蚁垤《罗摩衍那》 · 篇 5.37
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
5.37.1
सा सीता वचनं श्रुत्वा पूर्णचन्द्रनिभानना।
हनूमन्तमुवाचेदं धर्मार्थसहितं वचः ॥ ५.३७.१ ॥
面如满月的悉多听罢这些话，对哈奴曼说出了这番合于法与义的言语。
5.37.2
अमृतं विषसम्पृक्तं त्वया वानर भाषितम्।
यच्च नान्यमना रामो यच्च शोकपरायणः ॥ ५.३७.२ ॥
猴子啊，你所说的如同掺了毒的甘露；而罗摩心中别无他念，沉浸在悲伤之中。
5.37.3
ऐश्वर्ये वा सुविस्तीर्णे व्यसने वा सुदारुणे।
रज्ज्वेव पुरुषं बद्ध्वा कृतान्तः परिकर्षति ॥ ५.३७.३ ॥
无论身处广大的富贵，还是极其可怕的灾难，死神（克里坦塔）都会像用绳子捆住一个人那样将他拖走。
5.37.4
विधिर्नूनमसंहार्यः प्राणिनां प्लवगोत्तम।
सौमित्रं मां च रामं च व्यसनैः पश्य मोहितान् ॥ ५.३७.४ ॥
猴中至尊啊，众生的命运确实不可抗拒；你看，罗什曼、我与罗摩，都已被灾难迷惑。
5.37.5
शोकस्यास्य कथं पारं राघवोऽधिगमिष्यति।
प्लवमानः परिक्रान्तो हतनौः सागरे यथा ॥ ५.३७.५ ॥
罗怙之后（罗摩）如何能渡过这悲伤的彼岸？就像船只在大海中破碎后，人在海上漂泊挣扎。
5.37.6
राक्षसानां वधं कृत्वा सूदयित्वा च रावणम्।
लङ्कामुन्मथितां कृत्वा कदा द्रक्ष्यति मां पतिः ॥ ५.३७.६ ॥
在诛灭罗刹、杀死罗波那、将楞伽翻倒之后，我的夫君何时才会见到我？
5.37.7
स वाच्यः संत्वरस्वेति यावदेव न पूर्यते।
अयं संवत्सरः कालस्तावद्धि मम जीवितम् ॥ ५.३७.७ ॥
告诉他快些行动，在这一年满期之前；这一年的时间便是我的生命。
5.37.8
वर्तते दशमो मासो द्वौ तु शेषौ प्लवङ्गम।
रावणेन नृशंसेन समयो यः कृतो मम ॥ ५.३७.८ ॥
哦，跳跃者，第十个月正在过去，只剩两个月了；这正是残忍的罗波那为我定下的期限。
5.37.9
विभीषणेन च भ्रात्रा मम निर्यातनं प्रति।
अनुनीतः प्रयत्नेन न च तत् कुरुते मतिम् ॥ ५.३७.९ ॥
我的兄弟维毗沙那也竭力劝他释放我，但他仍不愿下定决心。
5.37.10
मम प्रतिप्रदानं हि रावणस्य न रोचते।
रावणं मार्गते संख्ये मृत्युः कालवशंगतम् ॥ ५.३७.१० ॥
罗波那不愿把我归还；被时间所支配的他，正在战场上被死亡寻找。
5.37.11
ज्येष्ठा कन्या कला नाम विभीषणसुता कपे।
तया ममैतदाख्यातं मात्रा प्रहितया स्वयम् ॥ ५.३७.११ ॥
猴子啊，维毗沙那的长女名叫迦罗，她把这事告诉了我；是她的母亲亲自派她来转告的。
5.37.12
अविन्ध्यो नाम मेधावी विद्वान् राक्षसपुङ्गवः।
