蚁垤《罗摩衍那》 · 篇 4.6
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
4.6.1
पुनरेवाब्रवीत् प्रीतो राघवं रघुनन्दनम्।
अयमाख्याति ते राम सचिवो मन्त्रिसत्तमः ॥ ४.६.१ ॥
他欢喜地再次对罗怙子之乐的罗怙婆（Rāghava）说："罗摩，这位最优秀的谋臣向你禀告。"
4.6.2
हनुमान् यन्निमित्तं त्वं निर्जनं वनमागतः।
लक्ष्मणेन सह भ्रात्रा वसतश्च वने तव ॥ ४.६.२ ॥
哈奴曼说："你与兄弟罗什曼那一同来到这荒僻的森林，并在林中居住，是为了什么缘故？"
4.6.3
रक्षसापहृता भार्या मैथिली जनकात्मजा।
त्वया वियुक्ता रुदती लक्ष्मणेन च धीमता ॥ ४.६.३ ॥
你的妻子，闍那伽之女迈提利，被罗刹劫走，与你和智慧的罗什曼那分离，正在哭泣。
4.6.4
अन्तरं प्रेप्सुना तेन हत्वा गृध्रं जटायुषम्।
भार्यावियोगजं दुःखं प्रापितस्तेन रक्षसा ॥ ४.६.४ ॥
他伺机杀死了鹫鸟贾塔尤；那罗刹使你陷入了因与妻子分离而生的悲痛。
4.6.5
भार्यावियोगजं दुःखं नचिरात् त्वं विमोक्ष्यसे।
अहं तामानयिष्यामि नष्टां वेदश्रुतीमिव ॥ ४.६.५ ॥
不久你将从这因与妻子分离而生的悲痛中解脱。我会把她带回来，正如找回失落的吠陀启示一样。
4.6.6
रसातले वा वर्तन्तीं वर्तन्तीं वा नभस्तले।
अहमानीय दास्यामि तव भार्यामरिंदम ॥ ४.६.६ ॥
无论她在地下世界，还是居于天空，我都会把她带来，交还给你的妻子，哦，征服敌人者！
4.6.7
इदं तथ्यं मम वचस्त्वमवेहि च राघव।
न शक्या सा जरयितुमपि सेन्द्रैः सुरासुरैः ॥ ४.६.७ ॥
罗怙之子啊，请记住我这话是真实的：即便因陀罗率领的诸天神与阿修罗，也无法制服她。
4.6.8
तव भार्या महाबाहो भक्ष्यं विषकृतं यथा।
त्यज शोकं महाबाहो तां कान्तामानयामि ते ॥ ४.६.८ ॥
你的妻子如同被毒药污染的食物，大臂者啊。放下忧愁吧，大臂者啊；我会把那位心爱的人带到你面前。
4.6.9
अनुमानात् तु जानामि मैथिली सा न संशयः।
ह्रियमाणा मया दृष्टा रक्षसा रौद्रकर्मणा ॥ ४.६.९ ॥
凭推断我知道她是弥提罗之女，毫无疑问。我看见她被一个行事残暴的罗刹劫走。
4.6.10
क्रोशन्ती रामरामेति लक्ष्मणेति च विस्वरम्।
स्फुरन्ती रावणस्याङ्के पन्नगेन्द्रवधूर्यथा ॥ ४.६.१० ॥
高声呼喊“罗摩啊，罗摩啊”与“罗什曼那啊”，在罗波那怀中挣扎，犹如蛇王之妻。
4.6.11
आत्मना पञ्चमं मां हि दृष्ट्वा शैलतले स्थितम्।
उत्तरीयं तया त्यक्तं शुभान्याभरणानि च ॥ ४.६.११ ॥
她看见我这第五个人站在山坡上，便将上衣和吉祥的首饰抛落下来。
4.6.12
तान्यस्माभिर्गृहीतानि निहितानि च राघव।
आनयिष्याम्यहं तानि प्रत्यभिज्ञातुमर्हसि ॥ ४.६.१२ ॥
我们已将它们拾起收存，罗怙之子啊。我会把它们带来；你应当认出它们。
4.6.13
तमब्रवीत् ततो रामः सुग्रीवं प्रियवादिनम्।
आनयस्व सखे शीघ्रं किमर्थं प्रविलम्बसे ॥ ४.६.१३ ॥
于是罗摩对说话温和的须羯哩婆说：“朋友，快拿来。你为何迟延？”
4.6.14
एवमुक्तस्तु सुग्रीवः शैलस्य गहनां गुहाम्।
