Vālmīki Rāmāyaṇa · Sarga 4.1
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
4.1.1
स तां पुष्करिणीं गत्वा पद्मोत्पलझषाकुलाम्।
रामः सौमित्रिसहितो विललापाकुलेन्द्रियः ॥ ४.१.१ ॥
Having gone to that lotus pond, filled with lotuses, water-lilies and fish, Rāma, together with Saumitri, lamented with agitated senses.
4.1.2
तत्र दृष्ट्वैव तां हर्षादिन्द्रियाणि चकम्पिरे।
स कामवशमापन्नः सौमित्रिमिदमब्रवीत् ॥ ४.१.२ ॥
There, having seen her, his senses trembled with joy. Fallen under the sway of desire, he said this to Saumitri.
4.1.3
सौमित्रे शोभते पम्पा वैदूर्यविमलोदका।
फुल्लपद्मोत्पलवती शोभिता विविधैर्द्रुमैः ॥ ४.१.३ ॥
O Saumitri, the Pampā lake shines, its water clear as lapis lazuli, rich with blossoming lotuses and water-lilies, adorned with many kinds of trees.
4.1.4
सौमित्रे पश्य पम्पायाः काननं शुभदर्शनम्।
यत्र राजन्ति शैला वा द्रुमाः सशिखरा इव ॥ ४.१.४ ॥
O Saumitri, behold the pleasing forest of Pampā, where trees shine like mountains with their peaks.
4.1.5
मां तु शोकाभिसंतप्तमाधयः पीडयन्ति वै।
भरतस्य च दुःखेन वैदेह्या हरणेन च ॥ ४.१.५ ॥
But indeed the mental anguishes torment me, who am tormented by grief, through Bharata's sorrow and through the abduction of Vaidehī.
4.1.6
शोकार्तस्यापि मे पम्पा शोभते चित्रकानना।
व्यवकीर्णा बहुविधैः पुष्पैः शीतोदका शिवा ॥ ४.१.६ ॥
Even to me, afflicted with grief, the Pampā shines with its wondrous forests, strewn with many kinds of flowers, cool-watered and auspicious.
4.1.7
नलिनैरपि संछन्ना ह्यत्यर्थशुभदर्शना।
सर्पव्यालानुचरिता मृगद्विजसमाकुला ॥ ४.१.७ ॥
Covered even with lotuses, exceedingly lovely to behold, haunted by serpents and beasts of prey, thronged with deer and birds.
4.1.8
अधिकं प्रविभात्येतन्नीलपीतं तु शाद्वलम्।
द्रुमाणां विविधैः पुष्पैः परिस्तोमैरिवार्पितम् ॥ ४.१.८ ॥
This grassy ground shines exceedingly, blue and yellow, as if spread over with coverings of the trees' many flowers.
4.1.9
पुष्पभारसमृद्धानि शिखराणि समन्ततः।
लताभिः पुष्पिताग्राभिरुपगूढानि सर्वतः ॥ ४.१.९ ॥
On every side the peaks are laden with heavy clusters of flowers, embraced on all sides by creepers with flowering tips.
4.1.10
सुखानिलोऽयं सौमित्रे कालः प्रचुरमन्मथः।
गन्धवान् सुरभिर्मासो जातपुष्पफलद्रुमः ॥ ४.१.१० ॥
This is a pleasant breeze, Saumitri; this season greatly kindles desire. It is a fragrant, sweet-scented month, when the trees are in bloom and bearing fruit.
4.1.11
पश्य रूपाणि सौमित्रे वनानां पुष्पशालिनाम्।
सृजतां पुष्पवर्षाणि वर्षं तोयमुचामिव ॥ ४.१.११ ॥
Behold the forms of the flowering forests, Saumitri, sending down showers of blossoms like water-bearing clouds sending down rain.
4.1.12
प्रस्तरेषु च रम्येषु विविधाः काननद्रुमाः।
वायुवेगप्रचलिताः पुष्पैरवकिरन्ति गाम् ॥ ४.१.१२ ॥
On the lovely rocky ground, the many forest trees, stirred by the force of the wind, scatter their flowers over the earth.
4.1.13
पतितैः पतमानैश्च पादपस्थैश्च मारुतः।
कुसुमैः पश्य सौमित्रे क्रीडतीव समन्ततः ॥ ४.१.१३ ॥
Look, Saumitri, the wind seems to play all around with the fallen and falling flowers, and those still on the trees.
4.1.14
विक्षिपन् विविधाः शाखां नगानां कुसुमोत्कटाः।
मारुतश्चलितस्थानैः षट्पदैरनुगीयते ॥ ४.१.१४ ॥
The wind, laden with flowers, shakes the various branches of the trees, and the bees, stirred from their places, hum along with it.
4.1.15
मत्तकोकिलसंनादैर्नर्तयन्निव पादपान्।
शैलकंदर निष्क्रान्तः प्रगीत इव चानिलः ॥ ४.१.१५ ॥
Coming out of the mountain caves, the wind seems to make the trees dance with the sounds of intoxicated cuckoos, as if it were being sung.
4.1.16
तेन विक्षिपतात्यर्थं पवनेन समन्ततः।
अमी संसक्तशाखाग्रा ग्रथिता इव पादपाः ॥ ४.१.१६ ॥
These trees, shaken violently on every side by that wind, with their branch-tips entangled, look as though they were woven together.
4.1.17
स एव सुखसंस्पर्शो वाति चन्दनशीतलः।
गन्धमभ्यवहन् पुण्यं श्रमापनयनोऽनिलः ॥ ४.१.१७ ॥
This same wind blows, pleasant to the touch and cool as sandalwood, carrying a pure fragrance and removing weariness.
