ヴァールミーキのラーマーヤナ · サルガ 5.58
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
5.58.1
ततस्तस्य गिरेः शृङ्गे महेन्द्रस्य महाबलाः।
हनुमत्प्रमुखाः प्रीतिं हरयो जग्मुरुत्तमाम् ॥ ५.५८.१ ॥
その時、マヘーンドラ山の頂で、ハヌマーンを先頭とする大力の猿たちは無上の喜びを得た。
5.58.2
प्रीतिमत्सूपविष्टेषु वानरेषु महात्मसु।
तं ततः प्रतिसंहृष्टः प्रीतियुक्तं महाकपिम् ॥ ५.५८.२ ॥
喜んで座った高潔な猿たちは、愛情に満ちたその大猿を大いに喜んで見つめた。
5.58.3
जाम्बवान् कार्यवृत्तान्तमपृच्छदनिलात्मजम्।
कथं दृष्टा त्वया देवी कथं वा तत्र वर्तते ॥ ५.५८.३ ॥
ジャーンバヴァーンは風の子に任務の顛末を尋ねた。「お前は女神をどのように見たのか。彼女はそこでどうしているのか。」
5.58.4
तस्यां चापि कथं वृत्तः क्रूरकर्मा दशाननः।
तत्त्वतः सर्वमेतन्नः प्रब्रूहि त्वं महाकपे ॥ ५.५८.४ ॥
残酷な行いをする十頭の者（ラーヴァナ）は彼女に対してどう振る舞ったのか。大猿よ、これらすべてを真実に我らに語れ。
5.58.5
सम्मार्गिता कथं देवी किं च सा प्रत्यभाषत।
श्रुतार्थाश्चिन्तयिष्यामो भूयः कार्यविनिश्चयम् ॥ ५.५८.५ ॥
女神はどのように捜し求められたのか。彼女は何と答えたのか。事情を聞いた上で、任務についての決断を改めて考えよう。
5.58.6
यश्चार्थस्तत्र वक्तव्यो गतैरस्माभिरात्मवान्।
रक्षितव्यं च यत्तत्र तद् भवान् व्याकरोतु नः ॥ ५.५८.६ ॥
我々が赴いた時、そこで述べるべき事と、そこで守るべき事は何か。どうか貴方がそれを我らに説明されよ。
5.58.7
स नियुक्तस्ततस्तेन सम्प्रहृष्टतनूरुहः।
नमस्यन् शिरसा देव्यै सीतायै प्रत्यभाषत ॥ ५.५८.७ ॥
彼に命じられ、喜びに毛が逆立ち、頭を垂れて女神シーターに礼をしてから答えた。
5.58.8
प्रत्यक्षमेव भवतां महेन्द्राग्रात् खमाप्लुतः।
उदधेर्दक्षिणं पारं काङ्क्षमाणः समाहितः ॥ ५.५८.८ ॥
あなた方の目の前で、マヘーンドラ山の頂から空へ跳び上がった。大海の南岸に至ることを望み、心を集中させて。
5.58.9
गच्छतश्च हि मे घोरं विघ्नरूपमिवाभवत्।
काञ्चनं शिखरं दिव्यं पश्यामि सुमनोहरम् ॥ ५.५८.९ ॥
私が進んでいると、それは恐ろしい障害のようになった。神聖で非常に美しい黄金の頂が見える。
5.58.10
स्थितं पन्थानमावृत्य मेने विघ्नं च तं नगम्।
उपसंगम्य तं दिव्यं काञ्चनं नगमुत्तमम् ॥ ५.५८.१० ॥
道を塞いで立つその山を、彼は障害と見なした。そして、その神聖で黄金に輝く最上の山に近づいて。
5.58.11
कृता मे मनसा बुद्धिर्भेत्तव्योऽयं मयेति च।
प्रहतस्य मया तस्य लाङ्गूलेन महागिरेः ॥ ५.५८.११ ॥
私は心に決めた。「これは私が砕かねばならない」と。そして私はその大山を尾で打った。
5.58.12
शिखरं सूर्यसंकाशं व्यशीर्यत सहस्रधा।
व्यवसायं च तं बुद्ध्वा स होवाच महागिरिः ॥ ५.५८.१२ ॥
太陽のように輝くその頂は千々に砕け散った。彼の決意を知った大山は語りかけた。
5.58.13
पुत्रेति मधुरां वाणीं मनः प्रह्लादयन्निव।
पितृव्यं चापि मां विद्धि सखायं मातरिश्वनः ॥ ५.५८.१३ ॥
「息子よ」と、甘い言葉で心を喜ばせるかのように彼は言った。「私はお前の父の弟であり、マータリシュヴァンの友であると知れ。」
5.58.14
मैनाकमिति विख्यातं निवसन्तं महोदधौ।
पक्षवन्तः पुरा पुत्र बभूवुः पर्वतोत्तमाः ॥ ५.५८.१४ ॥
「息子よ、私は大海に住むマイナーカとして知られている。昔、最高の山々には翼があった。」
5.58.15
छन्दतः पृथिवीं चेरुर्बाधमानाः समन्ततः।
श्रुत्वा नगानां चरितं महेन्द्रः पाकशासनः ॥ ५.५८.१५ ॥
彼らは意のままに四方の大地を歩き回り、苦しめた。山々のその振る舞いを聞いて、パーカを制したマヘーンドラは……
5.58.16
वज्रेण भगवान् पक्षौ चिच्छेदैषां सहस्रशः।
अहं तु मोचितस्तस्मात् तव पित्रा महात्मना ॥ ५.५८.१६ ॥
尊きインドラは雷杵で彼らの翼を幾千にも断ち切った。しかし私はお前の偉大な父によってそれから救われた。
5.58.17
मारुतेन तदा वत्स प्रक्षिप्तो वरुणालये।
राघवस्य मया साह्ये वर्तितव्यमरिंदम ॥ ५.५८.१७ ॥
その時、わが子よ、私は風によってヴァルナの館、大海に投げ込まれた。敵を制する者よ、私はラーghava（ラーマ）の助けとして振る舞うべきなのだ。
5.58.18
रामो धर्मभृतां श्रेष्ठो महेन्द्रसमविक्रमः।
एतच्छ्रुत्वा मया तस्य मैनाकस्य महात्मनः ॥ ५.५८.१८ ॥
ラーマは法を守る者の中で最も優れ、その武勇はマヘーンドラに等しい。この言葉を高潔なマイナーカから聞いて、私は……
5.58.19
कार्यमावेद्य च गिरेरुद्धतं वै मनो मम।
तेन चाहमनुज्ञातो मैनाकेन महात्मना ॥ ५.५८.१९ ॥
任務を告げると、山の高揚した心が私を奮い立たせた。偉大なる心のマイナーカの許しを得て、私は進んだ。
5.58.20
स चाप्यन्तर्हितः शैलो मानुषेण वपुष्मता।
शरीरेण महाशैलः शैलेन च महोदधौ ॥ ५.५८.२० ॥
その山もまた人の姿をとって大海に消えた。その大山は、その身体で山とともに海に隠れた。
5.58.21
उत्तमं जवमास्थाय शेषमध्वानमास्थितः।
ततोऽहं सुचिरं कालं जवेनाभ्यगमं पथि ॥ ५.५८.२१ ॥
最高の速さをとって、残りの道を進んだ。それから長い間、速さをもって道を進んだ。
5.58.22