धृतिमाञ्छीलवान् वृद्धो रावणस्य सुसम्मतः ॥ ५.३७.१२ ॥
有一位名叫阿文底耶的智者、学者，是罗刹中的翘楚，坚定、有德、年迈，深受罗波那敬重。
5.37.13
रामात् क्षयमनुप्राप्तं रक्षसां प्रत्यचोदयत्।
न च तस्य स दुष्टात्मा शृणोति वचनं हितम् ॥ ५.३७.१३ ॥
他因罗摩之故劝告（罗波那）罗刹即将遭受毁灭，但那恶念之人不听他有益的话语。
5.37.14
आशंसेयं हरिश्रेष्ठ क्षिप्रं मां प्राप्स्यते पतिः।
अन्तरात्मा हि मे शुद्धस्तस्मिंश्च बहवो गुणाः ॥ ५.३७.१४ ॥
猴中最优者啊，我希望我的丈夫很快就会来迎接我。我的内心是纯洁的，而他身上有许多美德。
5.37.15
उत्साहः पौरुषं सत्त्वमानृशंस्यं कृतज्ञता।
विक्रमश्च प्रभावश्च सन्ति वानर राघवे ॥ ५.३७.१५ ॥
猴子啊，罗怙婆（罗摩）身上具有勇气、男子汉的气概、坚忍、慈悲、感恩、威武与威力。
5.37.16
चतुर्दश सहस्राणि राक्षसानां जघान यः।
जनस्थाने विना भ्रात्रा शत्रुः कस्तस्य नोद्विजेत् ॥ ५.३७.१६ ॥
他在人住地（Janasthāna）未借兄弟之力而诛杀了一万四千罗刹，他的哪个敌人会不感到恐惧呢？
5.37.17
न स शक्यस्तुलयितुं व्यसनैः पुरुषर्षभः।
अहं तस्यानुभावज्ञा शक्रस्येव पुलोमजा ॥ ५.३७.१७ ॥
那人中的雄牛不能以苦难来衡量。正如补罗摩阇（舍制）知道因陀罗的威力，我也知道他的威力。
5.37.18
शरजालांशुमान् शूरः कपे रामदिवाकरः।
शत्रुरक्षोमयं तोयमुपशोषं नयिष्यति ॥ ५.३७.१८ ॥
猴子啊，以箭网为光芒的英雄罗摩日，将把敌人罗刹之水彻底蒸干。
5.37.19
अश्रुसम्पूर्णवदनामुवाच हनुमान् कपिः ॥ ५.३७.१९ ॥
满面泪水的悉多,猴子哈努曼对她说道:
5.37.20
श्रुत्वैव च वचो मह्यं क्षिप्रमेष्यति राघवः।
चमूं प्रकर्षन् महतीं हर्यृक्षगणसंकुलाम् ॥ ५.३७.२० ॥
听到我的话,罗怙婆(罗摩)便会很快到来,率领充满猴群与熊群的庞大军队。
5.37.21
अथवा मोचयिष्यामि त्वामद्यैव सराक्षसात्।
अस्माद् दुःखादुपारोह मम पृष्ठमनिन्दिते ॥ ५.३७.२१ ॥
或者,无瑕的女子啊,今日我就把你从这苦难中解救出来,连同罗刹一并。请骑上我的背。
5.37.22
त्वां तु पृष्ठगतां कृत्वा संतरिष्यामि सागरम्।
शक्तिरस्ति हि मे वोढुं लङ्कामपि सरावणाम् ॥ ५.३७.२२ ॥
我将你背在背上渡过大海;我有能力连同罗波那一起背起楞伽城。
5.37.23
अहं प्रस्रवणस्थाय राघवायाद्य मैथिलि।
प्रापयिष्यामि शक्राय हव्यं हुतमिवानलः ॥ ५.३७.२३ ॥
悉多啊,今日我就把(你的消息)带给站在普罗斯拉瓦那山上的罗怙婆,如同火神把供品送给因陀罗。
