Vālmīki Rāmāyaṇa · Sarga 6.59
हिन्दी · தமிழ் · తెలుగు · ಕನ್ನಡ · മലയാളം · বাংলা · मराठी · ગુજરાતી · ਪੰਜਾਬੀ · ଓଡ଼ିଆ · اردو · English · Español · Français · Deutsch · Português · Русский · 中文 · 日本語 · العربية · Bahasa Indonesia · ไทย
6.59.1
तस्मिन् हते राक्षससैन्यपाले
प्लवंगमानामृषभेण युद्धे।
भीमायुधं सागरवेगतुल्यं
विदुद्रुवे राक्षसराजसैन्यम् ॥ ६.५९.१ ॥
When the protector of the rākṣasa army was slain in battle by the foremost of the monkeys, the army of the rākṣasa king, with terrible weapons and as swift as the surge of the ocean, fled in all directions.
6.59.2
गत्वा तु रक्षोधिपतेः शशंसुः
सेनापतिं पावकसूनुशस्तम्।
तच्चापि तेषां वचनं निशम्य
रक्षोधिपः क्रोधवशं जगाम ॥ ६.५९.२ ॥
Having gone, they reported to the lord of the rākṣasas that the commander had been slain by Agni's son. Hearing their words, the lord of the rākṣasas was overcome by anger.
6.59.3
संख्ये प्रहस्तं निहतं निशम्य
क्रोधार्दितः शोकपरीतचेताः।
उवाच तान् राक्षसयूथमुख्या-
निन्द्रो यथा निर्जरयूथमुख्यान् ॥ ६.५९.३ ॥
Hearing that Prahasta had been slain in battle, tormented by anger and with his mind seized by grief, he spoke to those chiefs of the rākṣasa troops as Indra speaks to the chiefs of the host of gods.
6.59.4
नावज्ञा रिपवे कार्या यैरिन्द्रबलसादनः।
सूदितः सैन्यपालो मे सानुयात्रः सकुञ्जरः ॥ ६.५९.४ ॥
Do not show contempt toward the enemy by whom the destroyer of Indra's host, the protector of my army, was slain together with his retinue and elephants.
6.59.5
सोऽहं रिपुविनाशाय विजयायाविचारयन्।
स्वयमेव गमिष्यामि रणशीर्षं तदद्भुतम् ॥ ६.५९.५ ॥
Therefore I myself, without hesitation, for the destruction of the enemy and for victory, shall go to the front of that marvellous battle.
6.59.6
अद्य तद् वानरानीकं रामं च सहलक्ष्मणम्।
निर्दहिष्यामि बाणौघैर्वनं दीप्तैरिवाग्निभिः।
अद्य संतर्पयिष्यामि पृथिवीं कपिशोणितैः ॥ ६.५९.६ ॥
Today I will burn that host of monkeys and Rāma together with Lakṣmaṇa with floods of arrows, as blazing fires burn a forest. Today I will satisfy the earth with the blood of monkeys.
6.59.7
स एवमुक्त्वा ज्वलनप्रकाशं
रथं तुरंगोत्तमराजियुक्तम्।
प्रकाशमानं वपुषा ज्वलन्तं
समारुरोहामरराजशत्रुः ॥ ६.५९.७ ॥
Having spoken thus, he mounted the chariot, blazing like fire, yoked with a row of excellent horses, gleaming and burning with the radiance of its own form—he who was the enemy of the lord of the gods.
6.59.8
स शङ्खभेरीपणवप्रणादै-
रास्फोटितक्ष्वेडितसिंहनादैः ।
पुण्यैः स्तवैश्चापि सुपूज्यमान-
स्तदा ययौ राक्षसराजमुख्यः ॥ ६.५९.८ ॥
Amid the sounds of conch, kettledrum and tabor, the clapping, roaring and lion-like cries, and honoured with auspicious praises, the foremost of the rākṣasa kings then set out.
6.59.9
स शैलजीमूतनिकाशरूपै-
र्मांसाशनैः पावकदीप्तनेत्रैः।
बभौ वृतो राक्षसराजमुख्यो
भूतैर्वृतो रुद्र इवामरेशः ॥ ६.५९.९ ॥
Surrounded by rākṣasas whose forms were like mountains and clouds, flesh-eaters with eyes blazing like fire, the foremost of the rākṣasa kings shone like Rudra surrounded by spirits, like the lord of the immortals.
6.59.10
ततो नगर्याः सहसा महौजा
निष्क्रम्य तद् वानरसैन्यमुग्रम्।
महार्णवाभ्रस्तनितं ददर्श
समुद्यतं पादपशैलहस्तम् ॥ ६.५९.१० ॥
Then, suddenly coming out from the city, the mighty one saw that fierce army of monkeys, thundering like the clouds of the great ocean, with trees and mountains raised in their hands.
6.59.11
तद् राक्षसानीकमतिप्रचण्ड-
मालोक्य रामो भुजगेन्द्रबाहुः।
विभीषणं शस्त्रभृतां वरिष्ठ-
मुवाच सेनानुगतः पृथुश्रीः ॥ ६.५९.११ ॥
Seeing that rākṣasa army, most fierce, Rāma—arms like the lord of serpents, of great splendour, accompanied by his army—spoke to Vibhīṣaṇa, the best of those who bear weapons.
6.59.12
नानापताकाध्वजछत्रजुष्टं
प्रासासिशूलायुधशस्त्रजुष्टम्।
कस्येदमक्षोभ्यमभीरुजुष्टं
सैन्यं महेन्द्रोपमनागजुष्टम् ॥ ६.५९.१२ ॥
Filled with many banners, standards and parasols, furnished with spears, swords, tridents and other weapons, served by fearless warriors and elephants like Indra's own — whose is this unshakable army?
6.59.13
ततस्तु रामस्य निशम्य वाक्यं
विभीषणः शक्रसमानवीर्यः।
शशंस रामस्य बलप्रवेकं
महात्मनां राक्षसपुंगवानाम् ॥ ६.५९.१३ ॥
Then, having heard Rāma's words, Vibhīṣaṇa, whose valour equalled Indra's, described to Rāma the strength and prowess of the great-souled chief rākṣasas.
6.59.14
योऽसौ गजस्कन्धगतो महात्मा
नवोदितार्कोपमताम्रवक्त्रः।
संकम्पयन्नागशिरोऽभ्युपैति
ह्यकम्पनं त्वेनमवेहि राजन् ॥ ६.५९.१४ ॥
O king, that great-souled one seated on the elephant's shoulder, his face red like the newly risen sun, who approaches making the elephant's head tremble — know him to be Akampana, the Unshaken.
6.59.15
योऽसौ रथस्थो मृगराजकेतु-
र्धुन्वन् धनुः शक्रधनुःप्रकाशम्।
करीव भात्युग्रविवृत्तदंष्ट्रः
स इन्द्रजिन्नाम वरप्रधानः ॥ ६.५९.१५ ॥
That one standing on the chariot, whose banner bears the lion, shaking his bow that gleams like Indra's rainbow, shining like an elephant with terrible bared tusks — he is Indrajit, foremost of the excellent.
6.59.16
यश्चैष विन्ध्यास्तमहेन्द्रकल्पो
धन्वी रथस्थोऽतिरथोऽतिवीरः।
विस्फारयंश्चापमतुल्यमानं
नाम्नातिकायोऽतिविवृद्धकायः ॥ ६.५९.१६ ॥
And this one, like the Vindhya and Mahendra mountains, an archer standing on his chariot, a great charioteer and mighty hero, drawing a bow of incomparable measure — by name Atikāya, of immensely vast body.