4.1.18
अमी पवनविक्षिप्ता विनदन्तीव पादपाः।
षट्पदैरनुकूजद्भिर्वनेषु मधुगन्धिषु ॥ ४.१.१८ ॥
These trees, shaken by the wind, seem to resound, and in the forests fragrant with honey, the bees hum back in answer to them.
4.1.19
गिरिप्रस्थेषु रम्येषु पुष्पवद्भिर्मनोरमैः।
संसक्तशिखराः शैला विराजन्ति महाद्रुमैः ॥ ४.१.१९ ॥
On the lovely mountain slopes, the mountains with peaks clung to by great flowering trees shine forth.
4.1.20
पुष्पसंछन्नशिखरा मारुतोत्क्षेपचञ्चलाः।
अमी मधुकरोत्तंसाः प्रगीता इव पादपाः ॥ ४.१.२० ॥
These trees, with peaks covered in flowers, trembling as the wind tosses them, bees as their crown ornaments, seem as if singing.
4.1.21
सुपुष्पितांस्तु पश्यैतान् कर्णिकारान् समन्ततः।
हाटकप्रतिसंछन्नान् नरान् पीताम्बरानिव ॥ ४.१.२१ ॥
Look at these well-flowered karṇikāra trees on all sides, covered like gold, as if they were men clad in yellow garments.
4.1.22
अयं वसन्तः सौमित्रे नानाविहगनादितः।
सीतया विप्रहीणस्य शोकसंदीपनो मम ॥ ४.१.२२ ॥
O Saumitri, this spring resounds with the cries of many kinds of birds; for me, parted from Sītā, it kindles sorrow.
4.1.23
मां हि शोकसमाक्रान्तं संतापयति मन्मथः।
हृष्टं प्रवदमानश्च समाह्वयति कोकिलः ॥ ४.१.२३ ॥
Indeed, Love torments me, overcome with sorrow, and the joyfully calling cuckoo seems to summon me.
4.1.24
एष दात्यूहको हृष्टो रम्ये मां वननिर्झरे।
प्रणदन्मन्मथाविष्टं शोचयिष्यति लक्ष्मण ॥ ४.१.२४ ॥
O Lakṣmaṇa, this joyful dātyūha bird, crying out at this lovely forest waterfall, will make me, possessed by love, grieve.
4.1.25
श्रुत्वैतस्य पुरा शब्दमाश्रमस्था मम प्रिया।
मामाहूय प्रमुदिताः परमं प्रत्यनन्दत ॥ ४.१.२५ ॥
Having heard its sound long ago, my beloved, who dwelt in the hermitage, would call me and rejoice greatly in response.
4.1.26
एवं विचित्राः पतगा नानारावविराविणः।
वृक्षगुल्मलताः पश्य सम्पतन्ति समन्ततः ॥ ४.१.२६ ॥
See how the many-colored birds, crying out with various calls, flutter all around over the trees, shrubs and creepers.
4.1.27
विमिश्रा विहगाः पुंभिरात्मव्यूहाभिनन्दिताः।
भृङ्गराजप्रमुदिताः सौमित्रे मधुरस्वराः ॥ ४.१.२७ ॥
O Saumitri, these birds mingled with their mates, delighted in their own display, rejoicing with the bhṛṅgarāja birds, sweet-voiced.
4.1.28
अस्याः कूले प्रमुदिताः सङ्घशः शकुनास्त्विह।
दात्यूहरतिविक्रन्दैः पुंस्कोकिलरुतैरपि ॥ ४.१.२८ ॥
On this river's bank the birds rejoice here in flocks, with the delighted cries of the dātyūha birds and the calls of the male cuckoos as well.
4.1.29
स्वनन्ति पादपाश्चेमे ममानङ्गप्रदीपकाः।
अशोकस्तबकाङ्गारः षट्पदस्वननिःस्वनः ॥ ४.१.२९ ॥
These trees also resound, kindlers of love's lamps within me; the clusters of aśoka blossoms are like embers, filled with the humming of bees.
4.1.30
मां हि पल्लवताम्रार्चिर्वसन्ताग्निः प्रधक्ष्यति।
नहि तां सूक्ष्मपक्ष्माक्षीं सुकेशीं मृदुभाषिणीम् ॥ ४.१.३० ॥
The spring fire, with flames red as young leaves, will surely burn me; but it will not burn her, fine-lashed-eyed, fair-haired, soft-spoken.
4.1.31
अपश्यतो मे सौमित्रे जीवितेऽस्ति प्रयोजनम्।
अयं हि रुचिरस्तस्याः कालो रुचिरकाननः ॥ ४.१.३१ ॥
O Saumitri, without seeing her, what purpose has my life? This season of hers, with its lovely forest groves, is indeed delightful.
4.1.32
कोकिलाकुलसीमान्तो दयिताया ममानघ।
मन्मथायाससम्भूतो वसन्तगुणवर्धितः ॥ ४.१.३२ ॥
O sinless one, this season of my beloved, whose borders are full of cuckoos, born of the torment of love and increased by the qualities of spring.
4.1.33
अयं मां धक्ष्यति क्षिप्रं शोकाग्निर्नचिरादिव।
अपश्यतस्तां वनितां पश्यतो रुचिरान् द्रुमान् ॥ ४.१.३३ ॥
This fire of grief will soon burn me, not long from now, not seeing that woman, while seeing the lovely trees.
