蚁垤《罗摩衍那》 · 篇 4.66
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
4.66.1
अनेकशतसाहस्रीं विषण्णां हरिवाहिनीम्।
जाम्बवान् समुदीक्ष्यैवं हनूमन्तमथाब्रवीत् ॥ ४.६६.१ ॥
见数十万猴兵皆神情沮丧,jāmbavān 便对 hanumān 这样说道。
4.66.2
वीर वानरलोकस्य सर्वशास्त्रविदां वर।
तूष्णीमेकान्तमाश्रित्य हनूमन् किं न जल्पसि ॥ ४.६६.२ ॥
英雄啊,猴族中通晓一切学问的最优秀者!hanumān,你为何独自默然不语,一言不发?
4.66.3
हनूमन् हरिराजस्य सुग्रीवस्य समो ह्यसि।
रामलक्ष्मणयोश्चापि तेजसा च बलेन च ॥ ४.६६.३ ॥
hanumān啊,你确实与猴王 sugrīva 相当;论威光与力量,你也与 rāma 和 lakṣmaṇa 相等。
4.66.4
अरिष्टनेमिनः पुत्रो वैनतेयो महाबलः।
गरुत्मानिव विख्यात उत्तमः सर्वपक्षिणाम् ॥ ४.६६.४ ॥
如同迦楼罗——阿利斯塔涅弥之子、毗娜塔之子、大力者,以众鸟之中最优秀而闻名。
4.66.5
बहुशो हि मया दृष्टः सागरे स महाबलः।
भुजङ्गानुद्धरन् पक्षी महाबाहुर्महाबलः ॥ ४.६६.५ ॥
我曾多次在大海中见到那位大力者——那只长臂大力的鸟,将蛇高高举起。
4.66.6
पक्षयोर्यद् बलं तस्य भुजवीर्यबलं तव।
विक्रमश्चापि वेगश्च न ते तेनापहीयते ॥ ४.६६.६ ॥
他双翼中的力量,与你双臂的威力相当;你的勇武与速度,并不因与他相比而有所减损。
4.66.7
बलं बुद्धिश्च तेजश्च सत्त्वं च हरिपुङ्गव।
विशिष्टं सर्वभूतेषु किमात्मानं न सज्जसे ॥ ४.६६.७ ॥
猴中之最啊，力量、智慧、光辉与坚毅，在一切众生中最为殊胜，你为何不运用自己的这些品质呢？
4.66.8
अप्सराऽप्सरसां श्रेष्ठा विख्याता पुञ्जिकस्थला।
अञ्जनेति परिख्याता पत्नी केसरिणो हरेः ॥ ४.६६.८ ॥
普尼季卡斯特拉是天女中最殊胜者，名声远扬，以阿阇那之名著称，成为猴王刻舍林的妻子。
4.66.9
विख्याता त्रिषु लोकेषु रूपेणाप्रतिमा भुवि।
अभिशापादभूत् तात कपित्वे कामरूपिणी ॥ ४.६६.९ ॥
她名满三界，人间容貌无可匹敌。亲爱的，因受诅咒，她在猴子之身中成为可随意变化形态的女子。
4.66.10
दुहिता वानरेन्द्रस्य कुञ्जरस्य महात्मनः।
मानुषं विग्रहं कृत्वा रूपयौवनशालिनी ॥ ४.६६.१० ॥
她是大德的猴王群主昆遮罗之女；她化作人身，容貌青春，光彩照人。
4.66.11
विचित्रमाल्याभरणा कदाचित् क्षौमधारिणी।
अचरत् पर्वतस्याग्रे प्रावृडम्बुदसंनिभे ॥ ४.६६.११ ॥
她佩戴着各色花环与饰物，身着丝绸衣裳，有一天在一座如雨季云朵般的山顶上漫步。
4.66.12
तस्या वस्त्रं विशालाक्ष्याः पीतं रक्तदशं शुभम्।
स्थितायाः पर्वतस्याग्रे मारुतोऽपाहरच्छनैः ॥ ४.६६.१२ ॥
当那位大眼女子站在山巅时，她那件黄色、红边的美丽衣裳被微风缓缓吹走了。
4.66.13
स ददर्श ततस्तस्या वृत्तावूरू सुसंहतौ।
