ヴァールミーキのラーマーヤナ · サルガ 4.50
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
4.50.1
सह ताराङ्गदाभ्यां तु संगम्य हनुमान् कपिः।
विचिनोति च विन्ध्यस्य गुहाश्च गहनानि च ॥ ४.५०.१ ॥
ターラー、アンガダとともに、猿のハヌマーンはヴィンディヤ山の洞窟と密林を捜し回った。
4.50.2
सिंहशार्दूलजुष्टाश्च गुहाश्च परितस्तदा।
विषमेषु नगेन्द्रस्य महाप्रस्रवणेषु च ॥ ४.५०.२ ॥
そのとき山々の王の周囲で、獅子と虎が住む洞窟、険しい場所、大きな滝を捜した。
4.50.3
आसेदुस्तस्य शैलस्य कोटिं दक्षिणपश्चिमाम्।
तेषां तत्रैव वसतां स कालो व्यत्यवर्तत ॥ ४.५०.३ ॥
彼らはその山の南西の頂に着いた。そこに住むうちに、その時は過ぎていった。
4.50.4
स हि देशो दुरन्वेष्यो गुहागहनवान् महान्।
तत्र वायुसुतः सर्वं विचिनोति स्म पर्वतम् ॥ ४.५०.४ ॥
その地域は探し回るのが難しく、広大で洞窟と密林に満ちていた。そこで風の子は山全体を捜し回った。
4.50.5
परस्परेण रहिता अन्योन्यस्याविदूरतः।
गजो गवाक्षो गवयः शरभो गन्धमादनः ॥ ४.५०.५ ॥
互いに離れてはいたが、遠くはなかった。ガジャ、ガヴァークシャ、ガヴァヤ、シャラバ、ガンダマーダナ。
4.50.6
मैन्दश्च द्विविदश्चैव हनूमान् जाम्बवानपि।
अङ्गदो युवराजश्च तारश्च वनगोचरः ॥ ४.५०.६ ॥
マインダとドヴィヴィダ、ハヌマーンとジャーンバヴァーンもまた、王太子アンガダとターラ——森に住む者たち。
4.50.7
गिरिजालावृतान् देशान् मार्गित्वा दक्षिणां दिशम्।
विचिन्वन्तस्ततस्तत्र ददृशुर्विवृतं बिलम् ॥ ४.५०.७ ॥
山の茂みに覆われた地域を南の方角に探し回るうちに、彼らはそこに開いた洞窟を見つけた。
4.50.8
दुर्गमृक्षबिलं नाम दानवेनाभिरक्षितम्।
क्षुत्पिपासापरीतास्तु श्रान्तास्तु सलिलार्थिनः ॥ ४.५०.८ ॥
それはṚkṣa-bilaという入りがたい洞窟で、ダーナヴァが守っていた。飢えと渇きに苛まれ疲れ果てた彼らは、水を求めていた。
4.50.9
अवकीर्णं लतावृक्षैर्ददृशुस्ते महाबिलम्।
तत्र क्रौञ्चाश्च हंसाश्च सारसाश्चापि निष्क्रमन् ॥ ४.५०.९ ॥
蔓と木々に覆われた大きな洞窟が見えた。そこからは鶴、白鳥、サーラサ鳥が飛び出してきていた。
4.50.10
जलार्द्राश्चक्रवाकाश्च रक्ताङ्गाः पद्मरेणुभिः।
ततस्तद् बिलमासाद्य सुगन्धि दुरतिक्रमम् ॥ ४.५०.१० ॥
水に濡れ、蓮の花粉で体が赤く染まったチャクラヴァーカ（赤鴨）もいた。やがて、芳香を放ち容易に越えがたいその洞窟に着くと——
4.50.11
विस्मयव्यग्रमनसो बभूवुर्वानरर्षभाः।
संजातपरिशङ्कास्ते तद् बिलं प्लवगोत्तमाः ॥ ४.५०.११ ॥
驚きに心を乱されたそれらのヴァーナラの雄牛たちは、その洞窟に疑念を抱いた——跳躍の最も優れた者たちであった。
4.50.12
अभ्यपद्यन्त संहृष्टास्तेजोवन्तो महाबलाः।
नानासत्त्वसमाकीर्णं दैत्येन्द्रनिलयोपमम् ॥ ४.५०.१२ ॥
輝かしく力強い彼らは喜びつつ、さまざまな生き物に満ちた、ダイティヤの王の住まいのようなその洞窟へと近づいた。
4.50.13
दुर्दर्शमिव घोरं च दुर्विगाह्यं च सर्वशः।
ततः पर्वतकूटाभो हनूमान् मारुतात्मजः ॥ ४.५०.१३ ॥
その洞窟は見るのも恐ろしく、四方のどこからも入りにくかった。そこで山の頂のような風の子ハヌマーンは、
4.50.14
अब्रवीद् वानरान् घोरान् कान्तारवनकोविदः।
गिरिजालावृतान् देशान् मार्गित्वा दक्षिणां दिशम् ॥ ४.५०.१४ ॥