4.1.34
ममायमात्मप्रभवो भूयस्त्वमुपयास्यति।
अदृश्यमाना वैदेही शोकं वर्धयतीह मे ॥ ४.१.३४ ॥
This grief, born of myself, will reach you again. Vaidehī, unseen, here increases my sorrow.
4.1.35
दृश्यमानो वसन्तश्च स्वेदसंसर्गदूषकः।
मां हि सा मृगशावाक्षी चिन्ताशोकबलात्कृतम् ॥ ४.१.३५ ॥
The visible spring, which spoils the sweat of union, is upon me; indeed she, fawn-eyed, is overwhelmed by the force of anxiety and grief.
4.1.36
संतापयति सौमित्रे क्रूरश्चैत्रवनानिलः।
अमी मयूराः शोभन्ते प्रनृत्यन्तस्ततस्ततः ॥ ४.१.३६ ॥
O Saumitri, the cruel wind of the Caitra forest torments me. These peacocks, dancing here and there, look beautiful.
4.1.37
स्वैः पक्षैः पवनोद्धूतैर्गवाक्षैः स्फाटिकैरिव।
शिखिनीभिः परिवृतास्त एते मदमूर्च्छिताः ॥ ४.१.३७ ॥
With their own wings stirred by the wind, like crystal windows, surrounded by peahens, these swoon in their intoxication.
4.1.38
मन्मथाभिपरीतस्य मम मन्मथवर्धनाः।
पश्य लक्ष्मण नृत्यन्तं मयूरमुपनृत्यति ॥ ४.१.३८ ॥
To me, overcome by Manmatha, these increase my love. Look, Lakṣmaṇa, at the peacock dancing; a peahen dances beside it.
4.1.39
शिखिनी मन्मथार्तैषा भर्तारं गिरिसानुनि।
तामेव मनसा रामां मयूरोऽप्यनुधावति ॥ ४.१.३९ ॥
This peahen, tormented by love, seeks her mate on the mountain slope. Holding only that female in his mind, the peacock too runs after her.
4.1.40
वितत्य रुचिरौ पक्षौ रुतैरुपहसन्निव।
मयूरस्य वने नूनं रक्षसा न हृता प्रिया ॥ ४.१.४० ॥
Spreading his lovely wings, as if mocking me with his cries, surely in this forest no demon has stolen the peacock's beloved.
4.1.41
तस्मान्नृत्यति रम्येषु वनेषु सह कान्तया।
मम त्वयं विना वासः पुष्पमासे सुदुःसहः ॥ ४.१.४१ ॥
Therefore he dances in the lovely forests with his beloved; but for me, in the flowering month, this dwelling without her is most hard to bear.
4.1.42
पश्य लक्ष्मण संरागस्तिर्यग्योनिगतेष्वपि।
यदेषा शिखिनी कामाद् भर्तारमभिवर्तते ॥ ४.१.४२ ॥
Look, Lakṣmaṇa: even among creatures born in animal wombs, see how strong is the passion; this peahen, through desire, turns toward her mate.
4.1.43
ममाप्येवं विशालाक्षी जानकी जातसम्भ्रमा।
मदनेनाभिवर्तेत यदि नापहृता भवेत् ॥ ४.१.४३ ॥
If Jānakī, wide-eyed, had not been carried off, she too would, agitated and moved by desire, turn toward me in just this way.
4.1.44
पश्य लक्ष्मण पुष्पाणि निष्फलानि भवन्ति मे।
पुष्पभारसमृद्धानां वनानां शिशिरात्यये ॥ ४.१.४४ ॥
Look, Lakṣmaṇa: the flowers of the forests, rich with their burden of blossoms, have become fruitless to me at the end of the cool season.
4.1.45
रुचिराण्यपि पुष्पाणि पादपानामतिश्रिया।
निष्फलानि महीं यान्ति समं मधुकरोत्करैः ॥ ४.१.४५ ॥
Even the lovely flowers of the trees, despite their great splendor, go fruitless to the earth, falling together with swarms of bees.
4.1.46
नदन्ति कामं शकुना मुदिताः सङ्घशः कलम्।
आह्वयन्त इवान्योन्यं कामोन्मादकरा मम ॥ ४.१.४६ ॥
The delighted birds call out freely and sweetly in flocks, as if calling to one another, and they stir up in me the madness of desire.
4.1.47
वसन्तो यदि तत्रापि यत्र मे वसति प्रिया।
नूनं परवशा सीता सापि शोचत्यहं यथा ॥ ४.१.४७ ॥
If spring is also there, where my beloved dwells, then surely Sītā, under another's power, grieves just as I do.
4.1.48
नूनं न तु वसन्तस्तं देशं स्पृशति यत्र सा।
कथं ह्यसितपद्माक्षी वर्तयेत् सा मया विना ॥ ४.१.४८ ॥
Surely spring does not touch that land where she is; how, dark-lotus-eyed, can she be passing her life without me?
4.1.49
अथवा वर्तते तत्र वसन्तो यत्र मे प्रिया।
किं करिष्यति सुश्रोणी सा तु निर्भर्त्सिता परैः ॥ ४.१.४९ ॥
Or perhaps spring is there where my beloved is. What will the fair-hipped one do, reproached by others?
4.1.50
श्यामा पद्मपलाशाक्षी मृदुभाषा च मे प्रिया।
नूनं वसन्तमासाद्य परित्यक्ष्यति जीवितम् ॥ ४.१.५० ॥
The dark-hued one, lotus-petal-eyed, soft-spoken, my beloved — surely, on reaching spring, she will give up her life.