ततः पश्याम्यहं देवीं सुरसां नागमातरम्।
समुद्रमध्ये सा देवी वचनं चेदमब्रवीत् ॥ ५.५८.२२ ॥
そして大海の中で、蛇の母である女神スラサーを私は見た。その女神はこの言葉を語った。
5.58.23
मम भक्ष्यः प्रदिष्टस्त्वममरैर्हरिसत्तम।
ततस्त्वां भक्षयिष्यामि विहितस्त्वं हि मे सुरैः ॥ ५.५८.२३ ॥
猿の中の最上の者よ、神々はあなたを私の食物と定めた。ゆえに私はあなたを食べよう。神々があなたを私のために定めたのだから。
5.58.24
एवमुक्तः सुरसया प्राञ्जलिः प्रणतः स्थितः।
विवर्णवदनो भूत्वा वाक्यं चेदमुदीरयम् ॥ ५.५८.२४ ॥
スラサーにこう言われると、私は合掌して礼をし、立っていた。顔色を失って、私はこの言葉を発した。
5.58.25
रामो दाशरथिः श्रीमान् प्रविष्टो दण्डकावनम्।
लक्ष्मणेन सह भ्रात्रा सीतया च परंतपः ॥ ५.५८.२५ ॥
ダシャラタの子、輝けるラーマは、敵を焼き尽くす者として、弟ラクシュマナとシーターと共にダンダカの森に入った。
5.58.26
तस्य सीता हृता भार्या रावणेन दुरात्मना।
तस्याः सकाशं दूतोऽहं गमिष्ये रामशासनात् ॥ ५.५८.२६ ॥
彼の妻シーターは邪悪なラーヴァナに奪われた。ラーマの命により、私は使者として彼女のもとへ行こう。
5.58.27
कर्तुमर्हसि रामस्य साहाय्यं विषये सती।
अथवा मैथिलीं दृष्ट्वा रामं चाक्लिष्टकारिणम् ॥ ५.५८.२७ ॥
貞淑な方よ、この地でラーマを助けることがあなたにはふさわしい。あるいは、マイティリーを見、そして苦労なく事を成すラーマを見て……
5.58.28
आगमिष्यामि ते वक्त्रं सत्यं प्रतिशृणोमि ते।
एवमुक्ता मया सा तु सुरसा कामरूपिणी ॥ ५.५८.२८ ॥
あなたの口に入ろう。これは真実である、あなたに誓う。私にそう告げられたスラサーは、意のままに姿を変える者であったが……
5.58.29
अब्रवीन्नातिवर्तेत कश्चिदेष वरो मम।
एवमुक्तः सुरसया दशयोजनमायतः ॥ ५.५८.२९ ॥
彼女は言った、「我が与えたこの恩恵を、誰も破ってはならぬ」と。スラサーにそう告げられると、私は十ヨージャナの大きさにまで伸びた。
5.58.30
ततोऽर्धगुणविस्तारो बभूवाहं क्षणेन तु।
मत्प्रमाणाधिकं चैव व्यादितं तु मुखं तया ॥ ५.५८.३० ॥
すると一瞬のうちに私は彼女の大きさの一倍半に伸びた。そして彼女は私の体より大きく口を開いた。
5.58.31
तद् दृष्ट्वा व्यादितं त्वास्यं ह्रस्वं ह्यकरवं पुनः।
तस्मिन् मुहूर्ते च पुनर्बभूवाङ्गुष्ठसम्मितः ॥ ५.५८.३१ ॥
彼女の開いた口を見て、私はすぐに身を縮めた。そしてその瞬間、再び親指ほどの大きさになった。
5.58.32
अभिपत्याशु तद्वक्त्रं निर्गतोऽहं ततः क्षणात् ।
अब्रवीत् सुरसा देवी स्वेन रूपेण मां पुनः ॥ ५.५८.३२ ॥
私は素早く彼女の口に飛び込み、一瞬でそこから出てきた。すると女神スラサーは本来の姿で、再び私に語りかけた。
5.58.33
अर्थसिद्धौ हरिश्रेष्ठ गच्छ सौम्य यथासुखम्।
समानय च वैदेहीं राघवेण महात्मना ॥ ५.५८.३३ ॥
猿の中の最上の者よ、お前の目的は成就した。優しき者よ、心のままに行け。そして偉大なラーガヴァのもとへヴァイデーヒーを連れ戻せ。
5.58.34
सुखी भव महाबाहो प्रीतास्मि तव वानर।
ततोऽहं साधुसाध्वीति सर्वभूतैः प्रशंसितः ॥ ५.५८.३४ ॥
幸せでいなさい、大いなる腕を持つ猿よ。私はお前に満足している。そのとき、あらゆる生き物が「よくやった、よくやった」と私を讃えた。
5.58.35
ततोऽन्तरिक्षं विपुलं प्लुतोऽहं गरुडो यथा।
छाया मे निगृहीता च न च पश्यामि किंचन ॥ ५.५८.३५ ॥
それから私はガルダのように広大な空へ跳び上がった。しかし私の影が捕らえられ、私は何も見えなくなった。
5.58.36
सोऽहं विगतवेगस्तु दिशो दश विलोकयन्।
न किंचित् तत्र पश्यामि येन मे विहता गतिः ॥ ५.५८.३६ ॥
勢いを失った私は十方を見渡したが、私の進路を妨げるものは何も見えなかった。
5.58.37
अथ मे बुद्धिरुत्पन्ना किंनाम गमने मम।
ईदृशो विघ्न उत्पन्नो रूपमत्र न दृश्यते ॥ ५.५८.३७ ॥
そのとき私の心に思いが生じた。進む途中にこのような障害が現れたのは一体なぜなのか。ここには何の姿も見えない。
5.58.38
अधोभागे तु मे दृष्टिः शोचतः पतिता तदा।
तत्राद्राक्षमहं भीमां राक्षसीं सलिलेशयाम् ॥ ५.५८.३८ ॥
嘆いていた私の目はそのとき下へ落ちた。そこで私は、水中に横たわる恐ろしい羅刹女を見た。
5.58.39
प्रहस्य च महानादमुक्तोऽहं भीमया तया।
अवस्थितमसम्भ्रान्तमिदं वाक्यमशोभनम् ॥ ५.५८.३९ ॥
その恐ろしい女は大声で笑い、動じずに立つ私に、このふさわしくない言葉を告げた。
5.58.40
क्वासि गन्ता महाकाय क्षुधिताया ममेप्सितः।
भक्षः प्रीणय मे देहं चिरमाहारवर्जितम् ॥ ५.५८.४० ॥
大きな体の者よ、どこへ行くのか。飢えた私にとって、お前こそ望みの獲物だ。長く食べ物を断たれていた私の身体を満たしておくれ。
5.58.41
बाढमित्येव तां वाणीं प्रत्यगृह्णामहं ततः।
आस्यप्रमाणादधिकं तस्याः कायमपूरयम् ॥ ५.५८.४१ ॥
「よかろう」とだけ言って、私は彼女の言葉に答えた。それから彼女の口の大きさを超えるまで体を大きくして、彼女の体を満たした。
5.58.42
तस्याश्चास्यं महद् भीमं वर्धते मम भक्षणे।
न तु मां सा नु बुबुधे मम वा विकृतं कृतम् ॥ ५.५८.४२ ॥
私を呑み込もうとするうちに、彼女の恐ろしく大きな口はますます広がっていった。しかし彼女は私に気づかず、私が施した変化にも気づかなかった。
