蚁垤《罗摩衍那》 · 篇 3.51
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
3.51.1
इत्युक्तः क्रोधताम्राक्षस्तप्तकाञ्चनकुण्डलः।
राक्षसेन्द्रोऽभिदुद्राव पतगेन्द्रममर्षणः ॥ ३.५१.१ ॥
被这样一说，眼睛因愤怒而发红、佩戴烧红金耳环的罗刹王不能忍受，冲向鸟王。
3.51.2
स सम्प्रहारस्तुमुलस्तयोस्तस्मिन् महामृधे।
बभूव वातोद्धुतयोर्मेघयोर्गगने यथा ॥ ३.५१.२ ॥
在那场大战中，二者的交锋变得极为惨烈，如同天空中被风吹动的两朵云相互碰撞。
3.51.3
तद् बभूवाद्भुतं युद्धं गृध्रराक्षसयोस्तदा।
सपक्षयोर्माल्यवतोर्महापर्वतयोरिव ॥ ३.५१.३ ॥
那时，秃鹫与罗刹之间的战斗变得奇异非凡，仿佛两座长着翅膀的大山，如同摩利耶湾山，相互撞击。
3.51.4
ततो नालीकनाराचैस्तीक्ष्णाग्रैश्च विकर्णिभिः।
अभ्यवर्षन्महाघोरैर्गृध्रराजं महाबलम् ॥ ३.५१.४ ॥
随后，他以那罗迦箭、那罗车箭、锐利尖头箭与毗迦尔尼箭，极为可怖地向大力的鹫王倾泻箭雨。
3.51.5
स तानि शरजालानि गृध्रः पत्ररथेश्वरः।
जटायुः प्रतिजग्राह रावणास्त्राणि संयुगे ॥ ३.५१.५ ॥
那只鹫，鸟车之主迦吒优，在战斗中抵挡了那些箭网与罗婆那的武器。
3.51.6
तस्य तीक्ष्णनखाभ्यां तु चरणाभ्यां महाबलः।
चकार बहुधा गात्रे व्रणान् पतगसत्तमः ॥ ३.५१.६ ॥
这位大力的最优秀之鸟，用它尖利爪子的双足，在他身上造成了多种多样的伤口。
3.51.7
अथ क्रोधाद् दशग्रीवो जग्राह दश मार्गणान्।
मृत्युदण्डनिभान् घोरान् शत्रोर्निधनकांक्षया ॥ ३.५१.७ ॥
于是，十首罗波那怒从心起，取出十支可怖的箭，如死神之杖，欲置敌人于死地。
3.51.8
स तैर्बाणैर्महावीर्यः पूर्णमुक्तैरजिह्मगैः।
बिभेद निशितैस्तीक्ष्णैर्गृध्रं घोरैः शिलीमुखैः ॥ ३.५१.८ ॥
这位大勇士以那些拉满射出、笔直飞行的利箭，以锋利、尖锐、可怖的箭头刺穿了那只秃鹫。
3.51.9
स राक्षसरथे पश्यञ्जानकीं बाष्पलोचनाम्।
अचिन्तयित्वा बाणांस्तान् राक्षसं समभिद्रवत् ॥ ३.५१.९ ॥
他看见罗刹车中泪眼盈盈的悉多，便不顾那些箭，冲向罗刹。
3.51.10
ततोऽस्य सशरं चापं मुक्तामणिविभूषितम्।
चरणाभ्यां महातेजा बभञ्ज पतगोत्तमः ॥ ३.५१.१० ॥
于是那位光辉盛大的鸟中之王，以双足折断了镶嵌珍珠宝石、搭着箭的那张弓。
3.51.11
ततोऽन्यद् धनुरादाय रावणः क्रोधमूर्च्छितः।
ववर्ष शरवर्षाणि शतशोऽथ सहस्रशः ॥ ३.५१.११ ॥
于是罗波那被怒火冲昏，另取一弓，倾泻出成百上千的箭雨。
3.51.12
