Vālmīki Rāmāyaṇa · Sarga 5.1
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
5.1.1
ततो रावणनीतायाः सीतायाः शत्रुकर्षणः।
इयेष पदमन्वेष्टुं चारणाचरिते पथि ॥ ५.१.१ ॥
Then the subduer of enemies (Hanumān), wishing to find the trail of Sītā, who had been carried off by Rāvaṇa, desired to go on the path traveled by the celestial bards.
5.1.2
दुष्करं निष्प्रतिद्वन्द्वं चिकीर्षन् कर्म वानरः।
समुदग्रशिरोग्रीवो गवां पतिरिवाबभौ ॥ ५.१.२ ॥
That monkey, intending to perform a difficult deed without rival, with head and neck raised high, shone like the lord of cows, the bull.
5.1.3
अथ वैदूर्यवर्णेषु शाद्वलेषु महाबलः।
धीरः सलिलकल्पेषु विचचार यथासुखम् ॥ ५.१.३ ॥
Then the mighty and steadfast one wandered at ease over the grassy meadows, colored like lapis lazuli and resembling water.
5.1.4
द्विजान् वित्रासयन् धीमानुरसा पादपान् हरन्।
मृगांश्च सुबहून् निघ्नन् प्रवृद्ध इव केसरी ॥ ५.१.४ ॥
Frightening the birds, uprooting trees with his chest, and striking down many deer, the wise one roamed like a full-grown lion.
5.1.5
नीललोहितमाञ्जिष्ठपद्मवर्णैः सितासितैः।
स्वभावसिद्धैर्विमलैर्धातुभिः समलंकृतम् ॥ ५.१.५ ॥
Adorned well with pure, naturally formed mineral ores of blue, red, madder-red and lotus colors, white and black.
5.1.6
कामरूपिभिराविष्टमभीक्ष्णं सपरिच्छदैः।
यक्षकिंनरगन्धर्वैर्देवकल्पैः सपन्नगैः ॥ ५.१.६ ॥
Constantly filled with Yakṣas, Kinnaras and Gandharvas, who can take any form at will, with their retinues, like gods, and with serpent beings (Nāgas).
5.1.7
स तस्य गिरिवर्यस्य तले नागवरायुते।
तिष्ठन् कपिवरस्तत्र ह्रदे नाग इवाबभौ ॥ ५.१.७ ॥
Standing at the foot of that noble mountain, thronged with excellent serpents, the best of monkeys shone there like a serpent in a lake.
5.1.8
स सूर्याय महेन्द्राय पवनाय स्वयम्भुवे।
भूतेभ्यश्चाञ्जलिं कृत्वा चकार गमने मतिम् ॥ ५.१.८ ॥
Offering añjali to the Sun, to Mahendra, to the Wind, to the Self-existent one, and to all beings, he resolved upon the journey.
5.1.9
अञ्जलिं प्राङ्मुखं कुर्वन् पवनायात्मयोनये।
ततो हि ववृधे गन्तुं दक्षिणो दक्षिणां दिशम् ॥ ५.१.९ ॥
Facing east, offering añjali to the Wind and to the Self-born one, then he swelled with eagerness to go toward the southern quarter.
5.1.10
प्लवगप्रवरैर्दृष्टः प्लवने कृतनिश्चयः।
ववृधे रामवृद्ध्यर्थं समुद्र इव पर्वसु ॥ ५.१.१० ॥
Watched by the best of the leapers, resolved to leap, he grew, for Rāma's welfare, like the ocean at the full moon.
5.1.11
निष्प्रमाणशरीरः सँल्लिलङ्घयिषुरर्णवम्।
बाहुभ्यां पीडयामास चरणाभ्यां च पर्वतम् ॥ ५.१.११ ॥
With a body of boundless size, desiring to leap across the ocean, he pressed upon the mountain with his arms and feet.
5.1.12
स चचालाचलश्चाशु मुहूर्तं कपिपीडितः।
तरूणां पुष्पिताग्राणां सर्वं पुष्पमशातयत् ॥ ५.१.१२ ॥
Pressed by the monkey, that immovable mountain quaked for a moment, and shook down all the flowers of the trees with blossoming tops.
5.1.13
तेन पादपमुक्तेन पुष्पौघेण सुगन्धिना।
सर्वतः संवृतः शैलो बभौ पुष्पमयो यथा ॥ ५.१.१३ ॥
Covered on all sides by the fragrant flood of blossoms shaken from the trees, the mountain shone as if made of flowers.
5.1.14
तेन चोत्तमवीर्येण पीड्यमानः स पर्वतः।
सलिलं सम्प्रसुस्राव मदमत्त इव द्विपः ॥ ५.१.१४ ॥
Pressed by that supremely valiant one, the mountain poured out streams of water like an elephant in rut.
5.1.15
पीड्यमानस्तु बलिना महेन्द्रस्तेन पर्वतः।
रीतीर्निर्वर्तयामास काञ्चनाञ्जनराजतीः ॥ ५.१.१५ ॥
Pressed by that mighty one, Mount Mahendra brought forth streaks of gold, collyrium-black and silver.
5.1.16
मुमोच च शिलाः शैलो विशालाः समनःशिलाः।
मध्यमेनार्चिषा जुष्टो धूमराजीरिवानलः ॥ ५.१.१६ ॥
The mountain released vast rocks together with realgar, like a fire endowed with a middling flame sending forth rows of smoke.
5.1.17
हरिणा पीड्यमानेन पीड्यमानानि सर्वतः।
गुहाविष्टानि सत्त्वानि विनेदुर्विकृतैः स्वरैः ॥ ५.१.१७ ॥
As the monkey pressed the mountain on all sides, the creatures dwelling in its caves cried out with distorted voices.
5.1.18
स महान् सत्त्वसन्नादः शैलपीडानिमित्तजः।
पृथिवीं पूरयामास दिशश्चोपवनानि च ॥ ५.१.१८ ॥
That great roar of creatures, arising from the mountain's distress, filled the earth, the quarters, and the groves.
5.1.19
शिरोभिः पृथुभिर्नागा व्यक्तस्वस्तिकलक्षणैः।
वमन्तः पावकं घोरं ददंशुर्दशनैः शिलाः ॥ ५.१.१९ ॥
With their broad heads bearing clear svastika marks, the serpents, vomiting terrible fire, bit the rocks with their fangs.
5.1.20
तास्तदा सविषैर्दष्टाः कुपितैस्तैर्महाशिलाः।
जज्वलुः पावकोद्दीप्ता बिभिदुश्च सहस्रधा ॥ ५.१.२० ॥
Then those great rocks, bitten by the enraged serpents with their poison, blazed up kindled by fire and split into a thousand pieces.
5.1.21
यानि त्वौषधजालानि तस्मिञ्जातानि पर्वते।
विषघ्नान्यपि नागानां न शेकुः शमितुं विषम् ॥ ५.१.२१ ॥
Even the clusters of medicinal herbs that grew on that mountain, which counteract the poison of serpents, could not quell that poison.
5.1.22
भिद्यतेऽयं गिरिर्भूतैरिति मत्वा तपस्विनः।
त्रस्ता विद्याधरास्तस्मादुत्पेतुः स्त्रीगणैः सह ॥ ५.१.२२ ॥
Thinking, 'This mountain is being split by spirits,' the terrified ascetics and vidyādharas flew up from there together with their groups of women.
5.1.23
पानभूमिगतं हित्वा हैममासवभाजनम्।
पात्राणि च महार्हाणि करकांश्च हिरण्मयान् ॥ ५.१.२३ ॥
Leaving behind the golden wine vessel lying in the drinking place, the very precious vessels, and the golden pitchers.
5.1.24
लेह्यानुच्चावचान् भक्ष्यान् मांसानि विविधानि च।
आर्षभाणि च चर्माणि खड्गांश्च कनकत्सरून् ॥ ५.१.२४ ॥
Savory foods to be licked, high and low, various kinds of meat, bull-hide bags, and swords with golden scabbards.
5.1.25
कृतकण्ठगुणाः क्षीबा रक्तमाल्यानुलेपनाः।
रक्ताक्षाः पुष्कराक्षाश्च गगनं प्रतिपेदिरे ॥ ५.१.२५ ॥
With garlands on their throats, intoxicated, wearing red garlands and red ointments, red-eyed and lotus-eyed, the women rose into the sky.
5.1.26
हारनूपुरकेयूरपारिहार्यधराः स्त्रियः।
विस्मिताः सस्मितास्तस्थुराकाशे रमणौः सह ॥ ५.१.२६ ॥
The women, bearing necklaces, anklets, armlets and ornaments, astonished and smiling, stood in the sky together with their lovers.
5.1.27
दर्शयन्तो महाविद्यां विद्याधरमहर्षयः।
सहितास्तस्थुराकाशे वीक्षांचक्रुश्च पर्वतम् ॥ ५.१.२७ ॥
The great Vidyādhara sages, displaying their great magical power, stood together in the sky and gazed at the mountain.