5.58.43
ततोऽहं विपुलं रूपं संक्षिप्य निमिषान्तरात्।
तस्या हृदयमादाय प्रपतामि नभःस्थलम् ॥ ५.५८.४३ ॥
そこで私は巨大な身体を瞬時に縮め、彼女の心臓をつかみ、天空の方へと飛び上がった。
5.58.44
सा विसृष्टभुजा भीमा पपात लवणाम्भसि।
मया पर्वतसंकाशा निकृत्तहृदया सती ॥ ५.५८.४४ ॥
その恐ろしい女は腕を投げ出し、山のごとく、私に心臓を裂かれて、塩の海に落ちた。
5.58.45
शृणोमि खगतानां च वाचः सौम्या महात्मनाम्।
राक्षसी सिंहिका भीमा क्षिप्रं हनुमता हता ॥ ५.५८.४५ ॥
空を行く穏やかな偉大な存在たちの言葉が聞こえる——「恐ろしい羅刹女シンヒカーは、ハヌマーンによってたちまち殺された」と。
5.58.46
तां हत्वा पुनरेवाहं कृत्यमात्ययिकं स्मरन्।
गत्वा च महदध्वानं पश्यामि नगमण्डितम् ॥ ५.५८.४६ ॥
彼女を殺した後、また急を要する任務を思い起こし、長い道のりを行くと、山々に飾られた地が見えた。
5.58.47
दक्षिणं तीरमुदधेर्लङ्का यत्र गता पुरी।
अस्तं दिनकरे याते रक्षसां निलयं पुरीम् ॥ ५.५८.४७ ॥
海の南岸、そこにラーンカー城がある。太陽が沈んだとき、私は羅刹たちの住まう都に着いた。
5.58.48
प्रविष्टोऽहमविज्ञातो रक्षोभिर्भीमविक्रमैः।
तत्र प्रविशतश्चापि कल्पान्तघनसप्रभा ॥ ५.५८.४८ ॥
勇猛で恐ろしい羅刹たちに気づかれることなく、私は入城した。そこへ入るとき、私の輝きは劫末の雲のようであった。
5.58.49
अट्टहासं विमुञ्चन्ती नारी काप्युत्थिता पुरः।
जिघांसन्तीं ततस्तां तु ज्वलदग्निशिरोरुहाम् ॥ ५.५८.४९ ॥
大笑しながら一人の女が私の前に立ち上がった。そして私を殺そうとする、燃え盛る火のような髪をしたその女を
5.58.50
सव्यमुष्टिप्रहारेण पराजित्य सुभैरवाम्।
प्रदोषकाले प्रविशं भीतयाहं तयोदितः ॥ ५.५८.५० ॥
左の拳の一撃でその非常に恐ろしい女を打ち負かし、夕暮れに私は入った。すると怯えた彼女が私に言った——
5.58.51
अहं लङ्कापुरी वीर निर्जिता विक्रमेण ते।
यस्मात् तस्माद् विजेतासि सर्वरक्षांस्यशेषतः ॥ ५.५८.५१ ॥
「ああ勇士よ、私はラṅカーの都。あなたの武勇に征服された。ゆえにあなたはすべての羅刹に完全に勝利する者なのだ。」
5.58.52
तत्राहं सर्वरात्रं तु विचरञ्जनकात्मजाम्।
रावणान्तःपुरगतो न चापश्यं सुमध्यमाम् ॥ ५.५८.५२ ॥
私は一晩中そこをさまよい、ジャナカの娘を探した。ラーヴァナの奥御殿にも入ったが、あのくびれた腰の女性は見つからなかった。
5.58.53
ततः सीतामपश्यंस्तु रावणस्य निवेशने।
शोकसागरमासाद्य न पारमुपलक्षये ॥ ५.५८.५३ ॥
そこでラーヴァナの館にシーターの姿が見えず、私は悲しみの大海に沈んだ。その岸は見えなかった。
5.58.54
शोचता च मया दृष्टं प्राकारेणाभिसंवृतम्।
काञ्चनेन विकृष्टेन गृहोपवनमुत्तमम् ॥ ५.५८.५४ ॥
嘆きながら私は、長く伸びた金の塀に囲まれた見事な館の庭園を見た。
5.58.55
सप्राकारमवप्लुत्य पश्यामि बहुपादपम्।
अशोकवनिकामध्ये शिंशपापादपो महान् ॥ ५.५८.५५ ॥
城壁を飛び越えると、多くの木々に満ちたアショーカの林の中央に、大きなシンシャパーの木が見えた。
5.58.56
तमारुह्य च पश्यामि काञ्चनं कदलीवनम्।
अदूराच्छिंशपावृक्षात् पश्यामि वरवर्णिनीम् ॥ ५.५८.५६ ॥
その木に登ると、黄金色のバナナの林が見え、シンシャパーの木からさほど遠くないところに、美しい肌の女性が見えた。
5.58.57
श्यामां कमलपत्राक्षीमुपवासकृशाननाम्।
तदेकवासःसंवीतां रजोध्वस्तशिरोरुहाम् ॥ ५.५८.५७ ॥
彼女は色の浅黒い、蓮の花びらのような目をした女性で、断食で痩せた顔をし、一枚の衣をまとい、塵にまみれた髪をしていた。
5.58.58
शोकसंतापदीनाङ्गीं सीतां भर्तृहिते स्थिताम्।
राक्षसीभिर्विरूपाभिः क्रूराभिरभिसंवृताम् ॥ ५.५८.५८ ॥
悲しみと苦悩に身も細ったシーターは、夫の幸福のために志を堅く保っていたが、醜く残酷な羅刹女たちに取り囲まれていた。
5.58.59
मांसशोणितभक्ष्याभिर्व्याघ्रीभिर्हरिणीं यथा।
सा मया राक्षसीमध्ये तर्ज्यमाना मुहुर्मुहुः ॥ ५.५८.५९ ॥
肉と血を食らう雌虎に囲まれた雌鹿のように、彼女は羅刹女たちの中で繰り返し脅かされていた。それを私は見た。
5.58.60
एकवेणीधरा दीना भर्तृचिन्तापरायणा।
भूमिशय्या विवर्णाङ्गी पद्मिनीव हिमागमे ॥ ५.५८.६० ॥
一つに編んだ髪をし、悲しみに沈み、夫を思うことに心を奪われ、地面に横たわり、体は青白かった。彼女は寒の季節の蓮のようであった。
5.58.61
रावणाद् विनिवृत्तार्था मर्तव्ये कृतनिश्चया।
कथंचिन्मृगशावाक्षी तूर्णमासादिता मया ॥ ५.५८.६१ ॥
ラーヴァナへの望みを失い、死を決意した鹿の子の目の女性を、私はどうにかすぐに見つけ出した。
5.58.62
तां दृष्ट्वा तादृशीं नारीं रामपत्नीं यशस्विनीम्।
तत्रैव शिंशपावृक्षे पश्यन्नहमवस्थितः ॥ ५.५८.६२ ॥
ラーマの名高い妻がそのような状態にあるのを見て、私はそのままシンシャパーの木の上に留まり見守っていた。
5.58.63
ततो हलहलाशब्दं काञ्चीनूपुरमिश्रितम्।
शृणोम्यधिकगम्भीरं रावणस्य निवेशने ॥ ५.५८.६३ ॥
その時、ラーヴァナの館で、腰飾りと足環の響きに混じった、非常に深い「ハラハラ」という音が聞こえた。
5.58.64
ततोऽहं परमोद्विग्नः स्वरूपं प्रत्यसंहरम्।
अहं च शिंशपावृक्षे पक्षीव गहने स्थितः ॥ ५.५८.६४ ॥
