ヴァールミーキのラーマーヤナ · サルガ 3.26
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.26.1
दूषणस्तु स्वकं सैन्यं हन्यमानं विलोक्य च।
संदिदेश महाबाहुर्भीमवेगान् दुरासदान् ॥ ३.२६.१ ॥
ドゥーシャナは自軍が討たれていくのを見て、その大腕の者は恐ろしい速さで、手に負えない（羅刹たち）に命じた。
3.26.2
राक्षसान् पञ्चसाहस्रान् समरेष्वनिवर्तिनः।
ते शूलैः पट्टिशैः खड्गैः शिलावर्षैर्द्रुमैरपि ॥ ३.२६.२ ॥
戦場で決して退かない五千の羅刹たちは、槍、鉄棍、剣、石の雨、そして木々をもって（戦った）。
3.26.3
शरवर्षैरविच्छिन्नं ववर्षुस्तं समन्ततः।
तद् द्रुमाणां शिलानां च वर्षं प्राणहरं महत् ॥ ३.२६.३ ॥
絶え間ない矢の雨で、彼らは四方から彼に降り注いだ。木と岩が降る、あの命を奪う大いなる雨だった。
3.26.4
प्रतिजग्राह धर्मात्मा राघवस्तीक्ष्णसायकैः।
प्रतिगृह्य च तद् वर्षं निमीलित इवर्षभः ॥ ३.२६.४ ॥
正しき心の持ち主ラーガヴァは鋭い矢で応戦した。その雨を受けながら、目を閉じた雄牛のように立っていた。
3.26.5
रामः क्रोधं परं लेभे वधार्थं सर्वरक्षसाम्।
ततः क्रोधसमाविष्टः प्रदीप्त इव तेजसा ॥ ३.२६.५ ॥
ラーマはすべての羅刹を殺すために激しい怒りを抱いた。そして怒りに満ちた彼は、威光によって火のように燃え上がった。
3.26.6
शरैरभ्यकिरत् सैन्यं सर्वतः सहदूषणम्।
ततः सेनापतिः क्रुद्धो दूषणः शत्रुदूषणः ॥ ३.२६.६ ॥
彼は矢でドゥーシャナを含む軍を四方から覆った。そして将軍である怒れるドゥーシャナ、敵を苦しめる者が（進み出た）。
3.26.7
शरैरशनिकल्पैस्तं राघवं समवारयत्।
ततो रामः सुसंक्रुद्धः क्षुरेणास्य महद् धनुः ॥ ३.२६.७ ॥
雷のような矢で彼はラーガヴァを阻んだ。そこで激怒したラーマは刃矢で彼の大弓を断ち切った。
3.26.8
चिच्छेद समरे वीरश्चर्तुभिश्चतुरो हयान्।
हत्वा चाश्वान् शरैस्तीक्ष्णैरर्धचन्द्रेण सारथेः ॥ ३.२६.८ ॥
英雄は戦いで四本の矢で彼の四頭の馬を断ち、鋭い矢で馬を倒した後、半月の矢で御者の……
3.26.9
शिरो जहार तद्रक्षस्त्रिभिर्विव्याध वक्षसि।
स च्छिन्नधन्वा विरथो हताश्वो हतसारथिः ॥ ३.२६.९ ॥
彼はその羅刹の首を断ち、三本の矢で胸を射抜いた。弓は折れ、戦車はなく、馬は殺され、御者も殺された。
3.26.10
जग्राह गिरिशृङ्गाभं परिघं रोमहर्षणम्।
वेष्टितं काञ्चनैः पट्टैर्देवसैन्याभिमर्दनम् ॥ ३.२६.१० ॥
彼は山の頂のような、身の毛もよだつ、黄金の帯で巻かれ、神々の軍勢を砕く鉄棍を取った。
3.26.11
आयसैः शङ्कुभिस्तीक्ष्णैः कीर्णं परवसोक्षितम्।
वज्राशनिसमस्पर्शं परगोपुरदारणम् ॥ ३.२६.११ ॥
鋭い鉄の棘で飾られ、敵の脂と血に濡れ、金剛と稲妻のような感触を持ち、敵の城門を砕くもの。
3.26.12
तं महोरगसंकाशं प्रगृह्य परिघं रणे।
दूषणोऽभ्यपतद् रामं क्रूरकर्मा निशाचरः ॥ ३.२६.१२ ॥
その大蛇のような鉄棍を戦いで握り、残忍な夜行者ドゥーシャナはラーマに襲いかかった。
3.26.13
तस्याभिपतमानस्य दूषणस्य च राघवः।
द्वाभ्यां शराभ्यां चिच्छेद सहस्ताभरणौ भुजौ ॥ ३.२६.१३ ॥