5.1.28
शुश्रुवुश्च तदा शब्दमृषीणां भावितात्मनाम्।
चारणानां च सिद्धानां स्थितानां विमलेऽम्बरे ॥ ५.१.२८ ॥
Then they heard the sound of the sages of purified souls, of the Cāraṇas and of the Siddhas, who stood in the clear sky.
5.1.29
एष पर्वतसंकाशो हनुमान् मारुतात्मजः।
तितीर्षति महावेगः समुद्रं वरुणालयम् ॥ ५.१.२९ ॥
This one, resembling a mountain, Hanumān, son of the Wind, of great speed, desires to cross the ocean, the abode of Varuṇa.
5.1.30
रामार्थं वानरार्थं च चिकीर्षन् कर्म दुष्करम्।
समुद्रस्य परं पारं दुष्प्रापं प्राप्तुमिच्छति ॥ ५.१.३० ॥
Intending a deed difficult for the sake of Rāma and for the sake of the monkeys, he desires to reach the far shore of the ocean, which is hard to attain.
5.1.31
तमप्रमेयं ददृशुः पर्वते वानरर्षभम् ॥ ५.१.३१ ॥
They saw him, the immeasurable, the bull among monkeys, on the mountain.
5.1.32
दुधुवे च स रोमाणि चकम्पे चानलोपमः।
ननाद च महानादं सुमहानिव तोयदः ॥ ५.१.३२ ॥
He shook his body hairs, trembled like fire, and roared a great roar like a rain cloud.
5.1.33
आनुपूर्व्या च वृत्तं तल्लाङ्गूलं रोमभिश्चितम्।
उत्पतिष्यन् विचिक्षेप पक्षिराज इवोरगम् ॥ ५.१.३३ ॥
Coiled in order and covered with hair, his tail he flung as the king of birds flings a serpent, about to leap.
5.1.34
तस्य लाङ्गूलमाविद्धमतिवेगस्य पृष्ठतः।
ददृशे गरुडेनेव ह्रियमाणो महोरगः ॥ ५.१.३४ ॥
Behind that swift one his tail, flung out, appeared like a great serpent being carried off by Garuḍa.
5.1.35
बाहू संस्तम्भयामास महापरिघसंनिभौ।
आससाद कपिः कट्यां चरणौ संचुकोच च ॥ ५.१.३५ ॥
The monkey stiffened his two arms, like great iron bars, pressed upon his hips, and drew in his feet.
5.1.36
संहृत्य च भुजौ श्रीमांस्तथैव च शिरोधराम्।
तेजः सत्त्वं तथा वीर्यमाविवेश स वीर्यवान् ॥ ५.१.३६ ॥
Drawing in his arms and his neck as well, that radiant, mighty one entered into splendor, inner strength and valor.
5.1.37
मार्गमालोकयन् दूरादूर्ध्वप्रणिहितेक्षणः।
रुरोध हृदये प्राणानाकाशमवलोकयन् ॥ ५.१.३७ ॥
Gazing at the path from afar, with his eyes fixed upward, he held his breath within his heart while looking at the sky.
5.1.38
पद्भ्यां दृढमवस्थानं कृत्वा स कपिकुञ्जरः।
निकुच्य कर्णौ हनुमानुत्पतिष्यन् महाबलः ॥ ५.१.३८ ॥
Standing firmly on his feet, that elephant among monkeys, Hanumān of great might, drew in his ears and prepared to leap upward.
5.1.39
वानरान् वानरश्रेष्ठ इदं वचनमब्रवीत्।
यथा राघवनिर्मुक्तः शरः श्वसनविक्रमः ॥ ५.१.३९ ॥
The best of monkeys spoke these words to the monkeys: just as an arrow released by Rāghava speeds on with the force of the wind,
5.1.40
गच्छेत् तद्वद् गमिष्यामि लंकां रावणपालिताम्।
नहि द्रक्ष्यामि यदि तां लंकायां जनकात्मजाम् ॥ ५.१.४० ॥
In the same way I shall go to Laṅkā, which is protected by Rāvaṇa. If I do not see Janaka's daughter there in Laṅkā,
5.1.41
अनेनैव हि वेगेन गमिष्यामि सुरालयम्।
यदि वा त्रिदिवे सीतां न द्रक्ष्यामि कृतश्रमः ॥ ५.१.४१ ॥
With this very speed I shall go to the abode of the gods as well; if, having made my effort, I do not see Sītā in heaven,
5.1.42
बद्ध्वा राक्षसराजानमानयिष्यामि रावणम्।
सर्वथा कृतकार्योऽहमेष्यामि सह सीतया ॥ ५.१.४२ ॥
Having bound the king of the rākṣasas, Rāvaṇa, I shall bring him here. Having accomplished my task in every way, I shall return together with Sītā.
5.1.43
आनयिष्यामि वा लंकां समुत्पाट्य सरावणाम्।
एवमुक्त्वा तु हनुमान् वानरो वानरोत्तमः ॥ ५.१.४३ ॥
"I will bring Laṅkā, uprooted together with Rāvaṇa, or..." Having thus spoken, Hanumān, the best of monkeys,
5.1.44
उत्पपाताथ वेगेन वेगवानविचारयन्।
सुपर्णमिव चात्मानं मेने स कपिकुञ्जरः ॥ ५.१.४४ ॥
Swift Hanumān leaped up with speed, without hesitation, and that elephant among monkeys thought himself like Garuḍa.
5.1.45
समुत्पतति वेगात् तु वेगात् ते नगरोहिणः।
संहृत्य विटपान् सर्वान् समुत्पेतुः समन्ततः ॥ ५.१.४५ ॥
As he rose up with speed, those trees growing on the mountains gathered in all their branches and rose up on every side.
5.1.46
स मत्तकोयष्टिभकान् पादपान् पुष्पशालिनः।
उद्वहन्नुरुवेगेन जगाम विमलेऽम्बरे ॥ ५.१.४६ ॥
Carrying those flower-laden trees, with their intoxicated cuckoos, he went with great speed into the clear sky.
5.1.47
ऊरुवेगोत्थिता वृक्षा मुहूर्तं कपिमन्वयुः।
प्रस्थितं दीर्घमध्वानं स्वबन्धुमिव बान्धवाः ॥ ५.१.४७ ॥
The trees, raised by the force of his thighs, followed that monkey for a moment, as relatives follow their own kinsman setting out on a long journey.
5.1.48
तमूरुवेगोन्मथिताः सालाश्चान्ये नगोत्तमाः।
अनुजग्मुर्हनूमन्तं सैन्या इव महीपतिम् ॥ ५.१.४८ ॥
The sāla trees and other excellent mountain trees, uprooted by the force of his thighs, followed Hanumān, as armies follow their king.
5.1.49
सुपुष्पिताग्रैर्बहुभिः पादपैरन्वितः कपिः।
हनूमान् पर्वताकारो बभूवाद्भुतदर्शनः ॥ ५.१.४९ ॥
Surrounded by many trees with well-blossomed tops, Hanumān became mountain-sized and wonderful to behold.
5.1.50
सारवन्तोऽथ ये वृक्षा न्यमज्जँल्लवणाम्भसि।
भयादिव महेन्द्रस्य पर्वता वरुणालये ॥ ५.१.५० ॥
Even the sturdy trees sank into the salt water, as if mountains had sunk into Varuṇa's abode out of fear of Mahendra.
5.1.51
स नानाकुसुमैः कीर्णः कपिः साङ्कुरकोरकैः।
शुशुभे मेघसंकाशः खद्योतैरिव पर्वतः ॥ ५.१.५१ ॥
Covered with many kinds of flowers, sprouts and buds, that monkey shone like a cloud, like a mountain adorned with fireflies.
5.1.52
विमुक्तास्तस्य वेगेन मुक्त्वा पुष्पाणि ते द्रुमाः।
व्यवशीर्यन्त सलिले निवृत्ताः सुहृदो यथा ॥ ५.१.५२ ॥
Released by his force, those trees let go of their flowers and shed them into the water, as friends who have turned back let go.
5.1.53
लघुत्वेनोपपन्नं तद् विचित्रं सागरेऽपतत्।
द्रुमाणां विविधं पुष्पं कपिवायुसमीरितम्।
ताराचितमिवाकाशं प्रबभौ स महार्णवः ॥ ५.१.५३ ॥
Because of their lightness, those wondrous, varied flowers of the trees, stirred by the monkey and the wind, fell into the ocean; and that great ocean shone like the sky studded with stars.
5.1.54
पुष्पौघेण सुगन्धेन नानावर्णेन वानरः।
बभौ मेघ इवोद्यन् वै विद्युद्गणविभूषितः ॥ ५.१.५४ ॥
With a mass of fragrant flowers of many colours, that monkey shone like a rising cloud adorned with a host of lightning.