そこで私は大いに動揺し、自分の姿を縮めて、鳥のように茂ったシンシャパーの木に隠れて座った。
5.58.65
ततो रावणदाराश्च रावणश्च महाबलः।
तं देशमनुसम्प्राप्तो यत्र सीताभवत् स्थिता ॥ ५.५८.६५ ॥
そこへラーヴァナの妃たちと大力のラーヴァナが、シーターの座している場所に到着した。
5.58.66
तं दृष्ट्वाथ वरारोहा सीता रक्षोगणेश्वरम्।
संकुच्योरू स्तनौ पीनौ बाहुभ्यां परिरभ्य च ॥ ५.५८.६६ ॥
羅刹の群れの主を見て、その美しい腰の悉多は、腿と豊かな乳房を縮め、両腕で抱きかかえた。
5.58.67
वित्रस्तां परमोद्विग्नां वीक्ष्यमाणामितस्ततः।
त्राणं कंचिदपश्यन्तीं वेपमानां तपस्विनीम् ॥ ५.५८.६७ ॥
恐怖に震え、ひどく動揺し、あちこちを見回し、守る者を見出せずに震えているその苦行女（シーター）を見て。
5.58.68
तामुवाच दशग्रीवः सीतां परमदुःखिताम्।
अवाक्शिराः प्रपतितो बहुमन्यस्व मामिति ॥ ५.५८.६८ ॥
すると十頭のラーヴァナは、ひどく嘆き悲しむシーターに言った。「頭を垂れて私はひれ伏した。どうか私を敬ってくれ。」
5.58.69
यदि चेत्त्वं तु मां दर्पान्नाभिनन्दसि गर्विते।
द्विमासानन्तरं सीते पास्यामि रुधिरं तव ॥ ५.५८.६९ ॥
「高慢なシーターよ！もしお前が傲慢さゆえに私を受け入れぬなら、二か月後にお前の血を飲み干してやる。」
5.58.70
एतच्छ्रुत्वा वचस्तस्य रावणस्य दुरात्मनः।
उवाच परमक्रुद्धा सीता वचनमुत्तमम् ॥ ५.५८.७० ॥
邪悪なラーヴァナの言葉を聞いて、激しく怒ったシーターは、この気高い言葉を告げた。
5.58.71
राक्षसाधम रामस्य भार्याममिततेजसः।
इक्ष्वाकुवंशनाथस्य स्नुषां दशरथस्य च ॥ ५.५८.७१ ॥
「羅刹の中でも最も卑しい者よ！無量の威光を持つラーマの妻を、イクシュヴァーク族の主ダシャラタの御子の嫁を、お前は奪ったのか！」
5.58.72
अवाच्यं वदतो जिह्वा कथं न पतिता तव।
किंस्विद्वीर्य तवानार्य यो मां भर्तुरसंनिधौ ॥ ५.५८.७२ ॥
「言うべからざることを口にするお前の舌は、なぜ落ちなかったのか。不善の者よ！夫のいない隙に私を奪うことが、お前の武勇なのか。」
5.58.73
अपहृत्यागतः पाप तेनादृष्टो महात्मना।
न त्वं रामस्य सदृशो दास्येऽप्यस्य न युज्यसे ॥ ५.५८.७३ ॥
罪深き女よ、偉大なラーマが見ていない間に、おまえは奪い去られてここに連れて来られたのだ。おまえはラーマと対等ではない。その召使いとなるにも値しない。
5.58.74
अजेयः सत्यवाक् शूरो रणश्लाघी च राघवः।
जानक्या परुषं वाक्यमेवमुक्तो दशाननः ॥ ५.५८.७४ ॥
ラーガヴァ（ラーマ）は無敵で、真実を語り、勇猛で、戦いにおいて自らを誇る者である。ジャーナキーがそのような厳しい言葉を発すると、十面の者（ラーヴァナ）はこのように答えた。
5.58.75
जज्वाल सहसा कोपाच्चितास्थ इव पावकः।
विवृत्य नयने क्रूरे मुष्टिमुद्यम्य दक्षिणम् ॥ ५.५८.७५ ॥
怒りのあまり、彼は火葬の薪の上の炎のように突然燃え上がった。残酷な目を見開き、右の拳を振り上げた。
5.58.76
मैथिलीं हन्तुमारब्धः स्त्रीभिर्हाहाकृतं तदा।
स्त्रीणां मध्यात् समुत्पत्य तस्य भार्या दुरात्मनः ॥ ५.५८.७६ ॥
彼はマイティリー（シーター）を殺そうとし始め、女たちは悲嘆の叫びをあげた。そのとき、その邪な者の妻が女たちの中から立ち上がった。
5.58.77
वरा मन्दोदरी नाम तया स प्रतिषेधितः।
उक्तश्च मधुरां वाणीं तया स मदनार्दितः ॥ ५.५८.७७ ॥
優れた妻マンドーダリーが彼を制止し、欲情に苦しむ彼に、彼女は甘い言葉で語りかけた。
5.58.78
सीतया तव किं कार्यं महेन्द्रसमविक्रम।
मया सह रमस्वाद्य मद्विशिष्टा न जानकी ॥ ५.५८.७८ ॥
インドラに匹敵する武勇の方よ、シーターがあなたに何の用があるのですか。今日は私とともに楽しみなさい。ジャーナキーは私より優れてはいません。
5.58.79
देवगन्धर्वकन्याभिर्यक्षकन्याभिरेव च।
सार्धं प्रभो रमस्वेति सीतया किं करिष्यसि ॥ ५.५८.७९ ॥
主よ、神々・ガンダルヴァ・ヤクシャの娘たちと楽しみなさい。シーターがあなたに何の用があるというのか。
5.58.80
ततस्ताभिः समेताभिर्नारीभिः स महाबलः।
उत्थाप्य सहसा नीतो भवनं स्वं निशाचरः ॥ ५.५८.८० ॥
すると集まった女たちは、その大力の夜の徘徊者を突然持ち上げ、自分たちの館へ連れて行った。
5.58.81
याते तस्मिन् दशग्रीवे राक्षस्यो विकृताननाः।
सीतां निर्भर्त्सयामासुर्वाक्यैः क्रूरैः सुदारुणैः ॥ ५.५८.८१ ॥
十頭の王が去ると、顔の歪んだラークシャシーたちは、残酷で非常に恐ろしい言葉でシーターを脅し罵った。
5.58.82
तृणवद् भाषितं तासां गणयामास जानकी।
गर्जितं च तथा तासां सीतां प्राप्य निरर्थकम् ॥ ५.५८.८२ ॥
ジャーナキーは彼女らの言葉を草の葉ほどにも数えず、シーターの前での彼女らの怒号もまた無益であった。
5.58.83
वृथा गर्जितनिश्चेष्टा राक्षस्यः पिशिताशनाः।
रावणाय शशंसुस्ताः सीताव्यवसितं महत् ॥ ५.५८.८३ ॥
肉食のラークシャシーたちは、無益に吠えて無力となり、シーターの大いなる決意をラーヴァナに報告した。
5.58.84
ततस्ताः सहिताः सर्वा विहताशा निरुद्यमाः।
परिक्लिश्य समस्तास्ता निद्रावशमुपागताः ॥ ५.५८.८४ ॥
すると彼女たちは皆一緒に、望みを打ち砕かれ気力を失い、疲れ果てて眠りの支配下に落ちた。
5.58.85
तासु चैव प्रसुप्तासु सीता भर्तृहिते रता।
