蚁垤《罗摩衍那》 · 篇 6.33
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.33.1
सीतां तु मोहितां दृष्ट्वा सरमा नाम राक्षसी।
आससादाथ वैदेहीं प्रियां प्रणयिनी सखीम् ॥ ६.३३.१ ॥
罗刹女萨拉玛见悉多昏迷，便走近她那亲爱而深情的朋友毗提诃。
6.33.2
मोहितां राक्षसेन्द्रेण सीतां परमदुःखिताम्।
आश्वासयामास तदा सरमा मृदुभाषिणी ॥ ६.३३.२ ॥
悉多被罗刹王所迷惑，极为悲伤，此时温言细语的萨拉玛安慰了她。
6.33.3
सा हि तत्र कृता मित्रं सीतया रक्ष्यमाणया।
रक्षन्ती रावणादिष्टा सानुक्रोशा दृढव्रता ॥ ६.३३.३ ॥
她在那里受悉多庇护而成为朋友；奉罗波那之命看守悉多，她慈悲而意志坚定。
6.33.4
सा ददर्श सखी सीतां सरमा नष्टचेतनाम्।
उपावृत्योत्थितां ध्वस्तां वडवामिव पांसुषु ॥ ६.३३.४ ॥
那位朋友萨拉玛看见悉多失去知觉，就像一匹母马倒在尘土中，站起又再次倒下。
6.33.5
तां समाश्वासयामास सखीस्नेहेन सुव्रताम्।
समाश्वसिहि वैदेहि मा भूत् ते मनसो व्यथा।
उक्ता यद् रावणेन त्वं प्रयुक्तश्च स्वयं त्वया ॥ ६.३३.५ ॥
她出于朋友之情，安慰守善誓的悉多："毗提诃，请宽心，愿你心中不再忧苦。罗波那所说的，以及你自己所引发的——
6.33.6
सखीस्नेहेन तद् भीरु मया सर्वं प्रतिश्रुतम्।
लीनया गहने शून्ये भयमुत्सृज्य रावणात्।
तव हेतोर्विशालाक्षि नहि मे रावणाद् भयम् ॥ ६.३३.६ ॥
胆怯的人啊，出于朋友之情，我已答应了这一切。我藏身于幽深寂寞之处，抛开对罗波那的恐惧，大眼的人啊，为了你——我对罗波那并无恐惧。
6.33.7
स सम्भ्रान्तश्च निष्क्रान्तो यत्कृते राक्षसेश्वरः।
तत्र मे विदितं सर्वमभिनिष्क्रम्य मैथिलि ॥ ६.३३.७ ॥
噢，弥提罗之女！罗刹王因何慌乱而去，我从那里出来后全都知道了。
6.33.8
न शक्यं सौप्तिकं कर्तुं रामस्य विदितात्मनः।
वधश्च पुरुषव्याघ्रे तस्मिन् नैवोपपद्यते ॥ ६.३३.८ ॥
对自知自律的罗摩进行夜间偷袭是不可能的；杀害那位人中猛虎也绝不适宜。
6.33.9
न त्वेवं वानरा हन्तुं शक्याः पादपयोधिनः।
सुरा देवर्षभेणेव रामेण हि सुरक्षिताः ॥ ६.३३.९ ॥
然而，以脚与树木作战的猴族不能这样被杀；他们由神中之牛罗摩所守护，如同众神一般受到妥善保护。
6.33.10
दीर्घवृत्तभुजः श्रीमान् महोरस्कः प्रतापवान्।
धन्वी संनहनोपेतो धर्मात्मा भुवि विश्रुतः ॥ ६.३३.१० ॥
罗摩，双臂修长圆润，光荣，胸膛宽阔，威力强大，持弓披甲，心怀正法，名闻大地。
6.33.11
विक्रान्तो रक्षिता नित्यमात्मनश्च परस्य च।
लक्ष्मणेन सह भ्रात्रा कुलीनो नयशास्त्रवित् ॥ ६.३३.११ ॥
勇猛，常护自己与他人，与弟弟罗什曼那同在，出身高贵，精通治国之道与行为之学。
6.33.12
हन्ता परबलौघानामचिन्त्यबलपौरुषः।
न हतो राघवः श्रीमान् सीते शत्रुनिबर्हणः ॥ ६.३३.१२ ॥