5.1.55
तस्य वेगसमुद्भूतैः पुष्पैस्तोयमदृश्यत।
ताराभिरिव रामाभिरुदिताभिरिवाम्बरम् ॥ ५.१.५५ ॥
With flowers raised by the force of his speed, the water could be seen, as the sky seems when filled with rising stars and beautiful women.
5.1.56
तस्याम्बरगतौ बाहू ददृशाते प्रसारितौ।
पर्वताग्राद् विनिष्क्रान्तौ पञ्चास्याविव पन्नगौ ॥ ५.१.५६ ॥
His two arms, stretched out across the sky, were seen like two five-headed serpents emerging from a mountain peak.
5.1.57
पिबन्निव बभौ चापि सोर्मिजालं महार्णवम्।
पिपासुरिव चाकाशं ददृशे स महाकपिः ॥ ५.१.५७ ॥
The great ocean, with its net of waves, seemed to drink, and that great monkey was seen as one thirsty, as if about to drink the sky.
5.1.58
तस्य विद्युत्प्रभाकारे वायुमार्गानुसारिणः।
नयने विप्रकाशेते पर्वतस्थाविवानलौ ॥ ५.१.५८ ॥
His eyes, like the glow of lightning, followed the path of the wind, and shone brightly like two fires standing upon mountains.
5.1.59
पिङ्गे पिङ्गाक्षमुख्यस्य बृहती परिमण्डले।
चक्षुषी सम्प्रकाशेते चन्द्रसूर्याविव स्थितौ ॥ ५.१.५९ ॥
The large, tawny, round eyes of the chief of the tawny-eyed ones shone forth like the moon and the sun standing in place.
5.1.60
मुखं नासिकया तस्य ताम्रया ताम्रमाबभौ।
संध्यया समभिस्पृष्टं यथा स्यात् सूर्यमण्डलम् ॥ ५.१.६० ॥
His face, reddened by his reddish nose, shone like the disc of the sun touched by twilight.
5.1.61
लाङ्गूलं च समाविद्धं प्लवमानस्य शोभते।
अम्बरे वायुपुत्रस्य शक्रध्वज इवोच्छ्रितम् ॥ ५.१.६१ ॥
The tail of the Wind's son, raised high as he leapt, shone in the sky like Indra's banner.
5.1.62
लाङ्गूलचक्रो हनुमान् शुक्लदंष्ट्रोऽनिलात्मजः।
व्यरोचत महाप्राज्ञः परिवेषीव भास्करः ॥ ५.१.६२ ॥
Hanumān, the Wind's son of great wisdom, his tail whirling in a circle and his teeth gleaming white, shone like the sun within its halo.
5.1.63
स्फिग्देशेनातिताम्रेण रराज स महाकपिः।
महता दारितेनेव गिरिर्गैरिकधातुना ॥ ५.१.६३ ॥
With his haunch glowing deep red, the great monkey shone like a mountain split open, its ochre veins laid bare.
5.1.64
तस्य वानरसिंहस्य प्लवमानस्य सागरम्।
कक्षान्तरगतो वायुर्जीमूत इव गर्जति ॥ ५.१.६४ ॥
The wind caught in the armpit of that lion among monkeys, leaping across the sea, thundered like a cloud.
5.1.65
खे यथा निपतत्युल्का उत्तरान्ताद् विनिःसृता।
दृश्यते सानुबन्धा च तथा स कपिकुञ्जरः ॥ ५.१.६५ ॥
As a meteor falling across the sky, shot out from the northern edge, is seen with its trailing tail, so that elephant among monkeys was seen.
5.1.66
पतत्पतङ्गसंकाशो व्यायतः शुशुभे कपिः।
प्रवृद्ध इव मातङ्गः कक्ष्यया बध्यमानया ॥ ५.१.६६ ॥
Stretched out like a bird in flight, the monkey shone like a grown elephant bound at the waist with a girdle.
5.1.67
उपरिष्टाच्छरीरेण च्छायया चावगाढया।
सागरे मारुताविष्टा नौरिवासीत् तदा कपिः ॥ ५.१.६७ ॥
Then that monkey, his body and shadow above and plunged into the ocean, was like a boat seized by the wind.
5.1.68
यं यं देशं समुद्रस्य जगाम स महाकपिः।
स तु तस्याङ्गवेगेन सोन्माद इव लक्ष्यते ॥ ५.१.६८ ॥
Wherever the great monkey went across the ocean, by the force of his limbs he appeared as if frenzied.
5.1.69
सागरस्योर्मिजालानामुरसा शैलवर्ष्मणाम्।
अभिध्नंस्तु महावेगः पुप्लुवे स महाकपिः ॥ ५.१.६९ ॥
Striking with his chest the vast nets of ocean waves, huge as mountains, that great monkey of mighty speed leapt onward.
5.1.70
कपिवातश्च बलवान् मेघवातश्च निर्गतः।
सागरं भीमनिर्ह्रादं कम्पयामासतुर्भृशम् ॥ ५.१.७० ॥
The mighty wind of the monkey and the wind born of the clouds both rose and shook the ocean, roaring terribly, violently.
5.1.71
विकर्षन्नूर्मिजालानि बृहन्ति लवणाम्भसि।
पुप्लुवे कपिशार्दूलो विकिरन्निव रोदसी ॥ ५.१.७१ ॥
Dragging aside the vast nets of waves in the salt water, as if scattering heaven and earth, the tiger among monkeys leapt.
5.1.72
मेरुमन्दरसंकाशानुद्गतान् सुमहार्णवे।
अत्यक्रामन्महावेगस्तरङ्गान् गणयन्निव ॥ ५.१.७२ ॥
Counting the waves that rose in the great ocean like Meru and Mandara, the one of mighty speed leapt beyond them.
5.1.73
तस्य वेगसमुद्घुष्टं जलं सजलदं तदा।
अम्बरस्थं विबभ्राजे शरदभ्रमिवाततम् ॥ ५.१.७३ ॥
The water, roaring with his speed, together with the clouds, shone in the sky like an autumn cloud spread out wide.
5.1.74
तिमिनक्रझषाः कूर्मा दृश्यन्ते विवृतास्तदा।
वस्त्रापकर्षणेनेव शरीराणि शरीरिणाम् ॥ ५.१.७४ ॥
Then fish, crocodiles, makaras and tortoises were seen, as if the bodies of embodied beings were laid bare by the drawing away of cloth.
5.1.75
क्रममाणं समीक्ष्याथ भुजगाः सागरंगमाः।
व्योम्नि तं कपिशार्दूलं सुपर्णमिव मेनिरे ॥ ५.१.७५ ॥
The serpents dwelling in the ocean, seeing that tiger among monkeys advancing in the sky, took him to be Garuḍa.
5.1.76
दशयोजनविस्तीर्णा त्रिंशद्योजनमायता।
छाया वानरसिंहस्य जवे चारुतराभवत् ॥ ५.१.७६ ॥
The shadow of the lion among monkeys, ten yojanas wide and thirty yojanas long, became all the more beautiful in his speed.
5.1.77
श्वेताभ्रघनराजीव वायुपुत्रानुगामिनी।
तस्य सा शुशुभे छाया पतिता लवणाम्भसि ॥ ५.१.७७ ॥
That shadow, like a row of white and dense clouds, following the son of the Wind, shone as it fell upon the salt ocean.
5.1.78
शुशुभे स महातेजा महाकायो महाकपिः।
वायुमार्गे निरालम्बे पक्षवानिव पर्वतः ॥ ५.१.७८ ॥
That great monkey, of great radiance and mighty body, shone in the path of the wind, unsupported, like a winged mountain.
5.1.79
येनासौ याति बलवान् वेगेन कपिकुञ्जरः।
तेन मार्गेण सहसा द्रोणीकृत इवार्णवः ॥ ५.१.७९ ॥
By the very path along which the mighty elephant among monkeys swiftly went, the ocean was suddenly made into a trough, as it were.
5.1.80
आपाते पक्षिसङ्घानां पक्षिराज इव व्रजन्।
हनुमान् मेघजालानि प्रकर्षन् मारुतो यथा ॥ ५.१.८० ॥
Hanumān, going like the king of birds swooping upon flocks of birds, drew along the nets of clouds as the wind does.
5.1.81
पाण्डुरारुणवर्णानि नीलमञ्जिष्ठकानि च।
कपिनाऽऽकृष्यमाणानि महाभ्राणि चकाशिरे ॥ ५.१.८१ ॥
The great clouds, white and red in hue, and dark blue and madder-red, shone as they were drawn along by the monkey.
5.1.82
प्रविशन्नभ्रजालानि निष्पतंश्च पुनः पुनः।
प्रच्छन्नश्च प्रकाशश्च चन्द्रमा इव दृश्यते ॥ ५.१.८२ ॥
Entering the nets of clouds again and again and emerging again and again, he appeared like the moon, now hidden and now visible.