विलप्य करुणं दीना प्रशुशोच सुदुःखिता ॥ ५.५८.८५ ॥
彼女たちが皆眠りについた後も、夫の幸いを思うシーターは、哀れに嘆き悲しみ、悲しみに沈んで泣いた。
5.58.86
तासां मध्यात् समुत्थाय त्रिजटा वाक्यमब्रवीत्।
आत्मानं खादत क्षिप्रं न सीतामसितेक्षणाम् ॥ ५.५८.८६ ॥
彼女たちの中から立ち上がったトリジャターは言った。「黒い目のシーターではなく、どうか早く自分たちを食べなさい。」
5.58.87
जनकस्यात्मजां साध्वीं स्नुषां दशरथस्य च।
स्वप्नो ह्यद्य मया दृष्टो दारुणो रोमहर्षणः ॥ ५.५८.८७ ॥
ジャナカの娘、貞淑な十車王の嫁であるシーターについて、私は今日、恐ろしく身の毛もよだつ夢を見た。
5.58.88
रक्षसां च विनाशाय भर्तुरस्या जयाय च।
अलमस्मान् परित्रातुं राघवाद् राक्षसीगणम् ॥ ५.५८.८८ ॥
羅刹の滅亡のため、彼女の夫の勝利のため、そしてラーガヴァから我々を守るため、これは羅刹女の一団にとって十分である。
5.58.89
अभियाचाम वैदेहीमेतद्धि मम रोचते।
यदि ह्येवंविधः स्वप्नो दुःखितायाः प्रदृश्यते ॥ ५.५८.८९ ॥
ヴァイデーヒーに願い出よう。悲しむ彼女にこのような夢が見えているのなら、私にはそれが良いと思える。
5.58.90
सा दुःखैर्विविधैर्मुक्ता सुखमाप्नोत्यनुत्तमम्।
प्रणिपातप्रसन्ना हि मैथिली जनकात्मजा ॥ ५.५८.९० ॥
彼女はさまざまな苦しみから解放され、最高の幸福を得るだろう。ジャナカの娘マイティリーは、恭しい礼拝によって喜ぶのだから。
5.58.91
अलमेषा परित्रातुं राक्षस्यो महतो भयात्।
ततः सा ह्रीमती बाला भर्तुर्विजयहर्षिता ॥ ५.५८.९१ ॥
彼女はこれらのラークシャサ女たちを大きな恐怖から救うことができる。すると、恥じらいの若い女性は夫の勝利に喜んだ。
5.58.92
अवोचद् यदि तत् तथ्यं भवेयं शरणं हि वः।
तां चाहं तादृशीं दृष्ट्वा सीताया दारुणां दशाम् ॥ ५.५८.९२ ॥
彼女は言った。「もしこれが真実なら、私はあなたがたの庇護者となりましょう。」そしてシーターのこのような恐ろしい状態を見て、
5.58.93
चिन्तयामास विश्रान्तो न च मे निर्वृतं मनः।
सम्भाषणार्थे च मया जानक्याश्चिन्तितो विधिः ॥ ५.५८.९३ ॥
休息してから私は思案したが、心は安らがなかった。ジャーナキーと話す方法を考えた。
5.58.94
इक्ष्वाकुकुलवंशस्तु स्तुतो मम पुरस्कृतः।
श्रुत्वा तु गदितां वाचं राजर्षिगणभूषिताम् ॥ ५.५८.९४ ॥
私はイクシュヴァーク族の系譜を讃えて前に置いた。王仙たちの群れによって飾られたその言葉を聞き、
5.58.95
प्रत्यभाषत मां देवी बाष्पैः पिहितलोचना।
कस्त्वं केन कथं चेह प्राप्तो वानरपुङ्गव ॥ ५.५८.९५ ॥
女神は涙に覆われた目で私に答えた。「あなたは誰か、誰によって、どのようにここへ来たのか、猿の中の最上の者よ。」
5.58.96
का च रामेण ते प्रीतिस्तन्मे शंसितुमर्हसि।
तस्यास्तद् वचनं श्रुत्वा अहमप्यब्रुवं वचः ॥ ५.५८.९६ ॥
「あなたとラーマとの間柄は何なのか、それを私に話しなさい。」彼女のその言葉を聞いて、私も答えた。
5.58.97
देवि रामस्य भर्तुस्ते सहायो भीमविक्रमः।
सुग्रीवो नाम विक्रान्तो वानरेन्द्रो महाबलः ॥ ५.५८.९७ ॥
女神よ、あなたの夫ラーマには盟友がいます。スグリーヴァという名の猿王で、恐ろしい武勇を持ち、勇敢で大いなる力の持ち主です。
5.58.98
तस्य मां विद्धि भृत्यं त्वं हनूमन्तमिहागतम्।
भर्त्रा सम्प्रहितस्तुभ्यं रामेणाक्लिष्टकर्मणा ॥ ५.५८.९८ ॥
私は彼の従者ハヌマーンであると知ってください。ここに来ました。疲れを知らぬ行いのあなたの夫ラーマが、あなたのもとへ私を遣わしたのです。
5.58.99
इदं तु पुरुषव्याघ्रः श्रीमान् दाशरथिः स्वयम्।
अङ्गुलीयमभिज्ञानमदात् तुभ्यं यशस्विनि ॥ ५.५८.९९ ॥
この指輪は、人の中の最上の人、栄光あるダシャラタの御子ご自身が、身分の証としてあなたに与えられたものです、栄えある方よ。
5.58.100
तदिच्छामि त्वयाज्ञप्तं देवि किं करवाण्यहम्।
रामलक्ष्मणयोः पार्श्वं नयामि त्वां किमुत्तरम् ॥ ५.५८.१०० ॥
ですから女神よ、どうかご命令ください。私は何をすればよいでしょうか。ラーマとラクシュマナのもとへあなたをお連れするか、それとも別のお返事をなさいますか。
5.58.101
एतच्छ्रुत्वा विदित्वा च सीता जनकनन्दिनी।
आह रावणमुत्पाट्य राघवो मां नयत्विति ॥ ५.५८.१०१ ॥
これを聞き理解して、ジャナカの娘シーターは言った。「ラーガヴァがラーヴァナを根こそぎにして、私を連れて行ってくださいますように。」
5.58.102
प्रणम्य शिरसा देवीमहमार्यामनिन्दिताम्।
राघवस्य मनोह्लादमभिज्ञानमयाचिषम् ॥ ५.५८.१०२ ॥
その女神、高貴で非の打ちどころのない方に頭を垂れて礼をし、ラーガヴァの心を喜ばせる身分の証を求めました。
5.58.103
अथ मामब्रवीत् सीता गृह्यतामयमुत्तमः।
मणिर्येन महाबाहू रामस्त्वां बहु मन्यते ॥ ५.५८.१०३ ॥
するとシーターは私に言った。「この優れた宝珠を受け取りなさい。これによって大腕のラーマはあなたを大いに重んじるのです。」
5.58.104
इत्युक्त्वा तु वरारोहा मणिप्रवरमुत्तमम्।
प्रायच्छत् परमोद्विग्ना वाचा मां संदिदेश ह ॥ ५.५८.१०४ ॥
こう言って、その細い腰の女性は、ひどく動揺しながら、その優れた最上の宝珠を私に渡し、言葉で伝言を託した。
5.58.105
ततस्तस्यै प्रणम्याहं राजपुत्र्यै समाहितः।
प्रदक्षिणं परिक्राममिहाभ्युद्गतमानसः ॥ ५.५८.१०५ ॥