प्रविवेश ततः शीघ्रं राघवप्रियकाम्यया ॥ ४.६.१४ ॥
须羯哩婆听罢，便急速进入山中深洞，想要讨好罗怙之子。
4.6.15
उत्तरीयं गृहीत्वा तु स तान्याभरणानि च।
इदं पश्येति रामाय दर्शयामास वानरः ॥ ४.६.१५ ॥
那猴子拿起上衣和那些首饰，对罗摩说：“请看这个。”于是展示给他。
4.6.16
ततो गृहीत्वा वासस्तु शुभान्याभरणानि च।
अभवद् बाष्पसंरुद्धो नीहारेणेव चन्द्रमाः ॥ ४.६.१६ ॥
于是罗摩拿起那布料和那些华美的首饰，被泪水哽住，如同被薄雾遮蔽的月亮。
4.6.17
सीतास्नेहप्रवृत्तेन स तु बाष्पेण दूषितः।
हा प्रियेति रुदन् धैर्यमुत्सृज्य न्यपतत् क्षितौ ॥ ४.६.१७ ॥
因对悉多的爱而涌出的泪水所困扰，他哭喊着“唉，爱人！”，失去了镇定，倒在地上。
4.6.18
हृदि कृत्वा स बहुशस्तमलंकारमुत्तमम्।
निशश्वास भृशं सर्पो बिलस्थ इव रोषितः ॥ ४.६.१८ ॥
他一次又一次把那件上好的首饰按在心口，深深地叹息，如同洞中愤怒的毒蛇。
4.6.19
अविच्छिन्नाश्रुवेगस्तु सौमित्रिं प्रेक्ष्य पार्श्वतः।
परिदेवयितुं दीनं रामः समुपचक्रमे ॥ ४.६.१९ ॥
罗摩泪如泉涌，不停歇。他看着身旁的苏弥陀罗之子罗什曼那，悲切地开始哀叹。
4.6.20
पश्य लक्ष्मण वैदेह्या संत्यक्तं ह्रियमाणया।
उत्तरीयमिदं भूमौ शरीराद् भूषणानि च ॥ ४.६.२० ॥
看，罗什曼那！被掳走时，毗提诃公主把这件上衣和身上的首饰丢在了地上。
4.6.21
शाद्वलिन्यां ध्रुवं भूम्यां सीतया ह्रियमाणया।
उत्सृष्टं भूषणमिदं तथा रूपं हि दृश्यते ॥ ४.६.२१ ॥
在这片长满草的土地上，被掳走的悉多必定丢下了这件首饰；它的样子清楚可见。
4.6.22
एवमुक्तस्तु रामेण लक्ष्मणो वाक्यमब्रवीत्।
नाहं जानामि केयूरे नाहं जानामि कुण्डले ॥ ४.६.२२ ॥
罗摩如此说后，罗什曼那回答道：“我认不出那臂钏，也认不出那耳环。”
4.6.23
नूपुरे त्वभिजानामि नित्यं पादाभिवन्दनात्।
ततस्तु राघवो वाक्यं सुग्रीवमिदमब्रवीत् ॥ ४.६.२३ ॥
但脚环我认得，因为我常向她的脚下行礼。于是罗怙之裔对须羯哩婆说了这些话。
4.6.24
ब्रूहि सुग्रीव कं देशं ह्रियन्ती लक्षिता त्वया।
रक्षसा रौद्ररूपेण मम प्राणप्रिया हृता ॥ ४.६.२४ ॥
须羯哩婆，你且说，你看见她被掳走时是朝哪个方向？一个形貌可怖的罗刹夺走了我的心爱之人，她比我的生命还珍贵。
4.6.25
क्व वा वसति तद् रक्षो महद् व्यसनदं मम।
यन्निमित्तमहं सर्वान् नाशयिष्यामि राक्षसान् ॥ ४.६.२५ ॥
那个给我带来大灾难的大罗刹住在何处？为了他，我将灭尽所有罗刹。
4.6.26
हरता मैथिलीं येन मां च रोषयता ध्रुवम्।
आत्मनो जीवितान्ताय मृत्युद्वारमपावृतम् ॥ ४.६.२६ ॥
他劫走了弥提利，又激怒了我，必定为自己的生命终结打开了死亡之门。
4.6.27
मम दयिततमा हृता वनाद्
रजनिचरेण विमथ्य येन सा।
कथय मम रिपुं तमद्य वै
प्लवगपते यमसंनिधिं नयामि ॥ ४.६.२७ ॥
我最心爱的妻子被夜行者从林中强行劫走。猴王啊，请告诉我那仇敌是谁；我今日便要将他送往阎摩面前。