5.1.83
प्लवमानं तु तं दृष्ट्वा प्लवगं त्वरितं तदा।
ववृषुस्तत्र पुष्पाणि देवगन्धर्वचारणाः ॥ ५.१.८३ ॥
Then, seeing the monkey leaping swiftly, the gods, gandharvas and cāraṇas showered flowers there.
5.1.84
तताप नहि तं सूर्यः प्लवन्तं वानरेश्वरम्।
सिषेवे च तदा वायू रामकार्यार्थसिद्धये ॥ ५.१.८४ ॥
The sun did not scorch that lord of monkeys as he leaped, and then the wind served him for the accomplishment of Rāma's task.
5.1.85
ऋषयस्तुष्टुवुश्चैनं प्लवमानं विहायसा।
जगुश्च देवगन्धर्वाः प्रशंसन्तो वनौकसम् ॥ ५.१.८५ ॥
The sages praised him as he leaped through the sky, and the gods and gandharvas sang, extolling the forest-dweller.
5.1.86
नागाश्च तुष्टुवुर्यक्षा रक्षांसि विविधानि च।
प्रेक्ष्य सर्वे कपिवरं सहसा विगतक्लमम् ॥ ५.१.८६ ॥
The nagas, yakshas, and rakshasas of many kinds all praised the best of monkeys, seeing him suddenly free from weariness.
5.1.87
तस्मिन् प्लवगशार्दूले प्लवमाने हनूमति।
इक्ष्वाकुकुलमानार्थी चिन्तयामास सागरः ॥ ५.१.८७ ॥
As Hanuman, tiger among leapers, went leaping, the ocean, wishing to honor the Ikshvaku lineage, began to reflect.
5.1.88
साहाय्यं वानरेन्द्रस्य यदि नाहं हनूमतः।
करिष्यामि भविष्यामि सर्ववाच्यो विवक्षताम् ॥ ५.१.८८ ॥
If I do not give help to Hanuman, lord of monkeys, I shall be blamed by all who speak of it.
5.1.89
अहमिक्ष्वाकुनाथेन सगरेण विवर्धितः।
इक्ष्वाकुसचिवश्चायं तन्नार्हत्यवसादितुम् ॥ ५.१.८९ ॥
I was raised up by Sagara, lord of the Ikshvakus, and this one is minister of the Ikshvaku line; therefore it is not right to let him be distressed.
5.1.90
तथा मया विधातव्यं विश्रमेत यथा कपिः।
शेषं च मयि विश्रान्तः सुखी सोऽतितरिष्यति ॥ ५.१.९० ॥
Therefore I must act so that the monkey may rest; having rested upon me, he will happily cross the remaining distance.
5.1.91
हिरण्यनाभं मैनाकमुवाच गिरिसत्तमम् ॥ ५.१.९१ ॥
He spoke to Mainaka, the golden-peaked, the best of mountains.
5.1.92
त्वमिहासुरसङ्घानां देवराज्ञा महात्मना।
पातालनिलयानां हि परिघः संनिवेशितः ॥ ५.१.९२ ॥
Here, for the hosts of asuras who dwell in the netherworld, the great-souled king of the gods has set you as a bar.
5.1.93
त्वमेषां ज्ञातवीर्याणां पुनरेवोत्पतिष्यताम्।
पातालस्याप्रमेयस्य द्वारमावृत्य तिष्ठसि ॥ ५.१.९३ ॥
Standing and blocking the immeasurable gate of the netherworld, you hold back these renowned warriors who will rise again.
5.1.94
तिर्यगूर्ध्वमधश्चैव शक्तिस्ते शैल वर्धितुम्।
तस्मात् संचोदयामि त्वामुत्तिष्ठ गिरिसत्तम ॥ ५.१.९४ ॥
O mountain, your power is to grow sideways, upward and downward. Therefore I urge you: rise up, best of mountains.
5.1.95
स एष कपिशार्दूलस्त्वामुपर्येति वीर्यवान्।
हनूमान् रामकार्यार्थी भीमकर्मा खमाप्लुतः ॥ ५.१.९५ ॥
That valiant tiger among monkeys, Hanumān, seeking the task of Rāma and of terrible deeds, leaps through the sky and goes above you.
5.1.96
अस्य साह्यं मया कार्यमिक्ष्वाकुकुलवर्तिनः।
मम इक्ष्वाकवः पूज्याः परं पूज्यतमास्तव ॥ ५.१.९६ ॥
I must help this one who belongs to the Ikṣvāku line. The Ikṣvākus are revered by me, and by you they are most revered.
5.1.97
कुरु साचिव्यमस्माकं न नः कार्यमतिक्रमेत्।
कर्तव्यमकृतं कार्यं सतां मन्युमुदीरयेत् ॥ ५.१.९७ ॥
Do us this service; let our task not be transgressed. A duty left undone stirs anger even in the good.
5.1.98
सलिलादूर्ध्वमुत्तिष्ठ तिष्ठत्वेष कपिस्त्वयि।
अस्माकमतिथिश्चैव पूज्यश्च प्लवतां वरः ॥ ५.१.९८ ॥
Rise up from the water; let this monkey rest upon you. He is our guest, worthy of honour, and the best of leapers.
5.1.99
चामीकरमहानाभ देवगन्धर्वसेवित।
हनूमाँस्त्वयि विश्रान्तस्ततः शेषं गमिष्यति ॥ ५.१.९९ ॥
O golden-navelled one, served by gods and gandharvas! Having rested upon you, Hanumān will then proceed on the remaining path.
5.1.100
काकुत्स्थस्यानृशंस्यं च मैथिल्याश्च विवासनम्।
श्रमं च प्लवगेन्द्रस्य समीक्ष्योत्थातुमर्हसि ॥ ५.१.१०० ॥
Considering Rāma's compassion, Maithilī's exile, and the weariness of the lord of leapers, you ought to rise.
5.1.101
हिरण्यगर्भो मैनाको निशम्य लवणाम्भसः।
उत्पपात जलात् तूर्णं महाद्रुमलतावृतः ॥ ५.१.१०१ ॥
Hearing the words of the salt ocean, the golden-wombed Mainaka, covered with great trees and creepers, swiftly rose up from the water.
5.1.102
स सागरजलं भित्त्वा बभूवात्युच्छ्रितस्तदा।
यथा जलधरं भित्त्वा दीप्तरश्मिर्दिवाकरः ॥ ५.१.१०२ ॥
Piercing the ocean's waters, he then became very tall, like the sun with its brilliant rays piercing a cloud.
5.1.103
स महात्मा मुहूर्तेन पर्वतः सलिलावृतः।
दर्शयामास शृङ्गाणि सागरेण नियोजितः ॥ ५.१.१०३ ॥
That great-souled mountain, surrounded by water in an instant, at the ocean's bidding showed its peaks.
5.1.104
शातकुम्भमयैः शृङ्गैः सकिंनरमहोरगैः।
आदित्योदयसंकाशैरुल्लिखद्भिरिवाम्बरम् ॥ ५.१.१०४ ॥
With peaks made of gold, along with kinnaras and great serpents, resembling the rising sun, as if grazing the sky.
5.1.105
तस्य जाम्बूनदैः शृङ्गैः पर्वतस्य समुत्थितैः।
आकाशं शस्त्रसंकाशमभवत् काञ्चनप्रभम् ॥ ५.१.१०५ ॥
By that mountain's towering peaks of Jāmbūnada gold, the sky became like a weapon, golden in hue.
5.1.106
जातरूपमयैः शृङ्गैर्भ्राजमानैर्महाप्रभैः।
आदित्यशतसंकाशः सोऽभवद् गिरिसत्तमः ॥ ५.१.१०६ ॥
With its gold-made, gleaming peaks of great radiance, that best of mountains became like a hundred suns.
5.1.107
समुत्थितमसङ्गेन हनूमानग्रतः स्थितम्।
मध्ये लवणतोयस्य विघ्नोऽयमिति निश्चितः ॥ ५.१.१०७ ॥
Hanumān, resolved that this risen mountain standing readily before him was an obstacle in the midst of the salt-water sea.
5.1.108
स तमुच्छ्रितमत्यर्थं महावेगो महाकपिः।
उरसा पातयामास जीमूतमिव मारुतः ॥ ५.१.१०८ ॥
That great monkey of mighty speed struck the exceedingly high mountain down with his chest, as the wind brings down a cloud.
5.1.109
स तदासादितस्तेन कपिना पर्वतोत्तमः।
बुद्ध्वा तस्य हरेर्वेगं जहर्ष च ननाद च ॥ ५.१.१०९ ॥
The noble mountain, touched by that monkey, understood his speed, rejoiced, and roared.