स्तनौ च पीनौ सहितौ सुजातं चारु चाननम् ॥ ४.६६.१३ ॥
随后他看见她圆润匀称的大腿，丰满相称的双乳，以及秀美端正的面容。
4.66.14
तां बलादायतश्रोणीं तनुमध्यां यशस्विनीम्।
दृष्ट्वैव शुभसर्वाङ्गीं पवनः काममोहितः ॥ ४.६६.१४ ॥
他一见到这位光彩的女子，宽臀细腰，全身俱美，风神便被欲望所迷。
4.66.15
स तां भुजाभ्यां दीर्घाभ्यां पर्यष्वजत मारुतः।
मन्मथाविष्टसर्वाङ्गो गतात्मा तामनिन्दिताम् ॥ ४.६६.१५ ॥
他以两条长臂拥抱了她；全身被爱欲所攫，神志迷失，风神紧紧抱住了那位无可指摘的女子。
4.66.16
सा तु तत्रैव सम्भ्रान्ता सुव्रता वाक्यमब्रवीत्।
एकपत्नीव्रतमिदं को नाशयितुमिच्छति ॥ ४.६६.१६ ॥
然而她在那里极为惊惶，持守善行誓愿的她说道：“谁想要毁坏这一夫一妻的誓愿？”
4.66.17
अञ्जनाया वचः श्रुत्वा मारुतः प्रत्यभाषत।
न त्वां हिंसामि सुश्रोणि मा भूत् ते मनसो भयम् ॥ ४.६६.१७ ॥
风神听了安遮那的话，回答道：“美臀的女子啊，我不会伤害你；愿你心中不要有恐惧。”
4.66.18
मनसास्मि गतो यत् त्वां परिष्वज्य यशस्विनि।
वीर्यवान् बुद्धिसम्पन्नस्तव पुत्रो भविष्यति ॥ ४.६६.१८ ॥
“光荣的女子啊，我只是以心意拥抱了你；因此你的儿子将会勇武而富有智慧。”
4.66.19
महासत्त्वो महातेजा महाबलपराक्रमः।
लङ्घने प्लवने चैव भविष्यति मया समः ॥ ४.६६.१९ ॥
他将有大勇气、大光辉和大力量与英勇，在跳跃与游渡方面与我相等。
4.66.20
एवमुक्ता ततस्तुष्टा जननी ते महाकपे।
गुहायां त्वां महाबाहो प्रजज्ञे प्लवगर्षभ ॥ ४.६६.२० ॥
她听后欢喜，便在山洞中生下了你，大猴啊，大臂者啊，猴中之雄啊。
4.66.21
अभ्युत्थितं ततः सूर्यं बालो दृष्ट्वा महावने।
फलं चेति जिघृक्षुस्त्वमुत्प्लुत्याभ्युत्पतो दिवम् ॥ ४.६६.२१ ॥
那时，你这孩子看见大森林中升起的太阳，以为是果实，想要抓取，便跃起飞向天空。
4.66.22
शतानि त्रीणि गत्वाथ योजनानां महाकपे।
तेजसा तस्य निर्धूतो न विषादं गतस्ततः ॥ ४.६६.२२ ॥
大猴啊，你飞越了三百由旬，虽被他的光辉所逼退，却未陷入绝望。
4.66.23
त्वामप्युपगतं तूर्णमन्तरिक्षं महाकपे।
क्षिप्तमिन्द्रेण ते वज्रं कोपाविष्टेन तेजसा ॥ ४.६६.२३ ॥
大猴啊，当你在空中迅速靠近时，因愤怒而充满的因陀罗以他的威力向你投掷了金刚杵。
4.66.24
तदा शैलाग्रशिखरे वामो हनुरभज्यत।
ततो हि नामधेयं ते हनुमानिति कीर्तितम् ॥ ४.६६.२४ ॥
那时在山峰之巅，你的左颌骨断裂了，因此你被称为“哈努曼”。
4.66.25
ततस्त्वां निहतं दृष्ट्वा वायुर्गन्धवहः स्वयम्।
त्रैलोक्यं भृशसंक्रुद्धो न ववौ वै प्रभञ्जनः ॥ ४.६६.२५ ॥
此时见你被击倒，香气之风神伐由自身大怒，在三界之中停止了吹拂。
4.66.26
सम्भ्रान्ताश्च सुराः सर्वे त्रैलोक्ये क्षुभिते सति।