襲いかかってきたドゥーシャナの両腕を、ラーघヴァは二本の矢で、手と装飾ごと断ち切った。
3.26.14
भ्रष्टस्तस्य महाकायः पपात रणमूर्धनि।
परिघश्छिन्नहस्तस्य शक्रध्वज इवाग्रतः ॥ ३.२६.१४ ॥
その巨体は戦場の最前線に倒れ、切れた手から落ちた鉄棍はインドラの旗のように前に横たわった。
3.26.15
कराभ्यां च विकीर्णाभ्यां पपात भुवि दूषणः।
विषाणाभ्यां विशीर्णाभ्यां मनस्वीव महागजः ॥ ३.२६.१५ ॥
両手が切り散らされ、ドゥーシャナは大地に倒れた。牙を折られた誇り高い大象のように。
3.26.16
दृष्ट्वा तं पतितं भूमौ दूषणं निहतं रणे।
साधु साध्विति काकुत्स्थं सर्वभूतान्यपूजयन् ॥ ३.२६.१६ ॥
戦で倒れ大地に伏したドゥーシャナを見て、「善いぞ、善いぞ！」と叫びながら、すべての生きものがカークツスタ（ラーマ）を讃えた。
3.26.17
एतस्मिन्नन्तरे क्रुद्धास्त्रयः सेनाग्रयायिनः।
संहत्याभ्यद्रवन् रामं मृत्युपाशावपाशिताः ॥ ३.२६.१७ ॥
その間に、軍の先頭を進んでいた三人の怒れる将は、死の縄に縛られたかのように結集し、ラーマに襲いかかった。
3.26.18
महाकपालः स्थूलाक्षः प्रमाथी च महाबलः।
महाकपालो विपुलं शूलमुद्यम्य राक्षसः ॥ ३.२६.१८ ॥
マハーカパーラ、スターラークシャ、そして大力のプラマーティン——マハーカパーラは巨大な槍を振り上げた。
3.26.19
स्थूलाक्षः पट्टिशं गृह्य प्रमाथी च परश्वधम्।
दृष्ट्वैवापततस्तांस्तु राघवः सायकैः शितैः ॥ ३.२६.१९ ॥
スターラークシャは鉄の棍棒を、プラマーティーは戦斧を手に取った。彼らが襲いかかるのを見て、ラーガヴァは鋭い矢で迎え撃った。
3.26.20
तीक्ष्णाग्रैः प्रतिजग्राह सम्प्राप्तानतिथीनिव।
महाकपालस्य शिरश्चिच्छेद रघुनन्दनः ॥ ३.२६.२० ॥
鋭い矢じりの矢で、来訪した客人を迎えるように彼らを迎え撃った。ラグの誉れは、マハーカパーラの首を斬り落とした。
3.26.21
असंख्येयैस्तु बाणौघैः प्रममाथ प्रमाथिनम्।
स्थूलाक्षस्याक्षिणी स्थूले पूरयामास सायकैः ॥ ३.२६.२१ ॥
無数の矢の流れでプラマーティーを打ち倒し、スターラークシャの大きな両眼を矢で満たした。
3.26.22
स पपात हतो भूमौ विटपीव महाद्रुमः।
दूषणस्यानुगान् पञ्चसाहस्रान् कुपितः क्षणात् ॥ ३.२६.२२ ॥
彼は討たれ、大樹のように地に倒れた。さらに怒ったラーマは瞬く間にドゥーシャナの配下五千人を討ち取った。
3.26.23
हत्वा तु पञ्चसाहस्रैरनयद् यमसादनम्।
दूषणं निहतं श्रुत्वा तस्य चैव पदानुगान् ॥ ३.२६.२३ ॥
五千人を討ってヤマの館へ送った。ドゥーシャナが討たれ、その歩兵の配下もまた（討たれた）と聞いて、
3.26.24
व्यादिदेश खरः क्रुद्धः सेनाध्यक्षान् महाबलान्।
अयं विनिहतः संख्ये दूषणः सपदानुगः ॥ ३.२६.२४ ॥
怒ったカラは力強い将軍たちに命じた。「戦いでこのドゥーシャナは歩兵の配下もろとも討たれた。」
3.26.25
महत्या सेनया सार्धं युद्ध्वा रामं कुमानुषम्।
शस्त्रैर्नानाविधाकारैर्हनध्वं सर्वराक्षसाः ॥ ३.२६.२५ ॥
この大軍とともにあの卑しい人間ラーマと戦い、さまざまな武器で、すべての羅刹よ、彼を打ち倒せ。
3.26.26
एवमुक्त्वा खरः क्रुद्धो राममेवाभिदुद्रुवे।