5.37.24
द्रक्ष्यस्यद्यैव वैदेहि राघवं सहलक्ष्मणम्।
व्यवसायसमायुक्तं विष्णुं दैत्यवधे यथा ॥ ५.३७.२४ ॥
维德哈的女儿啊,今日你就会见到与罗什曼那同在的罗怙婆,他坚定果决,如同毗湿奴诛灭众阿修罗时一般。
5.37.25
त्वद्दर्शनकृतोत्साहमाश्रमस्थं महाबलम्।
पुरंदरमिवासीनं नगराजस्य मूर्धनि ॥ ५.३७.२५ ॥
因见到你而振奋，住在修行处的大力者，犹如坐在群山之王顶峰上的因陀罗。
5.37.26
पृष्ठमारोह मे देवि मा विकाङ्क्षस्व शोभने।
योगमन्विच्छ रामेण शशाङ्केनेव रोहिणी ॥ ५.३७.२६ ॥
女神啊，骑上我的背吧；不要犹豫，光彩照人的人。愿与罗摩结合，如罗西尼之于月亮。
5.37.27
कथयन्तीव शशिना संगमिष्यसि रोहिणी।
मत्पृष्ठमधिरोह त्वं तराकाशं महार्णवम् ॥ ५.३७.२७ ॥
如罗西尼仿佛与月亮交谈般与之相会，你也将相会。骑上我的背，我们将穿越天空与大海。
5.37.28
नहि मे सम्प्रयातस्य त्वामितो नयतोऽङ्गने।
अनुगन्तुं गतिं शक्ताः सर्वे लङ्कानिवासिनः ॥ ५.३७.२८ ॥
夫人啊，我将你从此处带走时，楞伽的居民没有一人能追随我的行程。
5.37.29
यथैवाहमिह प्राप्तस्तथैवाहमसंशयम्।
यास्यामि पश्य वैदेहि त्वामुद्यम्य विहायसम् ॥ ५.३७.२९ ॥
我如何来到此地，毫无疑问我也将如此离去。看哪，毗提诃之女，我将托起你穿越天空。
5.37.30
मैथिली तु हरिश्रेष्ठाच्छ्रुत्वा वचनमद्भुतम्।
हर्षविस्मितसर्वाङ्गी हनूमन्तमथाब्रवीत् ॥ ५.३७.३० ॥
然而毗提诃之女（悉多）听到猴中之最的那些奇妙话语，全身因欢喜与惊叹而颤动，对哈奴曼说道。
5.37.31
हनूमन् दूरमध्वानं कथं मां नेतुमिच्छसि।
तदेव खलु ते मन्ये कपित्वं हरियूथप ॥ ५.३७.३१ ॥
哈奴曼啊，你想如何带我走这么远的路？我想这必定是你猴子的天性，猴群之主啊。
5.37.32
कथं चाल्पशरीरस्त्वं मामितो नेतुमिच्छसि।
सकाशं मानवेन्द्रस्य भर्तुर्मे प्लवगर्षभ ॥ ५.३७.३२ ॥
你身材如此矮小，如何想把我从这里带到我丈夫、人主那里去呢，猿中之最啊？
5.37.33
सीतायास्तु वचः श्रुत्वा हनूमान् मारुतात्मजः।
चिन्तयामास लक्ष्मीवान् नवं परिभवं कृतम् ॥ ५.३७.३३ ॥
风之子哈奴曼听了悉多的话，光辉的他心想，自己又遭受了一次新的轻慢。
5.37.34
न मे जानाति सत्त्वं वा प्रभावं वासितेक्षणा।
तस्मात् पश्यतु वैदेही यद् रूपं मम कामतः ॥ ५.३७.३४ ॥
这位黑眼睛的女子不知道我的本性与神力。因此愿毗提诃公主看看我随意显现的形相。
5.37.35
दर्शयामास सीतायाः स्वरूपमरिमर्दनः ॥ ५.३७.३५ ॥
摧敌者向悉多显现了他自己的真身。