6.59.17
योऽसौ नवार्कोदितताम्रचक्षु-
रारुह्य घण्टानिनदप्रणादम्।
गजं खरं गर्जति वै महात्मा
महोदरो नाम स एष वीरः ॥ ६.५९.१७ ॥
He whose eyes are red like the newly risen sun, who mounts an elephant or a donkey and roars with a sound like the clanging of bells — that great-souled hero is named Mahodara.
6.59.18
योऽसौ हयं काञ्चनचित्रभाण्ड-
मारुह्य संध्याभ्रगिरिप्रकाशम्।
प्रासं समुद्यम्य मरीचिनद्धं
पिशाच एषोऽशनितुल्यवेगः ॥ ६.५९.१८ ॥
He who comes mounted on a horse with a golden, variegated harness, shining like a mountain of evening clouds, raising a spear bound with rays of light — this goblin is swift as a thunderbolt.
6.59.19
यश्चैष शूलं निशितं प्रगृह्य
विद्युत्प्रभं किंकरवज्रवेगम्।
वृषेन्द्रमास्थाय शशिप्रकाश-
मायाति योऽसौ त्रिशिरा यशस्वी ॥ ६.५९.१९ ॥
And this one who comes bearing a sharp trident, gleaming like lightning, swift as the thunderbolt of Kiṅkara, mounted on a foremost bull that shines like the moon — that famous three-headed one is Triśirā.
6.59.20
असौ च जीमूतनिकाशरूपः
कुम्भः पृथुव्यूढसुजातवक्षाः।
समाहितः पन्नगराजकेतु-
र्विस्फारयन् याति धनुर्विधुन्वन् ॥ ६.५९.२० ॥
And this one, with a form like a storm cloud, is Kumbha, broad-chested with a wide and well-formed chest, his banner bearing the king of serpents; composed and stretching his bow, he advances while shaking it.
6.59.21
यश्चैष जाम्बूनदवज्रजुष्टं
दीप्तं सधूमं परिघं प्रगृह्य।
आयाति रक्षोबलकेतुभूतो
योऽसौ निकुम्भोऽद्भुतघोरकर्मा ॥ ६.५९.२१ ॥
And this one who comes bearing an iron club set with gold and diamonds, blazing and smoking, the banner of the rākṣasa host — that Nikumbha, of wondrous and terrible deeds.
6.59.22
यश्चैष चापासिशरौघजुष्टं
पताकिनं पावकदीप्तरूपम्।
रथं समास्थाय विभात्युदग्रो
नरान्तकोऽसौ नगशृङ्गयोधी ॥ ६.५९.२२ ॥
And this one who shines aloft, mounted on a bannered chariot blazing like fire, crowded with bows, swords and a flood of arrows — the warrior like a mountain peak, destroyer of men: he is that one.
6.59.23
यश्चैष नानाविधघोररूपै-
र्व्याघ्रोष्ट्रनागेन्द्रमृगाश्ववक्त्रैः ।
भूतैर्वृतो भाति विवृत्तनेत्रै-
र्योऽसौ सुराणामपि दर्पहन्ता ॥ ६.५९.२३ ॥
And this one who shines, surrounded by spirits of many terrible forms, with faces of tigers, camels, great elephants, deer and horses, with rolling eyes — he who destroys even the pride of the gods: he is that one.
6.59.24
यत्रैतदिन्दुप्रतिमं विभाति
छत्रं सितं सूक्ष्मशलाकमग्र्यम्।
अत्रैष रक्षोधिपतिर्महात्मा
भूतैर्वृतो रुद्र इवावभाति ॥ ६.५९.२४ ॥
Where this excellent white umbrella, like the moon, with its fine ribs, gleams — there this great-souled lord of the rakshasas, surrounded by spirits, appears like Rudra.
6.59.25
असौ किरीटी चलकुण्डलास्यो
नगेन्द्रविन्ध्योपमभीमकायः।
महेन्द्रवैवस्वतदर्पहन्ता
रक्षोधिपः सूर्य इवावभाति ॥ ६.५९.२५ ॥
This crowned one, his face adorned with swinging earrings, terrible of body like the Vindhya, king of mountains, destroyer of the pride of Indra and Yama — the lord of the rakshasas appears like the sun.
6.59.26
प्रत्युवाच ततो रामो विभीषणमरिंदमः।
अहो दीप्तमहातेजा रावणो राक्षसेश्वरः ॥ ६.५९.२६ ॥
Then Rāma, subduer of enemies, replied to Vibhīṣaṇa: "Ah! How blazing with great splendour is Rāvaṇa, lord of the rakshasas!"
6.59.27
आदित्य इव दुष्प्रेक्ष्यो रश्मिभिर्भाति रावणः।
न व्यक्तं लक्षये ह्यस्य रूपं तेजःसमावृतम् ॥ ६.५९.२७ ॥
Rāvaṇa shines with rays, hard to look upon like the sun; I do not clearly perceive his form, for it is enveloped in splendour.
6.59.28
देवदानववीराणां वपुर्नैवंविधं भवेत्।
यादृशं राक्षसेन्द्रस्य वपुरेतद् विराजते ॥ ६.५९.२८ ॥
The body of the heroes of gods and demons could not be like this; yet this body of the lord of the rākṣasas shines so.
6.59.29
सर्वे पर्वतसंकाशाः सर्वे पर्वतयोधिनः।
सर्वे दीप्तायुधधरा योधास्तस्य महात्मनः ॥ ६.५९.२९ ॥
All were like mountains, all fought like mountains, all bore blazing weapons—the warriors of that great-souled one.
6.59.30
विभाति रक्षोराजोऽसौ प्रदीप्तैर्भीमदर्शनैः।
भूतैः परिवृतस्तीक्ष्णैर्देहवद्भिरिवान्तकः ॥ ६.५९.३० ॥
That lord of the rākṣasas shines, surrounded by blazing, terrible-looking, fierce embodied beings, like Death himself in bodily form.
6.59.31
दिष्ट्यायमद्य पापात्मा मम दृष्टिपथं गतः।
अद्य क्रोधं विमोक्ष्यामि सीताहरणसम्भवम् ॥ ६.५९.३१ ॥
By good fortune this sinful one has come into my sight today. Today I will release the anger born of Sītā's abduction.
6.59.32
एवमुक्त्वा ततो रामो धनुरादाय वीर्यवान्।
लक्ष्मणानुचरस्तस्थौ समुद्धृत्य शरोत्तमम् ॥ ६.५९.३२ ॥
Having spoken thus, the mighty Rāma took up his bow, stood with Lakṣmaṇa at his side, and raised an excellent arrow.
6.59.33
ततः स रक्षोधिपतिर्महात्मा
रक्षांसि तान्याह महाबलानि।
द्वारेषु चर्यागृहगोपुरेषु
सुनिर्वृतास्तिष्ठत निर्विशङ्काः ॥ ६.५९.३३ ॥
Then that great-souled lord of the rākṣasas said to those mighty rākṣasas: "Stand at the gates, in the watch-houses and the towers, fully at ease and without fear."
