा।
सीता प्रवेपितोद्वेगात् प्रवाते कदली यथा ॥ ३.२.१५ ॥
听到那傲慢的话语，遮那伽之女悉多惊恐万分，因焦虑而颤抖，如同风中的芭蕉。
3.2.16
तां दृष्ट्वा राघवः सीतां विराधाङ्कगतां शुभाम्।
अब्रवील्लक्ष्मणं वाक्यं मुखेन परिशुष्यता ॥ ३.२.१६ ॥
罗怙之裔（罗摩）见美丽的悉多坐在毗罗陀的膝上，口干舌燥地对罗什曼那说了这番话。
3.2.17
पश्य सौम्य नरेन्द्रस्य जनकस्यात्मसम्भवाम्।
मम भार्यां शुभाचारां विराधाङ्के प्रवेशिताम् ॥ ३.२.१७ ॥
看啊，善良的弟弟：国王遮那伽之女，我品行高洁的妻子，已被安置在毗罗陀的膝上。
3.2.18
अत्यन्तसुखसंवृद्धां राजपुत्रीं यशस्विनीम्।
यदभिप्रेतमस्मासु प्रियं वरवृतं च यत् ॥ ३.२.१८ ॥
在极度安乐中长大、名声显赫的公主，她是我们所爱，是被选为恩赐之人——
3.2.19
कैकेय्यास्तु सुसंवृत्तं क्षिप्रमद्यैव लक्ष्मण।
या न तुष्यति राज्येन पुत्रार्थे दीर्घदर्शिनी ॥ ३.२.१९ ॥
罗什曼那啊，吉柯伊的计谋今日竟迅速得逞；她为儿子着想、目光长远，却仍不满足于王国。
3.2.20
ययाहं सर्वभूतानां प्रियः प्रस्थापितो वनम्।
अद्येदानीं सकामा सा या माता मध्यमा मम ॥ ३.२.२० ॥
那位我的中母，把我这个为众生所爱的人送入森林，如今她的心愿已经达成了。
3.2.21
परस्पर्शात् तु वैदेह्या न दुःखतरमस्ति मे।
पितुर्विनाशात् सौमित्रे स्वराज्य हरणात् तथा ॥ ३.२.२१ ॥
啊，苏弥旦罗，对我而言，没有比毗提诃被他人触碰、父亲离世、自己的王国被夺更痛苦的事了。
3.2.22
अब्रवील्लक्ष्मणः क्रुद्धो रुद्धो नाग इव श्वसन् ॥ ३.२.२२ ॥
罗什曼那怒气冲冲，像被拘束的象或蛇一般喘息着说道。
3.2.23
अनाथ इव भूतानां नाथस्त्वं वासवोपमः।
मया प्रेष्येण काकुत्स्थ किमर्थं परितप्यसे ॥ ३.२.२३ ॥
啊，迦恭私他，你是众生的主宰，如同因陀罗；我是你的仆从。你为何如此悲伤？
3.2.24
शरेण निहतस्याद्य मया क्रुद्धेन रक्षसः।
विराधस्य गतासोर्हि मही पास्यति शोणितम् ॥ ३.२.२४ ॥
今日，我以愤怒之箭射杀的罗刹毗罗陀，其失去生命的躯体，大地将饮其血。
3.2.25
राज्यकामे मम क्रोधो भरते यो बभूव ह।
तं विराधे विमोक्ष्यामि वज्री वज्रमिवाचले ॥ ३.२.२५ ॥
我对渴望王位的婆罗多所生的愤怒，如今我要向毗罗陀发泄，正如持金刚者将金刚投向山岳。
3.2.26
मम भुजबलवेगवेगितः
पततु शरोऽस्य महान् महोरसि।
व्यपनयतु तनोश्च जीवितं
पततु ततश्च महीं विघूर्णितः ॥ ३.२.२६ ॥
愿我臂力之疾所驱动的这支大箭落在他宽阔的胸膛上，夺去他身体的生命；然后他眩晕旋转，坠落于大地。