5.37.36
स तस्मात् पादपाद् धीमानाप्लुत्य प्लवगर्षभः।
ततो वर्धितुमारेभे सीताप्रत्ययकारणात् ॥ ५.३७.३६ ॥
于是那位聪慧的猿中之最从树上跃下，开始增大身躯，以使悉多确信。
5.37.37
मेरुमन्दरसंकाशो बभौ दीप्तानलप्रभः।
अग्रतो व्यवतस्थे च सीताया वानरर्षभः ॥ ५.३७.३७ ॥
身形如须弥与曼陀罗山，光芒如熊熊烈火，猴中之最立于悉多面前。
5.37.38
हरिः पर्वतसंकाशस्ताम्रवक्त्रो महाबलः।
वज्रदंष्ट्रनखो भीमो वैदेहीमिदमब्रवीत् ॥ ५.३७.३८ ॥
这只猴子身如山岳，面色赤铜，大力无比，牙爪如金刚，令人畏惧，对毗提诃之女说了这番话。
5.37.39
सपर्वतवनोद्देशां साट्टप्राकारतोरणाम्।
लङ्कामिमां सनाथां वा नयितुं शक्तिरस्ति मे ॥ ५.३७.३९ ॥
我有能力将这座楞伽城，连同其山岭林地、楼阁、城墙与门楼，甚至连同其主人，一并带走。
5.37.40
तदवस्थाप्यतां बुद्धिरलं देवि विकाङ्क्षया।
विशोकं कुरु वैदेहि राघवं सहलक्ष्मणम् ॥ ५.३७.४० ॥
故请坚定你的决心。女神啊，不必疑虑。毗提诃之女啊，请使罗怙之裔与罗什曼那免于忧愁。
5.37.41
तं दृष्ट्वाचलसंकाशमुवाच जनकात्मजा।
पद्मपत्रविशालाक्षी मारुतस्यौरसं सुतम् ॥ ५.३७.४१ ॥
毗提诃之女见他身如山岳，双目宽大如莲瓣，便对风神之亲生子说道。
5.37.42
तव सत्त्वं बलं चैव विजानामि महाकपे।
वायोरिव गतिश्चापि तेजश्चाग्नेरिवाद्भुतम् ॥ ५.३७.४२ ॥
大猴啊，我知道你的勇气与力量。你的疾速如风，你的光辉如火一般奇妙。
5.37.43
प्राकृतोऽन्यः कथं चेमां भूमिमागन्तुमर्हति।
उदधेरप्रमेयस्य पारं वानरयूथप ॥ ५.३७.४३ ॥
普通之人如何能够越过这浩瀚无边的大海，来到这片土地呢？猴群之主啊！
5.37.44
जानामि गमने शक्तिं नयने चापि ते मम।
अवश्यं सम्प्रधार्याशु कार्यसिद्धिरिवात्मनः ॥ ५.३७.४४ ॥
我知道你有前往的能力，你的眼睛也见过我。然而务必审慎决断，迅速行事，如同办自己的事一般。
5.37.45
अयुक्तं तु कपिश्रेष्ठ मया गन्तुं त्वया सह।
वायुवेगसवेगस्य वेगो मां मोहयेत् तव ॥ ५.३७.४५ ॥
然而，猴中之最，我与你同行并不合适。你的速度与风速相等，会令我眩晕迷乱。
5.37.46
अहमाकाशमासक्ता उपर्युपरि सागरम्।
प्रपतेयं हि ते पृष्ठाद् भूयो वेगेन गच्छतः ॥ ५.३७.४६ ॥
我即便紧附在天空、高高越过大海，也必定会从你的背上再次坠落，因为你疾速前行。
5.37.47
पतिता सागरे चाहं तिमिनक्रझषाकुले।
भवेयमाशु विवशा यादसामन्नमुत्तमम् ॥ ५.३७.४७ ॥
若坠入这满是鳄鱼、鲨鱼与鱼群的大海，我很快就会无力自救，成为水中生灵最美的食物。