4.1.51
दृढं हि हृदये बुद्धिर्मम सम्परिवर्तते।
नालं वर्तयितुं सीता साध्वी मद्विरहं गता ॥ ४.१.५१ ॥
Firmly this thought turns in my heart: the virtuous Sītā, having gone into separation from me, cannot remain alive.
4.1.52
मयि भावो हि वैदेह्यास्तत्त्वतो विनिवेशितः।
ममापि भावः सीतायां सर्वथा विनिवेशितः ॥ ४.१.५२ ॥
Truly, Vaidehī's feeling has been firmly placed in me, and my feeling too has been wholly placed in Sītā.
4.1.53
एष पुष्पवहो वायुः सुखस्पर्शो हिमावहः।
तां विचिन्तयतः कान्तां पावकप्रतिमो मम ॥ ४.१.५३ ॥
This wind that carries flowers, pleasant to the touch, bringing coolness — to me, thinking of that beloved, it is like fire.
4.1.54
सदा सुखमहं मन्ये यं पुरा सह सीतया।
मारुतः स विना सीतां शोकसंजननो मम ॥ ४.१.५४ ॥
That wind which I always thought pleasant when formerly with Sītā — without Sītā, that same wind produces grief for me.
4.1.55
तां विनाथ विहङ्गोऽसौ पक्षी प्रणदितस्तदा।
वायसः पादपगतः प्रहृष्टमभिकूजति ॥ ४.१.५५ ॥
Without her, then that winged bird, crying out, the crow perched on the tree caws joyfully.
4.1.56
एष वै तत्र वैदेह्या विहगः प्रतिहारकः।
पक्षी मां तु विशालाक्ष्याः समीपमुपनेष्यति ॥ ४.१.५६ ॥
There, this bird is Vaidehī's messenger; this winged one will lead me near to the wide-eyed one.
4.1.57
पश्य लक्ष्मण संनादं वने मदविवर्धनम्।
पुष्पिताग्रेषु वृक्षेषु द्विजानामवकूजताम् ॥ ४.१.५७ ॥
Look, Lakṣmaṇa, at this sound in the forest that heightens delight; on the trees with flowering tips, the birds are calling out.
4.1.58
विक्षिप्तां पवनेनैतामसौ तिलकमञ्जरीम्।
षट्पदः सहसाभ्येति मदोद्धूतामिव प्रियाम् ॥ ४.१.५८ ॥
Toward this tilaka flower-cluster stirred by the wind, that bee suddenly approaches, as to a beloved swaying with intoxication.
4.1.59
कामिनामयमत्यन्तमशोकः शोकवर्धनः।
स्तबकैः पवनोत्क्षिप्तैस्तर्जयन्निव मां स्थितः ॥ ४.१.५९ ॥
For lovers this aśoka tree greatly increases sorrow; with clusters tossed by the wind it stands as if threatening me.
4.1.60
अमी लक्ष्मण दृश्यन्ते चूताः कुसुमशालिनः।
विभ्रमोत्सिक्तमनसः साङ्गरागा नरा इव ॥ ४.१.६० ॥
Look, Lakṣmaṇa, these mango trees are seen rich in blossoms, their minds stirred by passion, like men with fragrant body-paint.
4.1.61
सौमित्रे पश्य पम्पायाश्चित्रासु वनराजिषु।
किंनरा नरशार्दूल विचरन्ति यतस्ततः ॥ ४.१.६१ ॥
Lakṣmaṇa, look at the rows of varied forests around the Pampā lake, best of men! The kiṃnaras roam here and there.
4.1.62
इमानि शुभगन्धीनि पश्य लक्ष्मण सर्वशः।
नलिनानि प्रकाशन्ते जले तरुणसूर्यवत् ॥ ४.१.६२ ॥
Lakṣmaṇa, look! On every side these lotuses of auspicious fragrance shine on the water like the young sun.
4.1.63
एषा प्रसन्नसलिला पद्मनीलोत्पलायुता।
हंसकारण्डवाकीर्णा पम्पा सौगन्धिकायुता ॥ ४.१.६३ ॥
This Pampā, with clear water, abounding in lotuses and blue lilies, strewn with swans and kāraṇḍava ducks, and full of saugandhika lotuses.
4.1.64
जले तरुणसूर्याभैः षट्पदाहतकेसरैः।
पङ्कजैः शोभते पम्पा समन्तादभिसंवृता ॥ ४.१.६४ ॥
Pampā, surrounded on all sides by lotuses bright as the young sun on the water, their stamens stirred by bees, shines in splendour.
4.1.65
चक्रवाकयुता नित्यं चित्रप्रस्थवनान्तरा।
मातङ्गमृगयूथैश्च शोभते सलिलार्थिभिः ॥ ४.१.६५ ॥
Always graced with ruddy geese, with varied plateaus and forests within, Pampā shines with herds of elephants and deer come seeking water.
4.1.66
पवनाहतवेगाभिरूर्मिभिर्विमलेऽम्भसि।
पङ्कजानि विराजन्ते ताड्यमानानि लक्ष्मण ॥ ४.१.६६ ॥
Lakṣmaṇa, these lotuses shine on the clear water, struck by waves hit by the force of the wind.
4.1.67
पद्मपत्रविशालाक्षीं सततं प्रियपङ्कजाम्।
अपश्यतो मे वैदेहीं जीवितं नाभिरोचते ॥ ४.१.६७ ॥
Not seeing Vaidehī, with eyes broad as lotus petals, ever holding a beloved lotus, life does not delight me.