6.59.34
इहागतं मां सहितं भवद्भि-
र्वनौकसश्छिद्रमिदं विदित्वा।
शून्यां पुरीं दुष्प्रसहां प्रमथ्य
प्रधर्षयेयुः सहसा समेताः ॥ ६.५९.३४ ॥
Having come here with all of you, the forest-dwelling monkeys, knowing this weakness, might gather and suddenly crush and assault this empty city, hard to take.
6.59.35
विसर्जयित्वा सचिवांस्ततस्तान्
गतेषु रक्षःसु यथानियोगम्।
व्यदारयद् वानरसागरौघं
महाझषः पूर्णमिवार्णवौघम् ॥ ६.५९.३५ ॥
Then, having dismissed those ministers, and the rākṣasas having gone as ordered, he tore through the flood of the sea of monkeys, as a great fish tears through the flood of a full ocean.
6.59.36
तमापतन्तं सहसा समीक्ष्य
दीप्तेषुचापं युधि राक्षसेन्द्रम्।
महत् समुत्पाट्य महीधराग्रं
दुद्राव रक्षोधिपतिं हरीशः ॥ ६.५९.३६ ॥
Seeing the lord of the rākṣasas suddenly charging at him in battle, with blazing arrows and bow, the lord of the monkeys uprooted a great mountain peak and rushed at the lord of the rākṣasas.
6.59.37
तच्छैलशृङ्गं बहुवृक्षसानुं
प्रगृह्य चिक्षेप निशाचराय।
तमापतन्तं सहसा समीक्ष्य
चिच्छेद बाणैस्तपनीयपुङ्खैः ॥ ६.५९.३७ ॥
Lifting that mountain peak with many trees on its slopes, he hurled it at the night-wanderer; and seeing it suddenly charging at him, the rākṣasa cut it through with arrows feathered with gold.
6.59.38
तस्मिन् प्रवृद्धोत्तमसानुवृक्षे
शृङ्गे विदीर्णे पतिते पृथिव्याम्।
महाहिकल्पं शरमन्तकाभं
समादधे राक्षसलोकनाथः ॥ ६.५९.३८ ॥
When that peak, with tall trees on its excellent slopes, was shattered and fell to the earth, the lord of the rākṣasa world fitted to his bow an arrow like a great serpent, resembling Death.
6.59.39
स तं गृहीत्वानिलतुल्यवेगं
सविस्फुलिङ्गज्वलनप्रकाशम्।
बाणं महेन्द्राशनितुल्यवेगं
चिक्षेप सुग्रीववधाय रुष्टः ॥ ६.५९.३९ ॥
Enraged, he seized that arrow, swift as the wind, shining like blazing fire with sparks, equal in speed to Indra's thunderbolt, and hurled it to kill Sugrīva.
6.59.40
स सायको रावणबाहुमुक्तः
शक्राशनिप्रख्यवपुःप्रकाशम्।
सुग्रीवमासाद्य बिभेद वेगाद्
गुहेरिता क्रौञ्चमिवोग्रशक्तिः ॥ ६.५९.४० ॥
That arrow, released from Rāvaṇa's arm, its body shining like Indra's thunderbolt, reached Sugrīva and pierced him with force, as the fierce spear sent forth by Guha pierced the Krauñca mountain.
6.59.41
स सायकार्तो विपरीतचेताः
कूजन् पृथिव्यां निपपात वीरः।
तं वीक्ष्य भूमौ पतितं विसंज्ञं
नेदुः प्रहृष्टा युधि यातुधानाः ॥ ६.५९.४१ ॥
Afflicted by the arrow, his mind confused, the hero cried out and fell to the ground. Seeing him fallen on the earth, unconscious, the delighted rākṣasas roared in battle.
6.59.42
ततो गवाक्षो गवयः सुषेण-
स्त्वथर्षभो ज्योतिमुखो नलश्च।
शैलान् समुत्पाट्य विवृद्धकायाः
प्रदुद्रुवुस्तं प्रति राक्षसेन्द्रम् ॥ ६.५९.४२ ॥
Then Gavākṣa, Gavaya, Suṣeṇa, Ṛṣabha, Jyotimukha and Nala, uprooting mountain peaks and with their bodies enlarged, rushed toward the lord of the rākṣasas.
6.59.43
तेषां प्रहारान् स चकार मोघान्
रक्षोधिपो बाणशतैः शिताग्रैः।
तान् वानरेन्द्रानपि बाणजालै-
र्बिभेद जाम्बूनदचित्रपुङ्खैः ॥ ६.५९.४३ ॥
The lord of the rākṣasas rendered their blows ineffective with hundreds of sharp-pointed arrows, and pierced those chiefs of the vānaras too with a net of arrows whose feathers were adorned with gold.
6.59.44
ते वानरेन्द्रास्त्रिदशारिबाणै-
र्भिन्ना निपेतुर्भुवि भीमकायाः।
ततस्तु तद् वानरसैन्यमुग्रं
प्रच्छादयामास स बाणजालैः ॥ ६.५९.४४ ॥
Pierced by the arrows of the enemy of the gods, those vānara lords of terrible bodies fell to the ground. Then he covered that fierce vānara army with a net of arrows.
6.59.45
ते वध्यमानाः पतिताश्च वीरा
नानद्यमाना भयशल्यविद्धाः।
शाखामृगा रावणसायकार्ता
जग्मुः शरण्यं शरणं स्म रामम् ॥ ६.५९.४५ ॥
Slain and fallen, those heroes, pierced by the dart of fear, crying out and tormented by Rāvaṇa's arrows, went for refuge to Rāma, who is worthy of refuge.
6.59.46
ततो महात्मा स धनुर्धनुष्मा-
नादाय रामः सहसा जगाम।
तं लक्ष्मणः प्राञ्जलिरभ्युपेत्य
उवाच रामं परमार्थयुक्तम् ॥ ६.५९.४६ ॥
Then the great-souled Rāma, taking up his bow, suddenly advanced. Lakṣmaṇa approached him with folded hands and spoke to Rāma, who was intent on the supreme purpose.
6.59.47
काममार्य सुपर्याप्तो वधायास्य दुरात्मनः।
विधमिष्याम्यहं चैतमनुजानीहि मां विभो ॥ ६.५९.४७ ॥
Noble one, I am fully able to slay this evil-minded one. I will certainly destroy him. O mighty one, grant me your permission.
6.59.48
तमब्रवीन्महातेजा रामः सत्यपराक्रमः।
गच्छ यत्नपरश्चापि भव लक्ष्मण संयुगे ॥ ६.५९.४८ ॥
Then Rāma, of great splendor and true valor, said to him: "Go, Lakṣmaṇa, and be intent on your effort in the battle."
6.59.49
रावणो हि महावीर्यो रणेऽद्भुतपराक्रमः।
त्रैलोक्येनापि संक्रुद्धो दुष्प्रसह्यो न संशयः ॥ ६.५९.४९ ॥
Rāvaṇa is of great might, of wondrous valor in battle; even if the three worlds were enraged, he is hard to withstand, there is no doubt.
6.59.50
तस्यच्छिद्राणि मार्गस्व स्वच्छिद्राणि च लक्षय।
चक्षुषा धनुषाऽऽत्मानं गोपायस्व समाहितः ॥ ६.५९.५० ॥
Seek out his weak points, and watch your own. With steady attention, protect yourself with your eye and your bow.