शरैरावारितस्तस्य संयुगे पतगेश्वरः।
कुलायमभिसम्प्राप्तः पक्षिवच्च बभौ तदा ॥ ३.५१.१२ ॥
鸟王在战斗中被他的箭所围困，此时却像飞回巢中的鸟儿一般闪耀。
3.51.13
स तानि शरजालानि पक्षाभ्यां तु विधूय ह।
चरणाभ्यां महातेजा बभञ्जास्य महद् धनुः ॥ ३.५१.१३ ॥
大光明的它以双翼抖落那些箭网，又以双足折断了罗婆那的大弓。
3.51.14
तच्चाग्निसदृशं दीप्तं रावणस्य शरावरम्।
पक्षाभ्यां च महातेजा व्यधुनोत् पतगेश्वरः ॥ ३.५१.१४ ॥
大光明的鸟王又以双翼抖落了罗婆那那如火燃烧的箭袋。
3.51.15
काञ्चनोरश्छदान् दिव्यान् पिशाचवदनान् खरान्।
तांश्चास्य जवसम्पन्नाञ्जघान समरे बली ॥ ३.५१.१५ ॥
力大的它在战斗中击杀了罗婆那那些快速的神骏，胸甲金色，面貌如夜叉。
3.51.16
अथ त्रिवेणुसम्पन्नं कामगं पावकार्चिषम्।
मणिसोपानचित्राङ्गं बभञ्ज च महारथम् ॥ ३.५१.१६ ॥
接着，他折断了那辆大战车。它有三根辕杆，能随意而行，光焰如火，车身以宝石台阶装饰。
3.51.17
पूर्णचन्द्रप्रतीकाशं छत्रं च व्यजनैः सह।
पातयामास वेगेन ग्राहिभी राक्षसैः सह ॥ ३.५१.१७ ॥
他迅速击落了如满月般明亮的华盖与拂尘，连同持握它们的罗刹一起推倒在地。
3.51.18
सारथेश्चास्य वेगेन तुण्डेन च महच्छिरः।
पुनर्व्यपहनच्छ्रीमान् पक्षिराजो महाबलः ॥ ३.५१.१८ ॥
光辉而力大无穷的鸟王，以喙的迅猛再次斩下了他御者的大头颅。
3.51.19
स भग्नधन्वा विरथो हताश्वो हतसारथिः।
अङ्केनादाय वैदेहीं पपात भुवि रावणः ॥ ३.५१.१९ ॥
弓断、无车、马死、御者亡，罗波那怀抱毗提诃之女悉多，跌倒在地。
3.51.20
दृष्ट्वा निपतितं भूमौ रावणं भग्नवाहनम्।
साधु साध्विति भूतानि गृध्रराजमपूजयन् ॥ ३.५१.२० ॥
众生见罗波那倒在地上，车辆已毁，皆称"善哉，善哉！"，并礼敬鹫王。
3.51.21
परिश्रान्तं तु तं दृष्ट्वा जरया पक्षियूथपम्।
उत्पपात पुनर्हृष्टो मैथिलीं गृह्य रावणः ॥ ३.५१.२१ ॥
见鸟王因年老而疲惫，罗波那复又欢喜，抓起摩他利，再次站起。
3.51.22
तं प्रहृष्टं निधायाङ्के रावणं जनकात्मजाम्।
गच्छन्तं खड्गशेषं च प्रणष्टहतसाधनम् ॥ ३.५१.२२ ॥
罗波那欢喜地怀抱遮那伽之女前行，只剩宝剑，兵器已失或毁坏。
3.51.23
गृध्रराजः समुत्पत्य रावणं समभिद्रवत्।
समावार्य महातेजा जटायुरिदमब्रवीत् ॥ ३.५१.२३ ॥
鹫王大光明者迦吒由起身冲向罗波那，拦住他，说道：
3.51.24
वज्रसंस्पर्शबाणस्य भार्यां रामस्य रावण।