荒野や森の道に通じたハヌマーンは、南の方角で山々の網に囲まれた地域を探し回った後、猛々しい猿たちに言った。
4.50.15
वयं सर्वे परिश्रान्ता न च पश्याम मैथिलीम्।
अस्माच्चापि बिलाद्धंसाः क्रौञ्चाश्च सह सारसैः ॥ ४.५०.१५ ॥
我々は皆疲れ果て、マイティリーの姿は見えない。だがこの洞窟から白鳥や鶴が、サーラサ鳥とともに出てくる。
4.50.16
जलार्द्राश्चक्रवाकाश्च निष्पतन्ति स्म सर्वशः।
नूनं सलिलवानत्र कूपो वा यदि वा ह्रदः ॥ ४.५०.१६ ॥
水に濡れたチャクラヴァーカの鳥たちも四方から飛び出している。ここには必ず水がある、井戸か池があるはずだ。
4.50.17
तथा चेमे बिलद्वारे स्निग्धास्तिष्ठन्ति पादपाः।
इत्युक्तास्तद् बिलं सर्वे विविशुस्तिमिरावृतम् ॥ ४.५०.१७ ॥
そしてこの青々とした木々は洞窟の入口に立っている。こう言われると、猿たちはみな闇に覆われたその洞窟に入っていった。
4.50.18
अचन्द्रसूर्यं हरयो ददृशू रोमहर्षणम्।
निशाम्य तस्मात् सिंहांश्च तांस्तांश्च मृगपक्षिणः ॥ ४.५०.१८ ॥
猿たちは、月も太陽もない身の毛もよだつその場所を見た。そこからライオンの咆哮や、さまざまな獣や鳥の鳴き声を聞いて、
4.50.19
प्रविष्टा हरिशार्दूला बिलं तिमिरसंवृतम्।
न तेषां सज्जते दृष्टिर्न तेजो न पराक्रमः ॥ ४.५०.१९ ॥
闇に包まれたその洞窟に入った虎のような猿たちは、視力も気力も武勇も役に立たないことを知った。
4.50.20
वायोरिव गतिस्तेषां दृष्टिस्तमसि वर्तते।
ते प्रविष्टास्तु वेगेन तद् बिलं कपिकुञ्जराः ॥ ४.५०.२० ॥
その動きは風のように速かったが、視界は闇の中に留まった。その洞窟へ勢いよく入った猿の象たちは、そこに留まった。
4.50.21
प्रकाशं चाभिरामं च ददृशुर्देशमुत्तमम्।
ततस्तस्मिन् बिले भीमे नानापादपसंकुले ॥ ४.५०.२१ ॥
そして、多種多様な木々が茂るその恐ろしい洞窟の中に、明るく美しく優れた地域を見た。
4.50.22
अन्योन्यं सम्परिष्वज्य जग्मुर्योजनमन्तरम्।
ते नष्टसंज्ञास्तृषिताः सम्भ्रान्ताः सलिलार्थिनः ॥ ४.५०.२२ ॥
互いに抱き合いながら、一ヨージャナの距離を進んだ。意識を失い、渇き、取り乱して、水を探していた。
4.50.23
परिपेतुर्बिले तस्मिन् कंचित् कालमतन्द्रिताः।
ते कृशा दीनवदनाः परिश्रान्ताः प्लवङ्गमाः ॥ ४.५०.२३ ॥
その洞窟の中で彼らはしばらくさまよった。疲れてはいたが警戒を怠らなかった。痩せ細り、顔を曇らせた跳躍する猿たちは、すっかり疲れ果てていた。
4.50.24
आलोकं ददृशुर्वीरा निराशा जीविते यदा।
ततस्तं देशमागम्य सौम्या वितिमिरं वनम् ॥ ४.५०.२४ ॥
生きる望みを失いかけた勇士たちは、そのとき光を見た。そして温和な猿たちは、闇のない森へとたどり着いた。
4.50.25
ददृशुः काञ्चनान् वृक्षान् दीप्तवैश्वानरप्रभान्।
सालांस्तालांस्तमालांश्च पुंनागान् वञ्जुलान् धवान् ॥ ४.५०.२५ ॥
彼らは燃え上がる火のように輝く金色の木々を見た。娑羅、多羅、多摩羅、プンナーガ、ヴァンジュラ、ダヴァの木々である。
4.50.26
चम्पकान् नागवृक्षांश्च कर्णिकारांश्च पुष्पितान्।
स्तबकैः काञ्चनैश्चित्रै रक्तैः किसलयैस्तथा ॥ ४.५०.२६ ॥
彼らはチャンパカ、ナーガの木、そして花咲くカルニカーラの木々を見た。それらは金色・色とりどりの房と赤い若芽で飾られていた。
4.50.27
आपीडैश्च लताभिश्च हेमाभरणभूषितान्।
तरुणादित्यसंकाशान् वैदूर्यमयवेदिकान् ॥ ४.५०.२७ ॥