6.59.51
राघवस्य वचः श्रुत्वा सम्परिष्वज्य पूज्य च।
अभिवाद्य च रामाय ययौ सौमित्रिराहवे ॥ ६.५९.५१ ॥
Having heard Rāghava's words, and having embraced and honored him, and having respectfully saluted Rāma, Saumitri set off for the battle.
6.59.52
स रावणं वारणहस्तबाहुं
ददर्श भीमोद्यतदीप्तचापम्।
प्रच्छादयन्तं शरवृष्टिजालै-
स्तान् वानरान् भिन्नविकीर्णदेहान् ॥ ६.५९.५२ ॥
He saw Rāvaṇa, whose arms were like elephant trunks, terrible, with his blazing bow raised, covering over those vānaras with a net of arrow-showers, their bodies broken and scattered.
6.59.53
तमालोक्य महातेजा हनूमान् मारुतात्मजः।
निवार्य शरजालानि विदुद्राव स रावणम् ॥ ६.५९.५३ ॥
Having seen him, Hanumān, the greatly radiant son of the Wind, checked the nets of arrows and rushed at Rāvaṇa.
6.59.54
रथं तस्य समासाद्य बाहुमुद्यम्य दक्षिणम्।
त्रासयन् रावणं धीमान् हनूमान् वाक्यमब्रवीत् ॥ ६.५९.५४ ॥
Coming up to his chariot, raising his right arm and frightening Rāvaṇa, the wise Hanumān spoke these words.
6.59.55
देवदानवगन्धर्वैर्यक्षैश्च सह राक्षसैः।
अवध्यत्वं त्वया प्राप्तं वानरेभ्यस्तु ते भयम् ॥ ६.५९.५५ ॥
From gods, dānavas, gandharvas, yakṣas, and rākṣasas you have obtained invulnerability; but from the vānaras there is fear for you.
6.59.56
एष मे दक्षिणो बाहुः पञ्चशाखः समुद्यतः।
विधमिष्यति ते देहे भूतात्मानं चिरोषितम् ॥ ६.५९.५६ ॥
Here is my right arm, raised like a five-branched tree. It will crush the life-breath that has long dwelt in your body.
6.59.57
श्रुत्वा हनूमतो वाक्यं रावणो भीमविक्रमः।
संरक्तनयनः क्रोधादिदं वचनमब्रवीत् ॥ ६.५९.५७ ॥
Hearing Hanumān's words, Rāvaṇa of terrible valour, his eyes reddened with anger, spoke these words.
6.59.58
क्षिप्रं प्रहर निःशङ्कं स्थिरां कीर्तिमवाप्नुहि।
ततस्त्वां ज्ञातविक्रान्तं नाशयिष्यामि वानर ॥ ६.५९.५८ ॥
Strike quickly and without fear, and win lasting fame. Then, O monkey, I shall destroy you, whose valour is known.
6.59.59
रावणस्य वचः श्रुत्वा वायुसूनुर्वचोऽब्रवीत्।
प्रहतं हि मया पूर्वमक्षं तव सुतं स्मर ॥ ६.५९.५९ ॥
Hearing Rāvaṇa's words, the son of the Wind said: "Remember, I have already struck down your son Akṣa."
6.59.60
एवमुक्तो महातेजा रावणो राक्षसेश्वरः।
आजघानानिलसुतं तलेनोरसि वीर्यवान् ॥ ६.५९.६० ॥
Thus addressed, Rāvaṇa, the mighty lord of the rākṣasas of great radiance, struck the son of the Wind on the chest with his open palm.
6.59.61
स तलाभिहतस्तेन चचाल च मुहुर्मुहुः।
स्थितो मुहूर्तं तेजस्वी स्थैर्यं कृत्वा महामतिः ॥ ६.५९.६१ ॥
Struck by that palm-blow, he reeled again and again; yet the radiant, great-minded one stood firm for a moment, steadying himself.
6.59.62
आजघान च संक्रुद्धस्तलेनैवामरद्विषम्।
ततः स तेनाभिहतो वानरेण महात्मना ॥ ६.५९.६२ ॥
Enraged, he struck the enemy of the gods with his open palm. Then, struck by that great-souled monkey,
6.59.63
दशग्रीवः समाधूतो यथा भूमितलेऽचलः।
संग्रामे तं तथा दृष्ट्वा रावणं तलताडितम् ॥ ६.५९.६३ ॥
Like a mountain on the ground, Rāvaṇa, the ten-necked one, was thoroughly shaken; seeing Rāvaṇa struck by the palm in battle,
6.59.64
ऋषयो वानराः सिद्धा नेदुर्देवाः सहासुरैः।
अथाश्वस्य महातेजा रावणो वाक्यमब्रवीत् ॥ ६.५९.६४ ॥
The sages, monkeys, perfected beings and gods, together with the asuras, roared aloud. Then the greatly radiant Rāvaṇa, having recovered, spoke these words:
6.59.65
साधु वानर वीर्येण श्लाघनीयोऽसि मे रिपुः।
रावणेनैवमुक्तस्तु मारुतिर्वाक्यमब्रवीत् ॥ ६.५९.६५ ॥
"Well done, monkey, for your valor! Though you are my enemy, you are praiseworthy." When Rāvaṇa had spoken thus, Hanumān replied with these words:
6.59.66
धिगस्तु मम वीर्यस्य यत् त्वं जीवसि रावण।
सकृत् तु प्रहरेदानीं दुर्बुद्धे किं विकत्थसे ॥ ६.५९.६६ ॥
"Shame on my valor, that you, Rāvaṇa, are still alive! Let me strike you once more now, O fool! Why do you boast?"
6.59.67
ततस्त्वां मामको मुष्टिर्नयिष्यति यमक्षयम्।
ततो मारुतिवाक्येन कोपस्तस्य प्रजज्वले ॥ ६.५९.६७ ॥
"Then this fist of mine will take you to the abode of Yama." At Hanumān's words, his anger blazed up.
6.59.68
संरक्तनयनो यत्नान्मुष्टिमावृत्य दक्षिणम्।
पातयामास वेगेन वानरोरसि वीर्यवान् ॥ ६.५९.६८ ॥
With reddened eyes, the mighty one, straining, clenched his right fist and struck the monkey's chest with force.
6.59.69
हनूमान् वक्षसि व्यूढे संचचाल पुनः पुनः।
विह्वलं तु तदा दृष्ट्वा हनूमन्तं महाबलम् ॥ ६.५९.६९ ॥
When the blow struck his chest, Hanumān swayed again and again; and seeing the mighty Hanumān so dazed, (all were stunned).
6.59.70
रथेनातिरथः शीघ्रं नीलं प्रति समभ्यगात्।
राक्षसानामधिपतिर्दशग्रीवः प्रतापवान् ॥ ६.५९.७० ॥
The great charioteer, lord of the rākṣasas, the valiant ten-necked one, swiftly advanced on his chariot toward Nīla.
6.59.71
पन्नगप्रतिमैर्भीमैः परमर्माभिभेदनैः।
शरैरादीपयामास नीलं हरिचमूपतिम् ॥ ६.५९.७१ ॥
With terrible arrows like serpents, piercing the vital parts, he set Nīla, commander of the monkey host, aflame.
6.59.72
स शरौघसमायस्तो नीलो हरिचमूपतिः।
करेणैकेन शैलाग्रं रक्षोधिपतयेऽसृजत् ॥ ६.५९.७२ ॥
Encircled by a flood of arrows, Nīla, commander of the monkey host, with a single hand hurled a mountain peak at the lord of the rākṣasas.