अल्पबुद्धे हरस्येनां वधाय खलु रक्षसाम् ॥ ३.५१.२४ ॥
罗波那啊！你正劫走那箭如雷霆之矢的罗摩之妻，愚蠢的人啊！这实在是为罗刹的灭亡。
3.51.25
समित्रबन्धुः सामात्यः सबलः सपरिच्छदः।
विषपानं पिबस्येतत् पिपासित इवोदकम् ॥ ३.५१.२५ ॥
你连同朋友、亲族、大臣、军队和随从，正在饮下这毒药，就像口渴的人饮水一样。
3.51.26
अनुबन्धमजानन्तः कर्मणामविचक्षणाः।
शीघ्रमेव विनश्यन्ति यथा त्वं विनशिष्यसि ॥ ३.५१.२६ ॥
不知行为后果、缺乏辨别力的人很快就会灭亡，正如你将会灭亡。
3.51.27
बद्धस्त्वं कालपाशेन क्व गतस्तस्य मोक्ष्यसे।
वधाय बडिशं गृह्य सामिषं जलजो यथा ॥ ३.५१.२७ ॥
你被死亡的绳索缚住，又将逃往何处才能脱身？就像鱼吞下带饵的钩子，走向自己的毁灭。
3.51.28
नहि जातु दुराधर्षौ काकुत्स्थौ तव रावण।
धर्षणं चाश्रमस्यास्य क्षमिष्येते तु राघवौ ॥ ३.५१.२८ ॥
啊，罗波那，两位迦恭多之子、罗怙之裔，你永远无法战胜他们；然而他们会宽恕对这座修道院的侮辱。
3.51.29
यथा त्वया कृतं कर्म भीरुणा लोकगर्हितम्।
तस्कराचरितो मार्गो नैष वीरनिषेवितः ॥ ३.५१.२९ ॥
你所做的事，是懦夫之举，为世人所唾弃。这是盗贼之道，不是英雄所行之路。
3.51.30
युद्ध्यस्व यदि शूरोऽसि मुहूर्तं तिष्ठ रावण।
शयिष्यसे हतो भूमौ यथा भ्राता खरस्तथा ॥ ३.५१.३० ॥
啊，罗波那，你若是英雄，便来交战，稍停片刻。你将被杀倒在地上，像你的兄弟罗陀（羯罗）一样。
3.51.31
परेतकाले पुरुषो यत् कर्म प्रतिपद्यते।
विनाशायात्मनोऽधर्म्यं प्रतिपन्नोऽसि कर्म तत् ॥ ३.५१.३१ ॥
临死之时，人所做的任何行为，都是导致自身毁灭的非法之举；而你所做的正是此事。
3.51.32
पापानुबन्धो वै यस्य कर्मणः को नु तत् पुमान्।
कुर्वीत लोकाधिपतिः स्वयंभूर्भगवानपि ॥ ३.५१.३२ ॥
哪个人会去做那种使人陷入罪恶纠缠的行为？即便是世界之主、自生的世尊，也不会去做。
3.51.33
एवमुक्त्वा शुभं वाक्यं जटायुस्तस्य रक्षसः।
निपपात भृशं पृष्ठे दशग्रीवस्य वीर्यवान् ॥ ३.५१.३३ ॥
说完这番吉祥的话，威猛的迦吒由便沉重地扑落在那罗刹十首王的背上。
3.51.34
तं गृहीत्वा नखैस्तीक्ष्णैर्विददार समन्ततः।
अधिरूढो गजारोहो यथा स्याद् दुष्टवारणम् ॥ ३.५१.३४ ॥
迦吒由以锐利的爪子抓住他，从四面将他撕裂，如同骑在凶猛大象上的象师。
3.51.35
विददार नखैरस्य तुण्डं पृष्ठे समर्पयन्।
केशांश्चोत्पाटयामास नखपक्षमुखायुधः ॥ ३.५१.३५ ॥
他压住对方的背，用爪子撕裂对方的脸，又拔掉他的头发；他的武器是爪、翼与喙。