4.1.68
अहो कामस्य वामत्वं यो गतामपि दुर्लभाम्।
स्मारयिष्यति कल्याणीं कल्याणतरवादिनीम् ॥ ४.१.६८ ॥
Ah, the perversity of desire! It makes me remember her, the gracious one, who, though gone and hard to obtain, spoke most kindly.
4.1.69
शक्यो धारयितुं कामो भवेदभ्यागतो मया।
यदि भूयो वसन्तो मां न हन्यात् पुष्पितद्रुमः ॥ ४.१.६९ ॥
Such desire, which has come upon me, could be restrained, if spring with its flowering trees did not strike me down again.
4.1.70
यानि स्म रमणीयानि तया सह भवन्ति मे।
तान्येवारमणीयानि जायन्ते मे तया विना ॥ ४.१.७० ॥
Those things that were delightful to me when she was with me have become undelightful to me without her.
4.1.71
पद्मकोशपलाशानि द्रष्टुं दृष्टिर्हि मन्यते।
सीताया नेत्रकोशाभ्यां सदृशानीति लक्ष्मण ॥ ४.१.७१ ॥
Lakṣmaṇa, my gaze longs to behold the lotus buds and petals, for they resemble the eye-cases of Sītā.
4.1.72
पद्मकेसरसंसृष्टो वृक्षान्तरविनिःसृतः।
निःश्वास इव सीताया वाति वायुर्मनोहरः ॥ ४.१.७२ ॥
This charming breeze, touched with lotus pollen and flowing out from between the trees, blows like the sigh of Sītā.
4.1.73
सौमित्रे पश्य पम्पाया दक्षिणे गिरिसानुषु।
पुष्पितां कर्णिकारस्य यष्टिं परमशोभिताम् ॥ ४.१.७३ ॥
O Saumitri, look on the slopes of the mountain to the south of the Pampā, at the branch of the karṇikāra tree, flowering and most beautifully adorned.
4.1.74
अधिकं शैलराजोऽयं धातुभिस्तु विभूषितः।
विचित्रं सृजते रेणुं वायुवेगविघट्टितम् ॥ ४.१.७४ ॥
This king of mountains, adorned even more with its minerals, sends forth a wondrous dust stirred by the force of the wind.
4.1.75
गिरिप्रस्थास्तु सौमित्रे सर्वतः सम्प्रपुष्पितैः।
निष्पत्रैः सर्वतो रम्यैः प्रदीप्ता इव किंशुकैः ॥ ४.१.७५ ॥
O Saumitri, the mountain plateaus everywhere are fully flowering, blazing as if on fire with the lovely leafless kiṃśuka trees.
4.1.76
पम्पातीररुहाश्चेमे संसिक्ता मधुगन्धिनः।
मालतीमल्लिकापद्मकरवीराश्च पुष्पिताः ॥ ४.१.७६ ॥
These trees growing on the bank of the Pampā, watered and sweet-scented, and the mālatī, mallikā, padma and karavīra plants are in flower.
4.1.77
केतक्यः सिन्दुवाराश्च वासन्त्यश्च सुपुष्पिताः।
माधव्यो गन्धपूर्णाश्च कुन्दगुल्माश्च सर्वशः ॥ ४.१.७७ ॥
The ketaka and sindhuvāra plants and the vāsantī creepers are in full flower; the mādhavī creepers are filled with fragrance, and the kunda shrubs spread everywhere.
4.1.78
चिरिबिल्वा मधूकाश्च वञ्जुला बकुलास्तथा।
चम्पकास्तिलकाश्चैव नागवृक्षाश्च पुष्पिताः ॥ ४.१.७८ ॥
The cirībilva, madhūka, vañjula and bakula trees, likewise the campaka, tilaka and nāga trees, are in flower.
4.1.79
पद्मकाश्चैव शोभन्ते नीलाशोकाश्च पुष्पिताः।
लोध्राश्च गिरिपृष्ठेषु सिंहकेसरपिञ्जराः ॥ ४.१.७९ ॥
Padmaka trees also shine, and blue ashoka trees are in flower; on the mountain slopes the lodhra trees are tawny like a lion's mane.
4.1.80
अङ्कोलाश्च कुरण्टाश्च चूर्णकाः पारिभद्रकाः।
चूताः पाटलयश्चापि कोविदाराश्च पुष्पिताः ॥ ४.१.८० ॥
Aṅkola, kuraṇṭa, cūrṇaka and pāribhadraka trees, mango trees, pāṭalā trees and kovidāra trees are also in flower.
4.1.81
मुचुकुन्दार्जुनाश्चैव दृश्यन्ते गिरिसानुषु।
केतकोद्दालकाश्चैव शिरीषाः शिंशपा धवाः ॥ ४.१.८१ ॥
Mucukunda and arjuna trees are seen on the mountain ridges, and also ketaka, uddālaka, śirīṣa, śiṃśapā and dhava trees.
4.1.82
शाल्मल्यः किंशुकाश्चैव रक्ताः कुरबकास्तथा।
तिनिशा नक्तमालाश्च चन्दनाः स्यन्दनास्तथा ॥ ४.१.८२ ॥
Śālmalī and kiṃśuka trees, red kurabaka trees, tiniśa, naktamāla, candana and syandana trees are also seen.
4.1.83
हिन्तालास्तिलकाश्चैव नागवृक्षाश्च पुष्पिताः।
पुष्पितान् पुष्पिताग्राभिर्लताभिः परिवेष्टितान् ॥ ४.१.८३ ॥
Hintāla, tilaka and nāga trees are also in flower, entwined with creepers whose tips are in bloom.