6.59.73
हनूमानपि तेजस्वी समाश्वस्तो महामनाः।
विप्रेक्षमाणो युद्धेप्सुः सरोषमिदमब्रवीत् ॥ ६.५९.७३ ॥
Radiant and great-hearted Hanumān, too, recovering and desiring battle, looking about, spoke these words angrily.
6.59.74
नीलेन सह संयुक्तं रावणं राक्षसेश्वरम्।
अन्येन युध्यमानस्य न युक्तमभिधावनम् ॥ ६.५९.७४ ॥
It was not fitting to rush upon Rāvaṇa, lord of the rākṣasas, who was engaged with Nīla and fighting another.
6.59.75
रावणोऽथ महातेजास्तं शृङ्गं सप्तभिः शरैः।
आजघान सुतीक्ष्णाग्रैस्तद् विकीर्णं पपात ह ॥ ६.५९.७५ ॥
Then Rāvaṇa, of great splendor, struck that peak with seven very sharp arrows, and it fell shattered.
6.59.76
तद् विकीर्णं गिरेः शृङ्गं दृष्ट्वा हरिचमूपतिः।
कालाग्निरिव जज्वाल कोपेन परवीरहा ॥ ६.५९.७६ ॥
Seeing that peak of the mountain shattered, the commander of the monkey host, slayer of enemy heroes, blazed with anger like the fire of time.
6.59.77
सोऽश्वकर्णद्रुमान् शालांश्चूतांश्चापि सुपुष्पितान्।
अन्यांश्च विविधान् वृक्षान् नीलश्चिक्षेप संयुगे ॥ ६.५९.७७ ॥
Nīla, in the battle, hurled aśvakarṇa trees, sāla trees, mango trees in full blossom, and many other kinds of trees.
6.59.78
स तान् वृक्षान् समासाद्य प्रतिचिच्छेद रावणः।
अभ्यवर्षच्च घोरेण शरवर्षेण पावकिम् ॥ ६.५९.७८ ॥
Rāvaṇa reached those trees and cut them down, then rained a terrible shower of arrows upon Pāvaki (Nīla).
6.59.79
अभिवृष्टः शरौघेण मेघेनेव महाचलः।
ह्रस्वं कृत्वा ततो रूपं ध्वजाग्रे निपपात ह ॥ ६.५९.७९ ॥
Showered with a flood of arrows, like a great mountain hidden by clouds, he made his form small and alighted on the tip of the banner.
6.59.80
पावकात्मजमालोक्य ध्वजाग्रे समवस्थितम्।
जज्वाल रावणः क्रोधात् ततो नीलो ननाद च ॥ ६.५९.८० ॥
Seeing the son of Fire standing firm at the tip of the banner, Rāvaṇa blazed with anger; then Nīla roared.
6.59.81
ध्वजाग्रे धनुषश्चाग्रे किरीटाग्रे च तं हरिम्।
लक्ष्मणोऽथ हनूमांश्च रामश्चापि सुविस्मिताः ॥ ६.५९.८१ ॥
Seeing that monkey at the tip of the banner, at the tip of the bow, and at the tip of the diadem, Lakṣmaṇa, Hanumān and Rāma too were greatly astonished.
6.59.82
रावणोऽपि महातेजाः कपिलाघवविस्मितः।
अस्त्रमाहारयामास दीप्तमाग्नेयमद्भुतम् ॥ ६.५९.८२ ॥
Rāvaṇa, of great splendour, also astonished at the monkey's agility, summoned a blazing, wondrous fire-born weapon.
6.59.83
ततस्ते चुक्रुशुर्हृष्टा लब्धलक्षाः प्लवंगमाः।
नीललाघवसम्भ्रान्तं दृष्ट्वा रावणमाहवे ॥ ६.५९.८३ ॥
Then the delighted monkeys, having hit their mark, shouted aloud as they saw Rāvaṇa flustered in battle by Nīla's agility.
6.59.84
वानराणां च नादेन संरब्धो रावणस्तदा।
सम्भ्रमाविष्टहृदयो न किंचित् प्रत्यपद्यत ॥ ६.५९.८४ ॥
Enraged by the roaring of the monkeys, Rāvaṇa was then at a loss, his heart overcome with confusion, and he could find no response at all.
6.59.85
आग्नेयेनापि संयुक्तं गृहीत्वा रावणः शरम्।
ध्वजशीर्षस्थितं नीलमुदैक्षत निशाचरः ॥ ६.५९.८५ ॥
Taking up an arrow charged with the fire-weapon, the night-roamer Rāvaṇa looked at Nīla standing on the top of the banner.
6.59.86
ततोऽब्रवीन्महातेजा रावणो राक्षसेश्वरः।
कपे लाघवयुक्तोऽसि मायया परया सह ॥ ६.५९.८६ ॥
Then Rāvaṇa, lord of the rākṣasas, of great splendour, spoke: "O monkey, you are agile, together with a supreme illusion."
6.59.87
जीवितं खलु रक्षस्व यदि शक्तोऽसि वानर।
तानि तान्यात्मरूपाणि सृजसि त्वमनेकशः ॥ ६.५९.८७ ॥
"O monkey, if you are able, protect your life indeed; you create those many forms of yourself again and again."
6.59.88
तथापि त्वां मया मुक्तः सायकोऽस्त्रप्रयोजितः।
जीवितं परिरक्षन्तं जीविताद् भ्रंशयिष्यति ॥ ६.५९.८८ ॥
"Nevertheless, the arrow released by me, impelled by the weapon, will cause you, who guard your life, to fall from life."
6.59.89
एवमुक्त्वा महाबाहू रावणो राक्षसेश्वरः।
संधाय बाणमस्त्रेण चमूपतिमताडयत् ॥ ६.५९.८९ ॥
Having spoken thus, Rāvaṇa, lord of the rākṣasas, mighty-armed, fitting an arrow with the weapon, struck the commander of the army.
6.59.90
सोऽस्त्रमुक्तेन बाणेन नीलो वक्षसि ताडितः।
निर्दह्यमानः सहसा स पपात महीतले ॥ ६.५९.९० ॥
Nīla, struck on the chest by the arrow released with the weapon, burning, suddenly fell to the ground.
6.59.91
पितृमाहात्म्यसंयोगादात्मनश्चापि तेजसा।
जानुभ्यामपतद् भूमौ न तु प्राणैर्वियुज्यत ॥ ६.५९.९१ ॥
By the union with his father's greatness and also by his own splendour, he fell to the ground on his knees, but was not separated from his life-breath.
6.59.92
विसंज्ञं वानरं दृष्ट्वा दशग्रीवो रणोत्सुकः।
रथेनाम्बुदनादेन सौमित्रिमभिदुद्रुवे ॥ ६.५९.९२ ॥
Seeing the monkey senseless, Ravana, the ten-necked one, eager for battle, rushed in his chariot, its sound like thundering clouds, straight at Saumitri.
6.59.93
आसाद्य रणमध्ये तं वारयित्वा स्थितो ज्वलन्।
धनुर्विस्फारयामास राक्षसेन्द्रः प्रतापवान् ॥ ६.५९.९३ ॥
Having reached Lakshmana in the midst of battle and blocking his way, the mighty lord of the rakshasas stood blazing and drew his bow wide.