प्रसादयन्ति संक्रुद्धं मारुतं भुवनेश्वराः ॥ ४.६६.२६ ॥
三界动荡之时，诸神皆惊慌，世界之主便设法安抚盛怒的摩嚕多风神。
4.66.27
प्रसादिते च पवने ब्रह्मा तुभ्यं वरं ददौ।
अशस्त्रवध्यतां तात समरे सत्यविक्रम ॥ ४.६६.२७ ॥
风神平息之后，梵天赐你一个恩惠：亲爱的孩子，真正勇武的人，你在战场上不会被兵器所杀。
4.66.28
वज्रस्य च निपातेन विरुजं त्वां समीक्ष्य च।
सहस्रनेत्रः प्रीतात्मा ददौ ते वरमुत्तमम् ॥ ४.६६.२८ ॥
因见你即便被因陀罗的金刚杵击中也毫发无伤，千眼的因陀罗心中欢喜，便赐你至上的恩惠。
4.66.29
स्वच्छन्दतश्च मरणं तव स्यादिति वै प्रभो।
स त्वं केसरिणः पुत्रः क्षेत्रजो भीमविक्रमः ॥ ४.६६.२९ ॥
又赐你的死亡由你自己的意愿决定，啊，主上。你是故萨里之子，由田中所生，有可怕的威力。
4.66.30
मारुतस्यौरसः पुत्रस्तेजसा चापि तत्समः।
त्वं हि वायुसुतो वत्स प्लवने चापि तत्समः ॥ ४.६६.३० ॥
你是摩嚕多的亲生之子，在光辉上也与他相等。亲爱的孩子，你是风之子，在跳跃上也与他相等。
4.66.31
वयमद्य गतप्राणा भवानस्मासु साम्प्रतम्।
दाक्ष्यविक्रमसम्पन्नः कपिराज इवापरः ॥ ४.६६.३१ ॥
今日我们仿佛失去了生气；如今唯有你在我们之中，具备才智与勇力，犹如另一位猴王。
4.66.32
त्रिविक्रमे मया तात सशैलवनकानना।
त्रिःसप्तकृत्वः पृथिवी परिक्रान्ता प्रदक्षिणम् ॥ ४.६६.३२ ॥
孩子，在三步之时，我绕行大地——连同其山岳、林园与森林——二十一周，使之居于我的右侧。
4.66.33
तथा चौषधयोऽस्माभिः संचिता देवशासनात्।
निर्मथ्यममृतं याभिस्तदानीं नो महद्बलम् ॥ ४.६६.३३ ॥
依诸神之命，我们采集了草药；凭借它们，在搅动甘露之时，我们拥有巨大的力量。
4.66.34
स इदानीमहं वृद्धः परिहीनपराक्रमः।
साम्प्रतं कालमस्माकं भवान् सर्वगुणान्वितः ॥ ४.६६.३४ ॥
如今我已年老，勇力衰退；对于我们此刻的时机，唯有你具备一切美德。
4.66.35
तद् विजृम्भस्व विक्रान्त प्लवतामुत्तमो ह्यसि।
त्वद्वीर्यं द्रष्टुकामा हि सर्वा वानरवाहिनी ॥ ४.६६.३५ ॥
因此，勇士啊，请展现你的威力；你是跳跃者中最杰出的，整支猴军都渴望见到你的勇力。
4.66.36
उत्तिष्ठ हरिशार्दूल लङ्घयस्व महार्णवम्।
परा हि सर्वभूतानां हनुमन् या गतिस्तव ॥ ४.६६.३६ ॥
起来吧，猴中猛虎！跃过大海吧；哈奴曼啊，你的速度超越一切众生。
4.66.37
विषण्णा हरयः सर्वे हनुमन् किमुपेक्षसे।
विक्रमस्व महावेग विष्णुस्त्रीन् विक्रमानिव ॥ ४.६६.३७ ॥
众猴都十分沮丧。哈奴曼啊，你为何袖手旁观？大速之人啊，显示你的威力吧，正如毗湿奴跨出三步。
4.66.38
ततः कपीनामृषभेण चोदितः
प्रतीतवेगः पवनात्मजः कपिः।
प्रहर्षयंस्तां हरिवीरवाहिनीं
चकार रूपं महदात्मनस्तदा ॥ ४.६६.३८ ॥
于是，受群猴之首的激励，以速度闻名的风神之子哈奴曼，使猴族勇士的大军欢欣鼓舞，随即显现出他那巨大的身形。