他是摧毁敌军洪流的人，拥有不可思议的力量与勇武。噢，悉多，光荣的罗怙后裔并未被杀，他是歼灭敌人者。
6.33.13
अयुक्तबुद्धिकृत्येन सर्वभूतविरोधिना।
एवं प्रयुक्ता रौद्रेण माया मायाविना त्वयि ॥ ६.३३.१३ ॥
那位心术与行为皆不正、与一切众生为敌的残暴幻术师，将这幻术施加于你身上。
6.33.14
शोकस्ते विगतः सर्वकल्याणं त्वामुपस्थितम्।
ध्रुवं त्वां भजते लक्ष्मीः प्रियं ते भवति शृणु ॥ ६.३३.१४ ॥
你的悲伤已经消散，一切吉祥已降临你身。吉祥女神必定眷顾你；请听，这对你是喜悦的。
6.33.15
उत्तीर्य सागरं रामः सह वानरसेनया।
संनिविष्टः समुद्रस्य तीरमासाद्य दक्षिणम् ॥ ६.३३.१५ ॥
罗摩与猴军渡过大海，抵达海之南岸，在那里驻扎下来。
6.33.16
दृष्टो मे परिपूर्णार्थः काकुत्स्थः सहलक्ष्मणः।
सहितैः सागरान्तस्थैर्बलैस्तिष्ठति रक्षितः ॥ ६.३३.१६ ॥
我已见到目的圆满的迦古特斯塔罗摩与罗什曼那，他正被聚集在海边的军队所守护。
6.33.17
अनेन प्रेषिता ये च राक्षसा लघुविक्रमाः।
राघवस्तीर्ण इत्येवं प्रवृत्तिस्तैरिहाहृता ॥ ६.३३.१७ ॥
他所派遣的、勇捷的罗刹们将罗伽婆已渡海的消息带到了这里。
6.33.18
स तां श्रुत्वा विशालाक्षि प्रवृत्तिं राक्षसाधिपः।
एष मन्त्रयते सर्वैः सचिवैः सह रावणः ॥ ६.३३.१८ ॥
大眼睛的人啊，罗刹之主罗波那听到那消息后，正与他所有的大臣在此商议。
6.33.19
सर्वोद्योगेन सैन्यानां शब्दं शुश्राव भैरवम् ॥ ६.३३.१९ ॥
众军全力行动，他听到了可怖的喧声。
6.33.20
दण्डनिर्घातवादिन्याः श्रुत्वा भेर्या महास्वनम्।
उवाच सरमा सीतामिदं मधुरभाषिणी ॥ ६.३३.२० ॥
闻听战鼓之巨响，其声如棍棒击打般轰鸣，言语温柔的萨罗摩对悉多说了这番话。
6.33.21
संनाहजननी ह्येषा भैरवा भीरु भेरिका।
भेरीनादं च गम्भीरं शृणु तोयदनिःस्वनम् ॥ ६.३३.२१ ॥
此战鼓是披甲之源，极为可怖。胆怯的人啊，听那如乌云雷鸣般深沉的鼓声。
6.33.22
कल्प्यन्ते मत्तमातङ्गा युज्यन्ते रथवाजिनः।
दृश्यन्ते तुरगारूढाः प्रासहस्ताः सहस्रशः ॥ ६.३३.२२ ॥
狂象正被装备，战车之马正被套上，成千上万手持长矛的骑兵清晰可见。
6.33.23
तत्र तत्र च संनद्धाः सम्पतन्ति सहस्रशः।
आपूर्यन्ते राजमार्गाः सैन्यैरद्भुतदर्शनैः ॥ ६.३३.२३ ॥
此处彼处，成千上万披甲的战士疾奔而出，王道之上充满了形貌奇异的军队。
6.33.24
वेगवद्भिर्नदद्भिश्च तोयौघैरिव सागरः।
शस्त्राणां च प्रसन्नानां चर्मणां वर्मणां तथा ॥ ६.३३.२४ ॥
疾速咆哮的大军如同注满水流的大海；闪亮的兵器、盾牌与铠甲也是如此。
6.33.25
रथवाजिगजानां च राक्षसेन्द्रानुयायिनाम्।
सम्भ्रमो रक्षसामेष हृषितानां तरस्विनाम् ॥ ६.३३.२५ ॥
这是战车、战马、战象之间的骚动，也是跟随罗刹王的那些激昂而迅猛的罗刹之间的骚动。
6.33.26
प्रभां विसृजतां पश्य नानावर्णसमुत्थिताम्।