6.59.94
तमाह सौमित्रिरदीनसत्त्वो
विस्फारयन्तं धनुरप्रमेयम्।
अवेहि मामद्य निशाचरेन्द्र
न वानरांस्त्वं प्रतियोद्धुमर्हसि ॥ ६.५९.९४ ॥
Lakṣmaṇa, of undaunted courage, said to him as he drew his immeasurable bow: 'Lord of the night-wanderers, know that today you face me. It is not fitting for you to fight the monkeys.'
6.59.95
स तस्य वाक्यं प्रतिपूर्णघोषं
ज्याशब्दमुग्रं च निशम्य राजा।
आसाद्य सौमित्रिमुपस्थितं तं
रोषान्वितं वाचमुवाच रक्षः ॥ ६.५९.९५ ॥
Hearing his resounding words and the fierce twang of the bowstring, the king drew near to Lakṣmaṇa where he stood, and the rakshasa, filled with rage, spoke these words.
6.59.96
दिष्ट्यासि मे राघव दृष्टिमार्गं
प्राप्तोऽन्तगामी विपरीतबुद्धिः।
अस्मिन् क्षणे यास्यसि मृत्युलोकं
संसाद्यमानो मम बाणजालैः ॥ ६.५९.९६ ॥
'Raghava, by good fortune you have come within my sight, you of perverse understanding, you who are heading to your end! In this very moment, overwhelmed by the net of my arrows, you will go to the world of death.'
6.59.97
तमाह सौमित्रिरविस्मयानो
गर्जन्तमुद्वृत्तशिताग्रदंष्ट्रम्।
राजन् न गर्जन्ति महाप्रभावा
विकत्थसे पापकृतां वरिष्ठ ॥ ६.५९.९७ ॥
Unastonished, Lakṣmaṇa said to him as he roared, his sharp fangs bared: "O king, those of great power do not roar. Foremost of evildoers, you boast."
6.59.98
जानामि वीर्यं तव राक्षसेन्द्र
बलं प्रतापं च पराक्रमं च।
अवस्थितोऽहं शरचापपाणि-
रागच्छ किं मोघविकत्थनेन ॥ ६.५९.९८ ॥
"O lord of the rākṣasas, I know your valor, strength, prowess and courage. I stand here with bow and arrow in hand. Come—what use is vain boasting?"
6.59.99
स एवमुक्तः कुपितः ससर्ज
रक्षोधिपः सप्त शरान् सुपुङ्खान्।
ताँल्लक्ष्मणः काञ्चनचित्रपुङ्खै-
श्चिच्छेद बाणैर्निशिताग्रधारैः ॥ ६.५९.९९ ॥
Thus addressed, the enraged lord of the rākṣasas loosed seven well-feathered arrows. Lakṣmaṇa cut them down with arrows bearing golden, variegated feathers and keen-edged points.
6.59.100
तान् प्रेक्षमाणः सहसा निकृत्तान्
निकृत्तभोगानिव पन्नगेन्द्रान्।
लङ्केश्वरः क्रोधवशं जगाम
ससर्ज चान्यान् निशितान् पृषत्कान् ॥ ६.५९.१०० ॥
Seeing them suddenly cut down, like great serpents with their coils severed, the lord of Laṅkā gave way to anger and loosed other sharp arrows.
6.59.101
स बाणवर्षं तु ववर्ष तीव्रं
रामानुजः कार्मुकसम्प्रयुक्तम्।
क्षुरार्धचन्द्रोत्तमकर्णिभल्लैः
शरांश्च चिच्छेद न चुक्षुभे च ॥ ६.५९.१०१ ॥
That fierce shower of arrows loosed from the bow, Rāma's younger brother Lakṣmaṇa cut down with razor, crescent, fine-eared and bhalla arrows, and he was not disturbed.
6.59.102
स बाणजालान्यपि तानि तानि
मोघानि पश्यंस्त्रिदशारिराजः।
विसिस्मिये लक्ष्मणलाघवेन
पुनश्च बाणान् निशितान् मुमोच ॥ ६.५९.१०२ ॥
Seeing all those volleys of his arrows come to nothing, the king of the enemies of the gods was astonished at Lakṣmaṇa's swiftness, and again he released sharp arrows.
6.59.103
स लक्ष्मणश्चापि शिताञ् शिताग्रान्
महेन्द्रतुल्योऽशनिभीमवेगान्।
संधाय चापे ज्वलनप्रकाशान्
ससर्ज रक्षोधिपतेर्वधाय ॥ ६.५९.१०३ ॥
Lakṣmaṇa, equal to great Indra, also fitted to his bow sharp-pointed arrows, terrible in speed like thunderbolts and blazing like fire, and loosed them to slay the lord of the rākṣasas.
6.59.104
स तान् प्रचिच्छेद हि राक्षसेन्द्रः
शिताञ् शराल्ँ लक्ष्मणमाजघान।
शरेण कालाग्निसमप्रभेण
स्वयंभुदत्तेन ललाटदेशे ॥ ६.५९.१०४ ॥
The lord of the rākṣasas cut those arrows to pieces, and struck Lakṣmaṇa with a single arrow, radiant like the fire at the end of the age, given by Svayambhū (Brahmā), which struck his forehead.
6.59.105
स लक्ष्मणो रावणसायकार्त-
श्चचाल चापं शिथिलं प्रगृह्य।
पुनश्च संज्ञां प्रतिलभ्य कृच्छ्रा-
च्चिच्छेद चापं त्रिदशेन्द्रशत्रोः ॥ ६.५९.१०५ ॥
Lakṣmaṇa, afflicted by Rāvaṇa's arrow, staggered, holding his loosened bow; then, with difficulty, regaining his senses, he cut the bow of the enemy of Indra.
6.59.106
निकृत्तचापं त्रिभिराजघान
बाणैस्तदा दाशरथिः शिताग्रैः।
स सायकार्तो विचचाल राजा
कृच्छ्राच्च संज्ञां पुनराससाद ॥ ६.५९.१०६ ॥
When his bow was cut, the son of Daśaratha struck him with three sharp-pointed arrows; the king, afflicted by the arrow, swayed, and with difficulty regained his senses.
6.59.107
स कृत्तचापः शरताडितश्च
मेदार्द्रगात्रो रुधिरावसिक्तः।
जग्राह शक्तिं स्वयमुग्रशक्तिः
स्वयंभुदत्तां युधि देवशत्रुः ॥ ६.५९.१०७ ॥
With his bow cut, struck by arrows, his body soaked in marrow and blood, that fiercely powerful enemy of the gods himself seized in battle the spear given by Svayambhū.
6.59.108
स तां सधूमानलसंनिकाशां
वित्रासनां संयति वानराणाम्।
चिक्षेप शक्तिं तरसा ज्वलन्तीं
सौमित्रये राक्षसराष्ट्रनाथः ॥ ६.५९.१०८ ॥
The lord of the rākṣasa realm hurled with force at Saumitri that blazing spear, like a smoky fire, which terrifies the monkeys in battle.
6.59.109
तामापतन्तीं भरतानुजोऽस्त्रै-
र्जघान बाणैश्च हुताग्निकल्पैः।
तथापि सा तस्य विवेश शक्ति-
र्भुजान्तरं दाशरथेर्विशालम् ॥ ६.५९.१०९ ॥
Bharata's younger brother struck that approaching spear with weapons and with arrows like sacrificial fire, yet it pierced into the broad space between the arms of Dāśaratha's son.