そこで私はその王女に、心を集中して礼拝し、心高らかに、ここで右回りに礼拝の周回をした。
5.58.106
उत्तरं पुनरेवाह निश्चित्य मनसा तदा।
हनूमन् मम वृत्तान्तं वक्तुमर्हसि राघवे ॥ ५.५८.१०६ ॥
そこで彼女は心に決め、再び言った。「ハヌマーン、あなたはラガヴァに私の身の上を語らねばなりません。」
5.58.107
यथा श्रुत्वैव नचिरात् तावुभौ रामलक्ष्मणौ।
सुग्रीवसहितौ वीरावुपेयातां तथा कुरु ॥ ५.५८.१०७ ॥
「聞いたらすぐに、あの二人の英雄、ラーマとラクシュマナが、スグリーヴァとともに、ほどなくここへやって来るように取り計らってください。」
5.58.108
यदन्यथा भवेदेतद् द्वौ मासौ जीवितं मम।
न मां द्रक्ष्यति काकुत्स्थो म्रिये साहमनाथवत् ॥ ५.५८.१०८ ॥
「そうでなければ、私の命はあと二か月しか持たないでしょう。カークツタ（ラーマ）は私に会うことはなく、私は身寄りのない者のように死ぬでしょう。」
5.58.109
तच्छ्रुत्वा करुणं वाक्यं क्रोधो मामभ्यवर्तत।
उत्तरं च मया दृष्टं कार्यशेषमनन्तरम् ॥ ५.५८.१०९ ॥
その哀れな言葉を聞いて、私は怒りに駆られ、すぐに残された務めが見えた。
5.58.110
ततोऽवर्धत मे कायस्तदा पर्वतसंनिभः।
युद्धाकाङ्क्षी वनं तस्य विनाशयितुमारभे ॥ ५.५८.११० ॥
そのとき私の身体は山のように大きくなり、戦いを望んで、彼の林を壊し始めた。
5.58.111
तद् भग्नं वनखण्डं तु भ्रान्तत्रस्तमृगद्विजम्।
प्रतिबुद्ध्य निरीक्षन्ते राक्षस्यो विकृताननाः ॥ ५.५८.१११ ॥
壊された林の一角で、怯え惑う鹿や鳥を見て、目覚めた醜い顔の羅刹女たちは辺りを見回した。
5.58.112
मां च दृष्ट्वा वने तस्मिन् समागम्य ततस्ततः।
ताः समभ्यागताः क्षिप्रं रावणायाचचक्षिरे ॥ ५.५८.११२ ॥
林の中で私を見ると、彼女たちはあちこちから集まり、急いでやって来て、ラーヴァナに報告した。
5.58.113
राजन् वनमिदं दुर्गं तव भग्नं दुरात्मना।
वानरेण ह्यविज्ञाय तव वीर्यं महाबल ॥ ५.५८.११३ ॥
王よ！あなたのこの近づきがたい林は、ひどい猿に壊されました。彼はあなたの力を知らずに、偉大なる方よ。
5.58.114
तस्य दुर्बुद्धिता राजंस्तव विप्रियकारिणः।
वधमाज्ञापय क्षिप्रं यथासौ न पुनर्व्रजेत् ॥ ५.५८.११४ ॥
王よ！あなたに不快を与えたその愚か者を、すぐに死刑に処すよう命じてください。二度と来ないように。
5.58.115
तच्छ्रुत्वा राक्षसेन्द्रेण विसृष्टा बहुदुर्जयाः।
राक्षसाः किंकरा नाम रावणस्य मनोऽनुगाः ॥ ५.५८.११५ ॥
それを聞いた羅刹王は、非常に打ち破りがたく、ラーヴァナの意志に従うキンカラという羅刹たちを送り出した。
5.58.116
तेषामशीतिसाहस्रं शूलमुद्गरपाणिनाम्।
मया तस्मिन् वनोद्देशे परिघेण निषूदितम् ॥ ५.५८.११६ ॥
槍と棍棒を手にしたその者たちのうち八万を、私はあの森の一帯で鉄棒により討ち倒した。
5.58.117
तेषां तु हतशिष्टा ये ते गता लघुविक्रमाः।
निहतं च मया सैन्यं रावणायाचचक्षिरे ॥ ५.५८.११७ ॥
殺戮を免れた者たちは、速やかに勇敢に逃げ去り、軍勢が私によって殺されたことをラーヴァナに報告した。
5.58.118
ततो मे बुद्धिरुत्पन्ना चैत्यप्रासादमुत्तमम्।
तत्रस्थान् राक्षसान् हत्वा शतं स्तम्भेन वै पुनः ॥ ५.५८.११८ ॥
そこで私の心に思いが起きた。あの優れた祠堂の宮殿に立つ百の羅刹を殺した後、柱で再びそれを倒そうと。
5.58.119
ललामभूतो लङ्काया मया विध्वंसितो रुषा।
ततः प्रहस्तस्य सुतं जम्बुमालिनमादिशत् ॥ ५.५८.११९ ॥
ランカの飾りであったその宮殿を、私は怒りに任せて破壊した。すると（ラーヴァナは）プラハスタの息子ジャンブマーリンを私に差し向けた。
5.58.120
राक्षसैर्बहुभिः सार्धं घोररूपैर्भयानकैः।
तमहं बलसम्पन्नं राक्षसं रणकोविदम् ॥ ५.५८.१२० ॥
恐ろしい姿をした多くの恐怖の羅刹たちと共にいた、力に満ち戦いに長けたその羅刹に、私は（立ち向かった）。
5.58.121
परिघेणातिघोरेण सूदयामि सहानुगम्।
तच्छ्रुत्वा राक्षसेन्द्रस्तु मन्त्रिपुत्रान् महाबलान् ॥ ५.५८.१२१ ॥
「恐ろしい鉄棍で、従者たちもろとも彼らを討ち滅ぼそう。」これを聞いた羅刹王は、力強い大臣の息子たちを送り出した。
5.58.122
पदातिबलसम्पन्नान् प्रेषयामास रावणः।
परिघेणैव तान् सर्वान् नयामि यमसादनम् ॥ ५.५८.१२२ ॥
ラーヴァナは歩兵の力を備えた者たちを送り出した。「鉄棍だけで、彼らすべてをヤマの館へ送ってやろう。」
5.58.123
मन्त्रिपुत्रान् हतान् श्रुत्वा समरे लघुविक्रमान्।
पञ्च सेनाग्रगान् शूरान् प्रेषयामास रावणः ॥ ५.५८.१२३ ॥
戦で敏捷な勇者である大臣の息子たちが殺されたと聞き、ラーヴァナは軍の先頭を進む五人の勇士を送り出した。
5.58.124
तानहं सहसैन्यान् वै सर्वानेवाभ्यसूदयम्।
ततः पुनर्दशग्रीवः पुत्रमक्षं महाबलम् ॥ ५.५८.१२४ ॥
私は彼らを軍勢もろとも残らず討ち滅ぼした。すると十頭の王は再び、力強い息子アクシャを送り出した。
5.58.125
बहुभी राक्षसैः सार्धं प्रेषयामास संयुगे।
तं तु मन्दोदरीपुत्रं कुमारं रणपण्डितम् ॥ ५.५८.१२५ ॥
彼は多くの羅刹とともに彼を戦に送り出した。マンドーダリーの息子、戦の術に長けた王子を。
5.58.126
सहसा खं समुद्यन्तं पादयोश्च गृहीतवान्।
तमासीनं शतगुणं भ्रामयित्वा व्यपेषयम् ॥ ५.५८.१२६ ॥