3.51.36
स तथा गृध्रराजेन क्लिश्यमानो मुहुर्मुहुः।
अमर्षस्फुरितोष्ठः सन् प्राकम्पत च राक्षसः ॥ ३.५१.३६ ॥
罪恶的罗刹被秃鹫王这般一次又一次地折磨，怒气使他双唇颤抖，全身不住发抖。
3.51.37
सम्परिष्वज्य वैदेहीं वामेनाङ्केन रावणः।
तलेनाभिजघानार्तो जटायुं क्रोधमूर्च्छितः ॥ ३.५१.३७ ॥
罗波那以左臂紧紧抱住维德赫依，痛苦而又被愤怒所蒙蔽，用手掌击打了迦吒犹。
3.51.38
जटायुस्तमतिक्रम्य तुण्डेनास्य खगाधिपः।
वामबाहून् दश तदा व्यपाहरदरिंदमः ॥ ३.५१.३८ ॥
于是，制服敌人的鸟王迦吒犹扑向他，用喙扯断了罗波那左边的十只手臂。
3.51.39
संछिन्नबाहोः सद्यो वै बाहवः सहसाभवन्।
विषज्वालावलीयुक्ता वल्मीकादिव पन्नगाः ॥ ३.५१.३९ ॥
被斩断双臂的他，双臂立刻又猛然长出，环绕着成排的毒焰，犹如蛇从蚁穴中钻出。
3.51.40
ततः क्रोधाद् दशग्रीवः सीतामुत्सृज्य वीर्यवान्।
मुष्टिभ्यां चरणाभ्यां च गृध्रराजमपोथयत् ॥ ३.५१.४० ॥
于是，十首罗波那怒火中烧，放下悉多，以双拳与双脚猛击鹫王迦吒犹。
3.51.41
ततो मुहूर्तं संग्रामो बभूवातुलवीर्ययोः।
राक्षसानां च मुख्यस्य पक्षिणां प्रवरस्य च ॥ ३.५१.४१ ॥
随后，片刻之间，两位英勇无比者之间展开了一场战斗——罗刹之首与飞禽之最。
3.51.42
तस्य व्यायच्छमानस्य रामस्यार्थे स रावणः।
पक्षौ पादौ च पार्श्वौ च खड्गमुद्धृत्य सोऽच्छिनत् ॥ ३.५१.४२ ॥
为了罗摩，鹫王竭尽全力相搏，罗波那拔出剑来，斩断了他的双翼、双足和两侧。
3.51.43
स च्छिन्नपक्षः सहसा रक्षसा रौद्रकर्मणा।
निपपात महागृध्रो धरण्यामल्पजीवितः ॥ ३.५१.४३ ॥
凶残的罗刹突然砍断了他的双翼，这只大秃鹫气息奄奄，坠落在大地上。
3.51.44
तं दृष्ट्वा पतितं भूमौ क्षतजार्द्रं जटायुषम्।
अभ्यधावत वैदेही स्वबन्धुमिव दुःखिता ॥ ३.५१.४४ ॥
看见迦吒由在地上，浑身浸透鲜血，悲伤的吠德希向他奔去，仿佛奔向自己的亲人。
3.51.45
तं नीलजीमूतनिकाशकल्पं
सपाण्डुरोरस्कमुदारवीर्यम्।
ददर्श लङ्काधिपतिः पृथिव्यां
जटायुषं शान्तमिवाग्निदावम् ॥ ३.५१.४५ ॥
楞伽之主看见迦吒由躺在地上，他形如黑色雷云，胸膛苍白，威力高贵，静止如熄灭的林火。
3.51.46
ततस्तु तं पत्ररथं महीतले
निपातितं रावणवेगमर्दितम्।
पुनश्च संगृह्य शशिप्रभानना
रुरोद सीता जनकात्मजा तदा ॥ ३.५१.४६ ॥
这时，面如明月的遮那伽之女悉多再次将这位鸟王抱入怀中。他倒在地上，被罗波那的力量击垮，悉多便哭泣起来。