4.1.84
द्रुमान् पश्येह सौमित्रे पम्पाया रुचिरान् बहून्।
वातविक्षिप्तविटपान् यथासन्नान् द्रुमानिमान् ॥ ४.१.८४ ॥
Look here, Saumitri, at these many lovely trees of the Pampā, their branches tossed by the wind, standing close at hand.
4.1.85
लताः समनुवर्तन्ते मत्ता इव वरस्त्रियः।
पादपात् पादपं गच्छन् शैलाच्छैलं वनाद् वनम् ॥ ४.१.८५ ॥
Creepers cling and follow like intoxicated fine women, passing from tree to tree, from mountain to mountain, from forest to forest.
4.1.86
वाति नैकरसास्वादसम्मोदित इवानिलः।
केचित् पर्याप्तकुसुमाः पादपा मधुगन्धिनः ॥ ४.१.८६ ॥
The wind blows as if delighted by tasting many flavors; some trees, fully in bloom, are fragrant with honey.
4.1.87
केचिन्मुकुलसंवीताः श्यामवर्णा इवाबभुः।
इदं मृष्टमिदं स्वादु प्रफुल्लमिदमित्यपि ॥ ४.१.८७ ॥
Some trees, wrapped in buds, shine as if dark-hued; and one might say, 'This is sweet, this is tasty, this has blossomed.'
4.1.88
रागरक्तो मधुकरः कुसुमेष्वेव लीयते।
निलीय पुनरुत्पत्य सहसान्यत्र गच्छति।
मधुलुब्धो मधुकरः पम्पातीरद्रुमेष्वसौ ॥ ४.१.८८ ॥
The bee, reddened with passion, settles only on flowers; having settled, it flies up again and suddenly goes elsewhere. That honey-greedy bee roams the trees on the bank of the Pampā.
4.1.89
इयं कुसुमसंघातैरुपस्तीर्णा सुखाकृता।
स्वयं निपतितैर्भूमिः शयनप्रस्तरैरिव ॥ ४.१.८९ ॥
This ground is spread with heaps of flowers, made pleasant as if with bed-stones that have fallen of their own accord.
4.1.90
विविधा विविधैः पुष्पैस्तैरेव नगसानुषु।
विस्तीर्णाः पीतरक्ताभाः सौमित्रे प्रस्तराः कृताः ॥ ४.१.९० ॥
O Saumitri, with various flowers, indeed with those same flowers, broad slabs of yellow and red hue have been made on the mountain slopes.
4.1.91
हिमान्ते पश्य सौमित्रे वृक्षाणां पुष्पसम्भवम्।
पुष्पमासे हि तरवः संघर्षादिव पुष्पिताः ॥ ४.१.९१ ॥
At the end of winter, look, Saumitri, at the blossoming of the trees. In the flower-month the trees are in bloom, as if flowered by friction.
4.1.92
आह्वयन्त इवान्योन्यं नगाः षट्पदनादिताः।
कुसुमोत्तंसविटपाः शोभन्ते बहु लक्ष्मण ॥ ४.१.९२ ॥
As if calling to one another, the trees, resounding with bees, their branches crowned with flowers, shine brightly, O Lakṣmaṇa.
4.1.93
एष कारण्डवः पक्षी विगाह्य सलिलं शुभम्।
रमते कान्तया सार्धं काममुद्दीपयन्निव ॥ ४.१.९३ ॥
This kāraṇḍava bird, plunging into the fair water, delights with his beloved, as if kindling desire.
4.1.94
मन्दाकिन्यास्तु यदिदं रूपमेतन्मनोरमम्।
स्थाने जगति विख्याता गुणास्तस्या मनोरमाः ॥ ४.१.९४ ॥
This form of the Mandākinī is indeed delightful; rightly are her delightful qualities renowned in the world.
4.1.95
यदि दृश्येत सा साध्वी यदि चेह वसेमहि।
स्पृहयेयं न शक्राय नायोध्यायै रघूत्तम ॥ ४.१.९५ ॥
If that virtuous woman were seen here, and if we dwelt here, O best of the Raghus, I would desire neither Indra's realm nor Ayodhyā.
4.1.96
न ह्येवं रमणीयेषु शाद्वलेषु तया सह।
रमतो मे भवेच्चिन्ता न स्पृहान्येषु वा भवेत् ॥ ४.१.९६ ॥
Indeed, were I delighting with her on these lovely grassy meadows, I would have no anxiety, nor any desire for other things.
4.1.97
अमी हि विविधैः पुष्पैस्तरवो विविधच्छदाः।
काननेऽस्मिन् विना कान्तां चिन्तामुत्पादयन्ति मे ॥ ४.१.९७ ॥
These trees, with their many flowers and varied foliage, stir anxiety in me in this forest, without my beloved.
4.1.98
पश्य शीतजलां चेमां सौमित्रे पुष्करायुताम्।
चक्रवाकानुचरितां कारण्डवनिषेविताम् ॥ ४.१.९८ ॥
Look, Saumitri, at this Pampā with cold waters, full of lotuses, frequented by ruddy geese and visited by kāraṇḍava ducks.
4.1.99
प्लवैः क्रौञ्चैश्च सम्पूर्णां महामृगनिषेविताम्।
अधिकं शोभते पम्पा विकूजद्भिर्विहंगमैः ॥ ४.१.९९ ॥
Filled with water-birds and cranes, frequented by great deer, Pampā shines all the more with the birds calling out.
4.1.100
दीपयन्तीव मे कामं विविधा मुदिता द्विजाः।
श्यामां चन्द्रमुखीं स्मृत्वा प्रियां पद्मनिभेक्षणाम् ॥ ४.१.१०० ॥
The various joyful birds seem to kindle my desire, recalling my beloved, moon-faced, dark-hued and lotus-eyed.