5.1.110
तमाकाशगतं वीरमाकाशे समुपस्थितः।
प्रीतो हृष्टमना वाक्यमब्रवीत् पर्वतः कपिम् ॥ ५.१.११० ॥
Coming near that hero moving through the sky, the mountain, pleased and with a joyful heart, spoke these words to the monkey.
5.1.111
मानुषं धारयन् रूपमात्मनः शिखरे स्थितः।
दुष्करं कृतवान् कर्म त्वमिदं वानरोत्तम ॥ ५.१.१११ ॥
Bearing your own human form and standing on my peak, best of monkeys, you have performed this difficult deed.
5.1.112
निपत्य मम शृङ्गेषु सुखं विश्रम्य गम्यताम्।
राघवस्य कुले जातैरुदधिः परिवर्धितः ॥ ५.१.११२ ॥
Alight on my peaks, rest comfortably, and then go on; the ocean was nurtured by those born in the line of Rāghava.
5.1.113
स त्वां रामहिते युक्तं प्रत्यर्चयति सागरः।
कृते च प्रतिकर्तव्यमेष धर्मः सनातनः ॥ ५.१.११३ ॥
The ocean honors you in return, you who are devoted to Rāma's welfare; a service rendered should be repaid — this is the eternal dharma.
5.1.114
सोऽयं तत्प्रतिकारार्थी त्वत्तः सम्मानमर्हति।
त्वन्निमित्तमनेनाहं बहुमानात् प्रचोदितः ॥ ५.१.११४ ॥
He, seeking to repay that, deserves honor from you; on your account, out of great respect, I am urged on by this.
5.1.115
योजनानां शतं चापि कपिरेष खमाप्लुतः।
तव सानुषु विश्रान्तः शेषं प्रक्रमतामिति ॥ ५.१.११५ ॥
This monkey has leapt through the sky a hundred yojanas; having rested on your peaks, let him proceed for the rest.
5.1.116
तिष्ठ त्वं हरिशार्दूल मयि विश्रम्य गम्यताम्।
तदिदं गन्धवत् स्वादु कन्दमूलफलं बहु ॥ ५.१.११६ ॥
Stay here, tiger among monkeys; rest with me and then go. Here are fragrant, delicious roots, tubers and fruits, in abundance.
5.1.117
तदास्वाद्य हरिश्रेष्ठ विश्रान्तोऽथ गमिष्यसि।
अस्माकमपि सम्बन्धः कपिमुख्य त्वयास्ति वै।
प्रख्यातस्त्रिषु लोकेषु महागुणपरिग्रहः ॥ ५.१.११७ ॥
Having tasted these and rested, best of monkeys, you shall then go. Chief of monkeys, we too have a kinship with you; you are renowned in the three worlds, possessed of great virtues.
5.1.118
वेगवन्तः प्लवन्तो ये प्लवगा मारुतात्मज।
तेषां मुख्यतमं मन्ये त्वामहं कपिकुञ्जर ॥ ५.१.११८ ॥
Son of the Wind, among the swift leaping monkeys, elephant among monkeys, I consider you the foremost of them all.
5.1.119
अतिथिः किल पूजार्हः प्राकृतोऽपि विजानता।
धर्मं जिज्ञासमानेन किं पुनर्यादृशो भवान् ॥ ५.१.११९ ॥
One who knows dharma should honor a guest, even an ordinary one; how much more so one such as you!
5.1.120
त्वं हि देववरिष्ठस्य मारुतस्य महात्मनः।
पुत्रस्तस्यैव वेगेन सदृशः कपिकुञ्जर ॥ ५.१.१२० ॥
You are the son of Māruta, the greatest of gods, the great-souled one; in speed, elephant among monkeys, you are equal to him.
5.1.121
पूजिते त्वयि धर्मज्ञे पूजां प्राप्नोति मारुतः।
तस्मात् त्वं पूजनीयो मे शृणु चाप्यत्र कारणम् ॥ ५.१.१२१ ॥
O knower of dharma, when you are honoured, the wind-god Mārut too obtains honour. Therefore you are worthy of worship by me. Listen also to the reason for this.
5.1.122
पूर्वं कृतयुगे तात पर्वताः पक्षिणोऽभवन्।
तेऽपि जग्मुर्दिशः सर्वा गरुडा इव वेगिनः ॥ ५.१.१२२ ॥
Long ago, in the Kṛta age, dear one, the mountains became winged creatures. They too went in all directions, swift like Garuḍas.
5.1.123
ततस्तेषु प्रयातेषु देवसङ्घाः सहर्षिभिः।
भूतानि च भयं जग्मुस्तेषां पतनशङ्कया ॥ ५.१.१२३ ॥
Then, when they had flown off, the throngs of gods along with the sages and the beings were seized with fear lest those mountains fall.
5.1.124
ततः क्रुद्धः सहस्राक्षः पर्वतानां शतक्रतुः।
पक्षांश्चिच्छेद वज्रेण ततः शतसहस्रशः ॥ ५.१.१२४ ॥
Then Indra, the thousand-eyed, the hundred-sacrificer, angered, cut off the wings of the mountains with his thunderbolt, hundreds of thousands of times.
5.1.125
स मामुपगतः क्रुद्धो वज्रमुद्यम्य देवराट्।
ततोऽहं सहसा क्षिप्तः श्वसनेन महात्मना ॥ ५.१.१२५ ॥
That angry king of the gods came toward me, raising his thunderbolt. Then I was suddenly hurled away by the great-souled wind.
5.1.126
अस्मिँल्लवणतोये च प्रक्षिप्तः प्लवगोत्तम।
गुप्तपक्षः समग्रश्च तव पित्राभिरक्षितः ॥ ५.१.१२६ ॥
O best of monkeys, I was thrown into this salt-water ocean. But with my wings protected, I was kept whole by your father.
5.1.127
ततोऽहं मानयामि त्वां मान्योऽसि मम मारुते।
त्वया ममैष सम्बन्धः कपिमुख्य महागुणः ॥ ५.१.१२७ ॥
Then I honor you; you are worthy of my respect, O son of the Wind. This kinship with you, O foremost of monkeys, is of great merit.
5.1.128
अस्मिन् नेवंगते कार्ये सागरस्य ममैव च।
प्रीतिं प्रीतमनाः कर्तुं त्वमर्हसि महामते ॥ ५.१.१२८ ॥
In this state of affairs, for the sake of the ocean and for my sake as well, O great-minded one, you should show affection with a glad heart.
5.1.129
श्रमं मोक्षय पूजां च गृहाण हरिसत्तम।
प्रीतिं च मम मान्यस्य प्रीतोऽस्मि तव दर्शनात् ॥ ५.१.१२९ ॥
O best of monkeys, cast off your weariness and accept my hospitality; accept also the affection of me, who am worthy of honor. I am pleased by the sight of you.
5.1.130
एवमुक्तः कपिश्रेष्ठस्तं नगोत्तममब्रवीत्।
प्रीतोऽस्मि कृतमातिथ्यं मन्युरेषोऽपनीयताम् ॥ ५.१.१३० ॥
Thus addressed, the foremost of monkeys said to that best of mountains: "I am pleased; hospitality has been done. Let this anger be removed."
5.1.131
त्वरते कार्यकालो मे अहश्चाप्यतिवर्तते।
प्रतिज्ञा च मया दत्ता न स्थातव्यमिहान्तरा ॥ ५.१.१३१ ॥
The time for my task is hastening, and the day is passing. I have given my vow, so I must not stay here in between.
5.1.132
इत्युक्त्वा पाणिना शैलमालभ्य हरिपुङ्गवः।
जगामाकाशमाविश्य वीर्यवान् प्रहसन्निव ॥ ५.१.१३२ ॥
Having said this and touched the mountain with his hand, that mighty bull among monkeys went up into the sky, as if laughing.
5.1.133
स पर्वतसमुद्राभ्यां बहुमानादवेक्षितः।
पूजितश्चोपपन्नाभिराशीर्भिरभिनन्दितः ॥ ५.१.१३३ ॥
He was regarded with great honor by the mountain and the ocean, and was honored and congratulated with fitting blessings.
5.1.134
अथोर्ध्वं दूरमागत्य हित्वा शैलमहार्णवौ।
पितुः पन्थानमासाद्य जगाम विमलेऽम्बरे ॥ ५.१.१३४ ॥
Then, going far upward, leaving behind the mountain and the great ocean, he reached his father's path and went on through the clear sky.
5.1.135
भूयश्चोर्ध्वं गतिं प्राप्य गिरिं तमवलोकयन्।
वायुसूनुर्निरालम्बो जगाम कपिकुञ्जरः ॥ ५.१.१३५ ॥
Gaining his upward course again and looking back at that mountain, the son of the Wind, unsupported, the elephant among monkeys, went on.
