蚁垤《罗摩衍那》 · 篇 4.42
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
4.42.1
अथ प्रस्थाप्य स हरीन् सुग्रीवो दक्षिणां दिशम्।
अब्रवीन्मेघसंकाशं सुषेणं नाम वानरम् ॥ ४.४२.१ ॥
随后，须羯里婆派遣众猴向南方出发，并对名叫苏舍那、形如云朵的猴子说道。
4.42.2
तारायाः पितरं राजा श्वशुरं भीमविक्रमम्।
अब्रवीत् प्राञ्जलिर्वाक्यमभिगम्य प्रणम्य च ॥ ४.४२.२ ॥
国王须羯里婆走近他的岳父——塔罗之父，一位威猛无比的英雄，合掌行礼后说出了这些话。
4.42.3
महर्षिपुत्रं मारीचमर्चिष्मन्तं महाकपिम्।
वृतं कपिवरैः शूरैर्महेन्द्रसदृशद्युतिम् ॥ ४.४२.३ ॥
大仙之子摩利者，以及大猴阿尔奇史曼，他被众多优秀的英勇猴子环绕，光彩如同因陀罗。
4.42.4
बुद्धिविक्रमसम्पन्नं वैनतेयसमद्युतिम्।
मरीचिपुत्रान् मारीचानर्चिर्माल्यान् महाबलान् ॥ ४.४२.४ ॥
具备智慧与勇力、光彩如迦娄茶的摩利奇之子摩利迦们，以及极其强大的阿尔奇马利亚们。
4.42.5
ऋषिपुत्रांश्च तान् सर्वान् प्रतीचीमादिशद् दिशम्।
द्वाभ्यां शतसहस्राभ्यां कपीनां कपिसत्तमाः ॥ ४.४२.५ ॥
他又将所有那些仙人之子派往西方，并率领二十万只猴子——啊，猴中之最！
4.42.6
सुषेणप्रमुखा यूयं वैदेहीं परिमार्गथ।
सौराष्ट्रान् सहबाह्लीकांश्चन्द्रचित्रांस्तथैव च ॥ ४.४२.६ ॥
你们以苏舍那为首，要仔细寻找维代希；同样也要在苏罗什特罗人、巴赫利卡人和月纹人的国土中寻找。
4.42.7
स्फीताञ्जनपदान् रम्यान् विपुलानि पुराणि च।
पुंनागगहनं कुक्षिं बकुलोद्दालकाकुलम् ॥ ४.४२.७ ॥
搜寻那些富饶的地区、美丽广阔的城市、布那伽树茂密的丛林，以及遍布菩萨罗树与乌达拉迦树的山谷。
4.42.8
तथा केतकषण्डांश्च मार्गध्वं हरिपुङ्गवाः।
प्रत्यक्स्रोतोवहाश्चैव नद्यः शीतजलाः शिवाः ॥ ४.४२.८ ॥
诸位猴中的俊杰啊，也要搜寻那些刺萼草丛林，以及向西流淌、水冷而清净的河流。
4.42.9
तापसानामरण्यानि कान्तारगिरयश्च ये।
तत्र स्थलीर्मरुप्राया अत्युच्चशिशिराः शिलाः ॥ ४.४२.९ ॥
搜寻苦行者的森林、那里的荒山峻岭、多如荒漠的高原，以及极高而清凉的岩石。
4.42.10
गिरिजालावृतां दुर्गां मार्गित्वा पश्चिमां दिशम्।
ततः पश्चिममागम्य समुद्रं द्रष्टुमर्हथ ॥ ४.४२.१० ॥
在搜寻那被群山纵横环绕、难以穿越的西方之后，然后向西前行，你们应当见到大海。
4.42.11
तिमिनक्राकुलजलं गत्वा द्रक्ष्यथ वानराः।
ततः केतकषण्डेषु तमालगहनेषु च ॥ ४.४२.११ ॥
你们前往那满是鲨鱼与鳄鱼的海水之处，便能见到它。然后在刺萼草丛林与茂密的多摩罗树丛中搜寻。
4.42.12
