ヴァールミーキのラーマーヤナ · サルガ 3.33
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.33.1
ततः शूर्पणखा दीना रावणं लोकरावणम्।
अमात्यमध्ये संक्रुद्धा परुषं वाक्यमब्रवीत् ॥ ३.३३.१ ॥
そのときシュールパナカーは悲しみと怒りに満ち、世界を恐怖させるラーヴァナに、大臣たちの真ん中で荒々しい言葉を投げかけた。
3.33.2
प्रमत्तः कामभोगेषु स्वैरवृत्तो निरङ्कुशः।
समुत्पन्नं भयं घोरं बोद्धव्यं नावबुध्यसे ॥ ३.३३.२ ॥
あなたは欲望の快楽に溺れ、気ままに振る舞い、歯止めを失っている。生じた恐ろしい危険は当然あなたが察知すべきなのに、あなたは気づいていない。
3.33.3
सक्तं ग्राम्येषु भोगेषु कामवृत्तं महीपतिम्।
लुब्धं न बहु मन्यन्ते श्मशानाग्निमिव प्रजाः ॥ ३.३३.३ ॥
粗野な世俗の快楽に執着し、欲望に任せて行動し、貪欲な王を、民は火葬場の火ほどにも重んじない。
3.33.4
स्वयं कार्याणि यः काले नानुतिष्ठति पार्थिवः।
स तु वै सह राज्येन तैश्च कार्यैर्विनश्यति ॥ ३.३३.४ ॥
自ら時宜に応じて自分の務めを果たさない王は、その務めとともに、そして王国とともに必ず滅びる。
3.33.5
अयुक्तचारं दुर्दर्शमस्वाधीनं नराधिपम्।
वर्जयन्ति नरा दूरान्नदीपङ्कमिव द्विपाः ॥ ३.३३.५ ॥
行いが不適切で、会うのが難しく、自制のない王を、人々は遠くから避ける。象が川の泥を避けるように。
3.33.6
ये न रक्षन्ति विषयमस्वाधीनं नराधिपाः।
ते न वृद्ध्या प्रकाशन्ते गिरयः सागरे यथा ॥ ३.३३.६ ॥
自制せず、自国を守らない王たちは、繁栄によって輝くことがない。海の中の山々が栄えを得ないように。
3.33.7
आत्मवद्भिर्विगृह्य त्वं देवगन्धर्वदानवैः।
अयुक्तचारश्चपलः कथं राजा भविष्यसि ॥ ३.३३.७ ॥
自制した神々、ガンダルヴァ、ダーナヴァと争い、間者を正しく使いこなさない軽率なおまえが、どうして王になれようか。
3.33.8
त्वं तु बालस्वभावश्च बुद्धिहीनश्च राक्षस।
ज्ञातव्यं तन्न जानीषे कथं राजा भविष्यसि ॥ ३.३३.८ ॥
羅刹よ、おまえは子供のような性質で知恵に欠けている。知るべきことを知らない。どうして王になれようか。
3.33.9
येषां चाराश्च कोशश्च नयश्च जयतां वर।
अस्वाधीना नरेन्द्राणां प्राकृतैस्ते जनैः समाः ॥ ३.३३.९ ॥
勝者の中の最良の者よ。間者、宝庫、政略が自分の支配下にない王は、凡人と変わらない。
3.33.10
यस्मात् पश्यन्ति दूरस्थान् सर्वानर्थान् नराधिपाः।
चारेण तस्मादुच्यन्ते राजानो दीर्घचक्षुषः ॥ ३.३३.१० ॥
王は間者を通じて遠く離れたすべての事を見るので、「遠くを見通す者」と呼ばれる。
3.33.11
अयुक्तचारं मन्ये त्वां प्राकृतैः सचिवैर्युतः।
स्वजनं च जनस्थानं निहतं नावबुध्यसे ॥ ३.३३.११ ॥
おまえの間者は正しく動いていないと私は思う。平凡な大臣に囲まれている。おまえの民と人住林が殺されたことさえ、おまえは知らない。
3.33.12
चतुर्दश सहस्राणि रक्षसां भीमकर्मणाम्।
हतान्येकेन रामेण खरश्च सहदूषणः ॥ ३.३३.१२ ॥
凶悪な行いをする一万四千の羅刹と、ドゥーシャナを伴ったカラは、ただ一人のラーマによって殺された。
3.33.13