वनं निर्दहतो घर्मे यथा रूपं विभावसोः ॥ ६.३३.२६ ॥
看他们散发的光芒，升起多种颜色，宛如夏日焚烧森林的火焰之形。
6.33.27
घण्टानां शृणु निर्घोषं रथानां शृणु निःस्वनम्।
हयानां हेषमाणानां शृणु तूर्यध्वनिं तथा ॥ ६.३३.२७ ॥
听那钟声的轰鸣，听战车的隆隆之声，听战马的嘶鸣，也听那号角的声音。
6.33.28
उद्यतायुधहस्तानां राक्षसेन्द्रानुयायिनाम्।
सम्भ्रमो रक्षसामेष तुमुलो लोमहर्षणम् ॥ ६.३३.२८ ॥
这是手持举起兵器、跟随罗刹王的罗刹们的骚动；这阵喧嚣令人毛骨悚然。
6.33.29
श्रीस्त्वां भजति शोकघ्नी रक्षसां भयमागतम्।
रामः कमलपत्राक्षो दैत्यानामिव वासवः ॥ ६.३३.२९ ॥
消除忧愁的吉祥女神正来亲近你。恐惧已降临罗刹。莲花瓣般眼睛的罗摩将会来到，如因陀罗降临于达提亚之上。
6.33.30
अवजित्य जितक्रोधस्तमचिन्त्यपराक्रमः।
रावणं समरे हत्वा भर्ता त्वाधिगमिष्यति ॥ ६.३३.३० ॥
战胜了愤怒、拥有难以想象之勇力的罗摩，将击败他，在战场上杀死罗波那，然后以你的丈夫身份迎娶你。
6.33.31
विक्रमिष्यति रक्षःसु भर्ता ते सहलक्ष्मणः।
यथा शत्रुषु शत्रुघ्नो विष्णुना सह वासवः ॥ ६.३३.३१ ॥
你的丈夫与罗什曼那一起将在罗刹之中施展威勇，正如舍度卢娜在敌人之中、因陀罗与毗湿奴同在一样。
6.33.32
आगतस्य हि रामस्य क्षिप्रमङ्कागतां सतीम्।
अहं द्रक्ष्यामि सिद्धार्थां त्वां शत्रौ विनिपातिते ॥ ६.३३.३२ ॥
待罗摩到来、敌人被击倒之后，我很快便会看到你坐在他的膝上，作为目的已达成的贞洁妻子。
6.33.33
अस्राण्यानन्दजानि त्वं वर्तयिष्यसि जानकि।
समागम्य परिष्वक्ता तस्योरसि महोरसः ॥ ६.३३.३३ ॥
哦，闍那吉，你与他相见，被拥入他宽阔的胸膛，将洒下喜悦的泪水。
6.33.34
अचिरान्मोक्ष्यते सीते देवि ते जघनं गताम्।
धृतामेकां बहून् मासान् वेणीं रामो महाबलः ॥ ६.३३.३४ ॥
悉多啊，女神啊，那垂至你腰际、多月来只结成一条辫子的长发，大力的罗摩不久便会将它解开。
6.33.35
तस्य दृष्ट्वा मुखं देवि पूर्णचन्द्रमिवोदितम्।
मोक्ष्यसे शोकजं वारि निर्मोकमिव पन्नगी ॥ ६.३३.३५ ॥
女神啊，看到他那如升起的满月般的面容，你将弃去由悲伤而生的泪水，正如蛇女脱去蛇皮。
6.33.36
रावणं समरे हत्वा नचिरादेव मैथिलि।
त्वया समग्रः प्रियया सुखार्हो लप्स्यते सुखम् ॥ ६.३३.३६ ॥
摩提利啊，在战场上杀死罗波那之后，那值得享有幸福的人，不久便将与你这位心爱之人一同获得完满的幸福。
6.33.37
सभाजिता त्वं रामेण मोदिष्यसि महात्मना।
सुवर्षेण समायुक्ता यथा सस्येन मेदिनी ॥ ६.३३.३७ ॥
你将受到大德的罗摩的尊重而欢喜，正如得到良雨滋润的大地因庄稼而欢喜。
6.33.38
गिरिवरमभितो विवर्तमानो
हय इव मण्डलमाशु यः करोति।
तमिह शरणमभ्युपैहि देवि
दिवसकरं प्रभवो ह्ययं प्रजानाम् ॥ ६.३३.३८ ॥
女神啊，请到这里来寻求庇护吧，那位围绕最尊的山迅速旋转、如马绕圈一般的，正是诸生之主——太阳。