花輪、蔓草、金の装身具で飾られ、昇りくる太陽のように輝き、瑠璃の台座を備えていた。
4.50.28
बिभ्राजमानान् वपुषा पादपांश्च हिरण्मयान्।
नीलवैदूर्यवर्णाश्च पद्मिनीः पतगैर्वृताः ॥ ४.५०.२८ ॥
金色の木々はその姿で輝き、瑠璃のように青い蓮の池は鳥たちに囲まれていた。
4.50.29
महद्भिः काञ्चनैर्वृक्षैर्वृता बालार्कसंनिभैः।
जातरूपमयैर्मत्स्यैर्महद्भिश्चाथ पङ्कजैः ॥ ४.५०.२९ ॥
朝日のように輝く大きな金の木々に囲まれ、そこには金の魚と大きな蓮があった。
4.50.30
नलिनीस्तत्र ददृशुः प्रसन्नसलिलायुताः।
काञ्चनानि विमानानि राजतानि तथैव च ॥ ४.५०.३० ॥
そこで彼らは清らかな水をたたえた蓮の池を見た。また金と銀の宮殿も見た。
4.50.31
तपनीयगवाक्षाणि मुक्ताजालावृतानि च।
हैमराजतभौमानि वैदूर्यमणिमन्ति च ॥ ४.५०.३१ ॥
金の窓があり、真珠の網で覆われ、金・銀・土で作られ、猫目石で飾られていた。
4.50.32
ददृशुस्तत्र हरयो गृहमुख्यानि सर्वशः।
पुष्पितान् फलिनो वृक्षान् प्रवालमणिसंनिभान् ॥ ४.५०.३२ ॥
そこで猿たちは至る所に主要な館を見、花咲き実る木々が珊瑚や宝石のように輝くのを見た。
4.50.33
काञ्चनभ्रमरांश्चैव मधूनि च समन्ततः।
मणिकाञ्चनचित्राणि शयनान्यासनानि च ॥ ४.५०.३३ ॥
金色の蜂、あたりの蜂蜜、宝石と金で彩られた寝台と座席も見た。
4.50.34
विविधानि विशालानि ददृशुस्ते समन्ततः।
हैमराजतकांस्यानां भाजनानां च राशयः ॥ ४.५०.३४ ॥
彼らはあちこちに様々な巨大な品々と、金・銀・青銅の器の山を見た。
4.50.35
अगुरूणां च दिव्यानां चन्दनानां च संचयान्।
शुचीन्यभ्यवहाराणि मूलानि च फलानि च ॥ ४.५०.३५ ॥
神聖な沈香と白檀の山、清浄な飲食物、根と果実を見た。
4.50.36
महार्हाणि च यानानि मधूनि रसवन्ति च।
दिव्यानामम्बराणां च महार्हाणां च संचयान् ॥ ४.५०.३६ ॥
非常に貴重な乗り物、芳醇な蜂蜜、神聖で極めて高価な衣の山を見た。
4.50.37
कम्बलानां च चित्राणामजिनानां च संचयान्।
तत्र तत्र च विन्यस्तान् दीप्तान् वैश्वानरप्रभान् ॥ ४.५०.३७ ॥
あちこちに置かれた色とりどりの毛布と鹿皮の山が見えた。それらは祭火のように輝いていた。
4.50.38
ददृशुर्वानराः शुभ्राञ्जातरूपस्य संचयान्।
तत्र तत्र विचिन्वन्तो बिले तत्र महाप्रभाः ॥ ४.५०.३८ ॥
その洞窟で、あちこち探していた大いに輝く猿たちは、輝く黄金の山々を見た。
4.50.39
ददृशुर्वानराः शूराः स्त्रियं कांचिददूरतः।
तां च ते ददृशुस्तत्र चीरकृष्णाजिनाम्बराम् ॥ ४.५०.३९ ॥
勇猛な猿たちは、少し離れた所に一人の女性を見た。彼女は樹皮の衣と黒羚羊の皮をまとっていた。
4.50.40
तापसीं नियताहारां ज्वलन्तीमिव तेजसा।
विस्मिता हरयस्तत्र व्यवतिष्ठन्त सर्वशः।
पप्रच्छ हनुमांस्तत्र कासि त्वं कस्य वा बिलम् ॥ ४.५०.४० ॥
節度ある食生活を送り、光に燃えるようなその苦行の女性を見て、猿たちは驚いてあたりに立ち尽くした。そこでハヌマーンが尋ねた。「おまえは誰か。この洞窟は誰のものか。」
4.50.41
ततो हनूमान् गिरिसंनिकाशः
कृताञ्जलिस्तामभिवाद्य वृद्धाम्।
पप्रच्छ का त्वं भवनं बिलं च
रत्नानि चेमानि वदस्व कस्य ॥ ४.५०.४१ ॥
すると山のようなハヌマーンは合掌し、その老婦人に礼をして尋ねた。「あなたは誰ですか。この住まいと洞窟、そしてこれらの宝は誰のものですか。教えてください。」