ヴァールミーキのラーマーヤナ · サルガ 3.34
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.34.1
ततः शूर्पणखां दृष्ट्वा ब्रुवन्तीं परुषं वचः।
अमात्यमध्ये संक्रुद्धः परिपप्रच्छ रावणः ॥ ३.३४.१ ॥
そこで、荒々しい言葉を語るシュールパナカーを見て、大臣たちの中で激怒したラーヴァナは尋ねた。
3.34.2
कश्च रामः कथंवीर्यः किंरूपः किंपराक्रमः।
किमर्थं दण्डकारण्यं प्रविष्टश्च सुदुस्तरम् ॥ ३.३४.२ ॥
そのラーマとは何者か。その力はいかほどか、姿はいかなるか、武勇はいかほどか。なぜ極めて越えがたいダンダカの森に入ったのか。
3.34.3
आयुधं किं च रामस्य येन ते राक्षसा हताः।
खरश्च निहतः संख्ये दूषणस्त्रिशिरास्तथा ॥ ३.३४.३ ॥
ラーマの武器は何か。それによってあの羅刹たちは殺されたのか。戦いでカラは殺され、ドゥーシャナとトリシラスもまた。
3.34.4
तत्त्वं ब्रूहि मनोज्ञाङ्गि केन त्वं च विरूपिता।
इत्युक्ता राक्षसेन्द्रेण राक्षसी क्रोधमूर्च्छिता ॥ ३.३४.४ ॥
ならば言え、美しい肢体を持つ者よ、誰がお前を醜くしたのか。羅刹王にそう問われると、怒りに気を失った羅刹女は……
3.34.5
ततो रामं यथान्यायमाख्यातुमुपचक्रमे।
दीर्घबाहुर्विशालाक्षश्चीरकृष्णाजिनाम्बरः ॥ ३.३४.५ ॥
そして彼女は、しかるべく、ラーマを語り始めた。長い腕を持ち、大きな目をし、樹皮の衣と黒鹿の皮をまとった者を。
3.34.6
कन्दर्पसमरूपश्च रामो दशरथात्मजः।
शक्रचापनिभं चापं विकृष्य कनकाङ्गदम् ॥ ३.३४.६ ॥
そしてラーマ、ダシャラタの子は、カーマ神に等しい姿を持つ。インドラの虹のような、金の飾りを施した弓を引き絞り……
3.34.7
दीप्तान् क्षिपति नाराचान् सर्पानिव महाविषान्।
नाददानं शरान् घोरान् विमुञ्चन्तं महाबलम् ॥ ३.३४.७ ॥
燃え上がるナーラーチャの矢を、猛毒の蛇のように射放つ。恐ろしい矢を取って放つその大力者はラーマである。
3.34.8
न कार्मुकं विकर्षन्तं रामं पश्यामि संयुगे।
हन्यमानं तु तत्सैन्यं पश्यामि शरवृष्टिभिः ॥ ३.३४.८ ॥
戦いで弓を引くラーマは見えないが、あの軍勢が矢の雨に打たれているのが見える。
3.34.9
इन्द्रेणेवोत्तमं सस्यमाहतं त्वश्मवृष्टिभिः।
रक्षसां भीमवीर्याणां सहस्राणि चतुर्दश ॥ ३.३४.९ ॥
インドラが石の雨で見事な作物を荒らすように、恐ろしい勇力の羅刹一万四千が打ち倒されている。
3.34.10
निहतानि शरैस्तीक्ष्णैस्तेनैकेन पदातिना।
अर्धाधिकमुहूर्तेन खरश्च सहदूषणः ॥ ३.३४.१० ॥
その一人の歩兵が鋭い矢で彼らを討ち取った。半ムフールタを少し越える間に、カラとドゥーシャナも討たれた。
3.34.11
ऋषीणामभयं दत्तं कृतक्षेमाश्च दण्डकाः ॥ ३.३४.११ ॥
聖仙たちには無畏が与えられ、ダンダカの森は安全にされた。
3.34.12
एका कथंचिन्मुक्ताहं परिभूय महात्मना।
स्त्रीवधं शङ्कमानेन रामेण विदितात्मना ॥ ३.३४.१२ ॥
その大いなる魂の男に辱められ、私は一人なんとか解放された。女を殺すことを恐れ、自制したラーマが私を見逃したのだ。
3.34.13
भ्राता चास्य महातेजा गुणतस्तुल्यविक्रमः।
अनुरक्तश्च भक्तश्च लक्ष्मणो नाम वीर्यवान् ॥ ३.३४.१३ ॥
その兄は大いなる輝きを持つラクシュマナで、徳と武勇において彼と等しく、献身的で忠実な、ラクシュマナという名の力ある戦士である。
3.34.14
अमर्षी दुर्जयो जेता विक्रान्तो बुद्धिमान् बली।
रामस्य दक्षिणो बाहुर्नित्यं प्राणो बहिश्चरः ॥ ३.३४.१४ ॥