5.37.48
न च शक्ष्ये त्वया सार्धं गन्तुं शत्रुविनाशन।
कलत्रवति संदेहस्त्वयि स्यादप्यसंशयम् ॥ ५.३७.४८ ॥
我不能与你同行，灭敌之人啊。有妻室的你，也必定会引起猜疑，这毫无疑问。
5.37.49
ह्रियमाणां तु मां दृष्ट्वा राक्षसा भीमविक्रमाः।
अनुगच्छेयुरादिष्टा रावणेन दुरात्मना ॥ ५.३७.४९ ॥
见我被掳走，勇猛可怖的罗刹们奉邪恶的罗波那之命，必会追随于后。
5.37.50
तैस्त्वं परिवृतः शूरैः शूलमुद्गरपाणिभिः।
भवेस्त्वं संशयं प्राप्तो मया वीर कलत्रवान् ॥ ५.३७.५० ॥
你啊，有妻室的英雄，被那些手持长矛与铁锤的勇士围困，将因我而陷入危难。
5.37.51
सायुधा बहवो व्योम्नि राक्षसास्त्वं निरायुधः।
कथं शक्ष्यसि संयातुं मां चैव परिरक्षितुम् ॥ ५.३७.५१ ॥
天空中有众多手持兵器的罗刹，而你却没有武器；你如何能够前行，并且保护我呢？
5.37.52
युध्यमानस्य रक्षोभिस्ततस्तैः क्रूरकर्मभिः।
प्रपतेयं हि ते पृष्ठाद् भयार्ता कपिसत्तम ॥ ५.३७.५२ ॥
那时，猴中之最啊，你与那些行事残暴的罗刹交战之时，我必因恐惧而从你背上坠落。
5.37.53
अथ रक्षांसि भीमानि महान्ति बलवन्ति च।
कथंचित् साम्पराये त्वां जयेयुः कपिसत्तम ॥ ५.३७.५३ ॥
那时，可怖、庞大而强壮的罗刹们或许会在战斗中以某种方式将你击败，猴中之最啊。
5.37.54
अथवा युध्यमानस्य पतेयं विमुखस्य ते।
पतितां च गृहीत्वा मां नयेयुः पापराक्षसाः ॥ ५.३७.५४ ॥
或者，你在作战时转过脸去，我便会坠落；而那些作恶的罗刹们将抓住倒地的我，把我带走。
5.37.55
मां वा हरेयुस्त्वद्धस्ताद् विशसेयुरथापि वा।
अनवस्थौ हि दृश्येते युद्धे जयपराजयौ ॥ ५.३७.५५ ॥
或者他们可能从你手中夺走我，或者将我杀害；因为在战斗中，胜负似乎是不确定的。
5.37.56
अहं वापि विपद्येयं रक्षोभिरभितर्जिता।
त्वत्प्रयत्नो हरिश्रेष्ठ भवेन्निष्फल एव तु ॥ ५.३७.५६ ॥
或者我自己被罗刹恐吓，也可能丧命；那样的话，猴中之上，你的努力就真的白费了。
5.37.57
कामं त्वमपि पर्याप्तो निहन्तुं सर्वराक्षसान्।
राघवस्य यशो हीयेत् त्वया शस्तैस्तु राक्षसैः ॥ ५.३७.५७ ॥
诚然，你也有能力杀尽所有罗刹；但若罗刹被你所杀，罗怙之子的荣耀便会减损。
5.37.58
अथवाऽऽदाय रक्षांसि न्यसेयुः संवृते हि माम्।
यत्र ते नाभिजानीयुर्हरयो नापि राघवः ॥ ५.३७.५८ ॥
或者罗刹们把我带走，安置在某个隐秘之处，那里猴子们甚至罗怙之子都无法认出我。
5.37.59