4.1.101
पश्य सानुषु चित्रेषु मृगीभिः सहितान् मृगान्।
मां पुनर्मृगशावाक्ष्या वैदेह्या विरहीकृतम्।
व्यथयन्तीव मे चित्तं संचरन्तस्ततस्ततः ॥ ४.१.१०१ ॥
Look at the deer on the variegated slopes, with their does. Separated from the doe-eyed Vaidehī, I am tormented as they wander here and there, distressing my mind.
4.1.102
अस्मिन् सानुनि रम्ये हि मत्तद्विजगणाकुले।
पश्येयं यदि तां कान्तां ततः स्वस्ति भवेन्मम ॥ ४.१.१०२ ॥
If on this lovely slope, full of intoxicated flocks of birds, I could see my beloved, then there would be well-being for me.
4.1.103
जीवेयं खलु सौमित्रे मया सह सुमध्यमा।
सेवेत यदि वैदेही पम्पायाः पवनं शुभम् ॥ ४.१.१०३ ॥
Lakṣmaṇa, indeed I would live if the slender-waisted Vaidehī were enjoying the auspicious breeze of the Pampā with me.
4.1.104
पद्मसौगन्धिकवहं शिवं शोकविनाशनम्।
धन्या लक्ष्मण सेवन्ते पम्पाया वनमारुतम् ॥ ४.१.१०४ ॥
Lakṣmaṇa, fortunate are those who enjoy the forest breeze of the Pampā, bearing the scent of lotus and saugandhika flowers, auspicious and destroyer of sorrow.
4.1.105
श्यामा पद्मपलाशाक्षी प्रिया विरहिता मया।
कथं धारयति प्राणान् विवशा जनकात्मजा ॥ ४.१.१०५ ॥
The dark, lotus-petal-eyed one, my beloved, parted from me, helpless daughter of Janaka — how does she keep her life-breaths?
4.1.106
किं नु वक्ष्यामि धर्मज्ञं राजानं सत्यवादिनम्।
जनकं पृष्टसीतं तं कुशलं जनसंसदि ॥ ४.१.१०६ ॥
What shall I say to King Janaka, knower of dharma, truthful one, when he asks in the assembly of people, "Is Sītā well?"
4.1.107
या मामनुगता मन्दं पित्रा प्रस्थापितं वनम्।
सीता धर्मं समास्थाय क्व नु सा वर्तते प्रिया ॥ ४.१.१०७ ॥
Sītā, my beloved, who followed me slowly when I was sent to the forest by my father, adhering to dharma — where is she now?
4.1.108
तया विहीनः कृपणः कथं लक्ष्मण धारये।
या मामनुगता राज्याद् भ्रष्टं विहतचेतसम् ॥ ४.१.१०८ ॥
Lakṣmaṇa, deprived of her, how shall I, wretched, sustain myself? She it was who followed me, fallen from the kingdom, my mind stricken.
4.1.109
तच्चार्वाञ्चितपद्माक्षं सुगन्धि शुभमव्रणम्।
अपश्यतो मुखं तस्याः सीदतीव मतिर्मम ॥ ४.१.१०९ ॥
Not seeing her fair face, lotus-eyed, fragrant, auspicious and flawless, my mind sinks as if it were failing.
4.1.110
स्मितहास्यान्तरयुतं गुणवन्मधुरं हितम्।
वैदेह्या वाक्यमतुलं कदा श्रोष्यामि लक्ष्मण ॥ ४.१.११० ॥
When shall I hear the incomparable words of Vaidehī, full of smiles and laughter, virtuous, sweet and beneficial, O Lakṣmaṇa?
4.1.111
प्राप्य दुःखं वने श्यामा मां मन्मथविकर्शितम्।
नष्टदुःखेव हृष्टेव साध्वी साध्वभ्यभाषत ॥ ४.१.१११ ॥
Though she had suffered sorrow in the forest, the slender one, the virtuous lady, spoke to me well, wasted by love, as if her sorrow had ended and she were glad.
4.1.112
किं नु वक्ष्याम्ययोध्यायां कौसल्यां हि नृपात्मज।
क्व सा स्नुषेति पृच्छन्तीं कथं चापि मनस्विनीम् ॥ ४.१.११२ ॥
O prince, what shall I say to Kausalyā in Ayodhyā? How shall I face that high-minded lady when she asks, 'Where is my daughter-in-law?'
4.1.113
गच्छ लक्ष्मण पश्य त्वं भरतं भ्रातृवत्सलम्।
नह्यहं जीवितुं शक्तस्तामृते जनकात्मजाम् ॥ ४.१.११३ ॥
Go, Lakṣmaṇa, and see Bharata, who is fond of his brothers. Indeed I am not able to live without her, the daughter of Janaka.
4.1.114
उवाच लक्ष्मणो भ्राता वचनं युक्तमव्ययम् ॥ ४.१.११४ ॥
Lakṣmaṇa, his brother, spoke these fitting and imperishable words.
4.1.115
संस्तम्भ राम भद्रं ते मा शुचः पुरुषोत्तम।
नेदृशानां मतिर्मन्दा भवत्यकलुषात्मनाम् ॥ ४.१.११५ ॥
Rāma, may good befall you. Steady yourself and do not grieve, best of men. The judgment of such pure-minded ones does not grow feeble.
4.1.116
स्मृत्वा वियोगजं दुःखं त्यज स्नेहं प्रिये जने।
अतिस्नेहपरिष्वङ्गाद् वर्तिरार्द्रापि दह्यते ॥ ४.१.११६ ॥
Remember the sorrow born of separation and give up attachment to your beloved. Even a damp wick burns when it is clasped too tightly by affection.