कपयो विहरिष्यन्ति नारिकेलवनेषु च।
तत्र सीतां च मार्गध्वं निलयं रावणस्य च ॥ ४.४२.१२ ॥
猴子们将在椰子林中游戏。你们就在那里寻找悉多，以及罗波那的住所。
4.42.13
वेलातलनिविष्टेषु पर्वतेषु वनेषु च।
मुरवीपत्तनं चैव रम्यं चैव जटापुरम् ॥ ४.४२.१३ ॥
在海岸边的山林之中，在穆拉维城，也在可爱的遮陀补罗城。
4.42.14
अवन्तीमङ्गलेपां च तथा चालक्षितं वनम्।
राष्ट्राणि च विशालानि पत्तनानि ततस्ततः ॥ ४.४२.१४ ॥
阿vantī与盎迦勒帕，隐秘的森林，广阔的国度与城市——四处皆是。
4.42.15
सिन्धुसागरयोश्चैव संगमे तत्र पर्वतः।
महान् सोमगिरिर्नाम शतशृङ्गो महाद्रुमः ॥ ४.४२.१५ ॥
在信度河与大海的交汇处，有一座名为苏摩山的大山，拥有百座山峰和巨大的树木。
4.42.16
तत्र प्रस्थेषु रम्येषु सिंहाः पक्षगमाः स्थिताः।
तिमिमत्स्यगजांश्चैव नीडान्यारोपयन्ति ते ॥ ४.४२.१६ ॥
那里的可爱山坡上住着有翼的狮子，它们把提密鱼、鱼和大象叼回自己的巢中。
4.42.17
तानि नीडानि सिंहानां गिरिशृङ्गगताश्च ये।
दृप्तास्तृप्ताश्च मातङ्गास्तोयदस्वननिःस्वनाः ॥ ४.४२.१७ ॥
那些是狮子的巢穴，还有栖息在山峰上、骄傲而饱足的大象，它们的吼声如云雷轰鸣。
4.42.18
विचरन्ति विशालेऽस्मिंस्तोयपूर्णे समन्ततः।
तस्य शृङ्गं दिवस्पर्शं काञ्चनं चित्रपादपम् ॥ ४.४२.१८ ॥
它们在这广阔充满海水的大海中四处游荡。它的山峰触及天空，金光灿灿，装饰着奇妙的树木。
4.42.19
सर्वमाशु विचेतव्यं कपिभिः कामरूपिभिः।
कोटिं तत्र समुद्रस्य काञ्चनीं शतयोजनाम् ॥ ४.४२.१९ ॥
能随意变化形态的猴众应迅速搜寻一切：那里是海洋金色岸边的千万处，绵延百由旬。
4.42.20
दुर्दर्शां पारियात्रस्य गत्वा द्रक्ष्यथ वानराः।
कोट्यस्तत्र चतुर्विंशद् गन्धर्वाणां तरस्विनाम् ॥ ४.४२.२० ॥
猴众啊！你们到达难以抵达的帕里耶特拉山脉，将在那里看见二十四千万迅捷的乾闼婆。
4.42.21
वसन्त्यग्निनिकाशानां घोराणां कामरूपिणाम्।
पावकार्चिःप्रतीकाशाः समवेताः समन्ततः ॥ ४.४२.२१ ॥
他们居住于此，如火般炽烈、可怖，能随意变化形态，四面聚集，光焰如火舌。
4.42.22
नात्यासादयितव्यास्ते वानरैर्भीमविक्रमैः।
नादेयं च फलं तस्माद् देशात् किंचित् प्लवङ्गमैः ॥ ४.४२.२२ ॥
勇猛可怖的猴众不可过分接近他们；而从那片地方，啊跳跃的猴众，你们不可摘取任何果实。
4.42.23
दुरासदा हि ते वीराः सत्त्ववन्तो महाबलाः।
फलमूलानि ते तत्र रक्षन्ते भीमविक्रमाः ॥ ४.४२.२३ ॥
他们是英雄，勇毅而力量强大，难以接近；在那里，这些勇猛可怖者守护着果实与根茎。