आरम्भस्तु मदर्थोऽयं ततस्तव निरर्थकः।
त्वया हि सह रामस्य महानागमने गुणः ॥ ५.३७.५९ ॥
这番行动只为了我；那样你的努力便是徒劳。因为罗摩与你一同前来，本身便是极大的益处。
5.37.60
मयि जीवितमायत्तं राघवस्यामितौजसः।
भ्रातॄणां च महाबाहो तव राजकुलस्य च ॥ ५.३७.६० ॥
无量威力的罗怙之子的性命系于我身，啊大臂者，他兄弟们的性命，也系于你王族的性命。
5.37.61
तौ निराशौ मदर्थं च शोकसंतापकर्शितौ।
सह सर्वर्क्षहरिभिस्त्यक्ष्यतः प्राणसंग्रहम् ॥ ५.३७.६१ ॥
因为我，他们二人失去希望，被悲痛与煎熬消磨殆尽，将与所有熊与猴子一同舍弃性命。
5.37.62
भर्तुर्भक्तिं पुरस्कृत्य रामादन्यस्य वानर।
नाहं स्प्रष्टुं स्वतो गात्रमिच्छेयं वानरोत्तम ॥ ५.३७.६२ ॥
猴子啊，我以对夫君的忠诚为先，绝不会自愿让除罗摩以外的任何人触碰我的身体，猴中之最啊。
5.37.63
यदहं गात्रसंस्पर्शं रावणस्य गता बलात्।
अनीशा किं करिष्यामि विनाथा विवशा सती ॥ ५.३७.६३ ॥
我被强行带入罗波那身体的接触之中，无力、无依、无助，身为贞洁之妇的我还能做什么呢？
5.37.64
यदि रामो दशग्रीवमिह हत्वा सराक्षसम्।
मामितो गृह्य गच्छेत तत् तस्य सदृशं भवेत् ॥ ५.३७.६४ ॥
若罗摩在此诛杀十首罗波那及其罗刹，将我从此带走，那便与他相称了。
5.37.65
श्रुताश्च दृष्टा हि मया पराक्रमा
महात्मनस्तस्य रणावमर्दिनः।
न देवगन्धर्वभुजङ्गराक्षसा
भवन्ति रामेण समा हि संयुगे ॥ ५.३७.६५ ॥
那位大德罗摩，是战场上摧毁敌人的英雄，我既听闻也亲眼见过他的威武。在战斗中，天神、乾达婆、蛇神与罗刹都无法与罗摩相比。
5.37.66
समीक्ष्य तं संयति चित्रकार्मुकं
महाबलं वासवतुल्यविक्रमम्।
सलक्ष्मणं को विषहेत राघवं
हुताशनं दीप्तमिवानिलेरितम् ॥ ५.३७.६६ ॥
谁能抵挡罗ghava？他在战场上持着奇妙的弓，力量强大，勇武堪比因陀罗，与罗什曼那同在，犹如被风吹动的熊熊烈火，谁能承受？
5.37.67
सलक्ष्मणं राघवमाजिमर्दनं
दिशागजं मत्तमिव व्यवस्थितम्।
सहेत को वानरमुख्य संयुगे
युगान्तसूर्यप्रतिमं शरार्चिषम् ॥ ५.३७.६७ ॥
与罗什曼那同在的罗怙王裔(罗摩)，是摧毁军队的勇士，如发情的方位神象般屹立不动。猴王啊，谁能在战场上抵挡这位如劫末太阳、箭光炽烈的英雄？
5.37.68
स मे कपिश्रेष्ठ सलक्ष्मणं प्रियं
सयूथपं क्षिप्रमिहोपपादय।
चिराय रामं प्रति शोककर्शितां
कुरुष्व मां वानरवीर हर्षिताम् ॥ ५.३७.६८ ॥
猴中之最啊，请迅速把那位所爱之人带到这里，与罗什曼那及其众将领一同前来。猴中英雄啊，请使我欢喜吧，我因对罗摩的悲伤已久而消瘦憔悴。