श्येनगामी पृथुग्रीवो यज्ञशत्रुर्विहंगमः ॥ ३.२६.२६ ॥
こう言い放つと、怒れるカラは真っ直ぐラーマに襲いかかった。鷹のように速く、太い首を持ち、供犠の敵、鳥のような男である。
3.26.27
दुर्जयः करवीराक्षः परुषः कालकार्मुकः।
हेममाली महामाली सर्पास्यो रुधिराशनः ॥ ३.२६.२७ ॥
ドゥルジャヤ、カラヴィーラークシャ、パルシャ、カーラカールムカ、ヘーママーリー、マハーマーリー、サルパースヤ、そしてルディラーシャナ。
3.26.28
द्वादशैते महावीर्या बलाध्यक्षाः ससैनिकाः।
राममेवाभ्यधावन्त विसृजन्तः शरोत्तमान् ॥ ३.२६.२८ ॥
この大勇の十二人の将軍は兵士とともにラーマに真っ直ぐ襲いかかり、優れた矢を次々と放った。
3.26.29
ततः पावकसंकाशैर्हेमवज्रविभूषितैः।
जघान शेषं तेजस्वी तस्य सैन्यस्य सायकैः ॥ ३.२६.२९ ॥
すると輝かしいラーマは、火のように輝き金とダイヤモンドで飾られた矢で、その軍勢の残りを打ち倒した。
3.26.30
ते रुक्मपुङ्खा विशिखाः सधूमा इव पावकाः।
निजघ्नुस्तानि रक्षांसि वज्रा इव महाद्रुमान् ॥ ३.२६.३० ॥
金の羽根をもつその矢は煙をあげる火のようであった。雷霆が大樹を打ち倒すように、それらは羅刹たちを打ち倒した。
3.26.31
रक्षसां तु शतं रामः शतेनैकेन किर्णना।
सहस्रं तु सहस्रेण जघान रणमूर्धनि ॥ ३.२६.३१ ॥
戦場の最前線で、ラーマは一本の矢で百人のラークシャサを、千本の矢で千人を討ち倒した。
3.26.32
तैर्भिन्नवर्माभरणाश्छिन्नभिन्नशरासनाः।
निपेतुः शोणितादिग्धा धरण्यां रजनीचराः ॥ ३.२६.३२ ॥
その矢に貫かれ、鎧も装身具も砕け、弓は折れ、血にまみれた夜の徘徊者たちは大地に倒れた。
3.26.33
तैर्मुक्तकेशैः समरे पतितैः शोणितोक्षितैः।
विस्तीर्णा वसुधा कृत्स्ना महावेदिः कुशैरिव ॥ ३.२६.३३ ॥
戦場に倒れ、髪を乱し血にまみれた彼らの屍によって、大地全体がクシャ草を敷き詰めた大祭壇のように広がった。
3.26.34
तत्क्षणे तु महाघोरं वनं निहतराक्षसम्।
बभूव निरयप्रख्यं मांसशोणितकर्दमम् ॥ ३.२६.३४ ॥
その瞬間、ラークシャサたちが斬られ、恐ろしい森は地獄さながらとなり、肉と血の泥沼と化した。
3.26.35
चतुर्दशसहस्राणि रक्षसां भीमकर्मणाम्।
हतान्येकेन रामेण मानुषेण पदातिना ॥ ३.२६.३५ ॥
恐ろしい行いをする一万四千のラークシャサが、徒歩の一人の人間ラーマによって殺された。
3.26.36
तस्य सैन्यस्य सर्वस्य खरः शेषो महारथः।
राक्षसस्त्रिशिराश्चैव रामश्च रिपुसूदनः ॥ ३.२६.३६ ॥
その全軍のうち残ったのは、大戦車将カラと、ラークシャサのトリシラスと、敵を討つラーマだけであった。
3.26.37
शेषा हता महावीर्या राक्षसा रणमूर्धनि।
घोरा दुर्विषहाः सर्वे लक्ष्मणस्याग्रजेन ते ॥ ३.२६.३७ ॥
残った大勇の羅刹たちは皆、恐ろしく抗しがたいが、戦場の先頭でラクシュマナの兄に討たれた。
3.26.38
ततस्तु तद्भीमबलं महाहवे
समीक्ष्य रामेण हतं बलीयसा।
रथेन रामं महता खरस्ततः
समाससादेन्द्र इवोद्यताशनिः ॥ ३.२६.३८ ॥
大戦で強大なラーマによってその恐ろしい軍が討たれたのを見て、カラは大戦車に乗ってラーマへと向かった。振り上げた雷霆を持つインドラのように。