6.59.110
स शक्तिमाञ् शक्तिसमाहतः सन्
जज्वाल भूमौ स रघुप्रवीरः।
तं विह्वलन्तं सहसाभ्युपेत्य
जग्राह राजा तरसा भुजाभ्याम् ॥ ६.५९.११० ॥
Struck by the spear, that hero of the Raghus blazed and fell to the ground; the king suddenly came near, swiftly seized him reeling, and held him with both arms.
6.59.111
हिमवान् मन्दरो मेरुस्त्रैलोक्यं वा सहामरैः।
शक्यं भुजाभ्यामुद्धर्तुं न शक्यो भरतानुजः ॥ ६.५९.१११ ॥
The Himālaya, Mandara, Meru, or the three worlds together with the gods, might be lifted up with the arms; but Bharata's younger brother cannot be lifted.
6.59.112
शक्त्या ब्राह्म्या तु सौमित्रिस्ताडितोऽपि स्तनान्तरे।
विष्णोरमीमांस्यभागमात्मानं प्रत्यनुस्मरत् ॥ ६.५९.११२ ॥
Though struck in the chest by Brahmā's spear, Saumitri remembered himself as the immeasurable portion of Viṣṇu.
6.59.113
ततो दानवदर्पघ्नं सौमित्रिं देवकण्टकः।
तं पीडयित्वा बाहुभ्यां न प्रभुर्लङ्घनेऽभवत् ॥ ६.५९.११३ ॥
Then that rākṣasa, a thorn to the gods, pressed down Saumitri, destroyer of the pride of the Dānavas, with both arms, but was not able to lift him.
6.59.114
ततः क्रुद्धो वायुसुतो रावणं समभिद्रवत्।
आजघानोरसि क्रुद्धो वज्रकल्पेन मुष्टिना ॥ ६.५९.११४ ॥
Then the enraged son of the Wind rushed at Rāvaṇa and in anger struck his chest with a fist like a thunderbolt.
6.59.115
तेन मुष्टिप्रहारेण रावणो राक्षसेश्वरः।
जानुभ्यामगमद् भूमौ चचाल च पपात च ॥ ६.५९.११५ ॥
By that blow of the fist, Rāvaṇa, lord of the rākṣasas, went down on his knees to the ground; he reeled and fell.
6.59.116
आस्यैश्च नेत्रैः श्रवणैः पपात रुधिरं बहु।
विघूर्णमानो निश्चेष्टो रथोपस्थ उपाविशत् ॥ ६.५९.११६ ॥
Blood poured copiously from his mouth, eyes and ears; reeling and motionless, he sat down on the floor of his chariot.
6.59.117
विसंज्ञो मूर्च्छितश्चासीन्न च स्थानं समालभत्।
विसंज्ञं रावणं दृष्ट्वा समरे भीमविक्रमम् ॥ ६.५९.११७ ॥
He lost consciousness and fainted, unable even to keep his place. Seeing Rāvaṇa, of terrible valour in battle, senseless—
6.59.118
ऋषयो वानराश्चैव नेदुर्देवाश्च सासुराः।
हनूमानथ तेजस्वी लक्ष्मणं रावणार्दितम् ॥ ६.५९.११८ ॥
Sages, monkeys, gods and asuras alike roared out. Then radiant Hanumān saw Lakṣmaṇa, tormented by Rāvaṇa.
6.59.119
आनयद् राघवाभ्याशं बाहुभ्यां परिगृह्य तम्।
वायुसूनोः सुहृत्त्वेन भक्त्या परमया च सः।
शत्रूणामप्यकम्प्योऽपि लघुत्वमगमत् कपेः ॥ ६.५९.११९ ॥
Taking him up in both arms, Hanumān brought him near Rāghava. Through the friendship and supreme devotion of the son of the Wind, he who could not be shaken even by enemies became light for that monkey.
6.59.120
तं समुत्सृज्य सा शक्तिः सौमित्रिं युधि निर्जितम्।
रावणस्य रथे तस्मिन् स्थानं पुनरुपागमत् ॥ ६.५९.१२० ॥
Having released Lakṣmaṇa, the son of Sumitrā, who had been defeated in battle, that spear returned once more to its place in Rāvaṇa's chariot.
6.59.121
रावणोऽपि महातेजाः प्राप्य संज्ञां महाहवे।
आददे निशितान् बाणाञ्जग्राह च महद्धनुः ॥ ६.५९.१२१ ॥
Rāvaṇa too, of great splendor, regained his senses in that great battle, took up sharp arrows, and seized his great bow.
6.59.122
आश्वस्तश्च विशल्यश्च लक्ष्मणः शत्रुसूदनः।
विष्णोर्भागममीमांस्यमात्मानं प्रत्यनुस्मरन् ॥ ६.५९.१२२ ॥
Lakṣmaṇa, destroyer of enemies, was restored and freed from the spear's wound, and as a portion of Viṣṇu he recalled his own immeasurable nature.
6.59.123
निपातितमहावीरां वानराणां महाचमूम्।
राघवस्तु रणे दृष्ट्वा रावणं समभिद्रवत् ॥ ६.५९.१२३ ॥
Seeing the great heroes of the vast monkey army felled in battle, Rāghava rushed toward Rāvaṇa.
6.59.124
अथैनमनुसंक्रम्य हनूमान् वाक्यमब्रवीत्।
मम पृष्ठं समारुह्य राक्षसं शास्तुमर्हसि ॥ ६.५९.१२४ ॥
Then Hanumān drew near to him and spoke these words: "Mount upon my back and subdue this rākṣasa."
6.59.125
विष्णुर्यथा गरुत्मन्तमारुह्यामरवैरिणम्।
तच्छ्रुत्वा राघवो वाक्यं वायुपुत्रेण भाषितम् ॥ ६.५९.१२५ ॥
As Viṣṇu mounts Garuḍa to confront the enemy of the gods, so Rāghava, having heard these words spoken by the son of the Wind, mounted.
6.59.126
अथारुरोह सहसा हनूमन्तं महाकपिम्।
रथस्थं रावणं संख्ये ददर्श मनुजाधिपः ॥ ६.५९.१२६ ॥
Then he suddenly mounted the great monkey Hanumān, and the lord of men saw Rāvaṇa standing on his chariot in battle.
6.59.127
तमालोक्य महातेजाः प्रदुद्राव स रावणम्।
वैरोचनमिव क्रुद्धो विष्णुरभ्युद्यतायुधः ॥ ६.५९.१२७ ॥
Seeing him, the greatly radiant one rushed toward Rāvaṇa, like an enraged Viṣṇu with weapon raised charging at Bali, son of Virocana.
6.59.128
ज्याशब्दमकरोत् तीव्रं वज्रनिष्पेषनिष्ठुरम्।
गिरा गम्भीरया रामो राक्षसेन्द्रमुवाच ह ॥ ६.५९.१२८ ॥
Rāma made a fierce twang of the bowstring, harsh as the crash of thunderbolts, and with a deep voice spoke to the lord of rākṣasas.
6.59.129
तिष्ठ तिष्ठ मम त्वं हि कृत्वा विप्रियमीदृशम्।
क्व नु राक्षसशार्दूल गत्वा मोक्षमवाप्स्यसि ॥ ६.५९.१२९ ॥
"Stop, stop! Having wronged me so, where, O tiger among rākṣasas, will you go to find escape?"