彼は侮辱を許さず、打ち負かすことができず、勝利者であり、勇敢で賢明、力強い。ラーマの右腕であり、常に彼の命の息、外で動く者である。
3.34.15
रामस्य तु विशालाक्षी पूर्णेन्दुसदृशानना।
धर्मपत्नी प्रिया नित्यं भर्तुः प्रियहिते रता ॥ ३.३४.१५ ॥
ラーマの正妻で、大きな目と満月のような顔を持ち、夫の喜びと幸せにいつも専心する最愛の妻である。
3.34.16
सा सुकेशी सुनासोरूः सुरूपा च यशस्विनी।
देवतेव वनस्यास्य राजते श्रीरिवापरा ॥ ३.३४.१६ ॥
彼女は美しい髪、整った鼻、均整のとれた腿を持つ。美しく栄光に満ち、この森で女神のように、もう一人のシュリーのように輝いている。
3.34.17
तप्तकाञ्चनवर्णाभा रक्ततुङ्गनखी शुभा।
सीता नाम वरारोहा वैदेही तनुमध्यमा ॥ ३.३४.१७ ॥
溶けた金のような輝きを持ち、高く赤みを帯びた爪をもつ、吉祥な女性。シータという名で、美しい腰をもち、ヴァイデーヒーであり、細い腰を持つ。
3.34.18
नैव देवी न गन्धर्वी न यक्षी न च किंनरी।
तथारूपा मया नारी दृष्टपूर्वा महीतले ॥ ३.३४.१८ ॥
彼女は女神でもガンダルヴァの女でもヤクシャの女でもキンナリーでもない。このような姿の女性を、私はこれまで地上で見たことがない。
3.34.19
यस्य सीता भवेद् भार्या यं च हृष्टा परिष्वजेत्।
अभिजीवेत् स सर्वेषु लोकेष्वपि पुरंदरात् ॥ ३.३४.१९ ॥
シーターを妻とし、彼女が喜んで抱きしめる者は、すべての世界においてインドラをも超えて生きるであろう。
3.34.20
सा सुशीला वपुःश्लाघ्या रूपेणाप्रतिमा भुवि।
तवानुरूपा भार्या सा त्वं च तस्याः पतिर्वरः ॥ ३.३४.२० ॥
彼女は心優しく、その姿は称賛に値し、地上で美しさにおいて比類がない。彼女はあなたにふさわしい妻であり、あなたこそ彼女にふさわしい優れた夫である。
3.34.21
तां तु विस्तीर्णजघनां पीनोत्तुङ्गपयोधराम्।
भार्यार्थे तु तवानेतुमुद्यताहं वराननाम् ॥ ३.३४.२१ ॥
広い腰と豊かで高い乳房をもつ、その美しい顔の女性を、あなたの妻として連れてくる用意がわたしにはあります。
3.34.22
विरूपितास्मि क्रूरेण लक्ष्मणेन महाभुज।
तां तु दृष्ट्वाद्य वैदेहीं पूर्णचन्द्रनिभाननाम् ॥ ३.३४.२२ ॥
ああ、大いなる腕を持つ者よ、わたしは残酷なラクシュマナによって醜くされた。そして今、満月のような顔をしたあのヴァイデーヒーを見て——
3.34.23
मन्मथस्य शराणां च त्वं विधेयो भविष्यसि।
यदि तस्यामभिप्रायो भार्यात्वे तव जायते।
शीघ्रमुद्ध्रियतां पादो जयार्थमिह दक्षिणः ॥ ३.३४.२३ ॥
あなたは愛神の矢の支配を受けることになる。もし彼女を妻にしたいという思いがあなたに生じたなら、勝利のためにここで右足をすぐに上げなさい。
3.34.24
रोचते यदि ते वाक्यं ममैतद् राक्षसेश्वर।
क्रियतां निर्विशङ्केन वचनं मम रावण ॥ ३.३४.२४ ॥
羅刹の王よ、もしわたしのこの言葉があなたの気に入るなら、ラーヴァナよ、ためらうことなくわたしの言葉を実行せよ。
3.34.25
विज्ञायैषामशक्तिं च क्रियतां च महाबल।
सीता तवानवद्याङ्गी भार्यात्वे राक्षसेश्वर ॥ ३.३४.२५ ॥
彼らの弱点を知ったうえで行動せよ、偉大な力の持ち主よ。羅刹王よ、欠点のない肢体をもつシーターを妻としなさい。
3.34.26
निशम्य रामेण शरैरजिह्मगै-
र्हताञ्जनस्थानगतान् निशाचरान्।
खरं च दृष्ट्वा निहतं च दूषणं
त्वमद्य कृत्यं प्रतिपत्तुमर्हसि ॥ ३.३४.२६ ॥
ジャナスターナに赴いた夜行者たちがラーマのまっすぐ飛ぶ矢に殺されたと聞き、カラとドゥーシャナが殺されたのを見た今、お前は自分の務めを果たすべきだ。