5.1.136
तद् द्वितीयं हनुमतो दृष्ट्वा कर्म सुदुष्करम्।
प्रशशंसुः सुराः सर्वे सिद्धाश्च परमर्षयः ॥ ५.१.१३६ ॥
Seeing Hanumān's second deed, so very difficult, all the gods, the perfected beings, and the great sages praised it.
5.1.137
देवताश्चाभवन् हृष्टास्तत्रस्थास्तस्य कर्मणा।
काञ्चनस्य सुनाभस्य सहस्राक्षश्च वासवः ॥ ५.१.१३७ ॥
The gods standing there were delighted by his deed, and so was Vāsava, the thousand-eyed one, along with Kāñcana and Sunābha.
5.1.138
उवाच वचनं धीमान् परितोषात् सगद्गदम्।
सुनाभं पर्वतश्रेष्ठं स्वयमेव शचीपतिः ॥ ५.१.१३८ ॥
The wise lord of Śacī, his voice choked with contentment, himself spoke these words to Sunābha, the best of mountains.
5.1.139
हिरण्यनाभ शैलेन्द्र परितुष्टोऽस्मि ते भृशम्।
अभयं ते प्रयच्छामि गच्छ सौम्य यथासुखम् ॥ ५.१.१३९ ॥
O Hiraṇyanābha, lord of mountains, I am greatly pleased with you. I grant you fearlessness. Go, gentle one, as you wish.
5.1.140
साह्यं कृतं ते सुमहद् विश्रान्तस्य हनूमतः।
क्रमतो योजनशतं निर्भयस्य भये सति ॥ ५.१.१४० ॥
The great help you have rendered to Hanumān, who has rested, is complete; fearless, he travels on a hundred yojanas, though danger is present.
5.1.141
रामस्यैष हितायैव याति दाशरथेः कपिः।
सत्क्रियां कुर्वता शक्त्या तोषितोऽस्मि दृढं त्वया ॥ ५.१.१४१ ॥
This monkey goes for the very welfare of Rāma, son of Daśaratha. I am greatly pleased with you, who have rendered honourable service according to your strength.
5.1.142
स तत् प्रहर्षमलभद् विपुलं पर्वतोत्तमः।
देवतानां पतिं दृष्ट्वा परितुष्टं शतक्रतुम् ॥ ५.१.१४२ ॥
Seeing Śatakratu, lord of the gods, greatly pleased, that best of mountains obtained immense joy.
5.1.143
स वै दत्तवरः शैलो बभूवावस्थितस्तदा।
हनूमांश्च मुहूर्तेन व्यतिचक्राम सागरम् ॥ ५.१.१४३ ॥
That mountain, granted its boon, then remained standing; and Hanumān crossed the ocean in a single moment.
5.1.144
ततो देवाः सगन्धर्वाः सिद्धाश्च परमर्षयः।
अब्रुवन् सूर्यसंकाशां सुरसां नागमातरम् ॥ ५.१.१४४ ॥
Then the gods, together with the gandharvas, siddhas and supreme sages, spoke to Surasā, mother of serpents, who shone like the sun.
5.1.145
अयं वातात्मजः श्रीमान् प्लवते सागरोपरि।
हनूमान् नाम तस्य त्वं मुहूर्तं विघ्नमाचर ॥ ५.१.१४५ ॥
Here is the glorious son of the Wind, leaping over the ocean. His name is Hanumān. Create an obstacle for him for a moment.
5.1.146
राक्षसं रूपमास्थाय सुघोरं पर्वतोपमम्।
दंष्ट्राकरालं पिङ्गाक्षं वक्त्रं कृत्वा नभःस्पृशम् ॥ ५.१.१४६ ॥
Assuming a very terrible demonic form, mountain-like, fearful with fangs, tawny-eyed, making a mouth that touches the sky.
5.1.147
बलमिच्छामहे ज्ञातुं भूयश्चास्य पराक्रमम्।
त्वां विजेष्यत्युपायेन विषादं वा गमिष्यति ॥ ५.१.१४७ ॥
We wish to know his strength and valor once more. He will either defeat you by some stratagem, or he will fall into despair.
5.1.148
एवमुक्ता तु सा देवी दैवतैरभिसत्कृता।
समुद्रमध्ये सुरसा बिभ्रती राक्षसं वपुः ॥ ५.१.१४८ ॥
Thus addressed by the gods and honored by them, the goddess Surasā, in the midst of the ocean, bearing a demonic body.
5.1.149
विकृतं च विरूपं च सर्वस्य च भयावहम्।
प्लवमानं हनूमन्तमावृत्येदमुवाच ह ॥ ५.१.१४९ ॥
Deformed, hideous, and frightful to all, she blocked the leaping Hanumān and spoke these words.
5.1.150
मम भक्ष्यः प्रदिष्टस्त्वमीश्वरैर्वानरर्षभ।
अहं त्वां भक्षयिष्यामि प्रविशेदं ममाननम् ॥ ५.१.१५० ॥
O bull among monkeys, the gods have appointed you as my food. I will devour you; enter this mouth of mine.
5.1.151
वर एष पुरा दत्तो मम धात्रेति सत्वरा।
व्यादाय वक्त्रं विपुलं स्थिता सा मारुतेः पुरः ॥ ५.१.१५१ ॥
"This boon was given to me long ago by the Creator," she said, and quickly opening her vast mouth, she stood before the son of the Wind.
5.1.152
एवमुक्तः सुरसया प्रहृष्टवदनोऽब्रवीत्।
रामो दाशरथिर्नाम प्रविष्टो दण्डकावनम्।
लक्ष्मणेन सह भ्रात्रा वैदेह्या चापि भार्यया ॥ ५.१.१५२ ॥
When Surasā had spoken thus, Hanumān, his face joyful, replied: "Rāma by name, son of Daśaratha, has entered the Daṇḍaka forest with his brother Lakṣmaṇa and his wife Vaidehī."
5.1.153
अन्यकार्यविषक्तस्य बद्धवैरस्य राक्षसैः।
तस्य सीता हृता भार्या रावणेन यशस्विनी ॥ ५.१.१५३ ॥
While he was engaged in another task, and had made enmity with the rākṣasas, his glorious wife Sītā was carried off by Rāvaṇa.
5.1.154
तस्याः सकाशं दूतोऽहं गमिष्ये रामशासनात्।
कर्तुमर्हसि रामस्य साह्यं विषयवासिनि ॥ ५.१.१५४ ॥
By Rāma's command I shall go to her as his messenger. O dweller of this realm, you ought to render help to Rāma.
5.1.155
अथवा मैथिलीं दृष्ट्वा रामं चाक्लिष्टकारिणम्।
आगमिष्यामि ते वक्त्रं सत्यं प्रतिशृणोमि ते ॥ ५.१.१५५ ॥
Or else, having seen Maithilī and Rāma, who accomplishes his deeds without strain, I shall return into your mouth — this I solemnly promise you.
5.1.156
एवमुक्ता हनुमता सुरसा कामरूपिणी।
अब्रवीन्नातिवर्तेन्मां कश्चिदेष वरो मम ॥ ५.१.१५६ ॥
When Hanumān had spoken thus, Surasā, who can take any form at will, said: "No one shall pass beyond me; this is my boon."
5.1.157
तं प्रयान्तं समुद्वीक्ष्य सुरसा वाक्यमब्रवीत्।
बलं जिज्ञासमाना सा नागमाता हनूमतः ॥ ५.१.१५७ ॥
Seeing him set forth, Surasā, the mother of serpents, wishing to know Hanumān's strength, spoke these words.
5.1.158
निविश्य वदनं मेऽद्य गन्तव्यं वानरोत्तम।
वर एष पुरा दत्तो मम धात्रेति सत्वरा ॥ ५.१.१५८ ॥
"Best of monkeys, today you must go after entering my mouth; this boon was formerly granted to me by the Creator," she said quickly.
5.1.159
व्यादाय विपुलं वक्त्रं स्थिता सा मारुतेःपुरः।
एवमुक्तः सुरसया क्रुद्धो वानरपुंगवः ॥ ५.१.१५९ ॥
She opened her vast mouth and stood before the son of the Wind. Thus addressed by Surasā, the foremost of monkeys grew angry.
5.1.160
अब्रवीत् कुरु वै वक्त्रं येन मां विषहिष्यसि।
इत्युक्त्वा सुरसां क्रुद्धो दशयोजनमायताम् ॥ ५.१.१६० ॥
"Make your mouth wide indeed, so that you may be able to bear me," he said; then, angered, he addressed Surasā and grew to ten yojanas in length.
5.1.161
दशयोजनविस्तारो हनूमानभवत् तदा।
तं दृष्ट्वा मेघसंकाशं दशयोजनमायतम्।
चकार सुरसाप्यास्यं विंशद् योजनमायतम् ॥ ५.१.१६१ ॥
Then Hanumān became ten yojanas in breadth. Seeing him, cloud-like and ten yojanas long, Surasā too made her mouth twenty yojanas long.