6.59.130
यदीन्द्रवैवस्वतभास्करान् वा
स्वयंभुवैश्वानरशंकरान् वा।
गमिष्यसि त्वं दशधा दिशो वा
तथापि मे नाद्य गतो विमोक्ष्यसे ॥ ६.५९.१३० ॥
Even if you go to Indra, to Yama son of Vivasvān, to the Sun, to Svayambhū, to Vaiśvānara, or to Śaṅkara, or flee in all ten directions, you will not be released from me today.
6.59.131
यश्चैष शक्त्या निहतस्त्वयाद्य
गच्छन् विषादं सहसाभ्युपेत्य।
स एष रक्षोगणराज मृत्युः
सपुत्रपौत्रस्य तवाद्य युद्धे ॥ ६.५९.१३१ ॥
He whom you struck down today with your spear, who came suddenly upon you in grief, is the death of the lord of the rākṣasa hosts; today in battle he is death to you, together with your sons and grandsons.
6.59.132
एतेन चात्यद्भुतदर्शनानि
शरैर्जनस्थानकृतालयानि।
चतुर्दशान्यात्तवरायुधानि
रक्षःसहस्राणि निषूदितानि ॥ ६.५९.१३२ ॥
By him were slain, with arrows, the fourteen thousand rākṣasas who dwelt in Janasthāna, of marvelously terrible forms and bearing excellent weapons.
6.59.133
राघवस्य वचः श्रुत्वा राक्षसेन्द्रो महाबलः।
वायुपुत्रं महावेगं वहन्तं राघवं रणे ॥ ६.५९.१३३ ॥
Having heard the words of Rāghava, the mighty lord of the rākṣasas saw the son of the Wind, of great speed, carrying Rāghava in battle.
6.59.134
रोषेण महताऽऽविष्टः पूर्ववैरमनुस्मरन्।
आजघान शरैर्दीप्तैः कालानलशिखोपमैः ॥ ६.५९.१३४ ॥
Seized by great anger, recalling their old enmity, he struck him with blazing arrows like the flames of the fire of death.
6.59.135
राक्षसेनाहवे तस्य ताडितस्यापि सायकैः।
स्वभावतेजोयुक्तस्य भूयस्तेजोऽभ्यवर्धत ॥ ६.५९.१३५ ॥
Though struck by the arrows of the rākṣasa in battle, his splendor, which was naturally radiant, grew yet greater.
6.59.136
ततो रामो महातेजा रावणेन कृतव्रणम्।
दृष्ट्वा प्लवगशार्दूलं क्रोधस्य वशमेयिवान् ॥ ६.५९.१३६ ॥
Then Rāma of great radiance, seeing the tiger among monkeys wounded by Rāvaṇa, fell under the power of anger.
6.59.137
तस्याभिसंक्रम्य रथं सचक्रं
साश्वध्वजच्छत्रमहापताकम्।
ससारथिं साशनिशूलखड्गं
रामः प्रचिच्छेद शितैः शराग्रैः ॥ ६.५९.१३७ ॥
Approaching his chariot, with its wheels, horses, banners, parasol and great pennants, its charioteer, and its thunderbolts, spears and swords, Rāma cut it to pieces with the points of sharp arrows.
6.59.138
अथेन्द्रशत्रुं तरसा जघान
बाणेन वज्राशनिसंनिभेन।
भुजान्तरे व्यूढसुजातरूपे
वज्रेण मेरुं भगवानिवेन्द्रः ॥ ६.५९.१३८ ॥
Then he swiftly struck the enemy of Indra with an arrow like a thunderbolt and lightning, in the broad, finely golden chest between his arms, as the blessed Indra strikes Meru with his thunderbolt.
6.59.139
यो वज्रपाताशनिसंनिपाता-
न्न चुक्षुभे नापि चचाल राजा।
स रामबाणाभिहतो भृशार्त-
श्चचाल चापं च मुमोच वीरः ॥ ६.५९.१३९ ॥
That king, who had not been shaken or moved by the falls of thunderbolts and the crash of lightning, struck by Rāma's arrow, trembled in great anguish, and the hero let go of his bow.
6.59.140
तं विह्वलन्तं प्रसमीक्ष्य रामः
समाददे दीप्तमथार्धचन्द्रम्।
तेनार्कवर्णं सहसा किरीटं
चिच्छेद रक्षोधिपतेर्महात्मा ॥ ६.५९.१४० ॥
Seeing him reeling in confusion, the great-souled Rāma took up a blazing half-moon arrow, and with it suddenly cut through the sun-colored diadem of the lord of the rākṣasas.
6.59.141
तं निर्विषाशीविषसंनिकाशं
शान्तार्चिषं सूर्यमिवाप्रकाशम्।
गतश्रियं कृत्तकिरीटकूट-
मुवाच रामो युधि राक्षसेन्द्रम् ॥ ६.५९.१४१ ॥
Rāma spoke thus in battle to the lord of the rākṣasas, who was like a venomless serpent, like the sun with extinguished flame, robbed of splendor, his crown-peak cut off.
6.59.142
कृतं त्वया कर्म महत् सुभीमं
हतप्रवीरश्च कृतस्त्वयाहम्।
तस्मात् परिश्रान्त इति व्यवस्य
न त्वां शरैर्मृत्युवशं नयामि ॥ ६.५९.१४२ ॥
You have performed a great and most terrible deed, and by slaying my heroes you have also wearied me. Therefore, judging that you are exhausted, I will not send you to the power of death with my arrows.
6.59.143
प्रयाहि जानामि रणार्दितस्त्वं
प्रविश्य रात्रिंचरराज लङ्काम्।
आश्वस्य निर्याहि रथी च धन्वी
तदा बलं प्रेक्ष्यसि मे रथस्थः ॥ ६.५९.१४३ ॥
Go! I know you are afflicted by battle. O lord of the night-wanderers, enter Laṅkā, recover yourself, and come out again with chariot and bow; then you will see my army standing in my chariot.
6.59.144
स एवमुक्तो हतदर्पहर्षो
निकृत्तचापः स हताश्वसूतः।
शरार्दितो भग्नमहाकिरीटो
विवेश लङ्कां सहसा स्म राजा ॥ ६.५९.१४४ ॥
Thus addressed, the king, his pride and joy destroyed, his bow cut, his horses and charioteer slain, afflicted by arrows, his great crown broken, suddenly entered Laṅkā.
6.59.145
तस्मिन् प्रविष्टे रजनीचरेन्द्रे
महाबले दानवदेवशत्रौ।
हरीन् विशल्यान् सह लक्ष्मणेन
चकार रामः परमाहवाग्रे ॥ ६.५९.१४५ ॥
When that mighty lord of the night-wanderers, enemy of the dānavas and devas, had entered, Rāma, together with Lakṣmaṇa, at the forefront of the great battle, freed the monkeys from their arrows.
6.59.146
तस्मिन् प्रभग्ने त्रिदशेन्द्रशत्रौ
सुरासुरा भूतगणा दिशश्च।
ससागराः सर्षिमहोरगाश्च
तथैव भूम्यम्बुचराः प्रहृष्टाः ॥ ६.५९.१४६ ॥
When that foe of the lord of the thirty gods was broken, gods and demons, the hosts of beings and the directions, together with the oceans, the sages and the great serpents, and likewise all who move on land and in water, rejoiced.