突然に空へ舞い上がった彼の両足を、私はつかんだ。百度振り回して、私は彼を砕き潰した。
5.58.127
तमक्षमागतं भग्नं निशम्य स दशाननः।
ततश्चेन्द्रजितं नाम द्वितीयं रावणः सुतम् ॥ ५.५८.१२७ ॥
アクシャが倒れ、軍が打ち砕かれたと聞いた十頭のラーヴァナは、次いで次男のインドラジットを呼び寄せた。
5.58.128
व्यादिदेश सुसंक्रुद्धो बलिनं युद्धदुर्मदम्।
तच्चाप्यहं बलं सर्वं तं च राक्षसपुङ्गवम् ॥ ५.५८.१२८ ॥
激怒したラーヴァナは、戦に驕るその力強い息子に命じた。私と、私の全軍勢と、あの羅刹の筆頭とを討て、と。
5.58.129
नष्टौजसं रणे कृत्वा परं हर्षमुपागतः।
महतापि महाबाहुः प्रत्ययेन महाबलः ॥ ५.५८.१२९ ॥
戦いで彼の力を奪ったその大臂の大力者は、無上の喜びに満たされ、また大いなる自信も得た。
5.58.130
प्रहितो रावणेनैष सह वीरैर्मदोद्धतैः।
सोऽविषह्यं हि मां बुद्ध्वा स्वसैन्यं चावमर्दितम् ॥ ५.५८.१३० ॥
ラーヴァナが驕れる勇士たちと共に送り出したこのインドラジットは、私が抗しがたい者であり、自軍が蹂躙されたことを知り——
5.58.131
ब्रह्मणोऽस्त्रेण स तु मां प्रबद्ध्वा चातिवेगिनः।
रज्जुभिश्चापि बध्नन्ति ततो मां तत्र राक्षसाः ॥ ५.५८.१३१ ॥
インドラジットはブラフマーの武器で私を縛り上げ、さらにそこの羅刹たちが、疾風のような私を縄でも縛り上げた。
5.58.132
रावणस्य समीपं च गृहीत्वा मामुपागमन्।
दृष्ट्वा सम्भाषितश्चाहं रावणेन दुरात्मना ॥ ५.५८.१३२ ॥
彼らは私を捕らえてラーヴァナの前に連れて行った。私を見た邪悪な心のラーヴァナは、私に話しかけた。
5.58.133
पृष्टश्च लङ्कागमनं राक्षसानां च तं वधम्।
तत्सर्वं च रणे तत्र सीतार्थमुपजल्पितम् ॥ ५.५८.१३३ ॥
ラーヴァナの都ラṅカーへの来訪、羅刹たちの殺戮、そしてそこでシーターのために戦いで起きた一切を尋ねられ、私はすべて語った。
5.58.134
तस्यास्तु दर्शनाकाङ्क्षी प्राप्तस्त्वद्भवनं विभो।
मारुतस्यौरसः पुत्रो वानरो हनुमानहम् ॥ ५.५८.१३४ ॥
彼女に会いたいと願い、主よ、私はあなたの館に来ました。私は風神の実の子であるハヌマーン、猿です。
5.58.135
रामदूतं च मां विद्धि सुग्रीवसचिवं कपिम्।
सोऽहं दौत्येन रामस्य त्वत्सकाशमिहागतः ॥ ५.५८.१३५ ॥
私をラーマの使者であり、スグリーヴァの大臣である猿と知れ。ラーマの使節として、私はここあなたの前に来た。
5.58.136
शृणु चापि समादेशं यदहं प्रब्रवीमि ते।
राक्षसेश हरीशस्त्वां वाक्यमाह समाहितम् ॥ ५.५८.१३६ ॥
羅刹の王よ、私があなたに伝えるメッセージも聞け。猿の王は、よく考えられた言葉をあなたに述べられた。
5.58.137
सुग्रीवश्च महाभागः स त्वां कौशलमब्रवीत्।
धर्मार्थकामसहितं हितं पथ्यमुवाच ह ॥ ५.५८.१३७ ॥
大いなる幸運者スグリーヴァはあなたの安寧を尋ね、法・利・欲に結ばれた益のある、ためになる言葉を述べられた。
5.58.138
वसतो ऋष्यमूके मे पर्वते विपुलद्रुमे।
राघवो रणविक्रान्तो मित्रत्वं समुपागतः ॥ ५.५८.१३८ ॥
木々の豊かなリシュヤムーカ山に私が住んでいたとき、戦いに勇猛なラーガヴァは私と友情を結んだ。
5.58.139
तेन मे कथितं राजन् भार्या मे रक्षसा हृता।
तत्र साहाय्यहेतोर्मे समयं कर्तुमर्हसि ॥ ५.५८.१३९ ॥
王よ、彼は私に、私の妻が羅刹に奪われたと告げた。だから彼を助けるために、あなたは私と盟約を結ぶべきである。
5.58.140
वालिना हृतराज्येन सुग्रीवेण सह प्रभुः।
चक्रेऽग्निसाक्षिकं सख्यं राघवः सहलक्ष्मणः ॥ ५.५८.१४० ॥
ヴァーリンに王国を奪われたスグリーヴァと、ラクシュマナとともに主ラーガヴァは、火を証人として友情を結んだ。
5.58.141
तेन वालिनमाहत्य शरेणैकेन संयुगे।
वानराणां महाराजः कृतः सम्प्लवतां प्रभुः ॥ ५.५८.१४१ ॥
彼は戦場で一本の矢によってヴァーリンを倒し、跳ね回る猿たちの大王にして主としてスグリーヴァを立てた。
5.58.142
तस्य साहाय्यमस्माभिः कार्यं सर्वात्मना त्विह।
तेन प्रस्थापितस्तुभ्यं समीपमिह धर्मतः ॥ ५.५८.१४२ ॥
我々はここで全身全霊をもって彼を助けねばならない。彼によって、正しく私はあなたのもとへ遣わされたのだ。
5.58.143
क्षिप्रमानीयतां सीता दीयतां राघवस्य च।
यावन्न हरयो वीरा विधमन्ति बलं तव ॥ ५.५८.१४३ ॥
勇猛な猿たちがあなたの軍を散らす前に、シーターを速やかに連れてきて、ラーガヴァに返しなさい。
5.58.144
वानराणां प्रभावोऽयं न केन विदितः पुरा।
देवतानां सकाशं च ये गच्छन्ति निमन्त्रिताः ॥ ५.५८.१४४ ॥
神々のもとへ招かれて赴く猿たちのこの力は、以前は誰にも知られていなかった。
5.58.145
मामैक्षत ततो रुष्टश्चक्षुषा प्रदहन्निव ॥ ५.५८.१४५ ॥
すると怒った彼は、私を焼き尽くすかのような目で見た。
5.58.146
तेन वध्योऽहमाज्ञप्तो रक्षसा रौद्रकर्मणा।
मत्प्रभावमविज्ञाय रावणेन दुरात्मना ॥ ५.५८.१४६ ॥
残酷な行いの羅刹、邪悪なラーヴァナは、私の力を知らずに、私を殺すよう命じた。
5.58.147
ततो विभीषणो नाम तस्य भ्राता महामतिः।
तेन राक्षसराजश्च याचितो मम कारणात् ॥ ५.५८.१४७ ॥
すると彼の兄、大いなる知恵を持つヴィビーシャナが、私のために羅刹王に懇願した。
5.58.148
नैवं राक्षसशार्दूल त्यज्यतामेष निश्चयः।