4.42.24
तत्र यत्नश्च कर्तव्यो मार्गितव्या च जानकी।
नहि तेभ्यो भयं किंचित् कपित्वमनुवर्तताम् ॥ ४.४२.२४ ॥
在那里应当尽力，并寻找耶那吉；对于遵循猴子本性的人来说，他们毫无可怖之处。
4.42.25
तत्र वैदूर्यवर्णाभो वज्रसंस्थानसंस्थितः।
नानाद्रुमलताकीर्णो वज्रो नाम महागिरिः ॥ ४.४२.२५ ॥
那里有一座名为伐阇罗的大山，颜色如琉璃，形如金刚杵，遍布各种树木与藤蔓。
4.42.26
श्रीमान् समुदितस्तत्र योजनानां शतं समम्।
गुहास्तत्र विचेतव्याः प्रयत्नेन प्लवङ्गमाः ॥ ४.४२.२६ ॥
那里有一座壮丽的大山，绵延百由旬，高高耸起。诸位跳跃者啊，应当在那里仔细搜寻它的山洞。
4.42.27
चतुर्भागे समुद्रस्य चक्रवान् नाम पर्वतः।
तत्र चक्रं सहस्रारं निर्मितं विश्वकर्मणा ॥ ४.४२.२७ ॥
在大海的四分之一处，有一座名为遮克罗漫的山。那里有一个由毗首羯磨所造的千辐轮。
4.42.28
तत्र पञ्चजनं हत्वा हयग्रीवं च दानवम्।
आजहार ततश्चक्रं शङ्खं च पुरुषोत्तमः ॥ ४.४२.२८ ॥
在那里，至上之人杀死了般遮阇那和檀那婆海耶揭利婆，随后取得了轮与螺。
4.42.29
तस्य सानुषु रम्येषु विशालासु गुहासु च।
रावणः सह वैदेह्या मार्गितव्यस्ततस्ततः ॥ ४.४२.२९ ॥
在它美丽的山坡和广阔的洞穴中，罗波那或许与毗提诃在一起；应当到处寻找他。
4.42.30
योजनानि चतुःषष्टिर्वराहो नाम पर्वतः।
सुवर्णशृङ्गः सुमहानगाधे वरुणालये ॥ ४.४२.३० ॥
名为伐罗诃的山有六十四由旬之广；这座有金色山峰的大山位于深不可测的水神伐楼那之居所（大海）中。
4.42.31
तत्र प्राग्ज्योतिषं नाम जातरूपमयं पुरम्।
यस्मिन् वसति दुष्टात्मा नरको नाम दानवः ॥ ४.४२.३१ ॥
那里有一座名为“东方光明”（Prāgjyotiṣa）的黄金之城，邪恶的达那伐Naraka居住其中。
4.42.32
तत्र सानुषु रम्येषु विशालासु गुहासु च।
रावणः सह वैदेह्या मार्गितव्यस्ततस्ततः ॥ ४.४२.३२ ॥
在那里秀丽的山坡和宽阔的洞穴中，罗波那或许与毗提诃在一起；应当到处搜寻他。
4.42.33
तमतिक्रम्य शैलेन्द्रं काञ्चनान्तरदर्शनम्।
पर्वतः सर्वसौवर्णो धाराप्रस्रवणायुतः ॥ ४.४२.३३ ॥
越过那座内里显露黄金的山中之王，你们将到达一座全然金色、充满溪流与泉水的山。
4.42.34
तं गजाश्च वराहाश्च सिंहा व्याघ्राश्च सर्वतः।
अभिगर्जन्ति सततं तेन शब्देन दर्पिताः ॥ ४.४२.३४ ॥
在那座山的四周，大象、野猪、狮子和老虎不停地咆哮；因这声音而自负，它们又再次咆哮。
4.42.35
यस्मिन् हरिहयः श्रीमान् महेन्द्रः पाकशासनः।
अभिषिक्तः सुरै राजा मेघो नाम स पर्वतः ॥ ४.४२.३५ ॥