ऋषीणामभयं दत्तं कृतक्षेमाश्च दण्डकाः।
धर्षितं च जनस्थानं रामेणाक्लिष्टकारिणा ॥ ३.३३.१३ ॥
聖仙たちには無畏が与えられ、ダンダカの森は安全にされた。そして努力なく行動するラーマがジャナスターナを蹂躙した。
3.33.14
त्वं तु लुब्धः प्रमत्तश्च पराधीनश्च राक्षस।
विषये स्वे समुत्पन्नं यद् भयं नावबुध्यसे ॥ ३.३३.१४ ॥
羅刹よ、お前は貪欲で、怠慢で、他人に依存している。だからお前は自らの領土に生じた危険に気づかないのだ。
3.33.15
तीक्ष्णमल्पप्रदातारं प्रमत्तं गर्वितं शठम्।
व्यसने सर्वभूतानि नाभिधावन्ति पार्थिवम् ॥ ३.३३.१५ ॥
苛酷で、与えることの少なく、怠慢で、高慢で、欺瞞的な王のもとへ、困難のとき、いかなる生き物も駆け寄らない。
3.33.16
अतिमानिनमग्राह्यमात्मसम्भावितं नरम्।
क्रोधनं व्यसने हन्ति स्वजनोऽपि नराधिपम् ॥ ३.३३.१६ ॥
困難のとき、あまりに高慢で近寄りがたく、自惚れが強く、怒りっぽい人の王、すなわち人間の主であっても、その身内の者さえ彼を殺す。
3.33.17
नानुतिष्ठति कार्याणि भयेषु न बिभेति च।
क्षिप्रं राज्याच्च्युतो दीनस्तृणैस्तुल्यो भवेदिह ॥ ३.३३.१७ ॥
危険に際して務めを果たさず、また恐れもしない王は、惨めになり、速やかに王国から追われ、ここでは草のようになる。
3.33.18
शुष्ककाष्ठैर्भवेत् कार्यं लोष्ठैरपि च पांसुभिः।
न तु स्थानात् परिभ्रष्टैः कार्यं स्याद् वसुधाधिपैः ॥ ३.३३.१८ ॥
乾いた枝や土塊、さらには塵によってでさえ仕事は成り立つが、その地位から転落した王たちによっては何も成し遂げられない。
3.33.19
उपभुक्तं यथा वासः स्रजो वा मृदिता यथा।
एवं राज्यात् परिभ्रष्टः समर्थोऽपि निरर्थकः ॥ ३.३३.१९ ॥
着古した衣や揉みつぶされた花輪が役に立たないように、王国から落ちた王は力があっても無用となる。
3.33.20
अप्रमत्तश्च यो राजा सर्वज्ञो विजितेन्द्रियः।
कृतज्ञो धर्मशीलश्च स राजा तिष्ठते चिरम् ॥ ३.३३.२० ॥
慎重で博識、感官を制し、恩を知り、法を重んじる王は、長く統治を保つ。
3.33.21
नयनाभ्यां प्रसुप्तो वा जागर्ति नयचक्षुषा।
व्यक्तक्रोधप्रसादश्च स राजा पूज्यते जनैः ॥ ३.३३.२१ ॥
眠っていても政治の眼で目覚めており、怒りと恩顧が明らかな王は、民に敬われる。
3.33.22
त्वं तु रावण दुर्बुद्धिर्गुणैरेतैर्विवर्जितः।
यस्य तेऽविदितश्चारै रक्षसां सुमहान् वधः ॥ ३.३३.२२ ॥
ラーヴァナよ、お前は悪知恵で、これらの徳を欠いている。お前の密偵さえ、羅刹たちの大いなる滅亡を知らなかった。
3.33.23
परावमन्ता विषयेषु सङ्गवान्
न देशकालप्रविभागतत्त्ववित्।
अयुक्तबुद्धिर्गुणदोषनिश्चये
विपन्नराज्यो न चिराद् विपत्स्यसे ॥ ३.३३.२३ ॥
お前は他人を軽んじ、感覚の対象に執着し、場所と時の区別の真理を知らず、善悪を判断する心も定まらない。王国を失い、やがて滅びるだろう。
3.33.24
समीक्ष्य बुद्ध्या क्षणदाचरेश्वरः।
धनेन दर्पेण बलेन चान्वितो
विचिन्तयामास चिरं स रावणः ॥ ३.३३.२४ ॥
知性で熟考した後、富と傲慢と力を備えた夜の徘徊者の王ラーヴァナは、長く思いを巡らせた。