राजशास्त्रव्यपेतो हि मार्गः संलक्ष्यते त्वया ॥ ५.५८.१४८ ॥
いけない、羅刹の中の虎よ。この決意を捨てよ。お前の進む道は王の教えから外れているように見える。
5.58.149
दूतवध्या न दृष्टा हि राजशास्त्रेषु राक्षस।
दूतेन वेदितव्यं च यथाभिहितवादिना ॥ ५.५८.१४९ ॥
羅刹よ、王の教典には使者を殺すべしとは見られない。使者は言い付けられたとおりに語る者と知るべきである。
5.58.150
सुमहत्यपराधेऽपि दूतस्यातुलविक्रम।
विरूपकरणं दृष्टं न वधोऽस्ति हि शास्त्रतः ॥ ५.५८.१५० ॥
比類なき勇者よ、使者に対する非常に大きな過ちにあっても、罰として見られるのは身体の損傷のみであり、典籍によれば殺すことはない。
5.58.151
विभीषणेनैवमुक्तो रावणः संदिदेश तान्।
राक्षसानेतदेवाद्य लाङ्गूलं दह्यतामिति ॥ ५.५८.१५१ ॥
ヴィビーシャナにそう言われ、ラーヴァナはその羅刹たちに命じた。「今日のうちにこの者の尾を焼け」と。
5.58.152
ततस्तस्य वचः श्रुत्वा मम पुच्छं समन्ततः।
वेष्टितं शणवल्कैश्च पट्टैः कार्पासकैस्तथा ॥ ५.५८.१५२ ॥
彼の言葉を聞くと、彼らは私の尾を麻の繊維、樹皮、布切れ、綿で四方から巻きつけた。
5.58.153
राक्षसाः सिद्धसंनाहास्ततस्ते चण्डविक्रमाः।
तदादीप्यन्त मे पुच्छं हनन्तः काष्ठमुष्टिभिः ॥ ५.५८.१५३ ॥
すると、武装を整えた猛勇の羅刹たちは木の拳で打ちながら私の尾に火をつけた。
5.58.154
बद्धस्य बहुभिः पाशैर्यन्त्रितस्य च राक्षसैः।
न मे पीडाभवत् काचिद् दिदृक्षोर्नगरीं दिवा ॥ ५.५८.१५४ ॥
羅刹たちに多くの縄で縛られ締め上げられても、私は昼間に町を見たいという思いから、少しも痛みを感じなかった。
5.58.155
ततस्ते राक्षसाः शूरा बद्धं मामग्निसंवृतम्।
अघोषयन् राजमार्गे नगरद्वारमागताः ॥ ५.५८.१५५ ॥
すると勇猛な羅刹たちは、縛られ火に包まれた私を城門まで連れて行き、王道で触れ回った。
5.58.156
ततोऽहं सुमहद्रूपं संक्षिप्य पुनरात्मनः।
विमोचयित्वा तं बन्धं प्रकृतिस्थः स्थितः पुनः ॥ ५.५८.१५६ ॥
そこで私は巨大な姿を再び縮め、その縛めを解いて、元の自然な姿でまた立った。
5.58.157
आयसं परिघं गृह्य तानि रक्षांस्यसूदयम्।
ततस्तन्नगरद्वारं वेगेन प्लुतवानहम् ॥ ५.५८.१५७ ॥
鉄の棍棒を取り、私はあの羅刹たちを討った。そして素早くその城門へ跳んだ。
5.58.158
पुच्छेन च प्रदीप्तेन तां पुरीं साट्टगोपुराम्।
दहाम्यहमसम्भ्रान्तो युगान्ताग्निरिव प्रजाः ॥ ५.५८.१५८ ॥
燃える尾であの都を、その楼閣と城門もろとも、動じることなく焼いた。ちょうど劫末の火が生きとし生けるものを焼くように。
5.58.159
विनष्टा जानकी व्यक्तं न ह्यदग्धः प्रदृश्यते।
लङ्कायाः कश्चिदुद्देशः सर्वा भस्मीकृता पुरी ॥ ५.५८.१५९ ॥
ジャーナキーは確かに滅びたのだ。ランカのどこにも焼けていない所が見えない。都全体が灰にされたのだから。
5.58.160
दहता च मया लङ्कां दग्धा सीता न संशयः।
रामस्य च महत्कार्यं मयेदं विफलीकृतम् ॥ ५.५८.१६० ॥
ランカを焼くことで、疑いなくシーターも私によって焼かれてしまった。そして私によってラーマの大事業も水の泡となった。
5.58.161
ततोऽहं वाचमश्रौषं चारणानां शुभाक्षराम् ॥ ५.५८.१६१ ॥
そのとき私は、吉祥の音節を持つチャーラナたちの言葉を聞いた。
5.58.162
जानकी न च दग्धेति विस्मयोदन्तभाषिणाम्।
ततो मे बुद्धिरुत्पन्ना श्रुत्वा तामद्भुतां गिरम् ॥ ५.५८.१६२ ॥
「ジャーナキーは焼かれていない」——驚きをもって語られたその不思議な言葉を聞き、私の心に一つの考えが生じた。
5.58.163
अदग्धा जानकीत्येव निमित्तैश्चोपलक्षितम्।
दीप्यमाने तु लाङ्गूले न मां दहति पावकः ॥ ५.५८.१६३ ॥
ジャーナキーは焼かれていない。これは兆しによっても確かめられた。尾が燃えていても、火は私を焼かない。
5.58.164
हृदयं च प्रहृष्टं मे वाताः सुरभिगन्धिनः।
तैर्निमित्तैश्च दृष्टार्थैः कारणैश्च महागुणैः ॥ ५.५८.१६४ ॥
私の心は喜びに満ち、芳しい風が吹いている。その兆し、目に見える徴、そして大いなる徳の理由によって、[私は喜ぶ]。
5.58.165
ऋषिवाक्यैश्च दृष्टार्थैरभवं हृष्टमानसः।
पुनर्दृष्टा च वैदेही विसृष्टश्च तया पुनः ॥ ५.५८.१६५ ॥
聖仙たちの言葉と目に見える徴によって、私の心は喜んだ。ヴァイデーヒーに再び会い、彼女から再び別れを告げられた。
5.58.166
ततः पर्वतमासाद्य तत्रारिष्टमहं पुनः।
प्रतिप्लवनमारेभे युष्मद्दर्शनकाङ्क्षया ॥ ५.५८.१६६ ॥
それからその山に着き、そこアリシュタの上から、あなた方に会いたい一心で、私は再び跳び始めた。
5.58.167
ततः श्वसनचन्द्रार्कसिद्धगन्धर्वसेवितम्।
पन्थानमहमाक्रम्य भवतो दृष्टवानिह ॥ ५.५८.१६७ ॥
それから風、月、太陽、シッダとガンダルヴァが仕える道を渡り、ここであなた方を見た。
5.58.168
राघवस्य प्रसादेन भवतां चैव तेजसा।
सुग्रीवस्य च कार्यार्थं मया सर्वमनुष्ठितम् ॥ ५.५८.१६८ ॥
ラーガヴァの恩寵と、あなた方の威光によって、スグリーヴァの任務のために、私はすべてを成し遂げた。
5.58.169
एतत् सर्वं मया तत्र यथावदुपपादितम्।
तत्र यन्न कृतं शेषं तत् सर्वं क्रियतामिति ॥ ५.५८.१६९ ॥
そこでこれらすべてを私は適切に成し遂げた。そこで成されずに残ったものは、すべて今まさに成されるべきである。