诸神曾在那座山上为光辉的大因陀罗（Mahendra，黄马之主、斩杀钵迦者）加冕为王，那座山名为“云”（Megha）。
4.42.36
तमतिक्रम्य शैलेन्द्रं महेन्द्रपरिपालितम्।
षष्टिं गिरिसहस्राणि काञ्चनानि गमिष्यथ ॥ ४.४२.३६ ॥
越过这座受摩哂陀罗守护的山中之王，你们将抵达六万座金色的山。
4.42.37
तरुणादित्यवर्णानि भ्राजमानानि सर्वतः।
जातरूपमयैर्वृक्षैः शोभितानि सुपुष्पितैः ॥ ४.४२.३७ ॥
如初升太阳的颜色，四面闪耀，装饰着金色的树木和盛开的花朵。
4.42.38
तेषां मध्ये स्थितो राजा मेरुरुत्तमपर्वतः।
आदित्येन प्रसन्नेन शैलो दत्तवरः पुरा ॥ ४.४२.३८ ॥
在它们中间矗立着山王弥卢，群山之中最为殊胜，昔日欢喜的太阳曾赐予它恩惠。
4.42.39
तेनैवमुक्तः शैलेन्द्रः सर्व एव त्वदाश्रयाः।
मत्प्रसादाद् भविष्यन्ति दिवा रात्रौ च काञ्चनाः ॥ ४.४२.३९ ॥
他这样说后，群山之王说道：“所有依托于你的，凭我的恩惠，白天和夜晚都将成为金色。”
4.42.40
त्वयि ये चापि वत्स्यन्ति देवगन्धर्वदानवाः।
ते भविष्यन्ति भक्ताश्च प्रभया काञ्चनप्रभाः ॥ ४.४२.४० ॥
凡居住在你身上的天神、乾闼婆与檀那婆，也将成为虔诚之人，以光辉而呈金色。
4.42.41
विश्वेदेवाश्च वसवो मरुतश्च दिवौकसः।
आगत्य पश्चिमां संध्यां मेरुमुत्तमपर्वतम् ॥ ४.४२.४१ ॥
众生之神、婆苏、摩录多及天界居民，在西方黄昏时来到最殊胜的山弥卢。
4.42.42
आदित्यमुपतिष्ठन्ति तैश्च सूर्योऽभिपूजितः।
अदृश्यः सर्वभूतानामस्तं गच्छति पर्वतम् ॥ ४.४२.४२ ॥
他们侍奉阿底提耶，而受他们礼敬的太阳对一切众生隐没，向那座山落下。
4.42.43
योजनानां सहस्राणि दश तानि दिवाकरः।
मुहूर्तार्धेन तं शीघ्रमभियाति शिलोच्चयम् ॥ ४.४२.४३ ॥
太阳在半个牟呼栗多的时间内迅速越过那一万由旬，抵达那座岩石堆积的山。
4.42.44
शृङ्गे तस्य महद्दिव्यं भवनं सूर्यसंनिभम्।
प्रासादगणसम्बाधं विहितं विश्वकर्मणा ॥ ४.४२.४४ ॥
在那座山的峰顶上，有一座由毗首羯摩建造的伟大神圣宫殿，光辉如太阳，布满众多殿阁。
4.42.45
शोभितं तरुभिश्चित्रैर्नानापक्षिसमाकुलैः।
निकेतं पाशहस्तस्य वरुणस्य महात्मनः ॥ ४.४२.४५ ॥
那座宫殿以奇妙的树木装饰，群鸟纷飞，是手持绳索的大德伐楼那的居所。
4.42.46
अन्तरा मेरुमस्तं च तालो दशशिरा महान्।
जातरूपमयः श्रीमान् भ्राजते चित्रवेदिकः ॥ ४.४२.४६ ॥
在须弥山与西方山之间，矗立着一棵十头的大棕榈树，由黄金制成，华美灿烂，闪耀着奇妙的平台。
4.42.47
तेषु सर्वेषु दुर्गेषु सरस्सु च सरित्सु च।
रावणः सह वैदेह्या मार्गितव्यस्ततस्ततः ॥ ४.४२.४७ ॥