5.1.162
हनूमांस्तु ततः क्रुद्धस्त्रिंशद् योजनमायतः।
चकार सुरसा वक्त्रं चत्वारिंशत् तथोच्छ्रितम् ॥ ५.१.१६२ ॥
Then the angered Hanumān grew to thirty yojanas in length, and Surasā raised her mouth to forty yojanas.
5.1.163
बभूव हनुमान् वीरः पञ्चाशद् योजनोच्छ्रितः।
चकार सुरसा वक्त्रं षष्टिं योजनमुच्छ्रितम् ॥ ५.१.१६३ ॥
The hero Hanumān grew fifty yojanas tall, and Surasā made her mouth sixty yojanas high.
5.1.164
तदैव हनुमान् वीरः सप्ततिं योजनोच्छ्रितः।
चकार सुरसा वक्त्रमशीतिं योजनोच्छ्रितम् ॥ ५.१.१६४ ॥
At that very moment the hero Hanumān grew seventy yojanas tall, and Surasā made her mouth eighty yojanas high.
5.1.165
हनूमाननलप्रख्यो नवतिं योजनोच्छ्रितः।
चकार सुरसा वक्त्रं शतयोजनमायतम् ॥ ५.१.१६५ ॥
Hanumān, blazing like fire, grew ninety yojanas tall, and Surasā stretched her mouth to a hundred yojanas in length.
5.1.166
तद् दृष्ट्वा व्यादितं त्वास्यं वायुपुत्रः स बुद्धिमान्।
दीर्घजिह्वं सुरसया सुभीमं नरकोपमम् ॥ ५.१.१६६ ॥
Seeing that gaping mouth of Surasā, long-tongued and most dreadful as hell, the wise son of the Wind...
5.1.167
स संक्षिप्यात्मनः कायं जीमूत इव मारुतिः।
तस्मिन् मुहूर्ते हनुमान् बभूवाङ्गुष्ठमात्रकः ॥ ५.१.१६७ ॥
Then the son of Māruta, like a cloud, contracted his own body, and in that very moment Hanumān became no bigger than a thumb.
5.1.168
सोऽभिपद्याथ तद्वक्त्रं निष्पत्य च महाबलः।
अन्तरिक्षे स्थितः श्रीमानिदं वचनमब्रवीत् ॥ ५.१.१६८ ॥
The mighty one entered that mouth, then came out, and standing in the sky the glorious one spoke these words.
5.1.169
प्रविष्टोऽस्मि हि ते वक्त्रं दाक्षायणि नमोऽस्तुते।
गमिष्ये यत्र वैदेही सत्यश्चासीद् वरस्तव ॥ ५.१.१६९ ॥
I have entered your mouth, daughter of Dakṣa; homage to you. I shall go where Vaidehī is, for your boon has proved true.
5.1.170
तं दृष्ट्वा वदनान्मुक्तं चन्द्रं राहुमुखादिव।
अब्रवीत् सुरसा देवी स्वेन रूपेण वानरम् ॥ ५.१.१७० ॥
Seeing him come forth from her mouth, like the moon released from Rāhu's mouth, the goddess Surasā spoke to the monkey in her own form.
5.1.171
अर्थसिद्ध्यै हरिश्रेष्ठ गच्छ सौम्य यथासुखम्।
समानय च वैदेहीं राघवेण महात्मना ॥ ५.१.१७१ ॥
Best of monkeys, may your aim be fulfilled. Gentle one, go in happiness, and bring Vaidehī back together with the high-souled Rāghava.
5.1.172
तत् तृतीयं हनुमतो दृष्ट्वा कर्म सुदुष्करम्।
साधुसाध्विति भूतानि प्रशशंसुस्तदा हरिम् ॥ ५.१.१७२ ॥
Seeing Hanumān's third deed, so very difficult, all beings then praised the monkey, crying, "Well done! Well done!"
5.1.173
स सागरमनाधृष्यमभ्येत्य वरुणालयम्।
जगामाकाशमाविश्य वेगेन गरुडोपमः ॥ ५.१.१७३ ॥
Having approached the unassailable ocean, the abode of Varuṇa, he entered the sky and went on with speed like Garuḍa.
5.1.174
सेविते वारिधाराभिः पतगैश्च निषेविते।
चरिते कैशिकाचार्यैरैरावतनिषेविते ॥ ५.१.१७४ ॥
That sky was frequented by streams of water, resorted to by birds, traversed by the teachers of the Kaiśikas, and frequented by Airāvata.
5.1.175
सिंहकुञ्जरशार्दूलपतगोरगवाहनैः।
विमानैः सम्पतद्भिश्च विमलैः समलंकृते ॥ ५.१.१७५ ॥
Adorned with pure celestial chariots flying about, drawn by vehicles of lions, elephants, tigers, birds and serpents.
5.1.176
वज्राशनिसमस्पर्शैः पावकैरिव शोभिते।
कृतपुण्यैर्महाभागैः स्वर्गजिद्भिरधिष्ठिते ॥ ५.१.१७६ ॥
Shining like fire, with a touch like the thunderbolt and lightning, inhabited by the greatly fortunate who have done merit and conquered heaven.
5.1.177
वहता हव्यमत्यन्तं सेविते चित्रभानुना।
ग्रहनक्षत्रचन्द्रार्कतारागणविभूषिते ॥ ५.१.१७७ ॥
Served continually by Citrabhānu (Agni), who bears the oblations, and adorned by the planets, the lunar mansions, the moon, the sun and the host of stars.
5.1.178
महर्षिगणगन्धर्वनागयक्षसमाकुले।
विविक्ते विमले विश्वे विश्वावसुनिषेविते ॥ ५.१.१७८ ॥
Crowded with throngs of great sages, gandharvas, nāgas and yakṣas, secluded, pure, all-pervading, and frequented by Viśvāvasu.
5.1.179
देवराजगजाक्रान्ते चन्द्रसूर्यपथे शिवे।
विताने जीवलोकस्य वितते ब्रह्मनिर्मिते ॥ ५.१.१७९ ॥
Traversed by the elephant of the king of gods, on the path of moon and sun, auspicious, spread out as the broad canopy of the living world, created by Brahmā.
5.1.180
बहुशः सेविते वीरैर्विद्याधरगणैर्वृते।
जगाम वायुमार्गे च गरुत्मानिव मारुतिः ॥ ५.१.१८० ॥
Attended again and again by heroes and throngs of Vidyādharas and surrounded by them, Mārutī (Hanumān) went along the path of the wind, like Garuḍa.
5.1.181
हनुमान् मेघजालानि प्राकर्षन् मारुतो यथा।
कालागुरुसवर्णानि रक्तपीतसितानि च ॥ ५.१.१८१ ॥
As the wind drags clusters of clouds, Hanumān drew toward himself clouds the color of black aloe-wood, and red, yellow and white ones.
5.1.182
कपिना कृष्यमाणानि महाभ्राणि चकाशिरे।
प्रविशन्नभ्रजालानि निष्पतंश्च पुनः पुनः ॥ ५.१.१८२ ॥
The great clouds, dragged by the monkey, shone. Entering the masses of clouds and emerging from them again and again, he was seen.
5.1.183
प्रावृषीन्दुरिवाभाति निष्पतन् प्रविशंस्तदा।
प्रदृश्यमानः सर्वत्र हनूमान् मारुतात्मजः ॥ ५.१.१८३ ॥
Like the moon in the rainy season, he shone then, emerging and entering. Seen everywhere, Hanumān, son of the Wind, (appeared thus).
5.1.184
भेजेऽम्बरं निरालम्बं पक्षयुक्त इवाद्रिराट्।
प्लवमानं तु तं दृष्ट्वा सिंहिका नाम राक्षसी ॥ ५.१.१८४ ॥
He went through the unsupported sky, like a king of mountains possessed of wings. Seeing him leaping through the air, the demoness named Siṃhikā (...)
5.1.185
मनसा चिन्तयामास प्रवृद्धा कामरूपिणी।
अद्य दीर्घस्य कालस्य भविष्याम्यहमाशिता ॥ ५.१.१८५ ॥
The swollen demoness Siṃhikā, able to take any form at will, thought in her mind: "Today, after a long time, I shall be fed."
5.1.187
इदं मम महासत्त्वं चिरस्य वशमागतम्।
छायायां गृह्यमाणायां चिन्तयामास वानरः।
समाक्षिप्तोऽस्मि सहसा पङ्गूकृतपराक्रमः ॥ ५.१.१८७ ॥
This my great strength has come under control after a long time. When the shadow was seized, the monkey thought: "Suddenly I have been dragged down, my valor rendered lame."
5.1.188
प्रतिलोमेन वातेन महानौरिव सागरे।
तिर्यगूर्ध्वमधश्चैव वीक्षमाणस्तदा कपिः ॥ ५.१.१८८ ॥
Like a great ship tossed in the sea by a contrary wind, the monkey then looked about, sideways, upward and downward.