4.1.117
यदि गच्छति पातालं ततोऽभ्यधिकमेव वा।
सर्वथा रावणस्तात न भविष्यति राघव ॥ ४.१.११७ ॥
Even if Rāvaṇa goes down to the netherworld, or even farther than that, he will by no means escape, O Rāghava, dear one.
4.1.118
प्रवृत्तिर्लभ्यतां तावत् तस्य पापस्य रक्षसः।
ततो हास्यति वा सीतां निधनं वा गमिष्यति ॥ ४.१.११८ ॥
First let us get word of that wicked rākṣasa. Then he will either give up Sītā, or he will go to his destruction.
4.1.119
यदि याति दितेर्गर्भं रावणं सह सीतया।
तत्राप्येनं हनिष्यामि न चेद् दास्यति मैथिलीम् ॥ ४.१.११९ ॥
Even if Rāvaṇa goes with Sītā into the womb of Diti, there too I will slay him, if he does not give back the Maithilī.
4.1.120
स्वास्थ्यं भद्रं भजस्वार्य त्यज्यतां कृपणा मतिः।
अर्थो हि नष्टकार्यार्थैरयत्नेनाधिगम्यते ॥ ४.१.१२० ॥
Noble one, embrace a blessed steadiness and abandon a wretched mind. For even those whose undertakings have failed attain their purpose without effort.
4.1.121
उत्साहो बलवानार्य नास्त्युत्साहात् परं बलम्।
सोत्साहस्य हि लोकेषु न किंचिदपि दुर्लभम् ॥ ४.१.१२१ ॥
Noble one, enthusiasm is the mightiest strength; there is no strength greater than enthusiasm. For one who is full of enthusiasm, nothing in the worlds is hard to obtain.
4.1.122
उत्साहवन्तः पुरुषा नावसीदन्ति कर्मसु।
उत्साहमात्रमाश्रित्य प्रतिलप्स्याम जानकीम् ॥ ४.१.१२२ ॥
Men full of enthusiasm do not falter in their undertakings. Relying on enthusiasm alone, we shall regain Jānakī.
4.1.123
त्यजतां कामवृत्तत्वं शोकं संन्यस्य पृष्ठतः।
महात्मानं कृतात्मानमात्मानं नावबुध्यसे ॥ ४.१.१२३ ॥
Give up conduct driven by desire, and cast grief behind you. You do not recognize yourself, the great-souled one, the self-controlled one.
4.1.124
एवं सम्बोधितस्तेन शोकोपहतचेतनः।
त्यज्य शोकं च मोहं च रामो धैर्यमुपागमत् ॥ ४.१.१२४ ॥
Thus admonished by him, Rāma, his mind struck by grief, cast off both grief and delusion and regained his steadiness.
4.1.125
सोऽभ्यतिक्रामदव्यग्रस्तामचिन्त्यपराक्रमः।
रामः पम्पां सुरुचिरां रम्यां पारिप्लवद्रुमाम् ॥ ४.१.१२५ ॥
That Rāma of inconceivable valor, composed and undisturbed, went on past the lovely and delightful Pampā lake, with its trees swaying in the breeze.
4.1.126
निरीक्षमाणः सहसा महात्मा
सर्वं वनं निर्झरकन्दरं च।
उद्विग्नचेताः सह लक्ष्मणेन
विचार्य दुःखोपहतः प्रतस्थे ॥ ४.१.१२६ ॥
Great-souled Rāma, looking suddenly at the whole forest with its waterfalls and caves, his mind agitated, pondered with Lakṣmaṇa and, struck by sorrow, set out.
4.1.127
तं मत्तमातङ्गविलासगामी
गच्छन्तमव्यग्रमना महात्मा।
स लक्ष्मणो राघवमिष्टचेष्टो
ररक्ष धर्मेण बलेन चैव ॥ ४.१.१२७ ॥
Lakṣmaṇa, whose conduct was dear to Rāghava, guarded the great-souled one as he walked on with the playful gait of a rutting elephant, his mind undisturbed, protecting Rāghava by dharma and by strength.
4.1.128
तावृष्यमूकस्य समीपचारी
चरन् ददर्शाद्भुतदर्शनीयौ।
शाखामृगाणामधिपस्तरस्वी
वितत्रसे नैव विचेष्ट चेष्टाम् ॥ ४.१.१२८ ॥
Wandering near Ṛṣyamūka, that swift lord of the monkeys saw the two of them, wondrous and lovely to behold; he was frightened, yet he did not stir from his stance.
4.1.129
स तौ महात्मा गजमन्दगामी
शाखामृगस्तत्र चरंश्चरन्तौ।
दृष्ट्वा विषादं परमं जगाम
चिन्तापरीतो भयभारभग्नः ॥ ४.१.१२९ ॥
That great-souled monkey, slow-moving like an elephant, seeing the two wandering there, fell into deep despondency, beset by anxiety and broken under the weight of fear.
4.1.130
तमाश्रमं पुण्यसुखं शरण्यं
सदैव शाखामृगसेवितान्तम्।
त्रस्ताश्च दृष्ट्वा हरयोऽभिजग्मु-
र्महौजसौ राघवलक्ष्मणौ तौ ॥ ४.१.१३० ॥
That hermitage, holy and pleasant, a refuge whose borders were always frequented by monkeys; the frightened monkeys saw those two mighty ones, Rāghava and Lakṣmaṇa, and drew near them.