在所有那些险要之地、湖泊与河流中，都应到处寻找与毗提诃公主同在的罗波那。
4.42.48
यत्र तिष्ठति धर्मज्ञस्तपसा स्वेन भावितः।
मेरुसावर्णिरित्येष ख्यातो वै ब्रह्मणा समः ॥ ४.४२.४८ ॥
那里住着精通法的梅录萨瓦尔尼，他以自己的苦行得以清净，以与梵天同等而闻名。
4.42.49
प्रष्टव्यो मेरुसावर्णिर्महर्षिः सूर्यसंनिभः।
प्रणम्य शिरसा भूमौ प्रवृत्तिं मैथिलीं प्रति ॥ ४.४२.४९ ॥
应当向如太阳般光辉的大仙梅卢萨瓦尼(Merusāvarṇi)请教，关于迈蒂利(Maithilī，即悉多)的消息，并以头叩地行礼。
4.42.50
एतावज्जीवलोकस्य भास्करो रजनीक्षये।
कृत्वा वितिमिरं सर्वमस्तं गच्छति पर्वतम् ॥ ४.४२.५० ॥
对于生灵之世界，在夜尽之时，太阳驱散一切黑暗，便向山中落去。
4.42.51
एतावद् वानरैः शक्यं गन्तुं वानरपुङ्गवाः।
अभास्करममर्यादं न जानीमस्ततः परम् ॥ ४.४२.५१ ॥
诸位猴中之雄！猴族所能到达的只到此处；此外，那无边无际、没有日光之地，我们一无所知。
4.42.52
अवगम्य तु वैदेहीं निलयं रावणस्य च।
अस्तं पर्वतमासाद्य पूर्णे मासे निवर्तत ॥ ४.४२.५२ ॥
探知了毗提诃公主与罗波那的居所之后，到达山中，待满月之期届满时便返回。
4.42.53
ऊर्ध्वं मासान्न वस्तव्यं वसन् वध्यो भवेन्मम।
सहैव शूरो युष्माभिः श्वशुरो मे गमिष्यति ॥ ४.४२.५३ ॥
不可逗留超过一个月；逗留者必被我处死。我那英勇的岳父将与你们一同前往。
4.42.54
श्रोतव्यं सर्वमेतस्य भवद्भिर्दिष्टकारिभिः।
गुरुरेष महाबाहुः श्वशुरो मे महाबलः ॥ ४.४२.५४ ॥
你们奉命行事者，应当聆听他所说的一切。这位大臂者是我的导师、我的岳父，有大力量。
4.42.55
भवन्तश्चापि विक्रान्ताः प्रमाणं सर्व एव हि।
प्रमाणमेनं संस्थाप्य पश्यध्वं पश्चिमां दिशम् ॥ ४.४२.५५ ॥
你们都英勇善战，各自都是可靠的人。请以此人为首领，向西方搜寻。
4.42.56
दृष्टायां तु नरेन्द्रस्य पत्न्याममिततेजसः।
कृतकृत्या भविष्यामः कृतस्य प्रतिकर्मणा ॥ ४.४२.५६ ॥
一旦见到那位光华无量的人王（罗摩）的妻子，我们便完成了使命，也算报答了已做之恩。
4.42.57
अतोऽन्यदपि यत्कार्यं कार्यस्यास्य प्रियं भवेत्।
सम्प्रधार्य भवद्भिश्च देशकालार्थसंहितम् ॥ ४.४२.५७ ॥
因此，凡对此事有益的其他事情，你们都应依时、依地、依事理仔细思量后再去做。
4.42.58
ततः सुषेणप्रमुखाः प्लवङ्गाः
सुग्रीववाक्यं निपुणं निशम्य।
आमन्त्र्य सर्वे प्लवगाधिपं ते
जग्मुर्दिशं तां वरुणाभिगुप्ताम् ॥ ४.४२.५८ ॥
于是以苏舍那为首的众猴，仔细听完须羯哩婆的话，向猴王告别，便朝着那处由伐楼那守护的方向出发了。