5.1.189
ददर्श स महासत्त्वमुत्थितं लवणाम्भसि।
तद् दृष्ट्वा चिन्तयामास मारुतिर्विकृताननाम् ॥ ५.१.१८९ ॥
He saw that great creature rising from the salt water; seeing it, Mārutī pondered that creature with its distorted face.
5.1.190
कपिराज्ञा यथाख्यातं सत्त्वमद्भुतदर्शनम्।
छायाग्राहि महावीर्यं तदिदं नात्र संशयः ॥ ५.१.१९० ॥
Just as the lord of monkeys declared, this is that creature of wondrous form, the shadow-seizer of great might; there is no doubt of it.
5.1.191
स तां बुद्ध्वार्थतत्त्वेन सिंहिकां मतिमान् कपिः।
व्यवर्धत महाकायः प्रावृषीव बलाहकः ॥ ५.१.१९१ ॥
Understanding her true nature, the wise monkey recognised Siṃhikā and grew his great body like a cloud in the rainy season.
5.1.192
तस्य सा कायमुद्वीक्ष्य वर्धमानं महाकपेः।
वक्त्रं प्रसारयामास पातालाम्बरसंनिभम् ॥ ५.१.१९२ ॥
Seeing the great monkey's body growing, she spread her mouth wide, like the netherworld and the sky.
5.1.193
घनराजीव गर्जन्ती वानरं समभिद्रवत्।
स ददर्श ततस्तस्या विकृतं सुमहन्मुखम् ॥ ५.१.१९३ ॥
Roaring like a row of clouds, she rushed at the monkey; then he saw her distorted and immense face.
5.1.194
कायमात्रं च मेधावी मर्माणि च महाकपिः।
स तस्या विकृते वक्त्रे वज्रसंहननः कपिः ॥ ५.१.१९४ ॥
The wise great monkey saw only her body and her vital points; that monkey, hard as a thunderbolt, (entered) her distorted mouth.
5.1.195
संक्षिप्य मुहुरात्मानं निपपात महाकपिः।
आस्ये तस्या निमज्जन्तं ददृशुः सिद्धचारणाः ॥ ५.१.१९५ ॥
Having repeatedly contracted himself, the great monkey fell into her mouth; the Siddhas and Cāraṇas saw him sinking into her mouth.
5.1.196
ग्रस्यमानं यथा चन्द्रं पूर्णं पर्वणि राहुणा।
ततस्तस्या नखैस्तीक्ष्णैर्मर्माण्युत्कृत्य वानरः ॥ ५.१.१९६ ॥
As Rāhu swallows the full moon on the full-moon day, so (he was being swallowed); then the monkey, cutting her vital parts with his sharp nails, (emerged).
5.1.197
उत्पपाताथ वेगेन मनःसम्पातविक्रमः।
तां तु दिष्ट्या च धृत्या च दाक्षिण्येन निपात्य सः ॥ ५.१.१९७ ॥
Then he, whose valour was swift as the mind, leapt up with speed; by fortune, steadiness and skill he brought her down.
5.1.198
कपिप्रवीरो वेगेन ववृधे पुनरात्मवान्।
हृतहृत्सा हनुमता पपात विधुराम्भसि।
स्वयंभुवैव हनुमान् सृष्टस्तस्या निपातने ॥ ५.१.१९८ ॥
The foremost of monkeys, self-controlled, grew again swiftly; her heart taken by Hanumān, she fell afflicted into the water. The Self-existent himself had created Hanumān for her felling.
5.1.199
तां हतां वानरेणाशु पतितां वीक्ष्य सिंहिकाम्।
भूतान्याकाशचारीणि तमूचुः प्लवगोत्तमम् ॥ ५.१.१९९ ॥
Seeing Siṃhikā, slain swiftly by the monkey and fallen, the beings moving in the sky spoke to that best of leapers.
5.1.200
भीममद्य कृतं कर्म महत्सत्त्वं त्वया हतम्।
साधयार्थमभिप्रेतमरिष्टं प्लवतां वर ॥ ५.१.२०० ॥
Today you have done a terrible and mighty deed, and slain her by your valour. O best of leapers, accomplish your intended purpose unharmed.
5.1.201
यस्य त्वेतानि चत्वारि वानरेन्द्र यथा तव।
धृतिर्दृष्टिर्मतिर्दाक्ष्यं स कर्मसु न सीदति ॥ ५.१.२०१ ॥
O lord of monkeys, whoever possesses these four qualities, as you do: steadfastness, insight, judgment and skill, does not falter in his deeds.
5.1.202
स तैः सम्पूजितः पूज्यः प्रतिपन्नप्रयोजनैः।
जगामाकाशमाविश्य पन्नगाशनवत् कपिः ॥ ५.१.२०२ ॥
Honoured by them, that revered monkey, his purpose accomplished, entered the sky and went, like Garuḍa, the eater of serpents.
5.1.203
प्राप्तभूयिष्ठपारस्तु सर्वतः परिलोकयन्।
योजनानां शतस्यान्ते वनराजीं ददर्श सः ॥ ५.१.२०३ ॥
Having nearly reached the far shore, looking about on every side, at the end of a hundred yojanas he beheld a row of forests.
5.1.204
ददर्श च पतन्नेव विविधद्रुमभूषितम्।
द्वीपं शाखामृगश्रेष्ठो मलयोपवनानि च ॥ ५.१.२०४ ॥
And as he was descending, the best of monkeys saw the island adorned with many kinds of trees, and the groves of Malaya.
5.1.205
सागरं सागरानूपान् सागरानूपजान् द्रुमान्।
सागरस्य च पत्नीनां मुखान्यपि विलोकयत् ॥ ५.१.२०५ ॥
He beheld the ocean, the ocean shores, the trees growing on the ocean shores, and also the faces of the wives of the ocean.
5.1.206
स महामेघसंकाशं समीक्ष्यात्मानमात्मवान्।
निरुन्धन्तमिवाकाशं चकार मतिमान् मतिम् ॥ ५.१.२०६ ॥
Seeing himself like a great cloud, the self-controlled and wise Hanumān formed a resolve, as though to block the sky.
5.1.207
कायवृद्धिं प्रवेगं च मम दृष्ट्वैव राक्षसाः।
मयि कौतूहलं कुर्युरिति मेने महामतिः ॥ ५.१.२०७ ॥
Seeing only my growth of body and my speed, the rākṣasas will become curious about me — so the great-minded one thought.
5.1.208
ततः शरीरं संक्षिप्य तन्महीधरसंनिभम्।
पुनः प्रकृतिमापेदे वीतमोह इवात्मवान् ॥ ५.१.२०८ ॥
Then, contracting that body like a mountain, Hanumān regained his natural form, like a self-controlled man freed from delusion.
5.1.209
तद्रूपमतिसंक्षिप्य हनूमान् प्रकृतौ स्थितः।
त्रीन् क्रमानिव विक्रम्य बलिवीर्यहरो हरिः ॥ ५.१.२०९ ॥
Having greatly contracted that form, Hanumān stood in his natural state, like Hari who, taking three strides, robbed Bali of his valor.
5.1.210
स चारुनानाविधरूपधारी
परं समासाद्य समुद्रतीरम्।
परैरशक्यं प्रतिपन्नरूपः
समीक्षितात्मा समवेक्षितार्थः ॥ ५.१.२१० ॥
He, bearing many beautiful forms, reached the shore of the sea, having assumed a form impossible for others, having examined himself and well considered his purpose.
5.1.211
ततः स लम्बस्य गिरेः समृद्धे
विचित्रकूटे निपपात कूटे।
सकेतकोद्दालकनारिकेले
महाभ्रकूटप्रतिमो महात्मा ॥ ५.१.२११ ॥
Then that great-souled one, like a great cloud-peak, alighted on a prosperous and wondrous peak of Mount Lamba, amid ketaka, uddālaka and coconut trees.
5.1.212
ततस्तु सम्प्राप्य समुद्रतीरं
समीक्ष्य लंकां गिरिवर्यमूर्ध्नि।
कपिस्तु तस्मिन् निपपात पर्वते
विधूय रूपं व्यथयन्मृगद्विजान् ॥ ५.१.२१२ ॥
Then, having reached the ocean's shore and surveyed Laṅkā from the summit of that noble mountain, the monkey alighted upon that very mountain, shrinking his form and frightening the beasts and birds.
5.1.213
स सागरं दानवपन्नगायुतं
बलेन विक्रम्य महोर्मिमालिनम्।
निपत्य तीरे च महोदधेस्तदा
ददर्श लंकाममरावतीमिव ॥ ५.१.२१३ ॥
Having leapt across that ocean, teeming with demons and serpents and garlanded with great waves, and having alighted on the shore of the great sea, he then beheld Laṅkā as if it were Amarāvatī.